Иоанн 3

(Мт 21:12-13; Мк 11:15-17; Лк 19:45-46)

Иисүүстэ Никодим ерэбэ

1Еврейнүүдэй ахамадай нэгэн болохо Никодим гэжэ фарисей байгаа. 2Тэрэ нэгэ һүни Иисүүстэ ерээд:

– Рабби, Та Бурханай эльгээһэн багшат гэжэ бидэ мэдэнэбди. Хэрбээ Бурханай үршөөгөөгүй һаа, Та иимэ гайхамшагта үзэгдэлнүүдые харуулжа шадахагүй һэнта, – гэжэ хэлээ һэн.

3– Дахин түрэһэн лэ хүн Бурханай хаан орониие үзэхэ гэжэ Би шамда үнэниие хэлэнэб! – гэжэ Иисүүс тэрээндэ харюусаба.

4– Наһаяа хүсэһэн хүн яагаад дахин түрэхэ юм? Тиимэ хүн эхын умайда дахин орожо, хоёрдохиёо түрэхэгүй бшуу, – гэжэ Никодим Тэрээндэ хэлэбэ.

5– Би шамда үнэниие хэлэнэб: уһанһаа, Һүлдэһөө түрэһэн хүн лэ Бурханай хаан орондо орожо шадаха! 6Хүнэй бэеһээ түрэһэн юумэн бэе махабад мүн, имагтал Һүлдэһөө Һүлдэ түрэдэг. 7«Таанар дахин түрэхэ ёһотойт», – гэжэ Минии хэлэхэдэ бү гайхаарайт. 8Һалхин дуратайл газартаа һалхилдаг#3:8 Еврей ба грек хэлэн дээрэ «һалхин» ба «һүлдэ» гэһэн ойлгосонууд нэгэ үгөөр, «үлеэхэ» ба «амилха» гэһэн ойлгосонууд баһа нэгэ үгөөр тэмдэглэгдэдэг.. Һалхинай һалхилхые мэдэбэшье, хэзээ, хайшаа үлеэхыень таанар мэдэдэггүйт, Арюун Һүлдэһөө түрөөшэд энээндэл адли юм.

9– Тиимэ юумэн ушарха аргатай аал? – гэжэ Никодим һураба.

10– Ши Израилиин багша аад, энээниие мэдэнэгүй аалши? – гэжэ Иисүүс харюудань хэлэбэ. – 11Бидэ өөһэдынгөө мэдэхэ, хараһан үзэһэн юумэн тухайгаал гэршэлнэбди гэжэ үнэн зүбые хэлэнэб, харин таанар бидэнэй гэршэ баримта буруушаанат. 12Газар дээрэхи юумэн тухай Минии хэлэхэдэ Намда этигэхэгүй аад, тэнгэриин юумэн тухай хэлэхэдэмни яагаад таанар этигэхэбта даа? 13Тэнгэриһээ буужа ерэһэн Хүн түрэлхитэнэй Хүбүүнһээ ондоо хэншье Тэнгэридэ гаража үзөөгүй ха юм. 14Моисей сүл губяар ябахадаа, зэдээр бүтээһэн могой өөдэнь үргөө юм#3:14-15 Тоо 21:9 хара., тэрээндэл адляар Хүн түрэлхитэнэй Хүбүүн өөдөө үргэгдэхэ ёһотой. 15Тиигэбэл Тэрээндэ этигэдэг хүн бүхэн мүнхэ ами наһатай байха. 16Бурхан дэлхэйн хүнүүдтэ тон ехээр дурлаһандаа Өөрынгөө ори ганса Хүбүүе үргэл болгожо үгөө. Энэ Хүбүүндэ этигэдэг хүн бүхэн хосоронгүй, мүнхэ ами наһатай байха. 17Бурхан дэлхэйнхидые зэмэлхын тула бэшэ, харин тэдэниие абархын тула Хүбүүгээ газарта эльгээгээ. 18Тэрэ Хүбүүндэнь этигэдэг хүн гэмнүүлхэгүй, харин этигэдэггүй хүн мүнөөшье гэмнүүлээд байна, тиимэ хүн Бурханай ганса Хүбүүндэ этигээгүй бшуу. 19Гэмнэлгын удхань иимэ: газар дэлхэйдэ Гэрэл туяагай ерэхэдэнь, хүнүүд шэг харанхы байдалда Гэрэл туяаһаа үлүү ехээр дурлаа, ушарынь гэхэдэ, хүнүүдэй үйлэ хэрэг муу муухай ха юм. 20Муу юумэ хэдэг хүн гэрэл туяа үзэн ядадаг, муу муухай үйлэ хэрэгни элирэн мэдэгдэхэ гэжэ айгаад, гэрэл туяада ошодоггүй юм. 21Харин үнэн сэхээр ажаһуудаг хүн гэрэл туяа тээшэ эрмэлзэнэ, тэрэнэй үйлэ хэрэгынь Бурханай урда хэгдэнэ гэжэ элирнэ бшуу.

Иисүүс болон Уһаар Арюудхагша Иоанн

22Удаань Иисүүс шабинартаяа хамта Иудей ошожо, тэндэ хэдэн сагай туршада хүнүүдые уһаар арюудхан байба. 23Харин Иоанн тэрэ үедэ Шалээмэй хажуудахи Эноон голой уһаар арюудхажа байгаа. Тэрэ газарта уһан ехэ элбэг байһан юм. Хүнүүд Иоаннда ерэжэ, уһаар арюудхуулдаг һэн. 24Энэнь Иоаннай түрмэдэ хаагдахын урдахана болоһон ушар. 25Нэгэтэ Иоаннай шабинар еврейнүүдэй арюудхалгын заншал тухай нэгэ еврейтэй арсалдаба. 26Тэдэ Иоаннда ерээд:

– Рабби аа, Иорданай саада бэедэ байхадаа нэгэ Хүн тухай хэлэһэнээ һанана гүт? Тэрэтнай баһал уһаар арюудханал, хүнүүд Тэрээндэ булта ошонол! – гэбэд.

27– Тэнгэриин үршөөгөөгүй юумэ хэншье абажа шадахагүй, – гэжэ Иоанн харюусаба. – 28Таанар өөһэдөө «Би Бурханай табисуурта бэшэб, би миин лэ Тэрээнһээ урда эльгээгдэһэн байнаб», – гэжэ минии хэлэһэнэй гэршэнэрта. 29Гэрлэхэ басагые гэртээ асарһан хүн тэрэ басаганай нүхэрынь гээшэ. Гэрлэхэ хүнэй хажууда зогсожо байһан дүтынь нүхэр хүбүүниинь тэрэнэй хэлээшые шагнан баясадаг. Тиин намдашье тиимэ ехэ баяр баясхалан тудаа. 30Гэрлэхэ хүбүүнэй алдаршаха саг ерээ. Харин минии саг дүүрэжэ байна.

31Дээдын тэнгэриһээ ерэгшэ газарайхидһаа бултанһаань дээгүүр. Дэлхэйн хүн замби түбиһээ байжа, газарайхяар лэ хэлэдэг. Харин дээдын тэнгэриһээ Ерэгшэ бултанһаа дээгүүр юм. 32Тэрэ нюдөөрөө хараһанаа, шэхээрээ дуулаһанаа Өөрөө гэршэлэн хэлэнэ, теэд Тэрэнэй гэршэ баримтада хэншье этигэнэгүй. 33Тэрээндэ этигэһэн хүн Бурханай үнэн зүб байдагыень гэршэлнэ. 34Бурханай эльгээгшэ Бурханай үгэ номноно, юундэб гэбэл, Бурхан Тэрээндэ Арюун Һүлдэ хизааргүй ехээр үршөөнэ. 35Эсэгэ Бурхан болбол Хүбүүндээ дуратай байжа, бүхы юумэ Тэрээнэйнгээ мэдэлдэ үгөө. 36Бурханай Хүбүүндэ этигэдэг хүн хэтэ мүнхын ажамидаралда хүртэхэ, харин энэ Хүбүүниие буруушааһан хүн хэтын амидарал үзэхэгүй, Бурханай уур сухал хододоо хүргэжэ байха.

Currently Selected:

Иоанн 3: BurBBL2024

Highlight

Copy