Yohaanisa 16
16
1“Taani hessa hinte ammanoy dhayonna mela hintew odas. 2Enti hintena ayhude woosa keethatape kessi yeddana. Hessadaka, hintena wodhiya oonika Xoossi koyaba oothiya daaniya wodey yaana. 3Enti hessa hinte bolla oothey tana woyko Aawa eronna gishosa. 4Shin enti hessa hinte bolla oothiya wodey gakiya wode taani hintew odidaysa hinte akeekana mela taani hintew haysa odas.
“Sinthatada taani haysa hintew odonna gam7iday ta hintera de7iya gishosa. 5Shin ha77i taani tana kiittidaysako bayis; hintefe oonika, ‘Awu bay?’ gidi tana oychey baawa. 6Shin taani hessa odida gisho, hinte wozanan daro azzanoy de7ees. 7Shin taani hintew tuma odayis; taani biiko hintew lo77o. Ayis giiko, taani boonna ixiko minthetheysi hinteko yeenna. Shin taani biiko iya hinteko yeddana. 8Minthetheysi yidi, nagaraba, xillotethabaanne pirdaba ha alamiya asaa erisana. 9Nagarabay, asay tana ammanonna gishosa. 10Xillotethabay, taani Aawako biya gishonne hinte tana zaari be7onna gishosa. 11Pirdabay, qassi alamiya haareysi pirdetida gishosa.
12“Taani hintew odiyabay darobay de7ees, shin ha77i hintew gelenna. 13Tuma Ayyaanay yaa wode hintena tumatethaa ubbaako kaalethana. I si7idaba odeesipe attishin, baape aybibaaka odenna. Qassi sinthafe yaanaba hintew I odana. 14I taw de7eysafe ekidi hintew odiya gisho I tana bonchana. 15Aawas de7iyaba ubbay tabaa; ‘Minthetheysi taw de7eysafe ekidi hintew odana’ taani giday hessasa.
Hinte Azzanoy Ufaysan Laametana
16“Guutha wodepe guye tana be7eketa; qassi guutha wodepe guye hinte tana be7ana” yaagis.
17Iya tamaaretape issoti issoti banta giddon, “Guutha wodepe guye hinte tana be7eketa; qassi guutha wodepe guye hinte tana be7ana; qassika taani Aawako bayis guussay woy guussee?” yaagidosona. 18“Guutha wodepe guye geysi woy guussee? I ay odetiyako nuus eretenna” yaagidosona.
19Enti bana oychanaw koyeysa Yesuusi eridi, “Taani, ‘Guutha wodepe guye tana be7eketa; qassi guutha wodepe guye hinte tana be7ana’ gidaysas hinte issoy issuwa oycheetii? 20Taani hintew tuma odayis; hinte yeekananne afuxana, shin ha alamey ufaytana. Ha77i hinte azzanana, shin hinte azzanoy ufaysan laametana. 21Issi maccasiya na7a yelana haniya wode ba yelo wodey gakida gisho hirgawusu. Shin na7a yelidaape guye na7i ha alamiyan yeletida ufaysaa gisho ba un7aa dogawusu. 22Hessadaka, hinteka hinte wozanan azzaneeta, shin taani hintena zaarada be7ana. Hinte wozanay daro ufaytana; he ufaysaa oonika hintefe ekenna.
23“He gallas hinte tana aybibaaka woosseketa. Taani hintew tuma odayis; hinte ta sunthan woossiyaba ubbaa Aaway hintew immana. 24Ha77i gakanaw ta sunthan aybibaaka woossibeketa. Hinte ufaysay polo gidana mela Xoossaa woossite; hinte ekana.
25“Taani ha77i gakanaw hintew leemison odas, hizape taani leemison odonna wodey yaana. Shin Aawaba taani hintew qoncen odana. 26He gallas hinte ta sunthan Aawa woossana; hinte gisho taani Aawa woossike. 27Ayis giiko, Aaway ba huuphen hintena dosees. Hinte tana dosiya gishonne taani Aawa matape yidaysa ammanida gisho, I hintena dosees. 28Taani Aawa matape ha alamiya yas; qassi alamiya aggada Aawako baana” yaagis.
29Iya tamaareti zaaridi, “Heko, ha77i neeni qoncen odaasa; leemison aykoka odaka. 30Neeni ubbaba ereysa nuuni ha77i eroos; qassi nena oonika oychana mela neeni koyaka. Hessi nuna neeni Xoossafe kiitetidaysa ammanthees” yaagidosona.
31Yaatin, Yesuusi zaaridi entako, “Ha77i ammanetii? 32Heko, hinte, hinte soo hinte soo laaletiya wodeynne ta xalaala yeggi aggidi baqatiya wodey yaana; ha77ika yikichis. Shin Aaway taara de7iya gisho taani ta xalaala gidike. 33Hinte taara de7ishe saroy hintew daana mela taani hessa odas. Alamen de7ishe hinte waayetana. Shin minnite; taani alamiya xoonas” yaagis.
Currently Selected:
Yohaanisa 16: GFBLVF
Highlight
Share
Copy
Want to have your highlights saved across all your devices? Sign up or sign in
The Word for the World International and The Word for the World Ethiopia
Yohaanisa 16
16
1“Taani hessa hinte ammanoy dhayonna mela hintew odas. 2Enti hintena ayhude woosa keethatape kessi yeddana. Hessadaka, hintena wodhiya oonika Xoossi koyaba oothiya daaniya wodey yaana. 3Enti hessa hinte bolla oothey tana woyko Aawa eronna gishosa. 4Shin enti hessa hinte bolla oothiya wodey gakiya wode taani hintew odidaysa hinte akeekana mela taani hintew haysa odas.
“Sinthatada taani haysa hintew odonna gam7iday ta hintera de7iya gishosa. 5Shin ha77i taani tana kiittidaysako bayis; hintefe oonika, ‘Awu bay?’ gidi tana oychey baawa. 6Shin taani hessa odida gisho, hinte wozanan daro azzanoy de7ees. 7Shin taani hintew tuma odayis; taani biiko hintew lo77o. Ayis giiko, taani boonna ixiko minthetheysi hinteko yeenna. Shin taani biiko iya hinteko yeddana. 8Minthetheysi yidi, nagaraba, xillotethabaanne pirdaba ha alamiya asaa erisana. 9Nagarabay, asay tana ammanonna gishosa. 10Xillotethabay, taani Aawako biya gishonne hinte tana zaari be7onna gishosa. 11Pirdabay, qassi alamiya haareysi pirdetida gishosa.
12“Taani hintew odiyabay darobay de7ees, shin ha77i hintew gelenna. 13Tuma Ayyaanay yaa wode hintena tumatethaa ubbaako kaalethana. I si7idaba odeesipe attishin, baape aybibaaka odenna. Qassi sinthafe yaanaba hintew I odana. 14I taw de7eysafe ekidi hintew odiya gisho I tana bonchana. 15Aawas de7iyaba ubbay tabaa; ‘Minthetheysi taw de7eysafe ekidi hintew odana’ taani giday hessasa.
Hinte Azzanoy Ufaysan Laametana
16“Guutha wodepe guye tana be7eketa; qassi guutha wodepe guye hinte tana be7ana” yaagis.
17Iya tamaaretape issoti issoti banta giddon, “Guutha wodepe guye hinte tana be7eketa; qassi guutha wodepe guye hinte tana be7ana; qassika taani Aawako bayis guussay woy guussee?” yaagidosona. 18“Guutha wodepe guye geysi woy guussee? I ay odetiyako nuus eretenna” yaagidosona.
19Enti bana oychanaw koyeysa Yesuusi eridi, “Taani, ‘Guutha wodepe guye tana be7eketa; qassi guutha wodepe guye hinte tana be7ana’ gidaysas hinte issoy issuwa oycheetii? 20Taani hintew tuma odayis; hinte yeekananne afuxana, shin ha alamey ufaytana. Ha77i hinte azzanana, shin hinte azzanoy ufaysan laametana. 21Issi maccasiya na7a yelana haniya wode ba yelo wodey gakida gisho hirgawusu. Shin na7a yelidaape guye na7i ha alamiyan yeletida ufaysaa gisho ba un7aa dogawusu. 22Hessadaka, hinteka hinte wozanan azzaneeta, shin taani hintena zaarada be7ana. Hinte wozanay daro ufaytana; he ufaysaa oonika hintefe ekenna.
23“He gallas hinte tana aybibaaka woosseketa. Taani hintew tuma odayis; hinte ta sunthan woossiyaba ubbaa Aaway hintew immana. 24Ha77i gakanaw ta sunthan aybibaaka woossibeketa. Hinte ufaysay polo gidana mela Xoossaa woossite; hinte ekana.
25“Taani ha77i gakanaw hintew leemison odas, hizape taani leemison odonna wodey yaana. Shin Aawaba taani hintew qoncen odana. 26He gallas hinte ta sunthan Aawa woossana; hinte gisho taani Aawa woossike. 27Ayis giiko, Aaway ba huuphen hintena dosees. Hinte tana dosiya gishonne taani Aawa matape yidaysa ammanida gisho, I hintena dosees. 28Taani Aawa matape ha alamiya yas; qassi alamiya aggada Aawako baana” yaagis.
29Iya tamaareti zaaridi, “Heko, ha77i neeni qoncen odaasa; leemison aykoka odaka. 30Neeni ubbaba ereysa nuuni ha77i eroos; qassi nena oonika oychana mela neeni koyaka. Hessi nuna neeni Xoossafe kiitetidaysa ammanthees” yaagidosona.
31Yaatin, Yesuusi zaaridi entako, “Ha77i ammanetii? 32Heko, hinte, hinte soo hinte soo laaletiya wodeynne ta xalaala yeggi aggidi baqatiya wodey yaana; ha77ika yikichis. Shin Aaway taara de7iya gisho taani ta xalaala gidike. 33Hinte taara de7ishe saroy hintew daana mela taani hessa odas. Alamen de7ishe hinte waayetana. Shin minnite; taani alamiya xoonas” yaagis.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Word for the World International and The Word for the World Ethiopia