ಮಾರ್ಕ್ 13
13
ಜೆಜು ಗುಡಿಚ್ಯಾ ನಾಸಾಚ್ಯಾ ವಿಶಯಾತ್ ಬೊಲ್ತಾ
ಮಾತೆವ್ 24:1-44; ಲುಕ್ 21:5-33
1ಜೆಜು ದೆವಾಚ್ಯಾ ಗುಡಿತ್ನಾ ಬಾಯ್ರ್ ಯೆತಾನಾ, ತೆಚ್ಯಾ ಶಿಸಾನಿತ್ಲೊ ಎಕ್ಲೊ “ಗುರುಜಿ! ಅಬಕ್, ಕವ್ಡೆ ಬರೆ ಗುಂಡೆ ಅನಿ ಭಾಂದಾಪ್”, ಮಟ್ಲ್ಯಾನ್.
2ತನ್ನಾ ಜೆಜುನ್ ತೆಂಕಾ “ತುಮಿ ಎವ್ಡಿ ಬರಿ ಭಾಂದ್ಪಾ ಬಗುಲ್ಯಾಸಿ ಕಿ? ಹೆ ಸಗ್ಳೆ ನಾಸ್ ಹೊವ್ನ್ ಜಾತಾ, ಎಕ್ ಗುಂಡ್ಯಾ ವರ್‍ತಿ ಅನಿ ಎಕ್ ಗುಂಡೊ ರ್‍ಹಾನಾಸ್ತಾನಾ ಹರ್ ಎಕ್ ಗುಂಡೊ ಜಮ್ನಿಕ್ ಕೊಸ್ಳುನ್ ಘಾಲ್ತ್ಯಾತ್” ಮಟ್ಲ್ಯಾನ್.
ಕಸ್ಟ್ ಅನಿ ತರಾಸ್
ಮಾತೆವ್ 24:3-14; ಲುಕ್ 21:7-19
3ಜೆಜು ದೆವಾಚ್ಯಾ ಗುಡಿಚ್ಯಾ ಇದ್ರಾಕ್ ಅಸಲ್ಲ್ಯಾ ಒಲಿವ್#13:3 ಒಲಿವ್ ಮನ್ತಲೆ ಹನ್ನ್ ಒಲಿವ್ ಝಾಡಾಕ್ ಹೊತಾ.ಹ್ಯಾ ಹನ್ನಾನಿ ತೆಲ್ ಕಾಡ್ತ್ಯಾತ್. ಹೆ ತೆಲ್ ರಾಂದ್ಪಾತ್, ಚಿಮ್ನಿ ಪೆಟ್ವುಕ್, ಔಶದಾಕ್, ಸುಂದರ್ ದಿಸುಕ್ ವಾಪರ್ತ್ಯಾತ್. ಅನಿ ಉಲ್ಲ್ಯಾ ಸಂಪರ್ದಾಯಾತ್ನಿಬಿ ವಾಪರ್ತ್ಯಾತ್. ಮನ್ತಲ್ಯಾ ಮಡ್ಡಿ ವೈರ್ ಬಸಲ್ಲ್ಯಾ ತನ್ನಾ, ಪೆದ್ರು, ಜಾಕೊಬ್, ಜುವಾಂವ್ ಅನಿ ಅಂದ್ರು, ಎಗ್ಳೆಚ್ ಯೆವ್ನ್, 4ಜೆಜುಕ್ “ಹೆ ಸಗ್ಳೆ ಹೊತಲೊ ಎಳ್ ಕನ್ನಾ ಯೆತಾ, ಅನಿ ಕಾಯ್-ಕಾಯ್ ಹೊತಾ, ಹೆ ಸಗ್ಳೆ ಹೊವ್ಲಾ ಮನುಕ್ ವಳಕ್ ಕಾಯ್ ಮನುನ್ ಅಮ್ಕಾ ಸಾಂಗ್” ಮನುನ್ ಇಚಾರ್‍ಲ್ಯಾನಿ.
5ತನ್ನಾ ಜೆಜುನ್ ತೆಂಕಾ “ಕೊನ್ಬಿ ತುಮ್ಕಾ ಮೊಸ್ ಕರಿನಸಿ ಸರ್ಕೆ ಉಶಾರ್ಕಿನ್ ರ್‍ಹಾವಾ!” 6ಲೈ ಲೊಕಾ ಯೆವ್ನ್ ಮಾಜ್ಯಾ ವಿಶಯಾತ್ ಬೊಲುನ್, “ಮಿಯಾಚ್ ‘ಕ್ರಿಸ್ತ್’ ಮನುನ್ ಸಾಂಗುನ್ ಲೈ ಲೊಕಾಕ್ನಿ ಪಸ್ವುತಾತ್. 7ಜಗ್ಗೊಳ್ ಹೊತಲ್ಯಾ ಝಗ್ಡ್ಯಾಂಚೊ ಅವಾಜ್ ಅನಿ ಧುರ್‍ಲ್ಯಾ ಗಾಂವಾತ್ನಿ ಹೊತಲ್ಯಾ ಝಗ್ಡ್ಯಾಂಚ್ಯಾ ಖಬ್ರಿಯಾ ತುಮ್ಕಾ ಆಯ್ಕುಕ್ ಗಾವ್ತ್ಯಾತ್. ಖರೆ ತುಮಿ ಭಿಂವುನಕಾಶಿ. ಹೆ ಸಗ್ಳೆ ಹೊವ್ಕುಚ್ ಪಾಜೆ, ಹೆಚೊ ಅರ್ತ್‍ ಅಂತ್ಕಾಲ್ ಯೆಲೊ ಮನುನ್ ನ್ಹಯ್”. 8ಎಕ್ ದೆಸ್ ಅನಿ ಎಕ್ ದೆಸಾವರ್ತಿ ಅನಿ ಎಕ್ ರಾಜ್ ಅನಿ ಎಕ್ ರಾಜಾಚ್ಯಾ ವರ್‍ತಿ ಮಾರಾ-ಮಾರಿ ಕರುಕ್ ಉಟ್ತ್ಯಾತ್. ತಸೆಚ್ ಸಗ್ಳ್ಯಾಕ್ಡೆ ಭುಕಂಪಾ ಹೊತ್ಯಾತ್ ಅನಿ ಬರಗಾಲ್ ಪಡ್ತಾ; ಹೆ ಸಗ್ಳೆ ಎಕಾ ಬಾಯ್ಕೊಮನ್ಸಿಕ್ ಬಾನತ್ಪಾನಾಚೊ ತರಾಸ್ ಯೆಲ್ಯಾ ಬಾಸೆನ್ ರ್‍ಹಾತಾ.
9ಅನಿ ತುಮಿ ಉಶಾರ್ಕಿನ್ ರ್‍ಹಾವಾ! ತುಮಿ ಮಾಜ್ಯಾ ಫಾಟ್ನಾ ಹಾಸಿ ಮನುನ್ ಲೊಕಾ ತುಮ್ಕಾ ಧರುನ್ ನ್ಯಾಯ್ ಕರ್‍ತಲ್ಯಾ ಜಾಗ್ಯಾಕ್ ಘೆವ್ನ್ ಜಾತ್ಯಾತ್, ತೆಂಚ್ಯಾ ಸಿನಾಗೊಗಾತ್ನಿ ನ್ಹೆವ್ನ್ ಮಾರುಕ್ ಲಾವ್ತ್ಯಾತ್, ಮಾಜ್ಯಾ ಬದಲ್ ಸಾಕ್ಷಿ ಸಾಂಗುಕ್ ಮನುನ್ ಅದಿಕಾರ್‍ಯಾಂಚ್ಯಾ ಅನಿ ರಾಜಾಂಚ್ಯಾ ಇದ್ರಾಕ್ ತುಮ್ಕಾ ಇಬೆ ಕರ್‍ತ್ಯಾತ್. 10ಅಂತ್ಕಾಲ್ ಯೆವ್ಚ್ಯಾ ಅದ್ದಿ ತುಮಿ ಸಗ್ಳ್ಯಾ ದೆಸಾನಿತ್ಲ್ಯಾ ಸಗ್ಳ್ಯಾ ಲೊಕಾಕ್ನಿ ಬರಿ ಖಬರ್ ಸಾಂಗುಕುಚ್ ಪಾಜೆ. 11ತುಮ್ಕಾ ಧರುನ್ ನ್ಯಾಯ್ ಕರ್‍ತಲ್ಯಾ ಜಾಗ್ಯಾರ್ ವೊಡುನ್ ಹಾನುನ್ ಇಚಾರ್‍ನಿ ಕರ್‍ತಾನಾ, ತುಮಿ ತೆಂಕಾ ಕಾಯ್ ಸಾಂಗುಚೆ, ಕಾಯ್ ಬೊಲುಚೆ ಮನುನ್ ಚಿಂತಾ ಕರುನಕಾಸಿ, ಕಾಯ್ ಬೊಲುಚೆ ಮನುನ್ ತುಮ್ಕಾ ದಿಸ್ತಾ ತೆ ಬೊಲಾ, ಕಶ್ಯಾಕ್ ಮಟ್ಲ್ಯಾರ್, ತನ್ನಾ ತುಮಿ ಬೊಲಿನ್ಯಾಸಿ ಪವಿತ್ರ್ ಆತ್ಮೊ ಬೊಲ್ತಾ. 12“ಲೊಕಾ ಅಪ್ನಾಚ್ಯಾ ಸ್ವಂತ್ ಭಾವಾಕ್ ಜಿವಾನಿ ಮಾರುಕ್ ಧರುನ್ ದಿತ್ಯಾತ್. ಅನಿ ಬಾಬಾ ಅಪ್ನಾಚ್ಯಾ ಪೊರಾಕ್ನಿ, ಪೊರಾ ಅಪ್ನಾಚ್ಯಾ ಬಾಬಾಂಚ್ಯಾ ವಿರೊದ್ ಜಾವ್ನ್ ತೆಂಕಾ ಜಿವಾನಿ ಮಾರುಕ್ ಲಾವ್ತ್ಯಾತ್. 13ಮಾಕಾ ಲಾಗುನ್ ಹರ್ ಎಕ್ಲೊ ತುಮ್ಚೊ ದ್ವೆಸ್ ಕರ್‍ತ್ಯಾತ್. ಖರೆ ಸರ್ತ್ಯಾ ಕಾಲ್ ಸಗೊಳ್ ಕೊನ್ ವಿಶ್ವಾಸ್ ಕಳ್ದುನ್ ಘೆಯ್ನಾಸ್ತಾನಾ ರ್‍ಹಾತಾ, ತೊ ದೆವಾಚ್ಯಾ ನ್ಯಾಯ್ ತಿರ್ಪಾತ್ನಾ ಬಚಾವ್ ಹೊವ್ನ್ ದೆವಾಚ್ಯಾ ರಾಜಾತ್ ಜಾತಲಿ ಯೊಗ್ಯತಾ ಜೊಡುನ್ ಘೆತಾ”.
ಭಯಾನಕ್ ಕಾಲ್
ಮಾತೆವ್ 24:15-28; ಲುಕ್ 21:20-24
14ಸಗ್ಳೆ ಸತ್ತ್ಯಾನಾಸ್ ಕರ್‍ತಲಿ ಬುರ್ಶಿ ವಸ್ತ್ ಇಬೆ ರವ್ಚೆ ನ್ಹಯ್ ತ್ಯಾ ಜಾಗ್ಯಾರ್ ಇಬೆ ಹೊತ್ತೆ ತುಮಿ ಬಗ್ತಾನಾ, ಹೆ ವಾಚ್ವುತಲೆ ಹೆಚೊ ಅರ್ತ್‍ ಕಾಯ್ ಮನುನ್ ಕಳ್ವುನ್ ಘೆವ್ಚೆ ಜುದೆಯಾತ್ಲಿ ಲೊಕಾ ಗುಡ್ಡ್ಯಾಂಚ್ಯಾ ವಯ್ನಿ ಪಳುನ್ ಜವ್ಕ್ ಪಾಜೆ. 15ಘರಾಚ್ಯಾ ಥಾಟಾ ವರ್‍ತಿ ಅಸಲ್ಲೊ ಮಾನುಸ್ ಖಾಲ್ತಿ ಉತ್ರುನ್ ಘರಾತ್ ಗುಸುನ್ ಕಾಯ್ಬಿ ಘೆವ್ಕ್ ಮನುನ್ ಎಳ್ ಕರಿನಸ್ತಾನಾ ಪಳುನ್ ಜಾಂವ್ದಿ, 16ಶೆತಾತ್ ಹೊತ್ತೊ ಮಾನುಸ್ ಅಪ್ನಾಚೆ ಕಪ್ಡೆ ಘೆವ್ಕ್ ಮನುನ್ ಘರಾಕ್ ಜಾಯ್ನಸ್ತಾನಾ ರ್‍ಹಾಂವ್ದಿತ್, 17ತ್ಯಾ ದಿಸಾನಿ ಬಾಯ್ಕಾಮನ್ಸಾಕ್ನಿ ಎವ್ಡೊ ಭಯಂಕರ್ ಎಳ್ ಮಟ್ಲ್ಯಾರ್ ,ಗರ್‍ವಾರ್ ಹೊತ್ತ್ಯಾ ಅನಿ ದುದ್ ಫಿತಲಿ ಪೊರಾ ಹೊತ್ತ್ಯಾ ಬಾಯ್ಕಾಕ್ನಿ ತರ್ ಲೈ ತರಾಸ್. 18ಹೆ ಸಗ್ಳೆ ಪಾವ್ಸ್ ಅನಿ ಥಂಡ್ ಅಸಲ್ಲ್ಯಾ ದಿಸಾತ್ನಿ ಹೊವ್ಚೆ ನ್ಹಯ್ ಮನುನ್ ಮಾಗ್ನಿ ಕರಾ. 19ಕಶ್ಯಾಕ್ ಮಟ್ಲ್ಯಾರ್ ಹ್ಯಾ ದಿಸಾತ್ನಿ ಹೊತಲೊ ಸಂಕಟ್ ಎವ್ಡೊ ಭಯಂಕರ್ ಮಟ್ಲ್ಯಾರ್, ದೆವಾನ್ ಹಿ ಸಗ್ಳಿ ದುನಿಯಾ ರಚಲ್ಲ್ಯಾಕ್ನಾ ಆಜ್ ಪತರ್ ತಸ್ಲೊ ಸಂಕಟ್ ಹ್ಯಾ ದುನಿಯಾನ್ ಬಗುಕ್ನಾ ಅನಿ ಫಿಡೆ ಕನ್ನಾಚ್ ಅಸ್ಲೊ ಸಂಕಟಾಚೊ ಎಳ್ ಯೆಯ್ನಾ. 20ದೆವಾನ್ ಹಿ ಸಂಕಟಾಚಿ ದಿಸಾ ಕಮಿ ಕರಿನಸ್ಲ್ಯಾರ್,ಎಕ್ಲೊಬಿ ಮಾನುಸ್ ಬಚಾವ್ ಹೊವ್ಕ್ ಸಾದ್ಯ್ ನತ್ತೆ, ಖರೆ ದೆವಾನ್ ಅಪ್ನಿ ಯೆಚುನ್ ಕಾಡಲ್ಲ್ಯಾ ಲೊಕಾಂಚ್ಯಾ ಸಾಟ್ನಿ ತಿ ದಿಸಾ ಕಮಿ ಕರ್‍ಲ್ಯಾನಾಯ್.
21ತೆಚ್ಯಾ ಮಾನಾ ಕೊನ್ ತರ್ ತುಮ್ಕಾ “ಅಬಕ್! ಕ್ರಿಸ್ತ್ ಹಿತ್ತೆ ಹಾಯ್, ನಾ ಹೊಲ್ಯಾರ್ ಥೈ ಹಾಯ್, ಮನುನ್ ಸಾಂಗ್ತಿಲ್ ತೆಕಾ ವಿಶ್ವಾಸುಚ್ ಕರುನಕಾಸಿ. 22ತಸೆ ಮನುನ್ ಝುಟೆ ಕ್ರಿಸ್ತ್ ಅನಿ ಝುಟೆ ಪ್ರವಾದಿ ಯೆತ್ಯಾತ್ ಅನಿ ಮೊಟಿ-ಮೊಟಿ ಕಾಮಾ ಅನಿ ಅಜಾಪ್ ಹೊತಲಿ ಕಾಮಾಬಿ ಕರುನ್ ದಾಕ್ವುತ್ಯಾತ್.ಅನಿ ಸಾದ್ಯ್ ಹೊಲ್ಯಾರ್ ದೆವಾನ್ ಎಚುನ್ ಕಾಡಲ್ಲ್ಯಾ ಲೊಕಾಕ್ನಿ ಮೊಸ್ ಕರ್‍ತ್ಯಾತ್. 23ತುಮಿ ಉಶಾರ್ಕಿನ್ ರ್‍ಹಾವಾ, ಕಶ್ಯಾಕ್ ಮಟ್ಲ್ಯಾರ್, ಹೆ ಸಗ್ಳೆ ಹೊವ್ಚ್ಯಾ ಅದ್ದಿಚ್ ಮಿಯಾ ತುಮ್ಕಾ ಯೆತಲ್ಯಾ ಹ್ಯಾ ಕಾಲಾಚ್ಯಾ ವಿಶಯಾತ್ ಸಾಂಗ್ಲಾ”.
ಮಾನ್ಸಾಚ್ಯಾ ಲೆಕಾಚೆ ಯೆನೆ
ಮಾತೆವ್ 24:29-31; ಲುಕ್ 21:25-28
24“ಹಿ ಸಂಕಟಾಚಿ ದಿಸಾ ಸರಲ್ಲ್ಯಾ ತನ್ನಾ, ಸೂರ್ಯಾ ಕಾಳೊ ಹೊತಾ,ಅನಿ ಚಂದ್ರಾಮ್ ಉಜ್ವೊಡ್ ದಿ ನಾ”. 25“ಚಿಕ್ಕಿಯಾ ಮಳ್ಬಾತ್ನಾ ಖಾಲ್ತಿ ಪಡ್ತ್ಯಾತ್, ಅನಿ ಮಳ್ಬಾ ವೈಲ್ಯಾ ಸಗ್ಳ್ಯಾ ತಾಕ್ತಿಯಾ ಕಾಪ್ತ್ಯಾತ್”.
26ಹೆ ಹೊಲ್ಲ್ಯಾ ಮಾನಾ ಮಾನ್ಸಾಚೊ ಲೆಕ್ ಅದಿಕಾರ್‍ಯಾನ್ ಅನಿ ಮಹಿಮೆನ್ ಭರುನ್ ಮೊಡಾಂಚ್ಯಾ ವೈನಾ ಯೆತಲೊ ದಿಸ್ತಾ. 27ಮಾನಾ ಮಾನ್ಸಾಚೊ ಲೆಕ್ ಅಪ್ನಾಚ್ಯಾ ದುತಾಕ್ನಿ ಧಾಡುನ್ ಅಪ್ನಿ ಯೆಚುನ್ ಘೆಟಲ್ಲ್ಯಾ ಲೊಕಾಕ್ನಿ ದುನಿಯಾಚ್ಯಾ ಸಗ್ಳ್ಯಾ ಭಾಗಾನಿತ್ನಾ ಅನಿ ಸರ್‍ಗಾಚ್ಯಾ ಸಗ್ಳ್ಯಾ ಭಾಗಾನಿತ್ನಾ ಗೊಳಾ ಕರುಕ್ ಲಾವ್ತಾ.
ಅಂಜುರಾಚ್ಯಾ ಝಾಡಾ ವೈನಾ ಪಾಟ್
ಮಾತೆವ್ 24:32-35; ಲುಕ್ 21:29-33
28“ಅಂಜುರಾಚ್ಯಾ ಝಾಡಾ ವೈನಾ ಎಕ್ ಪಾಟ್ ಶಿಕಾ. ಹ್ಯಾ ಝಾಡಾಚ್ಯಾ ಟಾಳಿಯಾ ಹಿರ್ವ್ಯಾ ಸರ್ಕ್ಯಾ ಹೊವ್ನ್, ಮ್ಹವ್ ಹೊಲ್ಲ್ಯಾ ತನ್ನಾ ಅನಿ ಪಾನಾ ಚಿಗರುಕ್ ಚಾಲು ಹೊಲ್ಲ್ಯಾ ತನ್ನಾ ನಿಂಬ್ರಾಚಿ ದಿಸಾ ಜಗ್ಗೊಳ್ ಯೆಲಿ ಮನುನ್ ತುಮಿ ಕಳ್ವುನ್ಘೆತ್ಯಾಸಿ. 29ತಸೆಚ್ ಮಿಯಾ ತುಮ್ಕಾ ಸಾಂಗಲ್ಲ್ಯಾ ಸಗ್ಳ್ಯಾ ಸಂಗ್ತಿಯಾ ಹೊತಲೆ ಬಗುನ್ ತೊ ಎಳ್ ಜಗ್ಗೊಳ್ ಯೆವ್ನ್ ಚಾಲು ಹೊನಾರ್ ಹಾಯ್ ಮನುನ್, 30ಯಾದ್ ಥವ್ನ್ ಘೆವಾ! ಹ್ಯಾ ಕಾಲಾತ್ಲಿ ಉಲ್ಲಿ ಲೊಕಾ ಝಿತ್ತಿ ರ್‍ಹಾತಾನಾಚ್ ಹ್ಯಾ ಸಗ್ಳ್ಯಾ ಸಂಗ್ತಿಯಾ ಹೊತ್ಯಾತ್. ಮನುನ್ ಮಿಯಾ ಖರೆಚ್ ಸಾಂಗ್ತಾ, 31ಜಮಿನ್ ಅನಿ ಮಳಬ್ ನಾಸ್ ಹೊವ್ನ್ ಜಾಯ್ಲ್, ಖರೆ ಮಿಯಾ ಸಾಂಗಲ್ಲ್ಯಾ ಗೊಸ್ಟಿಯಾ ನಾಸ್ ಹೊಯ್‍ನ್ಯಾತ್.”
ತೊ ದಿಸ್ ನಾಜಾಲ್ಯಾರ್ ಎಳ್ ಕೊನಾಕ್ಬಿ ಗೊತ್ತ್ ನಾ
ಮಾತೆವ್ 24:36-44
32ತೊ ದಿಸ್ ಹೊಂವ್ದಿ, ಎಳ್ ಹೊಂವ್ದಿ, ಕನ್ನಾ ಯೆತಾ ಮನುನ್ ಸರ್ಗಾತ್ಲ್ಯಾ ದೆವಾಚ್ಯಾ ದುತಾಕ್ನಿ ಹೊಂವ್ದಿ, ಲೆಕಾಕ್ ಹೊಂವ್ದಿ ಗೊತ್ತ್ ನಾ. ಬಾಬಾಕ್ ಎಕ್ಲ್ಯಾಕುಚ್ ಗೊತ್ತ್ ಹಾಯ್.
33ಕನ್ನಾಬಿ, ರಾಕುನ್ಗೆತ್ “ಉಶಾರ್ಕಿನ್ ರ್‍ಹಾವಾ, ತೊ ಎಳ್ ಕನ್ನಾ ಯೆತಾ ಮನುನ್ ತುಮ್ಕಾ ಗೊತ್ತ್ ನಾ”. 34ಹೆ ಕಶೆ ಮಟ್ಲ್ಯಾರ್, “ಹೆ ಅಪ್ನಾಚೆ ಘರ್ ಸೊಡುನ್ ಧುರ್‍ಲ್ಯಾ ದೆಸಾಕ್ ಗೆಲ್ಲ್ಯಾ ಎಕ್ ಮಾನ್ಸಾಕ್ ಸಮಾ ಕರುಕ್ ಹೊತಾ. ಅಪ್ನಾಚೆ ಘರ್ ಬಗುನ್ ಘೆವಾ” ಮನುನ್ ಸೆವಕಾಕ್ನಿ ತೆನಿ ಸಾಂಗ್ಲ್ಯಾನ್. ಅನಿ ಹರ್ ಎಕ್ಲ್ಯಾ ಸೆವಕಾಕ್ನಿ ತೆಂಚೆ-ತೆಂಚೆ ಕಾಮ್ ದಿಲ್ಯಾನ್ ಅನಿ ದಾರ್‍ ರಾಕ್ತಲ್ಯಾಕ್ “ತಿಯಾ ಕನ್ನಾಬಿ ಉಶಾರ್ಕಿನ್ ರ್‍ಹಾ” ಮನುನ್ ಸಾಂಗ್ಲ್ಯಾನ್. 35“ಕನ್ನಾಬಿ ತಯಾರಿತ್ ರ್‍ಹಾವಾ, ಕಶ್ಯಾಕ್ ಮಟ್ಲ್ಯಾರ್ ಘರ್ಚೊ ವಡಿಲ್ ಕನ್ನಾ ಯೆತಾ ಮನುನ್ ತುಮ್ಕಾ ಗೊತ್ತ್ ನಾ, ಎಕ್ ಎಳಾರ್ ಸಾಂಚೆಕ್ಡೆ ರ್‍ಹಾವ್ಕ್ ಫಿರೆ, ನಾಹೊಲ್ಯಾರ್ ಅರ್ದ್ಯಾ ರಾತ್ತಿನ್ ರ್‍ಹಾವ್ಕ್ ಫಿರೆ, ನಾಹೊಲ್ಯಾರ್ ನಸ್ಕಾತ್ ನಾಹೊಲ್ಯಾರ್ ಸಕ್ಕಾಳ್ಚೆ ರಾವ್ಕ್ ಫಿರೆ, 36ತೊ ಎಗ್ದಮುಚ್ ಯೆಲೊ ತರ್, ತುಮಿ ತೆಚ್ಯಾ ಇದ್ರಾಕ್ ಜಾಗೆ ಹೊತ್ತ್ಯಾ ಸರ್ಕೆ ದಿಸುಚೆ. 37ಮಿಯಾ ತುಮ್ಕಾ ಕಾಯ್ ಸಾಂಗುಚೆ ಮನುನ್ ಹಾಂವ್” ಮಟ್ಲ್ಯಾರ್ ತುಮಿ ಸಗ್ಳೆ ಜಾನಾ ಜಾಗೆ ರ್‍ಹಾವಾ.
Currently Selected:
ಮಾರ್ಕ್ 13: NTSii24
Highlight
Share
Copy
Want to have your highlights saved across all your devices? Sign up or sign in
The New Testament in Siddi Language © The Word for the World International and Siddi Translation Samithi, Mundgod, Uttara Kannada, 2024.
