LUKA 15
15
1YI basangi ba milambu boso yi boni bakadi mu kulwa lwa lwa pepe yinanci ndo kumwombwa. 2Yi baFalaxi yi bafundi ba mikanda bakapindufa ene, You muntu ndo angata boni yi kiango yi udedya yinabo. 3Yi akabatôyela mwele ou ene, 4Muntu kai udi yinenu udi yi nkama a mikwakwa yi amancimisa umoumwe, utasoxiya mikwakwa masangi dibwa yi mikwakwa dibwa ku mbata a kisobe kuya palala ou ămabungwa biamausokololayi ? 5Yi panakala amausokolola kawapeya kulu kwa makyepa anci udi mu kuxekyelela. 6Yi panakala amafika ku ncibo anci kabikila bimbila bienci yi bena kwanci ene, Nuxekyeleli yinami, bwalo bunamasokolola mukwakwa ămene ăkabungwa. 7Nwatôyela ene, mo nako kunakala kiango mu diulu bwalo bwa mwoni umoumwe amadibela, kiamadika kiango kia bena nkwami masangi dibwa yi dibwa batena yi bwalo kwa kudibela.
8Yi mwamukăxi kai udiko, udi yi mpalata disangi yi amancimisa umoumwe, utasonamika mwinda, utasokomba ncibo, yi utasopalala bikyebikye binakala amamusokolola ? 9Yi panakala amamusokolola, kabikila bimbila bienci yi bena kwanci ene, Nuxekyeleli yinami, bwalo bunamasokolola mpalata unakancimisa. 10Mo nako, nwatôyeia ene, kiangp kidiko ku mpala a bangele ba Ncembi bwalo bwa mwoni umoumwe amadibela.
11Yi akatôya ene, Muntu umoumwe akadi yi bana babidi. 12Yi mwamuki abo akatôyela tetenci ene, Tete, mpi dikapa dia bima binxekita kunyuma. Yi akababanyila bima biakadi yinanci. 13Yi kunyuma kwa matuku mabende, kwakasanga mwamuki you bintu bioso, yi akancuka kuya ku mbata kulekule ; yi akacakanisa bima bienci koku ku budibi bwoso. 14Mo pakadi amamana bintu bioso pakalwa lukombo lwa ncala a bubi ku mbata you, yi akabanga kwayila. 15Yi akaya sangila yi munga muna mbata you ; yi yei akamutuma ku bibidi bienci kuya disa ngulubi ya mbuxi. 16Yi akakyeba kungi kudiokutisa difu dienci yi mbusu yakadya ngulubi ya mbuxi ; yi kakwakadi muntu umupapa kintu. 17Yi pakakulumukayi ku mucima akatôya ene, Ki basadi badiko bangi ba tetemi bokuta yi bidya yi baxiya binga, yi meme ntanafwa yi ncala. 18Nakwombuluka kuya kudi tetemi yi nakumwambila ene, Tete, namakwona ku mpala a diulu yi ku meso ebe ; 19kisolelekyela kabidi yi kubikidibwa ene, mwanebe ; unguteki musadi luna bantu bebe ba mudimo. 20Yi akakwombuluka kulwa kudi tetenci. Mo pakadi ukidi kulekule, tetenci akamumona, yi akakwombwa mwengo ; yi akaya lubilu, akamupotamina, yi akamunyita nyita. 21Yi mwana akamutôyela ene, Tete, namakwona ku mpala a diuiu yi ku meso ebe ; kisolelekyela yi kubikidibwa ene, mwanebe. 22Kaninga tete akatôyela basadi banci ene, Nubatusi mwombonda ou ădika lwoxixi, numulatisiu ; nuteki pako kikyeta ku kianca kienci, yi makaka ku makasa anci ; 23yi nucwali kunu mwana a ñombi utwamalundisa munene, numuxipi ; tudi bidya lolo, yi tuxekyeleli. 24Bwalo bwakadi mwanami you mufu, yi amapinana yi môyo ; akancimina yi amasokololebwa. Yi bakabanga kuxekyelela. 25Yi mwananci a babakulu akadi mu kibidi ; yi pakalwayi yi pakadi amakokyela pepe yi ncibo, akakwombwa biombelu yi kusa kwa masa. 26Yi akabikila musadi a bena midimo, yi akamwapangusa dia bintu bebi. 27Yi akamutôyela ene, Mwakunyebe amalwa ; yi tetebe amaxipa mwana a ñombi munene, bwalo bwamamwangatayi ngengele ngengele yi loko. 28Kaninga akasamwa bituku, yi akanyafiana kubwela. Yi tetenci akaya kunci yi akamubonda bonda. 29Mo akapingasa yi akatôyela tetenci ene, Mona, namakusadila mbula yei noku mingi, yi kiaxipa mulangu ěbe mwoso ; yi owe kungupeli meme mwana a mbuxi pô binxexekyelela yi bimbila biamene ; 30kaninga papulwa you mwanebe, amadya bima biebe yi badibi, wapumuxipila mwana a fiombi munene. 31Mo akamutôyela ene, Mwana, owe udi yinami matuku moso, yi bintu bioso bidi biamene bidi ndo biebe. 32Kaninga kwapulelekyela ndo kuxekyelela yi kwakala yi kiango ; bwalo bwakafwa you mwakunyebe yi udi yi môyo ; akadi amancimina, yi amasokololebwa.
Currently Selected:
LUKA 15: Luna_NT
Highlight
Share
Copy
Want to have your highlights saved across all your devices? Sign up or sign in
© La Société biblique de Genève
