खास चेलों 2
2
चेलों तैं पवित्र आत्मा मिलण
1अर जब #व्यव 16:9-11; लैव्य 23:16 पिन्तेकुस्त का त्योवार को दिन ऐ, त वु सब बिस्वासी लोग एक जगा इकट्ठा होयां छा। 2अर अचानक आसमान बटि हवा की बड़ी सुंस्याट जन आवाज ऐ, अर जख ऊ बैठयां छा उ पूरु घौर वीं आवाजळ भरी गै। 3तब ऊंतैं आग की तरौं भौत सरी जीब दिखैनि, जु की अलग-अलग ह्वेके हरेक मनखि मा ऐके बैठि गैनी। 4अर ऊ सभ्या का सभि पवित्र आत्मा से भरपूर ह्वे गैनी। अर पवित्र आत्मा न अपणा मुताबिक ऊंतैं बोन्न की ताकत दिनी, अर वु बन्नि-बन्नि किसम की भाषा बोन्न लगि गैनी।
5अर वे बगत पर पूरि दुनियां का हरेक देस बटि यहूदी भक्त लोग यरूशलेम नगर मा रौणा छा। 6अर जब लोगु न हल्ला सुणी, त भीड़ की भीड़ इकट्ठा ह्वे गै। अर सब लोग हैरान ह्वे गैनी, किलैकि जब यू लोग बात करणा छा, त भीड़ का लोगु तैं अपणी-अपणी भाषा सुन्यौणी छै। 7-8अर लोग बड़ा हकदक अर ताजुब मा पोड़ि के बोन्न लगि गैनी, “अरे जरा यों लोगु तैं त देखा, यू लोग हमरि भाषा मा कनकै बोलि सकदिन? यू कनकै ह्वे सकदु? किलैकि यू सब लोग त गलील मुलक का छिन। जब की हम सब लोग अलग-अलग जगा का छां, फिर भि हमतै हमरि मात्रभाषा सुन्यौणी च। 9जब की हम मा बटि कुछ लोग त पारथी अर मादी मुलक का छिन, अर कुछ त मेसोपोटामिया मुलक बटि अयां छिन, अर कुछ लोग एलामी निवासी छिन। इख तक की हमरा बीच मा यहूदिया, कप्पदूकिया, पुन्तुस, अर आसिया मुलकों का रौण वळा लोग भि इख अयां छिन। 10अर कुछ लोग त फ्रूगिया अर पंफूलिया मुलक का छिन, अर कुछ त मिस्र मुलक बटि अयां। अर कुरेने नगर का आस-पास का लीबिया मुलक बटि भि, इख तक कि रोम नगर बटि भि अयां मुसाफिरों तैं भि अपणी-अपणी भाषा सुन्यौणी च, अर जु लोग पैलि बटि यहूदी छिन अर वु जौन यहूदी धरम तैं स्वीकार कैरियाली हम सभ्यों तैं भि अपणी-अपणी भाषा सुन्यौणी च। 11अर क्रेते टापू अर अरब देस बटि अयां निवासीयों तैं भि, हम सभ्यों तैं अपणी-अपणी भाषा सुन्यौणी च, कि यू सब लोग परमेस्वर का बड़ा-बड़ा कामों की बडै कना छिन। यू सब कनकै ह्वे सकदु?”
12अर यू देखि के सब लोग हकदक छा अर बड़ी उळझण मा पोड़यां छा तब ऊ एक-दुसरा बटि पूछण लगि गैनी, “आखिर मा यू सब होणु क्या च?” 13पर दुसरा लोगु न बिस्वासी लोगु को मजाक बणै के बोलि, “अरे यू त नयी दारु पी के टूंन होयां छिन।”
भीड़ खुणि पतरस को उपदेस
14तब पतरस ऊं ग्यारा चेलों का दगड़ा मा खड़ु ह्वे अर ऊँची आवाज मा ऊं लोगु कू बोन्न लगि गै कि, “हे यहूदियों अर यरूशलेम मा रौण वळा सब लोगु, कन्दूड़ खोली के मेरी बात तैं सुणा अर तुम यू जाणि ल्या कि, 15यों लोगु न दारु नि पेई, जन तुम लोग समझणा छाँ, किलैकि अभि त सुबेरे नौ ही बजणी च। 16पर या त वा बात च जैका बारा मा परमेस्वर का रैबर्या योएल न बोलि छौ। अर वा बात इन च कि,
17 #
योए 2:28-32
परमेस्वर इन बुल्दु कि,
‘आखिरी का दिनों मा इन होलु कि,
मि अपणी पवित्र आत्मा सब मनखियों तैं भरपूरी से दूयुलु,
अर तुमरा नौना अर नौनि भविष्यबाणी करला।
अर तुमरा ज्वान लोग दरसन दिखला,
अर तुमरा दाना-स्यांणा सुपन्या दिखला।
18अर ऊं दिनों मा मि अपणा सेवकों अर सेविकाओं तैं भि पवित्र आत्मा भरपूरी से देण,
अर ऊ भविष्यबाणी करला।
19अर मिन मूड़ी धरती पर ल्वे,
अर आसमान मा आग अर धुंवा का बादळों का चमत्कारिक चिन्न दिखौणिन।
20अर प्रभु का वे महान अर अदभुत दिन का औण से पैलि,
सूरज काळु अर चाँद ल्वे जन लाल ह्वे जालु,
21पर जु कुई प्रभु को नौ ल्यालु, वेतैं बचयै जालु।’
22“हे इस्राएल का लोगु, इथगा ही ना बल्किन मा मेरी यों बातों तैं भि सुणा, परमेस्वर न नासरत गौं का यीशु का द्वारा तुमरा बीच मा बड़ा-बड़ा चमत्कार का चिन्न अर भौत सरा अदभुत काम कैरिके दिखैनि। अर यों कामों से इन परमाण दिनी कि उ परमेस्वर को भेज्यूं एक मनखि च, अर वेका बारा मा तुम सब जणदा ही छाँ। 23अर पिता परमेस्वर न पैलि बटि बणईं योजना का मुताबिक वे यीशु तैं तुमरा हाथों मा सौंप दिनी, अर वेका बारा मा उ पैलि बटि जणदु छौ, अर ये ही यीशु तैं तुम लोगु न अधरमी लोगु का हवाला कैरिके वेतैं क्रूस पर चड़वै दिनी। 24पर यीशु तैं परमेस्वर न मौत का बन्धनों मा बटि छुड़ै के ज्यून्दु कैरी, किलैकि या बात ह्वे ही नि सकदी छै कि मौत वेतैं अपणा वश मा रखो। 25अर राजा दाऊद न भि वेका बारा मा इन बोलि कि,
#
भजन 16:8-11
“‘मि प्रभु तैं हमेसा अपणा समणि दिखदु,
किलैकि उ मेरी दैंणी तरफा च ताकि मि नि डगमगौ।
26इलै मेरु मन खुश च
अर मि परमेस्वर का गीत गान्दु,
अर मितैं आस च की तुम
मेरा सरील तैं बचै के रखिल्या।
27किलैकि तुम मेरा पराण तैं अधलोक मा नि छुड़ील्या,
अर ना ही अपणा पवित्र मनखि तैं कबरुन्द सड़ण दिल्या।
28अर तुमुन ही मितैं जीवन को बाटु दिखै,
अर तुमरो मेरा दगड़ा मा होण से मितैं बड़ी खुशी होलि।’”
29तब पतरस न ऊंकू इन भि बोलि कि, “हे मेरा भै-बैंणो, मि तुमतै पितर राजा दाऊद का बारा मा हिम्मत से बतै सकदु, कि पितर दाऊद त मोरि गैनी अर ऊंतैं दफनये भि गै अर ऊंकी कबर आज भि हमरा इख च। 30अर उ एक रैबर्या छौ, अर उ जणदु छौ कि #भजन 132:11; 2 शमू 7:12-13परमेस्वर की एक कसम खईं च कि उ वेका वंश मदि कै एक तैं वेकी राजगद्दी पर बैठालु। 31अर यीशु मसीह को मुरदो मा बटि ज्यून्द होण का बारा मा, होण वळी यों बातों तैं राजा दाऊद न पैलि ही देखि के बतैयालि छौ, कि पिता परमेस्वर न नऽ त वेका पराण तैं अधलोक मा छोड़ि, अर ना ही #भजन 16:10वेतैं कबरुन्द सड़ण देई। 32अर ये ही यीशु तैं परमेस्वर न मौत मा बटि ज्यून्दु कैरी, अर ईं बात का गवा हम सभि छां। 33अर इन कैरिके यीशु न पिता परमेस्वर की दैंणी तरफा सबसे ऊँचो पद पै, अर पिता का कियां करार का मुताबिक पिता बटि पवित्र आत्मा तैं पैके वे करार तैं पूरु कैरी। अर आज वे ही करार का मुताबिक पवित्र आत्मा तैं वेन हम पर भि भरपूरी से दियाली। अर जु कुछ भि तुम दिखणा अर सुनणा छाँ, यू सब कुछ पवित्र आत्मा को काम च। 34अर राजा दाऊद त स्वर्ग मा नि गै, पर फिर भि उ यीशु का बारा मा इन बुल्दु कि,
#
भजन 110:1 “परमेस्वर न मेरा प्रभु बटि बोलि,
‘मेरी दैंणी तरफा बैठ,
35जबरि तक कि मि तेरा दुसमनों तैं हरै के तेरा अधीन नि कैरी द्यूं।’”
भीड़ का लोगु को यीशु तैं स्वीकार करण
36“इलै हे इस्राएल का सब लोगु, तुम हर हाल मा ईं बात तैं जाणि ल्या, कि जै यीशु तैं तुमुन क्रूस पर चड़ै, परमेस्वर न वेतैं ही प्रभु अर मसीह ठैरै।” 37अर जब ऊं लोगु न यों बातों तैं सुणी, त या बात ऊंका दिलों मा लगि गै। तब ऊंन पतरस अर दुसरा खास चेलों से पूछी, “हे भैयों अब हमतै इन बता कि हम क्या जि कैरा?” 38तब पतरस न ऊंकू बोलि, “अपणा-अपणा पापों बटि पस्ताप कैरा अर पापों बटि माफी पौणु खुणि तुम मा बटि हरेक मनखि यीशु मसीह का नौ से बपतिस्मा ल्यो, अर तब तुमतै पवित्र आत्मा को दान मिललु। 39किलैकि पवित्र आत्मा देण को यू करार तुम खुणि, अर तुमरि औलादों खुणि अर ऊं सभ्यों खुणि च जु दूर-दूर रौणा छिन। अर यू करार ऊं लोगु खुणि भि च, जौं तैं हमरु प्रभु परमेस्वर अपणा पास बुलान्दु।”
40अर पतरस न भौत सरी बातों की गवै देके लोगु तैं समझै, अर ऊंतैं चितै के बोलि, “ईं दुष्ट पीढ़ी का लोगु बटि बचि के रा।” 41इलै जौं लोगु न वेका ये उपदेस तैं स्वीकार कैरी, ऊंन बपतिस्मा लिनी, अर वे ही दिन करीब तीन हजार लोग बिस्वासी समुदाय का दगड़ा मा मिली गैनी।
बिस्वासी लोगु की संगत
42अर सब बिस्वासी लोग यीशु का खास चेलों बटि लगातार वचन की शिक्षा पौणा रैनी। अर एक साथ संगत करण मा, प्रभु-भोज करण मा, अर प्रार्थना करण मा भि एक मन ह्वेके रौण लगि गैनी। 43अर लोगु का दिलों मा प्रभु खुणि और भि जादा आदर-सम्मान औण लगि गै, अर प्रभु खास चेलों का द्वारा भौत सरा अदभुत काम अर चमत्कारिक कामों तैं कनु छौ।
44अर सब बिस्वासी लोग मिली-जुली के रौन्दा छा, अर जु कुछ भि ऊंमा छौ वेतैं ऊ आपस मा बांटि देन्दा छा। 45अर ऊ अपणी जैजाद अर चीजों तैं बेचि के मिलण वळा रुपयों तैं ऊं लोगु मा बांटि देन्दा छा, जौं लोगु तैं जरुरत होन्दी छै। 46अर ऊ एक मन ह्वेके हरेक दिन मन्दिर मा इकट्ठा होन्दा छा, अर प्रभु-भोज खुणि एक-दुसरा का घौर मा मिलदा छा, अर सब दिल खोली के खुशी से एक-दुसरा का दगड़ा मा खाणु खान्दा छा। 47अर ऊ परमेस्वर की बडै करदा छा अर सब लोग ऊं बटि खुश छा। अर जु लोग बचण चान्दा छा, प्रभु ऊंतैं हरेक दिन बिस्वासी लोगु का दगड़ा मा मिलै देन्दु छौ।
Currently Selected:
खास चेलों 2: GBM
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
खास चेलों 2
2
चेलों तैं पवित्र आत्मा मिलण
1अर जब #व्यव 16:9-11; लैव्य 23:16 पिन्तेकुस्त का त्योवार को दिन ऐ, त वु सब बिस्वासी लोग एक जगा इकट्ठा होयां छा। 2अर अचानक आसमान बटि हवा की बड़ी सुंस्याट जन आवाज ऐ, अर जख ऊ बैठयां छा उ पूरु घौर वीं आवाजळ भरी गै। 3तब ऊंतैं आग की तरौं भौत सरी जीब दिखैनि, जु की अलग-अलग ह्वेके हरेक मनखि मा ऐके बैठि गैनी। 4अर ऊ सभ्या का सभि पवित्र आत्मा से भरपूर ह्वे गैनी। अर पवित्र आत्मा न अपणा मुताबिक ऊंतैं बोन्न की ताकत दिनी, अर वु बन्नि-बन्नि किसम की भाषा बोन्न लगि गैनी।
5अर वे बगत पर पूरि दुनियां का हरेक देस बटि यहूदी भक्त लोग यरूशलेम नगर मा रौणा छा। 6अर जब लोगु न हल्ला सुणी, त भीड़ की भीड़ इकट्ठा ह्वे गै। अर सब लोग हैरान ह्वे गैनी, किलैकि जब यू लोग बात करणा छा, त भीड़ का लोगु तैं अपणी-अपणी भाषा सुन्यौणी छै। 7-8अर लोग बड़ा हकदक अर ताजुब मा पोड़ि के बोन्न लगि गैनी, “अरे जरा यों लोगु तैं त देखा, यू लोग हमरि भाषा मा कनकै बोलि सकदिन? यू कनकै ह्वे सकदु? किलैकि यू सब लोग त गलील मुलक का छिन। जब की हम सब लोग अलग-अलग जगा का छां, फिर भि हमतै हमरि मात्रभाषा सुन्यौणी च। 9जब की हम मा बटि कुछ लोग त पारथी अर मादी मुलक का छिन, अर कुछ त मेसोपोटामिया मुलक बटि अयां छिन, अर कुछ लोग एलामी निवासी छिन। इख तक की हमरा बीच मा यहूदिया, कप्पदूकिया, पुन्तुस, अर आसिया मुलकों का रौण वळा लोग भि इख अयां छिन। 10अर कुछ लोग त फ्रूगिया अर पंफूलिया मुलक का छिन, अर कुछ त मिस्र मुलक बटि अयां। अर कुरेने नगर का आस-पास का लीबिया मुलक बटि भि, इख तक कि रोम नगर बटि भि अयां मुसाफिरों तैं भि अपणी-अपणी भाषा सुन्यौणी च, अर जु लोग पैलि बटि यहूदी छिन अर वु जौन यहूदी धरम तैं स्वीकार कैरियाली हम सभ्यों तैं भि अपणी-अपणी भाषा सुन्यौणी च। 11अर क्रेते टापू अर अरब देस बटि अयां निवासीयों तैं भि, हम सभ्यों तैं अपणी-अपणी भाषा सुन्यौणी च, कि यू सब लोग परमेस्वर का बड़ा-बड़ा कामों की बडै कना छिन। यू सब कनकै ह्वे सकदु?”
12अर यू देखि के सब लोग हकदक छा अर बड़ी उळझण मा पोड़यां छा तब ऊ एक-दुसरा बटि पूछण लगि गैनी, “आखिर मा यू सब होणु क्या च?” 13पर दुसरा लोगु न बिस्वासी लोगु को मजाक बणै के बोलि, “अरे यू त नयी दारु पी के टूंन होयां छिन।”
भीड़ खुणि पतरस को उपदेस
14तब पतरस ऊं ग्यारा चेलों का दगड़ा मा खड़ु ह्वे अर ऊँची आवाज मा ऊं लोगु कू बोन्न लगि गै कि, “हे यहूदियों अर यरूशलेम मा रौण वळा सब लोगु, कन्दूड़ खोली के मेरी बात तैं सुणा अर तुम यू जाणि ल्या कि, 15यों लोगु न दारु नि पेई, जन तुम लोग समझणा छाँ, किलैकि अभि त सुबेरे नौ ही बजणी च। 16पर या त वा बात च जैका बारा मा परमेस्वर का रैबर्या योएल न बोलि छौ। अर वा बात इन च कि,
17 #
योए 2:28-32
परमेस्वर इन बुल्दु कि,
‘आखिरी का दिनों मा इन होलु कि,
मि अपणी पवित्र आत्मा सब मनखियों तैं भरपूरी से दूयुलु,
अर तुमरा नौना अर नौनि भविष्यबाणी करला।
अर तुमरा ज्वान लोग दरसन दिखला,
अर तुमरा दाना-स्यांणा सुपन्या दिखला।
18अर ऊं दिनों मा मि अपणा सेवकों अर सेविकाओं तैं भि पवित्र आत्मा भरपूरी से देण,
अर ऊ भविष्यबाणी करला।
19अर मिन मूड़ी धरती पर ल्वे,
अर आसमान मा आग अर धुंवा का बादळों का चमत्कारिक चिन्न दिखौणिन।
20अर प्रभु का वे महान अर अदभुत दिन का औण से पैलि,
सूरज काळु अर चाँद ल्वे जन लाल ह्वे जालु,
21पर जु कुई प्रभु को नौ ल्यालु, वेतैं बचयै जालु।’
22“हे इस्राएल का लोगु, इथगा ही ना बल्किन मा मेरी यों बातों तैं भि सुणा, परमेस्वर न नासरत गौं का यीशु का द्वारा तुमरा बीच मा बड़ा-बड़ा चमत्कार का चिन्न अर भौत सरा अदभुत काम कैरिके दिखैनि। अर यों कामों से इन परमाण दिनी कि उ परमेस्वर को भेज्यूं एक मनखि च, अर वेका बारा मा तुम सब जणदा ही छाँ। 23अर पिता परमेस्वर न पैलि बटि बणईं योजना का मुताबिक वे यीशु तैं तुमरा हाथों मा सौंप दिनी, अर वेका बारा मा उ पैलि बटि जणदु छौ, अर ये ही यीशु तैं तुम लोगु न अधरमी लोगु का हवाला कैरिके वेतैं क्रूस पर चड़वै दिनी। 24पर यीशु तैं परमेस्वर न मौत का बन्धनों मा बटि छुड़ै के ज्यून्दु कैरी, किलैकि या बात ह्वे ही नि सकदी छै कि मौत वेतैं अपणा वश मा रखो। 25अर राजा दाऊद न भि वेका बारा मा इन बोलि कि,
#
भजन 16:8-11
“‘मि प्रभु तैं हमेसा अपणा समणि दिखदु,
किलैकि उ मेरी दैंणी तरफा च ताकि मि नि डगमगौ।
26इलै मेरु मन खुश च
अर मि परमेस्वर का गीत गान्दु,
अर मितैं आस च की तुम
मेरा सरील तैं बचै के रखिल्या।
27किलैकि तुम मेरा पराण तैं अधलोक मा नि छुड़ील्या,
अर ना ही अपणा पवित्र मनखि तैं कबरुन्द सड़ण दिल्या।
28अर तुमुन ही मितैं जीवन को बाटु दिखै,
अर तुमरो मेरा दगड़ा मा होण से मितैं बड़ी खुशी होलि।’”
29तब पतरस न ऊंकू इन भि बोलि कि, “हे मेरा भै-बैंणो, मि तुमतै पितर राजा दाऊद का बारा मा हिम्मत से बतै सकदु, कि पितर दाऊद त मोरि गैनी अर ऊंतैं दफनये भि गै अर ऊंकी कबर आज भि हमरा इख च। 30अर उ एक रैबर्या छौ, अर उ जणदु छौ कि #भजन 132:11; 2 शमू 7:12-13परमेस्वर की एक कसम खईं च कि उ वेका वंश मदि कै एक तैं वेकी राजगद्दी पर बैठालु। 31अर यीशु मसीह को मुरदो मा बटि ज्यून्द होण का बारा मा, होण वळी यों बातों तैं राजा दाऊद न पैलि ही देखि के बतैयालि छौ, कि पिता परमेस्वर न नऽ त वेका पराण तैं अधलोक मा छोड़ि, अर ना ही #भजन 16:10वेतैं कबरुन्द सड़ण देई। 32अर ये ही यीशु तैं परमेस्वर न मौत मा बटि ज्यून्दु कैरी, अर ईं बात का गवा हम सभि छां। 33अर इन कैरिके यीशु न पिता परमेस्वर की दैंणी तरफा सबसे ऊँचो पद पै, अर पिता का कियां करार का मुताबिक पिता बटि पवित्र आत्मा तैं पैके वे करार तैं पूरु कैरी। अर आज वे ही करार का मुताबिक पवित्र आत्मा तैं वेन हम पर भि भरपूरी से दियाली। अर जु कुछ भि तुम दिखणा अर सुनणा छाँ, यू सब कुछ पवित्र आत्मा को काम च। 34अर राजा दाऊद त स्वर्ग मा नि गै, पर फिर भि उ यीशु का बारा मा इन बुल्दु कि,
#
भजन 110:1 “परमेस्वर न मेरा प्रभु बटि बोलि,
‘मेरी दैंणी तरफा बैठ,
35जबरि तक कि मि तेरा दुसमनों तैं हरै के तेरा अधीन नि कैरी द्यूं।’”
भीड़ का लोगु को यीशु तैं स्वीकार करण
36“इलै हे इस्राएल का सब लोगु, तुम हर हाल मा ईं बात तैं जाणि ल्या, कि जै यीशु तैं तुमुन क्रूस पर चड़ै, परमेस्वर न वेतैं ही प्रभु अर मसीह ठैरै।” 37अर जब ऊं लोगु न यों बातों तैं सुणी, त या बात ऊंका दिलों मा लगि गै। तब ऊंन पतरस अर दुसरा खास चेलों से पूछी, “हे भैयों अब हमतै इन बता कि हम क्या जि कैरा?” 38तब पतरस न ऊंकू बोलि, “अपणा-अपणा पापों बटि पस्ताप कैरा अर पापों बटि माफी पौणु खुणि तुम मा बटि हरेक मनखि यीशु मसीह का नौ से बपतिस्मा ल्यो, अर तब तुमतै पवित्र आत्मा को दान मिललु। 39किलैकि पवित्र आत्मा देण को यू करार तुम खुणि, अर तुमरि औलादों खुणि अर ऊं सभ्यों खुणि च जु दूर-दूर रौणा छिन। अर यू करार ऊं लोगु खुणि भि च, जौं तैं हमरु प्रभु परमेस्वर अपणा पास बुलान्दु।”
40अर पतरस न भौत सरी बातों की गवै देके लोगु तैं समझै, अर ऊंतैं चितै के बोलि, “ईं दुष्ट पीढ़ी का लोगु बटि बचि के रा।” 41इलै जौं लोगु न वेका ये उपदेस तैं स्वीकार कैरी, ऊंन बपतिस्मा लिनी, अर वे ही दिन करीब तीन हजार लोग बिस्वासी समुदाय का दगड़ा मा मिली गैनी।
बिस्वासी लोगु की संगत
42अर सब बिस्वासी लोग यीशु का खास चेलों बटि लगातार वचन की शिक्षा पौणा रैनी। अर एक साथ संगत करण मा, प्रभु-भोज करण मा, अर प्रार्थना करण मा भि एक मन ह्वेके रौण लगि गैनी। 43अर लोगु का दिलों मा प्रभु खुणि और भि जादा आदर-सम्मान औण लगि गै, अर प्रभु खास चेलों का द्वारा भौत सरा अदभुत काम अर चमत्कारिक कामों तैं कनु छौ।
44अर सब बिस्वासी लोग मिली-जुली के रौन्दा छा, अर जु कुछ भि ऊंमा छौ वेतैं ऊ आपस मा बांटि देन्दा छा। 45अर ऊ अपणी जैजाद अर चीजों तैं बेचि के मिलण वळा रुपयों तैं ऊं लोगु मा बांटि देन्दा छा, जौं लोगु तैं जरुरत होन्दी छै। 46अर ऊ एक मन ह्वेके हरेक दिन मन्दिर मा इकट्ठा होन्दा छा, अर प्रभु-भोज खुणि एक-दुसरा का घौर मा मिलदा छा, अर सब दिल खोली के खुशी से एक-दुसरा का दगड़ा मा खाणु खान्दा छा। 47अर ऊ परमेस्वर की बडै करदा छा अर सब लोग ऊं बटि खुश छा। अर जु लोग बचण चान्दा छा, प्रभु ऊंतैं हरेक दिन बिस्वासी लोगु का दगड़ा मा मिलै देन्दु छौ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.