یوحنا ۱۸
۱۸
عیسا دسگیری و موحأکمه
1 دوعأ تومأنَ بوسته پٚسی، عیسا خو شأگردأنٚ اَمرأ بوشؤ "قدرونٚ" درّه او ور ایتأ زیتون بأغٚ میأن. 2 یوهودأیٚم کی خائین بو او جأیَ شنأختی، چونکی عیسا خو شأگردأنٚ اَمرأ چن وأر اویَه جمَ بوسته بود.
3 پس یوهودأ معبدٚ سروأزأنٚ اَمرأ کی پیله کأهینأن و فریسیأن اونی ایختیأرٚ میأن بٚنأ بود، اَسلحه و مشعل و چرأغٚ اَمرأ بوشؤده بأغٚ دورون.
4 عیسا هوطؤ دأنستی کی چی اونی رأفأ ایسأ، بوشؤ جولو و اَشأنی جَا وأوٚرسِه: «کی‌یَ خأییدی؟»
5 جوأب بٚدأده: «عیسایٚ ناصری‌یَ!»
عیسا بٚفرمأسته: «من خودمٚم!» او وخت کی عیسا اَنَ بوگفته یوهودأیٚم اویَه ایسأبو. 6 هطؤ تأ بوگفته من خودمٚم، همٚتأن پسأپسِی بوشؤده و بٚکفتٚده زیمینٚ سٚر.
7 عیسا ایوأردِه اَشأنی جَا وأوٚرسِه: «کی‌یَ خأییدی؟»
ایوأردِه جوأب بٚدأده: «عیسایٚ ناصری‌یَ.»
8 بٚفرمأسته: «من بوگفتم کی خودمٚم. اگه مٚرَه خأییدی، وئألید اَشأن بٚشٚد.» 9 اون اَ کأرَ بوکوده کی اونچی کی پیشتر بوگفته بو انجأم بٚبه کی: «هیتأ جٚه اوشأنی‌یَ کی مٚرَه بٚبخشِئی، جٚه دٚس نٚدأم»#۱۸:۹ یوحنا۳۹:۶.
10 هه وخت میأن، شمعونٚ پطرس خو شٚمشیرَ فأکشه و پیله کأهین «ملوکٚ» خیدمتکأرٚ رأستٚ گوشَ وأوِه. او خیدمتکأرٚ نأم مالخوس بو. 11 عیسا پطرسَ بٚفرمأسته: «تی شٚمشیرَ بٚنه اونی جأ سٚر. ینی او پیأله ای کی می پئر مٚرَه فأدَه، نوأستی وأخٚوٚرم؟»
حنّا عیسا جَا بأزجویی کونه
12 او وخت سروأزأن و فرمأندیأن و معبدٚ موحأفیظأن، عیسایَ بیگیفتٚده و اونی دٚسأنَ دٚوٚستٚده، 13 اونَ اوّل ببردٚد قیافا زن پئر، حنّا ورجأ کی او سأل رِه پیله کأهین بو. 14 قیافا هونی ایسه کی یوهودٚ قومٚ پیله کسأنَ بوگفته بو بِیتره کی اینفر قومٚ رِه بیمیره.
پطرسٚ اوّلی اینکأر کودن
15 شمعونٚ پطرس و ایتأ دِه جٚه شأگردأنٚم، عیسا دونبألسر بوشؤده چونکی او شأگرد، پیله کأهینَ شنأختی، بتأنسته عیسا دونبألسر بشه پیله کأهینٚ خأنه دورون. 16 امّا پطرس دٚرٚ پوشت بئیسأ، بأزین او شأگرد بأمؤ و ایتأ کنیزٚ اَمرأ کی اویَه دربأن بو گب بٚزِه و پطرسَ خو اَمرأ ببرده خأنه دورون. 17 او کنیز پطرسٚ جَا وأوٚرسِه: «تونم عیسا شأگردی؟» جوأب بٚدأ: «نه، نییٚم.»
18 بیرون هوا سرد بو. پس مأمورأن و خیدمتکأرأن آتش چأکودٚد و اونی دؤر جمَ بوستٚد. پطرسٚم بوشؤ اوشأنی ورجأ کی خؤرَه گرمَ کونه.
پیله کأهین عیسا جَا وأزخأست کونه
19 بودورونٚم پیله کأهین عیسا جَا اونی شأگردأن و اونی آموجه‌یأنٚ جَا وأوٚرسِه. 20 عیسا جوأب بٚدأ: «همٚتأن دأنده کی من چی آمؤختٚندرٚم. من آشیکأر کنیسه‌یأنٚ و معبدٚ میأن موعیظه بوکودم؛ قومٚ تومأمٚ پیله کسأن می گبأنَ بشتأوستٚده و هیکس اَمرأ قأيمکی گب نزم. 21 چٚره اَ سوألأنَ می جَا وأوٚرسی؟ بوشو اوشأنی جَا وأورس کی می گبأنَ بشتأوستٚده. اوشأن خُب دأنده کی من چی بوگفتم.»
22 او وخت کی اَنَ بوگفته، ایتأ جٚه او سروأزأن کی اویَه ایسأبو عیسایَ ایتأ چٚک بٚزِه و بوگفته: «پیله کأهینَ اَطؤ جوأب دیهی؟»
23 عیسا جوأب بٚدأ: «اگه می گبأنٚ ایشتیوأیه اونَ ثأبیت بوکون. اگه می گبأن رأست ایسه، چٚره مٚرَه چٚک بزِیی؟»
24 بأزون حنّا عیسایَ دٚوٚسته دستأنٚ اَمرأ اوسه کوده قیافا ورجأ کی اونم پیله کأهین بو.
پطرسٚ دویُمی و سیومی اینکأر
25 هطؤ کی شمعونٚ پطرس آتشٚ ورجأ ایسأبو و خؤرَه گرمَ کودی، اینفر ده اونی جَا وأوٚرسِه: «تو اونی شأگرد نییی؟»
جوأب بٚدأ: «بسچی کی نیمٚ.»
26 ایتأ جٚه پیله کأهینٚ خیدمتکأرأن، اونی کی پطرس اونی گوشٚ وأوِه بو اَمرأ قوم و خویش بو، بوگفته: «مگه من تٚرَه بأغَ میأن عیسا اَمرأ نیدِم؟»
27 ایوأردِه پطرس حاشا بوکوده و هو وخت خوروس بخأنده.
عیسا موحأکمه پیلاتُسٚ ورجأ
28 صُبٚ دٚمٚ رِه، عیسایَ وأزخأست کودن تومأنَ بوسته. پس قیافا اونَ اوسه کوده رومٚ فرمأندأر کأخٚ ور. یوهودیأن نخأستٚد نٚجٚستَ بد، هنٚ وأسی کأخٚ دورون نوشؤده، چونکی اگه بوشؤبید بودورون ده نتأنستیدی مرأسیمٚ "عَید پِسَح" و قوربأنی مرأسیمٚ میأن شرکٚت بوکونٚد. 29 پس رومٚ فرمأندأر کی اَنی ایسم "پیلاتُس" بو بیرون بأمؤ و وأوٚرسِه: «اَ مردَ جورم چیسه؟ چی شیکأیتی اونی جَا دأریدی؟»
30 جوأب بٚدأده: «اگه جورمی نأشتی اونَ تی ورجأ نأوٚردیم.» 31 پیلاتُس بوگفته: «هَسأ اونَ بٚبٚرید و هوطؤ شیمی دینی قأنونٚ مأنستَن موحأکمه بوکونید.»
یوهود پیله کسأن بوگفتٚده: «اَمأن یوهودیأن وئأشته نییٚم کسیه‌یَ اعدام بوکونیم.»
32 اَن هو پیشگویی مأنستَن بو کی عیسا بٚفرمأسته بو چوطؤ وأستی بیمیره.#۱۸:۳۲ یوحنا ۱۲:۳۲‑۳۳ بیدینید.
33 پیلاتُس وأگردسته کأخَ دورون فرمأن بٚدأ کی عیسایَ اونی ورجأ بأوٚرٚد، او وخت اونی جَا وأوٚرسِه: «تو یوهودٚ پأدیشأ ایسی؟»
34 عیسا وأوٚرسِه: «اَنَ تو وأوٚرسی یا البأقیأن می جَا تٚرَه بوگفتٚده؟»
35 پیلاتُس بوگفته: «مگه من یوهودیم کی اَ چیأنَ می جَا وأوٚرسی؟ تی قومٚ کأهينأن تٚرَه اَیِه بأوٚردٚد. چی بوکودی؟»
36 عیسا بٚفرمأسته: «می پأدیشأیی ایتأ دونیأیی پأدیشأ نییٚه. اگه بو، می شأگردأن جنگستیدی کی یوهودٚ قومٚ پیله کسأنٚ پٚنجه میأن اسیرَ نٚبم. می پأدیشأیی اَ دونیأ شین نییٚه.»
37 پیلاتُس وأوٚرسِه: «تی منظور اَنه کی تو پأدیشأیی؟»
عیسا بٚفرمأسته: «تو گی کی من پأدیشأیٚم. من هنٚ وأسی بودونیأ بأمؤم، بأمؤم کی رأستی‌یَ اَ دونیأ میأن بأوٚرٚم؛ اوشأنی کی رأستی‌یَ دوس دأرٚده، گووأ دٚهٚد کی من حِئقتَ گفتن دٚرٚم.»
38 پیلاتُس بوگفته: «حِئقت چیسه؟»
بأزون بوشؤ بیرون و مردومَ بوگفته: «اون گونأیی نأرِه. 39 امّا رسم اَنٚ کی اَ "پٚسٚ عَید "رِه ایتأ زندأنی‌یَ شِمِره آزأدَ کونم. خأییدی، اَ "یوهودٚ پأدیشأیَ" شِمِره آزأدَ کونم؟»
40 امّا مردوم فریأد بٚزِده: «نه،اونَ نخأیٚم، باراباسَ خأییم!» باراباس ایتأ انقلابی‌یٚ شورشی بو.
Currently Selected:
یوحنا ۱۸: GLK_NT
Highlight
Share
Copy
Want to have your highlights saved across all your devices? Sign up or sign in
© 2024 Transform Iran
یوحنا ۱۸
۱۸
عیسا دسگیری و موحأکمه
1 دوعأ تومأنَ بوسته پٚسی، عیسا خو شأگردأنٚ اَمرأ بوشؤ "قدرونٚ" درّه او ور ایتأ زیتون بأغٚ میأن. 2 یوهودأیٚم کی خائین بو او جأیَ شنأختی، چونکی عیسا خو شأگردأنٚ اَمرأ چن وأر اویَه جمَ بوسته بود.
3 پس یوهودأ معبدٚ سروأزأنٚ اَمرأ کی پیله کأهینأن و فریسیأن اونی ایختیأرٚ میأن بٚنأ بود، اَسلحه و مشعل و چرأغٚ اَمرأ بوشؤده بأغٚ دورون.
4 عیسا هوطؤ دأنستی کی چی اونی رأفأ ایسأ، بوشؤ جولو و اَشأنی جَا وأوٚرسِه: «کی‌یَ خأییدی؟»
5 جوأب بٚدأده: «عیسایٚ ناصری‌یَ!»
عیسا بٚفرمأسته: «من خودمٚم!» او وخت کی عیسا اَنَ بوگفته یوهودأیٚم اویَه ایسأبو. 6 هطؤ تأ بوگفته من خودمٚم، همٚتأن پسأپسِی بوشؤده و بٚکفتٚده زیمینٚ سٚر.
7 عیسا ایوأردِه اَشأنی جَا وأوٚرسِه: «کی‌یَ خأییدی؟»
ایوأردِه جوأب بٚدأده: «عیسایٚ ناصری‌یَ.»
8 بٚفرمأسته: «من بوگفتم کی خودمٚم. اگه مٚرَه خأییدی، وئألید اَشأن بٚشٚد.» 9 اون اَ کأرَ بوکوده کی اونچی کی پیشتر بوگفته بو انجأم بٚبه کی: «هیتأ جٚه اوشأنی‌یَ کی مٚرَه بٚبخشِئی، جٚه دٚس نٚدأم»#۱۸:۹ یوحنا۳۹:۶.
10 هه وخت میأن، شمعونٚ پطرس خو شٚمشیرَ فأکشه و پیله کأهین «ملوکٚ» خیدمتکأرٚ رأستٚ گوشَ وأوِه. او خیدمتکأرٚ نأم مالخوس بو. 11 عیسا پطرسَ بٚفرمأسته: «تی شٚمشیرَ بٚنه اونی جأ سٚر. ینی او پیأله ای کی می پئر مٚرَه فأدَه، نوأستی وأخٚوٚرم؟»
حنّا عیسا جَا بأزجویی کونه
12 او وخت سروأزأن و فرمأندیأن و معبدٚ موحأفیظأن، عیسایَ بیگیفتٚده و اونی دٚسأنَ دٚوٚستٚده، 13 اونَ اوّل ببردٚد قیافا زن پئر، حنّا ورجأ کی او سأل رِه پیله کأهین بو. 14 قیافا هونی ایسه کی یوهودٚ قومٚ پیله کسأنَ بوگفته بو بِیتره کی اینفر قومٚ رِه بیمیره.
پطرسٚ اوّلی اینکأر کودن
15 شمعونٚ پطرس و ایتأ دِه جٚه شأگردأنٚم، عیسا دونبألسر بوشؤده چونکی او شأگرد، پیله کأهینَ شنأختی، بتأنسته عیسا دونبألسر بشه پیله کأهینٚ خأنه دورون. 16 امّا پطرس دٚرٚ پوشت بئیسأ، بأزین او شأگرد بأمؤ و ایتأ کنیزٚ اَمرأ کی اویَه دربأن بو گب بٚزِه و پطرسَ خو اَمرأ ببرده خأنه دورون. 17 او کنیز پطرسٚ جَا وأوٚرسِه: «تونم عیسا شأگردی؟» جوأب بٚدأ: «نه، نییٚم.»
18 بیرون هوا سرد بو. پس مأمورأن و خیدمتکأرأن آتش چأکودٚد و اونی دؤر جمَ بوستٚد. پطرسٚم بوشؤ اوشأنی ورجأ کی خؤرَه گرمَ کونه.
پیله کأهین عیسا جَا وأزخأست کونه
19 بودورونٚم پیله کأهین عیسا جَا اونی شأگردأن و اونی آموجه‌یأنٚ جَا وأوٚرسِه. 20 عیسا جوأب بٚدأ: «همٚتأن دأنده کی من چی آمؤختٚندرٚم. من آشیکأر کنیسه‌یأنٚ و معبدٚ میأن موعیظه بوکودم؛ قومٚ تومأمٚ پیله کسأن می گبأنَ بشتأوستٚده و هیکس اَمرأ قأيمکی گب نزم. 21 چٚره اَ سوألأنَ می جَا وأوٚرسی؟ بوشو اوشأنی جَا وأورس کی می گبأنَ بشتأوستٚده. اوشأن خُب دأنده کی من چی بوگفتم.»
22 او وخت کی اَنَ بوگفته، ایتأ جٚه او سروأزأن کی اویَه ایسأبو عیسایَ ایتأ چٚک بٚزِه و بوگفته: «پیله کأهینَ اَطؤ جوأب دیهی؟»
23 عیسا جوأب بٚدأ: «اگه می گبأنٚ ایشتیوأیه اونَ ثأبیت بوکون. اگه می گبأن رأست ایسه، چٚره مٚرَه چٚک بزِیی؟»
24 بأزون حنّا عیسایَ دٚوٚسته دستأنٚ اَمرأ اوسه کوده قیافا ورجأ کی اونم پیله کأهین بو.
پطرسٚ دویُمی و سیومی اینکأر
25 هطؤ کی شمعونٚ پطرس آتشٚ ورجأ ایسأبو و خؤرَه گرمَ کودی، اینفر ده اونی جَا وأوٚرسِه: «تو اونی شأگرد نییی؟»
جوأب بٚدأ: «بسچی کی نیمٚ.»
26 ایتأ جٚه پیله کأهینٚ خیدمتکأرأن، اونی کی پطرس اونی گوشٚ وأوِه بو اَمرأ قوم و خویش بو، بوگفته: «مگه من تٚرَه بأغَ میأن عیسا اَمرأ نیدِم؟»
27 ایوأردِه پطرس حاشا بوکوده و هو وخت خوروس بخأنده.
عیسا موحأکمه پیلاتُسٚ ورجأ
28 صُبٚ دٚمٚ رِه، عیسایَ وأزخأست کودن تومأنَ بوسته. پس قیافا اونَ اوسه کوده رومٚ فرمأندأر کأخٚ ور. یوهودیأن نخأستٚد نٚجٚستَ بد، هنٚ وأسی کأخٚ دورون نوشؤده، چونکی اگه بوشؤبید بودورون ده نتأنستیدی مرأسیمٚ "عَید پِسَح" و قوربأنی مرأسیمٚ میأن شرکٚت بوکونٚد. 29 پس رومٚ فرمأندأر کی اَنی ایسم "پیلاتُس" بو بیرون بأمؤ و وأوٚرسِه: «اَ مردَ جورم چیسه؟ چی شیکأیتی اونی جَا دأریدی؟»
30 جوأب بٚدأده: «اگه جورمی نأشتی اونَ تی ورجأ نأوٚردیم.» 31 پیلاتُس بوگفته: «هَسأ اونَ بٚبٚرید و هوطؤ شیمی دینی قأنونٚ مأنستَن موحأکمه بوکونید.»
یوهود پیله کسأن بوگفتٚده: «اَمأن یوهودیأن وئأشته نییٚم کسیه‌یَ اعدام بوکونیم.»
32 اَن هو پیشگویی مأنستَن بو کی عیسا بٚفرمأسته بو چوطؤ وأستی بیمیره.#۱۸:۳۲ یوحنا ۱۲:۳۲‑۳۳ بیدینید.
33 پیلاتُس وأگردسته کأخَ دورون فرمأن بٚدأ کی عیسایَ اونی ورجأ بأوٚرٚد، او وخت اونی جَا وأوٚرسِه: «تو یوهودٚ پأدیشأ ایسی؟»
34 عیسا وأوٚرسِه: «اَنَ تو وأوٚرسی یا البأقیأن می جَا تٚرَه بوگفتٚده؟»
35 پیلاتُس بوگفته: «مگه من یوهودیم کی اَ چیأنَ می جَا وأوٚرسی؟ تی قومٚ کأهينأن تٚرَه اَیِه بأوٚردٚد. چی بوکودی؟»
36 عیسا بٚفرمأسته: «می پأدیشأیی ایتأ دونیأیی پأدیشأ نییٚه. اگه بو، می شأگردأن جنگستیدی کی یوهودٚ قومٚ پیله کسأنٚ پٚنجه میأن اسیرَ نٚبم. می پأدیشأیی اَ دونیأ شین نییٚه.»
37 پیلاتُس وأوٚرسِه: «تی منظور اَنه کی تو پأدیشأیی؟»
عیسا بٚفرمأسته: «تو گی کی من پأدیشأیٚم. من هنٚ وأسی بودونیأ بأمؤم، بأمؤم کی رأستی‌یَ اَ دونیأ میأن بأوٚرٚم؛ اوشأنی کی رأستی‌یَ دوس دأرٚده، گووأ دٚهٚد کی من حِئقتَ گفتن دٚرٚم.»
38 پیلاتُس بوگفته: «حِئقت چیسه؟»
بأزون بوشؤ بیرون و مردومَ بوگفته: «اون گونأیی نأرِه. 39 امّا رسم اَنٚ کی اَ "پٚسٚ عَید "رِه ایتأ زندأنی‌یَ شِمِره آزأدَ کونم. خأییدی، اَ "یوهودٚ پأدیشأیَ" شِمِره آزأدَ کونم؟»
40 امّا مردوم فریأد بٚزِده: «نه،اونَ نخأیٚم، باراباسَ خأییم!» باراباس ایتأ انقلابی‌یٚ شورشی بو.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Transform Iran