Markus 14
14
Kawan pomimpin dulun Yahudi ngewak ika ngompatoi Yesus
14:1-2
(Mat. 26:1-5; Luk. 22:1-2; Yoh. 11:45-53)
1Kawan imam kopala hintang kawan guru agama Yahudi nyau ngompatoi Yesus. Iroh nganyap cara ika nawan Are socara tonih-tonih. Tapi, duo ondo oni ondo Raya Paskah hintang ondo raya Rute Aroko Bodagi angar molai. 2Iroh mutus ika aroh nawan Are nyan kotika porayaan, awi hien doh, “Ito aroko kolu dulun orong sangit hintang umpi kongicuh.”#14:2 Mungkin kawan pomimpin agama Yahudi taiyoh takut amun kawan dulun co bopihak ma Yesus ngolawan iroh. Tapi mungkin ka iroh takut pomorintah Romawi angar mohukum iroh amun tolibat ponah korusuhan cioh.
Bawe co nitik minyak harum nyan kuhung Yesus ika mohormat Are
14:3-9
(Mat. 26:6-13; Yoh. 12:1-8)
3Nyan kota Betania, Yesus oko nyan lopo Simon co batuh buah toro boro. Hiah waktu Are dahat tuot kuman, oko bawe dombut hia-Eh. Bawe cioh mehen polonyakan pualam co sangan minyak harum co darang. Are mosak koran polonyakan cioh, paluh nitik minyak cioh nyan kuhung Yesus ika mohormat Are. 4Tapi bopira dulun jarin sangit. Hien doh ico ma co bokon, “Kura minyak harum conon tomende konoi aih? 5Minyak harum conon lian toborakang ma leka co darang paluh duit eh tomihi indan kawan dulun mala!” Paluh iroh sangit ma bawe cioh.
6Tapi Yesus mantun, “Olueh tioh. Aroh ikan sangit ma are! Are nguan aranaang co pio indang-Kuh. 7Amun mula ikan ngonjere eh, ikan horoholuh oko kosempatan ika dohop kawan dulun mala awi iroh horoholuh oko nyan halo ikan. Tapi Akuh aroko angar horoholuh hokohalo ma ikan. 8Bawe cotuh ocop nguan ome co lian are nguan eh. Ma nitik minyak harum cioh nyan kuhung-Kuh, sobujur eh are ocop nyiap beting-Kuh ika tongolowong. 9Ngoneh eh! Nyan ngolauh pindaondo, nyan omoh bewe Tarung Pio tomomborita, alogawin bawe cotuh angar tongesah ka dapot are aroko piji tonyolingo.”
Yudas umpi kewak ika nyarah Yesus hia kawan dulun co naleh-Eh
14:10-11
(Mat. 26:14-16; Luk. 22:3-6)
10Opaiyoh, Yudas Iskariot, iyohonon ico ingkan duo balas murid Yesus, are tulak hia kawan imam kopala ma tujuan ika nyarah Yesus ma iroh. 11Hiah waktu iroh ngoneh iyoh, iroh jorih lau paluh bojanji ika mihi duit indaieh. Jadi, are molai nganyap kosempatan co pio ika nyarah Yesus ma iroh.
Yesus moraya ondo raya Paskah homboh kawan murid-Eh
14:12-21
(Mat. 26:17-25; Luk. 22:7-14,21-23; Yoh. 13:21-30)
12Ocop dapot waktueh ika molai moraya ondo raya Rute Aroko Bodagi. Hiah ondo kosulak ponah porayaan cioh, dulun nyarak domba ika kanon moraya Paskah. Jadi, kawan murid Yesus mantun ma-Eh, “Nyan omohboh co tonyau Mu kaih posiap eh indam-Mu ika kuman moraya Paskah?”
13Maka, Yesus nyuhu duo beti murid-Eh. Hie-Eh, “Muntam hia kota Yerusalem. Nyan intin, ikan angar sopopak dulun co mehen buong sangan danum. Ngonulu are hia lopo co tomuntam eh. 14Mantun ma dulun co tempun lopo yoh: ‘Kaih cuhun Bapa Guru ika ngisok, nyan omoh laoh co lian hapai-Eh ika kuman kanon Paskah homboh-homboh ma kawan murid-Eh?’ 15Paluh, dulun co empun lopo yoh angar ninjuk ma ikan ico laoh co bolauh nyan loteng. Kokon co tomorulu to ika moraya Paskah oko nyan idi. Nyiap eh bat kokoieh nyan idi indan to.” 16Maka, murid duo iyoh tulak. Kokon aranaang tojadi tulin isan co ocop tomantun Yesus ma iroh. Paluh, iroh posiap ika moraya Paskah.
17Hiah ondo mamalom, Yesus dombut ma duo balas murid-Eh hia ika cioh. 18Kotika iroh rahat tuot kuman nyan intin, Yesus mantun, “Ngoneh ehyoh! Ico ingkan songkolang ikan co kuman halo Akuh angar nyarah Akuh ma kawan dulun co ngolawan Akuh.”
19Aang cioh umpi atoi doh korinah jorung. Iroh hopomasing mantun ma-Eh, “Mositi bokon akuh, yoh Tuhan?”
20Yesus museh, “Are ico beti ingkan ikan co duo balas tuh. Are iyohco dulun co monculup rute eh ponah mangkuk hico ma Akuh. 21Ocop tonulih ponah Surat Borasih bahawa Anak Kolunon angar tonyarah hia kawan dulun co naleh Are. Sosuai ma co tonulih yoh, aang cioh angar tojadi ma-Eh. Tapi Mohotara angar mohukum dulun co nguan iyoh. Meleh pio indan dulun cioh amun are aroko piji tonganak samah sindo!”
Acara kuman ika mingat Yesus
14:22-25
(Mat. 26:26-29; Luk. 22:14-20; 1Kor. 11:23-25)
22Kotika Yesus hintang kawan murid-Eh rahat kuman, Yesus monu rute paluh mucap doa sukur. Are hosila-sila rute cioh holuh mihieh ma kawan murid-Eh. Hie-Eh, “Monueh, kumanbat, tuhboh beting-Kuh.”
23Opah iyoh, Yesus monu ico cangkir angur. Are mucap doa sukur kole paluh mihi cangkir cioh indan doh. Iroh uras ngorih ingkan cangkir cioh. 24Hie-Eh ma iroh, “Tuhboh daha-Kuh co angar tonumbak indan orong dulun kotika Akuh diuh. Daha-Kuh monsah Pojanjian Baa co pian Mohotara ma kolunon.#14:24 Hiah jaman sinan, dulun Israel tomalak sobagai ciri iroh umat Mohotara. Iroh mahi momposembah komolum ina dosa tomampun. Ciohboh Pojanjian Mohotara co tomuun. Tapi makitu oko Pojanjian Mohotara co baa. Ome leh co porocaya ma Yesus, bolum sosuai kojere-Eh, dulun cioh tomampun paluh jarin umat-Eh. 25Tapi porhatieh otuh: Akuh aroko angar ngorih angur bat dapot Akuh ngorih angur co baa ponah Korojaan Mohotara.”
Yesus mantun bahawa rasul Petrus angar mongaku aroko nyono Are
14:26-31
(Mat. 26:30-35; Luk. 22:31-34; Yoh. 13:36-38)
26Paluh, Yesus hintang kawan murid-Eh monyanyi lojut koponara indan Mohotara. Opah iyoh, iroh tulak hia lungkuh Jaitun. 27Nyan intin, Yesus mantun ma iroh, “Nyan momi cotuh ka, ikan uras angar naat Akuh. Awi sobulih tojadi sosuai ma antun Mohotara cotuh co tonulih ponah Surat Borasih: ‘Akuh angar ngompatoi gombala cioh, paluh pumpun dombaeh angar topisah darai.’#14:27 Ingkan buku Jakaria 13:7. Yesus tonyamah ma ‘gombala’ hintang kawan murid-Eh tonyamah ma ‘pumpun domba’. Mula Mohotara aroko ‘ngompatoi’ Yesus, tapi pompatoi Yesus tomasuk ponah roncana Mohotara co somporaka. Noto Kesah 2:23. 28Tapi opah Mohotara umpi Akuh bolum hopuli, Akuh angar tulak nosoun ikan hia propinsi Galilea.”
29Hien Petrus ma Yesus, “Mungkin uras doh angar naat Iko, tapi akuh mositi aroh!”
30“Mingkat eh”, Hien Yesus, “Momi cotuh ka, sorinai manuk nondu duo kali, iko tolu kali angar mantun aroko nyono Akuh.”
31Tapi Petrus meleh tegas mantun, “Oluco akuh sobulih matoi homboh Iko, akuh aroko angar mongaku aroh nyono Iko.” Kokon murid co bokon mantun sanioh ka.
Yesus bodoa nyan kabun Getsemani
14:32-42
(Mat. 26:36-46; Luk. 22:39-46)
32Opaiyoh, Yesus hintang kawan murid-Eh dapot nyan ico ika co araieh Getsemani. Nyan intin, Are mantun ma iroh, “Ikan tuot nyan intoi, pondehan Akuh hia idi ika bodoa.”
33Paluh Yesus mehen Petrus, Yokobus hintang Yohanes tulak homboh-homboh ma Are. Are molai nongkomo jorung hintang giha. 34Hie-Eh ma iroh, “Atoi-Kuh korinah jorung, nyamaieh isan nyau matoi. Ikan nukui nyan intoi hintang bojaga-jaga.”
35Opaiyoh, Yesus tulak meleh ocu isut. Are bosujut paluh bodoa. Ponah doa-Eh, Are nyawot amun boraoi Are aroko usah nongkomo ipat pondoritaan co angar tojadi. 36Hie-Eh, “Ooh Tamang-Kuh, Iko sangup nguan kokon aranaang. Amun boraoi, mombebasboh Akuh ingkan pondoritaan co sobulih tonongkomo Kuh tuh. Tapi aroh monurut kojere-Kuh, molengkan monurut kojere Tama lehboh co tojadi.”
37Opah iyoh, Are hopuli hia kawan murid-Eh yoh. Are noto iroh rahat tontirui. Hie-Eh ma Petrus, “Simon, kura iko tirui? Mu aroko liam pai aroko tirui ico jam leh? 38Iko sobulih bojaga-jaga hintang bodoa ina mu aroko tahak ponah tingkoh. Mula roh kolunon nyau nguan co pio, tapi sipat kolunon lamah.”
39Yesus tulak kole paluh bodoa nisi kawan antun co samah isan niin. 40Opah Are hopuli, Are noto iroh rahat tirui kole awi iroh daras nundu. Maka, iroh aroko monau ome co sobulih doh mantun ma Yesus.
41Opaiyoh, Yesus tulak indan kohontolu kali. Kotika Are hopuli, Are mantun ma iroh, “Ikan incah tirui hintang sotorahat, pai? Cukupleh! Okot eh ocop dapot ika Anak Kolunon tonyarah hia kawan dulun co bodosa. 42Monyunbat, haas ito tulak. Noto! Dulun co nyarah Akuh ocop dombut!”
Yesus tonawan
14:43-52
(Mat. 26:47-56; Luk. 22:47-53; Yoh. 18:1-11)
43Pondehan Yesus incah hopander, Yudas dombut. Are iyohco ico ingkan duo balas murid Yesus. Homboh-homboh ma are, rombongan dulun dombut ka mehen padang hintang polang. Iroh tonyuhu pian kawan imam kopala, kawan guru agama Yahudi hintang kawan pomimpin bangsa Yahudi. 44(Nah, sorinaieh, Yudas yoh ocop umpi kewak ika nyarah Yesus hia rombongan co naleh Yesus yoh. Are mihi ciri cotuh ma iroh. Hieeh, “Dulun co tomarok kuh, ciohboh dulun eh. Nawan Are! Mehenleh Are hia kawan pomimpin agama. Kotahin iyoh, jagaboh Are pio-pio.”)
45Jadi, kotika Yudas hintang rombongan dapot nyan intin, Yudas lansung tulak hia Yesus. Hieeh, “Tabe, Bapa Guru!” Paluh, Yudas marok Are. 46Jion rombongan cioh maju, nawan Yesus.
47Ico beti co satin Yesus nyopet padang, lansung nyarang ico polayan Imam kopala co poko bokuasa. Are nelas tolingan polayan cioh dapot telas.
48Yesus mantun ma rombongan taiyoh, “Mainboh Akuh tuh ponjahat, dapot ikan sobulih dombut mehen padang hintang polang ika nawan Akuh? 49Podahar, sika ondo Akuh nyan tohun-tohun ikan majar nyan polontaran Lopo Mohotara. Tapi waktu iyoh ikan aroko nawan Akuh. Tapi, kokoieh tuh tojadi ina antun tintun Akuh co tonulih ponah Surat Borasih jarin nyata.”
50Paluh kokon murid Yesus tongkoru buho naat Are.
51Waktu iyoh, oko bakah lehoi co ngonulu Yesus. Are baya hapo benang ika ngampuh betieh. Rombongan taiyoh nyau nawan are ka. 52Tapi are molapas benang eh yoh, paluh tongkoru loheng-loheng.
Yesus nyan tohimo Mahkamah agama Yahudi
14:53-65
(Mat. 26:57-68; Luk. 22:54-55,63-71; Yoh. 18:12-14,19-24)
53Kawan dulun co nawan Yesus mehen-Eh hia Imam kopala co poko bokuasa. Hiah waktu iyoh, uras imam kopala, kawan pomimpin bangsa Yahudi hintang kawan guru agama Yahudi hokumpur nyan intin. 54Petrus ngonulu Yesus ingkan ocu dapot hia polontaran lopo Imam kopala co poko bokuasa yoh. Nyan idi, Petrus tuot dokin apui ngindu halo kawan ponjaga.
55Kawan imam kopala hintang kokon Mahkamah agama Yahudi bousaha nganyap bukti ina Yesus hegah tomohukum matoi. Jadi, iroh nganyap kawan dulun co angar jarin saksi ika ngolawan Yesus. Tapi, iroh aroko bohasir ngohaba bukti ome-ome. 56Orong dulun maju ika ngoncunih ngolawan Yesus, tapi antun ico ma co bokon aroko samah. 57Paluh, bopira dulun maju ika jarin saksi palsu co ngoncunih ngolawan Yesus. 58Hien doh, “Dulun cotuh piji mantun bahawa Are angar nohop Lopo Mohotara co tonguan ma silun kolunon. Paluh, ponah tolu ondo, Are angar mangun co bokon co aroko tonguan ma silun kolunon.” 59Tapi antun kawan dulun taiyoh mahi aroko samah ico ma co bokon.
60Paluh Imam kopala co poko bokuasa cioh tonjok nyan tohun sidang cioh. Hieeh ma Yesus, “Mainboh Iko aroko museh tondah conon co tonuju indam-Mu?” 61Tapi Yesus tonih leh. Are aroko museh samah sindo.
Imam kopala co poko bokuasa cioh ngisok kole, “Mainboh Iko Laca Co Tomonjanji Mohotara co ito nisi ‘Mesias’? Mainboh Iko Anak ingkan Mohotara co Topotara?”
62Useh Yesus, “Akuhboh Are. Ikan angar kito Anak Kolunon tuot nyan ika co tohormat nyan topit kontoun Mohotara Co Poko Bokuasa. Daai, ikan mahi angar kito Are dombut ingkan sorga nyan hunyung kawan hawun.”
63Maka Imam kopala co poko bokuasa cioh nirat lemboieh tului mongangap Yesus hotulut Mohotara. Are mantun, “Ito aroko porulu kawan saksi bat.” 64“Are ocop mohina Mohotara! Ikan ocop ngoneh antun-Eh, Are nyamah arop-Eh ma Mohotara! Jadi, ome koputusan me?”
Iroh uras umpi koputusan co samah, iyohonon bahawa Are sobulih tomohukum matoi.#14:64 Kawan pomimpin dulun Yahudi aroko porocaya Yesus iyohco Laca Co Tomonjanji Mohotara. Maka, iroh bopikir Yesus mohina Mohotara waktu Are mantun Are bokuasa (tuot nyan topit kontoun Mohotara hintang dombut hunyung kawan hawun). (Noto Dan. 7:13-14) Monurut agama Yahudi, dulun co umpi kosolaa cioh sobulih tomohukum matoi (Imamat 24:16). Tapi, awi dulun Israel tonguasa pomorintahan Romawi, baya pomimpin Romawi boraoi umpi koputusan ika dulun tomohukum matoi. Maka, Yesus tomehen hia Gubernur Pilatus.
65Paluh bopira beti ngiwoh Yesus. Iroh nutup matai-Eh paluh molantu Are. Iroh ngelat Are ma antun, “Amun Iko bujur-bujur nabi, mombuktieh, ome co molantu Iko?” Kawan ponjaga mahi umba nampar Yesus.
Rasul Petrus mongaku aroko nyono Yesus
14:66-72
(Mat. 26:69-75; Luk. 22:56-62; Yoh. 18:15-18,25-27)
66Nyan waktu iyoh, Petrus incah oko nyan polontaran lopo cioh. Ico bawe ngoroni are. Bawe cioh iyohco dulun co molayani nyan lopo Imam kopala co poko bokuasa cioh. 67Kotika are kito Petrus dahat ngindu, are kito tampa Petrus. Hieeh, “Mositi iko mahi dulun co horoholuh homboh-homboh ma Yesus, dulun ingkan desa Nasaret di.”
68Tapi Petrus mantun. Hieeh, “Akuh aroko monau ome co tomantun mu! Akuh aroko nyono Are!” Paluh, Petrus tulak hia muka, dokin tungkang gerbang polontaran cioh. [Nyan kotika iyoh, manuk nondu.]
69Bawen polayan cioh kito Petrus kole. Jadi, are mahi mantun ma kawan dulun nyan intin, Dulun cotuh iyohco murid Dulun codi co ‘tonawan niin.’ 70Tapi sindo oni Petrus mongaku aroko nyono Yesus.
Aroko tahi opah iyoh, kawan dulun nyan intin mantun kole ma Petrus, “Mositi iko iyohco ico beti ingkan iroh kawan murid Dulun codi awi iko mahi ingkan propinsi Galilea di!”
71Tapi Petrus mantun kole hintang bosumpah. Hieeh, “Akuh tuu-tuu aroko nyono dulun cioh!”
72Hiah iyoh ka, manuk nondu indan kohonduo kalieh. Petrus topingkat antun Yesus maeh, “Sorinai manuk nondu duo kali, iko angar mongaku aroko nyono Akuh hontolu kali.” Maka, Petrus nangih awi korinah komoneser eh.
Currently Selected:
Markus 14: TBSS
Highlight
Share
Copy
Want to have your highlights saved across all your devices? Sign up or sign in
Markus 14
14
Kawan pomimpin dulun Yahudi ngewak ika ngompatoi Yesus
14:1-2
(Mat. 26:1-5; Luk. 22:1-2; Yoh. 11:45-53)
1Kawan imam kopala hintang kawan guru agama Yahudi nyau ngompatoi Yesus. Iroh nganyap cara ika nawan Are socara tonih-tonih. Tapi, duo ondo oni ondo Raya Paskah hintang ondo raya Rute Aroko Bodagi angar molai. 2Iroh mutus ika aroh nawan Are nyan kotika porayaan, awi hien doh, “Ito aroko kolu dulun orong sangit hintang umpi kongicuh.”#14:2 Mungkin kawan pomimpin agama Yahudi taiyoh takut amun kawan dulun co bopihak ma Yesus ngolawan iroh. Tapi mungkin ka iroh takut pomorintah Romawi angar mohukum iroh amun tolibat ponah korusuhan cioh.
Bawe co nitik minyak harum nyan kuhung Yesus ika mohormat Are
14:3-9
(Mat. 26:6-13; Yoh. 12:1-8)
3Nyan kota Betania, Yesus oko nyan lopo Simon co batuh buah toro boro. Hiah waktu Are dahat tuot kuman, oko bawe dombut hia-Eh. Bawe cioh mehen polonyakan pualam co sangan minyak harum co darang. Are mosak koran polonyakan cioh, paluh nitik minyak cioh nyan kuhung Yesus ika mohormat Are. 4Tapi bopira dulun jarin sangit. Hien doh ico ma co bokon, “Kura minyak harum conon tomende konoi aih? 5Minyak harum conon lian toborakang ma leka co darang paluh duit eh tomihi indan kawan dulun mala!” Paluh iroh sangit ma bawe cioh.
6Tapi Yesus mantun, “Olueh tioh. Aroh ikan sangit ma are! Are nguan aranaang co pio indang-Kuh. 7Amun mula ikan ngonjere eh, ikan horoholuh oko kosempatan ika dohop kawan dulun mala awi iroh horoholuh oko nyan halo ikan. Tapi Akuh aroko angar horoholuh hokohalo ma ikan. 8Bawe cotuh ocop nguan ome co lian are nguan eh. Ma nitik minyak harum cioh nyan kuhung-Kuh, sobujur eh are ocop nyiap beting-Kuh ika tongolowong. 9Ngoneh eh! Nyan ngolauh pindaondo, nyan omoh bewe Tarung Pio tomomborita, alogawin bawe cotuh angar tongesah ka dapot are aroko piji tonyolingo.”
Yudas umpi kewak ika nyarah Yesus hia kawan dulun co naleh-Eh
14:10-11
(Mat. 26:14-16; Luk. 22:3-6)
10Opaiyoh, Yudas Iskariot, iyohonon ico ingkan duo balas murid Yesus, are tulak hia kawan imam kopala ma tujuan ika nyarah Yesus ma iroh. 11Hiah waktu iroh ngoneh iyoh, iroh jorih lau paluh bojanji ika mihi duit indaieh. Jadi, are molai nganyap kosempatan co pio ika nyarah Yesus ma iroh.
Yesus moraya ondo raya Paskah homboh kawan murid-Eh
14:12-21
(Mat. 26:17-25; Luk. 22:7-14,21-23; Yoh. 13:21-30)
12Ocop dapot waktueh ika molai moraya ondo raya Rute Aroko Bodagi. Hiah ondo kosulak ponah porayaan cioh, dulun nyarak domba ika kanon moraya Paskah. Jadi, kawan murid Yesus mantun ma-Eh, “Nyan omohboh co tonyau Mu kaih posiap eh indam-Mu ika kuman moraya Paskah?”
13Maka, Yesus nyuhu duo beti murid-Eh. Hie-Eh, “Muntam hia kota Yerusalem. Nyan intin, ikan angar sopopak dulun co mehen buong sangan danum. Ngonulu are hia lopo co tomuntam eh. 14Mantun ma dulun co tempun lopo yoh: ‘Kaih cuhun Bapa Guru ika ngisok, nyan omoh laoh co lian hapai-Eh ika kuman kanon Paskah homboh-homboh ma kawan murid-Eh?’ 15Paluh, dulun co empun lopo yoh angar ninjuk ma ikan ico laoh co bolauh nyan loteng. Kokon co tomorulu to ika moraya Paskah oko nyan idi. Nyiap eh bat kokoieh nyan idi indan to.” 16Maka, murid duo iyoh tulak. Kokon aranaang tojadi tulin isan co ocop tomantun Yesus ma iroh. Paluh, iroh posiap ika moraya Paskah.
17Hiah ondo mamalom, Yesus dombut ma duo balas murid-Eh hia ika cioh. 18Kotika iroh rahat tuot kuman nyan intin, Yesus mantun, “Ngoneh ehyoh! Ico ingkan songkolang ikan co kuman halo Akuh angar nyarah Akuh ma kawan dulun co ngolawan Akuh.”
19Aang cioh umpi atoi doh korinah jorung. Iroh hopomasing mantun ma-Eh, “Mositi bokon akuh, yoh Tuhan?”
20Yesus museh, “Are ico beti ingkan ikan co duo balas tuh. Are iyohco dulun co monculup rute eh ponah mangkuk hico ma Akuh. 21Ocop tonulih ponah Surat Borasih bahawa Anak Kolunon angar tonyarah hia kawan dulun co naleh Are. Sosuai ma co tonulih yoh, aang cioh angar tojadi ma-Eh. Tapi Mohotara angar mohukum dulun co nguan iyoh. Meleh pio indan dulun cioh amun are aroko piji tonganak samah sindo!”
Acara kuman ika mingat Yesus
14:22-25
(Mat. 26:26-29; Luk. 22:14-20; 1Kor. 11:23-25)
22Kotika Yesus hintang kawan murid-Eh rahat kuman, Yesus monu rute paluh mucap doa sukur. Are hosila-sila rute cioh holuh mihieh ma kawan murid-Eh. Hie-Eh, “Monueh, kumanbat, tuhboh beting-Kuh.”
23Opah iyoh, Yesus monu ico cangkir angur. Are mucap doa sukur kole paluh mihi cangkir cioh indan doh. Iroh uras ngorih ingkan cangkir cioh. 24Hie-Eh ma iroh, “Tuhboh daha-Kuh co angar tonumbak indan orong dulun kotika Akuh diuh. Daha-Kuh monsah Pojanjian Baa co pian Mohotara ma kolunon.#14:24 Hiah jaman sinan, dulun Israel tomalak sobagai ciri iroh umat Mohotara. Iroh mahi momposembah komolum ina dosa tomampun. Ciohboh Pojanjian Mohotara co tomuun. Tapi makitu oko Pojanjian Mohotara co baa. Ome leh co porocaya ma Yesus, bolum sosuai kojere-Eh, dulun cioh tomampun paluh jarin umat-Eh. 25Tapi porhatieh otuh: Akuh aroko angar ngorih angur bat dapot Akuh ngorih angur co baa ponah Korojaan Mohotara.”
Yesus mantun bahawa rasul Petrus angar mongaku aroko nyono Are
14:26-31
(Mat. 26:30-35; Luk. 22:31-34; Yoh. 13:36-38)
26Paluh, Yesus hintang kawan murid-Eh monyanyi lojut koponara indan Mohotara. Opah iyoh, iroh tulak hia lungkuh Jaitun. 27Nyan intin, Yesus mantun ma iroh, “Nyan momi cotuh ka, ikan uras angar naat Akuh. Awi sobulih tojadi sosuai ma antun Mohotara cotuh co tonulih ponah Surat Borasih: ‘Akuh angar ngompatoi gombala cioh, paluh pumpun dombaeh angar topisah darai.’#14:27 Ingkan buku Jakaria 13:7. Yesus tonyamah ma ‘gombala’ hintang kawan murid-Eh tonyamah ma ‘pumpun domba’. Mula Mohotara aroko ‘ngompatoi’ Yesus, tapi pompatoi Yesus tomasuk ponah roncana Mohotara co somporaka. Noto Kesah 2:23. 28Tapi opah Mohotara umpi Akuh bolum hopuli, Akuh angar tulak nosoun ikan hia propinsi Galilea.”
29Hien Petrus ma Yesus, “Mungkin uras doh angar naat Iko, tapi akuh mositi aroh!”
30“Mingkat eh”, Hien Yesus, “Momi cotuh ka, sorinai manuk nondu duo kali, iko tolu kali angar mantun aroko nyono Akuh.”
31Tapi Petrus meleh tegas mantun, “Oluco akuh sobulih matoi homboh Iko, akuh aroko angar mongaku aroh nyono Iko.” Kokon murid co bokon mantun sanioh ka.
Yesus bodoa nyan kabun Getsemani
14:32-42
(Mat. 26:36-46; Luk. 22:39-46)
32Opaiyoh, Yesus hintang kawan murid-Eh dapot nyan ico ika co araieh Getsemani. Nyan intin, Are mantun ma iroh, “Ikan tuot nyan intoi, pondehan Akuh hia idi ika bodoa.”
33Paluh Yesus mehen Petrus, Yokobus hintang Yohanes tulak homboh-homboh ma Are. Are molai nongkomo jorung hintang giha. 34Hie-Eh ma iroh, “Atoi-Kuh korinah jorung, nyamaieh isan nyau matoi. Ikan nukui nyan intoi hintang bojaga-jaga.”
35Opaiyoh, Yesus tulak meleh ocu isut. Are bosujut paluh bodoa. Ponah doa-Eh, Are nyawot amun boraoi Are aroko usah nongkomo ipat pondoritaan co angar tojadi. 36Hie-Eh, “Ooh Tamang-Kuh, Iko sangup nguan kokon aranaang. Amun boraoi, mombebasboh Akuh ingkan pondoritaan co sobulih tonongkomo Kuh tuh. Tapi aroh monurut kojere-Kuh, molengkan monurut kojere Tama lehboh co tojadi.”
37Opah iyoh, Are hopuli hia kawan murid-Eh yoh. Are noto iroh rahat tontirui. Hie-Eh ma Petrus, “Simon, kura iko tirui? Mu aroko liam pai aroko tirui ico jam leh? 38Iko sobulih bojaga-jaga hintang bodoa ina mu aroko tahak ponah tingkoh. Mula roh kolunon nyau nguan co pio, tapi sipat kolunon lamah.”
39Yesus tulak kole paluh bodoa nisi kawan antun co samah isan niin. 40Opah Are hopuli, Are noto iroh rahat tirui kole awi iroh daras nundu. Maka, iroh aroko monau ome co sobulih doh mantun ma Yesus.
41Opaiyoh, Yesus tulak indan kohontolu kali. Kotika Are hopuli, Are mantun ma iroh, “Ikan incah tirui hintang sotorahat, pai? Cukupleh! Okot eh ocop dapot ika Anak Kolunon tonyarah hia kawan dulun co bodosa. 42Monyunbat, haas ito tulak. Noto! Dulun co nyarah Akuh ocop dombut!”
Yesus tonawan
14:43-52
(Mat. 26:47-56; Luk. 22:47-53; Yoh. 18:1-11)
43Pondehan Yesus incah hopander, Yudas dombut. Are iyohco ico ingkan duo balas murid Yesus. Homboh-homboh ma are, rombongan dulun dombut ka mehen padang hintang polang. Iroh tonyuhu pian kawan imam kopala, kawan guru agama Yahudi hintang kawan pomimpin bangsa Yahudi. 44(Nah, sorinaieh, Yudas yoh ocop umpi kewak ika nyarah Yesus hia rombongan co naleh Yesus yoh. Are mihi ciri cotuh ma iroh. Hieeh, “Dulun co tomarok kuh, ciohboh dulun eh. Nawan Are! Mehenleh Are hia kawan pomimpin agama. Kotahin iyoh, jagaboh Are pio-pio.”)
45Jadi, kotika Yudas hintang rombongan dapot nyan intin, Yudas lansung tulak hia Yesus. Hieeh, “Tabe, Bapa Guru!” Paluh, Yudas marok Are. 46Jion rombongan cioh maju, nawan Yesus.
47Ico beti co satin Yesus nyopet padang, lansung nyarang ico polayan Imam kopala co poko bokuasa. Are nelas tolingan polayan cioh dapot telas.
48Yesus mantun ma rombongan taiyoh, “Mainboh Akuh tuh ponjahat, dapot ikan sobulih dombut mehen padang hintang polang ika nawan Akuh? 49Podahar, sika ondo Akuh nyan tohun-tohun ikan majar nyan polontaran Lopo Mohotara. Tapi waktu iyoh ikan aroko nawan Akuh. Tapi, kokoieh tuh tojadi ina antun tintun Akuh co tonulih ponah Surat Borasih jarin nyata.”
50Paluh kokon murid Yesus tongkoru buho naat Are.
51Waktu iyoh, oko bakah lehoi co ngonulu Yesus. Are baya hapo benang ika ngampuh betieh. Rombongan taiyoh nyau nawan are ka. 52Tapi are molapas benang eh yoh, paluh tongkoru loheng-loheng.
Yesus nyan tohimo Mahkamah agama Yahudi
14:53-65
(Mat. 26:57-68; Luk. 22:54-55,63-71; Yoh. 18:12-14,19-24)
53Kawan dulun co nawan Yesus mehen-Eh hia Imam kopala co poko bokuasa. Hiah waktu iyoh, uras imam kopala, kawan pomimpin bangsa Yahudi hintang kawan guru agama Yahudi hokumpur nyan intin. 54Petrus ngonulu Yesus ingkan ocu dapot hia polontaran lopo Imam kopala co poko bokuasa yoh. Nyan idi, Petrus tuot dokin apui ngindu halo kawan ponjaga.
55Kawan imam kopala hintang kokon Mahkamah agama Yahudi bousaha nganyap bukti ina Yesus hegah tomohukum matoi. Jadi, iroh nganyap kawan dulun co angar jarin saksi ika ngolawan Yesus. Tapi, iroh aroko bohasir ngohaba bukti ome-ome. 56Orong dulun maju ika ngoncunih ngolawan Yesus, tapi antun ico ma co bokon aroko samah. 57Paluh, bopira dulun maju ika jarin saksi palsu co ngoncunih ngolawan Yesus. 58Hien doh, “Dulun cotuh piji mantun bahawa Are angar nohop Lopo Mohotara co tonguan ma silun kolunon. Paluh, ponah tolu ondo, Are angar mangun co bokon co aroko tonguan ma silun kolunon.” 59Tapi antun kawan dulun taiyoh mahi aroko samah ico ma co bokon.
60Paluh Imam kopala co poko bokuasa cioh tonjok nyan tohun sidang cioh. Hieeh ma Yesus, “Mainboh Iko aroko museh tondah conon co tonuju indam-Mu?” 61Tapi Yesus tonih leh. Are aroko museh samah sindo.
Imam kopala co poko bokuasa cioh ngisok kole, “Mainboh Iko Laca Co Tomonjanji Mohotara co ito nisi ‘Mesias’? Mainboh Iko Anak ingkan Mohotara co Topotara?”
62Useh Yesus, “Akuhboh Are. Ikan angar kito Anak Kolunon tuot nyan ika co tohormat nyan topit kontoun Mohotara Co Poko Bokuasa. Daai, ikan mahi angar kito Are dombut ingkan sorga nyan hunyung kawan hawun.”
63Maka Imam kopala co poko bokuasa cioh nirat lemboieh tului mongangap Yesus hotulut Mohotara. Are mantun, “Ito aroko porulu kawan saksi bat.” 64“Are ocop mohina Mohotara! Ikan ocop ngoneh antun-Eh, Are nyamah arop-Eh ma Mohotara! Jadi, ome koputusan me?”
Iroh uras umpi koputusan co samah, iyohonon bahawa Are sobulih tomohukum matoi.#14:64 Kawan pomimpin dulun Yahudi aroko porocaya Yesus iyohco Laca Co Tomonjanji Mohotara. Maka, iroh bopikir Yesus mohina Mohotara waktu Are mantun Are bokuasa (tuot nyan topit kontoun Mohotara hintang dombut hunyung kawan hawun). (Noto Dan. 7:13-14) Monurut agama Yahudi, dulun co umpi kosolaa cioh sobulih tomohukum matoi (Imamat 24:16). Tapi, awi dulun Israel tonguasa pomorintahan Romawi, baya pomimpin Romawi boraoi umpi koputusan ika dulun tomohukum matoi. Maka, Yesus tomehen hia Gubernur Pilatus.
65Paluh bopira beti ngiwoh Yesus. Iroh nutup matai-Eh paluh molantu Are. Iroh ngelat Are ma antun, “Amun Iko bujur-bujur nabi, mombuktieh, ome co molantu Iko?” Kawan ponjaga mahi umba nampar Yesus.
Rasul Petrus mongaku aroko nyono Yesus
14:66-72
(Mat. 26:69-75; Luk. 22:56-62; Yoh. 18:15-18,25-27)
66Nyan waktu iyoh, Petrus incah oko nyan polontaran lopo cioh. Ico bawe ngoroni are. Bawe cioh iyohco dulun co molayani nyan lopo Imam kopala co poko bokuasa cioh. 67Kotika are kito Petrus dahat ngindu, are kito tampa Petrus. Hieeh, “Mositi iko mahi dulun co horoholuh homboh-homboh ma Yesus, dulun ingkan desa Nasaret di.”
68Tapi Petrus mantun. Hieeh, “Akuh aroko monau ome co tomantun mu! Akuh aroko nyono Are!” Paluh, Petrus tulak hia muka, dokin tungkang gerbang polontaran cioh. [Nyan kotika iyoh, manuk nondu.]
69Bawen polayan cioh kito Petrus kole. Jadi, are mahi mantun ma kawan dulun nyan intin, Dulun cotuh iyohco murid Dulun codi co ‘tonawan niin.’ 70Tapi sindo oni Petrus mongaku aroko nyono Yesus.
Aroko tahi opah iyoh, kawan dulun nyan intin mantun kole ma Petrus, “Mositi iko iyohco ico beti ingkan iroh kawan murid Dulun codi awi iko mahi ingkan propinsi Galilea di!”
71Tapi Petrus mantun kole hintang bosumpah. Hieeh, “Akuh tuu-tuu aroko nyono dulun cioh!”
72Hiah iyoh ka, manuk nondu indan kohonduo kalieh. Petrus topingkat antun Yesus maeh, “Sorinai manuk nondu duo kali, iko angar mongaku aroko nyono Akuh hontolu kali.” Maka, Petrus nangih awi korinah komoneser eh.
Currently Selected:
:
Highlight
Share
Copy
Want to have your highlights saved across all your devices? Sign up or sign in