Lukas 9
9
Yesus nyoruhan duo balas murid-Eh
9:1-6
(Mat. 10:5-15; Mrk. 6:7-13)
1 Nyan ico kotika, Yesus ngumpur duo balas murid-Eh. Paluh mihi kuasa indan doh ika boraoi musir kawan roh jahat hintang pomambuh orong macam toro. 2Opah iyoh, Are nyuhu iroh tulak ika momborita tarung tintun Korojaan Mohotara. Tonyuhu-Eh iroh ika pomambuh dulun co noro orong macam toro. 3Hien Yesus ma iroh, “Aroh mehen ome-ome nyan solanam me yoh; tuntu, kambut, kanon, duit, lembon ika sali. Kokon aang taiyoh aroko usah ikan mehen eh.
4Ome bewe co norima ikan nyan lopoeh, nukui leh intin dapot ikan tulak ingkan lowu cioh. 5Tapi amun dulun aroko norima ikan nyan ico lowu, pusitleh ingkan lowu cioh. Nontokoh kawan dabu tana ingkan paam me. Cioh ika momporingat iroh awi iroh angar tomohukum Mohotara, tului iroh aroko norima tungon tintun korojaan Mohotara co tongorapot me ma iroh.” 6Jadi kawan murid-Eh yoh tulak, paluh nyuru kawan lowu, pomambuh dulun co hotoro nyantin nyanoh, momborita tarung tintun Korojaan Mohotara.
Herodes bingung ome sobujur eh Yesus
9:7-9
(Mat. 14:1-12; Mrk. 6:14-29)
7Herodes, Laca derah Galilea, ngoneh tintun kokon aang co mosotahir co pian Yesus. Are bingung tului oko co nisi Yesus yoh Yohanes Pombaptis hopuli bolum kole. 8Oko ka co nisi nabi Elia co dombut kole hopuli. Oko ka dulun co bokon nisi Are yoh ico beti nabi bokon ingkan jaman sinan co hopuli bolum. 9Tapi Herodes mantun, “Yohanes ocop tonyuhu kuh dulun mungkong koraieh. Tapi, ome sobujur eh dulun cotuh? Akuh ocop ngoneh orong kesah dulun tintun Are.” Paluh Herodes nyuwah nyopopak Yesus.
Yesus nompi aang co mosotahir mihi kanon limo ribu dulun
9:10-17
(Mat. 14:13-21; Mrk. 6:30-44; Yoh. 6:1-14)
10Kawan rasul Yesus hopuli. Iroh ngesah kokoi ma Are aang co tongompian doh kotika iroh nyalan hia kawan lowu taiyoh. Paluh, Yesus tulak homboh-homboh ma kawan rasul-Eh, mahah kota Betsaida, nganyap ika co ngolongu ina baya iroh leh co oko nyan intin. 11Tapi koraon dulun orong yoh pongolius solanan doh, paluh iroh ngonulu. Yesus norima iroh, pomambuh iroh co hotoro, majar iroh tintun Korojaan Mohotara.
12Kotika ondo cohit, duo balas murid yoh hia Yesus paluh mantun, “Ika cotuh ocu ma lowu. Jadi, keleh nyuhu dulun tatuh tulak hia kawan lowu co dokin ma derah intoi. Ina doh boraoi nganyap kanon doh hintang hiloi, awi nyan intoi arelu oko.”
13Tapi hien Yesus, “Ikan leh co mihi indan doh kanon!”
“Aroko bodai,” Hien kawan murid-Eh, “Kaih baya oko limo kontuluh rute hintang duo kontuluh ocin. Mositi aroko cukup kocuali kaih tulak moli kanon indan kawan dulun tatuh!” 14Kawan bakah co ocop ngongko kira-kira limo ribu beti kuhat eh co oko nyan intin.
Paluh, Yesus mantun ma kawan murid-Eh, “Nyuhu dulun tanon tuot bokolompok, kira-kira liman pulu beti ico kolompok.” 15Jadi, kawan murid-Eh nompi aang co hien Yesus yoh. Kokon dulun taiyoh tuot bokolompok.
16Opah iyoh, Yesus monu limo kontuluh rute hintang duo kontuluh ocin, paluh nolangon hia langit, nisi torima kasih ma Mohotara. Paluh Are nyila rute hintang ocin cioh, mihi kawan murid-Eh ina doh paluh magieh ma dulun orong yoh. 17Kokon dulun taiyoh kuman dapot bosuh. Opah doh kuman, kawan murid Yesus ngumpur kanon doh co holowi yoh hapo koranjang, kuhat eh duo balas koranjang ponu!
Petrus nisi Yesus yoh Laca Co Tomonjanji Mohotara
9:18-21
(Mat. 16:13-20; Mrk. 8:27-30)
18Nyan ico ondo, Yesus bodoa tarop-Eh. Co oko baya kawan murid-Eh leh nyan intin. Paluh, Yesus ngisok iroh, “Hien dulun orong, ome boh sobujur eh Akuh tuh?”
19Hien doh museh Are, “Oko co nisi Iko non Yohanes Pombaptis. Oko ka co nisi Iko non nabi Elia. Oko ka dulun co bokon nisi pai Iko songkolang kawan nabi bokon ingkan jaman sinan co hopuli bolum.”
20“Tapi,” Hien Yesus, “Monurut ikan leh boh, ome sobujur eh Akuh tuh?”
Hien Petrus, “Iko tuh Laca Co Tomonjanji Mohotara yoh.”
21Paluh Yesus karas bosiit iroh nisi aang cioh ma ome bewe tului arinai dapot kotikaeh.
Yesus mara tintun kosoranta co angar tonongkomo-Eh
9:22
(16:21; Mrk. 8:31)
22Yesus mahi mantun, “Anak Kolunon sobulih nongkomo orong kosoranta. Are angar aroko tonorima pian kawan pomimpin, kawan imam kopala, kawan guru agama. Are angar tongompatoi. Tapi tolu ondo opah iyoh Are angar hopuli bolum.”
Kokon murid Yesus co bujur-bujur porocaya yoh sobulih selang soranta tapi haba ka kobolum nyan sorga
9:23-27
(Mat. 16:22-28; Mrk. 8:32–9:1)
23Opahiyoh Yesus mantun ma kokon dulun co oko nyan intin, “Amun oko dulun nyan halo ikan tuh co bujur-bujur kolu jarin murid-Kuh, are sobulih potiho kojere co jere sanang tarop eh. Sika ondo are sobulih siap nohimo kosoranta, malah siap dapot matoi. Cioh somporengu dulun co tomohukum matoi sobulih nyanon sompolakieh. Kawan murid-Kuh sobulih isanioh ka hintang hopompaluh umba Akuh. 24Akuh mara aang cotuh ina me sobulih paham tintun kobolum co bujur-bujur, kobolum co kototahi nyan sorga. Awi dulun co morulu kobolum eh tarop, mositi are aroko angar haba kobolum co kototahi nyan sorga. Tapi dulun co nyarah kobolum eh tarop ika umba Akuh, mositi are angar haba kobolum co kototahi nyan sorga. 25Ome kobohujung eh sompamaeh oko dulun co lian tempun kokon aang nyan dunia tuh, tapi ika lian haba aang iyoh are aroko haba kobolum co kototahi nyan sorga? 26Jadi dulun co mohaan umba Akuh hintang ajaran-Kuh, Anak Kolunon mahi angar aroko norima Are nyan kotika Are dombut ingkan sorga ma kuasa co bahai, ma kuasan Mohotara Tama hintang kawan molekat co suci. 27Ngoneh eh bat, nyan songkolang ikan nyan intoi oko co aroko angar matoi sorinai are noto Korojaan Mohotara.”#9:27 Oko tolu komungkinan tintun waktu kotika noto korojaan Mohotara; 1) kotika pira-pira rasul-Eh boraoi noto komuliaan-Eh nyan lungkuh (ayat 28-36), 2) kotika Are matoi nyan kaju sompolakieh paluh hopuli bolum, atawa 3) kotika Roh Mohotara mihi iroh kuasa (Kesah 2).
Tolu beti rasul noto tampa Yesus tonyolungkop cohaya ingkan sorga nyan pumpung lungkuh
9:28-36
28Sokitar ico menggu opah Yesus mantun aang taiyoh ma iroh, Are nukat hia pumpung lungkuh ika bodoa. Are mehen Petrus, Yohanes hintang Yokobus mahi ehe ka. 29-32Kotika Yesus dahat bodoa, tampa-Eh hubah, molai mancar hintang lembon-Eh jarin bura lentah molet-montin. Songola oko duo beti kole dulun oko nyan intin, iyohonon nabi Musa hintang nabi Elia. Poleha arop doh hapo cohaya co ingkan sorga. Iroh hopander ma Yesus tintun pompatoi-Eh co aroko tahi onieh nyan kota Yerusalem. Aang cioh aroko tahi oni angar tonongkomo-Eh sosuai ma roncana Mohotara.
Kotika cioh Petrus hintang kawan tongkanyoh eh potontirui, tapi songola iroh potoponyun. Kitan doh Yesus bocahaya, hintang duo nabi cioh tonjok dokin Are. 33Kotika duo nabi cioh jere naat Yesus, Petrus paluh mantun ma Are, “Guru, pio lau kitan nyan intoi. Olu kaih nompi tolu kemah nyan intoi, ico indam-Mu, ico indan nabi Musa, icoeh kole indan nabi Elia.” Tapi Petrus aroko monau ome co tomantun eh yoh.
34Pondehan Petrus incah mantun, songola oko hawun dombut nutup iroh. Karas lau akut kawan murid Yesus yoh notoeh. 35Mohotara mantun ingkan ponah hawun cioh, “Tuh iyoh Anak-Kuh co tomili-Kuh. Ngoneh eh bat Are!”
36Opah Mohotara umbot mantun aang cioh, tolu murid Yesus yoh noto baya tarop Yesus leh co oko nyan intin. Oluco iroh noto tarop kojadian co mosotahir lau yoh, iroh aroko maraeh ma ome bewe. Tahi bat opah iyoh, punan doh ngesah eh.
Yesus musir roh jahat ingkan ico beti daja
9:37-43a
(Mat. 17:14-21; Mrk. 9:14-29)
37Manyuap ondoeh kole, Yesus hintang kawan murid-Eh nosuloh ingkan lungkuh cioh. Kotika cioh orong dulun nyalan nyopopak Yesus. 38Ingkan dulun orong yoh, oko ico beti bakah co naah Yesus. Hieeh, “Guru, Akuh nyawot ika-Mu dohop anak kuh. 39Anak kuh tuh derek tonyarang roh jahat. Songola noriak, betieh kijer-kijer dapot bauieh hoputak. Roh cioh hopompaluh nyoranta are, aroko kolu pusit ingkan are! 40Akuh ocop nyawot dohop ma kawan murid-Mu ika musir roh jahat cotuh, tapi iroh aroko lian.”
41Yesus paluh mantun ma iroh uras eh, “Dulun jaman cotuh jahat, aroko porocaya ma Mohotara co boraoi pomambuh! Dapot makitu ikan arinai porocaya! Akuh ocop kocewa lau. Paluh Yesus mantun ma taman daja cioh, Mehen hantoi anak mu non,”
42Pondehan daja cioh nyalan hia Yesus, roh jahat nyarang daja cioh, pohampas are hia tana, pokijer-kijer betieh. Tapi Yesus morentah roh jahat cioh pusit, hiah iyoh leh daja cioh mambuh, paluh tonyarah-Eh hopuli hia tamaieh. 43aMaka kokon dulun intin kagum lau noto kuasan Mohotara co isanioh kahai.
Yesus mara kole, tintun kosoranta co angar tonongkomo-Eh
9:43b-45
(Mat. 17:22-23; Mrk. 9:30-32)
43bKokon dulun co incah potohurong-hurong noto kawan aang co mosotahir co tongompian Yesus. Pondehan iyoh, Yesus mantun ma kawan murid-Eh, 44“Ngoneh eh pio-pio. Aroh lau ikan solingo antun-Kuh tuh: Anak Kolunon angar tonawan paluh tonyarah hia kuasan kolunon.”
45Tapi kawan murid-Eh aroko paham ma antun-Eh yoh. Aroko koraon doh ome aang co hie-Eh. Arti kawan antun co tomantun-Eh yoh aroko tomonau doh. Iroh mahi takut ka ngisok Yesus tintun maksut-Eh yoh!
Monurut Mohotara Ome co poko penting
9:46-48
(Mat. 18:1-5; Mrk. 9:33-37)
46Kawan murid Yesus yoh molai hodaler tintun ome songkolang iroh yoh co poko penting. 47Koraon Yesus aang co tomikir doh. Jadi, Tului iyoh Yesus monu ico beti daja kolik paluh nyuhu daja cioh tonjok nyan bolikat-Eh. 48Paluh Yesus mantun ma iroh, “Dulun co norima daja cotuh tului Akuh. Are norima Akuh ka. Dulun co norima Akuh samah ma norima Mohotara co nyoruhan Akuh. Awi dulun co poko aroko penting monurut ikan, are yoh co poko penting monurut Mohotara.”
Murid Yesus co aroko tenden umba iroh boraoi musir roh jahat
9:49-50
(Mrk. 9:38-40)
49Hien Yohanes, “Guru, kaih noto ico dulun musir roh jahat hapo kuasam-Mu. Paluh kaih bosiit are, Awi are yoh bokon ingkan kolompok tito.”
50Yesus museh, “Aroh bat ikan bosiit dulun co isan are yoh, awi dulun co aroko ngolawan ito yoh, borati momihak ma ito.”
Ico desa nyan Samaria aroko kolu norima Yesus
9:51-56
51Kotikaeh ocop dokin Yesus tomangkat hia sorga. Jadi, Are nukas Arop-Eh ika tulak hia kota Yerusalem. 52Maka, Are nyuhu dulun tulak nosoun Are. Kawan dulun co tonyuhu-Eh yoh tulak, paluh dapot ico desa nyan Samaria ina nyodia aang co tomorulu ika nohambang korombut Yesus. 53Tapi dulun Samaria nyan desa cioh, aroko kolu norima Yesus, tului Are koraon doh angar nyuru kota Yerusalem.
54Kotika Yokobus hintang Yohanes ngoneh aang cioh, iroh paluh mantun eh ma Yesus, “Tuhan kolu pai, amun kaih nyawot apui ingkan langit ika ngolompuh iroh tuh?” 55Tapi Yesus maling Arop-Eh paluh nopoh iroh, tului pikiran doh co sala yoh. 56Opah iyoh, iroh paluh tulak hia desa bokon.
Kawan sarat jarin murid Yesus
9:57-62
(Mat. 8:19-22)
57Pondehan Yesus hintang kawan dulun co tenden umba Are yoh ngompaluh solanan doh. Nyan oang calan nyan halo iroh yoh oko co mantun ma Yesus, “Akuh angar hopompaluh umba Iko, hamoh bewe Iko tulak.”
58Maka Yesus mantun ma are, “Srigala oko luwang eh. Beleu oko salah eh. Tapi Anak Kolunon, arelu oko ika-Eh kaling.”
59Paluh Yesus mantun ma dulun co bokon yoh, “Haas umba Akuh bat.” Tapi dulun cioh mantun, “Guru olu kuh buli soun tulak ngolowong tamang kuh.”
60Tapi hien Yesus ma are, “Olu dulun co aroko porocaya ma Mohotara, ngolowong dulun co matoi.#9:60 Dulun co matoi socara rohani iyohonon dulun aroko porocaya ma Yesus. Yesus aroko bomaksut ito aroko boraoi ngolowong dulun co matoi. Tapi tugas co poko penting indan dulun co porocaya iyohonon momborita tintun Korojaan Mohotara. Tapi iko sobulih tulak, hantin-hanoh momborita tintun Korojaan Mohotara.”
61Dulun co bokon kole mantun, “Akuh mahi jere umba Iko, Tuhan. Tapi akuh sobulih buli houn mara arop kuh ma kawan koluarga.”
62Dulun co ocop naat dosa hintang paluh umba Mohotara. Amun are hopuli nompi dosa kole, are aroko patut jarin anggota korojaan Mohotara.
Currently Selected:
Lukas 9: TBSS
Highlight
Share
Copy
Want to have your highlights saved across all your devices? Sign up or sign in
Lukas 9
9
Yesus nyoruhan duo balas murid-Eh
9:1-6
(Mat. 10:5-15; Mrk. 6:7-13)
1 Nyan ico kotika, Yesus ngumpur duo balas murid-Eh. Paluh mihi kuasa indan doh ika boraoi musir kawan roh jahat hintang pomambuh orong macam toro. 2Opah iyoh, Are nyuhu iroh tulak ika momborita tarung tintun Korojaan Mohotara. Tonyuhu-Eh iroh ika pomambuh dulun co noro orong macam toro. 3Hien Yesus ma iroh, “Aroh mehen ome-ome nyan solanam me yoh; tuntu, kambut, kanon, duit, lembon ika sali. Kokon aang taiyoh aroko usah ikan mehen eh.
4Ome bewe co norima ikan nyan lopoeh, nukui leh intin dapot ikan tulak ingkan lowu cioh. 5Tapi amun dulun aroko norima ikan nyan ico lowu, pusitleh ingkan lowu cioh. Nontokoh kawan dabu tana ingkan paam me. Cioh ika momporingat iroh awi iroh angar tomohukum Mohotara, tului iroh aroko norima tungon tintun korojaan Mohotara co tongorapot me ma iroh.” 6Jadi kawan murid-Eh yoh tulak, paluh nyuru kawan lowu, pomambuh dulun co hotoro nyantin nyanoh, momborita tarung tintun Korojaan Mohotara.
Herodes bingung ome sobujur eh Yesus
9:7-9
(Mat. 14:1-12; Mrk. 6:14-29)
7Herodes, Laca derah Galilea, ngoneh tintun kokon aang co mosotahir co pian Yesus. Are bingung tului oko co nisi Yesus yoh Yohanes Pombaptis hopuli bolum kole. 8Oko ka co nisi nabi Elia co dombut kole hopuli. Oko ka dulun co bokon nisi Are yoh ico beti nabi bokon ingkan jaman sinan co hopuli bolum. 9Tapi Herodes mantun, “Yohanes ocop tonyuhu kuh dulun mungkong koraieh. Tapi, ome sobujur eh dulun cotuh? Akuh ocop ngoneh orong kesah dulun tintun Are.” Paluh Herodes nyuwah nyopopak Yesus.
Yesus nompi aang co mosotahir mihi kanon limo ribu dulun
9:10-17
(Mat. 14:13-21; Mrk. 6:30-44; Yoh. 6:1-14)
10Kawan rasul Yesus hopuli. Iroh ngesah kokoi ma Are aang co tongompian doh kotika iroh nyalan hia kawan lowu taiyoh. Paluh, Yesus tulak homboh-homboh ma kawan rasul-Eh, mahah kota Betsaida, nganyap ika co ngolongu ina baya iroh leh co oko nyan intin. 11Tapi koraon dulun orong yoh pongolius solanan doh, paluh iroh ngonulu. Yesus norima iroh, pomambuh iroh co hotoro, majar iroh tintun Korojaan Mohotara.
12Kotika ondo cohit, duo balas murid yoh hia Yesus paluh mantun, “Ika cotuh ocu ma lowu. Jadi, keleh nyuhu dulun tatuh tulak hia kawan lowu co dokin ma derah intoi. Ina doh boraoi nganyap kanon doh hintang hiloi, awi nyan intoi arelu oko.”
13Tapi hien Yesus, “Ikan leh co mihi indan doh kanon!”
“Aroko bodai,” Hien kawan murid-Eh, “Kaih baya oko limo kontuluh rute hintang duo kontuluh ocin. Mositi aroko cukup kocuali kaih tulak moli kanon indan kawan dulun tatuh!” 14Kawan bakah co ocop ngongko kira-kira limo ribu beti kuhat eh co oko nyan intin.
Paluh, Yesus mantun ma kawan murid-Eh, “Nyuhu dulun tanon tuot bokolompok, kira-kira liman pulu beti ico kolompok.” 15Jadi, kawan murid-Eh nompi aang co hien Yesus yoh. Kokon dulun taiyoh tuot bokolompok.
16Opah iyoh, Yesus monu limo kontuluh rute hintang duo kontuluh ocin, paluh nolangon hia langit, nisi torima kasih ma Mohotara. Paluh Are nyila rute hintang ocin cioh, mihi kawan murid-Eh ina doh paluh magieh ma dulun orong yoh. 17Kokon dulun taiyoh kuman dapot bosuh. Opah doh kuman, kawan murid Yesus ngumpur kanon doh co holowi yoh hapo koranjang, kuhat eh duo balas koranjang ponu!
Petrus nisi Yesus yoh Laca Co Tomonjanji Mohotara
9:18-21
(Mat. 16:13-20; Mrk. 8:27-30)
18Nyan ico ondo, Yesus bodoa tarop-Eh. Co oko baya kawan murid-Eh leh nyan intin. Paluh, Yesus ngisok iroh, “Hien dulun orong, ome boh sobujur eh Akuh tuh?”
19Hien doh museh Are, “Oko co nisi Iko non Yohanes Pombaptis. Oko ka co nisi Iko non nabi Elia. Oko ka dulun co bokon nisi pai Iko songkolang kawan nabi bokon ingkan jaman sinan co hopuli bolum.”
20“Tapi,” Hien Yesus, “Monurut ikan leh boh, ome sobujur eh Akuh tuh?”
Hien Petrus, “Iko tuh Laca Co Tomonjanji Mohotara yoh.”
21Paluh Yesus karas bosiit iroh nisi aang cioh ma ome bewe tului arinai dapot kotikaeh.
Yesus mara tintun kosoranta co angar tonongkomo-Eh
9:22
(16:21; Mrk. 8:31)
22Yesus mahi mantun, “Anak Kolunon sobulih nongkomo orong kosoranta. Are angar aroko tonorima pian kawan pomimpin, kawan imam kopala, kawan guru agama. Are angar tongompatoi. Tapi tolu ondo opah iyoh Are angar hopuli bolum.”
Kokon murid Yesus co bujur-bujur porocaya yoh sobulih selang soranta tapi haba ka kobolum nyan sorga
9:23-27
(Mat. 16:22-28; Mrk. 8:32–9:1)
23Opahiyoh Yesus mantun ma kokon dulun co oko nyan intin, “Amun oko dulun nyan halo ikan tuh co bujur-bujur kolu jarin murid-Kuh, are sobulih potiho kojere co jere sanang tarop eh. Sika ondo are sobulih siap nohimo kosoranta, malah siap dapot matoi. Cioh somporengu dulun co tomohukum matoi sobulih nyanon sompolakieh. Kawan murid-Kuh sobulih isanioh ka hintang hopompaluh umba Akuh. 24Akuh mara aang cotuh ina me sobulih paham tintun kobolum co bujur-bujur, kobolum co kototahi nyan sorga. Awi dulun co morulu kobolum eh tarop, mositi are aroko angar haba kobolum co kototahi nyan sorga. Tapi dulun co nyarah kobolum eh tarop ika umba Akuh, mositi are angar haba kobolum co kototahi nyan sorga. 25Ome kobohujung eh sompamaeh oko dulun co lian tempun kokon aang nyan dunia tuh, tapi ika lian haba aang iyoh are aroko haba kobolum co kototahi nyan sorga? 26Jadi dulun co mohaan umba Akuh hintang ajaran-Kuh, Anak Kolunon mahi angar aroko norima Are nyan kotika Are dombut ingkan sorga ma kuasa co bahai, ma kuasan Mohotara Tama hintang kawan molekat co suci. 27Ngoneh eh bat, nyan songkolang ikan nyan intoi oko co aroko angar matoi sorinai are noto Korojaan Mohotara.”#9:27 Oko tolu komungkinan tintun waktu kotika noto korojaan Mohotara; 1) kotika pira-pira rasul-Eh boraoi noto komuliaan-Eh nyan lungkuh (ayat 28-36), 2) kotika Are matoi nyan kaju sompolakieh paluh hopuli bolum, atawa 3) kotika Roh Mohotara mihi iroh kuasa (Kesah 2).
Tolu beti rasul noto tampa Yesus tonyolungkop cohaya ingkan sorga nyan pumpung lungkuh
9:28-36
28Sokitar ico menggu opah Yesus mantun aang taiyoh ma iroh, Are nukat hia pumpung lungkuh ika bodoa. Are mehen Petrus, Yohanes hintang Yokobus mahi ehe ka. 29-32Kotika Yesus dahat bodoa, tampa-Eh hubah, molai mancar hintang lembon-Eh jarin bura lentah molet-montin. Songola oko duo beti kole dulun oko nyan intin, iyohonon nabi Musa hintang nabi Elia. Poleha arop doh hapo cohaya co ingkan sorga. Iroh hopander ma Yesus tintun pompatoi-Eh co aroko tahi onieh nyan kota Yerusalem. Aang cioh aroko tahi oni angar tonongkomo-Eh sosuai ma roncana Mohotara.
Kotika cioh Petrus hintang kawan tongkanyoh eh potontirui, tapi songola iroh potoponyun. Kitan doh Yesus bocahaya, hintang duo nabi cioh tonjok dokin Are. 33Kotika duo nabi cioh jere naat Yesus, Petrus paluh mantun ma Are, “Guru, pio lau kitan nyan intoi. Olu kaih nompi tolu kemah nyan intoi, ico indam-Mu, ico indan nabi Musa, icoeh kole indan nabi Elia.” Tapi Petrus aroko monau ome co tomantun eh yoh.
34Pondehan Petrus incah mantun, songola oko hawun dombut nutup iroh. Karas lau akut kawan murid Yesus yoh notoeh. 35Mohotara mantun ingkan ponah hawun cioh, “Tuh iyoh Anak-Kuh co tomili-Kuh. Ngoneh eh bat Are!”
36Opah Mohotara umbot mantun aang cioh, tolu murid Yesus yoh noto baya tarop Yesus leh co oko nyan intin. Oluco iroh noto tarop kojadian co mosotahir lau yoh, iroh aroko maraeh ma ome bewe. Tahi bat opah iyoh, punan doh ngesah eh.
Yesus musir roh jahat ingkan ico beti daja
9:37-43a
(Mat. 17:14-21; Mrk. 9:14-29)
37Manyuap ondoeh kole, Yesus hintang kawan murid-Eh nosuloh ingkan lungkuh cioh. Kotika cioh orong dulun nyalan nyopopak Yesus. 38Ingkan dulun orong yoh, oko ico beti bakah co naah Yesus. Hieeh, “Guru, Akuh nyawot ika-Mu dohop anak kuh. 39Anak kuh tuh derek tonyarang roh jahat. Songola noriak, betieh kijer-kijer dapot bauieh hoputak. Roh cioh hopompaluh nyoranta are, aroko kolu pusit ingkan are! 40Akuh ocop nyawot dohop ma kawan murid-Mu ika musir roh jahat cotuh, tapi iroh aroko lian.”
41Yesus paluh mantun ma iroh uras eh, “Dulun jaman cotuh jahat, aroko porocaya ma Mohotara co boraoi pomambuh! Dapot makitu ikan arinai porocaya! Akuh ocop kocewa lau. Paluh Yesus mantun ma taman daja cioh, Mehen hantoi anak mu non,”
42Pondehan daja cioh nyalan hia Yesus, roh jahat nyarang daja cioh, pohampas are hia tana, pokijer-kijer betieh. Tapi Yesus morentah roh jahat cioh pusit, hiah iyoh leh daja cioh mambuh, paluh tonyarah-Eh hopuli hia tamaieh. 43aMaka kokon dulun intin kagum lau noto kuasan Mohotara co isanioh kahai.
Yesus mara kole, tintun kosoranta co angar tonongkomo-Eh
9:43b-45
(Mat. 17:22-23; Mrk. 9:30-32)
43bKokon dulun co incah potohurong-hurong noto kawan aang co mosotahir co tongompian Yesus. Pondehan iyoh, Yesus mantun ma kawan murid-Eh, 44“Ngoneh eh pio-pio. Aroh lau ikan solingo antun-Kuh tuh: Anak Kolunon angar tonawan paluh tonyarah hia kuasan kolunon.”
45Tapi kawan murid-Eh aroko paham ma antun-Eh yoh. Aroko koraon doh ome aang co hie-Eh. Arti kawan antun co tomantun-Eh yoh aroko tomonau doh. Iroh mahi takut ka ngisok Yesus tintun maksut-Eh yoh!
Monurut Mohotara Ome co poko penting
9:46-48
(Mat. 18:1-5; Mrk. 9:33-37)
46Kawan murid Yesus yoh molai hodaler tintun ome songkolang iroh yoh co poko penting. 47Koraon Yesus aang co tomikir doh. Jadi, Tului iyoh Yesus monu ico beti daja kolik paluh nyuhu daja cioh tonjok nyan bolikat-Eh. 48Paluh Yesus mantun ma iroh, “Dulun co norima daja cotuh tului Akuh. Are norima Akuh ka. Dulun co norima Akuh samah ma norima Mohotara co nyoruhan Akuh. Awi dulun co poko aroko penting monurut ikan, are yoh co poko penting monurut Mohotara.”
Murid Yesus co aroko tenden umba iroh boraoi musir roh jahat
9:49-50
(Mrk. 9:38-40)
49Hien Yohanes, “Guru, kaih noto ico dulun musir roh jahat hapo kuasam-Mu. Paluh kaih bosiit are, Awi are yoh bokon ingkan kolompok tito.”
50Yesus museh, “Aroh bat ikan bosiit dulun co isan are yoh, awi dulun co aroko ngolawan ito yoh, borati momihak ma ito.”
Ico desa nyan Samaria aroko kolu norima Yesus
9:51-56
51Kotikaeh ocop dokin Yesus tomangkat hia sorga. Jadi, Are nukas Arop-Eh ika tulak hia kota Yerusalem. 52Maka, Are nyuhu dulun tulak nosoun Are. Kawan dulun co tonyuhu-Eh yoh tulak, paluh dapot ico desa nyan Samaria ina nyodia aang co tomorulu ika nohambang korombut Yesus. 53Tapi dulun Samaria nyan desa cioh, aroko kolu norima Yesus, tului Are koraon doh angar nyuru kota Yerusalem.
54Kotika Yokobus hintang Yohanes ngoneh aang cioh, iroh paluh mantun eh ma Yesus, “Tuhan kolu pai, amun kaih nyawot apui ingkan langit ika ngolompuh iroh tuh?” 55Tapi Yesus maling Arop-Eh paluh nopoh iroh, tului pikiran doh co sala yoh. 56Opah iyoh, iroh paluh tulak hia desa bokon.
Kawan sarat jarin murid Yesus
9:57-62
(Mat. 8:19-22)
57Pondehan Yesus hintang kawan dulun co tenden umba Are yoh ngompaluh solanan doh. Nyan oang calan nyan halo iroh yoh oko co mantun ma Yesus, “Akuh angar hopompaluh umba Iko, hamoh bewe Iko tulak.”
58Maka Yesus mantun ma are, “Srigala oko luwang eh. Beleu oko salah eh. Tapi Anak Kolunon, arelu oko ika-Eh kaling.”
59Paluh Yesus mantun ma dulun co bokon yoh, “Haas umba Akuh bat.” Tapi dulun cioh mantun, “Guru olu kuh buli soun tulak ngolowong tamang kuh.”
60Tapi hien Yesus ma are, “Olu dulun co aroko porocaya ma Mohotara, ngolowong dulun co matoi.#9:60 Dulun co matoi socara rohani iyohonon dulun aroko porocaya ma Yesus. Yesus aroko bomaksut ito aroko boraoi ngolowong dulun co matoi. Tapi tugas co poko penting indan dulun co porocaya iyohonon momborita tintun Korojaan Mohotara. Tapi iko sobulih tulak, hantin-hanoh momborita tintun Korojaan Mohotara.”
61Dulun co bokon kole mantun, “Akuh mahi jere umba Iko, Tuhan. Tapi akuh sobulih buli houn mara arop kuh ma kawan koluarga.”
62Dulun co ocop naat dosa hintang paluh umba Mohotara. Amun are hopuli nompi dosa kole, are aroko patut jarin anggota korojaan Mohotara.
Currently Selected:
:
Highlight
Share
Copy
Want to have your highlights saved across all your devices? Sign up or sign in