Markus 11
11
Yesus tonyambut rami lau nyan kota Yerusalem
11:1-11
(Mat. 21:1-11; Luk. 19:28-40; Yoh. 12:12-19)
1Yesus hintang kawan murid-Eh jonyo dapot Yerusalem. Iroh dapot nyan ico ika dokin lowu Betpage hintang Betania, nyan beloi lungkuh Jaitun. Kotika iyoh, Yesus nyuhu duo murid-Eh tulak meleh houn. 2Hie-Eh, “Tulakbat hia lowu nyan muka di. Hiah waktu ikan ruo muntam hia lowu codi, ikan angar lansung kito ico koledai nampung ikuh tonambit. Koledai cioh arinai piji tonungang dulun. Mukoi koledai cioh paluh mehen hia intoi. 3Amun oko dulun co ngisok, ‘Kura ikan mukoi koledai conon?’ Mantun ma dulun cioh, ‘Tuhan morulueh. Tapi Are angar jion nompulieh.’ ”
4Koduo murid Yesus yoh mahi tulak, hintang ngohaba ico koledai dahat botambit nyan tungkang lopo nyan saran calan. Maka iroh mukoi tambit koledai cioh. 5Bopira dulun co tonjok nyan intin mantun ma iroh, “Ome co piam me? Kura ikan mukoi koledai conon?” 6Iroh museh nain co ocop tomantun Yesus niin. Maka, kawan dulun taiyoh moholu iroh mehen koledai cioh.
7Paluh iroh nuntun koledai cioh hia Yesus hintang mandak kawan jubah doh nyan tungkui likut koledai cioh. Paluh Yesus tuot nyan tungkuieh.#11:7 Sinan anak Laca Salomo nungang koledai sobagai ciri are jarin laca (1 Raja-raja 1:33-35; 44). Jakaria 9:9 tonulih bahawa Laca Co Tomonjanji Mohotara angar nungang koledai ma cara isan iyoh ka. Jadi, antun Jakaria jarin nyata. 8Hiah waktu iroh nuntuh hia kota Yerusalem, oko orong lau dulun mampar kawan jubah doh nyan calan ika mohormat Are. Oko ka orong dulun co mampar kawan pating nyan calan, iyohonon tangkai kaju bolum co tomonu doh ingkan umo. 9Orong dulun nyalan nyan muka hintang nyan uwoilikut Yesus. Iroh ngororoho jorih,
“Hosana!#11:9 Ponah Bohasa Ibrani co kuno, antun ‘Hosana’ borati, ‘Tuhan nyolamatbat kaih!’ Atawa ‘Topotaraboh Tuhan!’ Hiah jaman Yesus, antun cotuh jarin koponara tohimo laca. Narabat Are co dombut ponah aran Tuhan Mohotara!
10Ihin aang co pio hinut boh Korojaan angar dombut, nain co tomonjanji ma Daud, tatu hiang to.
Koponara indan Are nyan ika co poko hunyung!”#11:9-10 Dulun orong tatuh nara Yesus ma hapo antun ingkan buku Masmur 118:26.
11Opah iroh dapot nyan Yerusalem, Yesus muntam hia polontaran Lopo Mohotara. Are morisa kokon co tojadi nyan intin. Tapi awi ondo ocop jonyo pindong, Are hopuli hia Betania ma duo balas murid-Eh.
Yesus hotulut puun ara co aroko mua
11:12-14
(Mat. 21:18-19)
12Nyuap ondoeh, Yesus hintang duo balas murid-Eh naat Betania hopuli hia Yerusalem. Ponah solanan, Are nongkomo dou. 13Ingkan ocu, Are kito puun ara co ocop ngonoun. Jadi, Are ngoroni puun ara cioh ika noto pai oko buaeh. Tapi waktu Are dapot puun ara cioh, Are noto arelu oko bua ome-ome. Baya oko kawan douieh leh. Awi, nyan waktu iyoh mula arinai sorang bua ara. 14Yesus mantun ma puun ara cioh, “Molai makitu aroko ico mahi dulun co angar kuman buamu bat!” Kawan murid-Eh ngoneh kawan antun-Eh yoh.
Yesus musir kawan podagang ingkan polontaran Lopo Mohotara
11:15-19
(Mat. 21:12-17; Luk. 19:45-48; Yoh. 2:12-25)
15Opah Yesus hintang kawan murid-Eh dapot nyan Yerusalem, Yesus muntam kole hia polontaran Lopo Mohotara. Are musir kokon dulun co hoborakang-hobojuri nyan ika cioh. Are nobalik kawan meja co hapan pian kawan tukang nosuloi duit. Ngolungkang kawan bobangku co hapan pian kawan ponjuar porsembahan beleu merpati. 16Are bosiit dulun mehen barang nyihin polontaran lopo Mohotara. 17Paluh, Are majar iroh. Hie-Eh, “Antun Mohotara tonulih ponah Surat Borasih: ‘Lopo-Kuh iyohco lopo ika bodoa indan kokon bangsa.’#11:17 Noto buku Yesaya 56:7. Tapi ikan umpieh jarin isan salah kawan porampuk!”#11:17 Noto buku Yeremia 7:11.
18Kawan imam kopala hintang kawan guru agama Yahudi ngoneh tintun poristiwa cioh. Iroh takut ma-Eh awi kokon dulun kagum ma ajaran-Eh.#11:18 Kawan pomimpin agama ‘takut’ amun orong dulun ngumba Yesus, iroh aroko angar tomohormat. Jadi, sobujur eh atoi doh bosingon. Jadi, iroh nganyap cara ika ngompatoi-Eh.
19Kotika ondo ocop jonyo pindong, Yesus hintang kawan murid-Eh pusit bat ingkan kota cioh.
Polojaran ingkan puun ara niin
11:20-26
(Mat. 21:20-22)
20Kawut-kawut manyuap ondoeh, Yesus hintang kawan murid-Eh nyihin puun ara cioh niin. Iroh noto puun ara cioh ocop ngoholai, malah kawan akat eh ocop matoi. 21Petrus topingkat ome co tojadi ico ondo soun maeh. Maka, are mantun ma Yesus, “Pak Guru, notoeh! Puun ara co tohotulut-Mu non ocop matoi!”
22Useh Yesus ma iroh, “Porocaya boh ma Mohotara! 23Ngoneh ehyoh! Ikan sobulih porocaya bahawa ome co tomantun me mositi angar tojadi. Sika dulun co porocaya, aroko ragu-ragu, sompamaeh are nyuhu puruk cotuh, ‘Topangkat paluh topendebat hia laut!’ Maka aang cioh angar tojadi indaieh. 24Awi iyoh, Akuh mantun otuh ma ikan: Ome bewe co tonyawot me ponah doa, porocayaleh bahawa Mohotara ocop mihieh indam me. Paluh, ikan angar norimaeh. 25Amun oko dulun co sala ma ikan, mampun ehboh are sorinai ikan tonjok ika bodoa. Ikan sobulih nguan iyoh ina Mohotara Tamam me nyan sorga mahi angar mampun kawan dosam me. [26Amun ikan aroko mampun dulun, maka Mohotara Tamam me nyan sorga mahi aroko mampun kawan dosam me.]”
Kawan pomimpin dulun Yahudi ngisok ma angit tintun kuasan Yesus
11:27-33
(Mat. 21:23-27; Luk. 20:1-8)
27Yesus hintang kawan murid-Eh tulak kole hia Yerusalem. Hiah Yesus nyalan nyan polontaran Lopo Mohotara, kawan imam kopala, kawan guru agama Yahudi, hintang kawan pomimpin bangsa Yahudi dombut hia-Eh. 28Iroh ngisok, “Ome hak-Mu umpi kokon iyoh? Omeboh co mihi kuasa cioh indam-Mu?”
29Hien Yesus ma iroh, “Akuh mahi ngisok ma ikan. Amun ikan museh Akuh, maka Akuh angar museh ikan tintun omeboh co mihi kuasa indang-Kuh ika umpi kokoieh tuh. 30Tuh boh kisok Kuh; Ome boh co mihi kuasa indan Yohanes ina mombaptis? Mohotara atawa kolunon?”
31Jadi, iroh morunding eh nganyap useh nyan halo iroh. Hien doh, “Amun ito mantun, ‘Mohotara co mihi kuasa cioh indan Yohanes’, Yesus angar mantun, amun isanioh kura ikan aroko porocaya ma Yohanes? 32Tapi ito mahi aroko boraoi mantun, ‘Baya kolunon co mihi kuasa cioh indaieh.’ ” (Kawan pomimpin taiyoh takut ma dulun orong, awi dulun orong porocaya Yohanes iyohco nabi Mohotara.)
33Maka iroh mantun ma Yesus, “Kaih aroko monau ome co mihi kuasa cioh indan Yohanes.”
Yesus mantun, “Amun sanioh, Akuh mahi aroko angar maraeh ma ikan omeboh co mihi kuasa indang-Kuh ika nguan kokoieh tuh.”
Currently Selected:
Markus 11: TBSS
Highlight
Share
Copy
Want to have your highlights saved across all your devices? Sign up or sign in
Markus 11
11
Yesus tonyambut rami lau nyan kota Yerusalem
11:1-11
(Mat. 21:1-11; Luk. 19:28-40; Yoh. 12:12-19)
1Yesus hintang kawan murid-Eh jonyo dapot Yerusalem. Iroh dapot nyan ico ika dokin lowu Betpage hintang Betania, nyan beloi lungkuh Jaitun. Kotika iyoh, Yesus nyuhu duo murid-Eh tulak meleh houn. 2Hie-Eh, “Tulakbat hia lowu nyan muka di. Hiah waktu ikan ruo muntam hia lowu codi, ikan angar lansung kito ico koledai nampung ikuh tonambit. Koledai cioh arinai piji tonungang dulun. Mukoi koledai cioh paluh mehen hia intoi. 3Amun oko dulun co ngisok, ‘Kura ikan mukoi koledai conon?’ Mantun ma dulun cioh, ‘Tuhan morulueh. Tapi Are angar jion nompulieh.’ ”
4Koduo murid Yesus yoh mahi tulak, hintang ngohaba ico koledai dahat botambit nyan tungkang lopo nyan saran calan. Maka iroh mukoi tambit koledai cioh. 5Bopira dulun co tonjok nyan intin mantun ma iroh, “Ome co piam me? Kura ikan mukoi koledai conon?” 6Iroh museh nain co ocop tomantun Yesus niin. Maka, kawan dulun taiyoh moholu iroh mehen koledai cioh.
7Paluh iroh nuntun koledai cioh hia Yesus hintang mandak kawan jubah doh nyan tungkui likut koledai cioh. Paluh Yesus tuot nyan tungkuieh.#11:7 Sinan anak Laca Salomo nungang koledai sobagai ciri are jarin laca (1 Raja-raja 1:33-35; 44). Jakaria 9:9 tonulih bahawa Laca Co Tomonjanji Mohotara angar nungang koledai ma cara isan iyoh ka. Jadi, antun Jakaria jarin nyata. 8Hiah waktu iroh nuntuh hia kota Yerusalem, oko orong lau dulun mampar kawan jubah doh nyan calan ika mohormat Are. Oko ka orong dulun co mampar kawan pating nyan calan, iyohonon tangkai kaju bolum co tomonu doh ingkan umo. 9Orong dulun nyalan nyan muka hintang nyan uwoilikut Yesus. Iroh ngororoho jorih,
“Hosana!#11:9 Ponah Bohasa Ibrani co kuno, antun ‘Hosana’ borati, ‘Tuhan nyolamatbat kaih!’ Atawa ‘Topotaraboh Tuhan!’ Hiah jaman Yesus, antun cotuh jarin koponara tohimo laca. Narabat Are co dombut ponah aran Tuhan Mohotara!
10Ihin aang co pio hinut boh Korojaan angar dombut, nain co tomonjanji ma Daud, tatu hiang to.
Koponara indan Are nyan ika co poko hunyung!”#11:9-10 Dulun orong tatuh nara Yesus ma hapo antun ingkan buku Masmur 118:26.
11Opah iroh dapot nyan Yerusalem, Yesus muntam hia polontaran Lopo Mohotara. Are morisa kokon co tojadi nyan intin. Tapi awi ondo ocop jonyo pindong, Are hopuli hia Betania ma duo balas murid-Eh.
Yesus hotulut puun ara co aroko mua
11:12-14
(Mat. 21:18-19)
12Nyuap ondoeh, Yesus hintang duo balas murid-Eh naat Betania hopuli hia Yerusalem. Ponah solanan, Are nongkomo dou. 13Ingkan ocu, Are kito puun ara co ocop ngonoun. Jadi, Are ngoroni puun ara cioh ika noto pai oko buaeh. Tapi waktu Are dapot puun ara cioh, Are noto arelu oko bua ome-ome. Baya oko kawan douieh leh. Awi, nyan waktu iyoh mula arinai sorang bua ara. 14Yesus mantun ma puun ara cioh, “Molai makitu aroko ico mahi dulun co angar kuman buamu bat!” Kawan murid-Eh ngoneh kawan antun-Eh yoh.
Yesus musir kawan podagang ingkan polontaran Lopo Mohotara
11:15-19
(Mat. 21:12-17; Luk. 19:45-48; Yoh. 2:12-25)
15Opah Yesus hintang kawan murid-Eh dapot nyan Yerusalem, Yesus muntam kole hia polontaran Lopo Mohotara. Are musir kokon dulun co hoborakang-hobojuri nyan ika cioh. Are nobalik kawan meja co hapan pian kawan tukang nosuloi duit. Ngolungkang kawan bobangku co hapan pian kawan ponjuar porsembahan beleu merpati. 16Are bosiit dulun mehen barang nyihin polontaran lopo Mohotara. 17Paluh, Are majar iroh. Hie-Eh, “Antun Mohotara tonulih ponah Surat Borasih: ‘Lopo-Kuh iyohco lopo ika bodoa indan kokon bangsa.’#11:17 Noto buku Yesaya 56:7. Tapi ikan umpieh jarin isan salah kawan porampuk!”#11:17 Noto buku Yeremia 7:11.
18Kawan imam kopala hintang kawan guru agama Yahudi ngoneh tintun poristiwa cioh. Iroh takut ma-Eh awi kokon dulun kagum ma ajaran-Eh.#11:18 Kawan pomimpin agama ‘takut’ amun orong dulun ngumba Yesus, iroh aroko angar tomohormat. Jadi, sobujur eh atoi doh bosingon. Jadi, iroh nganyap cara ika ngompatoi-Eh.
19Kotika ondo ocop jonyo pindong, Yesus hintang kawan murid-Eh pusit bat ingkan kota cioh.
Polojaran ingkan puun ara niin
11:20-26
(Mat. 21:20-22)
20Kawut-kawut manyuap ondoeh, Yesus hintang kawan murid-Eh nyihin puun ara cioh niin. Iroh noto puun ara cioh ocop ngoholai, malah kawan akat eh ocop matoi. 21Petrus topingkat ome co tojadi ico ondo soun maeh. Maka, are mantun ma Yesus, “Pak Guru, notoeh! Puun ara co tohotulut-Mu non ocop matoi!”
22Useh Yesus ma iroh, “Porocaya boh ma Mohotara! 23Ngoneh ehyoh! Ikan sobulih porocaya bahawa ome co tomantun me mositi angar tojadi. Sika dulun co porocaya, aroko ragu-ragu, sompamaeh are nyuhu puruk cotuh, ‘Topangkat paluh topendebat hia laut!’ Maka aang cioh angar tojadi indaieh. 24Awi iyoh, Akuh mantun otuh ma ikan: Ome bewe co tonyawot me ponah doa, porocayaleh bahawa Mohotara ocop mihieh indam me. Paluh, ikan angar norimaeh. 25Amun oko dulun co sala ma ikan, mampun ehboh are sorinai ikan tonjok ika bodoa. Ikan sobulih nguan iyoh ina Mohotara Tamam me nyan sorga mahi angar mampun kawan dosam me. [26Amun ikan aroko mampun dulun, maka Mohotara Tamam me nyan sorga mahi aroko mampun kawan dosam me.]”
Kawan pomimpin dulun Yahudi ngisok ma angit tintun kuasan Yesus
11:27-33
(Mat. 21:23-27; Luk. 20:1-8)
27Yesus hintang kawan murid-Eh tulak kole hia Yerusalem. Hiah Yesus nyalan nyan polontaran Lopo Mohotara, kawan imam kopala, kawan guru agama Yahudi, hintang kawan pomimpin bangsa Yahudi dombut hia-Eh. 28Iroh ngisok, “Ome hak-Mu umpi kokon iyoh? Omeboh co mihi kuasa cioh indam-Mu?”
29Hien Yesus ma iroh, “Akuh mahi ngisok ma ikan. Amun ikan museh Akuh, maka Akuh angar museh ikan tintun omeboh co mihi kuasa indang-Kuh ika umpi kokoieh tuh. 30Tuh boh kisok Kuh; Ome boh co mihi kuasa indan Yohanes ina mombaptis? Mohotara atawa kolunon?”
31Jadi, iroh morunding eh nganyap useh nyan halo iroh. Hien doh, “Amun ito mantun, ‘Mohotara co mihi kuasa cioh indan Yohanes’, Yesus angar mantun, amun isanioh kura ikan aroko porocaya ma Yohanes? 32Tapi ito mahi aroko boraoi mantun, ‘Baya kolunon co mihi kuasa cioh indaieh.’ ” (Kawan pomimpin taiyoh takut ma dulun orong, awi dulun orong porocaya Yohanes iyohco nabi Mohotara.)
33Maka iroh mantun ma Yesus, “Kaih aroko monau ome co mihi kuasa cioh indan Yohanes.”
Yesus mantun, “Amun sanioh, Akuh mahi aroko angar maraeh ma ikan omeboh co mihi kuasa indang-Kuh ika nguan kokoieh tuh.”
Currently Selected:
:
Highlight
Share
Copy
Want to have your highlights saved across all your devices? Sign up or sign in