متا 15
15
خودا حوکمأن یا اینسأنٚ رسم و روسومأن
1بأزون ایتأ عیده جٚه فریسیأن و دینٚ عألیمأن جٚه اورشلیم بأمؤده کی عیسا اَمرأ بحث بوکونٚد. اوشأن وأورسئده: 2«چٚره تی شأگردأن او رسم و روسومَ کی اَمی پیله بأبأیأنٚ جَا اَمٚرَه فأرٚسه‌یَ، محل نٚنٚد و قبلٚ اَنکی غذأ بوخورٚد، خوشأنٚ دٚسأنَ نوشؤرٚده؟» 3عیسا جوأب بٚدأ: «چٚره شومأن خودتأن شیمی قدیمٚ رسم و روسومأنٚ دأشتٚنٚ رِه، خودا حوکمأنَ لقد دٚمٚج کونیدی؟ 4ایتأ جٚه خودا حوکمأن اَنه کی "تی پئر و مأرَ ایحترأم بٚنه" #15:4 خروج ۱۲:۲۰ و تثنیه ۱۶:۵هطویم "هرکی خو پئر و مأرٚ فأش بٚده، وأ اونَ کوشتٚن".#15:4 خروج ۱۷:۲۱و لاویأن ۹:۲۰ 5ولی شومأن گیدی عأیب نأرِه اگه اینفر خو پئر و مأرَ بٚگه: "بٚبٚخشید، نتأنٚم شٚمٚره یاور بدم، چون اونچی کی وأستی شٚمٚره فأدٚم، خودا رِه صدقه فأدأم." 6پس شومأن اَ قأنونی اَمرأ کی بٚنأییدی، اوشأنَ گیدی دِه وأجٚب نییٚه شیمی پئر و مأرَ ایحترأم بنید. اَطویی شومأن شیمی سونّتٚ دأشتٚنٚ رِه، خودا کلامَ لقد دٚمٚج کونیدی. 7اَی ریأکأرأن، اشعیای نبی شیمی جأ چی خُب بوگفته کی 8-"اَ قوم خوشأنی زٚوأنٚ اَمرأ، مٚرَه ایحترأم نٚهٚده، ولی اَشأنٚ دیل می جَا دورٚه. 9اَشأنٚ عیبأدت قوبیل نییٚه چٚره کی، خودا حوکمأنٚ آمؤختٚنٚ جأ، آدمأنٚ رسم و روسومأنَ، مردومَ آموجٚده."»#15:9 اشعیا ۱۳:۲۹(یونأنی ترجومه بوبوسته).
اون چیسه کی آدمَ نٚجٚستَ کونه؟
10بأزین، عیسا مردومَ خو ورجأ دؤخأده و بٚفرمأسته: «خُب بشتأوید و سعی بوکونید بفأمید. 11اونچی کی دٚهٚنٚ دورون شِه، اوچی نییٚه کی آدمَ نٚجٚستَ کونه، بلکی اونچی کی آدمٚ دٚهٚنٚ جَا بیرون اَیِه، هونی ایسه کی اونَ نٚجٚستَ کونه.»
12هو زمأت دورون اونی شأگردأن بأمؤده اونی ورجأ و بوگفتٚده: «فریسیأن شیمی گبأنٚ جَا نأرأحتَ بوستٚد.»
13عیسا جوأب بٚدأ: «هرتأ نهأل کی می آسمأنی پئر نکأشته بی، ریشه جَا بٚکنده به. 14پس، اوشأنی اَمرأ کأر نوأدأشتنید. اَشأن کورأنی ایسٚد کی البأقی کورأنَ عصأکٚش بوبوستده، و اگه ایتأ دکفه چأه دورون، اویتأیٚم خو دونبأل فأکشه.»
15بأزین پطرس عیسا جَا بٚخأسته، کی وأشکأفأنٚه کی چوطو بِه، اینسأن نأپأکٚ چی بوخوره و نٚجٚستَ نٚبه.
16عیسا بوگفته: «شومأنم هنو درک نوکونیدی؟! 17وأخٚوٚر نیئیدی اینسأن اونچی کی خوره، شِه اونی مأدٚه دورون، و بأزون بدنٚ جَا بیرون شِه؟ 18ولی نأجورٚ گبأن، نأجورٚ دیلٚ جَا بیرون اَیِه و اونی بوگفته کسَ نٚجٚستَ کونه. 19چون اَجور چیزأن دیلٚ دورونی جَا بیرون اَیِه: پٚلیدٚ فیکرأن، آدم کوشتٚن، زٚنأ، دوزدی، دورُغ شهأدت دٚئن و ایفترأ زِئن. 20هطویه، اَ چیزأن ایسٚد کی اینسأنَ نٚجٚستَ کونه، نه نوشؤسته دٚسٚ اَمرأ غذأ خوردن!»
کنعانی زنأکٚ ایمأن
21بأزون عیسا جلیلَ بٚنأ، بوشؤ صور و صیدونٚ ور. 22اویَه ایتأ کنعانی زنأی بأمؤ اونی ورجأ و ایلتمأسٚ اَمرأ بوگفته: «اَی آقأ جأن، اَی داوودٚ پٚسر، مٚرَه رحم بوکون! می دوختر ایتأ پٚلیدٚ روحٚ جَا گریفتأره. روح ای دٚقّه‌یٚم اونَ وِلَ نوکونه.»
23ولی عیسا هیچی نوگفته، تأ اَنکی شأگردأن اونی جَا خأهیشٚ اَمرأ بوگفتد: «اونَ ایتأ جوأب فأدٚن کی بشه، چون خو زٚهأر زِئنٚ اَمرأ، اَمٚرَه خستَه کوده.»
24عیسا بٚفرمأسته: «خودا مٚرَه اوسه کوده کی یوهودیأنَ یاور بدم، نه غیرٚیوهودیأنَ، چونکی یوهودیأن، خودا اَویرَ بوسته گوسوٚندٚده.»
25بأزون او زنأی عیسا پأ ور خأکٚ سٚر بٚکٚفت و ایلتمأس بوکود، بوگفته: «آقأ جأن، خأهیش کونم مٚرَه یاور بٚدٚن.» 26عیسا بٚفرمأسته: «دوروست نییٚه کی می زأکأنٚ دٚسٚ جَا نأنٚ فأگیرٚم و سٚکأنٚ ور تأوٚدم.»
27زنأی جوأب بٚدأ: «هطویه، آقأ جأن، شومأن حق دأریدی؛ ولی سکأنٚم خوشأنٚ صأبٚ سٚفره جَا، بیجیر فووُسته خورده نأنَ خورٚده.»
28عیسا اونَ بٚفرمأسته: «اَی زنأی، تی ایمأن خٚیلی زیأده. بوشو کی تی آروزو انجأم بوبو.» هو دٚقّه اونی دوختر شفأ بیأفت.
همٚتأ مٚرٚضأنَ شفأ دٚئن
29عیسا جٚه اویَه رأ دکفت و جلیلٚ دریأ کنأر فأرٚسٚه. بأزین بوشؤ کوه جؤر، هویه بینیشت. 30بأزون مردوم دسته دسته بأمؤده، شٚلأن و کورأن و ایفلیجأن و لال و همه جور نأخوشأنَ بأوٚردٚد اونی ورجأ و اون اوشأنٚ همّه شفأ بٚدأ. 31کسأنی کی خوشأنی عمرٚ دورون هیذره گب نٚزِه بود، ذوق اَمرأ گب زِئندوبود؛ شٚلأن رأ بوشؤده؛ ایفلیجأن وأز وأز کودأندوبود؛ و اوشأنی کی کور بود تعجوبٚ اَمرأ دؤرٚورَ فأندرستیدی! مردوم قأقَ بوستٚد و ایسرأییلٚ خودایَ تشکر کودید.
چأر هیزأر نفرَ غذأ دٚئن
32هو زمأتٚ میأن، عیسا خو شأگردأنٚ دؤخأده و اَشأنَ بٚفرمأسته: «می دیل اَ مردومٚ رِه سوجه، اَسه سه روج ایسه کی می اَمرأ ایسأده و ده هیچی اَشأنی خوردنٚ رِه نمأنسته. نخأم اوشأنَ ویشتأیی اوسه کونم بٚشٚد بٚخأنه، ایمکأن دأره رأ دورون ضعف بوکونٚد.»
33اونی شأگردأن جوأب بٚدأده: «اَ بیأبأنٚ دورون اَن همه مردومٚ سِئرَ کودنٚ رِه کویه شأ نأن بیگیر اَوٚردٚن؟»
34عیسا وأوٚرسِه: «چندر نأن دأرید؟» جوأب بٚدأده: «هفت‌تأ نأن و چن‌تأ کوجه مائی!»
35پس مردومَ بٚفرمأسته زیمینٚ سٚر بینیشینٚد. 36بأزین هفت‌تأ نأن و چن‌تأ مأئی‌یَ اوسأده و خودایَ شوکر بوکود و خوردَ کوده فأدأ خو شأگردأنَ. اوشأنم نأنأنَ فأدأده مردومَ. 37همه بوخوردٚد و سِئرَ بوستٚد. بأزین شأگردأن، بمأنسته خورده‌یأنٚ جَا، هفت‌تأ زیبیل اوسأدٚد. 38اوشأنی کی غذأ بوخوردٚد، جغرز زنأکأن و زأکأن، چأر هیزأرتأ مردأی بود.
39بأزون عیسا مردومَ مرخصَ کوده، ولی خودش لوتکأ بینیشته، مجدلٚ شرأ بوشؤ.
Currently Selected:
متا 15: GLK_NT
Highlight
Share
Copy
Want to have your highlights saved across all your devices? Sign up or sign in
© 2024 Transform Iran
متا 15
15
خودا حوکمأن یا اینسأنٚ رسم و روسومأن
1بأزون ایتأ عیده جٚه فریسیأن و دینٚ عألیمأن جٚه اورشلیم بأمؤده کی عیسا اَمرأ بحث بوکونٚد. اوشأن وأورسئده: 2«چٚره تی شأگردأن او رسم و روسومَ کی اَمی پیله بأبأیأنٚ جَا اَمٚرَه فأرٚسه‌یَ، محل نٚنٚد و قبلٚ اَنکی غذأ بوخورٚد، خوشأنٚ دٚسأنَ نوشؤرٚده؟» 3عیسا جوأب بٚدأ: «چٚره شومأن خودتأن شیمی قدیمٚ رسم و روسومأنٚ دأشتٚنٚ رِه، خودا حوکمأنَ لقد دٚمٚج کونیدی؟ 4ایتأ جٚه خودا حوکمأن اَنه کی "تی پئر و مأرَ ایحترأم بٚنه" #15:4 خروج ۱۲:۲۰ و تثنیه ۱۶:۵هطویم "هرکی خو پئر و مأرٚ فأش بٚده، وأ اونَ کوشتٚن".#15:4 خروج ۱۷:۲۱و لاویأن ۹:۲۰ 5ولی شومأن گیدی عأیب نأرِه اگه اینفر خو پئر و مأرَ بٚگه: "بٚبٚخشید، نتأنٚم شٚمٚره یاور بدم، چون اونچی کی وأستی شٚمٚره فأدٚم، خودا رِه صدقه فأدأم." 6پس شومأن اَ قأنونی اَمرأ کی بٚنأییدی، اوشأنَ گیدی دِه وأجٚب نییٚه شیمی پئر و مأرَ ایحترأم بنید. اَطویی شومأن شیمی سونّتٚ دأشتٚنٚ رِه، خودا کلامَ لقد دٚمٚج کونیدی. 7اَی ریأکأرأن، اشعیای نبی شیمی جأ چی خُب بوگفته کی 8-"اَ قوم خوشأنی زٚوأنٚ اَمرأ، مٚرَه ایحترأم نٚهٚده، ولی اَشأنٚ دیل می جَا دورٚه. 9اَشأنٚ عیبأدت قوبیل نییٚه چٚره کی، خودا حوکمأنٚ آمؤختٚنٚ جأ، آدمأنٚ رسم و روسومأنَ، مردومَ آموجٚده."»#15:9 اشعیا ۱۳:۲۹(یونأنی ترجومه بوبوسته).
اون چیسه کی آدمَ نٚجٚستَ کونه؟
10بأزین، عیسا مردومَ خو ورجأ دؤخأده و بٚفرمأسته: «خُب بشتأوید و سعی بوکونید بفأمید. 11اونچی کی دٚهٚنٚ دورون شِه، اوچی نییٚه کی آدمَ نٚجٚستَ کونه، بلکی اونچی کی آدمٚ دٚهٚنٚ جَا بیرون اَیِه، هونی ایسه کی اونَ نٚجٚستَ کونه.»
12هو زمأت دورون اونی شأگردأن بأمؤده اونی ورجأ و بوگفتٚده: «فریسیأن شیمی گبأنٚ جَا نأرأحتَ بوستٚد.»
13عیسا جوأب بٚدأ: «هرتأ نهأل کی می آسمأنی پئر نکأشته بی، ریشه جَا بٚکنده به. 14پس، اوشأنی اَمرأ کأر نوأدأشتنید. اَشأن کورأنی ایسٚد کی البأقی کورأنَ عصأکٚش بوبوستده، و اگه ایتأ دکفه چأه دورون، اویتأیٚم خو دونبأل فأکشه.»
15بأزین پطرس عیسا جَا بٚخأسته، کی وأشکأفأنٚه کی چوطو بِه، اینسأن نأپأکٚ چی بوخوره و نٚجٚستَ نٚبه.
16عیسا بوگفته: «شومأنم هنو درک نوکونیدی؟! 17وأخٚوٚر نیئیدی اینسأن اونچی کی خوره، شِه اونی مأدٚه دورون، و بأزون بدنٚ جَا بیرون شِه؟ 18ولی نأجورٚ گبأن، نأجورٚ دیلٚ جَا بیرون اَیِه و اونی بوگفته کسَ نٚجٚستَ کونه. 19چون اَجور چیزأن دیلٚ دورونی جَا بیرون اَیِه: پٚلیدٚ فیکرأن، آدم کوشتٚن، زٚنأ، دوزدی، دورُغ شهأدت دٚئن و ایفترأ زِئن. 20هطویه، اَ چیزأن ایسٚد کی اینسأنَ نٚجٚستَ کونه، نه نوشؤسته دٚسٚ اَمرأ غذأ خوردن!»
کنعانی زنأکٚ ایمأن
21بأزون عیسا جلیلَ بٚنأ، بوشؤ صور و صیدونٚ ور. 22اویَه ایتأ کنعانی زنأی بأمؤ اونی ورجأ و ایلتمأسٚ اَمرأ بوگفته: «اَی آقأ جأن، اَی داوودٚ پٚسر، مٚرَه رحم بوکون! می دوختر ایتأ پٚلیدٚ روحٚ جَا گریفتأره. روح ای دٚقّه‌یٚم اونَ وِلَ نوکونه.»
23ولی عیسا هیچی نوگفته، تأ اَنکی شأگردأن اونی جَا خأهیشٚ اَمرأ بوگفتد: «اونَ ایتأ جوأب فأدٚن کی بشه، چون خو زٚهأر زِئنٚ اَمرأ، اَمٚرَه خستَه کوده.»
24عیسا بٚفرمأسته: «خودا مٚرَه اوسه کوده کی یوهودیأنَ یاور بدم، نه غیرٚیوهودیأنَ، چونکی یوهودیأن، خودا اَویرَ بوسته گوسوٚندٚده.»
25بأزون او زنأی عیسا پأ ور خأکٚ سٚر بٚکٚفت و ایلتمأس بوکود، بوگفته: «آقأ جأن، خأهیش کونم مٚرَه یاور بٚدٚن.» 26عیسا بٚفرمأسته: «دوروست نییٚه کی می زأکأنٚ دٚسٚ جَا نأنٚ فأگیرٚم و سٚکأنٚ ور تأوٚدم.»
27زنأی جوأب بٚدأ: «هطویه، آقأ جأن، شومأن حق دأریدی؛ ولی سکأنٚم خوشأنٚ صأبٚ سٚفره جَا، بیجیر فووُسته خورده نأنَ خورٚده.»
28عیسا اونَ بٚفرمأسته: «اَی زنأی، تی ایمأن خٚیلی زیأده. بوشو کی تی آروزو انجأم بوبو.» هو دٚقّه اونی دوختر شفأ بیأفت.
همٚتأ مٚرٚضأنَ شفأ دٚئن
29عیسا جٚه اویَه رأ دکفت و جلیلٚ دریأ کنأر فأرٚسٚه. بأزین بوشؤ کوه جؤر، هویه بینیشت. 30بأزون مردوم دسته دسته بأمؤده، شٚلأن و کورأن و ایفلیجأن و لال و همه جور نأخوشأنَ بأوٚردٚد اونی ورجأ و اون اوشأنٚ همّه شفأ بٚدأ. 31کسأنی کی خوشأنی عمرٚ دورون هیذره گب نٚزِه بود، ذوق اَمرأ گب زِئندوبود؛ شٚلأن رأ بوشؤده؛ ایفلیجأن وأز وأز کودأندوبود؛ و اوشأنی کی کور بود تعجوبٚ اَمرأ دؤرٚورَ فأندرستیدی! مردوم قأقَ بوستٚد و ایسرأییلٚ خودایَ تشکر کودید.
چأر هیزأر نفرَ غذأ دٚئن
32هو زمأتٚ میأن، عیسا خو شأگردأنٚ دؤخأده و اَشأنَ بٚفرمأسته: «می دیل اَ مردومٚ رِه سوجه، اَسه سه روج ایسه کی می اَمرأ ایسأده و ده هیچی اَشأنی خوردنٚ رِه نمأنسته. نخأم اوشأنَ ویشتأیی اوسه کونم بٚشٚد بٚخأنه، ایمکأن دأره رأ دورون ضعف بوکونٚد.»
33اونی شأگردأن جوأب بٚدأده: «اَ بیأبأنٚ دورون اَن همه مردومٚ سِئرَ کودنٚ رِه کویه شأ نأن بیگیر اَوٚردٚن؟»
34عیسا وأوٚرسِه: «چندر نأن دأرید؟» جوأب بٚدأده: «هفت‌تأ نأن و چن‌تأ کوجه مائی!»
35پس مردومَ بٚفرمأسته زیمینٚ سٚر بینیشینٚد. 36بأزین هفت‌تأ نأن و چن‌تأ مأئی‌یَ اوسأده و خودایَ شوکر بوکود و خوردَ کوده فأدأ خو شأگردأنَ. اوشأنم نأنأنَ فأدأده مردومَ. 37همه بوخوردٚد و سِئرَ بوستٚد. بأزین شأگردأن، بمأنسته خورده‌یأنٚ جَا، هفت‌تأ زیبیل اوسأدٚد. 38اوشأنی کی غذأ بوخوردٚد، جغرز زنأکأن و زأکأن، چأر هیزأرتأ مردأی بود.
39بأزون عیسا مردومَ مرخصَ کوده، ولی خودش لوتکأ بینیشته، مجدلٚ شرأ بوشؤ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Transform Iran