प्रेरित मन के काम 3
3
लंगड़ा भिखारी ला चंगाई
1पतरस अउ यूहन्ना हर तीसर पहर मे बिनती करे बर मन्दिर मे जात रहिन। 2अउ मैनसे मन एक जनम कर लंगड़ा ला लानत रहिन, ओला ओमन मन रोज दिन मन्दिर कर ओ दूरा मे जेहर “सुन्दर” कहलाथे, बईठाए देहत रहिन कि ओहर मन्दिर मे आए जाए बाला मन जग भीख मांगत रहिस। 3जब ओहर पतरस अउ यूहन्ना ला मन्दिर मे जात देखिस, त ओमन ले भीख मांगिस। 4पतरस हर यूहन्ना कर संग मे ओकर कती ध्यान ले देख के कहिस, “हमर कती ला देख!” 5तले ओहर ओमन मन ले कुछ पाए कर आशा करत, ओमन कती ताके लागिस।
6तब पतरस हर कहिस, “चांदी अउ सोना त मोर जग नी है; लेकिन जेहर मोर जग आहे, ओला तोला देहत हो; यीशु मसीह नासरी कर नाव ले चल-फिर।” 7अउ पतरस हर ओकर जेवनी हाथ ला धईर के ओला उठईस; अउ तुरतेच ओकर गोड़ अउ ठेगुना मे बल आए गईस। 8ओहर उछेल के ठड़होए गईस, अउ रेंगे-कूदे लागिस; अउ रेंगत, अउ कूदत, अउ परमेश्वर कर स्तुति करत ओमन कर संग मन्दिर मे गईस। 9सबेच लोग मन ओला रेंगत-बुलत अउ परमेश्वर कर स्तुति करत देख के, 10ओके ला पहिचाएन लेहिन कि एहर ओहिच है, जेहर मन्दिर कर “सुन्दर” दूरा मे बईठ के भीख मांगत रहिस; अउ ओ घटना ले जेला ओकर संग मे होए रहिस; ओमन मन ढेरेच अचम्भित अउ अकचकाए गिन।
सुलैमान कर ओसरा मे पतरस कर सन्देश
11जब ओहर पतरस अउ यूहन्ना ला धरे रहिस, त सबेच लोग मन ढेरेच आर्श्चय करत ओ ओसरा मे जेहर सुलैमान कर कहलाथे, ओमन कर लिघे कूदत अईस। 12एला देख के पतरस हर लोग मन ले कहिस, “हे इस्राएली मन, तुमन ये मैनसे पर काबर आश्चर्य करथा, अउ हमर कती ला काबर ये मंधे ले देख था कि माना हमन ही अपन सामर्थ्य अउ भक्ति ले एला रेंगे-बुले कर लाएक बनाए देहेन। 13अब्राहम अउ इसहाक अउ याकूब कर परमेश्वर, हमर पूर्वज कर परमेश्वर हर अपन सेवक यीशु कर महिमा करिस, जेला तुमन मन पकड़वाए देहा, अउ जब पिलातुस हर यीशु ला छोएड़ देहे कर बिचार करिस, तब तुमन ओकर आगू मे यीशु मसीह कर तिरिसकार करा। 14तुमन मन ओ पवित्र अउ धर्मी कर तिरिसकार करा, अउ बिनती करा कि एक हतियारा ला तुमन बर छोएड़ देहल जाए। 15अउ तुमन जीवन कर कर्ता ला माएर देहा, जेला पवित्र-परमेश्वर हर मरल मन ले जीलईस; अउ ये गोएठ कर हमन गवाह हन। 16अउ ओकरे नाव मे ओ बिश्वास कर द्वारा जेहर ओकर नाव मे है, ये मैनसे ला जेला तुमन देख था अउ जानथा भी कि सामर्थ्य देहिस है; ओहिच बिश्वास हर जेला ओकर द्वारा है, एला तुमन सबेच कर आगू मे एकदमेच भला चंगा कईर देहिस है।
17अब हे भाई मन, मैहर जानथो कि ये बुता ला तुमन जाएन के नी करे हा, अउ ओहिच कस तुमन कर मुखिया मन भी करिन। 18लेकिन जे गोएठ मन ला परमेश्वर हर सबेच अगमजानी मन कर मुंह ले आगू ले बताए देहे रहिस, कि ओकर मसीह हर दुख उठाही, ओमन ला एहिच रीति ले पूरा करिस। 19एकरे बर, मन फिरावा अउ फिर आवा कि तुमन कर पाप मिटाल जाही जेकर बर प्रभु कर आगू मे अराम कर दिन आही, 20अउ ओहर यीशु ला भेजिस जेहर तुमन बर आगू ले मसीह ठहराल गए रहिस। 21जरूरेच है कि ओहर स्वर्ग मे ओ समय तक रही जब ले कि ओहर सबेच गोएठ मन ला सुधार नी कईर लेही जेकर चर्चा प्राचीन काल ले परमेश्वर हर अपन पवित्र अगमजानी मन कर मुंह ले कहिस है। 22जेकस मूसा हर कहिस, ‘प्रभु परमेश्वर तुमन मन कर भाई मन ले तुमन मन बर मोर जईसन एक अगमजानी उठाही, जे कुछ ओहर तुमन मन ले कही, ओकर सुनिहा।’ 23लेकिन ये मैनसे मन जेहर ओ अगमजानी कर नी सुनही, लोग मन ले नाश करल जाही। 24अउ शमूएल ले ले के ओकर बाद बाला मन तक जेतेक अगमजानी मन गोठियाए रहिन ओ सबेच ये दिन मन कर खबर देहिस है। 25तुमन अगमजानी मन कर संतान मन अउ ओ बाचा कर भागी हा, जेला परमेश्वर हर तुमन कर पूर्वज मन ले बांधीस है, जब ओहर अब्राहम ले कहिस, ‘तोर बंश कर द्वारा धरती कर सबेच घर बाला मन आशीष पाही।’ 26परमेश्वर हर अपन सेवक ला उठाए के आगू ले तुमन कर लिघे भेजिस, कि तुमन मन ले हर एक झन कर ओकर बुराई मन ले फिर के आशीष देही।”
Currently Selected:
प्रेरित मन के काम 3: SGJNT
Highlight
Share
Copy
Want to have your highlights saved across all your devices? Sign up or sign in
SurgujiaBible (सरगुजिया) by The Love Fellowship is licensed under Creative Commons Attribution-ShareAlike 4.0 License.
प्रेरित मन के काम 3
3
लंगड़ा भिखारी ला चंगाई
1पतरस अउ यूहन्ना हर तीसर पहर मे बिनती करे बर मन्दिर मे जात रहिन। 2अउ मैनसे मन एक जनम कर लंगड़ा ला लानत रहिन, ओला ओमन मन रोज दिन मन्दिर कर ओ दूरा मे जेहर “सुन्दर” कहलाथे, बईठाए देहत रहिन कि ओहर मन्दिर मे आए जाए बाला मन जग भीख मांगत रहिस। 3जब ओहर पतरस अउ यूहन्ना ला मन्दिर मे जात देखिस, त ओमन ले भीख मांगिस। 4पतरस हर यूहन्ना कर संग मे ओकर कती ध्यान ले देख के कहिस, “हमर कती ला देख!” 5तले ओहर ओमन मन ले कुछ पाए कर आशा करत, ओमन कती ताके लागिस।
6तब पतरस हर कहिस, “चांदी अउ सोना त मोर जग नी है; लेकिन जेहर मोर जग आहे, ओला तोला देहत हो; यीशु मसीह नासरी कर नाव ले चल-फिर।” 7अउ पतरस हर ओकर जेवनी हाथ ला धईर के ओला उठईस; अउ तुरतेच ओकर गोड़ अउ ठेगुना मे बल आए गईस। 8ओहर उछेल के ठड़होए गईस, अउ रेंगे-कूदे लागिस; अउ रेंगत, अउ कूदत, अउ परमेश्वर कर स्तुति करत ओमन कर संग मन्दिर मे गईस। 9सबेच लोग मन ओला रेंगत-बुलत अउ परमेश्वर कर स्तुति करत देख के, 10ओके ला पहिचाएन लेहिन कि एहर ओहिच है, जेहर मन्दिर कर “सुन्दर” दूरा मे बईठ के भीख मांगत रहिस; अउ ओ घटना ले जेला ओकर संग मे होए रहिस; ओमन मन ढेरेच अचम्भित अउ अकचकाए गिन।
सुलैमान कर ओसरा मे पतरस कर सन्देश
11जब ओहर पतरस अउ यूहन्ना ला धरे रहिस, त सबेच लोग मन ढेरेच आर्श्चय करत ओ ओसरा मे जेहर सुलैमान कर कहलाथे, ओमन कर लिघे कूदत अईस। 12एला देख के पतरस हर लोग मन ले कहिस, “हे इस्राएली मन, तुमन ये मैनसे पर काबर आश्चर्य करथा, अउ हमर कती ला काबर ये मंधे ले देख था कि माना हमन ही अपन सामर्थ्य अउ भक्ति ले एला रेंगे-बुले कर लाएक बनाए देहेन। 13अब्राहम अउ इसहाक अउ याकूब कर परमेश्वर, हमर पूर्वज कर परमेश्वर हर अपन सेवक यीशु कर महिमा करिस, जेला तुमन मन पकड़वाए देहा, अउ जब पिलातुस हर यीशु ला छोएड़ देहे कर बिचार करिस, तब तुमन ओकर आगू मे यीशु मसीह कर तिरिसकार करा। 14तुमन मन ओ पवित्र अउ धर्मी कर तिरिसकार करा, अउ बिनती करा कि एक हतियारा ला तुमन बर छोएड़ देहल जाए। 15अउ तुमन जीवन कर कर्ता ला माएर देहा, जेला पवित्र-परमेश्वर हर मरल मन ले जीलईस; अउ ये गोएठ कर हमन गवाह हन। 16अउ ओकरे नाव मे ओ बिश्वास कर द्वारा जेहर ओकर नाव मे है, ये मैनसे ला जेला तुमन देख था अउ जानथा भी कि सामर्थ्य देहिस है; ओहिच बिश्वास हर जेला ओकर द्वारा है, एला तुमन सबेच कर आगू मे एकदमेच भला चंगा कईर देहिस है।
17अब हे भाई मन, मैहर जानथो कि ये बुता ला तुमन जाएन के नी करे हा, अउ ओहिच कस तुमन कर मुखिया मन भी करिन। 18लेकिन जे गोएठ मन ला परमेश्वर हर सबेच अगमजानी मन कर मुंह ले आगू ले बताए देहे रहिस, कि ओकर मसीह हर दुख उठाही, ओमन ला एहिच रीति ले पूरा करिस। 19एकरे बर, मन फिरावा अउ फिर आवा कि तुमन कर पाप मिटाल जाही जेकर बर प्रभु कर आगू मे अराम कर दिन आही, 20अउ ओहर यीशु ला भेजिस जेहर तुमन बर आगू ले मसीह ठहराल गए रहिस। 21जरूरेच है कि ओहर स्वर्ग मे ओ समय तक रही जब ले कि ओहर सबेच गोएठ मन ला सुधार नी कईर लेही जेकर चर्चा प्राचीन काल ले परमेश्वर हर अपन पवित्र अगमजानी मन कर मुंह ले कहिस है। 22जेकस मूसा हर कहिस, ‘प्रभु परमेश्वर तुमन मन कर भाई मन ले तुमन मन बर मोर जईसन एक अगमजानी उठाही, जे कुछ ओहर तुमन मन ले कही, ओकर सुनिहा।’ 23लेकिन ये मैनसे मन जेहर ओ अगमजानी कर नी सुनही, लोग मन ले नाश करल जाही। 24अउ शमूएल ले ले के ओकर बाद बाला मन तक जेतेक अगमजानी मन गोठियाए रहिन ओ सबेच ये दिन मन कर खबर देहिस है। 25तुमन अगमजानी मन कर संतान मन अउ ओ बाचा कर भागी हा, जेला परमेश्वर हर तुमन कर पूर्वज मन ले बांधीस है, जब ओहर अब्राहम ले कहिस, ‘तोर बंश कर द्वारा धरती कर सबेच घर बाला मन आशीष पाही।’ 26परमेश्वर हर अपन सेवक ला उठाए के आगू ले तुमन कर लिघे भेजिस, कि तुमन मन ले हर एक झन कर ओकर बुराई मन ले फिर के आशीष देही।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
SurgujiaBible (सरगुजिया) by The Love Fellowship is licensed under Creative Commons Attribution-ShareAlike 4.0 License.