प्रेरित 9
9
शाऊल ओ सेहम किरच़ी
1दिह ए मुक्का रिंङ शाऊल अंऊ हेंतेग तचेक प्रभु यीशु ऊ चेला तिंङ धमकाएच़ी ए दोती सच़िमी साकिम रिंङ तोहई, यहुदी महापुरोहितो कछंङ इलि। 2दंङ दोतु हखा एनोह परिचय डाक पेट्रीरि दुह हर इच्च़ा दमिश्क शहरो यहुदी सभो घरबारो सेंहणा तु थल्जी। दुह डाकारिंङ शाऊला बि अधिकार रांहषी तोहई ताकि अंऊ मेच़िमी ए गंङमी प्रभु यीशु ऊ कांहषी अमरिंङ जोज़ातोर दोतिंङ बन्दी बणाएके दंङ ज़बरदस्ती यरूशलेम शहरंङ रेंज़ा हतांई ताकि यहुदी अगुवार दोतु न्याय लोहर दंङ दोतिंङ सज़ा रमोर। 3पर ज़ोजा-ज़ोजा अंऊ मुक्का शाऊल ए दोऊ साथिरे दमिश्क नगरो कछंङ पिरिर ता अचानक सर्गंङज़ि दोऊ पीला हासी छंङी शुई, 4दंङ दुह धरतीऊ टोईच़ी दह्चे इलि, दंङ परमेश्वरो दिह सग रेड्रीर, “हे शाऊल, हे शाऊल, केई गिह्बी छिल्ले तंग लहज़ातन?” 5“शाऊल ए रुहक्ती, हे प्रभु, काह अरि शुना?” दोई कुई, गेह यीशु शुगाह; अपि केई तंग लहज़ातन। 6पर हेंतेग अच़ा ते शहरो हखा इला, अच़िया कनिंङ कंङे च़रपोतो, कि कनिंङ छि लेह तोतआ। 7अंऊ मीहरे शाऊल रंङ साते तोईरे, दोरे चुपे केह्षा इलिर, छना कुचे दोच़ी सिर्फ प्रभु सग रेड्रीर अपेहल प्रभु ज़ि गप्पा लहरी पर अरिला तंङरिर ए माह। 8दोथर शाऊल धरतीऊ टोईच़ी खड़े शुई, पर दोऊ टिरा तगा अल्सी तोहई, दोबि छल्ले माह तंङसिरी, दिऊ थल्जी दोऊ साथीरे दोऊ गुड़ च़ुमने दोबि दमिश्क शहर रैंज़ा शिलिर। 9दंङ दोई षुमु ध्याड़ा तचेक खांई मरति, दंङ माह दोई छा ज़री, दंङ माह छा तुंङरी।
10दमिश्क शहरङ हनन्याह मिंदंङ इच्च़ा चेला तोहई, दोरंङ प्रभु यीशु ज़ि दर्शना रिंङ प्रकट शुचि कुई, “हे हनन्याह!” दोई कुई, “हा प्रभु।” 11दोथर प्रभु यीशु ज़ि दोरंङ साते कुई, अहच़ु दंङ सीधी मिंदंङ गली रिंङ इलज़ा, तरसुस शहरो शाऊला बि रुहक्तु अंऊ हेंतेग यहूदा ओ चुंङ तोह; छना कुचे दुह प्रार्थना लहज़ी लेह्की तोह, 12दंङ दर्शनो दोरच़ी गेह शाऊला बि कंङातेग कि हनन्याह मिन्दु इच्च़ा गंङमी तोंखा अपि लेहकी तोह, दंङ दोई एनोह गुह्ट्र दोऊ टोईच़ी केहच़ी ताकि दुह यह्च़ा खंड्री तरपोतो। 13हनन्याह ज़ि जुबाब रेंई, हे प्रभु यीशु, गेह दिह मीहू पाहठी महसे तु आहच़ि रेड्री तातेग कि दिह यरूशलेम शहरंङ कांह कनु मीहतंङ साते अंयों मदम लहसी ततो। 14दंङ देर्तिंङ अपिमी थल्जी ला दोबि यहुदी मोह्ड़े पुरोहिता तु दोरच़ी अधिकार खोकसा तोह, कि अंऊ मीहरे कांह टोहकठे बिशवास लहज़ातोर दोतिंङ बन्दी बणाएतु। 15पर प्रभु यीशु ज़ि हनन्याह रंङ साते कुई, “काह अच्च़ा ईला; छना कुचे दुह ता ऊईजाति तु दंङ रज्ज़ातु ए इस्राएली मीहतु तुईज़ी गिऊ पाहठी प्रचार लहज़िमी थल्जी अंङषी मीह शुह। 16दंङ गेह दोबि कमोग, कि मीहतु बिचंङ गिऊ पाहठी प्रचार लहज़िमी बज़ाहसि दोबि छना-छना ठ्रोह दुख उठाएच़ी लेह्पोतो।” 17दोथर हनन्याह खड़े अच़ा दुह चुंङ अति दंङ शाऊला रंङ साते दोहरी दंङ दोऊ टोईच़ी एनोह गुड़ केट्रा ते कुई, “हे न्वा शाऊला, प्रभु यीशु ज़ि, अच़ि कनिंङ देर्तिंङ अपिमी मुक्का दमिशको शहरो इबिमी मुक्का अमरिंङ दर्शन रेंई, दोई ए गिह्बी चरच़तो, कि कांह यच़ाह खांई तरपोन दंङ पवित्र आत्मा रंङ साते परिपूर्ण शुहचे योंई।” 18दंङ दोथर ए दोऊ टिरा रंङ च़ि छिलकाऊ ठ्रोह दरिर दंङ दुह खंड्री लेहती, दंङ हनन्याह खड़े शुई दंङ दोबि बपतिस्मा रांई; 19दंङ बगत ज़े ते ताकत खोकसिरी। दुह थोड़े अरे टेम तचेक दमिश्क शहरो चेला तंङ साते ए बंङज़िरी।
शाऊल ओ दोरच़ी यीशु मसीहू प्रचार
20दंङ ध्वांए दमिश्क शहरो यहुदी सभो घरबारङ यीशु ऊ पाहठी प्रचार लहज़ी लेहती, कि यीशु ए परमेश्वरो योह शुह। 21दंङ भत्ते रेड्रा दोरे हेरान शुहचा ते कुट्री लेहतिर, “छि दिह दुह हे मीह माह शुह आ अंऊ यरूशलेम शहरा रिंङ दोतिंङ नाश लहज़ाते अंऊ मसीह यीशु ऊ बिशवासी तोईरे, दंङ देर्तिंङ ला दिऊ थल्जी अंज़े तोहई, कि दोतिंङ बन्दी लहज़ा यहुदी मोह्ड़े पुरोहिता तु कछंङ रेंज़ा शोतो?” 22पर शाऊल ए ऊई ला महसे सामर्थ रंङ साते प्रचार लेह शुरू लेह च़रति, दंङ दिह गप्पो पाहठी सबूत रंड्रा ते कि यीशु ए मसीह शुह, दमिश्क इलाकंङ बंङज़ा यहुदी मीहतु आह बन्द लोहवा लहरी
23अपेहल शाऊला बि दमिश्क शहर बंङज़ा महसे टेम शुहचे इलि, ता यहुदी मीह ज़ि ठ्रोहका शुहचे दोबि सच़िमी थल्जी योजना लहरिर। 24पर दोतु योजना ओ पाहठी शाऊल बि पता लेहकी इलि: दोरे ता दोबि सच़िमी थल्जी दिन-रात इलाका ओ मोह्ड़े पेतंङ रिंङ पहरा रंड्रा तोईरे। रुमज़ा बंङज़ा तोईरे। 25पर इच्च़ा रातारिंङ चेलार दोबि दुह रघटु मोह्ड़े भिती रिंङ रेंज़ा शिलिर अंऊ शहरो पिला हासी लेहकी तोहई। दोथर दोच़ी भिती ऊ इच्च़ा अल्सी हिस्सा ओ दोरच़ी रशी रंङ साते इच्च़ा मोह्ड़े टोकरीरङ दोबि योंखा तकशे च़रतिर। झांह लेह दुह दमिश्क शहर बचेके हुंच़ा इलि।
यरूशलेम शहरंङ शाऊल
26शाऊल यरूशलेम शहरंङ इलि दंङ दोई चेला तंङ साते शामिल शुहबिमी कोशिश लहरी, पर भत्ते दोरंङ साते बेवातेर, छना कुचे दोतिंङ बिशवास माह शवाते कि दुह ला चेला शुह।
27पर बरनबास शाऊला बि ऐनारंङ साते प्रेरितातु कछंङ शिल्ज़े दोतंङ साते कुंई, कि दोच़ी छना ठ्रोह दमिश्क इलाकाओ हखा इबिमी अमरिंङ प्रभु यीशु बि खांई, दंङ प्रभु ज़ि दिरंङ साते गप्पा लहरी; दोथर दमिश्क शहरंङ दिह छना दोई याहब रंङ साते मीहतिंङ यीशु पाहठी प्रचार लहरी। 28प्रेरित ज़ि बरनबासो टोहकठे बिशवास लहरिर दंङ दिऊ थल्जी शाऊल दोतंङ साते बंङज़ा इलि। दंङ ऊई विशवासी तंङ साते जुड़ेकी इलि। दंङ यरूशलेम शहरंङ भत्ते ठहरि रिंङ इलि दंङ प्रभु यीशु पाहठी याहबा रंङ साते प्रचार लहज़ी लेहती। 29दंङ यूनानी भाषा कुट्रा यहुदी मीहतंङ साते कुवाद लहज़ा तोहई, पर दोरे दोबि सच़िमी कोशिश लहज़ी लेहतिर। 30दंङ ऊई चेला तिंङ दिह गप्पो पाहठी पता लेहका दंङ दोरे शाऊला बि केसरिया शहरंङ रैंज़ा हतिर, दंङ दोर्तिंङ दोरे दोऊ थल्जी समुंद्री जहाज़ंङ च़ि तरसुस शहरो हखा चरच़ि च़रतिर, अंऊ दोऊ एनोह शहर तोहई। 31झांह लेह भत्ते यहुदिया प्रदेश, गलील प्रदेश दङ सामरिया प्रदेशंङ कलीसियाओ मीहतिंङ शांति खोकसिरी, दंङ कलीसियाओ तरक्की शुहवा लहरी; दंङ प्रभु ऊ बेह्द ए पवित्र आत्माओ मदत रंङ साते महसे मीहतिंङ हौंसला खोकसिरी दंङ प्रभु यीशु ऊ टोहकठे बिशवास लहरीर।
ऐनियास ओ अईन शुहबी
32दंङ झांह शुई कि पतरस दुह भत्ते प्रदेशंङ जोज़ा, दुह परमेश्वरो मीहतु कछंङ दोईमी थल्जी इलि, अंऊ लुद्दा इलाकंङ बंङज़ा तोईरे। 33दोर्तिंङ दोबि एनियास मिन्दु नम्क्योंन ओ टेहची इच्च़ा मीह खोकसिरी, अंऊ रेह साल बेहच़ी टेहची एनोह बिस्तरो टोईच़ी तोहई। 34पतरस ए दोरंङ साते कुई, “हे एनियास! यीशु मसीह कनिंङ ठीक लहज़ा। खड़े शुह केनोह विस्तर उठातु।” दंङ दुह दोहथरे खड़े शुहचे इलि। 35दंङ लुद्दा ए शारोन प्रदेशंङ बंङज़ा दोरे, महसे मीहच़ी दोबि खांई ते प्रभु यीशु ऊ टोहकठे बिशवास लहरिर।
दोरकास बि जीवनदान
36याफा शहर, तबीता मतलब दोरकास#9:36 तबीता-यूनानी भाषा रिंङ दोऊ मिन दोरकास शुह, अतु मतलब शुह, “इच्च़ा हिरन।” मिंदंङ इच्च़ा विशवासी मेच़िमी तोहई। दोई महस ए रूठे-रूठे कम ए गरीबा तु मदत लहज़ाते। 37दुह मुक्का अपेहल पतरस लुद्दा इलाकंङ तोहई, तबीता बीमार शुहचे सीए इलि, दंङ दोच़ी दुह सुहज़ी लहरिर दंङ तोरिंङ कि कमरा रिंङ केहच़ी च़रतिर। 38दिऊ थल्जी कि लुद्दा इलाका याफा इलाका ओ कछंङ तोहई, चेलाज़ि दिह रेड्रा कि पतरस दोर्तिंङ तोह, झुह्ट मीह च़रच़ा दोरंङ साते बिनती लहरीर, हेंतेग ए ञेंहतु कछंङ अच़ा अता।
39दोहथर पतरस खड़े शुहचे दोतंङ साते अच्च़ा इलि, दंङ छना ए दुह पिचे इलि, ता दोरे पतरस बि तोरिंङ कि कमरा रिंङ रेंज़ा शिलिर। दंङ भत्ते रंणी मेच़िमी रे क्रपचा दोऊ कछंङ अंज़े खड़े शुईरे, दंङ अंऊ कुर्ती ए खमज़ेर दोरकास ए दोतु थल्जी बणाएकते, कंड्री लेहती। 40दोथर पतरसे भत्ते तिंङ कमराओ धकतेखा हुंच़िमी विनती लहरी, दंङ पुष्टू भारे बंङज़ा प्रार्थना लहरी; दंङ सीए फुको हखा खांई कुंई, “हे तबीता, खड़े शुह।” दंङ दोहथर ए दोई एनोह टिरा अलज़ि च़रति; दंङ पतरस बि खंड्रा खड़े शुहचे बंङज़ा इलि। 41दोई गुड़ रेह दुह खड़े लहरी, दंङ पवित्र मीहतिंङ ए रंणी मेच़िमी रे बुलाके दुह श्रींङे कंङे च़रति। 42दिह गप्पा भत्ते याफा शहरंङ फेलेके इलि; दंङ महसे मीहज़ी प्रभु यीशु ऊ टोईच़ी विशवास लहरीर। 43दंङ पतरस याफा शहरंङ शमौन मिंदंङ अरिया च़मो कम#9:43 च़मो कम थल्जी, च़म हंजे दोबि रह्घ रिंङ घषेकी दोऊ च़ोह्स हुंच़ी चरच़ी। चुना रै घषेकी च़मो दोरच़ी क्रा ला हुंच़े चरच़ी दोहथल च़मा बि ठुह्ह रै क्राह्फी लेह चरच़ी। दंङ अगर तांला क्रा माह हुंच़िरी ता फिटकारी रें घषेकी दोऊ क्रा हुंच़े चरच़ी, दोऊ थल दोबि तेल चाई ऐके रिंङ कारपि केट्री ताकि दुह ड्गड्गी शुहबी मेस। लहज़ा दोऊ दोर्तिंङ महसे ध्याड़ा तचेक बंङज़िरी।
Currently Selected:
प्रेरित 9: LBFNT
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.
प्रेरित 9
9
शाऊल ओ सेहम किरच़ी
1दिह ए मुक्का रिंङ शाऊल अंऊ हेंतेग तचेक प्रभु यीशु ऊ चेला तिंङ धमकाएच़ी ए दोती सच़िमी साकिम रिंङ तोहई, यहुदी महापुरोहितो कछंङ इलि। 2दंङ दोतु हखा एनोह परिचय डाक पेट्रीरि दुह हर इच्च़ा दमिश्क शहरो यहुदी सभो घरबारो सेंहणा तु थल्जी। दुह डाकारिंङ शाऊला बि अधिकार रांहषी तोहई ताकि अंऊ मेच़िमी ए गंङमी प्रभु यीशु ऊ कांहषी अमरिंङ जोज़ातोर दोतिंङ बन्दी बणाएके दंङ ज़बरदस्ती यरूशलेम शहरंङ रेंज़ा हतांई ताकि यहुदी अगुवार दोतु न्याय लोहर दंङ दोतिंङ सज़ा रमोर। 3पर ज़ोजा-ज़ोजा अंऊ मुक्का शाऊल ए दोऊ साथिरे दमिश्क नगरो कछंङ पिरिर ता अचानक सर्गंङज़ि दोऊ पीला हासी छंङी शुई, 4दंङ दुह धरतीऊ टोईच़ी दह्चे इलि, दंङ परमेश्वरो दिह सग रेड्रीर, “हे शाऊल, हे शाऊल, केई गिह्बी छिल्ले तंग लहज़ातन?” 5“शाऊल ए रुहक्ती, हे प्रभु, काह अरि शुना?” दोई कुई, गेह यीशु शुगाह; अपि केई तंग लहज़ातन। 6पर हेंतेग अच़ा ते शहरो हखा इला, अच़िया कनिंङ कंङे च़रपोतो, कि कनिंङ छि लेह तोतआ। 7अंऊ मीहरे शाऊल रंङ साते तोईरे, दोरे चुपे केह्षा इलिर, छना कुचे दोच़ी सिर्फ प्रभु सग रेड्रीर अपेहल प्रभु ज़ि गप्पा लहरी पर अरिला तंङरिर ए माह। 8दोथर शाऊल धरतीऊ टोईच़ी खड़े शुई, पर दोऊ टिरा तगा अल्सी तोहई, दोबि छल्ले माह तंङसिरी, दिऊ थल्जी दोऊ साथीरे दोऊ गुड़ च़ुमने दोबि दमिश्क शहर रैंज़ा शिलिर। 9दंङ दोई षुमु ध्याड़ा तचेक खांई मरति, दंङ माह दोई छा ज़री, दंङ माह छा तुंङरी।
10दमिश्क शहरङ हनन्याह मिंदंङ इच्च़ा चेला तोहई, दोरंङ प्रभु यीशु ज़ि दर्शना रिंङ प्रकट शुचि कुई, “हे हनन्याह!” दोई कुई, “हा प्रभु।” 11दोथर प्रभु यीशु ज़ि दोरंङ साते कुई, अहच़ु दंङ सीधी मिंदंङ गली रिंङ इलज़ा, तरसुस शहरो शाऊला बि रुहक्तु अंऊ हेंतेग यहूदा ओ चुंङ तोह; छना कुचे दुह प्रार्थना लहज़ी लेह्की तोह, 12दंङ दर्शनो दोरच़ी गेह शाऊला बि कंङातेग कि हनन्याह मिन्दु इच्च़ा गंङमी तोंखा अपि लेहकी तोह, दंङ दोई एनोह गुह्ट्र दोऊ टोईच़ी केहच़ी ताकि दुह यह्च़ा खंड्री तरपोतो। 13हनन्याह ज़ि जुबाब रेंई, हे प्रभु यीशु, गेह दिह मीहू पाहठी महसे तु आहच़ि रेड्री तातेग कि दिह यरूशलेम शहरंङ कांह कनु मीहतंङ साते अंयों मदम लहसी ततो। 14दंङ देर्तिंङ अपिमी थल्जी ला दोबि यहुदी मोह्ड़े पुरोहिता तु दोरच़ी अधिकार खोकसा तोह, कि अंऊ मीहरे कांह टोहकठे बिशवास लहज़ातोर दोतिंङ बन्दी बणाएतु। 15पर प्रभु यीशु ज़ि हनन्याह रंङ साते कुई, “काह अच्च़ा ईला; छना कुचे दुह ता ऊईजाति तु दंङ रज्ज़ातु ए इस्राएली मीहतु तुईज़ी गिऊ पाहठी प्रचार लहज़िमी थल्जी अंङषी मीह शुह। 16दंङ गेह दोबि कमोग, कि मीहतु बिचंङ गिऊ पाहठी प्रचार लहज़िमी बज़ाहसि दोबि छना-छना ठ्रोह दुख उठाएच़ी लेह्पोतो।” 17दोथर हनन्याह खड़े अच़ा दुह चुंङ अति दंङ शाऊला रंङ साते दोहरी दंङ दोऊ टोईच़ी एनोह गुड़ केट्रा ते कुई, “हे न्वा शाऊला, प्रभु यीशु ज़ि, अच़ि कनिंङ देर्तिंङ अपिमी मुक्का दमिशको शहरो इबिमी मुक्का अमरिंङ दर्शन रेंई, दोई ए गिह्बी चरच़तो, कि कांह यच़ाह खांई तरपोन दंङ पवित्र आत्मा रंङ साते परिपूर्ण शुहचे योंई।” 18दंङ दोथर ए दोऊ टिरा रंङ च़ि छिलकाऊ ठ्रोह दरिर दंङ दुह खंड्री लेहती, दंङ हनन्याह खड़े शुई दंङ दोबि बपतिस्मा रांई; 19दंङ बगत ज़े ते ताकत खोकसिरी। दुह थोड़े अरे टेम तचेक दमिश्क शहरो चेला तंङ साते ए बंङज़िरी।
शाऊल ओ दोरच़ी यीशु मसीहू प्रचार
20दंङ ध्वांए दमिश्क शहरो यहुदी सभो घरबारङ यीशु ऊ पाहठी प्रचार लहज़ी लेहती, कि यीशु ए परमेश्वरो योह शुह। 21दंङ भत्ते रेड्रा दोरे हेरान शुहचा ते कुट्री लेहतिर, “छि दिह दुह हे मीह माह शुह आ अंऊ यरूशलेम शहरा रिंङ दोतिंङ नाश लहज़ाते अंऊ मसीह यीशु ऊ बिशवासी तोईरे, दंङ देर्तिंङ ला दिऊ थल्जी अंज़े तोहई, कि दोतिंङ बन्दी लहज़ा यहुदी मोह्ड़े पुरोहिता तु कछंङ रेंज़ा शोतो?” 22पर शाऊल ए ऊई ला महसे सामर्थ रंङ साते प्रचार लेह शुरू लेह च़रति, दंङ दिह गप्पो पाहठी सबूत रंड्रा ते कि यीशु ए मसीह शुह, दमिश्क इलाकंङ बंङज़ा यहुदी मीहतु आह बन्द लोहवा लहरी
23अपेहल शाऊला बि दमिश्क शहर बंङज़ा महसे टेम शुहचे इलि, ता यहुदी मीह ज़ि ठ्रोहका शुहचे दोबि सच़िमी थल्जी योजना लहरिर। 24पर दोतु योजना ओ पाहठी शाऊल बि पता लेहकी इलि: दोरे ता दोबि सच़िमी थल्जी दिन-रात इलाका ओ मोह्ड़े पेतंङ रिंङ पहरा रंड्रा तोईरे। रुमज़ा बंङज़ा तोईरे। 25पर इच्च़ा रातारिंङ चेलार दोबि दुह रघटु मोह्ड़े भिती रिंङ रेंज़ा शिलिर अंऊ शहरो पिला हासी लेहकी तोहई। दोथर दोच़ी भिती ऊ इच्च़ा अल्सी हिस्सा ओ दोरच़ी रशी रंङ साते इच्च़ा मोह्ड़े टोकरीरङ दोबि योंखा तकशे च़रतिर। झांह लेह दुह दमिश्क शहर बचेके हुंच़ा इलि।
यरूशलेम शहरंङ शाऊल
26शाऊल यरूशलेम शहरंङ इलि दंङ दोई चेला तंङ साते शामिल शुहबिमी कोशिश लहरी, पर भत्ते दोरंङ साते बेवातेर, छना कुचे दोतिंङ बिशवास माह शवाते कि दुह ला चेला शुह।
27पर बरनबास शाऊला बि ऐनारंङ साते प्रेरितातु कछंङ शिल्ज़े दोतंङ साते कुंई, कि दोच़ी छना ठ्रोह दमिश्क इलाकाओ हखा इबिमी अमरिंङ प्रभु यीशु बि खांई, दंङ प्रभु ज़ि दिरंङ साते गप्पा लहरी; दोथर दमिश्क शहरंङ दिह छना दोई याहब रंङ साते मीहतिंङ यीशु पाहठी प्रचार लहरी। 28प्रेरित ज़ि बरनबासो टोहकठे बिशवास लहरिर दंङ दिऊ थल्जी शाऊल दोतंङ साते बंङज़ा इलि। दंङ ऊई विशवासी तंङ साते जुड़ेकी इलि। दंङ यरूशलेम शहरंङ भत्ते ठहरि रिंङ इलि दंङ प्रभु यीशु पाहठी याहबा रंङ साते प्रचार लहज़ी लेहती। 29दंङ यूनानी भाषा कुट्रा यहुदी मीहतंङ साते कुवाद लहज़ा तोहई, पर दोरे दोबि सच़िमी कोशिश लहज़ी लेहतिर। 30दंङ ऊई चेला तिंङ दिह गप्पो पाहठी पता लेहका दंङ दोरे शाऊला बि केसरिया शहरंङ रैंज़ा हतिर, दंङ दोर्तिंङ दोरे दोऊ थल्जी समुंद्री जहाज़ंङ च़ि तरसुस शहरो हखा चरच़ि च़रतिर, अंऊ दोऊ एनोह शहर तोहई। 31झांह लेह भत्ते यहुदिया प्रदेश, गलील प्रदेश दङ सामरिया प्रदेशंङ कलीसियाओ मीहतिंङ शांति खोकसिरी, दंङ कलीसियाओ तरक्की शुहवा लहरी; दंङ प्रभु ऊ बेह्द ए पवित्र आत्माओ मदत रंङ साते महसे मीहतिंङ हौंसला खोकसिरी दंङ प्रभु यीशु ऊ टोहकठे बिशवास लहरीर।
ऐनियास ओ अईन शुहबी
32दंङ झांह शुई कि पतरस दुह भत्ते प्रदेशंङ जोज़ा, दुह परमेश्वरो मीहतु कछंङ दोईमी थल्जी इलि, अंऊ लुद्दा इलाकंङ बंङज़ा तोईरे। 33दोर्तिंङ दोबि एनियास मिन्दु नम्क्योंन ओ टेहची इच्च़ा मीह खोकसिरी, अंऊ रेह साल बेहच़ी टेहची एनोह बिस्तरो टोईच़ी तोहई। 34पतरस ए दोरंङ साते कुई, “हे एनियास! यीशु मसीह कनिंङ ठीक लहज़ा। खड़े शुह केनोह विस्तर उठातु।” दंङ दुह दोहथरे खड़े शुहचे इलि। 35दंङ लुद्दा ए शारोन प्रदेशंङ बंङज़ा दोरे, महसे मीहच़ी दोबि खांई ते प्रभु यीशु ऊ टोहकठे बिशवास लहरिर।
दोरकास बि जीवनदान
36याफा शहर, तबीता मतलब दोरकास#9:36 तबीता-यूनानी भाषा रिंङ दोऊ मिन दोरकास शुह, अतु मतलब शुह, “इच्च़ा हिरन।” मिंदंङ इच्च़ा विशवासी मेच़िमी तोहई। दोई महस ए रूठे-रूठे कम ए गरीबा तु मदत लहज़ाते। 37दुह मुक्का अपेहल पतरस लुद्दा इलाकंङ तोहई, तबीता बीमार शुहचे सीए इलि, दंङ दोच़ी दुह सुहज़ी लहरिर दंङ तोरिंङ कि कमरा रिंङ केहच़ी च़रतिर। 38दिऊ थल्जी कि लुद्दा इलाका याफा इलाका ओ कछंङ तोहई, चेलाज़ि दिह रेड्रा कि पतरस दोर्तिंङ तोह, झुह्ट मीह च़रच़ा दोरंङ साते बिनती लहरीर, हेंतेग ए ञेंहतु कछंङ अच़ा अता।
39दोहथर पतरस खड़े शुहचे दोतंङ साते अच्च़ा इलि, दंङ छना ए दुह पिचे इलि, ता दोरे पतरस बि तोरिंङ कि कमरा रिंङ रेंज़ा शिलिर। दंङ भत्ते रंणी मेच़िमी रे क्रपचा दोऊ कछंङ अंज़े खड़े शुईरे, दंङ अंऊ कुर्ती ए खमज़ेर दोरकास ए दोतु थल्जी बणाएकते, कंड्री लेहती। 40दोथर पतरसे भत्ते तिंङ कमराओ धकतेखा हुंच़िमी विनती लहरी, दंङ पुष्टू भारे बंङज़ा प्रार्थना लहरी; दंङ सीए फुको हखा खांई कुंई, “हे तबीता, खड़े शुह।” दंङ दोहथर ए दोई एनोह टिरा अलज़ि च़रति; दंङ पतरस बि खंड्रा खड़े शुहचे बंङज़ा इलि। 41दोई गुड़ रेह दुह खड़े लहरी, दंङ पवित्र मीहतिंङ ए रंणी मेच़िमी रे बुलाके दुह श्रींङे कंङे च़रति। 42दिह गप्पा भत्ते याफा शहरंङ फेलेके इलि; दंङ महसे मीहज़ी प्रभु यीशु ऊ टोईच़ी विशवास लहरीर। 43दंङ पतरस याफा शहरंङ शमौन मिंदंङ अरिया च़मो कम#9:43 च़मो कम थल्जी, च़म हंजे दोबि रह्घ रिंङ घषेकी दोऊ च़ोह्स हुंच़ी चरच़ी। चुना रै घषेकी च़मो दोरच़ी क्रा ला हुंच़े चरच़ी दोहथल च़मा बि ठुह्ह रै क्राह्फी लेह चरच़ी। दंङ अगर तांला क्रा माह हुंच़िरी ता फिटकारी रें घषेकी दोऊ क्रा हुंच़े चरच़ी, दोऊ थल दोबि तेल चाई ऐके रिंङ कारपि केट्री ताकि दुह ड्गड्गी शुहबी मेस। लहज़ा दोऊ दोर्तिंङ महसे ध्याड़ा तचेक बंङज़िरी।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahuali Bible (लाहौली) by The Love Fellowship is licensed under Creative Commons Attribution-ShareAlike 4.0 License.