IMBOMBO SYA BATUMIGWA 5
5
Anania na Safira
1Loli umundu yumo uyu ali yo Anania ingamu, pamopene nunkasi gwake Safira, balinkulisya ikisu kyabo. 2Umwene alinkutapulako indalama, yope nunkasi alinkusimanya; ikiyabo kimo alinkukitwala, alinkukibika mmaka ga batumigwa. 3Popapo Peteri alinkumbula alinkuti, “Anania, fiki Setano iswile mundumbula yako, ukuti unsyobege Mbepo Mwikemo, apa kutapulako indalama sya kisu iki gulisyaga? 4Apa gwali nakyo po kikali kyako? Kangi bo kyulisigwe, kikali mmaka gako? Syo gwinogwine syaki sisisi mundumbula yako? Ungatigi ubasyobile abandu, himma, loli unsyobile Kyala.” 5Umwene Anania bo agapilike amasyu gagaga, alinkugwa pasi, alinkufwa. Popapo ulutende unkulumba lulinkubaga bosa aba bapilikaga. 6Abalumyana balinkusumuka, balinkunniembetelela mmyenda, balinkusoka nagwe, balinkwakunsyila.
7Lelo bo tukindile utubalilo tutatu, po lelo yope unkasi alinkwingila kisitakumanya isi syabonike. 8Popapo Peteri alinkundalusya alinkuti, “Mbula tukete linga mo mumo mwalyulikisye ikisu kyinu?” Umwene alinkuti, “Ena mo mumo.” 9Popapo Peteri alinkumbula alinkuti, “Fiki mwitikene ukungela Mbepo gwa Ntwa? Pilika undindo gwa aba bali pakunsyila undumego gukupilikigwa pakifigo, bikuya pakukupimba nanugwe.” 10Nakalinga itolo unkikulu yula alinkungwila mmalundi, alinkufwa; lelo bo bikwingila abalumyana, balinkwaga afwile. Popapo balinkumpimba balinkwakunsyila pamopene nundume. 11Popapo ulutende lu lwingi lulinkukyaga ikipanga kyosa, nabangi bosa aba basipilikaga sisisi.
Ifika nifiswigu
12Ifika nifiswigu fi fingi filinkubombigwa mbandu namaboko ga batumigwa; bosa balinkuya ndumbula yimoyene mwibalasa lya Solomoni. 13Abandu abangi itoli balinkusita nukuyapo yumo ugwa kukiba ukongana nabo, loli abandu balinkubimika fiyo. 14Abene aba bamwitikaga uNtwa, ifilundilo ifya banyambala nifya bakikulu filinkongelelapo ukukinda; 15po apa balinkubapimbila ababine mmipulo, balinkubalambalika pafitala na pandato, ukuti bo Peteri ikukinda, nalinga nsyungulu gwake gwise gubagege bamo. 16Popapo balinkubungana bope nabandu aba ntwaya utu tukasyungutile akaya ka Yerusalemu; balinkubatwala ababine naba bakubilwaga nimbepo inyali, bosa itolo balinkubumbulusigwa.
Abatumigwa bikufwimigwa
17Popapo alinkusumuka umputi unkulumba pamopene na bosa aba bali nagwe (aba nkabugutilo ka baSadukai), kalinkubaga akabini, 18balinkubakola abatumigwa, balinkubigalila nnyumba ya bannyololo. 19Loli ugwandumi gwa Ntwa alinkwigula inyigi sya nyumba ya bannyololo pakilo, alinkubasosya panja, alinkubabula alinkuti, 20“Amubukege mukimege Nnyumba ya Kyala nukubabula abandu amasyu gosa aga bumi bububu.” 21Abene bo bapilike sisisi, balinkwingila Nnyumba ya Kyala bo bukukya itolo balinkumanyisya. Popapo umputi unkulumba naba bali nagwe, balinkubilikila ulukomano lwa bakulumba mbanyaIsraeli, balinkutuma abandu kunyumba ya bannyololo, ukuti bakabatwale. 22Abene ababombi bo bayilekufika, balinkusita nukubagamo nnyumba ya bannyololo, popapo balinkugomoka, balinkubabula balinkuti, 23“Inyumba ya bannyololo tuyagile nyigale kanunu itolo, bope nabalindilili bimile pafifigo, loli bo twigwileko, tukamwagamo yumo nkati.” 24Umwene undindililaNyumba ya Kyala nabaputi abakulumba bo bapilike amasyu gagaga, balinkwalangana itolo, balinkuti, “Syo sikuyaga bulebule sisisi?” 25Popapo alinkwisa umundu yumo alinkubapangila alinkuti, “Keta, abandu aba mwabigalile nnyumba ya bannyololo, bimile Nnyumba ya Kyala bikubamanyisya abandu.” 26Popapo undindilili alinkubuka nababombi alinkwakubega, loli komma kumaka, namanga babatilaga abandu ukuti bangisakubatikaga namabwe.
27Lelo bo babatwele, balinkubimika nkyeni ndukomano. 28#Mat 27.25Popapo umputi unkulumba alinkubalalusya alinkuti, “Tubakanisye fiyo ukuti mungamanyikisyaga mungamu yiyiyi, keta lilino mwiswisye akaya kosa ka Yerusalemu nulumanyisyo lwinu, mukulonda ukutwala ilopa lya mundu uyu pamyitu.” 29Popapo Peteri nabatumigwa balinkubamula balinkuti, “Umundu fikuti antilege Kyala ukukinda abandu. 30Kyala gwa batata alinsyusisye Yesu, uyu umwe mwalingogile, pala muntulikege pakipiki; 31umundu uyu, yo uyu Kyala amwimike nikiboko kyake ikililo, ukuya Ndongosi, kangi Mpoki gwa kwisakubapa abanyaIsraeli ulupinduko, nubuswe bwa nongwa. 32Lelo nanuswe twipelile ukuya baketi ba nongwa sisisi, pamopene na Mbepo Mwikemo, uyu Kyala abapele aba bikumpilika.”
33Lelo bo bapilike sisisi, popapo silinkubalasa munda, balinkulonda ukubagoga. 34Popapo yumo ugwa ndukomano, umFarisai, uyu ali yo Gamalieli ingamu, ummanyisyandagilo uyu bamwimikaga abandu bosa, alinkwima ndukomano, alinkuyoba ukuti babasosye abandu aba panja kukabalilo akanandi itolo, 35alinkubabula aba ndukomano alinkuti, “Mwe banya Israeli binangu, syo mwandege isi mukuya pakubabombela abandu aba, 36buno mmasiku aga gakindile, alinkusumuka Toida, alinkwiyoba mwene ukuya yo mundu yumo unkulumba, uyu bankongaga abanyambala aba baliti bali ba mia bana (400), umwene yo agogigwe, bosa aba bamwitikaga balinkunyambanika; silinkwipela ukuya sya itolo. 37Panyuma pali uyu alinkusumuka Yuda ugwa mu Galilai, mmasiku gala babaligwege abandu, alinkubakwaba abandu ikilundilo ukuti bankongege munyuma; yope alinkufwa, kangi bosa aba bamwitikaga balinkunyambanika. 38Po apa lilino nikubabula une nikuti, amubepukilege abandu bababa, mubalekege; buno isi linga binogwine, pamo isi bikubomba sifumile mbandu, po sisakufubaga; 39loli linga sifumile kwa Kyala, po mutisakusitolaga, ukuti mungisakwagigwa ukuya bakulwa na Kyala.” Abene balinkumwitika. 40Lelo bo babakolile abatumigwa, balinkubakoma, balinkubakanisya ukuti bangayobelaga mungamu ya Yesu; popapo balinkubalekesya. 41Abene balinkusokamo ndukomano nulusekelo, papo balyagile ukuti kubabagile ukuywelukila pangamu ya Yesu. 42Bwila itolo balinkusita nukuleka ukumanyisya nukufumusya inongwa Nnyumba ya Kyala na nnyumba syabo, Inongwa Inunu isya Yesu ukuya yo Kristi.
Currently Selected:
IMBOMBO SYA BATUMIGWA 5: NNBII
Highlight
Share
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.
IMBOMBO SYA BATUMIGWA 5
5
Anania na Safira
1Loli umundu yumo uyu ali yo Anania ingamu, pamopene nunkasi gwake Safira, balinkulisya ikisu kyabo. 2Umwene alinkutapulako indalama, yope nunkasi alinkusimanya; ikiyabo kimo alinkukitwala, alinkukibika mmaka ga batumigwa. 3Popapo Peteri alinkumbula alinkuti, “Anania, fiki Setano iswile mundumbula yako, ukuti unsyobege Mbepo Mwikemo, apa kutapulako indalama sya kisu iki gulisyaga? 4Apa gwali nakyo po kikali kyako? Kangi bo kyulisigwe, kikali mmaka gako? Syo gwinogwine syaki sisisi mundumbula yako? Ungatigi ubasyobile abandu, himma, loli unsyobile Kyala.” 5Umwene Anania bo agapilike amasyu gagaga, alinkugwa pasi, alinkufwa. Popapo ulutende unkulumba lulinkubaga bosa aba bapilikaga. 6Abalumyana balinkusumuka, balinkunniembetelela mmyenda, balinkusoka nagwe, balinkwakunsyila.
7Lelo bo tukindile utubalilo tutatu, po lelo yope unkasi alinkwingila kisitakumanya isi syabonike. 8Popapo Peteri alinkundalusya alinkuti, “Mbula tukete linga mo mumo mwalyulikisye ikisu kyinu?” Umwene alinkuti, “Ena mo mumo.” 9Popapo Peteri alinkumbula alinkuti, “Fiki mwitikene ukungela Mbepo gwa Ntwa? Pilika undindo gwa aba bali pakunsyila undumego gukupilikigwa pakifigo, bikuya pakukupimba nanugwe.” 10Nakalinga itolo unkikulu yula alinkungwila mmalundi, alinkufwa; lelo bo bikwingila abalumyana, balinkwaga afwile. Popapo balinkumpimba balinkwakunsyila pamopene nundume. 11Popapo ulutende lu lwingi lulinkukyaga ikipanga kyosa, nabangi bosa aba basipilikaga sisisi.
Ifika nifiswigu
12Ifika nifiswigu fi fingi filinkubombigwa mbandu namaboko ga batumigwa; bosa balinkuya ndumbula yimoyene mwibalasa lya Solomoni. 13Abandu abangi itoli balinkusita nukuyapo yumo ugwa kukiba ukongana nabo, loli abandu balinkubimika fiyo. 14Abene aba bamwitikaga uNtwa, ifilundilo ifya banyambala nifya bakikulu filinkongelelapo ukukinda; 15po apa balinkubapimbila ababine mmipulo, balinkubalambalika pafitala na pandato, ukuti bo Peteri ikukinda, nalinga nsyungulu gwake gwise gubagege bamo. 16Popapo balinkubungana bope nabandu aba ntwaya utu tukasyungutile akaya ka Yerusalemu; balinkubatwala ababine naba bakubilwaga nimbepo inyali, bosa itolo balinkubumbulusigwa.
Abatumigwa bikufwimigwa
17Popapo alinkusumuka umputi unkulumba pamopene na bosa aba bali nagwe (aba nkabugutilo ka baSadukai), kalinkubaga akabini, 18balinkubakola abatumigwa, balinkubigalila nnyumba ya bannyololo. 19Loli ugwandumi gwa Ntwa alinkwigula inyigi sya nyumba ya bannyololo pakilo, alinkubasosya panja, alinkubabula alinkuti, 20“Amubukege mukimege Nnyumba ya Kyala nukubabula abandu amasyu gosa aga bumi bububu.” 21Abene bo bapilike sisisi, balinkwingila Nnyumba ya Kyala bo bukukya itolo balinkumanyisya. Popapo umputi unkulumba naba bali nagwe, balinkubilikila ulukomano lwa bakulumba mbanyaIsraeli, balinkutuma abandu kunyumba ya bannyololo, ukuti bakabatwale. 22Abene ababombi bo bayilekufika, balinkusita nukubagamo nnyumba ya bannyololo, popapo balinkugomoka, balinkubabula balinkuti, 23“Inyumba ya bannyololo tuyagile nyigale kanunu itolo, bope nabalindilili bimile pafifigo, loli bo twigwileko, tukamwagamo yumo nkati.” 24Umwene undindililaNyumba ya Kyala nabaputi abakulumba bo bapilike amasyu gagaga, balinkwalangana itolo, balinkuti, “Syo sikuyaga bulebule sisisi?” 25Popapo alinkwisa umundu yumo alinkubapangila alinkuti, “Keta, abandu aba mwabigalile nnyumba ya bannyololo, bimile Nnyumba ya Kyala bikubamanyisya abandu.” 26Popapo undindilili alinkubuka nababombi alinkwakubega, loli komma kumaka, namanga babatilaga abandu ukuti bangisakubatikaga namabwe.
27Lelo bo babatwele, balinkubimika nkyeni ndukomano. 28#Mat 27.25Popapo umputi unkulumba alinkubalalusya alinkuti, “Tubakanisye fiyo ukuti mungamanyikisyaga mungamu yiyiyi, keta lilino mwiswisye akaya kosa ka Yerusalemu nulumanyisyo lwinu, mukulonda ukutwala ilopa lya mundu uyu pamyitu.” 29Popapo Peteri nabatumigwa balinkubamula balinkuti, “Umundu fikuti antilege Kyala ukukinda abandu. 30Kyala gwa batata alinsyusisye Yesu, uyu umwe mwalingogile, pala muntulikege pakipiki; 31umundu uyu, yo uyu Kyala amwimike nikiboko kyake ikililo, ukuya Ndongosi, kangi Mpoki gwa kwisakubapa abanyaIsraeli ulupinduko, nubuswe bwa nongwa. 32Lelo nanuswe twipelile ukuya baketi ba nongwa sisisi, pamopene na Mbepo Mwikemo, uyu Kyala abapele aba bikumpilika.”
33Lelo bo bapilike sisisi, popapo silinkubalasa munda, balinkulonda ukubagoga. 34Popapo yumo ugwa ndukomano, umFarisai, uyu ali yo Gamalieli ingamu, ummanyisyandagilo uyu bamwimikaga abandu bosa, alinkwima ndukomano, alinkuyoba ukuti babasosye abandu aba panja kukabalilo akanandi itolo, 35alinkubabula aba ndukomano alinkuti, “Mwe banya Israeli binangu, syo mwandege isi mukuya pakubabombela abandu aba, 36buno mmasiku aga gakindile, alinkusumuka Toida, alinkwiyoba mwene ukuya yo mundu yumo unkulumba, uyu bankongaga abanyambala aba baliti bali ba mia bana (400), umwene yo agogigwe, bosa aba bamwitikaga balinkunyambanika; silinkwipela ukuya sya itolo. 37Panyuma pali uyu alinkusumuka Yuda ugwa mu Galilai, mmasiku gala babaligwege abandu, alinkubakwaba abandu ikilundilo ukuti bankongege munyuma; yope alinkufwa, kangi bosa aba bamwitikaga balinkunyambanika. 38Po apa lilino nikubabula une nikuti, amubepukilege abandu bababa, mubalekege; buno isi linga binogwine, pamo isi bikubomba sifumile mbandu, po sisakufubaga; 39loli linga sifumile kwa Kyala, po mutisakusitolaga, ukuti mungisakwagigwa ukuya bakulwa na Kyala.” Abene balinkumwitika. 40Lelo bo babakolile abatumigwa, balinkubakoma, balinkubakanisya ukuti bangayobelaga mungamu ya Yesu; popapo balinkubalekesya. 41Abene balinkusokamo ndukomano nulusekelo, papo balyagile ukuti kubabagile ukuywelukila pangamu ya Yesu. 42Bwila itolo balinkusita nukuleka ukumanyisya nukufumusya inongwa Nnyumba ya Kyala na nnyumba syabo, Inongwa Inunu isya Yesu ukuya yo Kristi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.