Matius 6:16-18 “Kotika ikan puasa, aroh tampa me jorung isan dulun co nara arop eh puasa. Iroh yoh herak mubah alik tampa doh ina dongan doh noto iroh dahat puasa. Porhatiboh antun Kuh tuh: Iroh ocop haba koponara i | Alkitab Porjanjian Baa Ponah Bohasa Dayak Siang (TBSS)

Matius 6:16-18 TBSS

“Kotika ikan puasa, aroh tampa me jorung isan dulun co nara arop eh puasa. Iroh yoh herak mubah alik tampa doh ina dongan doh noto iroh dahat puasa. Porhatiboh antun Kuh tuh: Iroh ocop haba koponara ingkan dongan doh sobagai tombah doh. Tapi kotika ikan puasa, ngorasih tampa hintang nguu kuhungmu ina tokitan isan biasa. Maka, dongam me aroh angar monau bahawa ikan dahat puasa. Baya Mohotara Tama co aroh kitan, Are co kito aang cioh. Paluh, Are angar mihi tombah indam me.”

Read Matius 6