लूका 3:4-6

अर जन की भौत साल पैलि परमेस्वर का रैबर्या यशायाह का द्‍वारा बुलयां वचनों की किताब मा लिख्यूं च, वेका मुताबिक ही यू ह्‍वे। वेन इन बोलि छौ कि, “निर्जन जगा मा जोर-जोर से धै लगै के बुलण वळे की आवाज औणी च कि, ‘प्रभु को बाटु तयार कैरा, वे खुणि बाटु सीदु कैरा। अर हरेक गदेरु भुरे जालु, अर हरेक ढौंडा अर पाड़ समतल किये जाला। अर जु टेड़ा-मेड़ा बाटा छिन, ऊंतैं सीदु किये जालु, अर जु उबड-खाबड़ बाटा छिन, ऊंतैं समतल किये जालु। अर हरेक मनखि परमेस्वर का द्‍वारा दियां छुटकारा तैं दिखलु।’”