Марк 15
15
Исусӧс мыждӧм
(Мт. 27:1-2,11-26; Лк. 23:1-5,13-25; Ин. 18:28–19:16)
1Асывводзнас чукӧртчисны аркирейяс, юрнуӧдысьяс, Индӧдӧ велӧдысьяс да став веськӧдлан котырыс. Сёрнитчӧм бӧрын Исусӧс кӧрталӧмӧн нуӧдісны Пилат дінӧ да сетісны сылы.
2Пилат юаліс Исуслысь: «Тэ-ӧ иудейяслӧн Ӧксыыс?» Исус вочавидзис: «Тэ шуан». 3Аркирейяс унаторйысь мыжалісны Исусӧс. 4Пилат бара юаліс Сылысь: «Он тай нӧ нинӧм шу? Кылан, кутшӧма Тэнӧ мыжалӧны». 5Исус весиг вочакыв эз шу. Пилатӧс тайӧ шензьӧдіс.
6Быд во Ыджыд лунӧ йӧз корӧм серти Пилат лэдзліс дзескыдінысь ӧти мортӧс. 7Сэки дзескыдінын пукалісны зык лэптысьяс. На лыдын тшӧтш вӧлі Варавва. Зык дырйиыс найӧ мортӧс виӧмаӧсь. 8Чукӧртчӧм йӧз пондісны горзӧмӧн корны Пилатӧс вӧчны налы сійӧ, мый пыр вӧчлывліс. 9Пилат юаліс: «Кӧсъянныд-ӧ, медым ме лэдзи тіянлы иудейяслысь Ӧксысӧ?» 10Пилат тӧдіс, мый аркирейяс сетісны Исусӧс сы киӧ вежалӧмныс понда. 11Аркирейяс ыззьӧдісны йӧзсӧ, мед Исус пыдди корасны лэдзны Варавваӧс. 12Пилат юаліс: «Мый шуанныд вӧчны Сыкӧд, кодӧс нимтанныд иудейяслӧн Ӧксыӧн?» 13Найӧ горӧдісны: «Тувъяв Сійӧс!» 14«Мый лёксӧ Сійӧ вӧчис?» – юаліс Пилат. Йӧзыс гораджыка на горзісны: «Тувъяв Сійӧс!»
15Йӧзлы шогмӧм могысь Пилат лэдзис Варавваӧс, а Исусӧс нӧйтӧм бӧрын сетіс тувъявны.
Исусӧс тувъялӧм
(Мт. 27:27-44; Лк. 23:26-43; Ин. 19:2-3,17-27)
16Шыпуртаяс нуӧдісны Исусӧс римса юралысьлӧн керка йӧрӧ, сэтчӧ вайӧдісны тышкайӧзӧс. 17Найӧ пасьтӧдісны Исусӧс пемыдгӧрд кышанӧ, юрас пуктісны лежнӧгысь кыӧм юркытш, 18сэсся пондісны нимӧдны Сійӧс: «Мед олас иудейяслӧн Ӧксы!» 19Кучкалісны юрас беддьӧн, сьӧлалісны Сійӧс да пидзӧсчанясьӧмӧн копрасисны Сы водзын. 20Сералӧм-лёкӧдӧм бӧрын найӧ босьтісны Исус вылысь пемыдгӧрд кышансӧ да бӧр пасьтӧдісны Сійӧс Аслас паськӧмӧ, сэсся нуӧдісны тувъявны.
21Исуслысь крестсӧ тшӧктісны нуны видз-му вылысь локтысь киринеяса Симонлы, Ӧльӧксанлӧн да Руфослӧн батьлы. 22Исусӧс вайӧдісны Голгопа керӧсӧ, нимыслӧн вежӧртасыс лоӧ ”Юр лы”. 23Сэні Сылы сетісны смирна сора вина, но Сійӧ эз ю.
24Исусӧс тувъялысьяс пудъясьӧмӧн юкисны Сылысь паськӧмсӧ.
25Исусӧс тувъялісны ӧкмыс час асылӧ. 26Юр весьтас ӧшӧдісны мыжалан пасйӧд: «Иудейяслӧн Ӧксы». 27Сыкӧд орччӧн тувъялісны кык лёк вӧчысьӧс: ӧтисӧ веськыдладорас, мӧдсӧ шуйгаладорас. 28Тадзи иніс Гижӧдыс: «Сійӧс пуктісны Индӧдтӧг олысьяс лыдӧ».
29Сэті мунысьяс лёкысь видзӧдӧмӧн омӧльтісны Исусӧс: «Крам жугӧдысь да куим лунӧн сійӧс лэптысь, 30мезды Асьтӧ, лэччы крест вывсьыд!» 31Сійӧс лёкӧдісны тшӧтш аркирейяс да Индӧдӧ велӧдысьяс: «Мукӧдӧс мездіс, а Асьсӧ мездыны оз вермы! 32Кристос, Израильлӧн Ӧксы, мед лэччас крест вывсьыс. Аддзылам кӧ тайӧс, сэки эскам». Исусӧс лёкӧдісны тшӧтш орччӧн тувъялӧмаяс.
Исуслӧн кулӧм
(Мт. 27:45-56; Лк. 23:44-49; Ин. 19:28-30)
33Луншӧр кадӧ пемдіс став му пасьталаыс, пемыдыс сулаліс куим часӧдз. 34Куим час гӧгӧрын Исус ыджыд шыӧн горӧдіс: «Эли, Эли, лама сабактани?» Тайӧ лоӧ: «Енмӧй, Енмӧй, мыйла Тэ эновтін Менӧ?» 35Сэні сулалысьясысь кодсюрӧ шуисны, Илляӧс пӧ корӧ. 36Ӧти морт котӧртіс, кӧтӧдіс вина уксусӧн губка#15:36 Видзӧд Мт. 27:48., сэсся бедь помӧ сатшкӧмӧн мыччис сійӧс Исуслы да шуис: «Энлӧй! Видзӧдлам, локтас оз Илля лэдзны Сійӧс». 37Исус горӧдіс ыджыд шыӧн, сэсся лолыс петіс.
38Сэки крамын ӧшалысь дӧраыс вывсяньыс улӧдзыс кык пельӧ косяссис. 39Сё тышкамортӧн веськӧдлысь сулаліс Исуслы воча. Кор сійӧ аддзис, кыдзи Исуслӧн горӧдӧм бӧртиыс лолыс петіс, шуис: «Тайӧ Мортыс збыльысь Ен Пи вӧлӧма».
40Сэні вӧліны аньяс, кодъяс ылісянь видзӧдісны. На пӧвстын вӧліны Магдала Марья, томджык Яковлӧн да Иосейлӧн Марья мамныс да Саломия. 41Галилеяын найӧ ветлывлісны Исускӧд да кесъявлісны Сылы. Нӧшта сэні вӧлі уна мукӧд ань, кодъяс локтісны Исускӧд Ерусалимӧ.
Исусӧс дзебӧм
(Мт. 27:57-61; Лк. 23:50-56; Ин. 19:38-42)
42Вӧлі рыт, шойччан лунлы паныд. 43Аримафея карысь воис Ӧсип, веськӧдлан котырысь пыдди пуктана морт. Сійӧ виччысис Ен Юралӧмлысь воӧмсӧ. Сійӧ повтӧг муніс Пилат дінӧ да корис Исуслысь шойсӧ. 44Пилат чуймис, мый Исус кулӧма нин. Сійӧ корис сё тышкамортӧн веськӧдлысьӧс да тӧдмаліс, важӧн-ӧ куліс. 45Кор Пилат тӧдмаліс Исуслӧн кулӧм йылысь, лэдзис Ӧсиплы босьтны шойсӧ. 46Ӧсип ньӧбис шабді дӧра, босьтіс крест вылысь шойсӧ, гартыштіс дӧраӧ да пуктіс изкыртаӧ кералӧм дзебанінӧ. Пыранінас путкыльтіс из. 47Магдала Марья да Иосейлӧн Марья мамыс видзӧдісны, кытчӧ дзебасны Исусӧс.
Currently Selected:
Марк 15: КБ
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023
Марк 15
15
Исусӧс мыждӧм
(Мт. 27:1-2,11-26; Лк. 23:1-5,13-25; Ин. 18:28–19:16)
1Асывводзнас чукӧртчисны аркирейяс, юрнуӧдысьяс, Индӧдӧ велӧдысьяс да став веськӧдлан котырыс. Сёрнитчӧм бӧрын Исусӧс кӧрталӧмӧн нуӧдісны Пилат дінӧ да сетісны сылы.
2Пилат юаліс Исуслысь: «Тэ-ӧ иудейяслӧн Ӧксыыс?» Исус вочавидзис: «Тэ шуан». 3Аркирейяс унаторйысь мыжалісны Исусӧс. 4Пилат бара юаліс Сылысь: «Он тай нӧ нинӧм шу? Кылан, кутшӧма Тэнӧ мыжалӧны». 5Исус весиг вочакыв эз шу. Пилатӧс тайӧ шензьӧдіс.
6Быд во Ыджыд лунӧ йӧз корӧм серти Пилат лэдзліс дзескыдінысь ӧти мортӧс. 7Сэки дзескыдінын пукалісны зык лэптысьяс. На лыдын тшӧтш вӧлі Варавва. Зык дырйиыс найӧ мортӧс виӧмаӧсь. 8Чукӧртчӧм йӧз пондісны горзӧмӧн корны Пилатӧс вӧчны налы сійӧ, мый пыр вӧчлывліс. 9Пилат юаліс: «Кӧсъянныд-ӧ, медым ме лэдзи тіянлы иудейяслысь Ӧксысӧ?» 10Пилат тӧдіс, мый аркирейяс сетісны Исусӧс сы киӧ вежалӧмныс понда. 11Аркирейяс ыззьӧдісны йӧзсӧ, мед Исус пыдди корасны лэдзны Варавваӧс. 12Пилат юаліс: «Мый шуанныд вӧчны Сыкӧд, кодӧс нимтанныд иудейяслӧн Ӧксыӧн?» 13Найӧ горӧдісны: «Тувъяв Сійӧс!» 14«Мый лёксӧ Сійӧ вӧчис?» – юаліс Пилат. Йӧзыс гораджыка на горзісны: «Тувъяв Сійӧс!»
15Йӧзлы шогмӧм могысь Пилат лэдзис Варавваӧс, а Исусӧс нӧйтӧм бӧрын сетіс тувъявны.
Исусӧс тувъялӧм
(Мт. 27:27-44; Лк. 23:26-43; Ин. 19:2-3,17-27)
16Шыпуртаяс нуӧдісны Исусӧс римса юралысьлӧн керка йӧрӧ, сэтчӧ вайӧдісны тышкайӧзӧс. 17Найӧ пасьтӧдісны Исусӧс пемыдгӧрд кышанӧ, юрас пуктісны лежнӧгысь кыӧм юркытш, 18сэсся пондісны нимӧдны Сійӧс: «Мед олас иудейяслӧн Ӧксы!» 19Кучкалісны юрас беддьӧн, сьӧлалісны Сійӧс да пидзӧсчанясьӧмӧн копрасисны Сы водзын. 20Сералӧм-лёкӧдӧм бӧрын найӧ босьтісны Исус вылысь пемыдгӧрд кышансӧ да бӧр пасьтӧдісны Сійӧс Аслас паськӧмӧ, сэсся нуӧдісны тувъявны.
21Исуслысь крестсӧ тшӧктісны нуны видз-му вылысь локтысь киринеяса Симонлы, Ӧльӧксанлӧн да Руфослӧн батьлы. 22Исусӧс вайӧдісны Голгопа керӧсӧ, нимыслӧн вежӧртасыс лоӧ ”Юр лы”. 23Сэні Сылы сетісны смирна сора вина, но Сійӧ эз ю.
24Исусӧс тувъялысьяс пудъясьӧмӧн юкисны Сылысь паськӧмсӧ.
25Исусӧс тувъялісны ӧкмыс час асылӧ. 26Юр весьтас ӧшӧдісны мыжалан пасйӧд: «Иудейяслӧн Ӧксы». 27Сыкӧд орччӧн тувъялісны кык лёк вӧчысьӧс: ӧтисӧ веськыдладорас, мӧдсӧ шуйгаладорас. 28Тадзи иніс Гижӧдыс: «Сійӧс пуктісны Индӧдтӧг олысьяс лыдӧ».
29Сэті мунысьяс лёкысь видзӧдӧмӧн омӧльтісны Исусӧс: «Крам жугӧдысь да куим лунӧн сійӧс лэптысь, 30мезды Асьтӧ, лэччы крест вывсьыд!» 31Сійӧс лёкӧдісны тшӧтш аркирейяс да Индӧдӧ велӧдысьяс: «Мукӧдӧс мездіс, а Асьсӧ мездыны оз вермы! 32Кристос, Израильлӧн Ӧксы, мед лэччас крест вывсьыс. Аддзылам кӧ тайӧс, сэки эскам». Исусӧс лёкӧдісны тшӧтш орччӧн тувъялӧмаяс.
Исуслӧн кулӧм
(Мт. 27:45-56; Лк. 23:44-49; Ин. 19:28-30)
33Луншӧр кадӧ пемдіс став му пасьталаыс, пемыдыс сулаліс куим часӧдз. 34Куим час гӧгӧрын Исус ыджыд шыӧн горӧдіс: «Эли, Эли, лама сабактани?» Тайӧ лоӧ: «Енмӧй, Енмӧй, мыйла Тэ эновтін Менӧ?» 35Сэні сулалысьясысь кодсюрӧ шуисны, Илляӧс пӧ корӧ. 36Ӧти морт котӧртіс, кӧтӧдіс вина уксусӧн губка#15:36 Видзӧд Мт. 27:48., сэсся бедь помӧ сатшкӧмӧн мыччис сійӧс Исуслы да шуис: «Энлӧй! Видзӧдлам, локтас оз Илля лэдзны Сійӧс». 37Исус горӧдіс ыджыд шыӧн, сэсся лолыс петіс.
38Сэки крамын ӧшалысь дӧраыс вывсяньыс улӧдзыс кык пельӧ косяссис. 39Сё тышкамортӧн веськӧдлысь сулаліс Исуслы воча. Кор сійӧ аддзис, кыдзи Исуслӧн горӧдӧм бӧртиыс лолыс петіс, шуис: «Тайӧ Мортыс збыльысь Ен Пи вӧлӧма».
40Сэні вӧліны аньяс, кодъяс ылісянь видзӧдісны. На пӧвстын вӧліны Магдала Марья, томджык Яковлӧн да Иосейлӧн Марья мамныс да Саломия. 41Галилеяын найӧ ветлывлісны Исускӧд да кесъявлісны Сылы. Нӧшта сэні вӧлі уна мукӧд ань, кодъяс локтісны Исускӧд Ерусалимӧ.
Исусӧс дзебӧм
(Мт. 27:57-61; Лк. 23:50-56; Ин. 19:38-42)
42Вӧлі рыт, шойччан лунлы паныд. 43Аримафея карысь воис Ӧсип, веськӧдлан котырысь пыдди пуктана морт. Сійӧ виччысис Ен Юралӧмлысь воӧмсӧ. Сійӧ повтӧг муніс Пилат дінӧ да корис Исуслысь шойсӧ. 44Пилат чуймис, мый Исус кулӧма нин. Сійӧ корис сё тышкамортӧн веськӧдлысьӧс да тӧдмаліс, важӧн-ӧ куліс. 45Кор Пилат тӧдмаліс Исуслӧн кулӧм йылысь, лэдзис Ӧсиплы босьтны шойсӧ. 46Ӧсип ньӧбис шабді дӧра, босьтіс крест вылысь шойсӧ, гартыштіс дӧраӧ да пуктіс изкыртаӧ кералӧм дзебанінӧ. Пыранінас путкыльтіс из. 47Магдала Марья да Иосейлӧн Марья мамыс видзӧдісны, кытчӧ дзебасны Исусӧс.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023