متا 11

یوحنا سوأل عیسا جَا

1عیسا بأزون کی اَ فرمأنَ خو دوأزده تأ شأگردَ فأدأ، جٚه اویَه بوشؤ کی او کؤگا شهرأنٚ#11‏:1 یونأنی: اَشأنٚ شرأن دورون بأموجه و موعیظه بوکونٚه.

2وختی یوحنا کی زندأنٚ دورون ایسأبو، مسیحٚ کأرأنٚ خٚوٚرٚ بشتأوست، خو شأگردأنَ، اونی ورجأ اوسه کوده کی اونی جَا وأوٚرسٚد: 3«آیا تو هو مسیحی ایسی کی وأستی بأمؤبی، یا وأ اینفرٚ دِه رأفأ بئیسیم؟»

4عیسا اوشأنَ بٚفرمأسته: «وأگردید یوحنا ورجأ و اونچی بشتأوستید و بیدِیید، اونٚ رِه وأگویا بوکونید کی 5چوطو کورأنٚ چومأن وأزَ بٚده، شٚلأن رأ شٚده، جوذأمیأن شفأ یأفده، کرأن ایشتأوده، بٚمٚرده‌یأن زٚنده بٚده و فِقِرأنَ خوروم خٚوٚر اعلام بِه. 6و اونَ بیگید: خوشبحألٚ اونی کی مٚرَه شک نوکونٚه.»

7وختی یوحنا شأگردأن شؤئؤندوبود، عیسا مردومٚ رِه اونی جَا گب زِئنَ، سٚربیگیفته و بٚفرمأسته: «بوشؤبید بیأبأنٚ دورون کی چوجور مردأکی‌یَ بیدینید؟ ایتأ لٚسٚ مردأی، نی مأنستَن، کی هرتأ بأدٚ اَمرأ بٚپٚرکٚش اَیِه؟ 8یا رأفأ ایسأبید ایتأ مردأکَ، گیرأنٚ لیوأس اَمرأ بیدینید؟ نه، اوشأنی کی گیرأنٚ لیوأس دوکودٚد، پأدیشأیأنٚ قصرأنٚ دورون زٚندیگی کونٚده. 9ینی بوشؤبید ایتأ پیغمبرَ بیدینید؟ آها، شٚمٚره گم کی یوحنا ایتأ پیغمبرٚ جَایٚم پیله‌تره. 10یوحنا هونی ایسه کی موقدسٚ کیتأبأنٚ دورون اونی جَا بینیویشته بوبوسته: "من می قأصیدَ تی پیشتر اوسه کونم، و اون، رأیَ تٚرَه آمأده کونه."#11‏:10 ملاکی ۱:۳

11«رأس‌رأسِی شٚمٚره گم تومأمٚ اینسأنأنٚ میأن کی تأ اَسه زٚندیگی بوکودٚد، هیکس یوحنا کی تعمید دِهه جَا پیله‌تر نییٚه؛ اَطویی، کوجه‌دأنه‌ترین نفر آسمأنٚ ملکوتٚ دورون اونی جَا پیله‌تره. 12«و جٚه یوحنا رسألتٚ زمأتٚ سرگیفتن تأ اَسه، آسمأنٚ ملکوت قودرت و شیدّتٚ اَمرأ پٚخشَ بوستن دٚرٚه،#11‏:12 یا آسمأنٚ ملکوت غیظ و غضب میأن دکفته یا اونی حق، خشونت کودأندٚرٚده و پور زورأن اونٚ فوتورکٚده. 13چون تومأمٚ پیغمبرأن و تورأت تأ یوحنا زمأت نوبوّت کودیدی. 14و اگه اونچی کی شٚمٚره گم قوبیل کونیدی، اون هو ایلیایٚ نبی ایسه کی هوطو کی پیغمبرأن نوبوّت بوکوده بود، وأستی بأیِه. 15هر کی گوش کأر کونه بشتأوه.

16«تأنٚم بٚگم اَ نسل چی‌یَ مأنه؟ کوجه زأکأنی‌یَ مأنه کی کوچه و بأزأرٚ میأن کٚرأ بأزی کودندٚرد و خوشأنی ریفِقأنٚ جَا گله شیکأیت کونٚده و گده: 17" شِمِره عروسی سأز و نٚقأره بٚزِییم، رقص نوکودیدی، مرثیه بخأندم، گریه نوکودید." 18چون یوحنا خو وختٚ خوردن وأخوردن رِه نٚنأیی، گیدی: "دیو بٚزِکه". 19ولی اینسأنٚ پٚسر#11‏:19 «اینسأنٚ پٚسر» لقبی ایسه کی عیسا خؤرَه بٚکأر بٚره. کی میهمأنی شِه و بوخور وأخور کونه، گیدی: " شکم پیس و شرأب خؤرَه و بأج فأگیرأن و گونأکأرأنٚ اَمرأ بینیش ویریز دأره!" ولی حیکمتٚ دوروستی‌یَ، اونی نتیجه و ثمره جَا شأ ثأبیت کودن.»

ایمأن نأشتنٚ نتیجه

20بأزون عیسا شورو بوکود او شهرأنَ سٚرزنش کودن کی ویشترٚ خو موجیزه‌یأنَ اویَه بوکوده بو، ولی اوشأن خوشأنی گونأیأنٚ جَا توبه نوکودٚد و خودا ور وأنگردستٚد. 21«خورَزین، بیت صیدا شٚمٚره ننگ نییٚه؟ چون اگه موجیزه‌یأنی کی شیمی میأن بوکودم، صور و صیدونٚ فأسیدٚ شهرأنٚ دورون بوکوده بیم، اوشأنی اَهألیأن خٚیلی زمأت پیش، خوشأنی گونأیأنٚ جَا توبه بوکوده بود، و شندره پندٚره دوکوده بود و خأک و خأکستر نیشتیدی کی خوشأنی پٚشیمأنی‌یَ نیشأن بٚدٚد. 22ولی شٚمٚره گم کی دأوری روجٚ رِه، صور و صیدونٚ اوضأع، جٚه شیمی اوضأع خٚیلی بِیتره. 23و تو اَی کَفَرناحوم، آیا آسمأنٚ جَا، بوجؤر شی؟ هیوخت! تو او بیجیر، بٚمٚرده‌یأنٚ دونیأ دورون شی، چون اگه موجیزه‌یأنی کی تی میأن بوکودم، سُدومٚ فأسیدٚ شهرٚ دورون بوکوده بیم، تأ ایمرو، بأقی مأنستی. 24تٚرَه گم کی دأوری روجٚ دورون، سُدومٚ اوضأع جٚه تی اوضأع خٚیلی بِیتره.»

می ورجأ بأئید

25بأزین، عیسا دوعأ بوکود و بٚفرمأست: «ای پئر، آسمأن و زیمینٚ صأب، تی جَا ممنون کی اَ کأرأنَ کسأنی جَا کی خوشأنٚ عألیم و زٚبر و زرنگ دأنٚده، قأیمَ کودی و اَشأنَ او کسأنی رِه وأشکأفأنه‌یی کی زأکأنَ مأنٚده. 26هطویه اَی پئر، تی دیلخوشی اَن بو کی، اَطویی کأر بوکونی.

27«می پئر همه چی‌یَ می دٚس فأدأ. رأس‌رأسِی هیکس پٚسرَ نشنأسه جغرز پئر و هیکس رأس‌رأسِی پئرَ نشنأسه جغرز پٚسر و اوشأنی‌یٚم کی پٚسر بٚخأیٚه خؤرَه اوشأنَ بٚشنأسأنه.»

28بأزین بٚفرمأسته: «می ورجأ بأئید، اَی تومأمٚ زحمتکشأن و رنج بیدِکأن و من شٚمٚره آسأیش فأدٚم. 29می یوغَ بچأنَ گیرید و می جَا بأموجید، چون سٚربیجیر و دیل‌میهرٚوأنم، و شیمی جأنٚ دورون آسأیش یأفیدی. 30چون می یوغ رأحته و می بأر کی شیمی چأن نٚهٚم، سوبوک.»

Currently Selected:

متا 11: GLK_NT

Highlight

Copy