روسولأنٚ کأرأن ۱۱
۱۱
خودا هر آدٚمی‌یَ خأیه نیجأت بٚدأ
1 اوشأنی کی یوهودی نوبودٚ ایمأن اَوٚردٚنٚ خٚوٚر دفأتن همٚتأ جیگأ بیپیچسته و روسولأن و البأقی مسیحٚ شأگردأن کی یوهودیه میأن ایسأ بودٚ گوشم فأرٚسِه. 2 پس او زمأت کی پطرس اورشلیمَ وأگردسته، او ایمأندأرأن کی یوهودی بود اونی اَمرأ در دکفتٚده 3 و بوگفتٚده: کی چٚره اوشأنی کی یوهودی نییٚده اَمرأ بینیش ویریز کونه و جٚه همه بدتر، اوشأنی اَمرأ ایتأ سٚفره سٚر غذأ بوخورده.
4 او وخت پطرس طول و تفصیلٚ اَمرأ جٚه اوّل مأجیرأیَ اَشأنٚ رِه وأگویا بوکوده و بوگفته:
5 «ایتأ روج یافا شهرٚ میأن ایسأ بوم. او وخت کی دوعأ کودأندوبوم، رویأ میأن بیدِم کی ایچی ایتأ پیله سٚفره مأنستَن آسمأنٚ جَا بیجیر بأمؤ کی چأر طرفٚ جَا آویزأن بو. 6 او وخت کی خُب اونَ فأندرستٚم بیدِم او سٚفره میأن جوروأجورٚ اهلی و وأشی حیوأنأن، خزنده‌یأن و پرنده‌یأن نٚهأ بو. 7 بأزون ایتأ صدا بشتأوستم کی مٚرَه بوگفته: ویریز و هر تأ‌یَ کی خأیی ذبح بوکون و بوخور.
8 «بوگفتم: "اَی خوداوند، من اَطؤچی کأرَ نوکونم، چونکی تومأمٚ می زٚندیگی میأنی هیوخت حرأم و نجستٚ چی‌یَ لب نٚزئم!"
9 «ولی جٚه آسمأن ایوأردِه او صدا بوگفته: "اونچی‌یَ کی خودا پأک چأکوده، تو اونَ نجست نوأدأنستن!"
10 «اَ رویأ سه وأر تکرار بوبوسته. بأزون او سٚفره ایوأردِه آسمأنٚ ور بوشؤ بوجؤر. 11 اَدٚل هه زمأتٚ میأن، سه نفر فأرٚسِده او خأنه میأن کی من اویَه میهمأن بوم. اوشأن بأمؤ بود مٚرَه ببرد قیصریه. 12 روح‌القدس مٚرَه بوگفته کی اَشأنٚ اَمرأ بٚشٚم و اَشأنَ یوهودی نوبؤئنٚ نیده بو بیگیر. اَ شیش‌تأ برأرم می اَمرأ بأمؤده. پس او آدمٚ خأنه فأرٚسِییم کی می دونبأل اوسه کوده بو. 13 اون اَمِرِه نقل بوکوده کی چوطؤ ایتأ فٚرٚشته اونی رِه ظأهیرَ بوسته و اونَ بوگفته: "چن نفرَ اوسه کون یافا میأن کی شمعونٚ پطرسَ بیأفٚد. 14 اون گه کی چوطویی تو و تی خأنوأر تأنیدی نیجأت بیأفید!"»
15 «او وخت کی گب زِئنَ اَشأنی رِه سٚر بیگیفتٚم، روح‌القدس اَشأنٚ سٚر نأزل بوبوسته، پأک هوطؤیی کی اوّل اَمی سٚر نأزل بوبوسته. 16 او وخت خودا گبأنَ خأطر بأوٚردٚم کی بٚفرمأسته: "یوحنا آبٚ اَمرأ تعمید دٚئی؛ ولی شومأن روح‌القدسٚ اَمرأ تعمید فأگیریدی." 17 هسأ، اگه خودا اَشأنٚ کی یوهودی نوبودَ هو پیشکشَ فأدأ کی خوداوند عیسا مسیحٚ ایمأن اَوٚردٚنٚ پٚسی اَمٚرَه بٚبخشه، پس من کی ایسٚم کی خودا رأ سٚر بئیسٚم.»
18 او وخت کی اَنَ بشتأوستٚد، قأنع بوبوستٚد و بوگفتٚده: «خودایَ شوکر کی هو لوطفی کی اَمِرِه بوکوده، اوشأنی کی یوهودی نوبودٚ رِه‌یٚم بوکوده و اَشأنٚ رِه اَ رأیَ بٚنأ کی گونأ جَا دٚس فأکٚشٚد، اونی ور وأگردٚد و همیشٚکی زٚندیگی‌یَ فأگیرٚد.»
ایماندأرأنٚ اَذِت آزأر و شکنجه کودن اینجیلَ پیش تأوٚده
19 ایستیفانٚ کوشتٚنٚ پٚسی، او وخت کی بینأ بوکودٚد ایماندأرأنٚ شکنجه و اَذِت آزأر کودن، اوشأنی کی اورشلیمٚ جَا بوگروخته بود، پیش دکفتٚده فینیقیه و قبرس و انطأکیه ور و اینجیلٚ پیغأمَ فقد یوهودیأنَ فأرٚسأنِد. 20 ولی چنتأ جٚه ایمأندأرأن کی قبرس و قیروان شین بود او وخت کی انطأکیه‌یَ فأرٚسِد، یونأنیأنٚ اَمرأیم عیسای خوداوندٚ جَا گب بٚزِد. 21 خوداوندٚ قودرت اوشأنٚ اَمرأ بو، جوری کی خٚیلی جٚه اَشأنی کی یوهودی نوبود ایمأن بأوٚردٚد و خوداوندٚ ور وأگردٚستٚد.
22 او وخت کی اَ خٚوٚر اورشلیمٚ کیلیسا ایماندأرأنٚ گوش فأرٚسِه، برنابایَ کی قبرسٚ شین بو، اوسه کودٚد انطأکیه کی تأزه ایمأندأرأنَ یاور فأرٚسأنه. 23 او وخت کی برنابا فأرٚسِه اویَه و بیدِه کی خودا چی کأرأنی بوکوده کی آدمٚ قأقَ کونه، خٚیلی خوشألَ بوسته و ایمأندأرأنَ تِشویق بوکوده کی تومأمٚ جأنٚ اَمرأ خوداوندٚ رِه وفأ بوکونٚد. 24 برنابا ایتأ مهرٚوأنٚ آدم و روح‌القدسٚ جَا پور بو و ایتأ پورقوّتٚ ایمأن دأشتی. اَطؤیی بو کی، مردوم دسته دسته خوداوندَ ایمأن بأوٚردٚد.
25 برنابا بوشؤ طرسوس کی سولُسَ بیأفه. 26 او وخت کی اونَ بیأفته، بأوٚرده انطأکیه و هر دوتأن ایتأ سأل انطأکیه میأن بئیسأده و خٚیلی جٚه تأزه ایمأندأرأنَ بأمؤختٚده. انطأکیه میأن بو کی اوّلی وأرٚ رِه اوشأنی کی مسیحٚ رأیَ شؤئید «مسیحی» لقب بٚدأده.
27 اَ زمأتٚ میأن، چنتأ نبی اورشلیمٚ جَا بأمؤده انطأکیه میأن. 28 ایتأ جٚه اوشأن کی اونی نأم اَغابوس بو، ایتأ عیبأدتٚ مرأسیمٚ میأن ویریشته و خودا روحٚ اَمرأ پیشگویی بوکوده کی، پور دِه بأقی نییٚه کی ایسرأییلٚ سرزیمینٚ میأن ایتأ پیله قحطی پیش اَیِه. اَ قحطی کلودیوس قیصرٚ فرمأنروأیی زمأتٚ میأن پیش بأمؤ. 29 پس، مسیحیأن اویَه بینأ بوکودٚد هر کی خو زورٚ موشتٚ اَندر، ایتأ پیشکشی فأده کی یوهودیه مسیحیأنٚ رِه اوسه کونٚد. 30 اَ کأرَ بوکودٚد و خوشأنی پیشکشأنَ برنابا و سولُسٚ دٚس بیسپأردٚد کی اورشلیمٚ کیلیسا پیله کسأنٚ ورجأ ببرد.
Currently Selected:
روسولأنٚ کأرأن ۱۱: GLK_NT
Highlight
Share
Copy
Want to have your highlights saved across all your devices? Sign up or sign in
© 2024 Transform Iran
روسولأنٚ کأرأن ۱۱
۱۱
خودا هر آدٚمی‌یَ خأیه نیجأت بٚدأ
1 اوشأنی کی یوهودی نوبودٚ ایمأن اَوٚردٚنٚ خٚوٚر دفأتن همٚتأ جیگأ بیپیچسته و روسولأن و البأقی مسیحٚ شأگردأن کی یوهودیه میأن ایسأ بودٚ گوشم فأرٚسِه. 2 پس او زمأت کی پطرس اورشلیمَ وأگردسته، او ایمأندأرأن کی یوهودی بود اونی اَمرأ در دکفتٚده 3 و بوگفتٚده: کی چٚره اوشأنی کی یوهودی نییٚده اَمرأ بینیش ویریز کونه و جٚه همه بدتر، اوشأنی اَمرأ ایتأ سٚفره سٚر غذأ بوخورده.
4 او وخت پطرس طول و تفصیلٚ اَمرأ جٚه اوّل مأجیرأیَ اَشأنٚ رِه وأگویا بوکوده و بوگفته:
5 «ایتأ روج یافا شهرٚ میأن ایسأ بوم. او وخت کی دوعأ کودأندوبوم، رویأ میأن بیدِم کی ایچی ایتأ پیله سٚفره مأنستَن آسمأنٚ جَا بیجیر بأمؤ کی چأر طرفٚ جَا آویزأن بو. 6 او وخت کی خُب اونَ فأندرستٚم بیدِم او سٚفره میأن جوروأجورٚ اهلی و وأشی حیوأنأن، خزنده‌یأن و پرنده‌یأن نٚهأ بو. 7 بأزون ایتأ صدا بشتأوستم کی مٚرَه بوگفته: ویریز و هر تأ‌یَ کی خأیی ذبح بوکون و بوخور.
8 «بوگفتم: "اَی خوداوند، من اَطؤچی کأرَ نوکونم، چونکی تومأمٚ می زٚندیگی میأنی هیوخت حرأم و نجستٚ چی‌یَ لب نٚزئم!"
9 «ولی جٚه آسمأن ایوأردِه او صدا بوگفته: "اونچی‌یَ کی خودا پأک چأکوده، تو اونَ نجست نوأدأنستن!"
10 «اَ رویأ سه وأر تکرار بوبوسته. بأزون او سٚفره ایوأردِه آسمأنٚ ور بوشؤ بوجؤر. 11 اَدٚل هه زمأتٚ میأن، سه نفر فأرٚسِده او خأنه میأن کی من اویَه میهمأن بوم. اوشأن بأمؤ بود مٚرَه ببرد قیصریه. 12 روح‌القدس مٚرَه بوگفته کی اَشأنٚ اَمرأ بٚشٚم و اَشأنَ یوهودی نوبؤئنٚ نیده بو بیگیر. اَ شیش‌تأ برأرم می اَمرأ بأمؤده. پس او آدمٚ خأنه فأرٚسِییم کی می دونبأل اوسه کوده بو. 13 اون اَمِرِه نقل بوکوده کی چوطؤ ایتأ فٚرٚشته اونی رِه ظأهیرَ بوسته و اونَ بوگفته: "چن نفرَ اوسه کون یافا میأن کی شمعونٚ پطرسَ بیأفٚد. 14 اون گه کی چوطویی تو و تی خأنوأر تأنیدی نیجأت بیأفید!"»
15 «او وخت کی گب زِئنَ اَشأنی رِه سٚر بیگیفتٚم، روح‌القدس اَشأنٚ سٚر نأزل بوبوسته، پأک هوطؤیی کی اوّل اَمی سٚر نأزل بوبوسته. 16 او وخت خودا گبأنَ خأطر بأوٚردٚم کی بٚفرمأسته: "یوحنا آبٚ اَمرأ تعمید دٚئی؛ ولی شومأن روح‌القدسٚ اَمرأ تعمید فأگیریدی." 17 هسأ، اگه خودا اَشأنٚ کی یوهودی نوبودَ هو پیشکشَ فأدأ کی خوداوند عیسا مسیحٚ ایمأن اَوٚردٚنٚ پٚسی اَمٚرَه بٚبخشه، پس من کی ایسٚم کی خودا رأ سٚر بئیسٚم.»
18 او وخت کی اَنَ بشتأوستٚد، قأنع بوبوستٚد و بوگفتٚده: «خودایَ شوکر کی هو لوطفی کی اَمِرِه بوکوده، اوشأنی کی یوهودی نوبودٚ رِه‌یٚم بوکوده و اَشأنٚ رِه اَ رأیَ بٚنأ کی گونأ جَا دٚس فأکٚشٚد، اونی ور وأگردٚد و همیشٚکی زٚندیگی‌یَ فأگیرٚد.»
ایماندأرأنٚ اَذِت آزأر و شکنجه کودن اینجیلَ پیش تأوٚده
19 ایستیفانٚ کوشتٚنٚ پٚسی، او وخت کی بینأ بوکودٚد ایماندأرأنٚ شکنجه و اَذِت آزأر کودن، اوشأنی کی اورشلیمٚ جَا بوگروخته بود، پیش دکفتٚده فینیقیه و قبرس و انطأکیه ور و اینجیلٚ پیغأمَ فقد یوهودیأنَ فأرٚسأنِد. 20 ولی چنتأ جٚه ایمأندأرأن کی قبرس و قیروان شین بود او وخت کی انطأکیه‌یَ فأرٚسِد، یونأنیأنٚ اَمرأیم عیسای خوداوندٚ جَا گب بٚزِد. 21 خوداوندٚ قودرت اوشأنٚ اَمرأ بو، جوری کی خٚیلی جٚه اَشأنی کی یوهودی نوبود ایمأن بأوٚردٚد و خوداوندٚ ور وأگردٚستٚد.
22 او وخت کی اَ خٚوٚر اورشلیمٚ کیلیسا ایماندأرأنٚ گوش فأرٚسِه، برنابایَ کی قبرسٚ شین بو، اوسه کودٚد انطأکیه کی تأزه ایمأندأرأنَ یاور فأرٚسأنه. 23 او وخت کی برنابا فأرٚسِه اویَه و بیدِه کی خودا چی کأرأنی بوکوده کی آدمٚ قأقَ کونه، خٚیلی خوشألَ بوسته و ایمأندأرأنَ تِشویق بوکوده کی تومأمٚ جأنٚ اَمرأ خوداوندٚ رِه وفأ بوکونٚد. 24 برنابا ایتأ مهرٚوأنٚ آدم و روح‌القدسٚ جَا پور بو و ایتأ پورقوّتٚ ایمأن دأشتی. اَطؤیی بو کی، مردوم دسته دسته خوداوندَ ایمأن بأوٚردٚد.
25 برنابا بوشؤ طرسوس کی سولُسَ بیأفه. 26 او وخت کی اونَ بیأفته، بأوٚرده انطأکیه و هر دوتأن ایتأ سأل انطأکیه میأن بئیسأده و خٚیلی جٚه تأزه ایمأندأرأنَ بأمؤختٚده. انطأکیه میأن بو کی اوّلی وأرٚ رِه اوشأنی کی مسیحٚ رأیَ شؤئید «مسیحی» لقب بٚدأده.
27 اَ زمأتٚ میأن، چنتأ نبی اورشلیمٚ جَا بأمؤده انطأکیه میأن. 28 ایتأ جٚه اوشأن کی اونی نأم اَغابوس بو، ایتأ عیبأدتٚ مرأسیمٚ میأن ویریشته و خودا روحٚ اَمرأ پیشگویی بوکوده کی، پور دِه بأقی نییٚه کی ایسرأییلٚ سرزیمینٚ میأن ایتأ پیله قحطی پیش اَیِه. اَ قحطی کلودیوس قیصرٚ فرمأنروأیی زمأتٚ میأن پیش بأمؤ. 29 پس، مسیحیأن اویَه بینأ بوکودٚد هر کی خو زورٚ موشتٚ اَندر، ایتأ پیشکشی فأده کی یوهودیه مسیحیأنٚ رِه اوسه کونٚد. 30 اَ کأرَ بوکودٚد و خوشأنی پیشکشأنَ برنابا و سولُسٚ دٚس بیسپأردٚد کی اورشلیمٚ کیلیسا پیله کسأنٚ ورجأ ببرد.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Transform Iran