UBWANDILO 29
29
Yakobu ikufika pa kaya ka Labani
1Umwene Yakobu alinkwendela ni njila yake, alinkwakufika ku kisu kya bandu ba kubusokelo ilisuba. 2Bo ikukelengania alinkumbona ikisiba kya misi ndukubo, kangi alinkugibona imitimo gya ng'osi mitatu gilambalele pabupipi nikisiba, namanga palapala po apa gyanwelaga amisi. Ikisiba kila baligelepo nibwe pamwanya. Apa linga imitimo gyosa gibungene po abatimi basosyangapo ilibwe pa bwina bwa kisiba kila nukusinwesya amisi ing'osi, 3lelo linga sinwile balinkubungulukisyapo kangi ibwe pa bwinabwa kisiba.
4Popapo Yakobu alinkubalalusya abatimi, alinkuti, “Mwe bamyitu, muli ba kugu?” Abene balinkuti, “Tuli bankisu kya Harani.” 5Alinkubalalusya alinkuti, “Ngimba mumenye Labani umwana gwa Nahori?” Abatimi bala balinkumwamula balinkuti, “Ena, tumenye.” 6Alinkubalalusya alinkuti, “Bule agonile?” Abene balinkuti, “Keta, yula ikwisa kula ni mitimo gyake yo Rakeli, umwanake undindwana.”
7Popapo Yakobu alinkuyoba nabo alinkuti, “Lilino ilisuba lili pantu, kope na kabalilo kakugigomokesya imitimo gyinu ku kaya kakali; nongwa ya fiki mutikuginwesya amisi imitimo gyinu ukuti gikalyege kangi ku lukubo?” 8Loli abatimi bala balinkwamula balinkuti, “Tukabagila ukuginwesya bo imitimo gyosa gikabungana pamopene, kangi bo tukasosyapo ilibwe pa bwina bwa kisiba kya misi, ukuti po imitimo gyosa ginwege.”
9Bo Yakobu akali ikuyoba nabo abatimi, popapo Rakeli alinkufika pa kisiba ning'osi sya gwise; namanga yoyuyo asitimaga. 10Bo Yakobu ambwene Rakeli umwana undindwana gwa Labani uyu ali ilumbu gwa nna, alinkwakusegulapo ilibwe pa kisiba, alinkwenda nukugunwesya untimo gwa ng'osi sya Labani ilumbu gwa nna. 11Popapo Yakobu alinkuponania na Rakeli, alinkulila na masosi alinkumbula alinkuti, “Une ndi ntani gwako, ndi mwana gwa Rebeka.” 12Bunobuno Rakeli alinkubopa alinkwakumpangila ugwise.
13Bo Labani asipilike inongwa sya Yakobu umwana gwa ilumbu gwake, alinkusumuka ukwakumwambilila, alinkuntambila mmakosi alinkumponia, alinkwisa nagwe ku nyumba yake. Popapo Yakobu alinkumpangila syosa Labani. 14Umwene Labani alinkumbula alinkuti, “Naloli yo ugwe nkamu gwa mwilopa lyangu!” Popapo Yakobu alinkwitugala na Labani umwesi gumo.
Yakobu ikumbombela Labani pakumwega Leya na Rakeli
15Umwene Labani alinkumbula Yakobu alinkuti, “Sikabagila ukuti ugwe umbombelege itolo imbombo, palema uye nkamu gwangu. Mbula lelo, ngimba kulonda ukuti ifihombigwa fyako fiyege bule?” 16Loli Labani ali na bana abalindwana babili unkulumba ali yo Leya, unnandi ali yo Rakeli. 17Umwene Leya yo amaso gake gakaketaga bununu mma, Rakeli yo ali mmogi fiyo pakunketa. 18Yakobu alinganile Rakeli; popapo alinkumwamula Labani alinkuti, “Nikukubombelaga ifyinja fihano na fibili ukuti gwise umbege umwanako undindwana Rakeli ukuya nkasi gwangu.” 19Labani alinkwamula alinkuti, “Kununu ukuti ngupepo ugwe ukukinda ukumpa umundu unhesya itolo, nitike gwitugalege nanine.” 20Popapo Yakobu alinkumbombela Labani ifyinja fihano na fibili ukuti amwege Rakeli; loli ifyinja fila filinkukinda itolo galinkufwana masiku manandi itolo, papo alinganile Rakeli.
21Popapo Yakobu alinkumbula Labani alinkuti, “Umbepo unkasi gwangu negane nagwe papo ifyinja fyangu ifi twapimilene ukukubombela fimalike.” 22Labani alinkupiya ifyakulya fya pa lusekelo lwa pa bwegano, alinkubabilikila abandu ba bingi aba nkaya kala. 23Lelo pakilo, bo bwilile alinkumwega Leya umwanake unkulumba, alinkubuka nagwe kwa Yakobu mbuyo bwa Rakeli; popapo Yakobu alinkwegana na Leya. 24Labani alinkumwega Zilipa untumwa gwake undindwana alinkumpa umwanake Leya ukuya yo mbombi gwake. 25Bo bukile nulubunju, Yakobu alinkugomoka bo agile ukuti yo Leya uyu egene nagwe; popapo alinkwakundalusya Labani alinkuti, “Syo sya fiki isi umbombile une? Ngimba ngakubombelaga ukuti numwege umwanako Rakeli? Fiki unsyobile bo bunobuno?” 26Umwene Labani alinkumwamula alinkuti, “Nkisu kyitu muno lukayamo ulwiho ulwakuti unnandi egigwege bo unkulumba akali tasi nukwegigwa. 27Umale tasi nagwe Leya undungu gumo, po yope na yu Rakeli nisakukupaga linga kwitika ukumbombela une ifyinja ilingi fihano na fibili.” 28Popapo Yakobu alinkwitika. Bo Yakobu amalile undungu gumo na Leya, po lelo Labani alinkumpa umwanake undindwana Rakeli ukuya nkasi gwake yope. 29Labani alinkumwega Biliha untumwa gwake undindwana, alinkumpa Rakeli ukuya yo mbombi gwake. 30Bunobuno Yakobu alinkumwega yope na Rekeli alinkuya nkasi gwake, alinkungana fiyo ukukinda naLeya, alinkumbombela Labani ifyinja ifingi fihano na fibili.
Ukupapigwa kwa bana ba Yakobu
31Bo Untwa aketile ukuti Leya abengigwe, popapo alinkumpa abana; loli Rakeli yo ali ngumba. 32Leya alinkuya nikifuba, alinkupapa umwana undumyana. Alinkumpa ingamu ya Rubeni;#29.32 Rubeni: ko kuti numbwene umwana undumyana. papo atigi, “Untwa abuketile ubutolwe bwangu; lilino po undume gwangu isakunganaga une.” 33Alinkuya nikifuba kangi, alinkupapa umwana undumyana, alinkwinogona alinkuti, “Untwa ambele umwana uyungi uyu, papo asimenye ukuti une mbengigwe,” bunobuno alinkumpa ingamu ya Simeoni#29.33 Simeoni: ko kuti apilike.; 34alinkwambilila kangi ikifuba kya butatu, alinkupapa umwana undumyana, alinkwinogona alinkuti, “Lilino, po undume gwangu ikunyumililaga une, papo numpapile umwana undumyana ugwa butatu.” 35Alinkumpa ingamu ya Levi.#29.35 Levi: ko kuti tupinyene. Alinkwambilila kangi ikifuba ikya buna, alinkupapa umwana undumyana, alinkwinogona alinkuti, “Pa kabalilo aka nikumwimikaga Untwa,” bunobuno alinkumpa umwanake ingamu ya Yuda,#29.35 Yuda: ko kuti tumpale. popapo alinkusita nukupapa kangi.
Currently Selected:
UBWANDILO 29: NNBII
Highlight
Share
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.
UBWANDILO 29
29
Yakobu ikufika pa kaya ka Labani
1Umwene Yakobu alinkwendela ni njila yake, alinkwakufika ku kisu kya bandu ba kubusokelo ilisuba. 2Bo ikukelengania alinkumbona ikisiba kya misi ndukubo, kangi alinkugibona imitimo gya ng'osi mitatu gilambalele pabupipi nikisiba, namanga palapala po apa gyanwelaga amisi. Ikisiba kila baligelepo nibwe pamwanya. Apa linga imitimo gyosa gibungene po abatimi basosyangapo ilibwe pa bwina bwa kisiba kila nukusinwesya amisi ing'osi, 3lelo linga sinwile balinkubungulukisyapo kangi ibwe pa bwinabwa kisiba.
4Popapo Yakobu alinkubalalusya abatimi, alinkuti, “Mwe bamyitu, muli ba kugu?” Abene balinkuti, “Tuli bankisu kya Harani.” 5Alinkubalalusya alinkuti, “Ngimba mumenye Labani umwana gwa Nahori?” Abatimi bala balinkumwamula balinkuti, “Ena, tumenye.” 6Alinkubalalusya alinkuti, “Bule agonile?” Abene balinkuti, “Keta, yula ikwisa kula ni mitimo gyake yo Rakeli, umwanake undindwana.”
7Popapo Yakobu alinkuyoba nabo alinkuti, “Lilino ilisuba lili pantu, kope na kabalilo kakugigomokesya imitimo gyinu ku kaya kakali; nongwa ya fiki mutikuginwesya amisi imitimo gyinu ukuti gikalyege kangi ku lukubo?” 8Loli abatimi bala balinkwamula balinkuti, “Tukabagila ukuginwesya bo imitimo gyosa gikabungana pamopene, kangi bo tukasosyapo ilibwe pa bwina bwa kisiba kya misi, ukuti po imitimo gyosa ginwege.”
9Bo Yakobu akali ikuyoba nabo abatimi, popapo Rakeli alinkufika pa kisiba ning'osi sya gwise; namanga yoyuyo asitimaga. 10Bo Yakobu ambwene Rakeli umwana undindwana gwa Labani uyu ali ilumbu gwa nna, alinkwakusegulapo ilibwe pa kisiba, alinkwenda nukugunwesya untimo gwa ng'osi sya Labani ilumbu gwa nna. 11Popapo Yakobu alinkuponania na Rakeli, alinkulila na masosi alinkumbula alinkuti, “Une ndi ntani gwako, ndi mwana gwa Rebeka.” 12Bunobuno Rakeli alinkubopa alinkwakumpangila ugwise.
13Bo Labani asipilike inongwa sya Yakobu umwana gwa ilumbu gwake, alinkusumuka ukwakumwambilila, alinkuntambila mmakosi alinkumponia, alinkwisa nagwe ku nyumba yake. Popapo Yakobu alinkumpangila syosa Labani. 14Umwene Labani alinkumbula alinkuti, “Naloli yo ugwe nkamu gwa mwilopa lyangu!” Popapo Yakobu alinkwitugala na Labani umwesi gumo.
Yakobu ikumbombela Labani pakumwega Leya na Rakeli
15Umwene Labani alinkumbula Yakobu alinkuti, “Sikabagila ukuti ugwe umbombelege itolo imbombo, palema uye nkamu gwangu. Mbula lelo, ngimba kulonda ukuti ifihombigwa fyako fiyege bule?” 16Loli Labani ali na bana abalindwana babili unkulumba ali yo Leya, unnandi ali yo Rakeli. 17Umwene Leya yo amaso gake gakaketaga bununu mma, Rakeli yo ali mmogi fiyo pakunketa. 18Yakobu alinganile Rakeli; popapo alinkumwamula Labani alinkuti, “Nikukubombelaga ifyinja fihano na fibili ukuti gwise umbege umwanako undindwana Rakeli ukuya nkasi gwangu.” 19Labani alinkwamula alinkuti, “Kununu ukuti ngupepo ugwe ukukinda ukumpa umundu unhesya itolo, nitike gwitugalege nanine.” 20Popapo Yakobu alinkumbombela Labani ifyinja fihano na fibili ukuti amwege Rakeli; loli ifyinja fila filinkukinda itolo galinkufwana masiku manandi itolo, papo alinganile Rakeli.
21Popapo Yakobu alinkumbula Labani alinkuti, “Umbepo unkasi gwangu negane nagwe papo ifyinja fyangu ifi twapimilene ukukubombela fimalike.” 22Labani alinkupiya ifyakulya fya pa lusekelo lwa pa bwegano, alinkubabilikila abandu ba bingi aba nkaya kala. 23Lelo pakilo, bo bwilile alinkumwega Leya umwanake unkulumba, alinkubuka nagwe kwa Yakobu mbuyo bwa Rakeli; popapo Yakobu alinkwegana na Leya. 24Labani alinkumwega Zilipa untumwa gwake undindwana alinkumpa umwanake Leya ukuya yo mbombi gwake. 25Bo bukile nulubunju, Yakobu alinkugomoka bo agile ukuti yo Leya uyu egene nagwe; popapo alinkwakundalusya Labani alinkuti, “Syo sya fiki isi umbombile une? Ngimba ngakubombelaga ukuti numwege umwanako Rakeli? Fiki unsyobile bo bunobuno?” 26Umwene Labani alinkumwamula alinkuti, “Nkisu kyitu muno lukayamo ulwiho ulwakuti unnandi egigwege bo unkulumba akali tasi nukwegigwa. 27Umale tasi nagwe Leya undungu gumo, po yope na yu Rakeli nisakukupaga linga kwitika ukumbombela une ifyinja ilingi fihano na fibili.” 28Popapo Yakobu alinkwitika. Bo Yakobu amalile undungu gumo na Leya, po lelo Labani alinkumpa umwanake undindwana Rakeli ukuya nkasi gwake yope. 29Labani alinkumwega Biliha untumwa gwake undindwana, alinkumpa Rakeli ukuya yo mbombi gwake. 30Bunobuno Yakobu alinkumwega yope na Rekeli alinkuya nkasi gwake, alinkungana fiyo ukukinda naLeya, alinkumbombela Labani ifyinja ifingi fihano na fibili.
Ukupapigwa kwa bana ba Yakobu
31Bo Untwa aketile ukuti Leya abengigwe, popapo alinkumpa abana; loli Rakeli yo ali ngumba. 32Leya alinkuya nikifuba, alinkupapa umwana undumyana. Alinkumpa ingamu ya Rubeni;#29.32 Rubeni: ko kuti numbwene umwana undumyana. papo atigi, “Untwa abuketile ubutolwe bwangu; lilino po undume gwangu isakunganaga une.” 33Alinkuya nikifuba kangi, alinkupapa umwana undumyana, alinkwinogona alinkuti, “Untwa ambele umwana uyungi uyu, papo asimenye ukuti une mbengigwe,” bunobuno alinkumpa ingamu ya Simeoni#29.33 Simeoni: ko kuti apilike.; 34alinkwambilila kangi ikifuba kya butatu, alinkupapa umwana undumyana, alinkwinogona alinkuti, “Lilino, po undume gwangu ikunyumililaga une, papo numpapile umwana undumyana ugwa butatu.” 35Alinkumpa ingamu ya Levi.#29.35 Levi: ko kuti tupinyene. Alinkwambilila kangi ikifuba ikya buna, alinkupapa umwana undumyana, alinkwinogona alinkuti, “Pa kabalilo aka nikumwimikaga Untwa,” bunobuno alinkumpa umwanake ingamu ya Yuda,#29.35 Yuda: ko kuti tumpale. popapo alinkusita nukupapa kangi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BAIBULO INONGWA INUNU © Bible Society of Malawi, 2017.