मर्कूस 7
7
परम्परा और नियम
(मत्ती. 15:1-20)
1एक दिन, यरूशलेम सहरसे आएभए, फरिसीनको समुह और मोशाको नियम कानुन सिखान बारे आदमी, येशूके चारऔ तरफ इकट्ठा हुइगए। 2बे देखीं, कि येशूके कुछ चेला अइसो हातसे खानु खात रहएं जो अशुद्ध रहए, जौनको अर्थ जा हए, कि रितीरिबाजके अनुसार बे अपने हात नाए धोइ रहएं। 3सब यहूदी आदमी, खास करके फरिसीनको समुह खानु खानसे पहिले हमेसा पुर्खनको परम्परा अनुसार बे अपन हातके धोत रहएं। 4बजारसे आएके बे आदमी, खानु खानसे पहिले हमेसा अपनी रितीरिबाजके अनुसार हात धोत रहएं। बिनको पुर्खनको औ फिर कित्नो रिति रिबाज हएं, जौननके बे मानत रहएं जैसे कि कटोरा, पानीको बरतन और काँसोके बरतन धोनो-माँजनो।
5बे जो देखी रहएं बहेमारेसे, फरिसीनको समुह और मोशाको नियम कानुन सिखान बारे येशूसे पुछीं, “तुमर चेला हमर पुर्खाको परम्पराके काहेनाए मानत हएं? बे अशुद्ध हातसे खानु काहे खात हएं?”
6येशू बिनके जबाफ दइ, “यशैया कही रहए, जब बो पबित्र-शास्त्रमे तुम जैसे कपटीनके बारेमे भबिष्यबाणी करी, अइसो लिखो हए,
‘जे आदमी अपन मुँहुँसे इकल्लो मिर प्रसंसा करत हएं,
पर जो बे कहात हएं, बोको बिनके ताहीं कोइ अर्थ नाएहए।
7बे व्यर्थमे मोके आदर देनके ताहीं आराधना करत हएं,
और बिनको शिक्षा आदमीनको सिखाइ भइ बिधि इकल्लो हए।’ 8तुम परमेश्वरको आज्ञानके पालन करन छोडदए हओ और पुर्खानको परम्पराके पालन करत हओ।”
9बा बिनसे कही, “तुम परमेश्वरके नियमके भंग करदेत हओ, ताकी तुम कामके अपनी परम्पराके जैसो करपाबओ। 10जैसकी मोशा कही हए, ‘अपन अइयादौवाके आदर करओ,’ और ‘जो अपन अइयादौवाके बिरुद्धमे खराब बात बोलैगो बोके मरनए पणैगो।’ 11-12अगर कुइ आदमी अपन दौवा और अइयासे कएहए, ‘मए तिर मदत नाए कर सकत हओं काहेकी जो मोए तोके देन रहए बो मए परमेश्वरके देन कसम खाओ हओं। जहेमारे जा दान केबल परमेश्वरके ताहीं हए।’ और फिर तओसे, तुम बो आदमीके बक अइयादौवाकी मदत करनके अनुमति नाए देत हओ, जैसेकी परमेश्वरको आज्ञा सिखात हए। 13अइसियए, तुम अपनो चलो भओ परम्पराके पालन करके परमेश्वरको बचनके वास्ता नाए करत हओ। और अइसे बहुत खराब काम तुम करत हओ।”
आदमीनके अशुद्ध करन बारी बात
14येशू आदमीनके फिरसे अपन ठिन बुलाएके बिनसे कही, “तुम सब मिर बात सुनओ और बुझओ। 15अइसो कोइ बात नाए हए जो बाहिरसे आदमीके भितर घुसके अशुद्ध करैगो, पर जो बात आदमीनके हृदयसे बाहिर निकरत हए बहे बात आदमीनके अशुद्ध करत हए।” 16और बा कही, “तुम जो सुनरहे हओ, जो तुम सुने हओ बोके बारेमे ध्यानसे सोँचओ।” 17भिडके छोडके जब येशू घर भितर घुसो तओ येशूके चेला कहानीके बारेमे बोको अर्थ पुछीं। 18बा बिनसे कही, “का तुम हबए फिर नाए समझ पाएहओ? तुमके जा सम्झन पणैगो, कि जो खानु हम खातहएं बो हमके परमेश्वरके अग्गु अपबित्र नाए बनातहए। 19काहेकी बो खानु बोको हृदयमे नाए, पर पेट भितर घुसत हए और बाहिर निकर जातहए।” अइसियए, बा सब खानु शुद्ध हए कहिके बताए दइ। 20येशू कही, “आदमी जो सोचतहएं, कहातहएं और करत हएं, बहे बिनके परमेश्वरके अग्गु अशुद्ध बनातहए। 21काहेकी, हृदय हर मेलको बुराइको जर हए, जैसेकी खराब बिचार, व्यभिचार, चोरी, हत्या, परस्त्रीगमन, 22लोभ, खराब काम, छल, छाडापन, ईष्या, बदनाम, घमण्ड, मूर्खता। 23जे सब खराब बात हृदयसे निकरत हएं, और आदमीके अशुद्ध करत हएं।”
गैर-बिश्वासी बैयरकी बिश्वास
(मत्ती. 15:21-28)
24तओ पिच्छु, हुवाँसे उठके येशू और बाके चेला टुरोस सहरको आसपासके क्षेत्रमे गए। बे एक घरके भितर घुसे और जा बात कोइ पता नाए पामएं करके येशू चाँहत रहए। पर आदमीनके जल्दी पता चलीगओ, कि येशू हुवाँ रहए। 25बहेबेरा, एक बैयर येशूके बारेमे सुनी और आएके येशूके आदर देनके ताहीं घुपटा पणी। बा बैयरकी छोटी लौंणीयाके भुत लागो रहए। 26बा एक ग्रीक भाषा मस्कन बारी बैयर रहए, जो सिरिया परदेशको, फोनिके इलाकामे जन्मी रहए। बो बैयर अपन लौंणीयाको भुत निकारदे करके येशूसे बिन्ती करी। 27येशू बोसे कही, “पहिले मोए मिर घर बारेनके, अर्थात् यहूदीनके मदत करन पणैगो। काहेकी लौंणा-लौंणीयनकी रोटी लैके कुत्तनके अग्गु फेकदेनो ठिक नाए हए।”
28बो बैयर समझीगइ, कि येशू गैर-यहूदीनके कुत्ता और यहूदीनके बालकन्के दर्साए रहो हए, तब्ही बो येशूसे कही, “जा ठिक हए प्रभु, पर कुत्ता फिर लौंणालौंणीयाके टेबुल तरेके डुठो बिनके खात हएं।” 29तओ येशू बोके जबाफ दइ, “तए बिश्वाससे जबाफ दओ हए, जहेमारे तए अब घर चलो जा, तिर लौंणीयासे भुत निकरीगओ हए।”
30तओ बो घरे गइ और लौंणीयाके खटियामे सोत पाइ और भुत बोसे निकरिगओ रहए।
बहिरा और गुँगा आदमी
31तओ पिच्छु येशू और बाके चेला टुरोसको सहरके आस-पासके इलाकाके छोडके सिदोन सहर हुइके गए। फिर बे डेकापोलिससे हुइके गए, और फिर गालील समुन्दर ढिँगैको नगरमे गए। 32हुवाँ आदमी एक बहिरा और गुँगो आदमीके येशू ठिन लियाइं, और बाके उपर हात धरदेबए करके बासे बिन्ती करीं ताकी बो अच्छो हुइजाए।
33येशू बोके भिडसे अलग एकन्तमे लैगओ और अपन उँगरी बक कानमे लगाइ। तओ पिच्छु बा अपन उँगरीमे थुकी और बो आदमीक जिभके छुइ। 34और स्वर्ग घेन देखके येशू गहिरी सास लइ। तओ येशू आदमीसे कही, “इफ्फाता,” अर्थात् “खुलिजा।” 35एकघरिमे, बो आदमी अच्छेसे सुनन लागो और कुछ अग्ठो नाए मानके जिभ चलाएके मस्कन लागो।
36जा कोइसे मत् कहियओ करके येशू बिनके आज्ञा दइ। पर जित्तोजित्तो बा आदमीनके आज्ञा देत रहए, कि औरेनके नाए बताएं, पर बहुत जद्धा उत्सहासे बे औरेनके बीचमे जा खबरके फैलान लागे। 37आदमी अचम्मो मानके कहान लागे, “बा जो करीहए बहुत भलो करीहए! हियाँतककी बा बहिरनके सुनन और गुँगनके मस्कन बारो बनातहए।”
Currently Selected:
मर्कूस 7: THRNT
Highlight
Share
Copy
Want to have your highlights saved across all your devices? Sign up or sign in
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.
मर्कूस 7
7
परम्परा और नियम
(मत्ती. 15:1-20)
1एक दिन, यरूशलेम सहरसे आएभए, फरिसीनको समुह और मोशाको नियम कानुन सिखान बारे आदमी, येशूके चारऔ तरफ इकट्ठा हुइगए। 2बे देखीं, कि येशूके कुछ चेला अइसो हातसे खानु खात रहएं जो अशुद्ध रहए, जौनको अर्थ जा हए, कि रितीरिबाजके अनुसार बे अपने हात नाए धोइ रहएं। 3सब यहूदी आदमी, खास करके फरिसीनको समुह खानु खानसे पहिले हमेसा पुर्खनको परम्परा अनुसार बे अपन हातके धोत रहएं। 4बजारसे आएके बे आदमी, खानु खानसे पहिले हमेसा अपनी रितीरिबाजके अनुसार हात धोत रहएं। बिनको पुर्खनको औ फिर कित्नो रिति रिबाज हएं, जौननके बे मानत रहएं जैसे कि कटोरा, पानीको बरतन और काँसोके बरतन धोनो-माँजनो।
5बे जो देखी रहएं बहेमारेसे, फरिसीनको समुह और मोशाको नियम कानुन सिखान बारे येशूसे पुछीं, “तुमर चेला हमर पुर्खाको परम्पराके काहेनाए मानत हएं? बे अशुद्ध हातसे खानु काहे खात हएं?”
6येशू बिनके जबाफ दइ, “यशैया कही रहए, जब बो पबित्र-शास्त्रमे तुम जैसे कपटीनके बारेमे भबिष्यबाणी करी, अइसो लिखो हए,
‘जे आदमी अपन मुँहुँसे इकल्लो मिर प्रसंसा करत हएं,
पर जो बे कहात हएं, बोको बिनके ताहीं कोइ अर्थ नाएहए।
7बे व्यर्थमे मोके आदर देनके ताहीं आराधना करत हएं,
और बिनको शिक्षा आदमीनको सिखाइ भइ बिधि इकल्लो हए।’ 8तुम परमेश्वरको आज्ञानके पालन करन छोडदए हओ और पुर्खानको परम्पराके पालन करत हओ।”
9बा बिनसे कही, “तुम परमेश्वरके नियमके भंग करदेत हओ, ताकी तुम कामके अपनी परम्पराके जैसो करपाबओ। 10जैसकी मोशा कही हए, ‘अपन अइयादौवाके आदर करओ,’ और ‘जो अपन अइयादौवाके बिरुद्धमे खराब बात बोलैगो बोके मरनए पणैगो।’ 11-12अगर कुइ आदमी अपन दौवा और अइयासे कएहए, ‘मए तिर मदत नाए कर सकत हओं काहेकी जो मोए तोके देन रहए बो मए परमेश्वरके देन कसम खाओ हओं। जहेमारे जा दान केबल परमेश्वरके ताहीं हए।’ और फिर तओसे, तुम बो आदमीके बक अइयादौवाकी मदत करनके अनुमति नाए देत हओ, जैसेकी परमेश्वरको आज्ञा सिखात हए। 13अइसियए, तुम अपनो चलो भओ परम्पराके पालन करके परमेश्वरको बचनके वास्ता नाए करत हओ। और अइसे बहुत खराब काम तुम करत हओ।”
आदमीनके अशुद्ध करन बारी बात
14येशू आदमीनके फिरसे अपन ठिन बुलाएके बिनसे कही, “तुम सब मिर बात सुनओ और बुझओ। 15अइसो कोइ बात नाए हए जो बाहिरसे आदमीके भितर घुसके अशुद्ध करैगो, पर जो बात आदमीनके हृदयसे बाहिर निकरत हए बहे बात आदमीनके अशुद्ध करत हए।” 16और बा कही, “तुम जो सुनरहे हओ, जो तुम सुने हओ बोके बारेमे ध्यानसे सोँचओ।” 17भिडके छोडके जब येशू घर भितर घुसो तओ येशूके चेला कहानीके बारेमे बोको अर्थ पुछीं। 18बा बिनसे कही, “का तुम हबए फिर नाए समझ पाएहओ? तुमके जा सम्झन पणैगो, कि जो खानु हम खातहएं बो हमके परमेश्वरके अग्गु अपबित्र नाए बनातहए। 19काहेकी बो खानु बोको हृदयमे नाए, पर पेट भितर घुसत हए और बाहिर निकर जातहए।” अइसियए, बा सब खानु शुद्ध हए कहिके बताए दइ। 20येशू कही, “आदमी जो सोचतहएं, कहातहएं और करत हएं, बहे बिनके परमेश्वरके अग्गु अशुद्ध बनातहए। 21काहेकी, हृदय हर मेलको बुराइको जर हए, जैसेकी खराब बिचार, व्यभिचार, चोरी, हत्या, परस्त्रीगमन, 22लोभ, खराब काम, छल, छाडापन, ईष्या, बदनाम, घमण्ड, मूर्खता। 23जे सब खराब बात हृदयसे निकरत हएं, और आदमीके अशुद्ध करत हएं।”
गैर-बिश्वासी बैयरकी बिश्वास
(मत्ती. 15:21-28)
24तओ पिच्छु, हुवाँसे उठके येशू और बाके चेला टुरोस सहरको आसपासके क्षेत्रमे गए। बे एक घरके भितर घुसे और जा बात कोइ पता नाए पामएं करके येशू चाँहत रहए। पर आदमीनके जल्दी पता चलीगओ, कि येशू हुवाँ रहए। 25बहेबेरा, एक बैयर येशूके बारेमे सुनी और आएके येशूके आदर देनके ताहीं घुपटा पणी। बा बैयरकी छोटी लौंणीयाके भुत लागो रहए। 26बा एक ग्रीक भाषा मस्कन बारी बैयर रहए, जो सिरिया परदेशको, फोनिके इलाकामे जन्मी रहए। बो बैयर अपन लौंणीयाको भुत निकारदे करके येशूसे बिन्ती करी। 27येशू बोसे कही, “पहिले मोए मिर घर बारेनके, अर्थात् यहूदीनके मदत करन पणैगो। काहेकी लौंणा-लौंणीयनकी रोटी लैके कुत्तनके अग्गु फेकदेनो ठिक नाए हए।”
28बो बैयर समझीगइ, कि येशू गैर-यहूदीनके कुत्ता और यहूदीनके बालकन्के दर्साए रहो हए, तब्ही बो येशूसे कही, “जा ठिक हए प्रभु, पर कुत्ता फिर लौंणालौंणीयाके टेबुल तरेके डुठो बिनके खात हएं।” 29तओ येशू बोके जबाफ दइ, “तए बिश्वाससे जबाफ दओ हए, जहेमारे तए अब घर चलो जा, तिर लौंणीयासे भुत निकरीगओ हए।”
30तओ बो घरे गइ और लौंणीयाके खटियामे सोत पाइ और भुत बोसे निकरिगओ रहए।
बहिरा और गुँगा आदमी
31तओ पिच्छु येशू और बाके चेला टुरोसको सहरके आस-पासके इलाकाके छोडके सिदोन सहर हुइके गए। फिर बे डेकापोलिससे हुइके गए, और फिर गालील समुन्दर ढिँगैको नगरमे गए। 32हुवाँ आदमी एक बहिरा और गुँगो आदमीके येशू ठिन लियाइं, और बाके उपर हात धरदेबए करके बासे बिन्ती करीं ताकी बो अच्छो हुइजाए।
33येशू बोके भिडसे अलग एकन्तमे लैगओ और अपन उँगरी बक कानमे लगाइ। तओ पिच्छु बा अपन उँगरीमे थुकी और बो आदमीक जिभके छुइ। 34और स्वर्ग घेन देखके येशू गहिरी सास लइ। तओ येशू आदमीसे कही, “इफ्फाता,” अर्थात् “खुलिजा।” 35एकघरिमे, बो आदमी अच्छेसे सुनन लागो और कुछ अग्ठो नाए मानके जिभ चलाएके मस्कन लागो।
36जा कोइसे मत् कहियओ करके येशू बिनके आज्ञा दइ। पर जित्तोजित्तो बा आदमीनके आज्ञा देत रहए, कि औरेनके नाए बताएं, पर बहुत जद्धा उत्सहासे बे औरेनके बीचमे जा खबरके फैलान लागे। 37आदमी अचम्मो मानके कहान लागे, “बा जो करीहए बहुत भलो करीहए! हियाँतककी बा बहिरनके सुनन और गुँगनके मस्कन बारो बनातहए।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rana Tharu Bible (राना थारु) by The Love Fellowship is licensed under Creative Commons Attribution-ShareAlike 4.0 License.