LUKA 4

1YISU lolo, akakwolubila yi Mwoxixi a babala, akapiñana ku Yôdana, yi akaxiyibwa kudi Mwoxixi mu mbata a kisobe, 2pa lwedi lwa matuku masangi anai, akakwelekexebwa kudi diabolo ; yi akadi kasodya kintu ku matuku yia, yi pakadi amapwa, akakwombwa ncala. 3Yi diabolo diakamwambila ene, Ndo Owe udi Mwana a Ncembi, langa dibwe dedi ditulowi ku dimpa. 4Yi Yisu akamupingasa ene, Kwamafundibwa ene, Muntu kanakala yi môyo ku dimpa ditupu. 5Yi akamubandisa, yi akamwebesa mafumu moso a loboko lwa bantu ku kikondo kimokimwe. 6Yi diabolo diakamwambila ene, Nakukupa bumanya bwoso bobu noku, yi dikai dia mafumu aa, bwalo bwamangulongolebwabu ; yi muntu mwoso ungwananga kumupabu, meme mupapabu. 7Mbwôso ndo Owe unanguxingila, bunakala bwebe bungi bwabu. 8Yi Yisu akapingasa yi akamwambila ene, Kwamafundibwa ene, Unaxingila Fumu Ncembi ebe, yi unamusadila yei mutupu. 9Yi akamuxiya ku Yelusaleme, yi akamuteka kulu kwa kitutu kia tempelo, yi akamwambila ene, Ndo Owe udi Mwana a Ncembi, udieli mikyebe pôi kunu paxi, 10bwalo bwamafundibwa ene, Unalanga bangele banci ku bwalo bwebe, bakunami ; 11yi banakwombulula pa makaci abo, ximbi ambeci uxekuma dikasa diebe ku dibwe. 12Yi Yisu akapingasa yi akamwambila ene, Kwamatôyebwa ene, Kwelekyexi Fumu Ncembi ebe. 13Yi diabolo, pakadi diamamana kwelekyesa kwoso, diakancuka kudiyi pôi kinga kikondo.

14Yi Yisu akapifiana mu Ngalili yi ngulu ya Mwoxixi, yi mwoximo ănci ăkacakana ku mbata muncimancima. 15Yi akakweyesa mu bixingidilu biabo, udi mu kutumbixibwa kudi bantu boso. 16Yi akalwa ku Nasalete kwakalundixibwayi ; yi akabwela mu kixingidilu bea biakadi mwosambu ănci, ku dituku dia Sabado, yi akakwemana ndo kubala. 17Yi mwobotaku ăkamupebwa ă mudimuxi Esaya. Yi akabotola mwobotaku yi akasafiana kidi kiakafundibwa ene, 18Mwoxixi a Fumu udi kulu kwamene, bwalo bwamanguxingayi, ngwambili bakombi losangu lunengela ; amangutuma ndo kwambila misungi dia kupaudibwa ; yi bafofo dia meso kuaipudibwa ; kubabatusa kanana bamafinibwa, 19yi kwambila bantu dia mwociya ă kumonebwa yi dikasa dinengela kudi Fumu. 20Yi akabotaka mwobotaku, yi akaulongola kudi munami a kixingidilu, yi akaxikama. Yi meso a bantu boso bakadi mu kixingidilu akamudingila sosonyi. 21Yi akabanga kubatôyela ene, Lelo diyi dedi dia mukanda ă Ncembi diamafikixibwa ku macu enu.

22Yi bungi bwa bantu bakamutôbôlela ntôbô, yi bakakamina meyi a lwoxixi akancuka ku musuku ănci. Yi bakatôya ene, Ki you ndo mwana a Yosefe ? 23Yi akabambila ene, Nunangutôyela mwele ou sôsôlwo ene, Ñanga, udipandisi mikyebe ; makisa moso atwamakwombwa ene, amakwencebwa mu Kapenaumu, enca kunu kabidi mu mbata ebe. 24Yi akatôya ene, Nwatôyela sôsôlwo ene, Kakuna mudimuxi umoumwe amamonebwa yi dikasa dinengela mu mbata anci. 25Mo nwatôyela sôsôlwo ene, Ku matuku a Eliya kwakadi bakaxi ba bafu bangi mu Isalele ku kikondo kiakancibikibwa diulu mbula isatu yi ngondo isambomo, biakafika lukombo lunene lwa ncala mu mbata muncimancima ; 26yi Eliya akadi kasotumibwa kudi muntu mwoso abo mo ku Salefata a ku Xidono, kudi mwamukaxi akadi mukasa a mufu. 27Yi ku kikondo kia Elixa mudimuxi kwakadi bena sudi bangi mu Isalele, yi kakwakadi muntu abo amakusudibwa mo Namana muna Silia. 28Yi bungi bwabo bakakwolubixibwa yi bisusu munda mwa kixingidilu pa kwombwa malo aa ; 29yi bakakwemana, bakamutenyeka kunci kwa bula, yi bakamucwala ku mwolombo ă mbeki akapikibwa bula bwabo kulu, bixemwelabo muxi kabungu. 30Mo yei akadika pakacikaci pabo, yi akaya bienci.

31Yi akapweka ku Kapenaumu, bula bwa Ngalili, yi akabeyesa ku dituku dia Sabado. 32Yi bakakamina kweyesa kwanci, bwalo bwakadi diyi dienci yi bumanya. 33Yi munda mwa kixingidilu mwakadi muntu utani yi kidimu kia kidimu kibi kia mbindu, yi akakwamena yi diyi dikola, 34ene, O o! Tudi yinebe bwalo kai, Yisu a Nasalete ? Owe wamalwa ndo kutuxipa ? Namakulubukwa ; udi muna babala you a Ncembi. 35Yi Yisu akamukama dikamu ene, Ikala polo, yi pauka munda mwanci. Yi kidimu kibi, pakadi kiamamuntuntula paxi pakacikaci pabo kiakapauka munda mwanci kutena kumwombwesa kusama kwoso. 36Yi bakakama makamu bo-a-bwoso, yi bakatôyelañana, ene, Diyi kai dedi ? Bwalo bwalangayi bidimu bia mbindu yi bumanya yi ngulu, yi bebi biamapauka. 37Yi mwoximo ăkacakana ku bwalo bwanci ku kidi kioso kia mbata koku.

38Yi akakwombuluka mu kixingidilu, yi akabwela mu ncibo a Ximono. Mo Ximono mukwanci akadi mu kutata yi kusama kungi kwa mudilu, yi bakamwapangusa ku bwalo bwanci. 39Yi akakwemana kulu kwanci, akakama mudilu dikamu, yi ăkamuncuka ; yi akakwombuluka mangwoso yi akabasadila.

40Yi pakadi diba ditanabwela, bungi bwabo bakadi yi batati ba masama manga bakabacwala kudiyi, yi akabaka bianci bienci kulu kwa muntu mwoso abo, yi akabapandisa. 41Yi bidimu bibi kabidi biakapauka kudi bantu bangi, bidi mu kwamena ene, Owe udi Mwana a Ncembi. Yi akabikama makamu, akabilanga kabitôyi, bwalo bwakamulubukwabio, ene, udi Kalistu.

42Yi pakakya butuku, akabatuka yi akaya ku kidi kiakadi kanana, yi bimbukuma biakamupalala, yi biakalwa kudiyi ; yi baxemuximba kancuki kudibo. 43Mo yei akabambila ene, Ndi yi bwalo bwa kwambila losangu lunengela lwa bufumu bwa Ncembi ku manga mala kabidi, bwalo bunamatumibwa ndo kwenca nako. 44Yi akadi mu kwambila ambila bantu mu bixingidilu bia mu Ngalili.

Currently Selected:

LUKA 4: Luna_NT

Highlight

Copy