Yaheiya 13
13
Tujiladene Kon Waghazho
1Jiulidaosan Jieni melieshida Ersa duyase likai giezhi Adane hhende echiku shihou kurukui mejiewo. Hhe ene duyani goya kunladene orezhi zuihou kurutula izhi orezho. 2Heifan ijiekude Ibilisi Jialie kun Ximunyi kewon Yudai zhughede Ersai ghudandukui melieshise gie goudaghazho. 3Ersa Adani duyani qienlii hhei khade jiuisanyi, goyaneshi Hudai hhense iresanyi, pse Hudai hhende echikui mejiene. 4Ingie Ersa shire konse bosi ire jienne tei, kanzidene nie shoujinyi banla, 5nie nienpen usui kiezhi ire, tujilane konyi waghasenu kanzidene banlasan shoujinghala caizhi ghoghawo. 6Waghazhi Ximun-Bedurude kuzhese Beduru Ersade kieliewo, "Ezhan, chi mini konni waghanu?" 7Ersa kieliewo, "Bi giesanyi ede chi ulie mejienema, khuinashi mejiene." 8Beduru kieliewo, "Chi mini konni jiedui waghazhi ulie olune." Ersa kieliewo, "Bi chii ulie waghase bi jienliesan guzide chi bei dane." 9Ximun-Beduru kieliewo, "Ezhan, qinse gon konyimi bu wagha. Kha, qiorunyimi man wagha." 10Ersa kieliewo, "Xizao giezhi daosan kun zinie konne waghase hunshenni man ganjin wo. Tashi ganjinni woma, manshi ganjinni pusho." 11Ersa kien hhei ghudandukui melieshise mejiene. Ingiese "Tashi man ganjinni pusho." giezhi kieliewo. 12Ersa hhelai konni waghazhi balu, jienne musidene pse souwo. Ingie hhelade kieliewo, "Bi tande giesanyi ta dunjirewoye? 13Ta mini loushi, ezhan giezhi uruzho. Ta urusan oluzho. Bi enbene. 14Bishi tai ezhan, loushi woma, tai konni waghawo. Taye nieniene konyi wagha. 15Bi tande nie yanzi uzheghawo. Ta ye zhao bi tande giesan mutun giendu. 16Bi tande shuhuajia kielieye, hoji ezhanse fugie uwo. Peizhi ireghasan kun peisan kunse fugie uwo. 17Enei ta mejienema, ta ingiezhi giese tande fuqi wine. 18Mini ene kielienshi ta manlai zhiizhi kieliesan pusho. Bi goyane kienyi sunghusei mejiene. Ingieliuzhe jinwun jieredu kielien bixi gholune, 'Mare hhantu ginan ijiesan kun konghalane mii qiuine.' 19Ede shiqin da uye chenjikude bi tande xien kieliekushi shihou kuruse bishi hhe enbekui tai xianxin gieghane giezho. 20Bi tande shuhuajia kielieye, kun bi peisan kunlai jienliese mii jienliezho. Mii jienliese mii peizhi ireghasan hhei jienliezho."
Ersani Ghudandukuni Kieliezho
(Mat 26:20-25; Mak 14:17-21; Luj 22:21-23)
21 Ersa ene kielienyi kieliesenu zhughedene nango giezhi minminji kieliewo, "Bi tande shuhuajia kielieye, tai dunda nie kun mii ghudandune." 22Tujilani nieniene uzhezhi hhe kienyi kieliesei mejie dazho. 23Tujilani dunda niekozishi Ersa oresan wo. Hhe Ersai kanzide souzho. 24Ximun-Beduru hhe nie tujide qiorun jienjizhi, "Ezhan kienyi kieliezho?" giezhi asaghawo. 25Hhe nie tuji Ersai kanzii shighadene asazho, "Ezhan, kien wine?" 26Ersa kieliewo, "Bi goujinie ginanyi zhanjizhi kiende ogise hhe enbene." Ingiedene Ersa goujinie ginanyi zhanjisenu Jialie kun Ximunni kewon Yudade ogiwo. 27Hhe jienliese Ibilisi hhei sudoro orowo. Ingiese Ersa hhende kieliewo, "Chi giekune ghujighan gie." 28Shire konde hhantu sousan kunla hhende kieliesan ene kielienyi kiemada dunjire dawo. 29Kunla sumulase Yuda baerni bareizho, Ersa hhende kieliesanshi hhe matande jieqi daoghaku dunxi agile echi giezho. Pse jiahui kunlade yama khugho giezho. 30Yuda hhe ginanyi jienliedene deigo ghadane khizhi echiwo. Hhe xienzishi xieni wo.
Shini Minlin
31 Yuda khizhi echisenu Ersa kieliewo, "Ede Kunnikewonni kuaiku kuzhewo. Kunnikewonni tungo giezhi Hudaiye kuaiwo. 32Huda Kunnikewonni tungo giezhi goyane kuaikui jienliese hheye goyai tungo giezhi Kunnikewonni kuaine. Ede kuaiku ghujinlazho. 33Kesila, bi tanre hhantu biku shihou oloncha widazho. Khuinashi ta mii ereinema, bi echiku oronde ta echi dane. Ene kielienyi bi melieshi Yutai kunlade kieliezhi daozho. Ede tandeye ingiezhi kielieye. 34Bi tande nie shini minlin ogiye, ta nieniedene orendu. Bi tande oresan mutun taye qingiezhi nieniedene orendu. 35Ta nieniedene orese tashi mini tuji bikui kunla mejiene."
Ersai Ulie Tanikui Kieliezho
(Mat 26:31-35; Mak 14:27-31; Luj 22:31-34)
36 Ximun-Beduru Ersade asawo, "Ezhan, chi khala echine?" Ersa kieliewo, "Bi echiku oronde chi ede echi dane. Khuinashi chi mii daghazhi echine." 37Beduru kieliewo, "Ezhan, bi ede yale echizhi ulie olune? Bi chade aminne sheine." 38Ersa kieliewo, "Chi made aminne sheinu? Bi chade shuhuajia kielieye, tigha kheilatula chi mii 3 hui ulie renjine."
Currently Selected:
Yaheiya 13: sce
Highlight
Share
Copy
Want to have your highlights saved across all your devices? Sign up or sign in
© 2020-2024 River Street Publishing.
Yaheiya 13
13
Tujiladene Kon Waghazho
1Jiulidaosan Jieni melieshida Ersa duyase likai giezhi Adane hhende echiku shihou kurukui mejiewo. Hhe ene duyani goya kunladene orezhi zuihou kurutula izhi orezho. 2Heifan ijiekude Ibilisi Jialie kun Ximunyi kewon Yudai zhughede Ersai ghudandukui melieshise gie goudaghazho. 3Ersa Adani duyani qienlii hhei khade jiuisanyi, goyaneshi Hudai hhense iresanyi, pse Hudai hhende echikui mejiene. 4Ingie Ersa shire konse bosi ire jienne tei, kanzidene nie shoujinyi banla, 5nie nienpen usui kiezhi ire, tujilane konyi waghasenu kanzidene banlasan shoujinghala caizhi ghoghawo. 6Waghazhi Ximun-Bedurude kuzhese Beduru Ersade kieliewo, "Ezhan, chi mini konni waghanu?" 7Ersa kieliewo, "Bi giesanyi ede chi ulie mejienema, khuinashi mejiene." 8Beduru kieliewo, "Chi mini konni jiedui waghazhi ulie olune." Ersa kieliewo, "Bi chii ulie waghase bi jienliesan guzide chi bei dane." 9Ximun-Beduru kieliewo, "Ezhan, qinse gon konyimi bu wagha. Kha, qiorunyimi man wagha." 10Ersa kieliewo, "Xizao giezhi daosan kun zinie konne waghase hunshenni man ganjin wo. Tashi ganjinni woma, manshi ganjinni pusho." 11Ersa kien hhei ghudandukui melieshise mejiene. Ingiese "Tashi man ganjinni pusho." giezhi kieliewo. 12Ersa hhelai konni waghazhi balu, jienne musidene pse souwo. Ingie hhelade kieliewo, "Bi tande giesanyi ta dunjirewoye? 13Ta mini loushi, ezhan giezhi uruzho. Ta urusan oluzho. Bi enbene. 14Bishi tai ezhan, loushi woma, tai konni waghawo. Taye nieniene konyi wagha. 15Bi tande nie yanzi uzheghawo. Ta ye zhao bi tande giesan mutun giendu. 16Bi tande shuhuajia kielieye, hoji ezhanse fugie uwo. Peizhi ireghasan kun peisan kunse fugie uwo. 17Enei ta mejienema, ta ingiezhi giese tande fuqi wine. 18Mini ene kielienshi ta manlai zhiizhi kieliesan pusho. Bi goyane kienyi sunghusei mejiene. Ingieliuzhe jinwun jieredu kielien bixi gholune, 'Mare hhantu ginan ijiesan kun konghalane mii qiuine.' 19Ede shiqin da uye chenjikude bi tande xien kieliekushi shihou kuruse bishi hhe enbekui tai xianxin gieghane giezho. 20Bi tande shuhuajia kielieye, kun bi peisan kunlai jienliese mii jienliezho. Mii jienliese mii peizhi ireghasan hhei jienliezho."
Ersani Ghudandukuni Kieliezho
(Mat 26:20-25; Mak 14:17-21; Luj 22:21-23)
21 Ersa ene kielienyi kieliesenu zhughedene nango giezhi minminji kieliewo, "Bi tande shuhuajia kielieye, tai dunda nie kun mii ghudandune." 22Tujilani nieniene uzhezhi hhe kienyi kieliesei mejie dazho. 23Tujilani dunda niekozishi Ersa oresan wo. Hhe Ersai kanzide souzho. 24Ximun-Beduru hhe nie tujide qiorun jienjizhi, "Ezhan kienyi kieliezho?" giezhi asaghawo. 25Hhe nie tuji Ersai kanzii shighadene asazho, "Ezhan, kien wine?" 26Ersa kieliewo, "Bi goujinie ginanyi zhanjizhi kiende ogise hhe enbene." Ingiedene Ersa goujinie ginanyi zhanjisenu Jialie kun Ximunni kewon Yudade ogiwo. 27Hhe jienliese Ibilisi hhei sudoro orowo. Ingiese Ersa hhende kieliewo, "Chi giekune ghujighan gie." 28Shire konde hhantu sousan kunla hhende kieliesan ene kielienyi kiemada dunjire dawo. 29Kunla sumulase Yuda baerni bareizho, Ersa hhende kieliesanshi hhe matande jieqi daoghaku dunxi agile echi giezho. Pse jiahui kunlade yama khugho giezho. 30Yuda hhe ginanyi jienliedene deigo ghadane khizhi echiwo. Hhe xienzishi xieni wo.
Shini Minlin
31 Yuda khizhi echisenu Ersa kieliewo, "Ede Kunnikewonni kuaiku kuzhewo. Kunnikewonni tungo giezhi Hudaiye kuaiwo. 32Huda Kunnikewonni tungo giezhi goyane kuaikui jienliese hheye goyai tungo giezhi Kunnikewonni kuaine. Ede kuaiku ghujinlazho. 33Kesila, bi tanre hhantu biku shihou oloncha widazho. Khuinashi ta mii ereinema, bi echiku oronde ta echi dane. Ene kielienyi bi melieshi Yutai kunlade kieliezhi daozho. Ede tandeye ingiezhi kielieye. 34Bi tande nie shini minlin ogiye, ta nieniedene orendu. Bi tande oresan mutun taye qingiezhi nieniedene orendu. 35Ta nieniedene orese tashi mini tuji bikui kunla mejiene."
Ersai Ulie Tanikui Kieliezho
(Mat 26:31-35; Mak 14:27-31; Luj 22:31-34)
36 Ximun-Beduru Ersade asawo, "Ezhan, chi khala echine?" Ersa kieliewo, "Bi echiku oronde chi ede echi dane. Khuinashi chi mii daghazhi echine." 37Beduru kieliewo, "Ezhan, bi ede yale echizhi ulie olune? Bi chade aminne sheine." 38Ersa kieliewo, "Chi made aminne sheinu? Bi chade shuhuajia kielieye, tigha kheilatula chi mii 3 hui ulie renjine."
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020-2024 River Street Publishing.