यूहन्ना 4
4
सामरी बैयरसे येशूको बात चित
1जब बप्तिस्मा देन बारो यूहन्नासे जद्धा, येशू बहुत चेला बनाएके बप्तिस्मा दइ रहोहए, करके जा बात फरिसीनको समुहके सुनीं। 2वास्तबमे येशू अपनए त नाए, पर बाके चेला बप्तिस्मा देत रहएं। 3तओ येशू अपनो चेलनके सँग यहूदिया परदेश छोडके फिरसे गालील परदेशमे लौटके चलो गओ।
4और परमेश्वरको इच्छा रहए, कि येशू सामरिया परदेश हुइके जाए। 5जहेमारे येशू सामरिया परदेशमे भओ सुखार गाउँमे आओ, बो गाउँके ढिँगै इस्राएली जातिनको एक पुर्खा याकूब, अपनो लौंणा योसेफके दइभइ, जमिन रहए। 6और याकूब जौन कुँइँयाँ खोदी रहए, बो कुँइँयाँ हबएतक हुवँए रहए। और येशू नेँगत-नेँगत थकिगओ रहए तओ बा कुँइँयाँके ढिँगै बैठिगओ। और जा बात लगभग दुपहारमे भओ रहए।
7बहे बेरा सामरियाकी बैयर पानी भरन हुवाँ आइ। येशू बोसे कही, “मोके पानी पिन देओ।” 8काहेकी बो समयमे बाके चेला गाउँमे खान बारी चीज किनन गए रहएं।
9तओ सामरी बैयर येशूसे कही, “तुम एक यहूदी समुहके हओ, मए एक सामरी बैयर हओं। तुम मोसे पानी काहे मागत हओ?” काहेकी यहूदी समुहके आदमी सामरी सहरमे रहान बारेनसे कुछु सम्बन्ध नाए रख्त रहएं।
10येशू बोके जबाफ दइके कही, “तए नाए जानतहए, कि परमेश्वर तोके देन चाँहत हए। और तए जा फिर नाए जानतहए, कि तोसे पानी मागन बारो कौन हए। अगर तए जनतो कहेसे, तए मोसे मँगतो तओ मए तोके बो पानी देतो, जो जीबन देतहए।”
11बो बैयर येशूसे कही, “हजुर, तुमरसँग पानी भरन बारो बर्तन कुछु फिर नाएहए, और कुँइयाँ फिर बहुत गहिरी हए। तओ तुमर ठिन बो पानी कहाँसे अएहए जौन पानी जीबन देत हए? 12का तुम हमर पुर्खा याकूबसे बणे हओ? जो हमरे ताहीं जा कुँइँयाँ बनाए दइ हए; और बो अपनए, बक सन्तान और बक गैँयाँभैँसिया फिर जहे कुँइँयाँसे पानी पिइं।” 13येशू बोके जबाफ दइ, “जौन कोइ जा पानी पिइहए, बोके फिरके प्यास लगजए हए, 14पर जौनकोइ मिर दइभइ पानी पिइहए, बोके कभु प्यास नाए लगैगो। और जौन पानी मए बोके देमंगो, बो अइसो पानी देतएरहान बारो कुँइँयाँ बन्जएहए, जौन बोके कभी फिर नाश नाए होन बारो जीबन देहए।”
15बो बैयर येशूसे कही, “हजुर, मोके बहे पानी देबओ ताकी मए प्यासी नाए होमओं, और पानी भरनके इतनी दुर नाए आन पणए।” 16येशू बोसे कही, “जा अपन लोगाके बुलाएके हियाँ लिया।”
17बो बैयर कही, “मए बिना लोगाको हओं।” येशू बोसे कही, “तिर लोगा नाएहए, कहिके तए ठिकए कहात हए, 18काहेकी तए पाँच लोगा करडारो हए, और बो आदमी जौनकेसँग हबए तएहए, बो तिर लोगा नाएहए; जा तए सच्चो कहो हए।”
19बो बैयर कही, “हजुर, मोके अइसो लागतहए, कि तुम परमेश्वरके अगमबक्ता हओ। 20हमर समारी पुर्खा जा डँगामे परमेश्वरको आराधना करत रहएं, और तुम यहूदी समुहके आदमी कहात हओ, कि आराधना करन बारो ठिहा यरूशलेम इकल्लो हए।”
21येशू बोसे कही, “ए बैयर, मिर बातमे बिश्वास कर, बो बेरा आएरहो हए, तुम नए त जा पहाडमे, नए यरूशलेम सहरमे परमेश्वरको आराधना करैगे। 22तुम सामरी आदमी बोको आराधना करत हओ, जोके तुम नाए चिन्हत हओ। और हम यहूदी आदमी बाके आराधना करत हएं जोके चिन्हत हएं, काहेकी उद्धार यहूदीसे आत हए। 23पर बो बेरा आएरहो हए, बो बेरा हबैयए हए, जब सच्चा आराधक, दौवा परमेश्वरके आत्मा और सत्यतामे आराधना करंगे। काहेकी दौवा अपने अइसियए आराधकके ढुणत हए। 24परमेश्वर आत्मा हए, जहेमारे जरुरी हए, कि बाको आराधना आत्मा और सत्यतामे करन पणत हए।”
25बो बैयर येशूसे कही, “मए जानत हओं, कि मसीह आबैगो, जौनसे ख्रीष्ट कहोजात हए, और जब बा आबैगो; तओ बहे हमके सब बात बताए देबैगो।”
26येशू बोसे कही, “तोसे मसकन बारो, मए बहे हओं।”
चेला घुमे
27बहेबेरा येशूके चेला आइगए, और येशूके एक बैयरसे बात करत देखके अचम्मो मानीं, तहुँफिर उनके मैसे बासे पुछनके कोइकी हिम्मत नाए भइ, कि येशू बो बैयरसे काहे बत्कान डटो हए, या बो बैयरसे का चाँहत हए? 28तओ बो बैयर अपन घल्ला हुनै छोडके गाउँ घेन चलिगै, और आदमीनसे कहान लागी, 29“आओ, एक आदमीके देखओ, जौन मए करोभओ सब कामके बारेमे मोके बताए दइ। कहुँ बहेता ख्रीष्ट नाएहए?” 30तओ बे गाउँसे निकरके येशूके देखनके ताहीं आनलागे।
31बहे बेरा येशूके चेला येशूसे अइसे बिन्ती करीं, “महान गुरु, खानु खाएलेओ।” 32पर येशू बिनसे कही, “मिर ठिन खानके ताहीं अइसो खानु हए, जो तुमके पता नाए हए।”
33तओ चेला आपसमे कहीं, “का कोइ बाके ताहीं खानु ल्याएदइ हए?” 34येशू बिनसे कही, “मिर भोजन कहोक परमेश्वरकी इच्छाके पालन करनो हए, जौन मोके पठाइ हए, और मोए बाको कामके पुरा करनके हए, जौन काम बा मोके सौँपी हए। 35का तुम जा नाए कहात हओ, कि ‘बाली काटनको हबए चार महिना बाँकी हए?’ देखओ, मए तुमसे कहात हओं, अपन आँखी खोलओ! हियाँ आन बारे आदमीनके देखओ, जौन कभी फिर नाश नाए होन बारो जीबन पानके ताहीं पहिलीयएसे तयार हएं। 36और पहिलीयएसे काटन बारो काम कर रहे हएं, और बोको मतलब जा हए, कि बे बो आदमीनके जमा करनडटे हएं, जौन कभी फिर नाश नाए होन बारो जीबन पामंगे, ताकी जमा करन बारे आदमी और जमा भए आदमी दुनौ जनै मिलके आनन्द मनाए पामएं। 37काहेकी हियाँ जा कहावत सुहात हए कि ‘बोन बारो एक और काटन बारो दुस्रो’ 38मए तुमके हुवाँ कटनी करन पठाओ, जहाँ तुम मेहेनत नाए करे पर दुस्रे जनै मेहेनत करीं। और तुम बो फसलके जमा करैगे, जोके ताहीं दुस्रे जनै मेहेनत करीं।”
सामरीयनको बिश्वास
39और बो गाउँके बहुतसे सामरी सहरमे रहान बारे बो बैयरकी गवाहीसे येशूके उपर बिश्वास करीं; जौन जा कही रहए, कि “मए करोभओ सब कामके बारेमे मोके बताए दइ।” 40जहेमारे जब सामरी सहरमे रहान बारे येशूके ठिन आए, तओ बे येशूसे बिन्ती करनलागे, कि हमर हियाँ रहिजाओ। तओ येशू बिनके ठिन दुई दिन बैठो। 41और येशूको शिक्षामे बहुत सामरी बाके उपर बिश्वास करीं।
42और बे बैयरसे कहीं, “अब हम तेरे कहानसे बिश्वास नाए करे हएं। काहेकी हम अपनए सुनेहएं, और हम जानत हएं, कि नेहात्तओ संसारको मुक्तिदाता जेहीँ हएं।”
बढो अधिकारीक लौंणा अच्छो भओ
43दुई दिन पिच्छु हुवाँसे निकरके येशू गालील परदेशमे गओ। 44काहेकी येशू अपनए गवाही देत रहए, कि परमेश्वरको अगमबक्ताके बोको अप्नो ठाउँमे आदर नाए होतहए। 45जब येशू गालीलमे आओ, तओ येशू यरूशलेम सहरमे तेवहारको बेरा जो करी रहए, बे सब काम देखके गालील परदेशके आदमी बाके स्वागत करीं, काहेकी बे फिर हुवाँ तेवहारमे गए रहएं।
46तओ येशू फिरसे गालील परदेश काना गाउँमे आओ, जहाँ येशू पानीके अंगुरको रसा बनाइ रहए। हुवाँ राजाको एक करमचारी रहए, जौनको लौंणा कफर्नहुम सहरमे बिमार रहए। 47येशू जा सुनके यहूदिया परदेशसे गालील परदेशमे आओ हए कहिके सुनके बो येशूके ठिन गओ, और येशूसे बिन्ती करन लागो कि “चलओ, मिर लौंणाके बिमारीसे अच्छो करदेओ” काहेकी बो मरन बारो रहए।
48येशू बोसे कही, “जब तक तुम शक्तिशाली चमत्कार और अचम्मोके काम नाए देखैगे, तबतक कदापी मोके ख्रीष्टके रुपमे कोइ बिश्वास नाए करैगे।” 49राजाके करमचारी येशूसे कही, “हे प्रभु, मिर लौंणा मरनेसे अग्गु तुम आएदेबओ।” 50येशू बोसे कही, “जाओ, तुमर लौंणा नाए मरैगो।” बो आदमी येशूकी कहीभइ बातमे बिश्वास करी और चलोगओ।
51जब बो जात पेती डगरएमे रहए, तओ बक नोकर बोके भेँटके बताइं कि “तुमर लौंणा जिन्दा हए।” 52तओ बिनसे पुछी कि “कबसे बोके अच्छो लागन लग्गओ?” तओ बे बोसे कही, “कल दुपाहरके एक बजे घेन बोको जाणो उतरिगओ।” 53तओ बो लौणक दौवा जानिगओ, कि जा बहे समयसे भओ, जौन समयमे येशू बोसे कही, “तुमर लौंणा नाए मरैगो।” जा देखके बो और बोको परिवार येशूमे बिश्वास करीं।
54जा येशूको दुस्रो शक्तिशाली चमत्कारको चिन्हा रहए, जो येशू यहूदिया परदेश मैसे गालील परदेशमे लौटके दिखाइ।
Currently Selected:
यूहन्ना 4: THRNT
Highlight
Share
Copy
Want to have your highlights saved across all your devices? Sign up or sign in
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.
यूहन्ना 4
4
सामरी बैयरसे येशूको बात चित
1जब बप्तिस्मा देन बारो यूहन्नासे जद्धा, येशू बहुत चेला बनाएके बप्तिस्मा दइ रहोहए, करके जा बात फरिसीनको समुहके सुनीं। 2वास्तबमे येशू अपनए त नाए, पर बाके चेला बप्तिस्मा देत रहएं। 3तओ येशू अपनो चेलनके सँग यहूदिया परदेश छोडके फिरसे गालील परदेशमे लौटके चलो गओ।
4और परमेश्वरको इच्छा रहए, कि येशू सामरिया परदेश हुइके जाए। 5जहेमारे येशू सामरिया परदेशमे भओ सुखार गाउँमे आओ, बो गाउँके ढिँगै इस्राएली जातिनको एक पुर्खा याकूब, अपनो लौंणा योसेफके दइभइ, जमिन रहए। 6और याकूब जौन कुँइँयाँ खोदी रहए, बो कुँइँयाँ हबएतक हुवँए रहए। और येशू नेँगत-नेँगत थकिगओ रहए तओ बा कुँइँयाँके ढिँगै बैठिगओ। और जा बात लगभग दुपहारमे भओ रहए।
7बहे बेरा सामरियाकी बैयर पानी भरन हुवाँ आइ। येशू बोसे कही, “मोके पानी पिन देओ।” 8काहेकी बो समयमे बाके चेला गाउँमे खान बारी चीज किनन गए रहएं।
9तओ सामरी बैयर येशूसे कही, “तुम एक यहूदी समुहके हओ, मए एक सामरी बैयर हओं। तुम मोसे पानी काहे मागत हओ?” काहेकी यहूदी समुहके आदमी सामरी सहरमे रहान बारेनसे कुछु सम्बन्ध नाए रख्त रहएं।
10येशू बोके जबाफ दइके कही, “तए नाए जानतहए, कि परमेश्वर तोके देन चाँहत हए। और तए जा फिर नाए जानतहए, कि तोसे पानी मागन बारो कौन हए। अगर तए जनतो कहेसे, तए मोसे मँगतो तओ मए तोके बो पानी देतो, जो जीबन देतहए।”
11बो बैयर येशूसे कही, “हजुर, तुमरसँग पानी भरन बारो बर्तन कुछु फिर नाएहए, और कुँइयाँ फिर बहुत गहिरी हए। तओ तुमर ठिन बो पानी कहाँसे अएहए जौन पानी जीबन देत हए? 12का तुम हमर पुर्खा याकूबसे बणे हओ? जो हमरे ताहीं जा कुँइँयाँ बनाए दइ हए; और बो अपनए, बक सन्तान और बक गैँयाँभैँसिया फिर जहे कुँइँयाँसे पानी पिइं।” 13येशू बोके जबाफ दइ, “जौन कोइ जा पानी पिइहए, बोके फिरके प्यास लगजए हए, 14पर जौनकोइ मिर दइभइ पानी पिइहए, बोके कभु प्यास नाए लगैगो। और जौन पानी मए बोके देमंगो, बो अइसो पानी देतएरहान बारो कुँइँयाँ बन्जएहए, जौन बोके कभी फिर नाश नाए होन बारो जीबन देहए।”
15बो बैयर येशूसे कही, “हजुर, मोके बहे पानी देबओ ताकी मए प्यासी नाए होमओं, और पानी भरनके इतनी दुर नाए आन पणए।” 16येशू बोसे कही, “जा अपन लोगाके बुलाएके हियाँ लिया।”
17बो बैयर कही, “मए बिना लोगाको हओं।” येशू बोसे कही, “तिर लोगा नाएहए, कहिके तए ठिकए कहात हए, 18काहेकी तए पाँच लोगा करडारो हए, और बो आदमी जौनकेसँग हबए तएहए, बो तिर लोगा नाएहए; जा तए सच्चो कहो हए।”
19बो बैयर कही, “हजुर, मोके अइसो लागतहए, कि तुम परमेश्वरके अगमबक्ता हओ। 20हमर समारी पुर्खा जा डँगामे परमेश्वरको आराधना करत रहएं, और तुम यहूदी समुहके आदमी कहात हओ, कि आराधना करन बारो ठिहा यरूशलेम इकल्लो हए।”
21येशू बोसे कही, “ए बैयर, मिर बातमे बिश्वास कर, बो बेरा आएरहो हए, तुम नए त जा पहाडमे, नए यरूशलेम सहरमे परमेश्वरको आराधना करैगे। 22तुम सामरी आदमी बोको आराधना करत हओ, जोके तुम नाए चिन्हत हओ। और हम यहूदी आदमी बाके आराधना करत हएं जोके चिन्हत हएं, काहेकी उद्धार यहूदीसे आत हए। 23पर बो बेरा आएरहो हए, बो बेरा हबैयए हए, जब सच्चा आराधक, दौवा परमेश्वरके आत्मा और सत्यतामे आराधना करंगे। काहेकी दौवा अपने अइसियए आराधकके ढुणत हए। 24परमेश्वर आत्मा हए, जहेमारे जरुरी हए, कि बाको आराधना आत्मा और सत्यतामे करन पणत हए।”
25बो बैयर येशूसे कही, “मए जानत हओं, कि मसीह आबैगो, जौनसे ख्रीष्ट कहोजात हए, और जब बा आबैगो; तओ बहे हमके सब बात बताए देबैगो।”
26येशू बोसे कही, “तोसे मसकन बारो, मए बहे हओं।”
चेला घुमे
27बहेबेरा येशूके चेला आइगए, और येशूके एक बैयरसे बात करत देखके अचम्मो मानीं, तहुँफिर उनके मैसे बासे पुछनके कोइकी हिम्मत नाए भइ, कि येशू बो बैयरसे काहे बत्कान डटो हए, या बो बैयरसे का चाँहत हए? 28तओ बो बैयर अपन घल्ला हुनै छोडके गाउँ घेन चलिगै, और आदमीनसे कहान लागी, 29“आओ, एक आदमीके देखओ, जौन मए करोभओ सब कामके बारेमे मोके बताए दइ। कहुँ बहेता ख्रीष्ट नाएहए?” 30तओ बे गाउँसे निकरके येशूके देखनके ताहीं आनलागे।
31बहे बेरा येशूके चेला येशूसे अइसे बिन्ती करीं, “महान गुरु, खानु खाएलेओ।” 32पर येशू बिनसे कही, “मिर ठिन खानके ताहीं अइसो खानु हए, जो तुमके पता नाए हए।”
33तओ चेला आपसमे कहीं, “का कोइ बाके ताहीं खानु ल्याएदइ हए?” 34येशू बिनसे कही, “मिर भोजन कहोक परमेश्वरकी इच्छाके पालन करनो हए, जौन मोके पठाइ हए, और मोए बाको कामके पुरा करनके हए, जौन काम बा मोके सौँपी हए। 35का तुम जा नाए कहात हओ, कि ‘बाली काटनको हबए चार महिना बाँकी हए?’ देखओ, मए तुमसे कहात हओं, अपन आँखी खोलओ! हियाँ आन बारे आदमीनके देखओ, जौन कभी फिर नाश नाए होन बारो जीबन पानके ताहीं पहिलीयएसे तयार हएं। 36और पहिलीयएसे काटन बारो काम कर रहे हएं, और बोको मतलब जा हए, कि बे बो आदमीनके जमा करनडटे हएं, जौन कभी फिर नाश नाए होन बारो जीबन पामंगे, ताकी जमा करन बारे आदमी और जमा भए आदमी दुनौ जनै मिलके आनन्द मनाए पामएं। 37काहेकी हियाँ जा कहावत सुहात हए कि ‘बोन बारो एक और काटन बारो दुस्रो’ 38मए तुमके हुवाँ कटनी करन पठाओ, जहाँ तुम मेहेनत नाए करे पर दुस्रे जनै मेहेनत करीं। और तुम बो फसलके जमा करैगे, जोके ताहीं दुस्रे जनै मेहेनत करीं।”
सामरीयनको बिश्वास
39और बो गाउँके बहुतसे सामरी सहरमे रहान बारे बो बैयरकी गवाहीसे येशूके उपर बिश्वास करीं; जौन जा कही रहए, कि “मए करोभओ सब कामके बारेमे मोके बताए दइ।” 40जहेमारे जब सामरी सहरमे रहान बारे येशूके ठिन आए, तओ बे येशूसे बिन्ती करनलागे, कि हमर हियाँ रहिजाओ। तओ येशू बिनके ठिन दुई दिन बैठो। 41और येशूको शिक्षामे बहुत सामरी बाके उपर बिश्वास करीं।
42और बे बैयरसे कहीं, “अब हम तेरे कहानसे बिश्वास नाए करे हएं। काहेकी हम अपनए सुनेहएं, और हम जानत हएं, कि नेहात्तओ संसारको मुक्तिदाता जेहीँ हएं।”
बढो अधिकारीक लौंणा अच्छो भओ
43दुई दिन पिच्छु हुवाँसे निकरके येशू गालील परदेशमे गओ। 44काहेकी येशू अपनए गवाही देत रहए, कि परमेश्वरको अगमबक्ताके बोको अप्नो ठाउँमे आदर नाए होतहए। 45जब येशू गालीलमे आओ, तओ येशू यरूशलेम सहरमे तेवहारको बेरा जो करी रहए, बे सब काम देखके गालील परदेशके आदमी बाके स्वागत करीं, काहेकी बे फिर हुवाँ तेवहारमे गए रहएं।
46तओ येशू फिरसे गालील परदेश काना गाउँमे आओ, जहाँ येशू पानीके अंगुरको रसा बनाइ रहए। हुवाँ राजाको एक करमचारी रहए, जौनको लौंणा कफर्नहुम सहरमे बिमार रहए। 47येशू जा सुनके यहूदिया परदेशसे गालील परदेशमे आओ हए कहिके सुनके बो येशूके ठिन गओ, और येशूसे बिन्ती करन लागो कि “चलओ, मिर लौंणाके बिमारीसे अच्छो करदेओ” काहेकी बो मरन बारो रहए।
48येशू बोसे कही, “जब तक तुम शक्तिशाली चमत्कार और अचम्मोके काम नाए देखैगे, तबतक कदापी मोके ख्रीष्टके रुपमे कोइ बिश्वास नाए करैगे।” 49राजाके करमचारी येशूसे कही, “हे प्रभु, मिर लौंणा मरनेसे अग्गु तुम आएदेबओ।” 50येशू बोसे कही, “जाओ, तुमर लौंणा नाए मरैगो।” बो आदमी येशूकी कहीभइ बातमे बिश्वास करी और चलोगओ।
51जब बो जात पेती डगरएमे रहए, तओ बक नोकर बोके भेँटके बताइं कि “तुमर लौंणा जिन्दा हए।” 52तओ बिनसे पुछी कि “कबसे बोके अच्छो लागन लग्गओ?” तओ बे बोसे कही, “कल दुपाहरके एक बजे घेन बोको जाणो उतरिगओ।” 53तओ बो लौणक दौवा जानिगओ, कि जा बहे समयसे भओ, जौन समयमे येशू बोसे कही, “तुमर लौंणा नाए मरैगो।” जा देखके बो और बोको परिवार येशूमे बिश्वास करीं।
54जा येशूको दुस्रो शक्तिशाली चमत्कारको चिन्हा रहए, जो येशू यहूदिया परदेश मैसे गालील परदेशमे लौटके दिखाइ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.