ମାଥିଉ 25
25
ଦଶ୍ଗଟ୍ କ୍ନିଆର୍ ଦ୍କାଇକ୍ରି କ୍ଉତା କ୍ତା
1ସେଡେବ୍ଳ୍ ଯୀଶୁ ସେମ୍ନ୍କେ ଗଟେକ୍ ଦ୍କାଇକ୍ରି କ୍ଉତା ସ୍ଙ୍ଗ୍ କଇଲା, “ସ୍ର୍ଗ୍ ରାଇଜ୍ ଅନ୍କାର୍ ଦ୍ଶ୍ଗଟ୍ କ୍ନିଆ ଦ୍ଙ୍ଗ୍ଳି ହର୍ ଅଇଦ୍। ସେମ୍ନ୍ ନିଜାର୍ ନିଜାର୍ କୁପି ଦ୍ରି ବ୍ରକେ ମିସୁକେ ବାର୍ଲାଇ। 2ସେମ୍ନ୍କାର୍ ବିତ୍ରେ ହାଁଚ୍ ଲକ୍ ବୁଦି ନଇଲାର୍ ଆର୍ ହାଁଚ୍ ଲକ୍ ବ୍ଲ୍ ବୁଦିରିଲା ଦ୍ଙ୍ଗ୍ଳି ରିଲାଇ। 3ବୁଦି ନଇଲା ଦ୍ଙ୍ଗ୍ଳିମ୍ନ୍ କୁପି ନେତାବ୍ଳ୍ ନିଜାର୍ ନିଜାର୍ ଲାଗି କ୍ଣ୍ଡେକ୍ ଅଗ୍ଡା ଚିକାଣ୍ ନ୍ଇ ନ୍କେର୍ତି, 4ମ୍ତର୍ ବ୍ଲ୍ ବୁଦିରିଲା ଦ୍ଙ୍ଗ୍ଳିମ୍ନ୍ ନିଜାର୍ ନିଜାର୍ କୁପି ସ୍ଙ୍ଗ୍ ଟାଙ୍ଗାଇ ଚିକାଣ୍ ନ୍ଇରିଲାଇ। 5ବ୍ର୍ ଆସ୍ତାବ୍ଳ୍ ମ୍ନ୍ଚା ଅଇଲାକେ ସ୍ବୁ ଲକ୍ ଗୁନି ଗୁନି ରିଲାଇ ଆର୍ ସଇ ଦିଲାଇ। 6ମ୍ତର୍ ମ୍ଜାରାତି ‘ଇରି ଦ୍କା, ବ୍ର ଦ୍ଙ୍ଗ୍ଳା ଆଇଲା!, ତାର୍ସ୍ଙ୍ଗ୍ ଦ୍କା କ୍ରୁକେ ହ୍ଦାଇ ବାର୍ ଅଉଆ’, ଅନ୍କ୍ରି ବେଲ୍କି ଅଇଲା ହର୍ ଅଇଲି। 7ସେଡେବ୍ଳ୍ ସେ କ୍ନିଆ ମ୍ନ୍ ସ୍ବୁ ଉଟିକ୍ରି ନିଜାର୍ ନିଜାର୍ କୁପି ସ୍ଜାଇ ଲାଇ। 8ମ୍ତର୍ ବୁଦି ନଇଲା କ୍ନିଆ ଦ୍ଙ୍ଗ୍ଳିମ୍ନ୍ ବୁଦିରିଲା କ୍ନିଆ ଦ୍ଙ୍ଗ୍ଳିମ୍ନ୍କେ କଇଲାଇ, ତୁମାର୍ ଚିକାଣ୍ ଅମୁକ୍ କ୍ଣ୍ତେକ୍ ଦିଆ, କାଇତାକ୍ ଅମାର୍ କୁପି ସ୍ବୁ ଲିବି ଜ୍ମ୍ଲି। 9ମ୍ତର୍ ବୁଦିରିଲା ଦ୍ଙ୍ଗ୍ଳିମ୍ନ୍ କଇଲାଇ, ନାଇ, ନାଇ, ଯଦି ଅମି ତୁମୁକେ କ୍ଣ୍ତେକ୍ ଦେମ୍ନ୍ଦେ, ତ୍ବେ ତୁମୁକେ ଆର୍ ଆମୁକେ ନ୍କେଟେ, ନ୍ଇଲେକ୍ ତୁମିମ୍ନ୍ ଦୁକାଣ୍ ବାଲାର୍ ଲ୍ଗେ ଜାଇ ନିଜାର୍ ନିଜାର୍ ଗିନେ ଗେନି ଆଣା। 10ମ୍ତର୍ ସେମ୍ନ୍ ଚିକାଣ୍ ଗେନୁକେ ଜାତାବ୍ଳ୍ ବ୍ର ଆଇଲା, ଆରେକ୍, ଜୁଇ କ୍ନିଆ ଦ୍ଙ୍ଗ୍ଳିମ୍ନ୍ ତିଆର୍ ଅଇରିଲାଇ, ସେମ୍ନ୍ ତାର୍ସ୍ଙ୍ଗ୍ ବିବା ବଜିର୍ ଗିନେ ଗ୍ରେ ହୁର୍ଲାଇ, ଆର୍ କାହାଟ୍ ବ୍ନ୍ଦ୍ ଅଇଲି। 11ଆର୍ ହ୍ଚେ ଅଲ୍ଗା କନିଆ ଦ୍ଙ୍ଗ୍ଳିମ୍ନ୍ ହେଁ ଆସି କଇଲାଇ, ‘ଏ ମାପ୍ରୁ, ଏ ମାପ୍ରୁ, ଅମାର୍ମ୍ନ୍କାର୍ ଗିନେ କାହାଟ୍ ଉଗାଳିଦେ।’ 12ମ୍ତର୍ ସେ କଇଲା, ‘ମୁଇ ତୁମୁକ୍ମ୍ନ୍ ସ୍ତ୍ କ୍ମ୍ଲେ, ମୁଇ ତୁମୁକ୍ମ୍ନ୍କେ ଜାଣି ନ୍କେରି।’ 13ତ୍ବେ, ଜାଗ୍ରତ୍ ଅଇରିଆ, କାଇତାକ୍ ତୁମିମ୍ନ୍ ମୁଇ ଲେଉଟି ଆସ୍ତା ଦିନ୍ ଜାଣି ନ୍କେରାସ୍।”
ତୋଡାର୍ ଦ୍କାଇକ୍ରି କ୍ଉତା କ୍ତା
(ଲୁକ ୧୯:୧୧-୨୭)
14ସେଡେବ୍ଳ୍ ଯୀଶୁ ସେମ୍ନ୍କେ କଇଲା, “ଜ୍ଡେବ୍ଳ୍ ମୁଇ ଲେଉଟିକ୍ରି ଆସିନ୍, ସ୍ର୍ଗ୍ ରାଇଜ୍ ର୍ଜା ହେଁ ଅନ୍କାର୍ ଗଟେକ୍ ଲକ୍, ଯେ ବିଦେଶ୍କେ ଜାତାବ୍ଳ୍ ନିଜାର୍ ଦାସ୍ମ୍ନ୍କେ କୁଦି, ସେମ୍ନ୍କାର୍ ଆତେ ନିଜାର୍ ସ୍ବୁ ସ୍ହ୍ରିଦିଲା। 15ସେ ଗଟେଲକ୍କେ ହାଁଚ୍ ତୋଡା, ବିନ୍ ଗଟେଲକ୍କେ ଦୁଇ ତୋଡା, ଆର୍ ଗଟେଲକ୍କେ ଗଟେକ୍ ତୋଡା, ଅନ୍କ୍ରି ସ୍ବୁ ଲକ୍କେ ତାର୍ ଶ୍କ୍ତିର୍ ହର୍ ଦ୍ଇ ବିଦେଶ୍କେ ଗ୍ଲା। 16ଜୁଇ ଗଟେଲକ୍ ହାଁଚ୍ ତୋଡା ହାଇରିଲା, ସେ ସେମାଡେ ସେରି ନ୍ଇ ବେପାର୍ କ୍ରି ଆରେକ୍ ହାଁଚ୍ ତୋଡା ଲାବ୍ କ୍ଲା। 17ସେନ୍କ୍ରି ଯେ ଦୁଇ ତୋଡା ହାଇରିଲା, ସେ ଆରେକ୍ ଦୁଇ ତୋଡା ଲାବ୍ କ୍ଲା। 18ମ୍ତର୍ ଯେ ଗଟେକ୍ ତୋଡା ହାଇରିଲା, ସେ ଜାଇ ବୁଇଁ କ୍ଣି ନିଜାର୍ ମାପ୍ରୁ ଦିଲା ତୋଡାକେ ତହି ଲୁକାଇକ୍ରି ସ୍ଙ୍ଗାଇଲା। 19ବେସିଦିନ୍ ହ୍ଚେ ସେ ଦାସ୍ ମ୍ନ୍କାର୍ ମାପ୍ରୁ ଆସି ସେମ୍ନ୍କାର୍ ସ୍ଙ୍ଗ୍ ଇସାବ୍ କ୍ଲା। 20ଆର୍, ଜୁଇ ଏକ୍ଲା ହାଁଚ୍ ତୋଡା ହାଇରିଲା, ସେ ଆରେକ୍ ହାଁଚ୍ ତୋଡା ଆଣିକ୍ରି କଇଲା, ‘ଏ ମାପ୍ରୁ, ତୁଇମକେ ହାଁଚ୍ ତୋଡା ଦ୍ଇ ରିଲିସ୍। ଦ୍କ୍, ମୁଇ ଆରେକ୍ ହାଁଚ୍ ତୋଡା ଲାବ୍ କ୍ରିଆଚି।’ 21ତାର୍ ମାପ୍ରୁ ତାକେ କଇଲା, ‘ବାସ୍, ତୁଇ ବ୍ଲ୍ ବିଶ୍ବାସି ଦାସ୍, ତୁଇ ଗଟେକ୍ ସାନ୍ କାମେ ବିଶ୍ବାସ୍ ଅଇଲିସ୍, ମୁଇ ତକେ ବେସି ବିଷଇ ଉହ୍ରେ ବାଚିନ୍ଦ୍, ତୁମି ନିଜାର୍ ମାପ୍ରୁର୍ ସ୍ଙ୍ଗ୍ ସ୍ର୍ଦା ଅଉଆ।’ 22ଆରେକ୍, ଯେ ଦୁଇ ତୁଳା ହାଇରିଲା, ସେ ହେଁ ଆସି କଇଲା, ‘ଏ ମାପ୍ରୁ, ତୁଇମକେ ଦୁଇ ତୁଳା ଦ୍ଇ ରିଲିସ୍। ଦ୍କ୍, ମୁଇ ଆରେକ୍ ଦୁଇ ତୁଳା ଲାବ୍ କ୍ରିଆଚି।’ 23ତାର୍ ମାପ୍ରୁ ତାକେ କଇଲା, ‘ବାସ୍, ବ୍ଲ୍ ଆର୍ ବିଶ୍ବାସାର୍ ଦାସ୍, ତୁମି ଅଳକ୍ ଡାବୁକେ ବ୍ଲ୍କ୍ରି ବେପାରେ ଲାଗାଇ ରିଲିସ୍, ମୁଇ ତୁମୁକ୍ମ୍ନ୍ ବେସି ବିଷୟ୍ ଉହ୍ରେ ବାଚିନ୍ଦ୍, ତୁମି ନିଜାର୍ ମାପ୍ରୁର୍ ସ୍ଙ୍ଗ୍ ସ୍ର୍ଦା ଅଉଆ।’ 24ଆରେକ୍, ଯେ ଗଟେକ୍ ତୋଡା ହାଇରିଲା, ସେ ହେଁ ଆସି କଇଲା, ‘ଏ ମାପ୍ରୁ, ତୁଇ ଯେ ଗଟେକ୍ ଅଟୁଆ ଲକ୍, ଜୁଇତି ବୁଣି ନ୍କେର୍ସି, ସେତି କାଟ୍ସି, ଆର୍ ଜୁଇତି ହାଚି ଅରାଇ ନ୍କେର୍ସି, ସେତି ହାଚି ଅରାଉସି, ଇରି ମୁଇ ଜାଣିରିଲେ। 25ସେତାକ୍ ଡିରିକ୍ରି ମୁଇ ଜାଇ ତର୍ ତୋଡାକେ ବୁଇଁ ବିତ୍ରେ ତ୍ହି ଲୁକାଇକ୍ରି ସ୍ଙ୍ଗାଇ ରିଲେ। ଦ୍କ୍, ତୁଇ ନିଜାର୍ ଦ୍ନ୍ ହାଇଲିସ୍।’ 26ମ୍ତର୍ ତାର୍ ମାପ୍ରୁ ତାକେ ଉତର୍ଦିଲା, ‘ରେ ମୁର୍କ ଆର୍ ଅଳ୍ସୁଆ ଦାସ୍, ମୁଇ ଜୁଇ ଲ୍ଗେ ବୁଣି ନ୍ରେଇଁ, ସେତି କାଟିନ୍ଦ୍, ଆର୍ ଜୁଇ ଲ୍ଗେ ହାଚି ଉଡାଳି ନ୍ରେଇଁ, ସେତି ଅରାଇନ୍ଦ୍, ଇରିକାଇରି ଜାଣି ରିଲିସ୍? 27ତ୍ବେ ବେପାରି ମ୍ନ୍କାର୍ ଆତେ ମର୍ ଟ୍କା ସ୍ଙ୍ଗାଉତାର୍ ଗିନେ ଦଇରିଲେ। ମୁଇ ଆସି ସୁଦ୍ ସ୍ଙ୍ଗ୍ ମର୍ ଦ୍ନ୍ ହାଇଲେହ୍ଣି। 28ତ୍ବେ, ଇଲକାର୍ ତ୍ଇହ୍ଣି ଇ ତୋଡା ନ୍ଇକ୍ରି, ନିଆ ଆର୍ ଯାର୍ ଲ୍ଗେ ଦ୍ଶ୍ଗଟ୍ ତୋଡା ଆଚେ, ତାକେ ଦିଆସ୍।’ 29ମ୍ତର୍ ଯାର୍ ଲ୍ଗେ ଆଚେ, ସେ ଆରେକ୍ ଅଦିକ୍ ହାଇଦ୍। ମ୍ତର୍ ଯାର୍ ଲ୍ଗେ ନାଇ, ତାର୍ ଲ୍ଗେ ଯାଇରି ଆଚେ, ସେରି ସେ ତାର୍ ତ୍ଇହ୍ଣି ନିଆ ଅଇଦ୍। 30ଆର୍, ତୁମିମ୍ନ୍ ଇ କାମ୍ ନ୍କେର୍ତା ଚାକର୍କେ ହ୍ଦାଇ ଅନ୍ଦାରେ ହ୍କାଇ ଦିଆସ୍, ସେତି କାନ୍ଦ୍ତାର୍ ଆର୍ ଦାତାର୍ କିଳି ମିଳି ଅଇଦ୍।”
ଶେସ୍ ବିଚାର୍
(ମାଥି. ୧୬:୨୭; ୧୯:୨୮)
31“ମୁଇ ମାନାଇ ହିଲା ଜ୍ଡେବ୍ଳ୍ ଦୂତ୍ମ୍ନ୍କାର୍ ସ୍ଙ୍ଗ୍ ନିଜାର୍ ସ୍ର୍ଦାଇ ଆସ୍ତି, ସେଡେବ୍ଳ୍ ମୁଇ ମର୍ ମଇମାର୍ ସିଂହାସନେ ବ୍ସିନ୍ଦ୍, 32ଆରେକ୍, ମର୍ ମୁଏଁ ସ୍ବୁ ଜାତିର୍ ଲକ୍କେ ଗଟେତ୍ଇ କ୍ରିନ୍ଦ୍, ଆର୍ ମେଣ୍ଢା ଗୌଡିଆ ଚେଲାମ୍ନ୍କାର୍ ତ୍ଇହ୍ଣି ମେଣ୍ଢା ବିନ୍ କ୍ରିନ୍ଦ୍, 33ମେଣ୍ଢା ହର୍ ଦ୍ର୍ମ୍ ଲକ୍ମ୍ନ୍କେ ନିଜାର୍ କାତାବାଟ୍ ଆର୍ ଚେଲାମ୍ନ୍କେ ଡେବ୍ରିଆତ୍ ବାଟ୍ ର୍କ୍ତି। 34ସେଡେବ୍ଳ୍ ମୁଇ ର୍ଜା ନିଜାର୍ କାତା ବାଟାର୍ ଲକ୍କେ କଇନ୍ଦ୍, ‘ଆଶା, ମର୍ ଉବାର୍ ତ୍ଇହ୍ଣି ଆଶିର୍ବାଦ୍ ହାଇଲା ଲକ୍ମ୍ନ୍, ତୁମାର୍ମ୍ନ୍କାର୍ ଗିନେ ଜଗତାର୍ ସୁଷ୍ଟି ଅଇଲା ବ୍ଳ୍ହ୍ଣି ଜୁଇ ରାଇଜ୍ ତିଆର୍ କ୍ରାଅଇ ଆଚେ, ସେତି ଅଦିକାର୍ ଅଉଆ। 35କାଇତାକ୍ ମୁଇ ବୁକେ ରିଲେ, ତୁମିମ୍ନ୍ ମକେ କାମ୍କେ ଦିଲାସ୍। ସସେ ରିଲେ, ମକେ ସକୁକେ ହାଣି ଦିଲାସ୍। ହ୍ଦାଇ ରିଲେ, ମକେ ଗ୍ରେ ନିଲାସ୍। 36ମକେ ହ୍ଚିଆ ନ୍ରିଲି, ମକେ ହିନ୍ଦୁକେ ହ୍ଚିଆ ଦିଲାସ୍। ଜ୍ର୍ତି ରିଲେ, ମକେ ସେବା କ୍ରୁକେ ଆଇଲାସ୍। ଜ୍ଇଲ୍ ଗ୍ରେ ରିଲେ। ମର୍ଲ୍ଗେ ଦ୍କୁକେ ଆଇଲାସ୍।’ 37ସେତାକ୍ ଦ୍ର୍ମାର୍ ଲକ୍ମ୍ନ୍ ମକେ ଉତର୍ ଦେତି, ‘ଏ ମାପ୍ରୁ, କ୍ଡେବ୍ଳ୍ ଅମିମ୍ନ୍ ତକେ ବୁକେ ଦ୍କି କାଦି ଦିଲୁ? ଆର୍ ସସେ ଦ୍କି ହାଣି ସୁରୁକେ ଦିଲୁ? 38ଆରେକ୍, କ୍ବେ ତକେ ହ୍ଦାଇ ଦ୍କି ଗ୍ରେ ନିଲୁ? କି ନଗ୍ଳା ଦ୍କି ହ୍ଚିଆ ହିନ୍ଦୁକେ ଦିଲୁ? 39ଆରେକ୍, କ୍ବେ ତକେ ଜ୍ର୍ତା ବ୍ଳ୍ ସେବା କ୍ରିରିଲୁ ଆର୍ କ୍ଡେବ୍ଳ୍ ଜ୍ଇଲ୍ ଗ୍ରେ ଦ୍କୁକେ ତର୍ଲ୍ଗେ ଆଇଲୁ?’ 40ଆରେକ୍, ମୁଇ ର୍ଜା ସେମ୍ନ୍କେ ଉତର୍ ଦ୍ଇନ୍ଦ୍, ‘ମୁଇ ତୁମୁକ୍ମ୍ନ୍ ସ୍ତ୍ କ୍ମ୍ଲେ, ତୁମିମ୍ନ୍ ମର୍ ଇ ସାନ୍ବାଇ ବନ୍ଦୁ ମ୍ନ୍କାର୍ ତ୍ଇହ୍ଣି ଏକ୍ଲାର୍ ଗିନେ ଇରି କ୍ରିରିଲାସ୍, ସେରି ମର୍ଗିନେ ସ୍ବୁ କ୍ରିଆଚାସ୍।’ 41ତାର୍ ହ୍ଚେ ସେ ଡେବ୍ରି ହାକ୍ ଲ୍ଗେ ବ୍ସିରିଲା ଲକ୍ ହେଁ କ୍ଉତି, ‘ରେ ଅବିଶାପ୍ ହାଇଲା ଲକ୍ମ୍ନ୍, ମର୍ଲ୍ଗେହ୍ଣି ଦୁରି ଅଇ ଶଇତାନ୍ ଆର୍ ତାର୍ ଦୂତ୍ମ୍ନ୍କାର୍ ଗିନେ ତିଆର୍ କ୍ରା ଅଇରିଲା ନ୍ସେର୍ତା ଜୟ୍ ବିତ୍ରେ ଜାହା, 42କାଇତାକ୍ ମୁଇ ବୁକେ ରିଲେ, ତୁମିମ୍ନ୍ ମକେ କାମ୍କେ କାଦି ନ୍ଦିଲାସ୍। ସସେ ରିଲେ, ମକେ ହାଣି ଡୁକୁକେ ଦ୍ଇନ୍କେରାସ୍। 43ମୁଇ ହ୍ଦାଇ ରିଲେ, ମକେ ଗ୍ରେ କୁଦି ନ୍କେଲାସ୍। ନ୍ଗ୍ଳା ରିଲେ, ମକେ ହ୍ଚିଆ ହିନ୍ଦୁକେ ଦ୍ଇନ୍କେରାସ୍। ଜ୍ର୍ତି ରିଲେ ଆର୍ ଜ୍ଇଲେ ରିଲେ, ମକେ ଦ୍କୁକେ ଆସି ନ୍କେରାସ୍।’ 44ସେତାକ୍ ସେମ୍ନ୍ ହେଁ ଉତର୍ ଦେତି, ‘ଏ ମାପ୍ରୁ, କ୍ବେ ଅମିମ୍ନ୍ ତକେ ବୁକେ କି ସସେ, ହ୍ଦାଇ କି ନ୍ଗ୍ଳା, ଜ୍ରେ କି ଜ୍ଇଲେ ଦ୍କି ତର୍ ସେବା ନ୍କେଲୁ?’ 45ସେତାକ୍ ମୁଇ ମାନାଇ ହିଲା ସେମ୍ନ୍କେ କଇନ୍ଦ୍, ‘ମୁଇ ତୁମୁକ୍ମ୍ନ୍ ସ୍ତ୍ କ୍ମ୍ଲେ, ଇରି ସାନ୍ ଲକାର୍ ତ୍ଇହ୍ଣି ଏକ୍ଲାର୍ ଗିନେ ଇରି କ୍ରି ନ୍ରିଲାକ୍ ମର୍ଗିନେ ହେଁ ସ୍ବୁ ସେରି କ୍ରି ନ୍କେରାସ୍।’ 46ଆରେକ୍, ଏ ଡେବ୍ରି ହ୍କାର୍ ଲକ୍ମ୍ନ୍ ନ୍ସେର୍ତା ଶାସ୍ତି ଲ୍ଗେ, ମ୍ତର୍ ଦ୍ର୍ମ୍ ଲକ୍ମ୍ନ୍ ନ୍ସେର୍ତା ଜୀବନ୍ ବଗୁକେ ଜାତି।”
Currently Selected:
ମାଥିଉ 25: BDVNT
Highlight
Share
Copy
Want to have your highlights saved across all your devices? Sign up or sign in
Bodo Parja Bible (ବ୍ଡ଼୍ ହ୍ର୍ଜା) by The Love Fellowship is licensed under Creative Commons Attribution-ShareAlike 4.0 License.
