Matai 12
12
Hhamuraku Udude Boudei Qiorun Sidazho
(Mak 2:23-28; Luj 6:1-5)
1Hhe xienzide Ersa hhamuraku udude boudei ghazhaghun yozhi daozho. Tujilani oliesuse boudei qiorunni sidazhi ijiezho. 2Falisai kunla chanladene Ersade kieliewo, "Uzhe, chii tujila hhamuraku udude ulie giekui giezho!" 3Ersa hhelade kieliewo, "Dawude, hhantuku kunlarene oliesukude giesan shiqinyi ta onshizhi ese daowu? 4Hhe mechide orodene Hudade ogiku ginanyi ijiewo. Ene ginanyi hhe, pse hhantuku kunlai ijiezhi ulie olune. Zinie buwa ijiese olune. 5Pse buwala hhamuraku udude mechide hhamuraku udui guijinni fanjiliuzhe zui ulie sanakui ta guijinshu jiere onshizhi ese daowu? 6Bi tande kielieye, enende nie kun mechise da fugie wo. 7'Bi ubali xiikude xiqi wo. Murede xiqi uwo.' giesan ene kielienyi isii ta mejiese zui witude zui ulie soughane. 8Kunnikewonshi hhamuraku uduni Ezhan wo."
Khani Goudaghazho
(Mak 3:1-6; Luj 6:6-11)
9 Ersa hhe oronse likai gie huitande orowo. 10Hhende nie khani ghosan kun wine. Kunla Ersai zhane giezhi, "Hhamuraku udude goudaghase olunulie?" giezhi asawo. 11Ersa kieliewo, "Tai dunda kien hhamuraku udude ghoni nokiende anda bouse laizhi ulie khizhenu? 12Kun ghonise giedughon zhigui wo. Ingiese hhamuraku udude gouni giese oluzho." 13Ingie, "Hhe kunde khane khizhegha." giezhi kieliewo. Hhe khane khizheghase khani goudazhi da nie khaghalai niekielien gholuwo. 14Falisai kunla khizhi echidene "Ersai matugie widaghane?" giezhi shanlian giewo.
Huda Sunghusan Hoji
15 Ersa mejiedene hhense likai giewo. Tebieji olon kunla hhei daghazho. Hhe gientulai man goudaghadene 16hhelade, "Hheshi kien bikui bu kielie!" giezhi minlin xiaiwo. 17Ingiekushi Ezhan Isaiya xienzhini tungo giezhi kieliesan kielien mutun gholughane giezho,
18"Uzhe, eneshi bi sunghusan mii hoji wo.
Bi hhende orezhi xiqi hen wo.
Bi ruhherne hhende ogine.
Ingiedene hhe gundanni minzulade chonjine.
19Hhe ulie zhenjindune, ulie onghonone.
Geidoude hhei shenqini kiema sonosu dane.
20Ghurane giesan ghulusunyi hhe ulie ghuraghane.
Xiniene giesan zhulai ulie xinieghane.
Izhi gundanni injitula giene.
21Minzula hhei nierei xiwon giene."
Ersa Biexibughala
(Mak 3:20-30; Luj 11:14-23; 12:10)
22Ingiekude kunla nie sheitan heisan sugho, yabai Ersai shida uduru irewo. Ersa hheni goudaghase hhe kielien kieliezhi chanlawo. 23Kunla man ghanirazhi kieliewo, "Eneshi Dawudeni houdei enbeneba?" 24Falisai kunla chenliedene kieliewo, "Ene kun sheitanni touzi Biexibui ulie kouise sheitan tou dane." 25Ersa hhela yan sumulasei mejiedene kieliewo, "Alinie gojia goyalane eghinduse hontan gholune. Alinie chenshiwonu, alinie giei kunla goyalane eghinduse bei dane. 26Ibilisi Ibilisine touse goyalane eghinduzho, hhei gojia matugie beine? 27Bi Biexibuni kouizhi sheitan touse tai tujila kienyi kouizhi sheitan touzho? Ingiese tai tujila zhenmin giese tanughun codazho. 28Bi Hudai Ruhherghala sheitan touse Hudai gojia tande irezho. 29Pse kun liliantu kunyi giede orozhi dunxilai qianlane giese xien liliantu kunyi ulie banlase matugie man qianla echine? 30Mii miende ulie beise mii duitou wo. Mare ulie hhantulachen kunshi sandachen kun wo. 31Ingiese bi tande kielieye, yanyanji zui, hu kieliesanlai man roulienema, Shenlinni hu kieliese ulie rouliene. 32Kunnikewonni fandui giezhi kieliese roulienema, Shenlinni fandui giezhi kieliese duyade ulie rouliene, houshideye ulie rouliene."
Alimaghala Mutunni Mejiene
(Luj 6:43-45)
33"Mutun goushi alima gou wo. Mutun bixinshi alimaye bixin wo. Alimaghala mutunni mejiene. 34Ta ene du mogheini zhunzhughala, ta doghunshi matugie gou kielien kieliezhi khizheghane? Zhughede durusei amande kielie khizheghane. 35Gou kunlai zhughede gounishi yen gouni khizheghane. Doghun kunlai zhughede doghunnishi yen doghunni khizheghane. 36Bi tande kielieye, xienhua kieliechen kunlai panjiku udude nie aman nie amanji renjighane. 37Tai kielienghala tai gounii sanane. Tai kielienghala tai zuini jinjine."
Yunusini Ghudureqi
(Mak 8:11-12; Luj 11:29-32)
38Ingiekude giedun jinwun hanjia, Falisai kun Ersade kieliewo, "Loushi, chi gieku ghudureqini bijien uzhene giezho." 39Ersa hhelade kieliewo, "Ene idaini kunla doghun nefuxin giezho, ta dou ghudureqi kerezhoma, xienzhi Yunusii ghudureqise chugo uzheghaku ghudureqi uwo. 40Yunusi ghurudu ghuran xii fugie zhaghasunyi kielide wo. Kunnikewonye ghurudu ghuran xii zemin jizide beine. 41Panjiku udude Niniwi kunla bosizhezhi ene idai kunlai zuini jinjine. Ingiekushi Niniwi kunla Yunusi chonjisei chenliedene geizhen giewo. Uzhe, enende Yunusise pse fugieni wine! 42Panjiku udude nanfanni bierei honshan bosizhedene ene idai kunlai zuini jinjine. Ingiekushi hhe gholose Sulumaneni aghelini chenliele irewo. Uzhe, enende Sulumanese pse fugieni wine!"
Zannan Ruhher Kharei Irewo
(Luj 11:24-26)
43"Nie zannan ruhher kunni jierese likai giedene usu witu oronde izhigie yozhi hhamuraku oron ereizho. Ereizhi olu dadene 44kieliewo, 'Bi yen khizhesan hhe giedene echine.' Khareizhi echi nie uzhese kunkunji shuzhi goudagha jiezho. 45Ingie khizhi echi goyasene dolon doghun ruhheryi uduruzhi ire souwo. Ingiese hhe kunni qinkon melieshidakude pse ese kuruwo. Ene idaini doghun kunlaye eneghala niekielien gholune."
Ersani Nie Gie Kun
(Mak 3:31-35; Luj 8:19-21)
46 Ersa kunlade kieliekude ana, gaijiulani iredene ghadane beizhi hhere kielien kieliene giezho. 47Nie kun hhende kieliewo, "Uzhe, anachii, gaijiulachii ghadane sagheizhi chare kielien kieliene giezho." 48Ersa khareizhi hhe kieliesan kunde kieliewo, "Kienshi mii ana wo? Kienshi mii gaijiula wo?" 49Ingie tujilane zhiizhi kieliewo, "Uzhe, mii ana, mii gaijiula wo. 50Asiman jieredu adaimi isii zunjizhi giesan kunlashi mii gaijiu, eghechijiu, ana wo."
Currently Selected:
Matai 12: sce
Highlight
Share
Copy
Want to have your highlights saved across all your devices? Sign up or sign in
© 2020-2024 River Street Publishing.
Matai 12
12
Hhamuraku Udude Boudei Qiorun Sidazho
(Mak 2:23-28; Luj 6:1-5)
1Hhe xienzide Ersa hhamuraku udude boudei ghazhaghun yozhi daozho. Tujilani oliesuse boudei qiorunni sidazhi ijiezho. 2Falisai kunla chanladene Ersade kieliewo, "Uzhe, chii tujila hhamuraku udude ulie giekui giezho!" 3Ersa hhelade kieliewo, "Dawude, hhantuku kunlarene oliesukude giesan shiqinyi ta onshizhi ese daowu? 4Hhe mechide orodene Hudade ogiku ginanyi ijiewo. Ene ginanyi hhe, pse hhantuku kunlai ijiezhi ulie olune. Zinie buwa ijiese olune. 5Pse buwala hhamuraku udude mechide hhamuraku udui guijinni fanjiliuzhe zui ulie sanakui ta guijinshu jiere onshizhi ese daowu? 6Bi tande kielieye, enende nie kun mechise da fugie wo. 7'Bi ubali xiikude xiqi wo. Murede xiqi uwo.' giesan ene kielienyi isii ta mejiese zui witude zui ulie soughane. 8Kunnikewonshi hhamuraku uduni Ezhan wo."
Khani Goudaghazho
(Mak 3:1-6; Luj 6:6-11)
9 Ersa hhe oronse likai gie huitande orowo. 10Hhende nie khani ghosan kun wine. Kunla Ersai zhane giezhi, "Hhamuraku udude goudaghase olunulie?" giezhi asawo. 11Ersa kieliewo, "Tai dunda kien hhamuraku udude ghoni nokiende anda bouse laizhi ulie khizhenu? 12Kun ghonise giedughon zhigui wo. Ingiese hhamuraku udude gouni giese oluzho." 13Ingie, "Hhe kunde khane khizhegha." giezhi kieliewo. Hhe khane khizheghase khani goudazhi da nie khaghalai niekielien gholuwo. 14Falisai kunla khizhi echidene "Ersai matugie widaghane?" giezhi shanlian giewo.
Huda Sunghusan Hoji
15 Ersa mejiedene hhense likai giewo. Tebieji olon kunla hhei daghazho. Hhe gientulai man goudaghadene 16hhelade, "Hheshi kien bikui bu kielie!" giezhi minlin xiaiwo. 17Ingiekushi Ezhan Isaiya xienzhini tungo giezhi kieliesan kielien mutun gholughane giezho,
18"Uzhe, eneshi bi sunghusan mii hoji wo.
Bi hhende orezhi xiqi hen wo.
Bi ruhherne hhende ogine.
Ingiedene hhe gundanni minzulade chonjine.
19Hhe ulie zhenjindune, ulie onghonone.
Geidoude hhei shenqini kiema sonosu dane.
20Ghurane giesan ghulusunyi hhe ulie ghuraghane.
Xiniene giesan zhulai ulie xinieghane.
Izhi gundanni injitula giene.
21Minzula hhei nierei xiwon giene."
Ersa Biexibughala
(Mak 3:20-30; Luj 11:14-23; 12:10)
22Ingiekude kunla nie sheitan heisan sugho, yabai Ersai shida uduru irewo. Ersa hheni goudaghase hhe kielien kieliezhi chanlawo. 23Kunla man ghanirazhi kieliewo, "Eneshi Dawudeni houdei enbeneba?" 24Falisai kunla chenliedene kieliewo, "Ene kun sheitanni touzi Biexibui ulie kouise sheitan tou dane." 25Ersa hhela yan sumulasei mejiedene kieliewo, "Alinie gojia goyalane eghinduse hontan gholune. Alinie chenshiwonu, alinie giei kunla goyalane eghinduse bei dane. 26Ibilisi Ibilisine touse goyalane eghinduzho, hhei gojia matugie beine? 27Bi Biexibuni kouizhi sheitan touse tai tujila kienyi kouizhi sheitan touzho? Ingiese tai tujila zhenmin giese tanughun codazho. 28Bi Hudai Ruhherghala sheitan touse Hudai gojia tande irezho. 29Pse kun liliantu kunyi giede orozhi dunxilai qianlane giese xien liliantu kunyi ulie banlase matugie man qianla echine? 30Mii miende ulie beise mii duitou wo. Mare ulie hhantulachen kunshi sandachen kun wo. 31Ingiese bi tande kielieye, yanyanji zui, hu kieliesanlai man roulienema, Shenlinni hu kieliese ulie rouliene. 32Kunnikewonni fandui giezhi kieliese roulienema, Shenlinni fandui giezhi kieliese duyade ulie rouliene, houshideye ulie rouliene."
Alimaghala Mutunni Mejiene
(Luj 6:43-45)
33"Mutun goushi alima gou wo. Mutun bixinshi alimaye bixin wo. Alimaghala mutunni mejiene. 34Ta ene du mogheini zhunzhughala, ta doghunshi matugie gou kielien kieliezhi khizheghane? Zhughede durusei amande kielie khizheghane. 35Gou kunlai zhughede gounishi yen gouni khizheghane. Doghun kunlai zhughede doghunnishi yen doghunni khizheghane. 36Bi tande kielieye, xienhua kieliechen kunlai panjiku udude nie aman nie amanji renjighane. 37Tai kielienghala tai gounii sanane. Tai kielienghala tai zuini jinjine."
Yunusini Ghudureqi
(Mak 8:11-12; Luj 11:29-32)
38Ingiekude giedun jinwun hanjia, Falisai kun Ersade kieliewo, "Loushi, chi gieku ghudureqini bijien uzhene giezho." 39Ersa hhelade kieliewo, "Ene idaini kunla doghun nefuxin giezho, ta dou ghudureqi kerezhoma, xienzhi Yunusii ghudureqise chugo uzheghaku ghudureqi uwo. 40Yunusi ghurudu ghuran xii fugie zhaghasunyi kielide wo. Kunnikewonye ghurudu ghuran xii zemin jizide beine. 41Panjiku udude Niniwi kunla bosizhezhi ene idai kunlai zuini jinjine. Ingiekushi Niniwi kunla Yunusi chonjisei chenliedene geizhen giewo. Uzhe, enende Yunusise pse fugieni wine! 42Panjiku udude nanfanni bierei honshan bosizhedene ene idai kunlai zuini jinjine. Ingiekushi hhe gholose Sulumaneni aghelini chenliele irewo. Uzhe, enende Sulumanese pse fugieni wine!"
Zannan Ruhher Kharei Irewo
(Luj 11:24-26)
43"Nie zannan ruhher kunni jierese likai giedene usu witu oronde izhigie yozhi hhamuraku oron ereizho. Ereizhi olu dadene 44kieliewo, 'Bi yen khizhesan hhe giedene echine.' Khareizhi echi nie uzhese kunkunji shuzhi goudagha jiezho. 45Ingie khizhi echi goyasene dolon doghun ruhheryi uduruzhi ire souwo. Ingiese hhe kunni qinkon melieshidakude pse ese kuruwo. Ene idaini doghun kunlaye eneghala niekielien gholune."
Ersani Nie Gie Kun
(Mak 3:31-35; Luj 8:19-21)
46 Ersa kunlade kieliekude ana, gaijiulani iredene ghadane beizhi hhere kielien kieliene giezho. 47Nie kun hhende kieliewo, "Uzhe, anachii, gaijiulachii ghadane sagheizhi chare kielien kieliene giezho." 48Ersa khareizhi hhe kieliesan kunde kieliewo, "Kienshi mii ana wo? Kienshi mii gaijiula wo?" 49Ingie tujilane zhiizhi kieliewo, "Uzhe, mii ana, mii gaijiula wo. 50Asiman jieredu adaimi isii zunjizhi giesan kunlashi mii gaijiu, eghechijiu, ana wo."
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2020-2024 River Street Publishing.