متا 16
16
موجیزه خأستٚن
1ایتأ روج فریسیأن و صدوقیأن کی قومٚ مذهبی و سیأسی پیله کسأن بود، بأمؤده عیسا‌یَ ایمتٚحأن بوکونٚد. هنٚ وأسی اونٚ جَا بٚخأستٚد کی ایتأ آسمأنی نیشأنه اَشأنٚ رِه بأوٚره کی خو ایقتدأرَ ثأبیت بوکونٚه.
2اون جوأب بٚدأ: «شومأن خُب تأنیدی هوایَ پیشبینی بوکونید. اگه زوأله موقع، آسمأن سورخ بٚبه، گیدی فردأ هوا خُبه؛ و اگه صُب، آسمأن سورخ بٚبه، گیدی وأرٚش اَیِه. شومأن کی آسمأنٚ نیشأنٚه‌یأنَ تعبیر کونیدی، چوطو نتأنیدی زمأتأنٚ نیشأنٚه‌یأنَ تعبیر بوکونید! 3و اگه صُب، آسمأن سورخ بٚبه، گیدی وأرٚش اَیِه. شومأن کی آسمأنٚ نیشأنٚه‌یأنَ تعبیر کونیدی، چوطو نتأنیدی زمأتأنٚ نیشأنٚه‌یأنَ تعبیر بوکونید! 4شرور و زٚنأکأرٚ نسل، نیشأنه خأیه! ولی تنأ نیشأنه‌یی کی اَشأنَ فأدٚم، یونسٚ نبی نیشأنه‌یٚ.» اَنَ بوگفته و اوشأنٚ جَا سیوأ وأبوسته.
فریسیأن و صدوقیأنٚ تورشٚ‌خمیر
5وختی فأرٚسِده دریأ، اوسر، شأگردأن وأخٚوٚرَ بوستٚد کی اَشأنَ جٚه خأطرَ شؤ خوشأنٚ اَمرأ نأن اوسأنٚد. 6عیسا اَشأنَ بٚفرمأست: «شیمی حواس بمأنه و شٚمٚره جٚه فریسیأن و صدوقیأنٚ تورشٚ خمیر دؤر بٚدأرید.»
7بأزین شأگردأن کس‌کسٚ اَمرأ بحث کودأندوبود کی چوطو اَشأنٚ جٚه خأطرَ شؤ نأن اوسأنٚد.
8عیسا بٚفأمٚسته کی چی وأسی کس‌کسٚ اَمرأ گب زِئن دٚرٚده. پس بوگفته: «ای کم ایمأنأن، چٚره اَنٚ وأسی کی نأن نأریدی، بحث کودن دٚریدی؟ 9هنو هم نٚفأمیدی؟ شٚمٚره یأد نییٚه او پنج‌تأ دأنه نأن و پِنج هیزأر نفر و چنتأ بالٚکأ کی اوسأدید؟ 10یا شٚمٚره جٚه خأطرَ شؤ کی ایوأردِه هفت‌تأ نأن اَمرأ، چأرهیزأر نٚفٚرٚ سِئرَ کودم؟ چنتأ زیبیل، خورده‌یأنٚ جَا جمَ کودیدی؟ 11پس چٚره درک نوکونیدی کی من نأنٚ جَا گب نٚزِئِندٚرٚم؟ بأزم گم: فریسیأن و صدوقیأنٚ تورشٚ خمیر جَا شٚمٚره دؤر بٚدأرید.»
12بأزین شأگردأن بٚفأمٚستد کی عیسا منظور جٚه «تورشٚ خمیر»، هو آموجه‌یأنی ایسه کی فریسیأن و صدوقیأنٚ دٚهٚده.
عیسا شخصیت جٚه پطرس نظر
13وختی عیسا فأرٚسِه فیلیپی قیصریه، خو شأگردأنٚ جَا وأوٚرسِه: «مردوم گده اینسأنٚ پٚسر کیسه؟»
14جوأب بٚدأده: «بعضیتأن گٚد، یوحنا ایسه کی تعمید دٚئی؛ بعضیتأنٚم گده ایلیا، یا ارمیا و ایتأ دِه جٚه پیغمبرأن ایسه کی دووأره ظوهور بوکوده.»
15بأزین وأوٚرسِه: «شومأن چی گیدی؟ شیمی نظر چیسه، من کی ایسٚم؟» 16شمعونٚ پطرس جوأب بٚدأ: «تو مسیح ایسی، زٚنده خودا پٚسر!»
17عیسا بٚفرمأسته: «ای شمعون، یونا پٚسر، خوشبحألٚ تو! چون تو اَ حِئقتَ اینسأنٚ جَا نأموختی، بلکی می آسمأنی پئر اَنَ تٚرَه وأشکأفأنٚه. 18و منم گم کی تو پطرس ایسی، ینی "صخره"، و من اَ صخره رو، می کیلیسایَ چأکونم، و جهندمٚ قودرتأن هیوخت نتأنِه اونَ نأبودَ کونه. 19من آسمأنٚ ملکوتٚ کیلیدأنَ تٚرَه فأدٚم. اونچی کی زیمین رو دٚوٚدی، آسمأنٚ دورون هم دٚوٚستٚه بٚه، و اونچی زیمینٚ سٚر وأزَ کونی، آسمأنٚ دورونم وأزَ بٚه.»
20بأزون خو شأگردأنَ تأکیدٚ اَمرأ دستور بٚدأ کسی رِه نٚگد کی اون مسیحه.
21جٚه او وخت، عیسا خو شأگردأنٚ رِه وأشکأفأنٚه کی وأستی بشه اورشلیم و اَنکی اویَه پیله کسأن و پیله کأهینأن و دین عألیمأن اونَ اَذِت و آزأر دٚهٚده، کوشٚده، ولی سیومی روجٚ رِه زٚنده بِه.
22پطرس اونَ فأکشه ایتأ گوشٚه، موخألفتٚ اَمرأ اونَ بوگفته: «آقأ جأن، خودا نوکونٚه کی اَطوچی تٚرَه ایتفأق دکفه.»
23عیسا وأگٚردٚست و پطرسَ بٚفرمأسته: «می جَا دورَ بو اَی شیطان! تو مِرِه ایتأ خطرنأکٚ دأمی! تو اینسأنی فیکرٚ اَمرأ اَ موضو‌یَ فأندٚری، نه خودایی فیکرٚ اَمرأ.»
24بأزین عیسا خو شأگردأنَ بوگفته: «اگه اینفر جٚه شومأن بٚخأیٚه می دونبأل بأیِه، وأستی خؤرَه خأطرَ ده و خو صلیبَ به چأنَ گیره و می جَا پیروی بوکونه. 25هر کی بٚخأیٚه خو جأنَ نیجأت بٚده، اونَ جٚه دٚس دِهه؛ ولی هرکی می وأسی خو جأنَ جٚه دٚس بٚده، اونَ نیجأت دِهه. 26چی فأیده دأره کی اینسأن تومأمٚ دونیأیَ ببره، ولی خو جأن جٚه دٚس بٚده؟ مگه چیزی شأ یأفتن کی اون جأنٚ جَا ویشتر بی‌اَرزٚه؟ 27چونکی اینسأنٚ پٚسر، خو فٚرٚشته‌یأنٚ اَمرأ، خو پئرٚ شوکو و جلالٚ میأن اَیِه و هر کسَ خودشٚ کأرأنٚ وأسی دأوری کونه. 28یقین بدأنید کی، اَیَه کسأنی ایسأده کی تأ اینسأنٚ پٚسرَ نیدینٚد کی خو ملکوتٚ میأن اَیِه،نیمیرٚده.»
Currently Selected:
متا 16: GLK_NT
Highlight
Share
Copy
Want to have your highlights saved across all your devices? Sign up or sign in
© 2024 Transform Iran
متا 16
16
موجیزه خأستٚن
1ایتأ روج فریسیأن و صدوقیأن کی قومٚ مذهبی و سیأسی پیله کسأن بود، بأمؤده عیسا‌یَ ایمتٚحأن بوکونٚد. هنٚ وأسی اونٚ جَا بٚخأستٚد کی ایتأ آسمأنی نیشأنه اَشأنٚ رِه بأوٚره کی خو ایقتدأرَ ثأبیت بوکونٚه.
2اون جوأب بٚدأ: «شومأن خُب تأنیدی هوایَ پیشبینی بوکونید. اگه زوأله موقع، آسمأن سورخ بٚبه، گیدی فردأ هوا خُبه؛ و اگه صُب، آسمأن سورخ بٚبه، گیدی وأرٚش اَیِه. شومأن کی آسمأنٚ نیشأنٚه‌یأنَ تعبیر کونیدی، چوطو نتأنیدی زمأتأنٚ نیشأنٚه‌یأنَ تعبیر بوکونید! 3و اگه صُب، آسمأن سورخ بٚبه، گیدی وأرٚش اَیِه. شومأن کی آسمأنٚ نیشأنٚه‌یأنَ تعبیر کونیدی، چوطو نتأنیدی زمأتأنٚ نیشأنٚه‌یأنَ تعبیر بوکونید! 4شرور و زٚنأکأرٚ نسل، نیشأنه خأیه! ولی تنأ نیشأنه‌یی کی اَشأنَ فأدٚم، یونسٚ نبی نیشأنه‌یٚ.» اَنَ بوگفته و اوشأنٚ جَا سیوأ وأبوسته.
فریسیأن و صدوقیأنٚ تورشٚ‌خمیر
5وختی فأرٚسِده دریأ، اوسر، شأگردأن وأخٚوٚرَ بوستٚد کی اَشأنَ جٚه خأطرَ شؤ خوشأنٚ اَمرأ نأن اوسأنٚد. 6عیسا اَشأنَ بٚفرمأست: «شیمی حواس بمأنه و شٚمٚره جٚه فریسیأن و صدوقیأنٚ تورشٚ خمیر دؤر بٚدأرید.»
7بأزین شأگردأن کس‌کسٚ اَمرأ بحث کودأندوبود کی چوطو اَشأنٚ جٚه خأطرَ شؤ نأن اوسأنٚد.
8عیسا بٚفأمٚسته کی چی وأسی کس‌کسٚ اَمرأ گب زِئن دٚرٚده. پس بوگفته: «ای کم ایمأنأن، چٚره اَنٚ وأسی کی نأن نأریدی، بحث کودن دٚریدی؟ 9هنو هم نٚفأمیدی؟ شٚمٚره یأد نییٚه او پنج‌تأ دأنه نأن و پِنج هیزأر نفر و چنتأ بالٚکأ کی اوسأدید؟ 10یا شٚمٚره جٚه خأطرَ شؤ کی ایوأردِه هفت‌تأ نأن اَمرأ، چأرهیزأر نٚفٚرٚ سِئرَ کودم؟ چنتأ زیبیل، خورده‌یأنٚ جَا جمَ کودیدی؟ 11پس چٚره درک نوکونیدی کی من نأنٚ جَا گب نٚزِئِندٚرٚم؟ بأزم گم: فریسیأن و صدوقیأنٚ تورشٚ خمیر جَا شٚمٚره دؤر بٚدأرید.»
12بأزین شأگردأن بٚفأمٚستد کی عیسا منظور جٚه «تورشٚ خمیر»، هو آموجه‌یأنی ایسه کی فریسیأن و صدوقیأنٚ دٚهٚده.
عیسا شخصیت جٚه پطرس نظر
13وختی عیسا فأرٚسِه فیلیپی قیصریه، خو شأگردأنٚ جَا وأوٚرسِه: «مردوم گده اینسأنٚ پٚسر کیسه؟»
14جوأب بٚدأده: «بعضیتأن گٚد، یوحنا ایسه کی تعمید دٚئی؛ بعضیتأنٚم گده ایلیا، یا ارمیا و ایتأ دِه جٚه پیغمبرأن ایسه کی دووأره ظوهور بوکوده.»
15بأزین وأوٚرسِه: «شومأن چی گیدی؟ شیمی نظر چیسه، من کی ایسٚم؟» 16شمعونٚ پطرس جوأب بٚدأ: «تو مسیح ایسی، زٚنده خودا پٚسر!»
17عیسا بٚفرمأسته: «ای شمعون، یونا پٚسر، خوشبحألٚ تو! چون تو اَ حِئقتَ اینسأنٚ جَا نأموختی، بلکی می آسمأنی پئر اَنَ تٚرَه وأشکأفأنٚه. 18و منم گم کی تو پطرس ایسی، ینی "صخره"، و من اَ صخره رو، می کیلیسایَ چأکونم، و جهندمٚ قودرتأن هیوخت نتأنِه اونَ نأبودَ کونه. 19من آسمأنٚ ملکوتٚ کیلیدأنَ تٚرَه فأدٚم. اونچی کی زیمین رو دٚوٚدی، آسمأنٚ دورون هم دٚوٚستٚه بٚه، و اونچی زیمینٚ سٚر وأزَ کونی، آسمأنٚ دورونم وأزَ بٚه.»
20بأزون خو شأگردأنَ تأکیدٚ اَمرأ دستور بٚدأ کسی رِه نٚگد کی اون مسیحه.
21جٚه او وخت، عیسا خو شأگردأنٚ رِه وأشکأفأنٚه کی وأستی بشه اورشلیم و اَنکی اویَه پیله کسأن و پیله کأهینأن و دین عألیمأن اونَ اَذِت و آزأر دٚهٚده، کوشٚده، ولی سیومی روجٚ رِه زٚنده بِه.
22پطرس اونَ فأکشه ایتأ گوشٚه، موخألفتٚ اَمرأ اونَ بوگفته: «آقأ جأن، خودا نوکونٚه کی اَطوچی تٚرَه ایتفأق دکفه.»
23عیسا وأگٚردٚست و پطرسَ بٚفرمأسته: «می جَا دورَ بو اَی شیطان! تو مِرِه ایتأ خطرنأکٚ دأمی! تو اینسأنی فیکرٚ اَمرأ اَ موضو‌یَ فأندٚری، نه خودایی فیکرٚ اَمرأ.»
24بأزین عیسا خو شأگردأنَ بوگفته: «اگه اینفر جٚه شومأن بٚخأیٚه می دونبأل بأیِه، وأستی خؤرَه خأطرَ ده و خو صلیبَ به چأنَ گیره و می جَا پیروی بوکونه. 25هر کی بٚخأیٚه خو جأنَ نیجأت بٚده، اونَ جٚه دٚس دِهه؛ ولی هرکی می وأسی خو جأنَ جٚه دٚس بٚده، اونَ نیجأت دِهه. 26چی فأیده دأره کی اینسأن تومأمٚ دونیأیَ ببره، ولی خو جأن جٚه دٚس بٚده؟ مگه چیزی شأ یأفتن کی اون جأنٚ جَا ویشتر بی‌اَرزٚه؟ 27چونکی اینسأنٚ پٚسر، خو فٚرٚشته‌یأنٚ اَمرأ، خو پئرٚ شوکو و جلالٚ میأن اَیِه و هر کسَ خودشٚ کأرأنٚ وأسی دأوری کونه. 28یقین بدأنید کی، اَیَه کسأنی ایسأده کی تأ اینسأنٚ پٚسرَ نیدینٚد کی خو ملکوتٚ میأن اَیِه،نیمیرٚده.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Transform Iran