ಅಪೊಸ್ತಲಾಂಚಿ ಕಾಮಾ 3
3
ಜಲ್ಮಿ ಸೊಟ್ಟೊ ಉಟುನ್ ಇಬೆ ರ್‍ಹಾಲೊ
1ಎಕ್ ದಿಸಿ ಪೆದ್ರು ಅನಿ ಜುವಾಂವ್ ದೊಪಾರಿ ತಿನ್ ಗಂಟ್ಯಾಕ್ಡೆ ಚಲ್ತಲ್ಯಾ ತೊ ಮಾಗ್ನಿಚೊ ಎಳ್ ದೆವಾಚ್ಯಾ ಗುಡಿಕ್ಡೆ ಜಾಯ್ತ್ ಹೊತ್ತೆ. 2ತನ್ನಾ ಎಕ್ ಜಲ್ಮಿ ಸೊಟ್ಟೊ ಹೊತ್ತೊ ತೆಜ್ಯಾಕ್ಡೆ ಚಲುಕ್ ಹೊಯ್ನಶಿ, ತೆಸೆ ಹೊವ್ನ್ ತೆಚಿ ವಾಂಗ್ಡಿ ಲೊಕಾ ತೆಕಾ ಸದ್ದಿ ಉಕ್ಲುನ್ ಘೆವ್ನ್ ಜಾವ್ನ್ ಭಿಕ್ ಮಾಗುಸಾಟಿ ತೆಕಾ ಸುದಂರ್ ದ್ವಾರ್ ಮನ್ತಲ್ಯಾ ದಡ್ಪ್ಯಾಕ್ಡೆ ಬಸ್ವುನ್ ಥೈಯ್ತ್, ತೊ ಸೊಟ್ಟೊ ತ್ಯಾ ದಡ್ಪ್ಯಾಕ್ಡೆ ಬಸುನ್ ದೆವಾಚ್ಯಾ ಗುಡಿತ್ ಜಾಯ್ತ್ ಯೆತಲ್ಯಾಂಚ್ಯಾಕ್ಡೆ ಭಿಕ್ ಮಾಗುನ್ಗೆತ್ ಹೊತ್ತೊ. 3ಪೆದ್ರು ಅನಿ ಜುವಾಂವ್ ದೆವಾಚ್ಯಾ ಗುಡಿಕ್ ಜಾವ್ನ್ ಗೆತ್ ರಾತಾನಾ ತೊ ಸೊಟ್ಟೊ ತೆಂಚ್ಯಾಕ್ನಾ ಕಾಯ್ತರಿಬಿ ಗಾವ್ತಾ ಕಾಯ್ಕಿ ಮನುನ್ ಭಿಕ್ ಮಾಗ್ತಾ. 4ಪೆದ್ರುನ್ ಅನಿ ಜುವಾಂವಾಕ್ ತ್ಯಾ ಸೊಟ್ಟ್ಯಾಕುಚ್ ಬಗಟ್ಲ್ಯಾನಿ ಅನಿ ಪೆದ್ರುನ್ ತೆಕಾ “ಅಮ್ಕಾ ಬಗ್!” ಮಟ್ಲ್ಯಾನ್. 5ತೆಂಚ್ಯಾಕ್ನಾ ಕಾಯ್ ತರ್ ಬಿ ಗಾವ್ತಲೆ ಮನುನ್ ಚಿಂತುನ್ ತ್ಯಾ ಸೊಟ್ಟ್ಯಾನ್ ತೆಂಕಾಚ್ ಬಗ್ಲ್ಯಾನ್.
6ಖರೆ ಪೆದ್ರುನ್ ತೆಕಾ ಮಾಜ್ಯಾಕ್ಡೆ ಪೈಸೆ, ಸೊನೆ ಕಾಯ್ ನಾ, ಜಾಲ್ಯಾರ್ ಮಾಜ್ಯಾಕ್ಡೆ ಹೊತ್ತೆ ಮಿಯಾ ತುಕಾ ದಿತಾ ನಜರೆತಾಚ್ಯಾ ಜೆಜುಚ್ಯಾ ನಾಂವಾನ್ ಮಿಯಾ ಸಾಂಗ್ತಾ ಚಲುಕ್‍ಲಾಗ್, 7ಮಾನಾ ಪೆದ್ರುನ್ ತ್ಯಾ ಸೊಟ್ಯಾಚೊ ಉಜ್ವೊಹಾತ್ ಧರುನ್ ತೆಕಾ ಉಟುನ್ ಇಬೆ ಕರ್‍ಲ್ಯಾನ್, ತನ್ನಾ ತೆಚ್ಯಾ ಪಾಂಯಾಕ್ನಿ, ಅನಿ ಪಾಯಾಚ್ಯಾ ಗಾಟ್ಯಾಕ್ನಿ ತಾಬೊಡ್ತೊಬ್ ಬಳ್ ಯೆಲಿ. 8ತೊ ಸೊಟ್ಟೊ ಹುಡಿ ಮಾರುನ್ ಅಪ್ಲ್ಯಾ ಪಾಂಯಾರ್ನ್ನಿ ಇಬೆ ರ್‍ಹಾಲೊ, ಅನಿ ಫಿರುನ್ ಖೆಳುಲಾಲೊ ಮಾನಾ ತೊ ಪೆದ್ರುಂಚ್ಯಾ ವಾಂಗ್ಡಾ ಚಲುನ್ಗೆತ್, ಹುಡಿಯಾ ಮಾರುಂಗೆತ್, ಅನಿ ದೆವಾಕ್ ಸ್ತುತಿ ಕರುಂಗೆತ್ ದೆವಾಚ್ಯಾ ಗುಡಿಚ್ಯಾ ಭುತ್ತುರ್ ಗೆಲೊ. 9ಥೈತ್ಲ್ಯಾ ಲೊಕಾನಿ ತೊ ಸೊಟ್ಟೊ ಉಟುನ್ ಚಲ್ತಲೆ, ಅನಿ ದೆವಾಕ್ ಸ್ತುತಿ ಕರ್‍ತಲೆ ಬಗಟ್ಲ್ಯಾನಿ. 10ಅನಿ ತ್ಯಾ “ಸುಂದರ್ ದಡ್ಪ್ಯಾತ್” ಭಿಕ್ ಮಾಗಿತ್ ಹೊತ್ತೊ ಹ್ಯೊಚ್ ತೊ ಮನುನ್ ವಳಕ್ಲ್ಯಾನಿ, ಅನಿ ತೆಂಕಾ ಹೆ ಕಶೆ ಹೊಲೆ ಮನುನ್ ಅಜಾಪ್ ಹೊಲೆ.
ದೆವಾಚ್ಯಾ ಗುಡಿತ್ ಪೆದ್ರುಚೆ ಶಿಕಾಪ್
11ತೊ ಸೊಟ್ಟೊ ಪೆದ್ರುಕ್ ಅನಿ ಜುವಾಂವಾಚ್ಯಾ ವಾಂಗ್ಡಾ ಜಾಯ್ತ್ ಹೊತ್ತೊ. ತೆಕಾ ಗುನ್ ಹೊಲ್ಲೆ ಬಗುನ್ ಲೊಕಾ ಸಗ್ಳಿ ಅಜಾಪ್ ಹೊಲ್ಯಾನಿ ಸೊಲೊಮನಾಚ್ಯಾ ದಾರಾಚ್ಯಾ ಜಗ್ಗೊಳ್ ಇಬೆ ಹೊತ್ತ್ಯಾ ತೆಂಚ್ಯಾಕ್ಡೆ ಸಗ್ಳಿ ಲೊಕಾ ಪಳುನ್ ಯೆಲಿ. 12ಮಾನಾ ಪೆದ್ರುನ್ ತ್ಯಾ ಲೊಕಾಕ್ನಿ ಬಗುನ್ ಮಾಜ್ಯಾ ಇಸ್ರಾಯೆಲಾಂಚ್ಯಾ ಲೊಕಾನು ಹೆ ಬಗುನ್ ತುಮಿ ಕಶ್ಯಾಕ್ ಅಜಾಪ್ ಹೊತ್ತ್ಯಾಶಿ? ಹೊ ಚಲುಲಾಗಲೆ ಮಾಜ್ಯಾ ತಾಕ್ತಿನ್ ಮಿಯಾ ಕರ್‍ಲಾ ಮನುನ್ ಬಗುಲ್ಯಾಸಿ ಕಾಯ್? ಅಮಿ ಬರೆ ಪಾನಾನ್ ಹೊತ್ಯಾಕ್ ಹಿ ಕಾಮಾ ಹೊವ್ಲಾತ್ ಮನುನ್ ಚಿಂತುಲ್ಲ್ಯಾಸಿ ಕಾಯ್? 13ಅಬ್ರಾಹಾಮಾಚೊ, ಇಸಾಕಾಚೊ, ಅನಿ ಜಾಕೊಬಾಚೊ ದೆವ್ ತೊಚ್ ಅನಿ ಅಮ್ಚ್ಯಾ ಪುರ್ವಜ್ಯಾಂಚೊ ಸಗ್ಳ್ಯಾಂಚೊ ದೆವ್, ತೆನಿ ಅಪ್ಲೊ ಸೆವಕ್ ಜೆಜುಚಿ ಮಹಿಮಾ ಹೊಯ್ ಸಾರ್ಕೆ ಕರ್‍ಲಾ, ತಸೆ ಹೊಲ್ಯಾರ್ಬಿ ತುಮಿ ಜೆಜುಕ್ ಜಿವಾನಿ ಮಾರುಕ್ ಪಿಲಾತಾಕ್ಡೆ ಒಪ್ಸುನ್ ದಿಲ್ಯಾಸಿ ಪಿಲಾತಾನ್ ತೆಕಾ ಸೊಡುಚೆ ಮನುನ್ ತುಮ್ಚ್ಯಾಕ್ಡೆ ಬೊಲ್ಯಾರ್ಬಿ ತುಮಿ ತೆಕಾ ಸೊಡ್ಸುಕ್ ಅವಕಾಸ್ ದಿವ್ಕನ್ಯಾಸಿ. 14ಜೆಜು ನಿತಿವಂತ್ ಬರೊ, ಅನಿ ಪವಿತ್ರ್ ಹೊವ್ನ್ ಹೊತ್ತೊ, ಜಾಲಾರ್ಬಿ ತುಮಿ ತೆಕಾ ತಿರಸ್ಕಾರ್ ಕರುನ್ ಜೆಜುಚ್ಯಾ ಬದ್ಲಾಕ್ ಖುನಿಗಾರ್ ಬರಬ್ಬಾಕ್ ಸೊಡುಚೆ ಮನುನ್ ಪಿಲಾತಾಕ್ಡೆ ಮಾಗುನ್ ಘೆಟ್ಲ್ಯಾಶಿ. 15ಅಶೆ ಕರುನ್ ತುಮಿ ಜಿವ್ ದಿತಲ್ಯಾಕುಚ್ ಜಿವಾನಿ ಮಾರುನ್ ಟಾಕ್ಲ್ಯಾಶಿ ಖರೆ ದೆವಾನ್ ತೆಕಾ ಮರ್ನ್ನಾತ್ನಾ ಝಿತ್ತೊ ಕರುನ್ ಉಟ್ವುಲ್ಯಾನ್ ಹೆ ಸಗ್ಳ್ಯೆ ಅಮಿ ಡೊಳ್ಳ್ಯಾನಿ ಬಗಟ್ಲಾತ್. ಹೆಕಾ ತುಮಿ ಸಗ್ಳೆ ಸಾಕ್ಷಿ ಹೊವ್ನ್ ಹಾಸಿ.
16ತುಮ್ಚ್ಯಾ ಇದ್ರಾಕ್ ಹೊತ್ತ್ಯಾ ಹ್ಯಾ ಮಾನ್ಸಾಚಿ ವಳಕ್ ತುಮ್ಕಾ ಸಗ್ಳ್ಯಾಕ್ನಿ ಹಾಯ್, ತೆಚ್ಯಾ ನಾವಾವರ್ತಿ ಥವಲ್ಯಾ ವಿಶ್ವಾಸಾ ವೈನಾ ಹೊ ಮಾನುಸ್ ಗುನ್ ಹೊಲಾ. ಹೆ ಸಗ್ಳೆ ತುಮಿ ಬಗುಲ್ಲ್ಯಾಸಿ.
17ಅನಿ ಮಾಜ್ಯಾ ಭಾವಾನೊ ಅನಿ ಭೆನಿಯಾನೊ, ತುಮ್ಕಾ ಕಳಿಸ್ತಾನಾ ಅಶೆ ಕರ್ಲ್ಯಾಸಿ ಮನ್ತಲೆ ಮಾಕಾ ಗೊತ್ತ್ ಹಾಯ್, ತುಮ್ಚ್ಯಾ ಮೊಟ್ಯಾ ಮಾನ್ಸಾನಿಬಿ ಜೆಜುಕ್ ತಿರಸ್ಕಾರ್ ಕರ್‍ಲ್ಯಾನಿ.
18ದೆವಾನ್ ಲೈ ಎಳಾಚ್ಯಾ ಅದ್ದಿಚ್ ಅಪ್ಲ್ಯಾ ಪ್ರವಾದ್ಯಾಂಚ್ಯಾ ಕ್ರಿಸ್ತಾನ್ ಕಸ್ಟ್ ಸೊಸುಕ್ ಪಾಜೆ ಮನುನ್ ಸಾಂಗಟಲ್ಲ್ಯಾನ್ ತೆ ಅಶೆ ಪುರಾ ಹೊಲೆ. 19ತಸೆ ಹೊವ್ನ್ ತುಮಿ ಪಾಪಾಕ್ನಾ ಮನ್ ಪರ್ತುನ್ ಘೆವ್ನ್ ದೆವಾಚ್ಯಾ ಜಗ್ಗೊಳ್ ಯೆವಾ, ತನ್ನಾ ತೊ ತುಮ್ಚ್ಯಾ ಪಾಪಾಕ್ನಿ ಮಾಪ್ ಕರ್‍ತಾ. 20ಧನಿ ತುಮ್ಕಾ ಆತ್ಮಿಕ್ ಬಳ್ ದಿತಾ, ಅಪ್ನಿ ಕ್ರಿಸ್ತ್ ಹೊವ್ನ್ ಎಚುನ್ ಘೆಟಲ್ಯಾ ಜೆಜುಕ್ ತುಮ್ಕಾ ದಿಲಾ. 21ಖರೆ ಸಗ್ಳ್ಯೆಬಿ ಸಮಾ ಕರ್‍ತಲೊ ಎಳ್ ಯೆಯ್ ಪತರ್ ಜೆಜು ಸರ್‍ಗಾತುಚ್ ರ್‍ಹಾವ್ಚೊ ಮನುನ್ ದೆವಾನ್ ಅಪ್ಲ್ಯಾ ಪವಿತ್ರ್ ಪ್ರವಾದ್ಯಾಂಚ್ಯಾ ಬರ್‍ಯಾ ಖಬ್ರಿಯಾತ್ನಿ ಸಾಂಗಲ್ಲ್ಯಾನ್ .
22ತಸೆ ಹೊವ್ನ್ ಮೊಯ್ಜೆನ್ “ತುಮ್ಚೊ ದೆವ್ ಹೊಲ್ಲೊ ಧನಿ ತುಮ್ಕಾ ಎಕ್ ಪ್ರವಾದಿ ದಿತಾ, ತುಮ್ಚ್ಯಾ ಲೊಕಾಂಚ್ಯಾ ಮದ್ನಾಚ್ ತೊ ಪ್ರವಾದಿ ಯೆತಾ, ಅನಿ ತೊ ಮಾಜ್ಯಾ ಸಾರ್ಕೊಚ್ ರ್‍ಹಾತಾ ತ್ಯಾ ಪ್ರವಾದ್ಯಾನ್ ಸಾಂಗ್ತಲೆ ಹರ್ ಎಕ್ ಬಿ ತುಮಿ ಮಾನುಚೆ” ಮನುನ್ ಸಾಂಗ್ಲ್ಯಾನ್. 23ತ್ಯಾ ಪ್ರವಾದಾಕ್ ಮಾನಿನಸಲ್ಲೊ ಹರ್ ಎಕ್ಲೊಬಿ ದೆವಾಚ್ಯಾ ಲೊಕಾಂಚ್ಯಾ ತಾಂಡ್ಯಾತ್ನಾ ಎಗ್ಳೊ ಹೊವ್ನ್ ನಾಸ್ ಹೊವ್ನ್ ಜಾತಾ. 24ಸಾಮುಯೆಲಾಕ್ನಾ ದರುನ್ ತೆಚ್ಯಾ ಮಾನಾ ಯೆಲ್ಲ್ಯಾ ಪ್ರವಾದ್ಯಾನಿ ಅತ್ತಾಚ್ಯಾ ದಿಸಾತ್ನಿ ಕಾಯ್ ಹೊತಲೆ ಹಾಯ್ ಮನುನ್ ಸಾಂಗಲ್ಲ್ಯಾನಿ. 25ತ್ಯಾ ಪ್ರವಾದ್ಯಾನಿ ಸಾಂಗಲಿ ಸಂಗ್ತಿಯಾ ತುಮ್ಚ್ಯಾ ಪುರ್ವಜ್ಯಾಚಿ ಲೊಕಾಂಚ್ಯಾಕ್ನಾ ದೆವಾನ್ ಕರುನ್ ಘೆಟಲೊ ಕರಾರ್ ತುಮಿ ಮಾನುನ್ ಘೆಟಲ್ಲೆ ಹಾಸಿ, ತುಮ್ಚೊ ಪುರ್ವಜ್ ಮಾನುಸ್ ಅಬ್ರಾಹಾಮಾಕ್, ತುಜ್ಯಾ ಪಿಳ್ಗಿನ್ ಜಗಾತ್ಲಿ ಸಗ್ಳಿ ಲೊಕಾ ಆಶಿರ್ವಾದ್ ಘೆತಾತ್ ಮನುನ್ ಸಾಂಗ್ಲ್ಯಾನ್. 26ದೆವಾನ್ ಮುಖ್ಯ್ ಸೆವಕ್ ಅದ್ದಿಚ್ಯಾ ಅದ್ದಿ ಮರ್ನಾಕ್ನಾ ಉಟ್ವುನ್ ತುಮ್ಕಾ ಆಶಿರ್ವಾದ್ ದಿವ್ಕ್ ಸಾಟ್ನಿ, ತುಮ್ಚ್ಯಾಕ್ಡೆ ಧಾಡುನ್ ದಿಲ್ಯಾನ್, ತೊ ತುಮ್ಚ್ಯಾ ಬುರ್ಶಾ ಕಾಮಾತ್ನಾ ದುರ್ ಕರುನ್ ತುಮ್ಕಾ ಆಶಿರ್ವಾದ್ ದಿತಾ.
Currently Selected:
ಅಪೊಸ್ತಲಾಂಚಿ ಕಾಮಾ 3: NTSii24
Highlight
Share
Copy
Want to have your highlights saved across all your devices? Sign up or sign in
The New Testament in Siddi Language © The Word for the World International and Siddi Translation Samithi, Mundgod, Uttara Kannada, 2024.
