Lukas 3
3
Polayanan Yohanes pombaptis
3:1-20
(Mat. 3:1-12; Mrk. 1:1-8; Yoh. 1:19-28)
1Oko laca Romawi#3:1 Nyan jaman cotuh, korojaan Romawi monguasa negri Israel. araieh Tiberius. Kotika are momorintah kotahin limo balas toun Pontius Pilatus jarin gubernur nyan derah Yudea; Herodes momorintah nyan derah Galilea, konduang Herodes iyohonon Pilipus momorintah nyan derah Iturea hintang derah Trokonitis; Lisanias momorintah nyan derah Abilene. 2Kotika cioh Imam dulun Yahudi co poko hunyung jabatan eh iyohonon Hanas paluh tonganti Kayapas.
Kotika cioh Mohotara mantun ma Yohanes, anak Jakaria. Mohotara mantun ma are kotika are nyan padang gurun. 3Maka Yohanes nyalan hia ngolauh derah sungoi Yordan hintang porapot tarung ingkan Mohotara. Yohanes mantun naah, “Naat dosa hintang hopompaluh ngonyorih songan Mohotara kawun ikan sobulih tomombaptis ina Mohotara mongampun dosam me.”
4Korombut Yohanes ocop tahi oko tonulih nyan buku Nabi Yesaya. Nabi Yesaya nulih tintun dulun co angar nyuhu dulun mubah cara kobolum doh. Santuh nain antun eh nyan ponah buku cioh:
“Oko dulun co mantun muhat nyan padang pasir,
‘Nyodiaeh bat calan indan Tuhan. Nongkorong eh bat calan indai-Eh.
5Kokon duak sobulih tonimbuk. Kokon puruk hintang lungkuh sobulih tomorata. Nongkorong eh bat kawan calan co mengkong, porataeh ka kawan calan co lumbang-lembut.
6Maka kokon dulun angar noto kosolamat co dombut ingkan Mohotara.’ ”#3:4-6 Indan buku Yesaya 40:3-5.
7Orong dulun Yahudi dombut ika tomombaptis. Maka Yohanes mantun, “Haas lih ikan tuh dulun co jahat hintang licik isan lacan setan! Aroh bopikir ikan boraoi buho daai ingkan hukuman Mohotara. 8Polehaeh ma gawim me, ikan co ocop hubah ingkan kawan dosam me! Aroh co nisi Abraham non tatu hiang me. Ingat: Ingkan kawan batu tatuh ka Mohotara boraoi nampa utuh utek Abraham. 9Mohotara angar mohukum dulun co aroko naat dosa hintang aroko ngonyorih songai-Eh. Are samah ma dulun co ocop maut kapak ika nowong kaju dapot akat eh. Kokon kaju co aroko pio buaeh, angar tonowong paluh tomende hia ponah apui.”
10Tapi kawan dulun taiyoh ngisok ma Yohanes, amun isanioh “Ome co sobulih pian kaih?” 11Yohanes museh, “Dulun co oko tempun duo barun sobulih mihi ico indan dulun co aroko hobarun. Dulun co oko kanoi, sobulih magieh ma dulun co arelu oko kanoieh.”
12Bopira kawan dulun tukang takih pajak dombut hia Yohanes, ika are mombaptis iroh. Iroh ngisok, “Guru ome co sobulih pian kaih?” 13Yohanes museh, “Aroh nakih pajak orong hangki co ocop tonantu pian pomorintah.”
14Oko ka kawan tontara co ngisok, “Maindeoi tintun kaih tuh? Ome co sobulih pian kaih?” Yohanes museh, “Aroh momaksa nyawot duit. Aroh nompi tondah co aroko bujur ika bohujung indan tarop. Cukup leh ikan ma gajih me.”
15Kotika cioh kawan dulun nganto korombut Laca Co Tomonjaji Mohotara. Kokon doh molai ngisok ponah songan doh, mainboh Yohanes yoh laca cioh. 16Awi iyoh Yohanes mantun, “Akuh bokon ma Laca Co Tomonjanji Mohotara. Tapi aroko tahi onieh Are angar dombut. Are meleh bokuasa hangki akuh. Jarin polayan-Eh co poko randah, mahi akuh aroko patut. Akuh mombaptis dulun ma danum bewe. Tapi Are angar mombaptis dulun ma Roh Mohotara hintang ma apui.#3:16 Oko duo tapsiran. 1) Yesus angar mombaptis dulun co porocaya ma Roh Mohotara, hintang ma dulun bokon ma hukuman apui. ATAWA 2) Yesus angar mombaptis dulun ma Roh Mohotara samah ma apui pomoruni logam. 17Are angar misah dulun bujur ma dulun co jahat, isan dulun nyan ika ngoleet gandum mende ampoh eh hapo alat tilih. Gandum co pio angar tongumpur ponah uwung, tapi ampoh eh angar tomapang-Eh ponah apui co aroko boraoi picop.” 18Isan iyoh Yohanes nosehat dulun hapo orong macam cara, kotika are momborita Tarung Pio.
19Yohanes mahi nopoh Herodes, gubernur Romawi nyan derah Galilea, awi Herodes ngoruh Herodias, oruh konduang eh, kotika konduang eh incah bolum. Yohanes nopoh are tului kawan kojahat eh co bokon ka. 20Tapi Herodes malah nambah kojahat eh. Are pokuntam Yohanes hia ponah seper.
Yesus tomombaptis hintang Roh Mohotara toka hia tungkui-Eh
3:21-22
(Mat. 3:13-17; Mrk. 1:9-11; Yoh. 1:32-34)
21 Tapi sorinai Yohanes topokuntam hia ponah seper, orong dulun dombut ika tomobaptis. Isanioh ka Yesus. Kotika Are dahat bodoa, langit pukap 22hintang Roh Mohotara toka hia tungkui-Eh isan burung dara. Paluh koneh suara Mohotara mantun ingkan sorga co nisi, “Iko leh Anak-Kuh co tongasih-Kuh, Iko ngonjorih songang-Kuh.”
Jereh Yesus
3:23-38
(Mat. 1:1-17)
23Kotika Yesus molai kawan gawi-Eh, umur-Eh kira-kira tolun pulu toun hintang tomangap dulun, Are anak Yusup; Yusup anak Eli; 24Eli anak Matat; Matat anak Lewi; Lewi anak Malki; Malki anak Yanai; Yanai anak Yusup; 25Yusup anak Matica; Matica anak Amos; Amos anak Nahum; Nahum anak Hesli; Hesli anak Nagai; 26Nagai anak Maat, anak Matica; Matica anak Simei; Simei anak Yosek; Yosek anak Yoda; 27Yoda anak Yohanan; Yohanan anak Resa; Resa anak Yerubabel; Yerubabel anak Seltiel; Seltiel anak Neri; 28Neri anak Malki; Malki anak Adi; Adi anak Kosam; Kosam anak Elmadam; Elmadam anak Er; 29Er anak Yesua; Yesua anak Elieser; Elieser anak Yorim; Yorim anak Matat; Matat anak Lewi; 30Lewi anak Simeon; Simeon anak Yehuda; Yehuda anak Yusup; Yusup anak Yonam; Yonam anak Elyakim; 31Elyakim anak Melea; Melea anak Mina; Mina anak Matata; Matata anak Natan; Natan anak Daud; 32Daud anak Isai; Isai anak Obet; Obet anak Boas; Boas anak Salmon; Salmon anak Nahason; 33Nahason anak Aminadap; Aminadap anak Admin; Admin anak Arni; Arni anak Hesron; Hesron anak Peres; Peres anak Yehuda; 34Yehuda anak Yakup; Yakup anak Ishak; Ishak anak Abraham; Abraham anak Terah; Terah anak Nahor; 35Nahor anak Seruk; Seruk anak Rehu; Rehu anak Pelek; Pelek anak Eber; Eber anak Salmon; 36Salmon anak Kenan; Kenan anak Arpaksat; Arpaksat anak Sem; Sem anak Nuh; Nuh anak Lamek; 37Lamek anak Metusalah; Metusalah anak Henok; Henok anak Yared; Yared anak Mahaleleel; Mahaleleel anak Kenan; 38Kenan anak Enos; Enos anak Set; Set anak Adam; Adam anak Mohotara.
Currently Selected:
Lukas 3: TBSS
Highlight
Share
Copy
Want to have your highlights saved across all your devices? Sign up or sign in
Lukas 3
3
Polayanan Yohanes pombaptis
3:1-20
(Mat. 3:1-12; Mrk. 1:1-8; Yoh. 1:19-28)
1Oko laca Romawi#3:1 Nyan jaman cotuh, korojaan Romawi monguasa negri Israel. araieh Tiberius. Kotika are momorintah kotahin limo balas toun Pontius Pilatus jarin gubernur nyan derah Yudea; Herodes momorintah nyan derah Galilea, konduang Herodes iyohonon Pilipus momorintah nyan derah Iturea hintang derah Trokonitis; Lisanias momorintah nyan derah Abilene. 2Kotika cioh Imam dulun Yahudi co poko hunyung jabatan eh iyohonon Hanas paluh tonganti Kayapas.
Kotika cioh Mohotara mantun ma Yohanes, anak Jakaria. Mohotara mantun ma are kotika are nyan padang gurun. 3Maka Yohanes nyalan hia ngolauh derah sungoi Yordan hintang porapot tarung ingkan Mohotara. Yohanes mantun naah, “Naat dosa hintang hopompaluh ngonyorih songan Mohotara kawun ikan sobulih tomombaptis ina Mohotara mongampun dosam me.”
4Korombut Yohanes ocop tahi oko tonulih nyan buku Nabi Yesaya. Nabi Yesaya nulih tintun dulun co angar nyuhu dulun mubah cara kobolum doh. Santuh nain antun eh nyan ponah buku cioh:
“Oko dulun co mantun muhat nyan padang pasir,
‘Nyodiaeh bat calan indan Tuhan. Nongkorong eh bat calan indai-Eh.
5Kokon duak sobulih tonimbuk. Kokon puruk hintang lungkuh sobulih tomorata. Nongkorong eh bat kawan calan co mengkong, porataeh ka kawan calan co lumbang-lembut.
6Maka kokon dulun angar noto kosolamat co dombut ingkan Mohotara.’ ”#3:4-6 Indan buku Yesaya 40:3-5.
7Orong dulun Yahudi dombut ika tomombaptis. Maka Yohanes mantun, “Haas lih ikan tuh dulun co jahat hintang licik isan lacan setan! Aroh bopikir ikan boraoi buho daai ingkan hukuman Mohotara. 8Polehaeh ma gawim me, ikan co ocop hubah ingkan kawan dosam me! Aroh co nisi Abraham non tatu hiang me. Ingat: Ingkan kawan batu tatuh ka Mohotara boraoi nampa utuh utek Abraham. 9Mohotara angar mohukum dulun co aroko naat dosa hintang aroko ngonyorih songai-Eh. Are samah ma dulun co ocop maut kapak ika nowong kaju dapot akat eh. Kokon kaju co aroko pio buaeh, angar tonowong paluh tomende hia ponah apui.”
10Tapi kawan dulun taiyoh ngisok ma Yohanes, amun isanioh “Ome co sobulih pian kaih?” 11Yohanes museh, “Dulun co oko tempun duo barun sobulih mihi ico indan dulun co aroko hobarun. Dulun co oko kanoi, sobulih magieh ma dulun co arelu oko kanoieh.”
12Bopira kawan dulun tukang takih pajak dombut hia Yohanes, ika are mombaptis iroh. Iroh ngisok, “Guru ome co sobulih pian kaih?” 13Yohanes museh, “Aroh nakih pajak orong hangki co ocop tonantu pian pomorintah.”
14Oko ka kawan tontara co ngisok, “Maindeoi tintun kaih tuh? Ome co sobulih pian kaih?” Yohanes museh, “Aroh momaksa nyawot duit. Aroh nompi tondah co aroko bujur ika bohujung indan tarop. Cukup leh ikan ma gajih me.”
15Kotika cioh kawan dulun nganto korombut Laca Co Tomonjaji Mohotara. Kokon doh molai ngisok ponah songan doh, mainboh Yohanes yoh laca cioh. 16Awi iyoh Yohanes mantun, “Akuh bokon ma Laca Co Tomonjanji Mohotara. Tapi aroko tahi onieh Are angar dombut. Are meleh bokuasa hangki akuh. Jarin polayan-Eh co poko randah, mahi akuh aroko patut. Akuh mombaptis dulun ma danum bewe. Tapi Are angar mombaptis dulun ma Roh Mohotara hintang ma apui.#3:16 Oko duo tapsiran. 1) Yesus angar mombaptis dulun co porocaya ma Roh Mohotara, hintang ma dulun bokon ma hukuman apui. ATAWA 2) Yesus angar mombaptis dulun ma Roh Mohotara samah ma apui pomoruni logam. 17Are angar misah dulun bujur ma dulun co jahat, isan dulun nyan ika ngoleet gandum mende ampoh eh hapo alat tilih. Gandum co pio angar tongumpur ponah uwung, tapi ampoh eh angar tomapang-Eh ponah apui co aroko boraoi picop.” 18Isan iyoh Yohanes nosehat dulun hapo orong macam cara, kotika are momborita Tarung Pio.
19Yohanes mahi nopoh Herodes, gubernur Romawi nyan derah Galilea, awi Herodes ngoruh Herodias, oruh konduang eh, kotika konduang eh incah bolum. Yohanes nopoh are tului kawan kojahat eh co bokon ka. 20Tapi Herodes malah nambah kojahat eh. Are pokuntam Yohanes hia ponah seper.
Yesus tomombaptis hintang Roh Mohotara toka hia tungkui-Eh
3:21-22
(Mat. 3:13-17; Mrk. 1:9-11; Yoh. 1:32-34)
21 Tapi sorinai Yohanes topokuntam hia ponah seper, orong dulun dombut ika tomobaptis. Isanioh ka Yesus. Kotika Are dahat bodoa, langit pukap 22hintang Roh Mohotara toka hia tungkui-Eh isan burung dara. Paluh koneh suara Mohotara mantun ingkan sorga co nisi, “Iko leh Anak-Kuh co tongasih-Kuh, Iko ngonjorih songang-Kuh.”
Jereh Yesus
3:23-38
(Mat. 1:1-17)
23Kotika Yesus molai kawan gawi-Eh, umur-Eh kira-kira tolun pulu toun hintang tomangap dulun, Are anak Yusup; Yusup anak Eli; 24Eli anak Matat; Matat anak Lewi; Lewi anak Malki; Malki anak Yanai; Yanai anak Yusup; 25Yusup anak Matica; Matica anak Amos; Amos anak Nahum; Nahum anak Hesli; Hesli anak Nagai; 26Nagai anak Maat, anak Matica; Matica anak Simei; Simei anak Yosek; Yosek anak Yoda; 27Yoda anak Yohanan; Yohanan anak Resa; Resa anak Yerubabel; Yerubabel anak Seltiel; Seltiel anak Neri; 28Neri anak Malki; Malki anak Adi; Adi anak Kosam; Kosam anak Elmadam; Elmadam anak Er; 29Er anak Yesua; Yesua anak Elieser; Elieser anak Yorim; Yorim anak Matat; Matat anak Lewi; 30Lewi anak Simeon; Simeon anak Yehuda; Yehuda anak Yusup; Yusup anak Yonam; Yonam anak Elyakim; 31Elyakim anak Melea; Melea anak Mina; Mina anak Matata; Matata anak Natan; Natan anak Daud; 32Daud anak Isai; Isai anak Obet; Obet anak Boas; Boas anak Salmon; Salmon anak Nahason; 33Nahason anak Aminadap; Aminadap anak Admin; Admin anak Arni; Arni anak Hesron; Hesron anak Peres; Peres anak Yehuda; 34Yehuda anak Yakup; Yakup anak Ishak; Ishak anak Abraham; Abraham anak Terah; Terah anak Nahor; 35Nahor anak Seruk; Seruk anak Rehu; Rehu anak Pelek; Pelek anak Eber; Eber anak Salmon; 36Salmon anak Kenan; Kenan anak Arpaksat; Arpaksat anak Sem; Sem anak Nuh; Nuh anak Lamek; 37Lamek anak Metusalah; Metusalah anak Henok; Henok anak Yared; Yared anak Mahaleleel; Mahaleleel anak Kenan; 38Kenan anak Enos; Enos anak Set; Set anak Adam; Adam anak Mohotara.
Currently Selected:
:
Highlight
Share
Copy
Want to have your highlights saved across all your devices? Sign up or sign in