मरकुस 7
7
रीति-रिवाजों पर सवाल
(मत्ती 15:1-9)
1तब यरूशलेम नगर बटि कुछ फरीसी दल का लोग अर शास्त्री, मिली के यीशु का पास ऐनी। 2अर ऊंन देखि कि यीशु का कुछ चेला बगैर हाथ धुयां याने कि अशुद्ध हाथोंळ खाणुक खाणा छिन, अर या बात ऊंका रीति-रिवाज का खिलाप मा च। 3(अर ईं बात पर ऊंन इलै ध्यान देई, किलैकि फरीसी अर सब यहूदी लोग अपणा पितरों की बणईं रीति-रिवाजों का मुताबिक जबरि तक अपणा हाथ अच्छे से नि ध्वे देन्दिन, तबरि तक खाणुक नि खनदिन। 4जन कि, जबरि तक वु बजार बटि वापिस ऐके रीति-रिवाज का मुताबिक नहे नि जनदिन, तबरि तक वु खाणुक नि खै सकदिन, अर इन्नि और भि भौत सि बात छिन, जौं को पालन वु करदा छिन जन कि, कटोरों अर मगो तैं अर तांबो का भाँडो तैं धोण अर ऊंतैं मंजौण)।
5इलै फरीसी दल का लोगु न अर शास्त्रियों न यीशु बटि पूछी, “तेरा चेला पितरों का रीति-रिवाजों तैं किलै नि मणदिन? अर बगैर हाथ धुयां खाणुक किलै खनदिन?” 6अर वेन ऊंकू बोलि, “यशायाह रैबर्या न तुम ढोंगि लोगु का बारा मा बिल्कुल ठिक ही भविष्यबाणी कैरी छै वेन बोलि छौ कि,
#
यशा 29:13 “‘केवल गिच्चळ ही यू लोग मेरु आदर-समान करदिन,
मगर यों का मन मिसे भौत दूर छिन।
7अर यू लोग बेकार मा ही मेरी भक्ति करदिन,
किलैकि यू लोग अपणा ही द्वारा बणईं आज्ञाओं तैं परमेस्वर की शिक्षा बतै के सिखौन्दिन।’
8अरे तुम लोग मनखियों कि रीति-रिवाजों पर ही चलणा छाँ, अर तुमुन परमेस्वर की आज्ञाओं तैं छोड़याली।”
9अर यीशु न ऊंकू इन भि बोलि, “वाह, तुम अपणी रीति-रिवाजों को पालन करण खुणि परमेस्वर की आज्ञा तैं कथगा अच्छे से टाळि देन्दयां। 10अर जन की मूसा रैबर्या न बोलि छौ कि, #निर्ग 20:12; व्यव 5:16‘अपणा ब्वे-बाब को आदर-सम्मान कैरा।’ अर #निर्ग 21:17; लैव्य 20:9‘जु कुई भि अपणा ब्वे-बबा खुणि गळत बात बुल्दु, त वेतैं जान से मार दिये जौ।’
11“पर तुम लोगु तैं इन सिखौन्द्यां कि, एक मनखि अपणा ब्वे-बाब खुणि इन बोलि सकदु च कि, ‘तुमरो पालन-पोसण करणु खुणि मि मा कुछ छैं त च मगर मि यू तुमतै नि दे सकदु, किलैकि मिन यू पिता परमेस्वर तैं अरपण कैरियाली।’ 12अर इन सिखै के तुम वे मनखि तैं वेका ब्वे-बाब खुणि कुछ भि सेवा नि करण देन्द्यां। 13अर इनकै तुम अपणी बणईं रीति-रिवाजों की वजै से परमेस्वर का वचन तैं रद्द कैरी देन्द्यां। अर इन्नि और भि भौत सि बात छिन, जौं तैं तुम करद्यां।”
मनखि तैं अशुद्ध करण वळी बात
(मत्ती 15:10-20)
14तब यीशु न भीड़ का लोगु तैं फिर से अपणा पास बुलै अर ऊंकू बोलि, “तुम सब मेरी बात तैं सुणा अर वींतैं बिंगण की कोसिस कैरा। 15इन्दरि कुई भि चीज नि च ज्वा कि भैर बटि मनखि का भितर जौ अर वेतैं अशुद्ध कैरी द्यो, मगर जु चीज मनखि का भितर बटि निकळदिन उई वेतैं अशुद्ध करदिन। 16[अगर कै का कन्दूड़ छिन, त वु सुणी ल्यो।”]#7:16 अगर जु तुम ध्यान से सुणिल्या, त समझि सकिल्या।
17जब यीशु भीड़ मा बटि निकळि के एक घौर मा गै, त वेका चेलों न वेसे ये उदारण का बारा मा पूछी। 18वेन ऊंकू बोलि, “क्या तुम अभि तक नासमझ छाँ? अर क्या तुमरि बिंगण मा नि औन्दु, कि ज्वा चीज भैर बटि मनखि का भितर जान्दी, वा चीज वेतैं अशुद्ध नि करदी? 19किलैकि वा चीज वेका मन मा ना, बल्किन मा पुटगुन्द जान्दी, अर मल का रुप मा भैर निकळि जान्दी। अर इन बोलि के यीशु न खाण की सब चीजों तैं शुद्ध ठैरै। 20पर जु कुछ मनखि का भितर बटि भैर निकळदु, वु ही मनखि तैं अशुद्ध करदु। 21किलैकि मनखि का मन से याने कि वेका भितर बटि ही बुरा विचार अर दुसरि जनानियों तैं गळत नजर से दिखण, चोरी करण इख तक की हत्या करण, दुसरि जनानियों का दगड़ा मा गळत सम्बन्ध रखण, 22लालच करण, अर दुसरो की बुरै करण, छल-कपट, हवस, बुरी नजर से दुसरो तैं दिखण, दुसरा लोगु की बेजती करण, अर अपणा ही मिजाज मा रौण, अर मूरख होण। 23अरे, यू सब बुरी बात मनखि का भितर बटि ही निकळदिन, अर यू ही बात मनखि तैं अशुद्ध करदिन।”
सुरूफिनिकी जाति की जनानि को बिस्वास
(मत्ती 15:21-28)
24तब यीशु उख बटि निकळि के, सूर अर सैदा नौ का नगरों का इलाकों मा ऐ, अर वु एक घौर मा गै। अर वु इन चान्दु छौ, कि कैतैं पता नि चलु कि मि इख छौं, मगर फिर भि लोगु तैं ईं बात का बारा मा पता चलि गै।
25अर यीशु की चर्चा सुणी के तुरन्त एक जनानि वेका पास ऐ, अर वीं की छुटी नौनि पर खबेस लग्यूं छौ। अर या जनानि वेका खुटों मा पोड़ि गै, 26अर वीं जनानि न वेसे बिन्ती कैरी कि, “प्रभु, मेरी नौनि मा बटि खबेस तैं निकाळि द्या।” अर या जनानि यहूदी जाति की नि छै, या सीरिया राज्य का सुरूफिनिकी इलाका की छै। 27वेन वींकू बोलि, “पैलि बच्चों तैं पुटगी भोरी के खाण दे, किलैकि नौनो की रुट्टी लेके कुकरों का अगनै डलण ठिक नि च।” 28मगर जनानि न वेतैं जबाब दिनी, “हाँ प्रभु, तुम ठिक बोन्ना छाँ, पर कुकर भि त मेज का मूड़ी छुटयां बच्चों का चूर-बूर तैं खनदिन।” 29तब यीशु न वींकू बोलि, “ज्वा बात तिन बोलि वीं बात की वजै से मि तेरी मदद कनु छौं, इलै घौर जा, तेरी नौनि मा बटि वु खबेस निकळि गै।” 30अर वींन अपणा घौर मा ऐके देखि कि नौनि बिस्तर मा पोड़ि च, अर खबेस वींमा बटि निकळि गै।
बैरा अर हकलौण वळा मनखि तैं खूब करण
31अर फिर यीशु सूर नगर का मुलक बटि निकळि गै। अर सैदा नगर का मुलक बटि अर दिकापुलिस#7:31 दिकापुलिस दस नगरों को एक मुलक छौ। का मुलक बटि ह्वेके गलील झील का पास पौंछी। 32अर लोग एक बैरा मनखि तैं वेका पास लेके ऐनी, जु कि हकलान्दु भि छौ। अर लोगु न वेसे बटि बिन्ती कैरी कि अपणु हाथ वे पर रखा। 33तब यीशु वे मनखि तैं भीड़ मा बटि अलग लि गै, अर अपणा अंगुळा वेका कन्दूड़ मा डलिनी, अर वेन थूकि अर वेकी जीब तैं छ्वी। 34तब वेन स्वर्ग जनै देखि अर लम्बी सांस लेके वेकू बोलि, “इफ्फत्तह” जैको मतलब च “खुलि जा।” 35अर तुरन्त वेका कन्दूड़ खुलि गैनी, अर वेकी जीब की गाँठ भि खुलि गै, अर वु साफ-साफ बुलण लगि गै। 36तब यीशु न ऊं लोगु तैं चितै के बोलि कि ईं बात का बारा मा कै मा नि बुलयां, मगर यीशु जथगा ऊंतैं रुकदु छौ, लोग उथगा ही वेका बारा मा बखान करण लगि गैनी। 37अर जथगा भि लोगु न यीशु का बारा मा सुणी वु सब हैरान ह्वेके बुलण लगि गैनी कि, “वेन जु कुछ भि कैरी वु सब ठिक कैरी, अरे वु त बैरो तैं सुनणे की अर गूंगों तैं बुलणै की ताकत देन्दु।”
Currently Selected:
मरकुस 7: GBM
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
मरकुस 7
7
रीति-रिवाजों पर सवाल
(मत्ती 15:1-9)
1तब यरूशलेम नगर बटि कुछ फरीसी दल का लोग अर शास्त्री, मिली के यीशु का पास ऐनी। 2अर ऊंन देखि कि यीशु का कुछ चेला बगैर हाथ धुयां याने कि अशुद्ध हाथोंळ खाणुक खाणा छिन, अर या बात ऊंका रीति-रिवाज का खिलाप मा च। 3(अर ईं बात पर ऊंन इलै ध्यान देई, किलैकि फरीसी अर सब यहूदी लोग अपणा पितरों की बणईं रीति-रिवाजों का मुताबिक जबरि तक अपणा हाथ अच्छे से नि ध्वे देन्दिन, तबरि तक खाणुक नि खनदिन। 4जन कि, जबरि तक वु बजार बटि वापिस ऐके रीति-रिवाज का मुताबिक नहे नि जनदिन, तबरि तक वु खाणुक नि खै सकदिन, अर इन्नि और भि भौत सि बात छिन, जौं को पालन वु करदा छिन जन कि, कटोरों अर मगो तैं अर तांबो का भाँडो तैं धोण अर ऊंतैं मंजौण)।
5इलै फरीसी दल का लोगु न अर शास्त्रियों न यीशु बटि पूछी, “तेरा चेला पितरों का रीति-रिवाजों तैं किलै नि मणदिन? अर बगैर हाथ धुयां खाणुक किलै खनदिन?” 6अर वेन ऊंकू बोलि, “यशायाह रैबर्या न तुम ढोंगि लोगु का बारा मा बिल्कुल ठिक ही भविष्यबाणी कैरी छै वेन बोलि छौ कि,
#
यशा 29:13 “‘केवल गिच्चळ ही यू लोग मेरु आदर-समान करदिन,
मगर यों का मन मिसे भौत दूर छिन।
7अर यू लोग बेकार मा ही मेरी भक्ति करदिन,
किलैकि यू लोग अपणा ही द्वारा बणईं आज्ञाओं तैं परमेस्वर की शिक्षा बतै के सिखौन्दिन।’
8अरे तुम लोग मनखियों कि रीति-रिवाजों पर ही चलणा छाँ, अर तुमुन परमेस्वर की आज्ञाओं तैं छोड़याली।”
9अर यीशु न ऊंकू इन भि बोलि, “वाह, तुम अपणी रीति-रिवाजों को पालन करण खुणि परमेस्वर की आज्ञा तैं कथगा अच्छे से टाळि देन्दयां। 10अर जन की मूसा रैबर्या न बोलि छौ कि, #निर्ग 20:12; व्यव 5:16‘अपणा ब्वे-बाब को आदर-सम्मान कैरा।’ अर #निर्ग 21:17; लैव्य 20:9‘जु कुई भि अपणा ब्वे-बबा खुणि गळत बात बुल्दु, त वेतैं जान से मार दिये जौ।’
11“पर तुम लोगु तैं इन सिखौन्द्यां कि, एक मनखि अपणा ब्वे-बाब खुणि इन बोलि सकदु च कि, ‘तुमरो पालन-पोसण करणु खुणि मि मा कुछ छैं त च मगर मि यू तुमतै नि दे सकदु, किलैकि मिन यू पिता परमेस्वर तैं अरपण कैरियाली।’ 12अर इन सिखै के तुम वे मनखि तैं वेका ब्वे-बाब खुणि कुछ भि सेवा नि करण देन्द्यां। 13अर इनकै तुम अपणी बणईं रीति-रिवाजों की वजै से परमेस्वर का वचन तैं रद्द कैरी देन्द्यां। अर इन्नि और भि भौत सि बात छिन, जौं तैं तुम करद्यां।”
मनखि तैं अशुद्ध करण वळी बात
(मत्ती 15:10-20)
14तब यीशु न भीड़ का लोगु तैं फिर से अपणा पास बुलै अर ऊंकू बोलि, “तुम सब मेरी बात तैं सुणा अर वींतैं बिंगण की कोसिस कैरा। 15इन्दरि कुई भि चीज नि च ज्वा कि भैर बटि मनखि का भितर जौ अर वेतैं अशुद्ध कैरी द्यो, मगर जु चीज मनखि का भितर बटि निकळदिन उई वेतैं अशुद्ध करदिन। 16[अगर कै का कन्दूड़ छिन, त वु सुणी ल्यो।”]#7:16 अगर जु तुम ध्यान से सुणिल्या, त समझि सकिल्या।
17जब यीशु भीड़ मा बटि निकळि के एक घौर मा गै, त वेका चेलों न वेसे ये उदारण का बारा मा पूछी। 18वेन ऊंकू बोलि, “क्या तुम अभि तक नासमझ छाँ? अर क्या तुमरि बिंगण मा नि औन्दु, कि ज्वा चीज भैर बटि मनखि का भितर जान्दी, वा चीज वेतैं अशुद्ध नि करदी? 19किलैकि वा चीज वेका मन मा ना, बल्किन मा पुटगुन्द जान्दी, अर मल का रुप मा भैर निकळि जान्दी। अर इन बोलि के यीशु न खाण की सब चीजों तैं शुद्ध ठैरै। 20पर जु कुछ मनखि का भितर बटि भैर निकळदु, वु ही मनखि तैं अशुद्ध करदु। 21किलैकि मनखि का मन से याने कि वेका भितर बटि ही बुरा विचार अर दुसरि जनानियों तैं गळत नजर से दिखण, चोरी करण इख तक की हत्या करण, दुसरि जनानियों का दगड़ा मा गळत सम्बन्ध रखण, 22लालच करण, अर दुसरो की बुरै करण, छल-कपट, हवस, बुरी नजर से दुसरो तैं दिखण, दुसरा लोगु की बेजती करण, अर अपणा ही मिजाज मा रौण, अर मूरख होण। 23अरे, यू सब बुरी बात मनखि का भितर बटि ही निकळदिन, अर यू ही बात मनखि तैं अशुद्ध करदिन।”
सुरूफिनिकी जाति की जनानि को बिस्वास
(मत्ती 15:21-28)
24तब यीशु उख बटि निकळि के, सूर अर सैदा नौ का नगरों का इलाकों मा ऐ, अर वु एक घौर मा गै। अर वु इन चान्दु छौ, कि कैतैं पता नि चलु कि मि इख छौं, मगर फिर भि लोगु तैं ईं बात का बारा मा पता चलि गै।
25अर यीशु की चर्चा सुणी के तुरन्त एक जनानि वेका पास ऐ, अर वीं की छुटी नौनि पर खबेस लग्यूं छौ। अर या जनानि वेका खुटों मा पोड़ि गै, 26अर वीं जनानि न वेसे बिन्ती कैरी कि, “प्रभु, मेरी नौनि मा बटि खबेस तैं निकाळि द्या।” अर या जनानि यहूदी जाति की नि छै, या सीरिया राज्य का सुरूफिनिकी इलाका की छै। 27वेन वींकू बोलि, “पैलि बच्चों तैं पुटगी भोरी के खाण दे, किलैकि नौनो की रुट्टी लेके कुकरों का अगनै डलण ठिक नि च।” 28मगर जनानि न वेतैं जबाब दिनी, “हाँ प्रभु, तुम ठिक बोन्ना छाँ, पर कुकर भि त मेज का मूड़ी छुटयां बच्चों का चूर-बूर तैं खनदिन।” 29तब यीशु न वींकू बोलि, “ज्वा बात तिन बोलि वीं बात की वजै से मि तेरी मदद कनु छौं, इलै घौर जा, तेरी नौनि मा बटि वु खबेस निकळि गै।” 30अर वींन अपणा घौर मा ऐके देखि कि नौनि बिस्तर मा पोड़ि च, अर खबेस वींमा बटि निकळि गै।
बैरा अर हकलौण वळा मनखि तैं खूब करण
31अर फिर यीशु सूर नगर का मुलक बटि निकळि गै। अर सैदा नगर का मुलक बटि अर दिकापुलिस#7:31 दिकापुलिस दस नगरों को एक मुलक छौ। का मुलक बटि ह्वेके गलील झील का पास पौंछी। 32अर लोग एक बैरा मनखि तैं वेका पास लेके ऐनी, जु कि हकलान्दु भि छौ। अर लोगु न वेसे बटि बिन्ती कैरी कि अपणु हाथ वे पर रखा। 33तब यीशु वे मनखि तैं भीड़ मा बटि अलग लि गै, अर अपणा अंगुळा वेका कन्दूड़ मा डलिनी, अर वेन थूकि अर वेकी जीब तैं छ्वी। 34तब वेन स्वर्ग जनै देखि अर लम्बी सांस लेके वेकू बोलि, “इफ्फत्तह” जैको मतलब च “खुलि जा।” 35अर तुरन्त वेका कन्दूड़ खुलि गैनी, अर वेकी जीब की गाँठ भि खुलि गै, अर वु साफ-साफ बुलण लगि गै। 36तब यीशु न ऊं लोगु तैं चितै के बोलि कि ईं बात का बारा मा कै मा नि बुलयां, मगर यीशु जथगा ऊंतैं रुकदु छौ, लोग उथगा ही वेका बारा मा बखान करण लगि गैनी। 37अर जथगा भि लोगु न यीशु का बारा मा सुणी वु सब हैरान ह्वेके बुलण लगि गैनी कि, “वेन जु कुछ भि कैरी वु सब ठिक कैरी, अरे वु त बैरो तैं सुनणे की अर गूंगों तैं बुलणै की ताकत देन्दु।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.