መተ 32
32
ያይቆባነ ኤሳዌ
1ያይቆብ ደንድድ ባ ኦግያ ብሽን ፆሳ ኪታንቾት እያራ ጋሄትዶሶና። 2ያይቆብ ኤንታ በእዳ ዎደ “ሀይሳቲ ፆሳ ኦላንቾታ” ያግድ፥ ሄ በሳ ማሀናይማ (ናምኡ ጉታ) ግድ ሱንስ።
3ያይቆብ ኤዶመ ቢታን ሳይረ ግያ በሳን ደእያ ባ እሻ ኤሳዌኮ ኪታ ባፐ ስን ኪትስ። 4እ ኤንታ፥ “ህንተ ታ ጎዳ ኤሳዌስ ጋናባይ ሀይሳ፥ ‘ታኒ ነ አይለይ ያይቆብ ሀእ ጋካናው ላባ ማታን ጋምአስ። 5ታዉ ሚዝ፥ ሀረይ፥ ዶርስነ ዴሽ፥ አደ አይለትነ ማጫ አይለት ደኦሶና። ሀእ ታኒ ሀ ኪታ ታ ጎዳ ስንን ሳባ ደማንድናሻ ጋዳ ኪታስ ያግስ’ ያግተ” ያግድ ኪትስ።
6ኪተትዳይሳት ያይቆባኮ ስሚድ፥ “ኑኒ ነ እሻ ኤሳዌኮ ብዳ። እካ ቃስ ኔራ ጋሄታናዉ ዬስ። እያራ ኦይዱ ፄቱ አሳይ ደኦሶና” ያግዶሶና።
7ያይቆብ ዳሮ ባብድ ባራ ደእያ አሳ ናምኡ ጩጋን ሻክስ። ባ ዶርሳ፥ ዴሻ፥ ሚዛነ ግማለታ ናምኡ ጩጋን ሻክስ። 8እ፥ “ኤሳዌይ ይድ እስ ጩጋ ኦልያባ ግድኮ፥ አትዳ ጩጋይ ከስ ኤካና” ግድ ቆፕስ።
9ሄ ዎደ ያይቆብ ሀይሳዳ ያግድ ዎስስ፥ “አቤት ጎዳዉ፥ ታ አዋ አብራሃመ ፆሳዉ፥ ታ አዋ ይሳቃ ፆሳዉ፥ ታና፥ ‘ነ ቢታ፥ ነ ዳቦታኮ ስማ፥ ታኒ ነዉ ሎኦባ ኦና ግዳይሶ፥ ታና ስአርክ’፥ 10ኔኒ ነ አይልያስ ኬህዳባስነ አማነተ ኡባስ ታኒ በሶና አስ። ታኒ ዮርዳኖሰ ሻፋ ፕንያ ዎደ ታዉ እስ ፃምአ ፃላል ደኤስ፤ ሽን ሀእ ታኒ ናምኡ ጩጋ ጎዳ ግዳስ። 11ታኒ ነና ዎሳይስ ታ እሻ ኤሳዌ ኩሸፐ ታና አሻ። እ ይድ፥ ታናነ አየታ ኤንታ ናይታራ ይሶና አገና ጋዳ ያያይስ። 12ሽን ኔኒ ታና፥ ‘ታኒ ነዉ ቱማ ሎኦባ ኦና። ታኒ ነ ሼሻ ታይባናዉ ዳንዳኤቶና አባ ሻፈዳ ኦና’ ግዳይሳ ቆፓ” ያግስ።
13ሄ ጋላስ ቃማ እ ያን አቅስ። ባዉ ደእያባ ኡባፈ ባ እሻ ኤሳዌስ እማናባ ቆርድ ከስስ። 14-15እ፥ ናምኡ ፄቱ ማጫ ዴሻታነ ላታሙ ዴሻ ማራዘታ፥ ናምኡ ፄቱ ማጫ ዶርሳታነ ላታሙ ዶርሳ ማራዘታ፥ ሀስታሙ ንያ ግማለታ ኤንታ ማራታራ፥ ኦይታሙ ማጫ ሚዛታ፥ ታሙ ኮርማ ቦራታ፥ ላታሙ ማጫ ሀረታነ ታሙ አደ ሀረታ ቆርድ ከስስ። 16ሄሳታ ዉደን ዉደን ሻክድ ባ አይለታስ እምድ፥ “ታፐ ስን ብድ ዉድያ ዉድያፐ ሃሆን ሃሆን ላግተ” ያግስ።
17ስንን ካለይሳ፥ “ታ እሻይ ኤሳዌይ ኔራ ጋሄትድ፥ ‘ኔኒ ኦደሴ? ኔኒ አዉ ባይ? ነ ስንን ደእያ መሄ ኡባይ ኦደባዬ?’ ያግድ ኦይችኮ፥ 18ነ እያኮ፥ ‘ሀይሳቲ ነ አይልያ ያይቆባሳ፥ እ ታ ጎዳ ኤሳዌስ እማናዉ የድዳይሳታ። እካ ኑፐ ጉየራ ዬስ’ ያጋ” ያግድ ኪትስ።
19ቃስ ናምአንዋ፥ ሄንዋነ ዉድያ ካልያ ሀራታ ኡባ፥ “ህንተ ኤሳዌራ ጋሄትያ ዎደ ሀይሳዳ ጌታ፤ 20‘ነ አይልያ ያይቆብ ኑፐ ጉየራ ዬስ’ ጎና አጎፍተ” ያግድ ኪትስ። እ፥ “ታኒ እማናዉ ስን የድዳይሳን እያ እርፅሳና። ኦን ኤር ሄሳፈ ጉየ፥ ታኒ እያራ ጋሄትያ ዎደ እ ታና ሞክ ኤካና” ያግድ ቆፕስ። 21ሄሳ ግሾ፥ ባ እማናባ ባፐ ስን የድስ። ሽን እ ባ ሁጰን ሄ ጋላስ ቃማ ያን አቅስ።
ያይቆብ ፆሳራ ባፀቱዋ
22ሄ ቃማ ያይቆብ ደንድድ፥ ባ ናምኡ ማቸታ፥ ባ ናምኡ አይለታ፥ ባ ናይታ ታማነ እሶታ ኤክድ፥ ያቦቃ ሻፋ ፕንስ። 23እ ኤንታ ሻፋ ፕን ስሚድ ባዉ ደእያባ ኡባ ፕንድ የድስ። 24ሽን ያይቆብ ባርካ ጉየ አትስ።
ሄ ዎደ እስ አስ ሳእ ዎንታና ጋካናስ እያራ ባፀትሸ አቅስ። 25ሄ ኡራይ እያ ፆናናዉ ዳንዳኦናይሳ በእዳ ዎደ ያይቆባስ ቡልፅያ መቀ ቦችን፥ እያ ቡልፀይ ከሱዋፐ ከይስ። 26ያትን ኡራይ እያ፥ “ሳእ ዎንታና ሀንያ ግሾ፥ ታና የዳ” ያግስ።
ሽን ያይቆብ፥ “ኔኒ ታና አንጆና ነና የድከ” ያግስ።
27ኡራይ፥ “ነ ሱንይ ኦኔ?” ያግድ ኦይችስ።
እ ዛሪድ፥ “ያይቆባ” ያግስ።
28ኡራይ፥ “ኔኒ ፆሳራነ አሳራ ባፀታዳ ፆንዳ ግሾ፥ ህዛፐ ነ ሱንይ ያይቆባ ጌተቶፎ፥ እስራኤለ (ፆሳራ ባፀትስ) ጌተቶ” ያግስ።
29ያይቆብ ኡራ፥ “ነ ሱንይ ኦኔ?” ያግድ ኦይችስ።
ሽን ኡራይ፥ “ኔኒ ታ ሱን አይስ ኦይቻይ?” ያግድ እያ አንጅስ።
30ሄሳ ግሾ፥ ያይቆብ፥ “ታኒ ፆሳ ሶምኦን በአስ ሽን ፓፃ ደአይስ” ያግድ፥ ሄ በሳ ጵንኤላ (ፆሳ ሶምኦ) ግድ ሱንስ። 31እ ጵንኤላፐ ደንድያ ዎደ እያ ቦላ ፃልቀይ ዶልስ። እያ ቡልፀ ከሳይ ሳክያ ግሾ ዶጌስ። 32ያይቆባ ቡልፀይ ዎድረ አሹዋ ማታን ቦሸትዳ ግሾ፥ እስራኤለ አሳይ መሄስ ቡልፀ አሾ ሀች ጋካናዉ ሞኮና።
Currently Selected:
መተ 32: GFBEVF
Highlight
Share
Copy
Want to have your highlights saved across all your devices? Sign up or sign in
The Word for the World International and The Word for the World Ethiopia
መተ 32
32
ያይቆባነ ኤሳዌ
1ያይቆብ ደንድድ ባ ኦግያ ብሽን ፆሳ ኪታንቾት እያራ ጋሄትዶሶና። 2ያይቆብ ኤንታ በእዳ ዎደ “ሀይሳቲ ፆሳ ኦላንቾታ” ያግድ፥ ሄ በሳ ማሀናይማ (ናምኡ ጉታ) ግድ ሱንስ።
3ያይቆብ ኤዶመ ቢታን ሳይረ ግያ በሳን ደእያ ባ እሻ ኤሳዌኮ ኪታ ባፐ ስን ኪትስ። 4እ ኤንታ፥ “ህንተ ታ ጎዳ ኤሳዌስ ጋናባይ ሀይሳ፥ ‘ታኒ ነ አይለይ ያይቆብ ሀእ ጋካናው ላባ ማታን ጋምአስ። 5ታዉ ሚዝ፥ ሀረይ፥ ዶርስነ ዴሽ፥ አደ አይለትነ ማጫ አይለት ደኦሶና። ሀእ ታኒ ሀ ኪታ ታ ጎዳ ስንን ሳባ ደማንድናሻ ጋዳ ኪታስ ያግስ’ ያግተ” ያግድ ኪትስ።
6ኪተትዳይሳት ያይቆባኮ ስሚድ፥ “ኑኒ ነ እሻ ኤሳዌኮ ብዳ። እካ ቃስ ኔራ ጋሄታናዉ ዬስ። እያራ ኦይዱ ፄቱ አሳይ ደኦሶና” ያግዶሶና።
7ያይቆብ ዳሮ ባብድ ባራ ደእያ አሳ ናምኡ ጩጋን ሻክስ። ባ ዶርሳ፥ ዴሻ፥ ሚዛነ ግማለታ ናምኡ ጩጋን ሻክስ። 8እ፥ “ኤሳዌይ ይድ እስ ጩጋ ኦልያባ ግድኮ፥ አትዳ ጩጋይ ከስ ኤካና” ግድ ቆፕስ።
9ሄ ዎደ ያይቆብ ሀይሳዳ ያግድ ዎስስ፥ “አቤት ጎዳዉ፥ ታ አዋ አብራሃመ ፆሳዉ፥ ታ አዋ ይሳቃ ፆሳዉ፥ ታና፥ ‘ነ ቢታ፥ ነ ዳቦታኮ ስማ፥ ታኒ ነዉ ሎኦባ ኦና ግዳይሶ፥ ታና ስአርክ’፥ 10ኔኒ ነ አይልያስ ኬህዳባስነ አማነተ ኡባስ ታኒ በሶና አስ። ታኒ ዮርዳኖሰ ሻፋ ፕንያ ዎደ ታዉ እስ ፃምአ ፃላል ደኤስ፤ ሽን ሀእ ታኒ ናምኡ ጩጋ ጎዳ ግዳስ። 11ታኒ ነና ዎሳይስ ታ እሻ ኤሳዌ ኩሸፐ ታና አሻ። እ ይድ፥ ታናነ አየታ ኤንታ ናይታራ ይሶና አገና ጋዳ ያያይስ። 12ሽን ኔኒ ታና፥ ‘ታኒ ነዉ ቱማ ሎኦባ ኦና። ታኒ ነ ሼሻ ታይባናዉ ዳንዳኤቶና አባ ሻፈዳ ኦና’ ግዳይሳ ቆፓ” ያግስ።
13ሄ ጋላስ ቃማ እ ያን አቅስ። ባዉ ደእያባ ኡባፈ ባ እሻ ኤሳዌስ እማናባ ቆርድ ከስስ። 14-15እ፥ ናምኡ ፄቱ ማጫ ዴሻታነ ላታሙ ዴሻ ማራዘታ፥ ናምኡ ፄቱ ማጫ ዶርሳታነ ላታሙ ዶርሳ ማራዘታ፥ ሀስታሙ ንያ ግማለታ ኤንታ ማራታራ፥ ኦይታሙ ማጫ ሚዛታ፥ ታሙ ኮርማ ቦራታ፥ ላታሙ ማጫ ሀረታነ ታሙ አደ ሀረታ ቆርድ ከስስ። 16ሄሳታ ዉደን ዉደን ሻክድ ባ አይለታስ እምድ፥ “ታፐ ስን ብድ ዉድያ ዉድያፐ ሃሆን ሃሆን ላግተ” ያግስ።
17ስንን ካለይሳ፥ “ታ እሻይ ኤሳዌይ ኔራ ጋሄትድ፥ ‘ኔኒ ኦደሴ? ኔኒ አዉ ባይ? ነ ስንን ደእያ መሄ ኡባይ ኦደባዬ?’ ያግድ ኦይችኮ፥ 18ነ እያኮ፥ ‘ሀይሳቲ ነ አይልያ ያይቆባሳ፥ እ ታ ጎዳ ኤሳዌስ እማናዉ የድዳይሳታ። እካ ኑፐ ጉየራ ዬስ’ ያጋ” ያግድ ኪትስ።
19ቃስ ናምአንዋ፥ ሄንዋነ ዉድያ ካልያ ሀራታ ኡባ፥ “ህንተ ኤሳዌራ ጋሄትያ ዎደ ሀይሳዳ ጌታ፤ 20‘ነ አይልያ ያይቆብ ኑፐ ጉየራ ዬስ’ ጎና አጎፍተ” ያግድ ኪትስ። እ፥ “ታኒ እማናዉ ስን የድዳይሳን እያ እርፅሳና። ኦን ኤር ሄሳፈ ጉየ፥ ታኒ እያራ ጋሄትያ ዎደ እ ታና ሞክ ኤካና” ያግድ ቆፕስ። 21ሄሳ ግሾ፥ ባ እማናባ ባፐ ስን የድስ። ሽን እ ባ ሁጰን ሄ ጋላስ ቃማ ያን አቅስ።
ያይቆብ ፆሳራ ባፀቱዋ
22ሄ ቃማ ያይቆብ ደንድድ፥ ባ ናምኡ ማቸታ፥ ባ ናምኡ አይለታ፥ ባ ናይታ ታማነ እሶታ ኤክድ፥ ያቦቃ ሻፋ ፕንስ። 23እ ኤንታ ሻፋ ፕን ስሚድ ባዉ ደእያባ ኡባ ፕንድ የድስ። 24ሽን ያይቆብ ባርካ ጉየ አትስ።
ሄ ዎደ እስ አስ ሳእ ዎንታና ጋካናስ እያራ ባፀትሸ አቅስ። 25ሄ ኡራይ እያ ፆናናዉ ዳንዳኦናይሳ በእዳ ዎደ ያይቆባስ ቡልፅያ መቀ ቦችን፥ እያ ቡልፀይ ከሱዋፐ ከይስ። 26ያትን ኡራይ እያ፥ “ሳእ ዎንታና ሀንያ ግሾ፥ ታና የዳ” ያግስ።
ሽን ያይቆብ፥ “ኔኒ ታና አንጆና ነና የድከ” ያግስ።
27ኡራይ፥ “ነ ሱንይ ኦኔ?” ያግድ ኦይችስ።
እ ዛሪድ፥ “ያይቆባ” ያግስ።
28ኡራይ፥ “ኔኒ ፆሳራነ አሳራ ባፀታዳ ፆንዳ ግሾ፥ ህዛፐ ነ ሱንይ ያይቆባ ጌተቶፎ፥ እስራኤለ (ፆሳራ ባፀትስ) ጌተቶ” ያግስ።
29ያይቆብ ኡራ፥ “ነ ሱንይ ኦኔ?” ያግድ ኦይችስ።
ሽን ኡራይ፥ “ኔኒ ታ ሱን አይስ ኦይቻይ?” ያግድ እያ አንጅስ።
30ሄሳ ግሾ፥ ያይቆብ፥ “ታኒ ፆሳ ሶምኦን በአስ ሽን ፓፃ ደአይስ” ያግድ፥ ሄ በሳ ጵንኤላ (ፆሳ ሶምኦ) ግድ ሱንስ። 31እ ጵንኤላፐ ደንድያ ዎደ እያ ቦላ ፃልቀይ ዶልስ። እያ ቡልፀ ከሳይ ሳክያ ግሾ ዶጌስ። 32ያይቆባ ቡልፀይ ዎድረ አሹዋ ማታን ቦሸትዳ ግሾ፥ እስራኤለ አሳይ መሄስ ቡልፀ አሾ ሀች ጋካናዉ ሞኮና።
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Word for the World International and The Word for the World Ethiopia