Yohaanisa 19
19
Yesuusi Tooshetis
(Maato 27:27-32; Mar 15:15-21)
1Hessafe guye, Philaxoosi Yesuusa garaafisis. 2Wotaaddareti aguntha kallacha medhidi iya huuphen wothidosona. Qassi zo7o ma7o iya mayzidosona. 3Iyako shiiqidi, “Ayhude kawaw, merinaw kawota” yaagidi iya baqidosona.
4Philaxoosi qassika kare keyidi, Ayhudetako, “Heko, taani iyape ay iitaka demmaboonnaysa hinte erana mela iya hinteko kare kessana” yaagis. 5Hessafe guye, Yesuusi aguntha kallacha ba huuphen wothidi, zo7o ma7o ma7idi, kare keyis. Philaxoosi Ayhudetako, “Uraa haysa be7ite” yaagis.
6Kahine halaqatinne Xoossa Keetha naageysati iya be7ida wode, banta qaala dhoqu oothidi, “Masqaliya bolla kaqa! Kaqa!” yaagidosona.
Philaxoosi entako, “Hinte iya efidi, masqaliya bolla kaqite. Taani iyape ay iitaka demmabike” yaagis.
7Ayhudeti zaaridi, “Nuus higgey de7ees. I bana Xoossaa na7a oothida gisho nu higgiyatho I hayqanaw bessees” yaagidosona.
8Philaxoosi hessa si7ida wode kaseysafe daro yayyis. 9Qassika Philaxoosi ba ooso keethi simmi gelidi Yesuusako, “Neeni awupe yadii?” yaagidi oychis. Shin Yesuusi iyaw aykoka zaaribeenna. 10Hessa gisho, Philaxoosi, “Taw odikii? Nena billanaw woyko masqaliya bolla kaqanaw taw maati de7eysa erikii?” yaagis.
11Yesuusi, “Xoossay new maata immiboonnaba gidiyako ta bolla maati new deennashin. Hessa gisho, tana new aathidi immidaysi aadhiya nagara oothis” yaagis.
Yesuusi Hayqo Pirdetis
(Maato 27:15-31; Mar 15:6-20; Luqa 23:13-25)
12Philaxoosi hessa si7ida wode Yesuusa billanaw oge koyis. Shin Ayhudeti banta qaala dhoqu oothidi, “Neeni iya billiyabaa gidiko Kawa Qeesare bagga gidaka. Bana kawo giya oonika Qeesare morke” yaagidosona.
13Philaxoosi hessa si7idi Yesuusa kare kessis. Yaatidi, “Loche Shuchi” geetetiya bessan pirda oydiyan uttis. Ibraawetho doonan he bessay “Gabate” guussu. 14He gallasay Paasika Ba7aale bonchanaw giigetetha gallas. Sa7ay usupun saate heera. Philaxoosi Ayhudetako, “Hinte kawa haysa be7ite” yaagis.
15Ayhudeti banta qaala dhoqu oothidi, “Digga! Digga! Masqaliya bolla kaqa” yaagidosona.
Philaxoosi zaaridi, “Hinte kawa taani masqaliya bolla kaqanaysa koyeetii?” yaagidi oychis.
Kahine halaqati, “Qeesarepe hara kawoy nuus baawa” yaagidosona.
16Hessafe guye, enti Yesuusa masqaliya bolla kaqana mela Philaxoosi entaw aathidi immis.
Yesuusi Kaqetis
(Maato 27:32-44; Mar 15:21-32; Luqa 23:26-43)
Enti Yesuusa oykidi efidosona. 17Yesuusi ba masqaliya tookidi, “Huuphe guugge” geetetiya bessaa bis. “Huuphe guugge” guussay Ibraawetho doonan “Golgota” guussu. 18Enti he bessan masqaliya bolla Yesuusa kaqidosona. Qassi iyara hara nam7u asata, issuwa ya baggara hankuwa ha baggara masqaliya bolla kaqidosona. 19Philaxoosi, “Ayhudeta Kawa, Naazirete Yesuusa” giya xuufe xaafidi masqaliya bolla wothis. 20Yesuusi masqaliya bolla kaqetida bessay katamas matan de7iya gisho, daro Ayhudeti he xuufiya nabbabidosona. Xuufey xaafetiday Ibraawetho doonan, Laatine doonaninne Girike doonana. 21Hessa gisho, kahine halaqati Philaxoosako, “ ‘Ha addey bana Ayhude kawo yaagis’ gada xaafape attishin, ‘Ayhude kawo’ gada xaafopa” yaagidosona.
22Yaatin, Philaxoosi, “Ta xaafidaysa xaafas” yaagidi zaaris.
23Wotaaddareti masqaliya bolla iya kaqidaape guye, iya ma7uwa ekidi, oyddu bessan shaakidi, isso isso ekidosona. Yeda ma7etiya iya adussa ma7uwa ekidosona. 24Wotaaddareti, “Oona gakaneeko, saama yegganaape attishin, ma7uwa peedhoko” yaagidosona. Hessi haniday Geeshsha Maxaafan,
“Ta ma7uwa shaaki ekidosona;
ta adussa ma7uwa bollaka saama yeggidosona”
geetetidaysi poletana melasa.#Maz 22:18. Hessa gisho, wotaadareti hessa oothidosona.
25Shin Yesuusa masqaliya matan iya aayiya, iya aaye michiya, Qeliyoophe machiya Mayraamanne Magdela Mayraama eqidosona. 26Yesuusi ba aayiwunne I dosiya tamaarey yan eqidaysata be7idi, ba aayeko, “Ta aaye, ne na7aa haysa be7a” yaagis.
27Hessafe guye, he tamaariyako, “Ne aayiw hanno be7a” yaagis. He tamaarey iyo he wodepe doomidi baara daana mela soo efis.
Yesuusa Hayquwa
(Maato 27:45-56; Mar 15:33-41; Luqa 23:44-49)
28Hessafe guye, Yesuusi ubbay ha77i poletidaysa eridi, Geeshsha Maxaafan xaafetidaysi poletana mela “Tana saamees” yaagis.#Maz 69:21; 22:15.
29He bessan issi xugga kumetha caala woyney de7ees. Enti isponje he woyniyan yeggidi, hisoophe mitha xeeran wothidi, Yesuusa doonako shiishidosona. 30Yesuusi woyniya ganxi be7idi, “Poletis” yaagis.
Hessafe guye, ba huuphiya ziqi oothidi ba shempuwa immis.
31He gallasay giigetetha gallas gidiya gishonne wontetha gallasay boncho Sambaata gidiya gisho, asata ahay masqaliya bolla Sambaata gallas pee7onna mela enta tohuwa menthidi, masqaliyape wodhisana mela Ayhudeti Philaxoosa woossidosona. 32Hessa gisho, wotaadareti bidi, Yesuusara kaqetida nam7u asata tohuwa menthidosona. 33Shin Yesuusako yida wode I hayqidaysa be7idi, iya tohuwa menthibookona. 34Shin wotaadaretape issoy iya miya tooran caddin iiraka suuthinne haathi goggis. 35Hinte ammanana mela hessa be7idaysi markatis. Iya markatethayka tuma. Qassi I odeysi tuma gideysa erees. 36Hessi haniday Geeshsha Maxaafay, “Iya meqethatape issoyka meqenna” gidaysi poletana melasa.#Kessa 12:46; Taybo 9:12; Maz 34:20. 37Qassika Geeshsha Maxaafay hara bessan, “Enti banta caddidaysa be7ana” yaagees.#Zaka 12:10; Qon 1:7.
Yesuusi Moogetis
(Maato 27:57-61; Mar 15:42-47; Luqa 23:50-56)
38Hessafe guye, Armaate katamape yida Yoosefi Yesuusa aha ekanaw Philaxoosa woossis. Yoosefi Ayhudetas yayyida gisho qosan Yesuusa kaalleysa.
Philaxoosi, “Eka” yaagis. Hessa gisho, Yoosefi bidi Yesuusa aha ekis. 39Qassi Niqodimoosi hessafe kase Yesuusako qamma yidaysi, karbenne godare uuthara walaketida hastamanne issi kilo giraame gidiya shitto ekidi Yoosefara yis.#Yoha 3:1-2. 40He nam7u asati Yesuusa aha ekidi, Ayhudeti aha xaaxiya maaran, shittora, moogo afilan xaaxidosona. 41Yesuusi masqaliya bolla kaqetida bessan daro atakiltey de7ees. He atakiltiya giddon shuchafe woocetidi oosetida buroo oonika moogetiboonna ooratha duufoy de7ees. 42He gongoloy matan de7iya gishonne Ayhudeti Sambaatas giigetiya gallas gidiya gisho, Yesuusa aha yan moogidosona.
Currently Selected:
Yohaanisa 19: GFBLVF
Highlight
Share
Copy
Want to have your highlights saved across all your devices? Sign up or sign in
The Word for the World International and The Word for the World Ethiopia
Yohaanisa 19
19
Yesuusi Tooshetis
(Maato 27:27-32; Mar 15:15-21)
1Hessafe guye, Philaxoosi Yesuusa garaafisis. 2Wotaaddareti aguntha kallacha medhidi iya huuphen wothidosona. Qassi zo7o ma7o iya mayzidosona. 3Iyako shiiqidi, “Ayhude kawaw, merinaw kawota” yaagidi iya baqidosona.
4Philaxoosi qassika kare keyidi, Ayhudetako, “Heko, taani iyape ay iitaka demmaboonnaysa hinte erana mela iya hinteko kare kessana” yaagis. 5Hessafe guye, Yesuusi aguntha kallacha ba huuphen wothidi, zo7o ma7o ma7idi, kare keyis. Philaxoosi Ayhudetako, “Uraa haysa be7ite” yaagis.
6Kahine halaqatinne Xoossa Keetha naageysati iya be7ida wode, banta qaala dhoqu oothidi, “Masqaliya bolla kaqa! Kaqa!” yaagidosona.
Philaxoosi entako, “Hinte iya efidi, masqaliya bolla kaqite. Taani iyape ay iitaka demmabike” yaagis.
7Ayhudeti zaaridi, “Nuus higgey de7ees. I bana Xoossaa na7a oothida gisho nu higgiyatho I hayqanaw bessees” yaagidosona.
8Philaxoosi hessa si7ida wode kaseysafe daro yayyis. 9Qassika Philaxoosi ba ooso keethi simmi gelidi Yesuusako, “Neeni awupe yadii?” yaagidi oychis. Shin Yesuusi iyaw aykoka zaaribeenna. 10Hessa gisho, Philaxoosi, “Taw odikii? Nena billanaw woyko masqaliya bolla kaqanaw taw maati de7eysa erikii?” yaagis.
11Yesuusi, “Xoossay new maata immiboonnaba gidiyako ta bolla maati new deennashin. Hessa gisho, tana new aathidi immidaysi aadhiya nagara oothis” yaagis.
Yesuusi Hayqo Pirdetis
(Maato 27:15-31; Mar 15:6-20; Luqa 23:13-25)
12Philaxoosi hessa si7ida wode Yesuusa billanaw oge koyis. Shin Ayhudeti banta qaala dhoqu oothidi, “Neeni iya billiyabaa gidiko Kawa Qeesare bagga gidaka. Bana kawo giya oonika Qeesare morke” yaagidosona.
13Philaxoosi hessa si7idi Yesuusa kare kessis. Yaatidi, “Loche Shuchi” geetetiya bessan pirda oydiyan uttis. Ibraawetho doonan he bessay “Gabate” guussu. 14He gallasay Paasika Ba7aale bonchanaw giigetetha gallas. Sa7ay usupun saate heera. Philaxoosi Ayhudetako, “Hinte kawa haysa be7ite” yaagis.
15Ayhudeti banta qaala dhoqu oothidi, “Digga! Digga! Masqaliya bolla kaqa” yaagidosona.
Philaxoosi zaaridi, “Hinte kawa taani masqaliya bolla kaqanaysa koyeetii?” yaagidi oychis.
Kahine halaqati, “Qeesarepe hara kawoy nuus baawa” yaagidosona.
16Hessafe guye, enti Yesuusa masqaliya bolla kaqana mela Philaxoosi entaw aathidi immis.
Yesuusi Kaqetis
(Maato 27:32-44; Mar 15:21-32; Luqa 23:26-43)
Enti Yesuusa oykidi efidosona. 17Yesuusi ba masqaliya tookidi, “Huuphe guugge” geetetiya bessaa bis. “Huuphe guugge” guussay Ibraawetho doonan “Golgota” guussu. 18Enti he bessan masqaliya bolla Yesuusa kaqidosona. Qassi iyara hara nam7u asata, issuwa ya baggara hankuwa ha baggara masqaliya bolla kaqidosona. 19Philaxoosi, “Ayhudeta Kawa, Naazirete Yesuusa” giya xuufe xaafidi masqaliya bolla wothis. 20Yesuusi masqaliya bolla kaqetida bessay katamas matan de7iya gisho, daro Ayhudeti he xuufiya nabbabidosona. Xuufey xaafetiday Ibraawetho doonan, Laatine doonaninne Girike doonana. 21Hessa gisho, kahine halaqati Philaxoosako, “ ‘Ha addey bana Ayhude kawo yaagis’ gada xaafape attishin, ‘Ayhude kawo’ gada xaafopa” yaagidosona.
22Yaatin, Philaxoosi, “Ta xaafidaysa xaafas” yaagidi zaaris.
23Wotaaddareti masqaliya bolla iya kaqidaape guye, iya ma7uwa ekidi, oyddu bessan shaakidi, isso isso ekidosona. Yeda ma7etiya iya adussa ma7uwa ekidosona. 24Wotaaddareti, “Oona gakaneeko, saama yegganaape attishin, ma7uwa peedhoko” yaagidosona. Hessi haniday Geeshsha Maxaafan,
“Ta ma7uwa shaaki ekidosona;
ta adussa ma7uwa bollaka saama yeggidosona”
geetetidaysi poletana melasa.#Maz 22:18. Hessa gisho, wotaadareti hessa oothidosona.
25Shin Yesuusa masqaliya matan iya aayiya, iya aaye michiya, Qeliyoophe machiya Mayraamanne Magdela Mayraama eqidosona. 26Yesuusi ba aayiwunne I dosiya tamaarey yan eqidaysata be7idi, ba aayeko, “Ta aaye, ne na7aa haysa be7a” yaagis.
27Hessafe guye, he tamaariyako, “Ne aayiw hanno be7a” yaagis. He tamaarey iyo he wodepe doomidi baara daana mela soo efis.
Yesuusa Hayquwa
(Maato 27:45-56; Mar 15:33-41; Luqa 23:44-49)
28Hessafe guye, Yesuusi ubbay ha77i poletidaysa eridi, Geeshsha Maxaafan xaafetidaysi poletana mela “Tana saamees” yaagis.#Maz 69:21; 22:15.
29He bessan issi xugga kumetha caala woyney de7ees. Enti isponje he woyniyan yeggidi, hisoophe mitha xeeran wothidi, Yesuusa doonako shiishidosona. 30Yesuusi woyniya ganxi be7idi, “Poletis” yaagis.
Hessafe guye, ba huuphiya ziqi oothidi ba shempuwa immis.
31He gallasay giigetetha gallas gidiya gishonne wontetha gallasay boncho Sambaata gidiya gisho, asata ahay masqaliya bolla Sambaata gallas pee7onna mela enta tohuwa menthidi, masqaliyape wodhisana mela Ayhudeti Philaxoosa woossidosona. 32Hessa gisho, wotaadareti bidi, Yesuusara kaqetida nam7u asata tohuwa menthidosona. 33Shin Yesuusako yida wode I hayqidaysa be7idi, iya tohuwa menthibookona. 34Shin wotaadaretape issoy iya miya tooran caddin iiraka suuthinne haathi goggis. 35Hinte ammanana mela hessa be7idaysi markatis. Iya markatethayka tuma. Qassi I odeysi tuma gideysa erees. 36Hessi haniday Geeshsha Maxaafay, “Iya meqethatape issoyka meqenna” gidaysi poletana melasa.#Kessa 12:46; Taybo 9:12; Maz 34:20. 37Qassika Geeshsha Maxaafay hara bessan, “Enti banta caddidaysa be7ana” yaagees.#Zaka 12:10; Qon 1:7.
Yesuusi Moogetis
(Maato 27:57-61; Mar 15:42-47; Luqa 23:50-56)
38Hessafe guye, Armaate katamape yida Yoosefi Yesuusa aha ekanaw Philaxoosa woossis. Yoosefi Ayhudetas yayyida gisho qosan Yesuusa kaalleysa.
Philaxoosi, “Eka” yaagis. Hessa gisho, Yoosefi bidi Yesuusa aha ekis. 39Qassi Niqodimoosi hessafe kase Yesuusako qamma yidaysi, karbenne godare uuthara walaketida hastamanne issi kilo giraame gidiya shitto ekidi Yoosefara yis.#Yoha 3:1-2. 40He nam7u asati Yesuusa aha ekidi, Ayhudeti aha xaaxiya maaran, shittora, moogo afilan xaaxidosona. 41Yesuusi masqaliya bolla kaqetida bessan daro atakiltey de7ees. He atakiltiya giddon shuchafe woocetidi oosetida buroo oonika moogetiboonna ooratha duufoy de7ees. 42He gongoloy matan de7iya gishonne Ayhudeti Sambaatas giigetiya gallas gidiya gisho, Yesuusa aha yan moogidosona.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Word for the World International and The Word for the World Ethiopia