Luc 5
5
Mpèr klèf a vata
(Mt. 4,18-22; Marc 1,16-20)
1Te deɓ nasa nʼngu ar haha: ndohi rèdèdèa ta ndèɗècè Yèsu, ta woy a ta tsena ma Zhiklè. Yèsu a nzlatsa a ma woyam Génésareth. 2A nrka wuromhi cèw ta zhè a ma woyam, a ndohi mpèr klèf ta shkè ta auda ma, a ta til latahai. 3A Yèsu a mdo a wurom Simon, a ndzhoɗo man a ndaʼa a ndev iyam kètè. A Yèsu a nʼnzahai, a wurom, a nsenda ta ndohi rèdèdèa.
4Aman njè-ma nengaʼa klèng ma, a ngaɗa na Simon: Herde wurom a ndev iyam! Va-wusheda latahi kinè, a kin por klèf! 5Simon a mʼmbeɗa na a ma: Bai, nga gu mizlinè daga man a vaɗ tèlèba, nga ngatsa skwa ɓai. Aman a géɗ man ka goɗo, i wusheda lata mènè. 6Aman ta gu arsa, ta por klèf a vata, ha lata a woy a ku-rècè. 7A ta kutèka ta ri a mandalahi tengaʼa man ta te wurom ngiɗè, aman ta shkè, a ta takaha ta. A ta shkè, a ta ndheda wuromhi cèw, a wuromhi ta woya a ta dè a hwaɗ iyam. 8Aman Simon Pierre a rkaʼa, a nkalahi a deɓ sak Yèsu, a ngaɗa: Bi ga, do auda a sam ga, aman i ndo malai! 9Pierre a nrzl na, a ndohi tèlèba man ta zhè a sam na, a géɗ klèf man ta poro. 10Lèmèlèmè Jacques a Jean, wudahi Zébédée, mandalahi Simon. A Yèsu a ngaɗa na Simon: Ka gu zlau ɓai, anai ka da pèr ndo. 11Aman ta da wurom a dzah, ta jèkeda skwi ta tèlèba, a ta dzodzor Yèsu.
Yèsu a nsuâa ndo hutsoɗ
(Mt. 8,1-4; Marc 1,4-45)
12Te deɓ nasa nʼngu ar haha: Aman Yèsu a zhè te kokwar mbiaʼa ngiɗè, na haha ndo ngiɗè a zhè, hutsoɗ a va, zlapzlapaʼa. Aman a rka Yèsu, a nkalahi a deɓ sak nengaʼa, a ntsu riaʼa, a ngaɗa na: Bai, man ka woyaʼa, ka slaha a ka sudyè. 13A Yèsu a ngeda rai, a nlama na, a ngaɗa na: I woyaʼa, suɗ ngaya! A nasa nasa hutsoɗ a ndal na. 14A Yèsu a mfa na ma a gèɗ, a ngaɗa na: Ka da gaɗa na ndo ngiɗè ɓai! Aman do, ngreda na va ngaya a ndo mvi skwi a Zhiklè, a ka va na skwi a Zhiklè, ara man Moise a goɗa, a géɗ man ka suɗ ngaya ma. A skwi haha a gi a skwi malwudai a sam tengaʼa.
15Aman labar ma nengaʼa a zlèzlèmè a ma ma, a ndohi rèdèdèʼa ta ɓicko va, aman ta cinèʼa, a ta mbel ta te matakwan tengaʼa. 16Aman Yèsu a mʼmenda va na a deɓa a sam man ndo az a pa ɓai, a ntsi rai.
Yèsu a mhela ndo vedal
(Mt. 9,1-8; Marc 2,1-12)
17Te deɓ nasa nʼngu ar haha: Pats ngiɗè, Yèsu a nsenda ta ndohai. A ndohi pharisie a malamhai man ta shkè te kokwar tèlèba te Galilée, te Judée, te Jérusalem, ta nza a pa. A Zhiklè a mva na wuɗi a Yèsu, man a mbel ta ndohi matakwan. 18Na haha ndohi ngiɗè ta zuɓkoɗi ndo vedal, a sam mʼmènè na, a ta woy a ta mèndè a hai a sam sak Yèsu. 19Aman ta slaha ta ndikè a sam nengaʼa ɓai; ndo kumba. A to do a géɗ gai, a ta bezda pa a géɗ gai, a sam mʼmènè na, a va ndohai, a sam Yèsu. 20Aman Yèsu a rka, ara man ta co a ndav ta, a ngaɗa na: Masli ga, malihi ngaya ta pra ma! 21A malamhai a ndohi pharisie ta hüno a ta hérèa. Nengaʼa wa, man a derde Zhiklè ar haha? Nslaha a mprè mali wa, sèi Zhiklè staɗgenè ka ɓi ɗè! 22Aman Yèsu a sun skwi man ta huro, a mʼmbeɗa ta a ma: Kin hér mè? 23Mwuɗi a te pa ɓi nangwa, ngèɗè: mali ngaya mpra ma dè, dè, slambaɗa, a ko do dè. 24A géɗ man kin shinèʼa, wuɗi krando a zhe, aman a prè malai a géɗ herkeda… a ngaɗa na ndo vedal: I gaɗa ka, slambaɗa, co sam mʼmènè ngaya, a ko do ngwai! 25A nasa nasa a nslambaɗa a sam di ta, a nco skwi man a mana a pa, a ndo na ngwai, a nslubordo Zhiklè. 26A ta tè-lèba ta rzl ta, a ta slubordo Zhiklè. Zlau a ndza ta, a ta gaɗa: A patsna nga rka nrkedai!
Yèsu a baha na Lévi
(Mt. 9,9-13; Marc 2,13-17)
27Te deɓaʼa Yèsu a njèkeda kokwar, a nrka ndo duak, nzlembaɗ na Lévi, a nʼnza a ma gi duak, a ngaɗa na: Dzadzar-kayè! 28A Lévi a njèkeda skwi tèlèba, a nslambaɗa, a ndzodzora.
29A Lévi a ngu skwi nʼndi mbiaʼa te gi na. A ndohi ncèkèlè skwai kumba, a ndohi ngiɗè ta zhè, man ta nza a nda tengaʼa. 30A ndohi pharisie a malamhai ta gu ma a ta gaɗa ta golahi Yèsu: Kin ndi skwi nʼndai, kin si skwai, a nda ndohi ncèkèlè skwai, a ndohi malihai èhèmè? 31A Yèsu a mʼmbeɗa ta a ma: Ndohi man skwa a dza ta azɓai, ta dè a sam ndo madzaf azɓai, aman ndohi matakwan. 32I shkè aman i bèhè ndohi nzuraʼa ka ɓai; i shkè, a i bèhè ndohi malihai, aman ta ngwèdè ndav ta.
Njhèɗè-ma a géɗ njèkè skwi nʼndai
(Mt. 9,14-17; Marc 2,18-22)
33A ta gaɗa na: Golahi Jean ta jèkeda skwi nʼndai pats ngiɗè pats ngiɗè, a ta tsi ri a vata, lèmèlèmè ara ndohi pharisie. Aman golahi ngaya ta ndi skwai, a ta si skwai, èhèmè? 34A Yèsu a ngaɗa ta: A pats man ntsima a zhè a sam ta, kin slaha kin gaɗa ta mandalahi ntsima, aman ta jèkeda skwi nʼndi dè? 35Pats ngiɗè a di a shkè, man ta da ceda ntsim ta a ma. A pats nasa ta da jèkeda skwi nʼndai. 36A ngaɗa ta a ngèlègèɗ-ma: Ndo azɓai, man a kurècè maslaka mɓuaʼa, a ntsi maslaka mʼmovaʼa a vna. Maslaka mɓuaʼa ba a kuratsaʼa. Maslaka mɓuaʼa a maslaka mʼmovaʼa ta humdè azɓai. 37Ndo a ɓéjè zom mɓeslɓiaʼa a duzlakhi man hwaɗa nʼndaʼa, azɓai; man ɓai zom mɓeslɓiaʼa a tuw ta duzlakhai, a zom a mbèdèhai, a duzlakhi ta bazl ta. 38Aman ta ɓéjè zom ɓeslɓiaʼa a duzlakhi man hwaɗaʼa nʼnde ɓai. 39Ndo azɓai, man a nsau mèpè barassa, az a woy barassa man mèpè ka ɓai. Aman a gaɗa: Mèpè barassa a fenaʼa.
Currently Selected:
Luc 5: MOF89
Highlight
Share
Copy
Want to have your highlights saved across all your devices? Sign up or sign in
Alliance Biblique du Cameroun 1989
Luc 5
5
Mpèr klèf a vata
(Mt. 4,18-22; Marc 1,16-20)
1Te deɓ nasa nʼngu ar haha: ndohi rèdèdèa ta ndèɗècè Yèsu, ta woy a ta tsena ma Zhiklè. Yèsu a nzlatsa a ma woyam Génésareth. 2A nrka wuromhi cèw ta zhè a ma woyam, a ndohi mpèr klèf ta shkè ta auda ma, a ta til latahai. 3A Yèsu a mdo a wurom Simon, a ndzhoɗo man a ndaʼa a ndev iyam kètè. A Yèsu a nʼnzahai, a wurom, a nsenda ta ndohi rèdèdèa.
4Aman njè-ma nengaʼa klèng ma, a ngaɗa na Simon: Herde wurom a ndev iyam! Va-wusheda latahi kinè, a kin por klèf! 5Simon a mʼmbeɗa na a ma: Bai, nga gu mizlinè daga man a vaɗ tèlèba, nga ngatsa skwa ɓai. Aman a géɗ man ka goɗo, i wusheda lata mènè. 6Aman ta gu arsa, ta por klèf a vata, ha lata a woy a ku-rècè. 7A ta kutèka ta ri a mandalahi tengaʼa man ta te wurom ngiɗè, aman ta shkè, a ta takaha ta. A ta shkè, a ta ndheda wuromhi cèw, a wuromhi ta woya a ta dè a hwaɗ iyam. 8Aman Simon Pierre a rkaʼa, a nkalahi a deɓ sak Yèsu, a ngaɗa: Bi ga, do auda a sam ga, aman i ndo malai! 9Pierre a nrzl na, a ndohi tèlèba man ta zhè a sam na, a géɗ klèf man ta poro. 10Lèmèlèmè Jacques a Jean, wudahi Zébédée, mandalahi Simon. A Yèsu a ngaɗa na Simon: Ka gu zlau ɓai, anai ka da pèr ndo. 11Aman ta da wurom a dzah, ta jèkeda skwi ta tèlèba, a ta dzodzor Yèsu.
Yèsu a nsuâa ndo hutsoɗ
(Mt. 8,1-4; Marc 1,4-45)
12Te deɓ nasa nʼngu ar haha: Aman Yèsu a zhè te kokwar mbiaʼa ngiɗè, na haha ndo ngiɗè a zhè, hutsoɗ a va, zlapzlapaʼa. Aman a rka Yèsu, a nkalahi a deɓ sak nengaʼa, a ntsu riaʼa, a ngaɗa na: Bai, man ka woyaʼa, ka slaha a ka sudyè. 13A Yèsu a ngeda rai, a nlama na, a ngaɗa na: I woyaʼa, suɗ ngaya! A nasa nasa hutsoɗ a ndal na. 14A Yèsu a mfa na ma a gèɗ, a ngaɗa na: Ka da gaɗa na ndo ngiɗè ɓai! Aman do, ngreda na va ngaya a ndo mvi skwi a Zhiklè, a ka va na skwi a Zhiklè, ara man Moise a goɗa, a géɗ man ka suɗ ngaya ma. A skwi haha a gi a skwi malwudai a sam tengaʼa.
15Aman labar ma nengaʼa a zlèzlèmè a ma ma, a ndohi rèdèdèʼa ta ɓicko va, aman ta cinèʼa, a ta mbel ta te matakwan tengaʼa. 16Aman Yèsu a mʼmenda va na a deɓa a sam man ndo az a pa ɓai, a ntsi rai.
Yèsu a mhela ndo vedal
(Mt. 9,1-8; Marc 2,1-12)
17Te deɓ nasa nʼngu ar haha: Pats ngiɗè, Yèsu a nsenda ta ndohai. A ndohi pharisie a malamhai man ta shkè te kokwar tèlèba te Galilée, te Judée, te Jérusalem, ta nza a pa. A Zhiklè a mva na wuɗi a Yèsu, man a mbel ta ndohi matakwan. 18Na haha ndohi ngiɗè ta zuɓkoɗi ndo vedal, a sam mʼmènè na, a ta woy a ta mèndè a hai a sam sak Yèsu. 19Aman ta slaha ta ndikè a sam nengaʼa ɓai; ndo kumba. A to do a géɗ gai, a ta bezda pa a géɗ gai, a sam mʼmènè na, a va ndohai, a sam Yèsu. 20Aman Yèsu a rka, ara man ta co a ndav ta, a ngaɗa na: Masli ga, malihi ngaya ta pra ma! 21A malamhai a ndohi pharisie ta hüno a ta hérèa. Nengaʼa wa, man a derde Zhiklè ar haha? Nslaha a mprè mali wa, sèi Zhiklè staɗgenè ka ɓi ɗè! 22Aman Yèsu a sun skwi man ta huro, a mʼmbeɗa ta a ma: Kin hér mè? 23Mwuɗi a te pa ɓi nangwa, ngèɗè: mali ngaya mpra ma dè, dè, slambaɗa, a ko do dè. 24A géɗ man kin shinèʼa, wuɗi krando a zhe, aman a prè malai a géɗ herkeda… a ngaɗa na ndo vedal: I gaɗa ka, slambaɗa, co sam mʼmènè ngaya, a ko do ngwai! 25A nasa nasa a nslambaɗa a sam di ta, a nco skwi man a mana a pa, a ndo na ngwai, a nslubordo Zhiklè. 26A ta tè-lèba ta rzl ta, a ta slubordo Zhiklè. Zlau a ndza ta, a ta gaɗa: A patsna nga rka nrkedai!
Yèsu a baha na Lévi
(Mt. 9,9-13; Marc 2,13-17)
27Te deɓaʼa Yèsu a njèkeda kokwar, a nrka ndo duak, nzlembaɗ na Lévi, a nʼnza a ma gi duak, a ngaɗa na: Dzadzar-kayè! 28A Lévi a njèkeda skwi tèlèba, a nslambaɗa, a ndzodzora.
29A Lévi a ngu skwi nʼndi mbiaʼa te gi na. A ndohi ncèkèlè skwai kumba, a ndohi ngiɗè ta zhè, man ta nza a nda tengaʼa. 30A ndohi pharisie a malamhai ta gu ma a ta gaɗa ta golahi Yèsu: Kin ndi skwi nʼndai, kin si skwai, a nda ndohi ncèkèlè skwai, a ndohi malihai èhèmè? 31A Yèsu a mʼmbeɗa ta a ma: Ndohi man skwa a dza ta azɓai, ta dè a sam ndo madzaf azɓai, aman ndohi matakwan. 32I shkè aman i bèhè ndohi nzuraʼa ka ɓai; i shkè, a i bèhè ndohi malihai, aman ta ngwèdè ndav ta.
Njhèɗè-ma a géɗ njèkè skwi nʼndai
(Mt. 9,14-17; Marc 2,18-22)
33A ta gaɗa na: Golahi Jean ta jèkeda skwi nʼndai pats ngiɗè pats ngiɗè, a ta tsi ri a vata, lèmèlèmè ara ndohi pharisie. Aman golahi ngaya ta ndi skwai, a ta si skwai, èhèmè? 34A Yèsu a ngaɗa ta: A pats man ntsima a zhè a sam ta, kin slaha kin gaɗa ta mandalahi ntsima, aman ta jèkeda skwi nʼndi dè? 35Pats ngiɗè a di a shkè, man ta da ceda ntsim ta a ma. A pats nasa ta da jèkeda skwi nʼndai. 36A ngaɗa ta a ngèlègèɗ-ma: Ndo azɓai, man a kurècè maslaka mɓuaʼa, a ntsi maslaka mʼmovaʼa a vna. Maslaka mɓuaʼa ba a kuratsaʼa. Maslaka mɓuaʼa a maslaka mʼmovaʼa ta humdè azɓai. 37Ndo a ɓéjè zom mɓeslɓiaʼa a duzlakhi man hwaɗa nʼndaʼa, azɓai; man ɓai zom mɓeslɓiaʼa a tuw ta duzlakhai, a zom a mbèdèhai, a duzlakhi ta bazl ta. 38Aman ta ɓéjè zom ɓeslɓiaʼa a duzlakhi man hwaɗaʼa nʼnde ɓai. 39Ndo azɓai, man a nsau mèpè barassa, az a woy barassa man mèpè ka ɓai. Aman a gaɗa: Mèpè barassa a fenaʼa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique du Cameroun 1989