प्रेरित 23
23
1पोलुसे ए यहुदी सभा ओ हखा ध्याना रंङ साते खांई, दंङ कुई, “हे बिशवासी न्वारे, गेह तोग तचेक परमेश्वरो थल्जी पूरे साफ अन्तरात्मा रंङ साते जीवन बिताच़ी शुगाह।” 2पोलुसो गप्पा रेड्रा हनन्याह यहुदी महापुरोहिते, दोतिंङ अंऊ पोलुसो कछंङ खड़े तोईरे, दोऊ मीहतिंङ चटेक केट्रिमी हुकुम रेंई। 3अपेहल अच़िया पोलुसा बि चटेक केईरे, दोऊ थल पोलुसे यहुदी पुरोहितो हखा कुई, “हे पाखंडी, परमेश्वरे कनिंङ घाह केओतो। कांह छना ठ्रोह न्याय लहज़ा गिह्बी झांह ठ्रोह घाह केट्रिमी हुकुम रंड्राते, केनाह ए कानूनो खिलाप लहज़ातन।”
4अंऊ कछंङ खड़े तोईर, दोच़ी कुईर, “छि कांह परमेश्वरो यहुदी महापुरोहितो बुराई लहज़ातन आ?”
5पोलुसे कुई, हे न्वारे, गिह्बी पता माह तोहई कि दि यहुदी महापुरोहित शुह; छना कुचे पवित्र शास्त्रा रिंङ च़ेहसी तोह,
केनातु मीहतु प्रधाना बि मदम था कुंई।
6अपेहल पोलुसे दि ञेंई च़रति, कि यहुदी सभा ओ रै मीहरे सदूकीङ रे फरीसी तोतोर, दंङ दोई हाऊष रें कुई, “हे न्वारे, गेह फरीसी दंङ फरिसीतु खानदानो शुगाह, गिऊ मुकदमा दिऊ थल्जी शुहबी लेहकी तोह छना कुचे गिऊ बिशवास तोह कि परमेश्वरे सिए इलजे मीहतिंङ यच़ाह श्रींङमी लोहतो।”
7अपेहल दोई दि गप्पा कुई ता फरीसी ए सदूकी मीहतु बिचंङ झगड़ा शुहबी लेहती; दंङ यहुदी सभा रिंङ फूट अच़ा इलि।
8छना कुचे सदूकी मीहच़ी दि बिशवास लहज़ातेर, कि मीहरे सिए थल यह्च़ा माह श्रींङमी, दंङ माह स्वर्गदूत तोह, माह आत्मा तोह; पर फरीसी मीहरे दि भत्ते धिर ओ टोहकठे बिशवास लहज़ातोर।
9दंङ महसे हल्ला शुहचे इलि दंङ यहुदी शास्त्री, अंऊ फरीसी तोईरे, खड़े शुहचे इलिर दंङ बहस लहज़ी लेहतिर, कि “ञेंतिंङ दि मीहू अन्द्रेग छिला बुराई माह तंङफा; दंङ शुहबी तरच़ा कि इच्च़ा आत्मा या इच्च़ा स्वर्गदूते दोरंङ साते गप्पा लहसी ततो।”
10अपेहल महस बहस शुहचे इलि, दंङ रोमी सेनिकातु सरदारे दि बेह्द चेहके कि दू पोलुस खंणी-खंणी लेह च़रपोतो, सैनिका तिंङ हुकुम रेंई कि तकशे ते महासभा ओ मीहतु बिचंङ ज़ि पोलुस बि ज़बरदस्ती हुंज़े बेड़ो हखा रैंज़ा हतांई।
11दू ए रातारिंङ प्रभु यीशु ज़ि पोलुस कछंङ खड़े शुहचे कुई, “हे पोलुस, याहऊ तौऊ; छना कुचे, छना ठ्रोह केई यरूशलेम शहरंङ गिऊ गवाही रांहषी तातन, ध्वांए कनिंङ रोम शहरारिंङ ला गवाही रंड्री लेह्पोतो।”
पोलुसा बि सच़िमी षड्यंत्र
12अपेहल ध्याड़ा शुई, दंङ रें यहुदी मीहरे एनातु बिचंङ योजना लहरिर दंङ कसम लेहप्तिर कि अपेहल तचेक ञेंहच़ी पोलुस सचे माह च़रपोंई, धोंण तचेक ञेंरे छल्ले तुंङमोंई ए ज़ोंई माह।
13अंऊ दोच़ी दि कसम लहतेर, दोरे झुह्ट निह्ज बे महस मीहरे तोईरे।
14दोच़ी यहुदी मोह्ड़े पुरोहित ए यहुदी सेंहणा तु कछंङ अंज़े कुईर, “ञेंहच़ी कसम लहसी तातन कि अपेहल तचेक ञेंहच़ी पोलुस सचे माह च़रपोंई, धोंण तचेक ञेंरे छल्ले तुंङमोंई ए ज़ोई माह।
15झांह लेह हेंतेग ञेंरे करंङ साते ए यहुदी सभा ओ ऊई मीहतंङ साते विनती लहज़ातंई कि एनोह रोमी सेनिकातु मुख्या बि उजाब च़रतुंई, कि दोई पोलुसा बि कांह कछंङ रेंज़ा हता, दिह कंड्रिमी थल्जी कि कांह पोलुसो पाहठी ऊई ला महसे सही जानकारी हुंपी जुंज़ातन, दंङ दोऊ दोर पिपिमी बे तुहई ञेंरे दोबि सच़िमी थल्जी तेयार बंङज़ोंई।”
16पर पोलुस ओ रिंङ कटुई दि योजना रेड्रिरी कि यहुदी मीहरे पोलुस बि सच़िमी थल्जी योजना लहज़ी लेहकी तोतोर, ता महलंङ इलजे पोलुसा बि खबर लहरी।
17पोलुसे सुबेदारा तु बिचंङ ज़ि इदि बि एनोह कछंङ बुलाके कुई, “दि छ़ोकरा बि रोमी सेनिकातु मुख्या कछंङ रेंज़ा शिलांई, दि दोरंङ साते छा कुट्रिमी ततो।”
18दिऊ थल्जी सुबेदार पोलुसाबि रोमी सेनिकातु मुख्या कछंङ लेन्ज़ा इलि दंङ कुई, “कैदी पोलुसे ए गिह्बी बुलाके बिनती लहरी कि दि जावाने रोमी सेनिकातु मुख्या ओ हखा छा कुट्रिमी ततो; दिबी दोऊ कछंङ रेंज़ा शिल।”
19रोमी सेनिकातु मुख्या दोऊ गुह्ट्र च़ुमने, दंङ दोबि शत्ह ठहरि रिंङ रेंज़ा शिली दंङ रुहक्ती, “कांह गेरंङ साते छि कुट्री तातन?”
20दोई कुई, यहुदी सेंहणा ज़ि इच्च़ा शुचि योजना लहसी तातोर, कि करंङ साते बिनती लोहनि कि मुतंङ पोलुस बि यहुदी सभा ओ दोईमी ओ ठहरि हता, ताकि दुह दि कंड्रिमी थल्जी कि कांह ऊई ला महसे जानकारी जुंज़ातन।
21पर दोतु दि विनती ओ हखा ध्यान थारोंऊ, छना कुचे दोतु बिचंङ मुतंङ झुह्ट निह्जो बे महस गंङमी ब्याके ते रूहम्ज़ा शोर पोलुसा बि सच़िमी थल्जी, अंऊ दोच़ी दि कसम लहसी तातोर कि अपेहल तचेक दोरे पोलुसा बि सचे माह केयोर धोंण तचेक माह ञेंरे तुंङमोंई माह ज़ोनि। दंङ हेंतेग दोरे केहतु जबाबो थल्जी तेयार तोतोर दंङ कांह बचनो थल्जी रुमज़ा तोतोर।
22दोहथल मुख्या ए ज़वाना बि दि हुकुम रें बिदा लहरी, “अतंङ साते ला था कुड़ू कि केई गिह्बी दि गप्पार कांहषी तातन।”
पोलुस ओ कैसरिया शहरो हखा चरच़ि
23मुख्या ए सुबेदारा बि बुलाके कुई, “तोग रात नौ बजे तचेक केसरिया शहरंङ इबिमी थल्जी झुह्ट राह सेनिक ए षुमु निह्ज सा घुड़सवार, दंङ झुह्ट राह बरछा चलाएचा सैनिका तिंङ तेयार तंही।”
24दंङ पोलुस सवारिऊ थल्जी रंङरे तेयार तंही, कि दोबि फेलिक्स हाकिमो तुईज़ी रुठे रंङ साते पिचे च़रपोतो।
25मुख्या झांह ठ्रोह राज्यपाला बि इच्च़ा डाक च़ेहरि:
26“महामहिम फेलिक्स राज्यपाला बि क्लौदियुस लुसियासो तरफे नमस्कार;
27यहुदी ज़ि दि मीहबी चुम्ने च़रति दंङ दोबि सच़िमी कोशिश लहरिर, पर अपेहल गिह्बी पता लेहती कि दू रोमी शुह, दंङ सेनिकरे रेंज़ा दू बचाके च़रतिगा।
28दंङ गेह ञेंहच़ी तातेग कि दोरे दोऊ टोहकठे छि वहज़ा ज़ि दोष लगाएच़ातोर, दिऊ थल्जी दोबि यहुदी सभा रिंङ रेंज़ा शिलिगा।
29दोहथर गेह ञेंह केहरिग, कि दोरे एनातु यहुदी कानूनो वाद-बिवादो पाहठी दोऊ टोहकठे दोष लगाएच़ातोर, पर सच़िमी थल्जी ए गिरफ्तार लहज़िमी जोगे दोऊ अन्द्रेग छले दोष माह।
30दंङ अपेहल गिह्बी कंङातेर, कि दोरे दि मीहबी सच़िमी सजिशा रिंङ तोतोर, दंङ गेह दोहपल ए दोबि कांह कछंङ च़रतिगा; दंङ दू यहुदी मीहतिंङ अंऊ दोच़ी दोऊ टोहकठे दोष लगाएतिर हुकुम रेह च़रतिग, कि कांह तुईज़ी दोऊ टोईच़ी दोष लगाएतु।”
31दू ए रात सैनिका ज़ि हुकुम पूरा लहरीर: दोरे पोलुसा बि यरूशलेम शहरंङ च़ि रेंज़ा शिलिर दंङ दोबि अन्तिपत्रिस शहरंङ रेंज़ा हतिर।
32ऊईरग दोच़ी दोरे घुड़सवार तंङ साते पोलुसा बि केट्रा दंङ पैदल जोज़ा सेनिकर एनर यरूशलेम शहरंङ वापिस अच़ा अतिर।
33घुड़सवारा ज़ि केसरिया शहर पिचे राज्यपाल बि डाक रेंईर; दंङ पोलुस बि दोऊ तुईज़ी खड़े लहरिर। 34राज्यपाल ए डाक पढ़ेके पोलुसा बि रुहक्ती, “कह अऊंसङ प्रदेशो शुनाह?” पोलुसे कुई गेह किलिकिया प्रदेशो शुगाह।
35दि ञेंई राज्यपाल दोतु हखा कुई अपेहल कांह टोईच़ी दोष लगाएच़ा ला अपोर, दंङ गेह दोतु अरोप बि रूठे रंङ रेड्रोग दंङ कांह मुकदमो न्याय लोहग। दंङ दोई हुकुम रेंई कि पोलुस बि रज्ज़ा हेरोदेस ओ राज भवना रिंङ पहरा रिंङ तंही अंऊ रज्ज़ा हेरोदेसे तुहई बेहच़ी बणाएषी तहरे।
Currently Selected:
प्रेरित 23: LBFNT
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.
प्रेरित 23
23
1पोलुसे ए यहुदी सभा ओ हखा ध्याना रंङ साते खांई, दंङ कुई, “हे बिशवासी न्वारे, गेह तोग तचेक परमेश्वरो थल्जी पूरे साफ अन्तरात्मा रंङ साते जीवन बिताच़ी शुगाह।” 2पोलुसो गप्पा रेड्रा हनन्याह यहुदी महापुरोहिते, दोतिंङ अंऊ पोलुसो कछंङ खड़े तोईरे, दोऊ मीहतिंङ चटेक केट्रिमी हुकुम रेंई। 3अपेहल अच़िया पोलुसा बि चटेक केईरे, दोऊ थल पोलुसे यहुदी पुरोहितो हखा कुई, “हे पाखंडी, परमेश्वरे कनिंङ घाह केओतो। कांह छना ठ्रोह न्याय लहज़ा गिह्बी झांह ठ्रोह घाह केट्रिमी हुकुम रंड्राते, केनाह ए कानूनो खिलाप लहज़ातन।”
4अंऊ कछंङ खड़े तोईर, दोच़ी कुईर, “छि कांह परमेश्वरो यहुदी महापुरोहितो बुराई लहज़ातन आ?”
5पोलुसे कुई, हे न्वारे, गिह्बी पता माह तोहई कि दि यहुदी महापुरोहित शुह; छना कुचे पवित्र शास्त्रा रिंङ च़ेहसी तोह,
केनातु मीहतु प्रधाना बि मदम था कुंई।
6अपेहल पोलुसे दि ञेंई च़रति, कि यहुदी सभा ओ रै मीहरे सदूकीङ रे फरीसी तोतोर, दंङ दोई हाऊष रें कुई, “हे न्वारे, गेह फरीसी दंङ फरिसीतु खानदानो शुगाह, गिऊ मुकदमा दिऊ थल्जी शुहबी लेहकी तोह छना कुचे गिऊ बिशवास तोह कि परमेश्वरे सिए इलजे मीहतिंङ यच़ाह श्रींङमी लोहतो।”
7अपेहल दोई दि गप्पा कुई ता फरीसी ए सदूकी मीहतु बिचंङ झगड़ा शुहबी लेहती; दंङ यहुदी सभा रिंङ फूट अच़ा इलि।
8छना कुचे सदूकी मीहच़ी दि बिशवास लहज़ातेर, कि मीहरे सिए थल यह्च़ा माह श्रींङमी, दंङ माह स्वर्गदूत तोह, माह आत्मा तोह; पर फरीसी मीहरे दि भत्ते धिर ओ टोहकठे बिशवास लहज़ातोर।
9दंङ महसे हल्ला शुहचे इलि दंङ यहुदी शास्त्री, अंऊ फरीसी तोईरे, खड़े शुहचे इलिर दंङ बहस लहज़ी लेहतिर, कि “ञेंतिंङ दि मीहू अन्द्रेग छिला बुराई माह तंङफा; दंङ शुहबी तरच़ा कि इच्च़ा आत्मा या इच्च़ा स्वर्गदूते दोरंङ साते गप्पा लहसी ततो।”
10अपेहल महस बहस शुहचे इलि, दंङ रोमी सेनिकातु सरदारे दि बेह्द चेहके कि दू पोलुस खंणी-खंणी लेह च़रपोतो, सैनिका तिंङ हुकुम रेंई कि तकशे ते महासभा ओ मीहतु बिचंङ ज़ि पोलुस बि ज़बरदस्ती हुंज़े बेड़ो हखा रैंज़ा हतांई।
11दू ए रातारिंङ प्रभु यीशु ज़ि पोलुस कछंङ खड़े शुहचे कुई, “हे पोलुस, याहऊ तौऊ; छना कुचे, छना ठ्रोह केई यरूशलेम शहरंङ गिऊ गवाही रांहषी तातन, ध्वांए कनिंङ रोम शहरारिंङ ला गवाही रंड्री लेह्पोतो।”
पोलुसा बि सच़िमी षड्यंत्र
12अपेहल ध्याड़ा शुई, दंङ रें यहुदी मीहरे एनातु बिचंङ योजना लहरिर दंङ कसम लेहप्तिर कि अपेहल तचेक ञेंहच़ी पोलुस सचे माह च़रपोंई, धोंण तचेक ञेंरे छल्ले तुंङमोंई ए ज़ोंई माह।
13अंऊ दोच़ी दि कसम लहतेर, दोरे झुह्ट निह्ज बे महस मीहरे तोईरे।
14दोच़ी यहुदी मोह्ड़े पुरोहित ए यहुदी सेंहणा तु कछंङ अंज़े कुईर, “ञेंहच़ी कसम लहसी तातन कि अपेहल तचेक ञेंहच़ी पोलुस सचे माह च़रपोंई, धोंण तचेक ञेंरे छल्ले तुंङमोंई ए ज़ोई माह।
15झांह लेह हेंतेग ञेंरे करंङ साते ए यहुदी सभा ओ ऊई मीहतंङ साते विनती लहज़ातंई कि एनोह रोमी सेनिकातु मुख्या बि उजाब च़रतुंई, कि दोई पोलुसा बि कांह कछंङ रेंज़ा हता, दिह कंड्रिमी थल्जी कि कांह पोलुसो पाहठी ऊई ला महसे सही जानकारी हुंपी जुंज़ातन, दंङ दोऊ दोर पिपिमी बे तुहई ञेंरे दोबि सच़िमी थल्जी तेयार बंङज़ोंई।”
16पर पोलुस ओ रिंङ कटुई दि योजना रेड्रिरी कि यहुदी मीहरे पोलुस बि सच़िमी थल्जी योजना लहज़ी लेहकी तोतोर, ता महलंङ इलजे पोलुसा बि खबर लहरी।
17पोलुसे सुबेदारा तु बिचंङ ज़ि इदि बि एनोह कछंङ बुलाके कुई, “दि छ़ोकरा बि रोमी सेनिकातु मुख्या कछंङ रेंज़ा शिलांई, दि दोरंङ साते छा कुट्रिमी ततो।”
18दिऊ थल्जी सुबेदार पोलुसाबि रोमी सेनिकातु मुख्या कछंङ लेन्ज़ा इलि दंङ कुई, “कैदी पोलुसे ए गिह्बी बुलाके बिनती लहरी कि दि जावाने रोमी सेनिकातु मुख्या ओ हखा छा कुट्रिमी ततो; दिबी दोऊ कछंङ रेंज़ा शिल।”
19रोमी सेनिकातु मुख्या दोऊ गुह्ट्र च़ुमने, दंङ दोबि शत्ह ठहरि रिंङ रेंज़ा शिली दंङ रुहक्ती, “कांह गेरंङ साते छि कुट्री तातन?”
20दोई कुई, यहुदी सेंहणा ज़ि इच्च़ा शुचि योजना लहसी तातोर, कि करंङ साते बिनती लोहनि कि मुतंङ पोलुस बि यहुदी सभा ओ दोईमी ओ ठहरि हता, ताकि दुह दि कंड्रिमी थल्जी कि कांह ऊई ला महसे जानकारी जुंज़ातन।
21पर दोतु दि विनती ओ हखा ध्यान थारोंऊ, छना कुचे दोतु बिचंङ मुतंङ झुह्ट निह्जो बे महस गंङमी ब्याके ते रूहम्ज़ा शोर पोलुसा बि सच़िमी थल्जी, अंऊ दोच़ी दि कसम लहसी तातोर कि अपेहल तचेक दोरे पोलुसा बि सचे माह केयोर धोंण तचेक माह ञेंरे तुंङमोंई माह ज़ोनि। दंङ हेंतेग दोरे केहतु जबाबो थल्जी तेयार तोतोर दंङ कांह बचनो थल्जी रुमज़ा तोतोर।
22दोहथल मुख्या ए ज़वाना बि दि हुकुम रें बिदा लहरी, “अतंङ साते ला था कुड़ू कि केई गिह्बी दि गप्पार कांहषी तातन।”
पोलुस ओ कैसरिया शहरो हखा चरच़ि
23मुख्या ए सुबेदारा बि बुलाके कुई, “तोग रात नौ बजे तचेक केसरिया शहरंङ इबिमी थल्जी झुह्ट राह सेनिक ए षुमु निह्ज सा घुड़सवार, दंङ झुह्ट राह बरछा चलाएचा सैनिका तिंङ तेयार तंही।”
24दंङ पोलुस सवारिऊ थल्जी रंङरे तेयार तंही, कि दोबि फेलिक्स हाकिमो तुईज़ी रुठे रंङ साते पिचे च़रपोतो।
25मुख्या झांह ठ्रोह राज्यपाला बि इच्च़ा डाक च़ेहरि:
26“महामहिम फेलिक्स राज्यपाला बि क्लौदियुस लुसियासो तरफे नमस्कार;
27यहुदी ज़ि दि मीहबी चुम्ने च़रति दंङ दोबि सच़िमी कोशिश लहरिर, पर अपेहल गिह्बी पता लेहती कि दू रोमी शुह, दंङ सेनिकरे रेंज़ा दू बचाके च़रतिगा।
28दंङ गेह ञेंहच़ी तातेग कि दोरे दोऊ टोहकठे छि वहज़ा ज़ि दोष लगाएच़ातोर, दिऊ थल्जी दोबि यहुदी सभा रिंङ रेंज़ा शिलिगा।
29दोहथर गेह ञेंह केहरिग, कि दोरे एनातु यहुदी कानूनो वाद-बिवादो पाहठी दोऊ टोहकठे दोष लगाएच़ातोर, पर सच़िमी थल्जी ए गिरफ्तार लहज़िमी जोगे दोऊ अन्द्रेग छले दोष माह।
30दंङ अपेहल गिह्बी कंङातेर, कि दोरे दि मीहबी सच़िमी सजिशा रिंङ तोतोर, दंङ गेह दोहपल ए दोबि कांह कछंङ च़रतिगा; दंङ दू यहुदी मीहतिंङ अंऊ दोच़ी दोऊ टोहकठे दोष लगाएतिर हुकुम रेह च़रतिग, कि कांह तुईज़ी दोऊ टोईच़ी दोष लगाएतु।”
31दू ए रात सैनिका ज़ि हुकुम पूरा लहरीर: दोरे पोलुसा बि यरूशलेम शहरंङ च़ि रेंज़ा शिलिर दंङ दोबि अन्तिपत्रिस शहरंङ रेंज़ा हतिर।
32ऊईरग दोच़ी दोरे घुड़सवार तंङ साते पोलुसा बि केट्रा दंङ पैदल जोज़ा सेनिकर एनर यरूशलेम शहरंङ वापिस अच़ा अतिर।
33घुड़सवारा ज़ि केसरिया शहर पिचे राज्यपाल बि डाक रेंईर; दंङ पोलुस बि दोऊ तुईज़ी खड़े लहरिर। 34राज्यपाल ए डाक पढ़ेके पोलुसा बि रुहक्ती, “कह अऊंसङ प्रदेशो शुनाह?” पोलुसे कुई गेह किलिकिया प्रदेशो शुगाह।
35दि ञेंई राज्यपाल दोतु हखा कुई अपेहल कांह टोईच़ी दोष लगाएच़ा ला अपोर, दंङ गेह दोतु अरोप बि रूठे रंङ रेड्रोग दंङ कांह मुकदमो न्याय लोहग। दंङ दोई हुकुम रेंई कि पोलुस बि रज्ज़ा हेरोदेस ओ राज भवना रिंङ पहरा रिंङ तंही अंऊ रज्ज़ा हेरोदेसे तुहई बेहच़ी बणाएषी तहरे।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.