लूका 11
11
प्राथनाके बारेमे येशूको शिक्षा
(मत्ती. 6:9-13; 7:7-11)
1बा कोइ एक ठाउँमे परमेश्वरसे प्राथना करत रहए। बा प्राथना करके पिच्छु चेला मैसे एक जनै येशूसे कही, “हे प्रभु, बप्तिस्मा देन बारो यूहन्ना अपन चेलाके सिखाओ जैसो हमके फिर परमेश्वरसे प्राथना करन सिखा।”
2येशू बिनसे कही, तुम परमेश्वरसे प्राथना करत पेती अइसे कहियओ,
“हे हमर दौवा
तुमर नाउँ पबित्र होए,
तुमर राज्य आबए।
3हमके रोजदिन बो खानु देओ जो हमके चाहोहए।
4और हमर पाप क्षमा करओ,
काहेकी हम फिर हमर बिरुद्धमे अपराध करन बारेके क्षमा करत हएं।
और हमके सतावटमे पणन मत् दियओ।”
मागत रहओ
(मत्ती. 7:7-11)
5“और येशू बिनसे कही, मानओकी तुम मैसे कोइ मनै, आधि रातके अपन सँगीके घरमे जाएके कही, ‘हे सँगी, मोके तीन रोटी सापटमे दइ देओ। 6काहेकी मिर एक सँगी, यात्रासे मिर ठिन आओ हए। और बोके खबानके ताहीं मिर ठिन कछु नाएहए।’
7बो भितरसे जबाफ दइके कहात हए, ‘मोके दु:ख मतदेओ, फाटक अब बन्द हुइगओ हए, और मिर लौंणालौंणीया मिर सँग सिथरीमे हएं। मए उठके तोके कछु नाए दइपए हओं।’ 8मए तुमसे कहात हओं, सँगी होएसे फिर रातके बोके उठके देन मन नाए लगहए, तहुँफिर बो मनै अपन सँगीसे लगातार मागत रएहए तओ उठके बोके जितका चाहो रहए, उत्का बोके देहए।
9मए तुमसे कहात हओं, मागओ, तओ तुमके मिलैगो। ढुणैगे तओ तुम पाबैगे, खटखटाबैगे त तुमर ताहीं खुलैगो। 10काहेकी जौन कोइ मागत हए, बोके मिलत हए; और जौन ढुणत हए, बो पातहए; जौन खटखटाबैगो, बोके ताहीं खुलो जाबैगो। 11तुम मैसे कौन दौवा हए, जौनको लौंणा रोटी माँगैगो तओ बोके पत्थर देहए, अगर तुमर लौंणा तुमसे मछ्री मगेहए तओ साँप देहए? 12और अण्डा मगेहए तओ बोके बिछी देहए? 13तुम खराब हुइके अपन लौंणालौंणीयाके अच्छी चीज देन जानत हओ कहेसे, स्वर्गमे होन बारो तुमर दौवासे मागन बारेके कित्तो जद्धा पबित्र आत्मा देबैगो।”
येशू और शैतानके सासक
(मत्ती. 12:22-29,43-45; मर्क. 3:20-27)
14येशू एक लौंणा मैसे भुत निकारत रहए, जो गुँगो रहए। जब भुत निकरो तओ बो गुँगा आदमी मसकन लागो, और आदमी अचम्मो मानिगए। 15पर बिन मैसे कोइ-कोइ कहीं, “भुतनको मालिक शैतानसे, येशू भुतनके निकारत हए।” 16और दुस्रे आदमी येशूके परीक्षा करन ताहीं स्वर्ग मैसे एक शक्तिशाली चमत्कारको चिन्हा मागीं। 17पर बिनको बिचार पता पाएके येशू बिनसे कही, “अगर कोइ राज्यके आदमी अइसे समुहमे बटजामंगे, जो एकदुस्रेसे लडाइ करतए रएहएं कहेसे, बो राज्य नेहात्तओ बर्बाद हुइजबैगो। जौन घरमे फुट होत हए, बो घर बर्बाद हुइजात हए। 18शैतान फिर अपनएमे बेमेल हुइहए कहेसे, बिनके राज्य कैसे टिकैगो? काहेकी तुम कहात हओ, कि मए शैतानसे भुत निकारत हओं। 19मए शैतानसे भुतनके निकारत हओं कहेसे, तुमर अनुसरण करन बारे काके मदतसे भुतके निकारत हएं? तभीमारे बेहीं तुमर न्याय करंगे। 20पर परमेश्वरको उँगरीसे मए भुत निकारत हओं कहेसे, परमेश्वरको राज्य तुमर ठिन आइगओ हए।
21हथियार लैके तयार भओ बलवान आदमीसे तुलना करो जाए सकत हए। जब बो बलवान आदमी अपन घरको रक्षा करत हए कहेसे बोको मालसामान सुरक्षित रहात हए। 22अगर बोसे फिर बलवान आएके बोके आक्रमण करके बोके जितैगो कहेसे, बोको भरोसा करो जम्मा हथियार छिनाएके लैचलो जएहए, और बोको मालसमान लुटके बाँटदेहए।
23जौन मिर पक्षमे नाए हए, बो मिर बिरुद्धमे रहात हए, और जौन मिर सँग नाए बटोरैगो, बो बिगदजाबैगो।”
भुत करी घरको तलासी
(मत्ती. 12:43-45)
24जब भुत, आदमीसे निकरके जातहए, तओ बो सुख्खा ठाउँमे बिश्राम ढुणत नेँगत हए, और कहुँफिर कोइ ठाउँ पातनाए हए, तओ बो अपन मनएमनमे कहात हए, “जौन मनै मैसे मए निकरके आओ हओं, फिर दुस्राएके बोको जीबनमे चलोजएहओं।” 25तओ बो घुमके आत हए, तओ बो घर सफा और सजो भओ पातहए। 26तओ बो जाएके अपनेसे फिर जद्धा औ सात भुत सँगमे लात हए, और बे भितर घुसत हएं और हुवाँ बैठत हएं। और फिर बो आदमीको पिच्छुको दसा पहिलेसे जद्धा खराब होतहए।
27जब येशू जा बात कहातए रहए, तओ भिड मैसे एक बैयर चिल्लाएके कही, “धन्य हए बो बैयर जौन तोके जनम दइ और अपन दुध पिबाइ।”
28तओ येशू कही, “बरु बे धन्य हएं, जौन परमेश्वरको बचन सुनत हएं और पालन करत हएं।”
चिन्हको माँग
(मत्ती. 12:38-42; मर्क. 8:12)
29भिड जम्मा होतए समयमे येशू कही, “जा पिढी खराब पिढी हए। जा चिन्हा ढुणत हए, पर योनाको शक्तिशाली चमत्कार बाहेक जाके और कोइ चिन्हा नाए दओ जएहए। 30काहेकी जौन रितिसे योना निनवेको आदमीनके ताहीं चिन्हा भओ रहए। बहे रितिसे मए, आदमीको लौंणा फिर जा पिढीके ताहीं चिन्हा हओं। 31न्यायमे जा पिढीके आदमी सँग दक्खिन देशकी महारानी उठके इनके दोषी ठहराबैगी, काहेकी बो पृथ्वीके किनारेसे सोलोमनको बुद्धि सुनन्के ताहीं आइ रहए। पर देखओ, हियाँ एक आदमी हए, जो सोलोमनसे महान हए। 32निनवेके आदमी न्यायमे जा पिढीके सँग ठाणके जाके दोषी ठहिरामंगे, काहेकी बे योनाको परचारमे पश्चात्ताप करत हएं। और देखओ, हियाँ एक आदमी हए, जो योनासे महान हए।
शरीरको दिया
(मत्ती. 5:15; 6:22-23)
33कोइ दिया पजारके गुप्त ठिहामे और बर्तनतरे नाए धरत हएं, पर भितर जान बारे सबएके उजियारो देबए करके आरोमे धरत हएं। 34तुमर शरीरकी दिया तुमर आँखी हए और तुमर पुरी शरीरके ताहीं उजियारो हुइहए, पर तुमर आँखी खराब हए कहेसे, तुमर शरीर फिर अँध्यारी हुइहए। 35जहेमारे होसियार रहओ, तुमरमे जो उजियारो हए, बो कभी फिर अंधियारो नाए होबए। 36अगर तुमर सब शरीर उजियारोसे भरोहए कहेसे, और कोइ भाग अँध्यारो नाए हए कहेसे, बो सब अइसीयए उजियारो हुइहए, जैसेकी दियाको किरण तुमके उजियारो देतहए।”
फरिसीको समुहनमे धिक्कारके मस्की
(मत्ती. 23:1-36; मर्क. 12:38-40; लूक. 20:45-47)
37जब येशू मसकडारी, तओ एक जनै फरिसीनको समुहको आदमी येशूके खानु खान खबर पठाइ। येशू घर भितर जाएके खानु खान बैठो। 38पर खानु खानसे अग्गु, येशूके हात नाएधोत देखके, फरिसीनको समुह अचम्मो मानिगए।
39पर प्रभु बिनसे कही, “तुम फरिसीनको समुह कटोरा और थरियाके बाहेर त माजत हओ, पर भितर फोहर राहत हए। अइसीयए तुम अपन हात त धोत हओ, पर तुमर मन फोहर रहात हए। तुम पुरो लालची और दुष्ट हओ। 40मुरख आदमीयओ, जौन बाहेरको भाग बनाइ, का बहे भितर फिर नाए बनाइ? 41बरु अपन भाँडा भितरको बचो खान बारी चीज, गरीबनके देओ और तुमर ताहीं सब चीज शुद्ध हुइ जाबैगो।
42पर फरिसीनको समुहओ, परमेश्वर तुमके दण्ड देहए! काहेकी तुम पुदिना, उर्द और हरेक जडीबुटीको दसंस देत हओ, पर न्याय और परमेश्वरको प्रेमको वास्ता नाए करत हओ। पर अच्छो जामे रहए, कि तुम न्याय और परमेश्वरके प्रेम करतए रहिते, और दसंस फिर देन नाए छुणते। 43फरिसीनको समुहके आदमीयओ, परमेश्वर तुमके दण्ड देहए! काहेकी तुम यहूदी सभाघरमे बडो-बडो आसन और बजारमे अभिबादन लेन तुमके अच्छो लागत हए। 44परमेश्वर तुमके दण्ड देहए! काहेकी तुम बो चिहान हानी हओ, जो नाए दिखात हएं, और पता नाए पाएके आदमी बिनके उपर नेँगत हएं।”
45नियम कानुन सिखान बारो मैसे एक आदमी येशूसे कही, “महान गुरु, जे बात करके तुम त हमर फिर बेज्जत करत हओ।” 46येशू कही, “हे नियम कानुन सिखान बारे पुजारी, परमेश्वर तुमके दण्ड देहए! काहेकी बोक नाए मिलन बारो बोझ तुम बक उपर लाददेत हओ, पर तुम अपनए एक उँगरीसे फिर बो बोझ नाए छुत हओ।
47परमेश्वर तुमके दण्ड देहए! काहेकी तुमर पुर्खा, जौन परमेश्वरके अगमबक्तनके मारीं, तुम बहे अगमबक्तनको चिहान बनात हओ। 48अइसियए तुम अपन पुर्खनको काममे साक्षी हओ, और बिनके सँग सहमत होत हओ। काहेकी बे बिनको हत्या करीं, और तुम हओ सो उनको चिहान बनात हओ। 49जहेमारे परमेश्वरको बुद्धि फिर कहात हए, कि मए बिनके ठिन परमेश्वरके अगमबक्तनके और चुनेभए चेलाके पठामंगो। उन मैसे कोइके मारङगे और कोइके सतामंगे। 50ताकी दुनियाको उत्पत्तिसे जित्नो फिर परमेश्वरके अगमबक्तनको खुन बहाओ गओ हए, बे सबको लेखा जा युगको आदमीनसे लओजाबैगो। 51हँ, मए तुमसे कहात हओं, हाबिलको खुनसे लैके वेदी और यरूशलेमको मन्दिरको पबित्रस्थानको बीचमे मरे भए जकरियाको खुन तकको लेखा जा पिढीसे लओजाबैगो।
52हे नियम कानुन सिखान बारे पण्डित, परमेश्वर तुमके दण्ड देहए! काहेकी तुम ज्ञानको चाभी लेन त लैलए, पर तुम अपनए फिर भितर घुसनाएपाए और घुसन बारेके फिर रोकतहओ।”
53जब येशू हुवाँसे निकरो, तओ मोशाको नियम कानुन सिखान बारे और फरिसीनको समुह बाको घोर बिरोध करत गजब बिषयमे बासे प्रश्न करन लागे, 54और बाको मुँहुँसे निकरी भइ बातमे, बाके फसानके दाउमे बैठे।
Currently Selected:
लूका 11: THRNT
Highlight
Share
Copy
Want to have your highlights saved across all your devices? Sign up or sign in
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.
लूका 11
11
प्राथनाके बारेमे येशूको शिक्षा
(मत्ती. 6:9-13; 7:7-11)
1बा कोइ एक ठाउँमे परमेश्वरसे प्राथना करत रहए। बा प्राथना करके पिच्छु चेला मैसे एक जनै येशूसे कही, “हे प्रभु, बप्तिस्मा देन बारो यूहन्ना अपन चेलाके सिखाओ जैसो हमके फिर परमेश्वरसे प्राथना करन सिखा।”
2येशू बिनसे कही, तुम परमेश्वरसे प्राथना करत पेती अइसे कहियओ,
“हे हमर दौवा
तुमर नाउँ पबित्र होए,
तुमर राज्य आबए।
3हमके रोजदिन बो खानु देओ जो हमके चाहोहए।
4और हमर पाप क्षमा करओ,
काहेकी हम फिर हमर बिरुद्धमे अपराध करन बारेके क्षमा करत हएं।
और हमके सतावटमे पणन मत् दियओ।”
मागत रहओ
(मत्ती. 7:7-11)
5“और येशू बिनसे कही, मानओकी तुम मैसे कोइ मनै, आधि रातके अपन सँगीके घरमे जाएके कही, ‘हे सँगी, मोके तीन रोटी सापटमे दइ देओ। 6काहेकी मिर एक सँगी, यात्रासे मिर ठिन आओ हए। और बोके खबानके ताहीं मिर ठिन कछु नाएहए।’
7बो भितरसे जबाफ दइके कहात हए, ‘मोके दु:ख मतदेओ, फाटक अब बन्द हुइगओ हए, और मिर लौंणालौंणीया मिर सँग सिथरीमे हएं। मए उठके तोके कछु नाए दइपए हओं।’ 8मए तुमसे कहात हओं, सँगी होएसे फिर रातके बोके उठके देन मन नाए लगहए, तहुँफिर बो मनै अपन सँगीसे लगातार मागत रएहए तओ उठके बोके जितका चाहो रहए, उत्का बोके देहए।
9मए तुमसे कहात हओं, मागओ, तओ तुमके मिलैगो। ढुणैगे तओ तुम पाबैगे, खटखटाबैगे त तुमर ताहीं खुलैगो। 10काहेकी जौन कोइ मागत हए, बोके मिलत हए; और जौन ढुणत हए, बो पातहए; जौन खटखटाबैगो, बोके ताहीं खुलो जाबैगो। 11तुम मैसे कौन दौवा हए, जौनको लौंणा रोटी माँगैगो तओ बोके पत्थर देहए, अगर तुमर लौंणा तुमसे मछ्री मगेहए तओ साँप देहए? 12और अण्डा मगेहए तओ बोके बिछी देहए? 13तुम खराब हुइके अपन लौंणालौंणीयाके अच्छी चीज देन जानत हओ कहेसे, स्वर्गमे होन बारो तुमर दौवासे मागन बारेके कित्तो जद्धा पबित्र आत्मा देबैगो।”
येशू और शैतानके सासक
(मत्ती. 12:22-29,43-45; मर्क. 3:20-27)
14येशू एक लौंणा मैसे भुत निकारत रहए, जो गुँगो रहए। जब भुत निकरो तओ बो गुँगा आदमी मसकन लागो, और आदमी अचम्मो मानिगए। 15पर बिन मैसे कोइ-कोइ कहीं, “भुतनको मालिक शैतानसे, येशू भुतनके निकारत हए।” 16और दुस्रे आदमी येशूके परीक्षा करन ताहीं स्वर्ग मैसे एक शक्तिशाली चमत्कारको चिन्हा मागीं। 17पर बिनको बिचार पता पाएके येशू बिनसे कही, “अगर कोइ राज्यके आदमी अइसे समुहमे बटजामंगे, जो एकदुस्रेसे लडाइ करतए रएहएं कहेसे, बो राज्य नेहात्तओ बर्बाद हुइजबैगो। जौन घरमे फुट होत हए, बो घर बर्बाद हुइजात हए। 18शैतान फिर अपनएमे बेमेल हुइहए कहेसे, बिनके राज्य कैसे टिकैगो? काहेकी तुम कहात हओ, कि मए शैतानसे भुत निकारत हओं। 19मए शैतानसे भुतनके निकारत हओं कहेसे, तुमर अनुसरण करन बारे काके मदतसे भुतके निकारत हएं? तभीमारे बेहीं तुमर न्याय करंगे। 20पर परमेश्वरको उँगरीसे मए भुत निकारत हओं कहेसे, परमेश्वरको राज्य तुमर ठिन आइगओ हए।
21हथियार लैके तयार भओ बलवान आदमीसे तुलना करो जाए सकत हए। जब बो बलवान आदमी अपन घरको रक्षा करत हए कहेसे बोको मालसामान सुरक्षित रहात हए। 22अगर बोसे फिर बलवान आएके बोके आक्रमण करके बोके जितैगो कहेसे, बोको भरोसा करो जम्मा हथियार छिनाएके लैचलो जएहए, और बोको मालसमान लुटके बाँटदेहए।
23जौन मिर पक्षमे नाए हए, बो मिर बिरुद्धमे रहात हए, और जौन मिर सँग नाए बटोरैगो, बो बिगदजाबैगो।”
भुत करी घरको तलासी
(मत्ती. 12:43-45)
24जब भुत, आदमीसे निकरके जातहए, तओ बो सुख्खा ठाउँमे बिश्राम ढुणत नेँगत हए, और कहुँफिर कोइ ठाउँ पातनाए हए, तओ बो अपन मनएमनमे कहात हए, “जौन मनै मैसे मए निकरके आओ हओं, फिर दुस्राएके बोको जीबनमे चलोजएहओं।” 25तओ बो घुमके आत हए, तओ बो घर सफा और सजो भओ पातहए। 26तओ बो जाएके अपनेसे फिर जद्धा औ सात भुत सँगमे लात हए, और बे भितर घुसत हएं और हुवाँ बैठत हएं। और फिर बो आदमीको पिच्छुको दसा पहिलेसे जद्धा खराब होतहए।
27जब येशू जा बात कहातए रहए, तओ भिड मैसे एक बैयर चिल्लाएके कही, “धन्य हए बो बैयर जौन तोके जनम दइ और अपन दुध पिबाइ।”
28तओ येशू कही, “बरु बे धन्य हएं, जौन परमेश्वरको बचन सुनत हएं और पालन करत हएं।”
चिन्हको माँग
(मत्ती. 12:38-42; मर्क. 8:12)
29भिड जम्मा होतए समयमे येशू कही, “जा पिढी खराब पिढी हए। जा चिन्हा ढुणत हए, पर योनाको शक्तिशाली चमत्कार बाहेक जाके और कोइ चिन्हा नाए दओ जएहए। 30काहेकी जौन रितिसे योना निनवेको आदमीनके ताहीं चिन्हा भओ रहए। बहे रितिसे मए, आदमीको लौंणा फिर जा पिढीके ताहीं चिन्हा हओं। 31न्यायमे जा पिढीके आदमी सँग दक्खिन देशकी महारानी उठके इनके दोषी ठहराबैगी, काहेकी बो पृथ्वीके किनारेसे सोलोमनको बुद्धि सुनन्के ताहीं आइ रहए। पर देखओ, हियाँ एक आदमी हए, जो सोलोमनसे महान हए। 32निनवेके आदमी न्यायमे जा पिढीके सँग ठाणके जाके दोषी ठहिरामंगे, काहेकी बे योनाको परचारमे पश्चात्ताप करत हएं। और देखओ, हियाँ एक आदमी हए, जो योनासे महान हए।
शरीरको दिया
(मत्ती. 5:15; 6:22-23)
33कोइ दिया पजारके गुप्त ठिहामे और बर्तनतरे नाए धरत हएं, पर भितर जान बारे सबएके उजियारो देबए करके आरोमे धरत हएं। 34तुमर शरीरकी दिया तुमर आँखी हए और तुमर पुरी शरीरके ताहीं उजियारो हुइहए, पर तुमर आँखी खराब हए कहेसे, तुमर शरीर फिर अँध्यारी हुइहए। 35जहेमारे होसियार रहओ, तुमरमे जो उजियारो हए, बो कभी फिर अंधियारो नाए होबए। 36अगर तुमर सब शरीर उजियारोसे भरोहए कहेसे, और कोइ भाग अँध्यारो नाए हए कहेसे, बो सब अइसीयए उजियारो हुइहए, जैसेकी दियाको किरण तुमके उजियारो देतहए।”
फरिसीको समुहनमे धिक्कारके मस्की
(मत्ती. 23:1-36; मर्क. 12:38-40; लूक. 20:45-47)
37जब येशू मसकडारी, तओ एक जनै फरिसीनको समुहको आदमी येशूके खानु खान खबर पठाइ। येशू घर भितर जाएके खानु खान बैठो। 38पर खानु खानसे अग्गु, येशूके हात नाएधोत देखके, फरिसीनको समुह अचम्मो मानिगए।
39पर प्रभु बिनसे कही, “तुम फरिसीनको समुह कटोरा और थरियाके बाहेर त माजत हओ, पर भितर फोहर राहत हए। अइसीयए तुम अपन हात त धोत हओ, पर तुमर मन फोहर रहात हए। तुम पुरो लालची और दुष्ट हओ। 40मुरख आदमीयओ, जौन बाहेरको भाग बनाइ, का बहे भितर फिर नाए बनाइ? 41बरु अपन भाँडा भितरको बचो खान बारी चीज, गरीबनके देओ और तुमर ताहीं सब चीज शुद्ध हुइ जाबैगो।
42पर फरिसीनको समुहओ, परमेश्वर तुमके दण्ड देहए! काहेकी तुम पुदिना, उर्द और हरेक जडीबुटीको दसंस देत हओ, पर न्याय और परमेश्वरको प्रेमको वास्ता नाए करत हओ। पर अच्छो जामे रहए, कि तुम न्याय और परमेश्वरके प्रेम करतए रहिते, और दसंस फिर देन नाए छुणते। 43फरिसीनको समुहके आदमीयओ, परमेश्वर तुमके दण्ड देहए! काहेकी तुम यहूदी सभाघरमे बडो-बडो आसन और बजारमे अभिबादन लेन तुमके अच्छो लागत हए। 44परमेश्वर तुमके दण्ड देहए! काहेकी तुम बो चिहान हानी हओ, जो नाए दिखात हएं, और पता नाए पाएके आदमी बिनके उपर नेँगत हएं।”
45नियम कानुन सिखान बारो मैसे एक आदमी येशूसे कही, “महान गुरु, जे बात करके तुम त हमर फिर बेज्जत करत हओ।” 46येशू कही, “हे नियम कानुन सिखान बारे पुजारी, परमेश्वर तुमके दण्ड देहए! काहेकी बोक नाए मिलन बारो बोझ तुम बक उपर लाददेत हओ, पर तुम अपनए एक उँगरीसे फिर बो बोझ नाए छुत हओ।
47परमेश्वर तुमके दण्ड देहए! काहेकी तुमर पुर्खा, जौन परमेश्वरके अगमबक्तनके मारीं, तुम बहे अगमबक्तनको चिहान बनात हओ। 48अइसियए तुम अपन पुर्खनको काममे साक्षी हओ, और बिनके सँग सहमत होत हओ। काहेकी बे बिनको हत्या करीं, और तुम हओ सो उनको चिहान बनात हओ। 49जहेमारे परमेश्वरको बुद्धि फिर कहात हए, कि मए बिनके ठिन परमेश्वरके अगमबक्तनके और चुनेभए चेलाके पठामंगो। उन मैसे कोइके मारङगे और कोइके सतामंगे। 50ताकी दुनियाको उत्पत्तिसे जित्नो फिर परमेश्वरके अगमबक्तनको खुन बहाओ गओ हए, बे सबको लेखा जा युगको आदमीनसे लओजाबैगो। 51हँ, मए तुमसे कहात हओं, हाबिलको खुनसे लैके वेदी और यरूशलेमको मन्दिरको पबित्रस्थानको बीचमे मरे भए जकरियाको खुन तकको लेखा जा पिढीसे लओजाबैगो।
52हे नियम कानुन सिखान बारे पण्डित, परमेश्वर तुमके दण्ड देहए! काहेकी तुम ज्ञानको चाभी लेन त लैलए, पर तुम अपनए फिर भितर घुसनाएपाए और घुसन बारेके फिर रोकतहओ।”
53जब येशू हुवाँसे निकरो, तओ मोशाको नियम कानुन सिखान बारे और फरिसीनको समुह बाको घोर बिरोध करत गजब बिषयमे बासे प्रश्न करन लागे, 54और बाको मुँहुँसे निकरी भइ बातमे, बाके फसानके दाउमे बैठे।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.