Ап. уджъяс 4
4
Петыр да Иоан веськӧдлан котыр водзын
1Кор Петыр да Иоан сёрнитісны йӧзыскӧд, на дінӧ матыстчисны попъяс, крам видзысьяслӧн веськӧдлысьыс да саддукейяс. 2Найӧ скӧралісны, мый апостолъяс велӧдӧны йӧзсӧ да висьтавлӧны, Исус пӧ ловзис, и кулӧмаяс пӧ тшӧтш ловзясны. 3Найӧ босьтісны Петырӧс да Иоанӧс да йӧртісны асылӧдзыс дзескыдінӧ, ӧд вӧлі рыт нин. 4А кывзысьяс пӧвстысь унаӧн эскисны, и вокъяслӧн лыдыс содіс вит сюрсӧдз.
5Мӧд луннас чукӧртчисны Ерусалимӧ иудейяслӧн юралысьяс, юрнуӧдысьяс да Индӧдӧ велӧдысьяс. 6Сэні вӧліны тшӧтш Аннас аркирей, Каиаф, Иоан, Ӧльӧксандр да аркирей рӧдвужысь мукӧдъяс. 7Найӧ сувтӧдісны апостолъясӧс шӧрас да юалісны: «Кутшӧм вынӧн да код нимӧн ті тайӧс вӧчинныд?»
8Сэки Петыр, коді вӧлі тырӧма Вежа Лолӧн, шуис налы: «Войтырлӧн юралысьяс да юрнуӧдысьяс! 9Талун ті коранныд миянлысь вочакыв, мыйла ми бурсӧ вӧчим висьысь мортлы, и кыдзи сійӧ бурдіс. 10Сідзкӧ, ті да став Израиль войтыр, тӧдӧй, мый Назаретса Исус Кристос нимӧн, Сылӧн вын отсӧгӧн, тайӧ мортыс сулалӧ тіян водзын дзоньвидза. Ті тувъялінныд Исус Кристосӧс крестӧ, но Енмыс ловзьӧдіс Сійӧс. 11Сійӧ эм из, кодӧс ті, керка лэптысьяс, ӧтдортінныд. Но тайӧ изйыс лоис пельӧс изйӧн. И абу мӧд Мездысьыс, 12да абу сетӧма йӧзлы енэж улас мӧд нимсӧ, код пыр миянлы позьӧ мездмыны».
13Кор веськӧдлысьяс да юрнуӧдысьяс аддзисны Петыр да Иоанлысь повтӧмлунсӧ да казялісны, мый найӧ велӧдчытӧм йӧз, ёна шензисны. Гӧгӧрвоисны, мый найӧ вӧлӧмаӧсь Исускӧд. 14Но Петыр да Иоанкӧд сулалысь бурдӧм морт вылӧ видзӧдігӧн нинӧм паныд шуны эз вермыны. 15Сэсся апостолъяслы тшӧктісны петны, а ас костаныс пондісны сёрнитны: 16«Мый кутам вӧчны тайӧ йӧзыскӧд? Ӧд став Ерусалимыс тӧдӧ налысь шензьӧданатор вӧчӧмсӧ, ми огӧ вермӧй соссьыны таысь. 17Медым юӧрыс водзӧ эз паськав войтырным пӧвстын, чорыда ӧлӧдам найӧс, медым эз висьтавлыны Исус йылысь».
18Сэсся бӧр корисны апостолъясӧс да тшӧктісны, мед дугдасны висьтавлыны да велӧдны Исус йылысь. 19Петыр да Иоан воча шуисны налы: «Мӧвпыштлӧй асьныд, бур-ӧ тайӧ Ен водзын, ми кӧ Енмӧс дорысь ёнджыка кутам кывзыны тіянӧс. 20Ми огӧ вермӧй чӧв овны сы йылысь, мый аддзылім да кывлім». 21Чорыда чирыштӧм бӧрын веськӧдлан котыр лэдзис апостолъясӧс. Йӧз вӧснаыс эз вермыны мыждыны найӧс, ӧд ставныс ошкисны Енмӧс тайӧ лоӧмторсьыс. 22Шензяна ногӧн бурдӧм мортлы вӧлі нелямын сайӧ арӧс.
Эскысьяс кевмысьӧны
23Дзескыдінысь петӧм бӧрын Петыр да Иоан мунісны вокъясныс дінӧ. Сэні найӧ висьталісны аркирейяслӧн да юрнуӧдысьяслӧн ӧлӧдӧм йылысь. 24Найӧс кывзӧм бӧрын ставныс ӧтвылысь шыасисны Ен дінӧ: «Ыджыдӧй, Тэ вӧчин енэжсӧ, мусӧ, саридзсӧ да ставсӧ, мый сэні эм! 25Миян Давид батьным пыр, Тэнад кесъялысь пыр, Тэ Вежа Ловнад шуин:
– Мыйла шызьӧны войтыръяс,
мыйла мӧвпалӧны ковтӧмсӧ?
26Мувывса ӧксыяс ӧтувтчӧны,
ыджыдалысьяс кыпӧдчӧны Господьлы паныд
да Сылӧн Мавтыштӧмалы паныд.
27Тайӧ карас Ирӧд да Понтий Пилат збыльысь ӧтувтчисны ентӧдтӧмъяскӧд да Израиль войтыркӧд, сувтісны Тэнад Мавтыштӧмалы, Тэнад вежа Исус Пиыдлы паныд. 28Найӧ олӧмӧ пӧртісны Тэнсьыд водзвыв шуӧмтӧ да вына лӧсьӧдӧмтӧ. 29Ӧні, Господьӧй, видзӧдлы налӧн повзьӧдлӧм вылӧ, отсав Аслад кесйӧгъяслы повтӧг висьтавны Тэнсьыд кывтӧ. 30Нюжӧд китӧ, медым висьысьяс Тэнад вежа Исус Пи нимӧн бурдасны, шензьӧданаторъяс да индысьпасъяс тыдовтчасны».
31Кевмысьӧм бӧрас чукӧртчанінын муыс вӧрзис. Ставныс тырисны Вежа Лолӧн да повтӧг пондісны висьтавны Енлысь кывсӧ.
Ӧти сьӧлӧмӧн олӧм
32Эскысьяс ставныс вӧліны ӧти лолаӧсь да ӧти сьӧлӧмаӧсь. Некод ассьыс эмбурсӧ эз лыддьы асласӧн, ставыс налӧн вӧлі ӧтувъя. 33Апостолъяс ыджыд вынӧн висьтавлісны Господь Исус Кристослӧн ловзьӧм йылысь. Енлӧн ыджыд буралӧмыс вӧлі ставныс вылын. 34Налы ставыс вӧлі тырмана. Кодлӧн вӧлі керка да видз-му, сійӧ вузаліс ставсӧ, а сьӧмсӧ вайис 35апостолъяслы. Найӧ быдӧнлы юклісны колана мында. 36Иосей, Кипрын чужлӧм левит, кодӧс апостолъяс шуисны Варнава нимӧн, мый лоӧ ”бурӧдысь”, 37тшӧтш вузаліс ассьыс видз-мусӧ да вайис сьӧмсӧ апостолъяслы.
Currently Selected:
Ап. уджъяс 4: КБ
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023
Ап. уджъяс 4
4
Петыр да Иоан веськӧдлан котыр водзын
1Кор Петыр да Иоан сёрнитісны йӧзыскӧд, на дінӧ матыстчисны попъяс, крам видзысьяслӧн веськӧдлысьыс да саддукейяс. 2Найӧ скӧралісны, мый апостолъяс велӧдӧны йӧзсӧ да висьтавлӧны, Исус пӧ ловзис, и кулӧмаяс пӧ тшӧтш ловзясны. 3Найӧ босьтісны Петырӧс да Иоанӧс да йӧртісны асылӧдзыс дзескыдінӧ, ӧд вӧлі рыт нин. 4А кывзысьяс пӧвстысь унаӧн эскисны, и вокъяслӧн лыдыс содіс вит сюрсӧдз.
5Мӧд луннас чукӧртчисны Ерусалимӧ иудейяслӧн юралысьяс, юрнуӧдысьяс да Индӧдӧ велӧдысьяс. 6Сэні вӧліны тшӧтш Аннас аркирей, Каиаф, Иоан, Ӧльӧксандр да аркирей рӧдвужысь мукӧдъяс. 7Найӧ сувтӧдісны апостолъясӧс шӧрас да юалісны: «Кутшӧм вынӧн да код нимӧн ті тайӧс вӧчинныд?»
8Сэки Петыр, коді вӧлі тырӧма Вежа Лолӧн, шуис налы: «Войтырлӧн юралысьяс да юрнуӧдысьяс! 9Талун ті коранныд миянлысь вочакыв, мыйла ми бурсӧ вӧчим висьысь мортлы, и кыдзи сійӧ бурдіс. 10Сідзкӧ, ті да став Израиль войтыр, тӧдӧй, мый Назаретса Исус Кристос нимӧн, Сылӧн вын отсӧгӧн, тайӧ мортыс сулалӧ тіян водзын дзоньвидза. Ті тувъялінныд Исус Кристосӧс крестӧ, но Енмыс ловзьӧдіс Сійӧс. 11Сійӧ эм из, кодӧс ті, керка лэптысьяс, ӧтдортінныд. Но тайӧ изйыс лоис пельӧс изйӧн. И абу мӧд Мездысьыс, 12да абу сетӧма йӧзлы енэж улас мӧд нимсӧ, код пыр миянлы позьӧ мездмыны».
13Кор веськӧдлысьяс да юрнуӧдысьяс аддзисны Петыр да Иоанлысь повтӧмлунсӧ да казялісны, мый найӧ велӧдчытӧм йӧз, ёна шензисны. Гӧгӧрвоисны, мый найӧ вӧлӧмаӧсь Исускӧд. 14Но Петыр да Иоанкӧд сулалысь бурдӧм морт вылӧ видзӧдігӧн нинӧм паныд шуны эз вермыны. 15Сэсся апостолъяслы тшӧктісны петны, а ас костаныс пондісны сёрнитны: 16«Мый кутам вӧчны тайӧ йӧзыскӧд? Ӧд став Ерусалимыс тӧдӧ налысь шензьӧданатор вӧчӧмсӧ, ми огӧ вермӧй соссьыны таысь. 17Медым юӧрыс водзӧ эз паськав войтырным пӧвстын, чорыда ӧлӧдам найӧс, медым эз висьтавлыны Исус йылысь».
18Сэсся бӧр корисны апостолъясӧс да тшӧктісны, мед дугдасны висьтавлыны да велӧдны Исус йылысь. 19Петыр да Иоан воча шуисны налы: «Мӧвпыштлӧй асьныд, бур-ӧ тайӧ Ен водзын, ми кӧ Енмӧс дорысь ёнджыка кутам кывзыны тіянӧс. 20Ми огӧ вермӧй чӧв овны сы йылысь, мый аддзылім да кывлім». 21Чорыда чирыштӧм бӧрын веськӧдлан котыр лэдзис апостолъясӧс. Йӧз вӧснаыс эз вермыны мыждыны найӧс, ӧд ставныс ошкисны Енмӧс тайӧ лоӧмторсьыс. 22Шензяна ногӧн бурдӧм мортлы вӧлі нелямын сайӧ арӧс.
Эскысьяс кевмысьӧны
23Дзескыдінысь петӧм бӧрын Петыр да Иоан мунісны вокъясныс дінӧ. Сэні найӧ висьталісны аркирейяслӧн да юрнуӧдысьяслӧн ӧлӧдӧм йылысь. 24Найӧс кывзӧм бӧрын ставныс ӧтвылысь шыасисны Ен дінӧ: «Ыджыдӧй, Тэ вӧчин енэжсӧ, мусӧ, саридзсӧ да ставсӧ, мый сэні эм! 25Миян Давид батьным пыр, Тэнад кесъялысь пыр, Тэ Вежа Ловнад шуин:
– Мыйла шызьӧны войтыръяс,
мыйла мӧвпалӧны ковтӧмсӧ?
26Мувывса ӧксыяс ӧтувтчӧны,
ыджыдалысьяс кыпӧдчӧны Господьлы паныд
да Сылӧн Мавтыштӧмалы паныд.
27Тайӧ карас Ирӧд да Понтий Пилат збыльысь ӧтувтчисны ентӧдтӧмъяскӧд да Израиль войтыркӧд, сувтісны Тэнад Мавтыштӧмалы, Тэнад вежа Исус Пиыдлы паныд. 28Найӧ олӧмӧ пӧртісны Тэнсьыд водзвыв шуӧмтӧ да вына лӧсьӧдӧмтӧ. 29Ӧні, Господьӧй, видзӧдлы налӧн повзьӧдлӧм вылӧ, отсав Аслад кесйӧгъяслы повтӧг висьтавны Тэнсьыд кывтӧ. 30Нюжӧд китӧ, медым висьысьяс Тэнад вежа Исус Пи нимӧн бурдасны, шензьӧданаторъяс да индысьпасъяс тыдовтчасны».
31Кевмысьӧм бӧрас чукӧртчанінын муыс вӧрзис. Ставныс тырисны Вежа Лолӧн да повтӧг пондісны висьтавны Енлысь кывсӧ.
Ӧти сьӧлӧмӧн олӧм
32Эскысьяс ставныс вӧліны ӧти лолаӧсь да ӧти сьӧлӧмаӧсь. Некод ассьыс эмбурсӧ эз лыддьы асласӧн, ставыс налӧн вӧлі ӧтувъя. 33Апостолъяс ыджыд вынӧн висьтавлісны Господь Исус Кристослӧн ловзьӧм йылысь. Енлӧн ыджыд буралӧмыс вӧлі ставныс вылын. 34Налы ставыс вӧлі тырмана. Кодлӧн вӧлі керка да видз-му, сійӧ вузаліс ставсӧ, а сьӧмсӧ вайис 35апостолъяслы. Найӧ быдӧнлы юклісны колана мында. 36Иосей, Кипрын чужлӧм левит, кодӧс апостолъяс шуисны Варнава нимӧн, мый лоӧ ”бурӧдысь”, 37тшӧтш вузаліс ассьыс видз-мусӧ да вайис сьӧмсӧ апостолъяслы.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023