लूका 6
6
सब्त का बारा मा परसन
(मत्ती 12:1-8; मर 2:23-28)
1एक बार यीशु सब्त का दिन पर अपणा चेलों का दगड़ा मा पुंगड़ों बटि जाणु छौ। तब वेका चेला अन्न का बलडो तैं तोड़ि के अर हाथों मा मींड़ी के खान्दी जाणा छा। 2तब फरीसी दल का कुछ लोग बुलण लगि गैनी, “तुम इन काम किलै कना छाँ, जु सब्त का दिन पर करण ठिक नि च?” 3तब यीशु न ऊंतैं जबाब दिनी, #1 शमू 21:1-6“क्या तुमुन यू नि पैड़ी, कि जब राजा दाऊद अर वेका दगड़्या भूका छा, तब वेन क्या कैरी? 4तब उ परमेस्वर का मन्दिर मा गै अर अरपण की रुट्टी #लैव्य 24:9 जौं तैं पुरोहितों का अलावा और कै दुसरा तैं खाण ठिक नि छौ, ऊंतैं खै अर जु वेका दगड़ा मा छा ऊंतैं भि दिनी।” 5अर यीशु न फिर ऊंकू बोलि, “मनखि को पुत्र त सब्त का दिन को भि प्रभु च।”
यीशु द्वारा सुख्यां हाथ वळा तैं खूब करण
(मत्ती 12:9-14; मर 3:1-6)
6अर एक सब्त का दिन पर यीशु प्रार्थना भवन मा जैके उपदेस देण लगि गै। अर उख एक आदिम छौ, जैको दैंणु हाथ सुक्यूं छौ। 7तब शास्त्री अर फरीसी दल का लोग यीशु पर दोष लगौणु खुणि कुछ सबूत मिली जौ, ईं बात का इंतजार मा छा। इलै सब्त का दिन पर उ वेतैं खूब करदु च कि ना, यू दिखणु खुणि ऊंकी यीशु पर टक लगईं छै। 8पर यीशु ऊंका मनों का विचार जाणि गै, इलै वेन सुख्यां हाथ वळा आदिम कू बोलि, “उठ, अर बीच मा खड़ु ह्वे जा।” तब उ मनखि उठी अर खड़ु ह्वे गै। 9तब यीशु न ऊंकू बोलि, “मि तुम बटि पूछदु, कि सब्त का दिन क्या करण ठिक च। भलु करण या बुरु करण? पराण तैं बचौण या नास करण?” 10अर वेन चारो तरफा ऊं सभ्यों तैं देखि, अर वे मनखि कू बोलि, “अपणु हाथ अगनै बढ़ो।” तब वेन उन्नि कैरी अर वेकू हाथ ठिक ह्वे गै। 11पर यू देखि के ऊंकी जिकुड़ी मा आग लगि गै। तब वु अपणा आपस मा बोन्न लगि गैनी कि, “अब हम ये यीशु का दगड़ा मा क्या कैरा?”
यीशु द्वारा बारह चेलों तैं चुनण
(मत्ती 10:1-4; मर 3:13-19)
12अर ऊं ही दिनों मा यीशु प्रार्थना करणु कू पाड़ पर गै, अर पूरि रात परमेस्वर बटि प्रार्थना कैरी। 13अर जब सुबेर ह्वे, त वेन अपणा चेलों तैं बुलै। अर ऊंमा बटि बारह लोगु तैं चुणी, अर ऊंकू खास चेला बोलि।
14अर ऊ बारह चेला यू छिन,
शमौन जैतैं वेन पतरस नौ भि देई,
वेकू भै अन्द्रियास,
याकूब अर यूहन्ना,
फिलिप्पुस अर बरतुल्मै,
15मत्ती,
थोमा,
हलफई को नौनु याकूब,
शमौन जैकू जेलोतेस#6:15 शमौन जेलोतेस, जेलोतेस को मतलब एक देसभक्त अर उत्साही से च। बुले जान्दु,
16याकूब को नौनु यहूदा,
अर यहूदा इस्करियोती जु बाद मा यीशु तैं धोखा देके पकड़वै देन्दु।
यीशु का द्वारा भौत लोगु तैं खूब करण
(मत्ती 4:23-25)
17तब यीशु ऊं चेलों का दगड़ा मा पाड़ बटि उतरि के एक सैंणि जगा मा खड़ु ह्वे। अर वेका पिछनै चलण वळो की एक बड़ी भीड़ उख जमा होईं छै। अर सरा यहूदिया मुलक, यरूशलेम नगर, अर समुन्दर का छाला पर रौण वळा सूर अर सैदा नगरों का भौत सा लोग भि उख जमा होयां छा। अर वु वेका वचनों तैं सुनणु कू अर अपणी बिमारियों मा बटि खूब होणु कू वेका पास अयां छा। 18तब खबेस लग्यां सब मनखियों तैं भि खूब किये जान्दु छौ। 19अर भीड़ का सब लोग यीशु तैं छूण चाणा छा, किलैकि वेमा बटि शक्ति निकळि के सभ्यों तैं खूब कनि छै।
यीशु को उपदेस
(मत्ती 5:1-12)
20तब वेन अपणा पिछनै चलण वळो का जनै देखि के बोलि,
“धन्य छाँ तुम जु दीन छाँ,
किलैकि परमेस्वर को राज तुमरो ही च।”
21धन्य छाँ तुम जु की अभि भूका छाँ,
किलैकि तुमरि तड़प पूरि किये जालि।
धन्य छाँ तुम जु की अभि रुंणा छाँ,
किलैकि तुम हैंसिल्या।
22 #
1 पत 4:14
धन्य छाँ तुम किलैकि जब मनखि का पुत्र का बाना लोग तुम बटि नफरत करला,
अर अपणा बीच मा बटि तुमरो तिरिस्कार करला।
इख तक की ऊ तुमतै बदनाम करला,
अर तुमरो नौ खराब कैरिके तुमतै दूर करला।
23“तब वे दिन पर तुम आनन्द मणया अर खुशी का बाना उछल्यां, किलैकि सुणा, स्वर्ग मा तुम खुणि बड़ु इनाम रख्युं च। अर #2 इति 36:16 ऊंका पितरों न परमेस्वर का रैबर्यों का दगड़ा मा इन्नि त कैरी छौ।
24“हाय च तुम पर, जु कि तुम सेठ छाँ।
किलैकि तुमुन अपणा सुख-चैन तैं पयेलि।
25हाय च तुम पर, जु कि तुम अभि पुटगु भोरी के खान्दा-पीन्दा छाँ,
किलैकि तुमतै भूक सतालि।
हाय च तुम पर, जु कि तुम अभि हैंसणा छाँ,
किलैकि तुम शोक मणैल्या अर रुविल्या।
26हाय च तुम पर, जब सब लोग तुमरि तारीफ करदिन।
किलैकि ऊंका पितरों न भि झूठ्ठा रैबर्यों की ठिक इन्नि तारीफ कैरी छै।”
दुसमनों बटि भि प्यार कैरा
(मत्ती 5:38-48; 7:12)
27अर यीशु न इन भि बोलि, “हे सुनण वळो, मि तुमतै बतै देन्दु, कि तुम अपणा दुसमनों बटि प्यार कैरा, अर जु तुम बटि नफरत करदिन ऊंका दगड़ा मा भलै कैरा। 28अर जु तुमतै असगार देन्दिन तुम ऊं खुणि परमेस्वर बटि आसीस मांगा। अर जु तुमरा दगड़ा मा अच्छु बरतौ नि करदिन, ऊं खुणि प्रार्थना कैरा।
29“अर कुई तुमरा एक गलोड़ा पर थप्पड मारो, त वेकी तरफा दुसरो गलोड़ा भि कैरी दे। अर कुई तुमरो कोट ले ल्यो, त वेतैं अपणु कुरता भि लेण दे। 30अगर कुई त्वे बटि मांगु, त वेतैं दे। अर कुई त्वे बटि तेरी चीजों तैं छिनी के लि जौ, त वे बटि वापिस नि मांग। 31अर जन तुम चन्द्यां कि लोग तुमरा दगड़ा मा अच्छु बरतौ कैरा, तुम भि ऊंका दगड़ा मा उन्नि बरतौ कैरा।
32“अगर तुम ऊं ही लोगु बटि ही प्यार करद्यां? जु तुम बटि प्यार करदिन, त कौन सा तुमुन भौत बड़ु काम कैरियाली? किलैकि पापि मनखि भि त इन्नि करदिन। 33अर उन्नि जु तुमरा दगड़ा मा भलै करदिन, अगर तुम बस ऊंको ही भलु करद्यां, त कौन सा तुमुन भौत बड़ु काम कैरियाली? किलैकि पापि मनखि भि त इन्नि करदिन। 34अर तुम ऊंतैं ही करज देन्दयां, जौं बटि फिर वापिस मिली जालु, त इन कैरिके कौन सा तुमुन भौत बड़ु काम कैरियाली? किलैकि पापि मनखि भि दुसरा पापियों तैं करज देन्दिन, कि उथगा ही वापिस मिली जौ।
35“पर मि तुम बटि बोन्नु छौं, कि अपणा दुसमनों बटि प्यार कैरा, अर ऊंका दगड़ा मा भलै कैरा। अर फिर वापिस मिलणे की आस नि रखी के करज द्या। तब तुमतै बड़ु इनाम मिललु, अर तुम सबसे महान परमेस्वर की औलाद बणि जैल्या। किलैकि उ ऐसान नि मनण वळो अर बुरा लोगु पर भि अपणी किरपा करदु। 36अर जन तुमरो पिता परमेस्वर दयालु च, ठिक उन्नि तुम भि दयालु बणा।”
एक-दुसरा पर इळजाम नि लगा
(मत्ती 7:1-4)
37तब यीशु न ऊंकू इन भि बोलि, “एक-दुसरा पर इळजाम नि लगा, त तुम पर भि इळजाम नि लगये जालु। अर कैतैं भि दोषी नि ठैरा, त तुमतै भि दोषी नि ठैरैये जालु, एक-दुसरा तैं माफ कैरा त तुमतै भि माफ किये जालु। 38अर द्या, त तुमतै भि दिये जालु। अर पूरा नापळ दबै-दबै के अर हिल्लै-हिल्लै के भरपूरी से तुमरा थैलुन्द भि डळै जालु, किलैकि जै नापळ तुम नापी के दिल्या, वे ही नापळ तुमतै भि नापी के दिये जालु।”
39फिर यीशु न ऊंतैं एक उदारण देके बतै कि, #मत्ती 15:14“क्या एक अन्धु, दुसरा अन्धा तैं बाटु दिखै सकदु च? अगर इन ह्वे गै त दुईया का दुईयों न खडोळुन्द पोड़ि जाण। 40अर कुई भि चेला अपणा गुरु से बड़ु नि च, पर जब उ अपणी शिक्षा तैं पूरि कैरी देन्दु, त उ अपणा गुरु का बराबर ह्वे जान्दु।
41“तू अपणा भै का आंखा मा पोड़्यूं तिण तैं किलै दिखणी, जब कि तेरी आंख मा ही जांठु च? 42अरे, जब तेरा ही आंख मा जांठु च, त तू कनकै अपणा भै कू बोलि सकदी कि, ‘भैजी, ला मि तुमरि आंखा बटि तिण निकाळि द्यूं?’ हे ढोंगि, पैलि अपणा आंखा बटि वे जांठा तैं त निकाळ। तब जैके तू अपणा भै की आंख को तिण अच्छी तरौं देखि के निकाळि सकलि।”
जन डाळु उन फल
(मत्ती 7:16-20; 12:33-35)
43“अर कै भि अच्छा डाळा पर बेकार फल नि लगदिन, अर ना ही बेकार डाळा पर अच्छा फल लगि सकदिन। 44अर हरेक डाळु अपणा फलों बटि ही पछ्याणे जान्दु। अर झाड़ि बटि कुई भि तिमला नि तोड़दिन, अर ना ही कांडों का झिबलांण बटि कुई भि अंगूर तोड़दिन। 45अर उन्नि अच्छा मनखि का मन मा अच्छी बात होनदिन, इलै उ अपणा मन से अच्छी बात ही बुल्दु, अर एक बुरु मनखि वेका मन मा जु बुरी बात होनदिन, इलै उ ऊंतैं ही निकळदु। किलैकि जै मनखि का मन मा जन बात भोरी होलि, उई बात वेका गिच्चा बटि औन्दिन।”
दुई किसम का लोग
(मत्ती 7:24-27)
46तब यीशु न इन भि बोलि कि, “तुम मिकू ‘हे प्रभु, हे प्रभु,’ बुल्द्यां, पर जु मि बुल्दु, तुम वेतैं किलै नि मणद्यां? 47अर जु कुई मेरा पास औन्दु अर मेरी बातों तैं सुणी के वेका मुताबिक चलदु, उ कै का जन च, मि तुमतै बतै देन्दु। 48उ वे मनखि का जन च, जैन घौर बणौण का बगत जमीन गैरी खैंडि के वेकी बुनियाद पौड़ पर रखी। अर जब गाड-गदिना ऐ गैनी अर वे घौर पर टक्करैनी, तभि भि ऊ वेतैं हिल्लै नि सकिनी, किलैकि उ घौर पक्कु बणयूं छौ। 49पर जु कुई मेरा वचनों तैं सुणी के ऊंतैं नि मणदु, उ वे मनखि का जन च जैन जमीन पर बिना बुनियाद को घौर बणै। अर जब गदेरु को पाणि ऐ, अर वे घौर पर टकरै, तब उ तुरन्त पोड़ि गै अर वेको छत्यनास ह्वे गै।”
Currently Selected:
लूका 6: GBM
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
लूका 6
6
सब्त का बारा मा परसन
(मत्ती 12:1-8; मर 2:23-28)
1एक बार यीशु सब्त का दिन पर अपणा चेलों का दगड़ा मा पुंगड़ों बटि जाणु छौ। तब वेका चेला अन्न का बलडो तैं तोड़ि के अर हाथों मा मींड़ी के खान्दी जाणा छा। 2तब फरीसी दल का कुछ लोग बुलण लगि गैनी, “तुम इन काम किलै कना छाँ, जु सब्त का दिन पर करण ठिक नि च?” 3तब यीशु न ऊंतैं जबाब दिनी, #1 शमू 21:1-6“क्या तुमुन यू नि पैड़ी, कि जब राजा दाऊद अर वेका दगड़्या भूका छा, तब वेन क्या कैरी? 4तब उ परमेस्वर का मन्दिर मा गै अर अरपण की रुट्टी #लैव्य 24:9 जौं तैं पुरोहितों का अलावा और कै दुसरा तैं खाण ठिक नि छौ, ऊंतैं खै अर जु वेका दगड़ा मा छा ऊंतैं भि दिनी।” 5अर यीशु न फिर ऊंकू बोलि, “मनखि को पुत्र त सब्त का दिन को भि प्रभु च।”
यीशु द्वारा सुख्यां हाथ वळा तैं खूब करण
(मत्ती 12:9-14; मर 3:1-6)
6अर एक सब्त का दिन पर यीशु प्रार्थना भवन मा जैके उपदेस देण लगि गै। अर उख एक आदिम छौ, जैको दैंणु हाथ सुक्यूं छौ। 7तब शास्त्री अर फरीसी दल का लोग यीशु पर दोष लगौणु खुणि कुछ सबूत मिली जौ, ईं बात का इंतजार मा छा। इलै सब्त का दिन पर उ वेतैं खूब करदु च कि ना, यू दिखणु खुणि ऊंकी यीशु पर टक लगईं छै। 8पर यीशु ऊंका मनों का विचार जाणि गै, इलै वेन सुख्यां हाथ वळा आदिम कू बोलि, “उठ, अर बीच मा खड़ु ह्वे जा।” तब उ मनखि उठी अर खड़ु ह्वे गै। 9तब यीशु न ऊंकू बोलि, “मि तुम बटि पूछदु, कि सब्त का दिन क्या करण ठिक च। भलु करण या बुरु करण? पराण तैं बचौण या नास करण?” 10अर वेन चारो तरफा ऊं सभ्यों तैं देखि, अर वे मनखि कू बोलि, “अपणु हाथ अगनै बढ़ो।” तब वेन उन्नि कैरी अर वेकू हाथ ठिक ह्वे गै। 11पर यू देखि के ऊंकी जिकुड़ी मा आग लगि गै। तब वु अपणा आपस मा बोन्न लगि गैनी कि, “अब हम ये यीशु का दगड़ा मा क्या कैरा?”
यीशु द्वारा बारह चेलों तैं चुनण
(मत्ती 10:1-4; मर 3:13-19)
12अर ऊं ही दिनों मा यीशु प्रार्थना करणु कू पाड़ पर गै, अर पूरि रात परमेस्वर बटि प्रार्थना कैरी। 13अर जब सुबेर ह्वे, त वेन अपणा चेलों तैं बुलै। अर ऊंमा बटि बारह लोगु तैं चुणी, अर ऊंकू खास चेला बोलि।
14अर ऊ बारह चेला यू छिन,
शमौन जैतैं वेन पतरस नौ भि देई,
वेकू भै अन्द्रियास,
याकूब अर यूहन्ना,
फिलिप्पुस अर बरतुल्मै,
15मत्ती,
थोमा,
हलफई को नौनु याकूब,
शमौन जैकू जेलोतेस#6:15 शमौन जेलोतेस, जेलोतेस को मतलब एक देसभक्त अर उत्साही से च। बुले जान्दु,
16याकूब को नौनु यहूदा,
अर यहूदा इस्करियोती जु बाद मा यीशु तैं धोखा देके पकड़वै देन्दु।
यीशु का द्वारा भौत लोगु तैं खूब करण
(मत्ती 4:23-25)
17तब यीशु ऊं चेलों का दगड़ा मा पाड़ बटि उतरि के एक सैंणि जगा मा खड़ु ह्वे। अर वेका पिछनै चलण वळो की एक बड़ी भीड़ उख जमा होईं छै। अर सरा यहूदिया मुलक, यरूशलेम नगर, अर समुन्दर का छाला पर रौण वळा सूर अर सैदा नगरों का भौत सा लोग भि उख जमा होयां छा। अर वु वेका वचनों तैं सुनणु कू अर अपणी बिमारियों मा बटि खूब होणु कू वेका पास अयां छा। 18तब खबेस लग्यां सब मनखियों तैं भि खूब किये जान्दु छौ। 19अर भीड़ का सब लोग यीशु तैं छूण चाणा छा, किलैकि वेमा बटि शक्ति निकळि के सभ्यों तैं खूब कनि छै।
यीशु को उपदेस
(मत्ती 5:1-12)
20तब वेन अपणा पिछनै चलण वळो का जनै देखि के बोलि,
“धन्य छाँ तुम जु दीन छाँ,
किलैकि परमेस्वर को राज तुमरो ही च।”
21धन्य छाँ तुम जु की अभि भूका छाँ,
किलैकि तुमरि तड़प पूरि किये जालि।
धन्य छाँ तुम जु की अभि रुंणा छाँ,
किलैकि तुम हैंसिल्या।
22 #
1 पत 4:14
धन्य छाँ तुम किलैकि जब मनखि का पुत्र का बाना लोग तुम बटि नफरत करला,
अर अपणा बीच मा बटि तुमरो तिरिस्कार करला।
इख तक की ऊ तुमतै बदनाम करला,
अर तुमरो नौ खराब कैरिके तुमतै दूर करला।
23“तब वे दिन पर तुम आनन्द मणया अर खुशी का बाना उछल्यां, किलैकि सुणा, स्वर्ग मा तुम खुणि बड़ु इनाम रख्युं च। अर #2 इति 36:16 ऊंका पितरों न परमेस्वर का रैबर्यों का दगड़ा मा इन्नि त कैरी छौ।
24“हाय च तुम पर, जु कि तुम सेठ छाँ।
किलैकि तुमुन अपणा सुख-चैन तैं पयेलि।
25हाय च तुम पर, जु कि तुम अभि पुटगु भोरी के खान्दा-पीन्दा छाँ,
किलैकि तुमतै भूक सतालि।
हाय च तुम पर, जु कि तुम अभि हैंसणा छाँ,
किलैकि तुम शोक मणैल्या अर रुविल्या।
26हाय च तुम पर, जब सब लोग तुमरि तारीफ करदिन।
किलैकि ऊंका पितरों न भि झूठ्ठा रैबर्यों की ठिक इन्नि तारीफ कैरी छै।”
दुसमनों बटि भि प्यार कैरा
(मत्ती 5:38-48; 7:12)
27अर यीशु न इन भि बोलि, “हे सुनण वळो, मि तुमतै बतै देन्दु, कि तुम अपणा दुसमनों बटि प्यार कैरा, अर जु तुम बटि नफरत करदिन ऊंका दगड़ा मा भलै कैरा। 28अर जु तुमतै असगार देन्दिन तुम ऊं खुणि परमेस्वर बटि आसीस मांगा। अर जु तुमरा दगड़ा मा अच्छु बरतौ नि करदिन, ऊं खुणि प्रार्थना कैरा।
29“अर कुई तुमरा एक गलोड़ा पर थप्पड मारो, त वेकी तरफा दुसरो गलोड़ा भि कैरी दे। अर कुई तुमरो कोट ले ल्यो, त वेतैं अपणु कुरता भि लेण दे। 30अगर कुई त्वे बटि मांगु, त वेतैं दे। अर कुई त्वे बटि तेरी चीजों तैं छिनी के लि जौ, त वे बटि वापिस नि मांग। 31अर जन तुम चन्द्यां कि लोग तुमरा दगड़ा मा अच्छु बरतौ कैरा, तुम भि ऊंका दगड़ा मा उन्नि बरतौ कैरा।
32“अगर तुम ऊं ही लोगु बटि ही प्यार करद्यां? जु तुम बटि प्यार करदिन, त कौन सा तुमुन भौत बड़ु काम कैरियाली? किलैकि पापि मनखि भि त इन्नि करदिन। 33अर उन्नि जु तुमरा दगड़ा मा भलै करदिन, अगर तुम बस ऊंको ही भलु करद्यां, त कौन सा तुमुन भौत बड़ु काम कैरियाली? किलैकि पापि मनखि भि त इन्नि करदिन। 34अर तुम ऊंतैं ही करज देन्दयां, जौं बटि फिर वापिस मिली जालु, त इन कैरिके कौन सा तुमुन भौत बड़ु काम कैरियाली? किलैकि पापि मनखि भि दुसरा पापियों तैं करज देन्दिन, कि उथगा ही वापिस मिली जौ।
35“पर मि तुम बटि बोन्नु छौं, कि अपणा दुसमनों बटि प्यार कैरा, अर ऊंका दगड़ा मा भलै कैरा। अर फिर वापिस मिलणे की आस नि रखी के करज द्या। तब तुमतै बड़ु इनाम मिललु, अर तुम सबसे महान परमेस्वर की औलाद बणि जैल्या। किलैकि उ ऐसान नि मनण वळो अर बुरा लोगु पर भि अपणी किरपा करदु। 36अर जन तुमरो पिता परमेस्वर दयालु च, ठिक उन्नि तुम भि दयालु बणा।”
एक-दुसरा पर इळजाम नि लगा
(मत्ती 7:1-4)
37तब यीशु न ऊंकू इन भि बोलि, “एक-दुसरा पर इळजाम नि लगा, त तुम पर भि इळजाम नि लगये जालु। अर कैतैं भि दोषी नि ठैरा, त तुमतै भि दोषी नि ठैरैये जालु, एक-दुसरा तैं माफ कैरा त तुमतै भि माफ किये जालु। 38अर द्या, त तुमतै भि दिये जालु। अर पूरा नापळ दबै-दबै के अर हिल्लै-हिल्लै के भरपूरी से तुमरा थैलुन्द भि डळै जालु, किलैकि जै नापळ तुम नापी के दिल्या, वे ही नापळ तुमतै भि नापी के दिये जालु।”
39फिर यीशु न ऊंतैं एक उदारण देके बतै कि, #मत्ती 15:14“क्या एक अन्धु, दुसरा अन्धा तैं बाटु दिखै सकदु च? अगर इन ह्वे गै त दुईया का दुईयों न खडोळुन्द पोड़ि जाण। 40अर कुई भि चेला अपणा गुरु से बड़ु नि च, पर जब उ अपणी शिक्षा तैं पूरि कैरी देन्दु, त उ अपणा गुरु का बराबर ह्वे जान्दु।
41“तू अपणा भै का आंखा मा पोड़्यूं तिण तैं किलै दिखणी, जब कि तेरी आंख मा ही जांठु च? 42अरे, जब तेरा ही आंख मा जांठु च, त तू कनकै अपणा भै कू बोलि सकदी कि, ‘भैजी, ला मि तुमरि आंखा बटि तिण निकाळि द्यूं?’ हे ढोंगि, पैलि अपणा आंखा बटि वे जांठा तैं त निकाळ। तब जैके तू अपणा भै की आंख को तिण अच्छी तरौं देखि के निकाळि सकलि।”
जन डाळु उन फल
(मत्ती 7:16-20; 12:33-35)
43“अर कै भि अच्छा डाळा पर बेकार फल नि लगदिन, अर ना ही बेकार डाळा पर अच्छा फल लगि सकदिन। 44अर हरेक डाळु अपणा फलों बटि ही पछ्याणे जान्दु। अर झाड़ि बटि कुई भि तिमला नि तोड़दिन, अर ना ही कांडों का झिबलांण बटि कुई भि अंगूर तोड़दिन। 45अर उन्नि अच्छा मनखि का मन मा अच्छी बात होनदिन, इलै उ अपणा मन से अच्छी बात ही बुल्दु, अर एक बुरु मनखि वेका मन मा जु बुरी बात होनदिन, इलै उ ऊंतैं ही निकळदु। किलैकि जै मनखि का मन मा जन बात भोरी होलि, उई बात वेका गिच्चा बटि औन्दिन।”
दुई किसम का लोग
(मत्ती 7:24-27)
46तब यीशु न इन भि बोलि कि, “तुम मिकू ‘हे प्रभु, हे प्रभु,’ बुल्द्यां, पर जु मि बुल्दु, तुम वेतैं किलै नि मणद्यां? 47अर जु कुई मेरा पास औन्दु अर मेरी बातों तैं सुणी के वेका मुताबिक चलदु, उ कै का जन च, मि तुमतै बतै देन्दु। 48उ वे मनखि का जन च, जैन घौर बणौण का बगत जमीन गैरी खैंडि के वेकी बुनियाद पौड़ पर रखी। अर जब गाड-गदिना ऐ गैनी अर वे घौर पर टक्करैनी, तभि भि ऊ वेतैं हिल्लै नि सकिनी, किलैकि उ घौर पक्कु बणयूं छौ। 49पर जु कुई मेरा वचनों तैं सुणी के ऊंतैं नि मणदु, उ वे मनखि का जन च जैन जमीन पर बिना बुनियाद को घौर बणै। अर जब गदेरु को पाणि ऐ, अर वे घौर पर टकरै, तब उ तुरन्त पोड़ि गै अर वेको छत्यनास ह्वे गै।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.