UBWANDILO 27
27
Isaka ikunsaya Yakobu
1Umwene Isaka bo akangele na maso gake gope gikutoligwa ukuketa, alinkumbilikila Esau umwanake ugwakipanda, alinkumbula alinkuti, “Gwe mwanangu,” umwene alinkwamula alinkuti, “Al'une tata.” 2Isaka alinkuti, “Keta une ngangele, kangi ngalimanya nilisiku lyangu ilyakufwila. 3Lilino lelo, gwegege ifyakufwimila ingwego syako, ubupinde bwako nu ntipulo, ubukege mmatengele ukangogele ikinyamana kimo, 4gwise umbiyile iliseke ilya luma ulununu ili ndiganile, gwise undwalile kuno ukuti nise ndye po lelo nende nukukusaya bo ngali nukufwa.”
5Loli Rebeka alinkupilika bo Isaka ikumbula Esau. Lelo bo Esau abukile mmatengele nkufwima ifinyamana fya iseke lya kwisakuntendekekesya ugwise; 6popapo Rebeka alinkuyoba numwanake Yakobu alinkuti, “Mbilike apa uguso ambulaga unkulugo Esau ukuti, 7‘Ubuke mmatengele ukangogele ikinyamana kimo gwise undendekekisye iliseke lya luma ulununu ili ndiganile, ukuti nise ndyemo po nende nukukusaya ugwe nkyeni mu Ntwa bo ngali nukufwa.’ 8Lilino lelo gwe mwanangu, pilika amasyu gangu, 9ubuke ku kibaga, ukege utupene tubili utununu ukuti nise ngutendekekesye ugwe iliseke ili uguso aliganile fiyo; 10po lelo gwise umpege yuyugwe ukuti alye po ende nukukusaya bo akali nukufwa.”
11Popapo Yakobu alinkumbula unna Rebeka, alinkuti, “Keta unkulu gwangu gwa lupama umbili gosa, une loli ndi ntenenefu itolo. 12Pamo utata akambalamasyege, po lelo isakumanya ukuti ngunsyoba, bunobuno nisakwambilila ikigune mbuyo bwakwambilila ulusayo.” 13Umwene unna alinkumwamula alinkuti, “Ikigune kise kiyege pamyangu une gwe mwanangu; ugwe loli buka ukabombe isingubulile, bukaga ukanyegele utupene.” 14Bunobuno Yakobu alinkubuka alinkwakuntwalila unna utupene; umwene lelo unna alinkutendekesya iliseke ilya luma ulununu ili ugwise aliganile. 15Popapo Rebeka alinkwega imiselekesya gya Esau imikinde igi ali nagyo nnyumba; 16gyo alinkumfwima Yakobu, alinkuti nifipapa fya tupene tula alinkumpinya mmaboko na mmakosi mumo ulusyoya lukalimo. 17Popapo Rebeka alinkunninga Yakobu iliseke lila ilya luma ulununu, kangi nubugali ubu atendekisye.
18Bunobuno Yakobu alinkwingila mumo alimo ugwise, alinkuti, “Gwe tata,” umwene ugwise alinkuti, “Al'une mwanangu; 19ngimba yo ugwe ani?” Umwene Yakobu alinkumbula ugwise alinkuti, “Ne Esau, umwanako ugwakipanda: mbombile bo mumo gwalimbulile, oko lelo, Sumuka gwitugasye, ukuti ulye inyama iyi ngutendekekisye ko kuti gwende nukunsaya une.” 20Isaka alinkundalusya kangi alinkuti, “Gwendile bulebule ukuti ukayage nakalinga itolo?” Umwene Yakobu alinkwamula alinkuti, “Untwa Kyala gwako andulile ukuti njage mbibimbibi.” 21Isaka alinkumbula Yakobu alinkuti, “Segelela kuno mwanangu ngupalamasye, ngete linga yougwe mwanangu Esau naloli.” 22Popapo Yakobu alinkusegelela ku gwise umwene Isaka alinkumpalamasya mumbili, alinkuti, “Ilisyu lyo lya Yakobu, loli amaboko go ga Esau.” 23Alinkusita nukummanya, papo mmaboko gake mwalimo ulusyoya bo lu lwankulu gwake Esau, popapo alinkunsaya. 24Alinkulalusya kangi alinkuti, “Ngimba yougwe mwanangu Esau naloli?” Yakobu alinkwamula alinkuti, “E, youne naloli.” 25Popapo Isaka alinkuti, “Ndwalila kuno inyama iyi utendekisye mwanangu ukuti ndye po nende nukukusaya.” Yakobu alinkuntegelekesya ugwise, umwene alinkulya alinkuntwalila nu bwalwa bwa mafilu alinkunwa. 26Popapo lelo ugwise Isaka alinkumbula umwanake alinkuti, “Segelela kuno umfipe une, gwe mwanangu.” 27#Hib 11.20Popapo Yakobu alinkusegelela ku gwise alinkumfipa; umwene ugwise alinkuginusya imyenda gya mwanake, alinkunsaya, alinkuyoba alinkuti:
“Keta, uluma lwa myenda gya
mwanangu lufwene itolo
nuluma lwangunda ugu
Untwa agusayile.
28Kyala akutimikisyege indungwa ya kumwanya,
akupege ni mboto pakisu!
29 #
Bwa 12.3
Ifikolo fya bandu
fikubombelege ugwe,
fibungulukege nkyeni mmyako!
Uyege Malafyale ku bamyinu,
na ba bamyinu aba muli nnemwe yumoywene
bakulambilege ugwe!
Bagunigwege bosa aba bikukuguna ugwe,
Basayigwege aba bikukusaya ugwe!”
Esau ikusuma ulusayo kwa Isaki
30Mbibimbibi itolo bo Isaka amalile unkunsaya Yakobu, kangi bo Yakobu ikusoka itolo mumo ali nugwise, popapo unkulu gwake Esau alinkwisa ukufuma kuno abukile nkufwima. 31Yope atendekisye iliseke lya luma ulununu, alinkuntwalila ugwise alinkuti, “Gwe Tata, Sumuka ulyemo inyama iyi ne mwanako ngutwalile, ukuti unsaye une.” 32Umwene ugwise alinkundalusya alinkuti, “Ngimba gwe ani ugwe?” Esau alinkwamula alinkuti, “Youne Esau umwanako ugwakipanda.” 33Popapo Isaka alinkutetema alinkuya nulutende fiyo, alinkuti, “Ngimba ywani uyu ayile kugoga ikinyamana andwalile une iliseke? Buno ndile lululu itolo bo ukali nukwisa ugwe. Yo numpele ulusayo, kangi isakuyaga nsayigwa bwila itolo.” 34Bo Esau apilike amasyu ga gwise alinkukuta inguto ingulumba fiyo, imbela kitima, alinkumbula ugwise alinkuti, “Gwe Tata, ulinsayaga nanine bubo!” 35Umwene Isaka alinkuti, “Keta unnugunago afisile papapa endile nukunsyoba une, popapo egile ulusayo lwako.”
36 #
Bwa 25.29-34
Umwene Esau alinkuti, “Ngimba muka momumo kumbagilile itolo ukuti abilikiligwege ingamu ya Yakobu? Namanga lilino ansyobile une kabili, mbwandilo apokile ubwakipanda bwangu; kangi lilino po ambokile une ulusayo.” Popapo Esau alinkundalusya ugwise, alinkuti, “Gwe Tata, ngimba uli nulusayo lumolwene itolo, ukansyakisyapo lumo ulungi?” 37Isaka alinkumwamula alinkuti, “Keta numwimike ukuya yo malafyale gwako, na ba bamyabo bope numpele ukuti bayege bakumbombela yuyo; nunsayile ukuti ayege nifyakulya fingi kangi nu bwalwa bwa mafilu po lelo ngupege fiki, ugwe mwanangu?” 38#Hib 12.17Esau alinkwendela ukumpyelesya ugwise alinkuti, “Gwe Tata, ngimba gwali nulusayo lumolwene itolo, unsayege nanine bo gwe tata?” Po lelo Esau alinkukuta fiyo. 39#Hib 11.20Popapo Isaka alinkumbula alinkuti,
“Keta, gwisakuyengaga kubutali ni kisu ikya mboto,
indungwa ya kumwanya yitisakugibundasyaga imigunda gyako.
40 #
Bwa 36.8; 2 Banyaf 8.20 Fyosa ifyakukutula gwisakufyagilaga mu nkulwa ubwite,
gwisakumbombelaga unnugunago.
Loli linga kisile ikyinja
ikyakunsambukila,
po gwisakwiyabulaga ku ngoye
syake isi akupinyile ugwe.”
Rebeka ikuntuma Yakobu ku Harani
41Esau alimbengile Yakobu unnuguna gwake panongwa ya lusayo ulu ugwise alimpele, popapo alinkwinogona mundumbula yake alinkuti, “Akabalilo kakundilila tata kasegelile, bo kakindile, po lelo nisakungogaga unnuguna gwangu Yakobu.” 42Loli Rebeka alinkusipilika isi Esau atendekisye mundumbula yake, popapo alinkumbilikila umwanake Yakobu, alinkumbula alinkuti, “Unkulugo Esau ikukufinga, ikulonda ukukugoga ugwe. 43Lilino lelo mwanangu ubagile ukubomba isi nikuya pakukubula; sumukaga, uyongege, ubukege kwa Labani ilumbu gwangu nkisu kya Harani, 44ukitugalege kuko ukufika apa ubukalale bwake bwisakumalikilaga, apa linga indumbula yake yitikwinogonelako kuli isi gwalimbombile; 45po nisakukutumilaga indumi iya kuti, Gwisege.” Yiyege nongwa ya fiki iyakuti mbokigwege mwesa mwe babili mwisiku limolyene?
Isaka ikuntuma Yakobu kwa Labani
46Popapo Rebeka bo ikwibubusya, alinkumbula Isaka alinkuti, “Ngatele nabo abakasi ba Esau aba kikolo kya baHiti iki; linga Yakobu yope ikuti negege yumo ugwa bababa, po kwali kununu itolo nakukufwa une.”
Currently Selected:
UBWANDILO 27: NNBII
Highlight
Share
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.
UBWANDILO 27
27
Isaka ikunsaya Yakobu
1Umwene Isaka bo akangele na maso gake gope gikutoligwa ukuketa, alinkumbilikila Esau umwanake ugwakipanda, alinkumbula alinkuti, “Gwe mwanangu,” umwene alinkwamula alinkuti, “Al'une tata.” 2Isaka alinkuti, “Keta une ngangele, kangi ngalimanya nilisiku lyangu ilyakufwila. 3Lilino lelo, gwegege ifyakufwimila ingwego syako, ubupinde bwako nu ntipulo, ubukege mmatengele ukangogele ikinyamana kimo, 4gwise umbiyile iliseke ilya luma ulununu ili ndiganile, gwise undwalile kuno ukuti nise ndye po lelo nende nukukusaya bo ngali nukufwa.”
5Loli Rebeka alinkupilika bo Isaka ikumbula Esau. Lelo bo Esau abukile mmatengele nkufwima ifinyamana fya iseke lya kwisakuntendekekesya ugwise; 6popapo Rebeka alinkuyoba numwanake Yakobu alinkuti, “Mbilike apa uguso ambulaga unkulugo Esau ukuti, 7‘Ubuke mmatengele ukangogele ikinyamana kimo gwise undendekekisye iliseke lya luma ulununu ili ndiganile, ukuti nise ndyemo po nende nukukusaya ugwe nkyeni mu Ntwa bo ngali nukufwa.’ 8Lilino lelo gwe mwanangu, pilika amasyu gangu, 9ubuke ku kibaga, ukege utupene tubili utununu ukuti nise ngutendekekesye ugwe iliseke ili uguso aliganile fiyo; 10po lelo gwise umpege yuyugwe ukuti alye po ende nukukusaya bo akali nukufwa.”
11Popapo Yakobu alinkumbula unna Rebeka, alinkuti, “Keta unkulu gwangu gwa lupama umbili gosa, une loli ndi ntenenefu itolo. 12Pamo utata akambalamasyege, po lelo isakumanya ukuti ngunsyoba, bunobuno nisakwambilila ikigune mbuyo bwakwambilila ulusayo.” 13Umwene unna alinkumwamula alinkuti, “Ikigune kise kiyege pamyangu une gwe mwanangu; ugwe loli buka ukabombe isingubulile, bukaga ukanyegele utupene.” 14Bunobuno Yakobu alinkubuka alinkwakuntwalila unna utupene; umwene lelo unna alinkutendekesya iliseke ilya luma ulununu ili ugwise aliganile. 15Popapo Rebeka alinkwega imiselekesya gya Esau imikinde igi ali nagyo nnyumba; 16gyo alinkumfwima Yakobu, alinkuti nifipapa fya tupene tula alinkumpinya mmaboko na mmakosi mumo ulusyoya lukalimo. 17Popapo Rebeka alinkunninga Yakobu iliseke lila ilya luma ulununu, kangi nubugali ubu atendekisye.
18Bunobuno Yakobu alinkwingila mumo alimo ugwise, alinkuti, “Gwe tata,” umwene ugwise alinkuti, “Al'une mwanangu; 19ngimba yo ugwe ani?” Umwene Yakobu alinkumbula ugwise alinkuti, “Ne Esau, umwanako ugwakipanda: mbombile bo mumo gwalimbulile, oko lelo, Sumuka gwitugasye, ukuti ulye inyama iyi ngutendekekisye ko kuti gwende nukunsaya une.” 20Isaka alinkundalusya kangi alinkuti, “Gwendile bulebule ukuti ukayage nakalinga itolo?” Umwene Yakobu alinkwamula alinkuti, “Untwa Kyala gwako andulile ukuti njage mbibimbibi.” 21Isaka alinkumbula Yakobu alinkuti, “Segelela kuno mwanangu ngupalamasye, ngete linga yougwe mwanangu Esau naloli.” 22Popapo Yakobu alinkusegelela ku gwise umwene Isaka alinkumpalamasya mumbili, alinkuti, “Ilisyu lyo lya Yakobu, loli amaboko go ga Esau.” 23Alinkusita nukummanya, papo mmaboko gake mwalimo ulusyoya bo lu lwankulu gwake Esau, popapo alinkunsaya. 24Alinkulalusya kangi alinkuti, “Ngimba yougwe mwanangu Esau naloli?” Yakobu alinkwamula alinkuti, “E, youne naloli.” 25Popapo Isaka alinkuti, “Ndwalila kuno inyama iyi utendekisye mwanangu ukuti ndye po nende nukukusaya.” Yakobu alinkuntegelekesya ugwise, umwene alinkulya alinkuntwalila nu bwalwa bwa mafilu alinkunwa. 26Popapo lelo ugwise Isaka alinkumbula umwanake alinkuti, “Segelela kuno umfipe une, gwe mwanangu.” 27#Hib 11.20Popapo Yakobu alinkusegelela ku gwise alinkumfipa; umwene ugwise alinkuginusya imyenda gya mwanake, alinkunsaya, alinkuyoba alinkuti:
“Keta, uluma lwa myenda gya
mwanangu lufwene itolo
nuluma lwangunda ugu
Untwa agusayile.
28Kyala akutimikisyege indungwa ya kumwanya,
akupege ni mboto pakisu!
29 #
Bwa 12.3
Ifikolo fya bandu
fikubombelege ugwe,
fibungulukege nkyeni mmyako!
Uyege Malafyale ku bamyinu,
na ba bamyinu aba muli nnemwe yumoywene
bakulambilege ugwe!
Bagunigwege bosa aba bikukuguna ugwe,
Basayigwege aba bikukusaya ugwe!”
Esau ikusuma ulusayo kwa Isaki
30Mbibimbibi itolo bo Isaka amalile unkunsaya Yakobu, kangi bo Yakobu ikusoka itolo mumo ali nugwise, popapo unkulu gwake Esau alinkwisa ukufuma kuno abukile nkufwima. 31Yope atendekisye iliseke lya luma ulununu, alinkuntwalila ugwise alinkuti, “Gwe Tata, Sumuka ulyemo inyama iyi ne mwanako ngutwalile, ukuti unsaye une.” 32Umwene ugwise alinkundalusya alinkuti, “Ngimba gwe ani ugwe?” Esau alinkwamula alinkuti, “Youne Esau umwanako ugwakipanda.” 33Popapo Isaka alinkutetema alinkuya nulutende fiyo, alinkuti, “Ngimba ywani uyu ayile kugoga ikinyamana andwalile une iliseke? Buno ndile lululu itolo bo ukali nukwisa ugwe. Yo numpele ulusayo, kangi isakuyaga nsayigwa bwila itolo.” 34Bo Esau apilike amasyu ga gwise alinkukuta inguto ingulumba fiyo, imbela kitima, alinkumbula ugwise alinkuti, “Gwe Tata, ulinsayaga nanine bubo!” 35Umwene Isaka alinkuti, “Keta unnugunago afisile papapa endile nukunsyoba une, popapo egile ulusayo lwako.”
36 #
Bwa 25.29-34
Umwene Esau alinkuti, “Ngimba muka momumo kumbagilile itolo ukuti abilikiligwege ingamu ya Yakobu? Namanga lilino ansyobile une kabili, mbwandilo apokile ubwakipanda bwangu; kangi lilino po ambokile une ulusayo.” Popapo Esau alinkundalusya ugwise, alinkuti, “Gwe Tata, ngimba uli nulusayo lumolwene itolo, ukansyakisyapo lumo ulungi?” 37Isaka alinkumwamula alinkuti, “Keta numwimike ukuya yo malafyale gwako, na ba bamyabo bope numpele ukuti bayege bakumbombela yuyo; nunsayile ukuti ayege nifyakulya fingi kangi nu bwalwa bwa mafilu po lelo ngupege fiki, ugwe mwanangu?” 38#Hib 12.17Esau alinkwendela ukumpyelesya ugwise alinkuti, “Gwe Tata, ngimba gwali nulusayo lumolwene itolo, unsayege nanine bo gwe tata?” Po lelo Esau alinkukuta fiyo. 39#Hib 11.20Popapo Isaka alinkumbula alinkuti,
“Keta, gwisakuyengaga kubutali ni kisu ikya mboto,
indungwa ya kumwanya yitisakugibundasyaga imigunda gyako.
40 #
Bwa 36.8; 2 Banyaf 8.20 Fyosa ifyakukutula gwisakufyagilaga mu nkulwa ubwite,
gwisakumbombelaga unnugunago.
Loli linga kisile ikyinja
ikyakunsambukila,
po gwisakwiyabulaga ku ngoye
syake isi akupinyile ugwe.”
Rebeka ikuntuma Yakobu ku Harani
41Esau alimbengile Yakobu unnuguna gwake panongwa ya lusayo ulu ugwise alimpele, popapo alinkwinogona mundumbula yake alinkuti, “Akabalilo kakundilila tata kasegelile, bo kakindile, po lelo nisakungogaga unnuguna gwangu Yakobu.” 42Loli Rebeka alinkusipilika isi Esau atendekisye mundumbula yake, popapo alinkumbilikila umwanake Yakobu, alinkumbula alinkuti, “Unkulugo Esau ikukufinga, ikulonda ukukugoga ugwe. 43Lilino lelo mwanangu ubagile ukubomba isi nikuya pakukubula; sumukaga, uyongege, ubukege kwa Labani ilumbu gwangu nkisu kya Harani, 44ukitugalege kuko ukufika apa ubukalale bwake bwisakumalikilaga, apa linga indumbula yake yitikwinogonelako kuli isi gwalimbombile; 45po nisakukutumilaga indumi iya kuti, Gwisege.” Yiyege nongwa ya fiki iyakuti mbokigwege mwesa mwe babili mwisiku limolyene?
Isaka ikuntuma Yakobu kwa Labani
46Popapo Rebeka bo ikwibubusya, alinkumbula Isaka alinkuti, “Ngatele nabo abakasi ba Esau aba kikolo kya baHiti iki; linga Yakobu yope ikuti negege yumo ugwa bababa, po kwali kununu itolo nakukufwa une.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.