ARING KELESING 24
24
Hawan Ishak
1Té' pah Abraham atih uh muku lan-lan nah iha' dahin aru lan pah urip na', Tuhan pah uh muak asi Na' té' lim ket en na' na. 2Kuma' nah Abraham men panyin na' aleng dekaya' té' alem amin na', aleng puboh lim ket aleng alem amin Abraham, ken na' men iha', “Sayu im metei usu ka' té' ida sin hapi kui, 3ja ika' na supah dahik, té' aran Allah aleng hipun langit dahin tana, ja ika' em ala doh daha' pahu Kanaan aleng ngavak melo' anih men anak kui Ishak nan. 4Bi sayu nah im tei ha' daléh kui, tei ilau daha' pahu kui, ala doh men Ishak anak kui anih.”
5Pelalau panyin na' anan kuma' men iha', “Nuno' tuk na', amei, iha' doh anan em kaséh nei hinih, seng deng kah akui tei geri anak ka' anan uli ha' daléh aleng pa'un ka' aleng ngavam nei musang anan dih iah amei?”
6Bi Abraham nyu'ei iha, “Meng im geri anak kui anih uli hinan. 7Tuhan Allah aleng hipun langit, aleng uh muvui akui men alem uma tamak dahin men alem daléh daha' harik, Allah aleng uh duan akui, dahin aleng uh supah dahik lahuh, nunih dahun Na' dih, ‘Men pahu ka' Akui seng ma'uk daléh anih.’ Avin anan Iha' loh kah aleng seng nyihu meliket Na' panau ha' unan ka', ika' pah seng ala doh men daléh anan, men anak kui anih. 8Bi iha' doh anan duyah nei ngioh ika', puéh nah ika' men supah ka' té' akui anih, bi anih tua im pelemana', meng im peletu tei geri anak kui anih uli hitih.” 9Iha' nah panyin na' atih metei usu na' té' hapi Abraham, iha' nah iha' na supah dahin Abraham marung tuk anan.
10Men'uh anan en panyin na' anan ala nah pulu hulung unta Abraham, dahin geri kuri-kuri na'an daven Abraham aleng mahen legah na'. Lun leka' nah iha', tei ha' Aram-Mesopotamia ha' daléh Nahor. 11Hinan nah iha' nyihu hulung unta na' ngeta', behawang daléh jeleng ji lesung, iha' tih tegu dau uh levi jaka' daha' doh tei leva. 12Lun kuma' nah iha', “U Tuhan Allah taman Abraham, Im masi nah akui dau anih. Im bara nah halam ka' aleng em tei ketapah atih men tamak Abraham. 13Té' béh lesung anih nah akui nekring lahuh, adang té' kah daha' nyemdoh daléh anih nei musang leva té' lesung anih na'a. 14Hi-hi nyemdoh aleng nei ek tengaran na'a, ja ha' teneng ngioh awi dahuk anih, ‘Im masi nah akui, uk kui ata' ja kui du'i si',’ bi tana' iha' kuma', ‘Du'i nah ké, hulung unta ka' anan pah seng ek uk du'i lahuh,’ iha' anan nah aleng uh Im petneng men panyin ka' Ishak. Té' ket aleng nunan nah akui jam Ika' bara halam ka' men tamak Abraham dih.”
15Em payan ha' pah dahun na', beka' nei nah Ribka nyi'un ji tajau, iha' tih anak Betuel, aleng anak aké' Milka doh Nahor, aleng harin Abraham. 16Nyemdoh anan kelalau kajau jam na', iha' pah ji nyemdoh aleng em peletu payan ga' laké'. Iha' tei ngiléh leva ata' lesung anan, pelalau nei uli ma'un. 17Pelalau tepurung nah laké' sihu Abraham anan dih tei pala iha', dahin kuma' men iha', “Im masi nah akui arin, im uk kui ata' alem tajau ka' anan ek du'i.”
18Ken doh anan nyu'ei, “Du'i nah ké amei,” ken na'. Pelalau en na lo' nah tajau na' anan dih dahin ma'uk iha' ata' du'i. 19Men'uh iha' ma'uk laké anan du'i, lun kuma' nah iha' la'an, “Sayu kui ma'uk ata' men hulung unta ka' anan lahuh, en daha' du'i, tuken-tuken lim dalo' sarah du'i.” 20Pelalau petimah nah iha' mesoh ata' men alem tajau na' tei alem bungan. Men'uh anan tei pah iha' tepurung la'an leva ata' lesung anan nekulah, pelalau ma'uk ata' men lim hulung unta laké' anan. 21Laké' anan tepaka' tua ngeniheng nyineng iha'. Iha' pah pelemana', “Tuhan pela'ung anau kui anih lan nah anih, kurik,” ken na' nah.
22Uh hulung unta anan sarah du'i, laké' anan ala nah iseng met bahat nem gram#24:22 6 GRAM iha' tih ji amat ji unang. dahin ji paseng leku met aleng bahat ji atuh pulu gram#24:22 110 GRAM iha' tih kio'-kio' 3 tain., en na' tei té' usu na'. 23Pelalau ha' kuma', “Anak hi ka' anih du? Té' avan alo' tudu huma tamam malem anih iah? Sayu im bara akui ja akui jam.”
24Ken doh anan nyu'ei iha', “Betuel aleng tamak, aleng anak Milka dawa' Nahor.” 25Ken nyemdoh atih pah la'an, “Huma té' kah ngavam tudu, kanen hulung unta pah, ngahum jemé' tegang kanen daha' huma tih lahuh.”
26Pelalau laké anan nukem bara sayu kenep men Tuhan, ken na', 27“Meju lelan aran Tuhan Allah tamak Abraham aleng em meet halam Na' dahin teneng Na' men tamak Abraham. Tuhan nah aleng uh geri akui té' alem alan aleng tei ha' uma daha' harin-harin tamak Abraham.”
28Pelalau tepurung nah nyemdoh anan, tei bara dengah anan ha' hinan na' huma. 29Bi té' pah ji harin aké' Ribka, aran na' Laban. Laban pah tei tepurung ha' lesung, tei ala kelunan anan dih. 30Tegu iha' nyineng iseng dahin leku aleng té' té' usu harin na', dahin uh kelenghi dahun harin na' Ribka, aleng kuma' nunih, “Nunan nah dahun kelunan anan uh bara men akui,” iha' nah Laban tei ala kelunan anan dih aleng té' loh nekring té' béh hulung unta na' jeleng lesung atih. 31Iha' nah iha' kuma', “Nei nah im huma keta', ika' aleng uh en Tuhan masi. Na' nun ka' nekring hawang nunih tua? Té' kah ngavam huma uh ek nemei, nurei pah té' ngavan hulung unta ka' lahuh.”
32Iha' nah kelunan anan dih tei huma, en daha' bet nah balun hamak aleng ngavan daha' melo' hujung hulung unta anan, dahin ma'uk jemé' aleng tegang men hulung unta na' atih. Pelalau iha' geri ata' ngavan mayau kudek kelunan anan dih, dahin kudek daha' aleng dahin na' atih lahuh. 33Dalo' matah kanen men iha', bi kuma' nah laké' anan dih, “Nusi' kui ngenep kuman em payan akui bara daho' aleng ek geri anih.” Nyu'ei nah Laban iha', “Sayu kah, bara nah dahum nan.”
34Pelalau nah iha' bara, “Akui nih panyin Abraham anih. 35Tuhan uh muak asi na' men Abraham, iha' kelalau kaya' kerei inih. Tuhan uh ma'uk men iha' hulung kading, duba, dahin sapi'-sapi', dahin met, pirek lahuh. Nyemaké' dahin nyemdoh dipen na' pah té' lahuh, hulung unta dahin keledei pah té' lahuh. 36Té' pah Sara hawan tamak Abraham uh muku, beka' iha' pah nei nganak ji anak aké' men Abraham. Men anak na' anan nah tamak Abraham uh ma'uk lim-lim daven na' aleng en na' sengayan. 37Tamak Abraham uh nyihu akui supah dahin na'. Iha' kuma', ‘Meng im peletu ala doh men anak kui Ishak men hang daha' doh pahu daha' Kanaan anih aleng ngavan tam melo' anih. 38Bi sayu im tei ha' uma tamak, ha' daha' pahu kui, ala doh men anak kui anih.’ 39Bi akui nyu'ei tamak Abraham, ‘Mina nusi' si' doh atih ngenep nei ngioh akui.’ 40Bi ken na' pah men akui, ‘Tuhan aleng ningan, ha' unan Na' pah akui pa'en té' murip, Iha' pah seng nyihu meliket Na' puboh ika', ja Iha' pela'ung anau ka', ateng ika' ala doh men anak kui té' daha' pahu kui ha' uma tamak. 41Nunan im na uréh nah ika' deng puéh men supah ka' té' akui anih, tegu ika' tei ateng ha' daha' pahu kui. Awi daha' em ma'uk doh atih men ika', uréh pah ika' deng pebet lahuh men supah ka' dahik,’ ken na'.
42“Bi dau anih akui nei ateng ha' lesung men'a dih, iha' nah akui kuma', U Tuhan Allah tamak Abraham, sayu nah im na anau kui anih la'ung, 43ja alem kui nekring té' béh lesung anih, im pela'ung nah awi aleng kenep kui anih, ja tegu ji nyemdoh nei ateng leva ata té' lesung anih na'a, iha' kui meteng nunih, ‘Im masi nah akui, uk kui ata' té' tajau ka' anan ek du'i,’ 44iha' pah nyu'ei, ‘Du'i nah ké, amei, lim hulung-hulung unta ka' pah seng ek uk ata' lahuh,’ ken na', anan nah doh aleng uh en Tuhan petneng men anak tamak Abraham. 45Nusi' payan ha' pah dahuk aleng ek pelemana' alem kenep kui anan dih, beka' nei nah Ribka nyi'un ji tajau, nei ngiléh leva té' lesung atih. Kuma' nah akui men iha', 46‘Im masi nah akui, uk kui ata' ek du'i,’ kek. Pelalau nah iha' mebet hi'un tajau na' men la'ip na', pelalau ha' kuma', ‘Du'i nah ké, lim hulung unta ka' pah seng ek uk ata' du'i lahuh.’ Akui pah pelalau du'i dahin unta kui pah en na' uk du'i lahuh. 47Men'uh anan iha' kui kuma' men iha', ‘Anak hi ka' anih du?’ Ken na' nyu'ei akui, ‘Tamak iha' nah aleng Betuel anak Nahor, anak na' té' Milka.’ Iha' nah akui pelalau metei iseng té' urung na', dahin metei leku té' usu na'. 48Men'uh anan pelalau kui nyepukun bara sayu kenep men Tuhan dahin meju lan aran Tuhan Allah tamak Abraham, aleng uh geri akui té' alan aleng teneng, ja nei ala anak doh té' kelo' harin tamak Abraham, ja hawan anak na'. 49Kerei inih sayu kelo' bara kenep kelo' seng tangen lan gem daho' anih men tamak Abraham, sayu kelo' bara men akui lalau kerei inih. Iha' kelo' em ngenep gem daho' anih, en kelo' bara kah men akui, ja akui ji'ek jam nepulet ha' pedah ta'o kah ha' pedah ulei kah.”
50Pelalau Laban dawa' taman na' nyu'ei, “Ket kenep Tuhan nah anih, nusi' kalo' ji'ek seng té' hura'-hura' alo' peletu. 51Nan kah Ribka ha' unan ka' nan pa, nyineng im iha' ké. Ju iha' im geri kah tua, ja iha' hawan anak tamam Abraham, awi aleng uh en Tuhan bara men ika' anan.” 52Tegu panyin Abraham atih kelenghi dahun dawa' nunan, nukem nah iha' tei ateng tana, bara sayu kenep men Tuhan. 53Men'uh anan en panyin Abraham anan usang nah ket aleng en na' geri atih, iha' tih met, pirek, dahin balun-balun aleng kajau, dahin ma'uk lim anan men Ribka, té' pah men harin na', té' pah men hinan na' lahuh, daven aleng sayu-sayu en na' jei men dalo'.
54Men'uh anan iha' nah dalo' kuman dahin du'i, lim dalo' aleng dahin na' anan lahuh, dalo' pah tudu tinan malem anan. Jihima uh dalo' ma'un tudu, kuma' nah laké' panyin sihu Abraham atih, “Akui tei nah anih uli pala tamak Abraham.”
55Bi harin Ribka dawa' hinan na' kuma', “Bei nah anak anih em melo' dahin alo' uk té' alem pulu dau bareng, men'uh anan iha' kelo' tei leka'.”
56Bi ken na' nyu'ei dalo', “Meng ma'eng akui avin Tuhan aleng uh petneng anau kui dahin uh pela'ung na', bei nah akui em tei uli pala tamak Abraham.”
57Ken dalo' nyu'ei iha', “Sayu kah, telo' uvui nah anak doh anan ké', meteng kenep na' tua kah ita' nih.” 58Iha' nah dalo' harin na' pelalau muvui Ribka meteng iha', “Ngenep kah ika' tei dahin daha' kelunan anih iah?” Nyu'ei nah iha', “Ngenep.” 59Iha' nah dalo' harin Ribka nyihu iha' tei, dahin nyihu doh aleng uh tinak iha' men iha' nyam atih tei puboh iha' lahuh, tei nah daha' aleng panyin Abraham anan dih uli. 60Iha' nah dalo' harin na' kahi asi té' Tuhan men iha', ken dalo' men iha', “U arin, sayu nah ika' nei katan jadi' kuri-kuri libu'-libu' leksa', ja pahu ka' tua aleng hipun daléh daha' aleng bunu-bunu daha' baya tih.” 61Uh anan iha' nah Ribka nemei, nurei pah daha' aleng panyin na' aleng doh, tei nah dalo' hujung hulung unta ngioh daha' kelunan anan. Nunan nah tuk na' Ribka en dalo' panyin anan geri tei uli tugung dalo'.
62Té' pah Ishak uh nei men lesung Lahai-Roi, dahin melo' ha' tana Negeb. 63Ishak pah musang panau-panau ha' lida tegu levi dau anan. Tegu ha' nei nyineng-nyineng, beka' té' hulung unta nei ateng. 64Nunan pah Ribka, tegu iha' nyineng Ishak, pelalau ha' ngiléh men ujung la'ung unta na', 65ken na' men daha' panyin anan, “Hi laké' aleng panau-panau ha' lida atih, aleng ha' unan tam anan?” Nyu'ei nah laké' panyin anan iha', “Anan nah kelunan aya' kui.” Pelalau Ribka ala tepulo' mahuk neng na'.
66Men'uh anan iha' nah panyin anan bara men Ishak lim-lim ket aleng uh en na' na atih. 67Pelalau Ishak geri Ribka alem uma Sara hinan na', pelalau ala iha' jadi' hawan na'. Ishak pah nyalam lelan té' iha'. Nunan nah lahuh aring Ishak tei halau men'uh hinan na' matei.
Currently Selected:
ARING KELESING 24: TDK1990
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.
ARING KELESING 24
24
Hawan Ishak
1Té' pah Abraham atih uh muku lan-lan nah iha' dahin aru lan pah urip na', Tuhan pah uh muak asi Na' té' lim ket en na' na. 2Kuma' nah Abraham men panyin na' aleng dekaya' té' alem amin na', aleng puboh lim ket aleng alem amin Abraham, ken na' men iha', “Sayu im metei usu ka' té' ida sin hapi kui, 3ja ika' na supah dahik, té' aran Allah aleng hipun langit dahin tana, ja ika' em ala doh daha' pahu Kanaan aleng ngavak melo' anih men anak kui Ishak nan. 4Bi sayu nah im tei ha' daléh kui, tei ilau daha' pahu kui, ala doh men Ishak anak kui anih.”
5Pelalau panyin na' anan kuma' men iha', “Nuno' tuk na', amei, iha' doh anan em kaséh nei hinih, seng deng kah akui tei geri anak ka' anan uli ha' daléh aleng pa'un ka' aleng ngavam nei musang anan dih iah amei?”
6Bi Abraham nyu'ei iha, “Meng im geri anak kui anih uli hinan. 7Tuhan Allah aleng hipun langit, aleng uh muvui akui men alem uma tamak dahin men alem daléh daha' harik, Allah aleng uh duan akui, dahin aleng uh supah dahik lahuh, nunih dahun Na' dih, ‘Men pahu ka' Akui seng ma'uk daléh anih.’ Avin anan Iha' loh kah aleng seng nyihu meliket Na' panau ha' unan ka', ika' pah seng ala doh men daléh anan, men anak kui anih. 8Bi iha' doh anan duyah nei ngioh ika', puéh nah ika' men supah ka' té' akui anih, bi anih tua im pelemana', meng im peletu tei geri anak kui anih uli hitih.” 9Iha' nah panyin na' atih metei usu na' té' hapi Abraham, iha' nah iha' na supah dahin Abraham marung tuk anan.
10Men'uh anan en panyin na' anan ala nah pulu hulung unta Abraham, dahin geri kuri-kuri na'an daven Abraham aleng mahen legah na'. Lun leka' nah iha', tei ha' Aram-Mesopotamia ha' daléh Nahor. 11Hinan nah iha' nyihu hulung unta na' ngeta', behawang daléh jeleng ji lesung, iha' tih tegu dau uh levi jaka' daha' doh tei leva. 12Lun kuma' nah iha', “U Tuhan Allah taman Abraham, Im masi nah akui dau anih. Im bara nah halam ka' aleng em tei ketapah atih men tamak Abraham. 13Té' béh lesung anih nah akui nekring lahuh, adang té' kah daha' nyemdoh daléh anih nei musang leva té' lesung anih na'a. 14Hi-hi nyemdoh aleng nei ek tengaran na'a, ja ha' teneng ngioh awi dahuk anih, ‘Im masi nah akui, uk kui ata' ja kui du'i si',’ bi tana' iha' kuma', ‘Du'i nah ké, hulung unta ka' anan pah seng ek uk du'i lahuh,’ iha' anan nah aleng uh Im petneng men panyin ka' Ishak. Té' ket aleng nunan nah akui jam Ika' bara halam ka' men tamak Abraham dih.”
15Em payan ha' pah dahun na', beka' nei nah Ribka nyi'un ji tajau, iha' tih anak Betuel, aleng anak aké' Milka doh Nahor, aleng harin Abraham. 16Nyemdoh anan kelalau kajau jam na', iha' pah ji nyemdoh aleng em peletu payan ga' laké'. Iha' tei ngiléh leva ata' lesung anan, pelalau nei uli ma'un. 17Pelalau tepurung nah laké' sihu Abraham anan dih tei pala iha', dahin kuma' men iha', “Im masi nah akui arin, im uk kui ata' alem tajau ka' anan ek du'i.”
18Ken doh anan nyu'ei, “Du'i nah ké amei,” ken na'. Pelalau en na lo' nah tajau na' anan dih dahin ma'uk iha' ata' du'i. 19Men'uh iha' ma'uk laké anan du'i, lun kuma' nah iha' la'an, “Sayu kui ma'uk ata' men hulung unta ka' anan lahuh, en daha' du'i, tuken-tuken lim dalo' sarah du'i.” 20Pelalau petimah nah iha' mesoh ata' men alem tajau na' tei alem bungan. Men'uh anan tei pah iha' tepurung la'an leva ata' lesung anan nekulah, pelalau ma'uk ata' men lim hulung unta laké' anan. 21Laké' anan tepaka' tua ngeniheng nyineng iha'. Iha' pah pelemana', “Tuhan pela'ung anau kui anih lan nah anih, kurik,” ken na' nah.
22Uh hulung unta anan sarah du'i, laké' anan ala nah iseng met bahat nem gram#24:22 6 GRAM iha' tih ji amat ji unang. dahin ji paseng leku met aleng bahat ji atuh pulu gram#24:22 110 GRAM iha' tih kio'-kio' 3 tain., en na' tei té' usu na'. 23Pelalau ha' kuma', “Anak hi ka' anih du? Té' avan alo' tudu huma tamam malem anih iah? Sayu im bara akui ja akui jam.”
24Ken doh anan nyu'ei iha', “Betuel aleng tamak, aleng anak Milka dawa' Nahor.” 25Ken nyemdoh atih pah la'an, “Huma té' kah ngavam tudu, kanen hulung unta pah, ngahum jemé' tegang kanen daha' huma tih lahuh.”
26Pelalau laké anan nukem bara sayu kenep men Tuhan, ken na', 27“Meju lelan aran Tuhan Allah tamak Abraham aleng em meet halam Na' dahin teneng Na' men tamak Abraham. Tuhan nah aleng uh geri akui té' alem alan aleng tei ha' uma daha' harin-harin tamak Abraham.”
28Pelalau tepurung nah nyemdoh anan, tei bara dengah anan ha' hinan na' huma. 29Bi té' pah ji harin aké' Ribka, aran na' Laban. Laban pah tei tepurung ha' lesung, tei ala kelunan anan dih. 30Tegu iha' nyineng iseng dahin leku aleng té' té' usu harin na', dahin uh kelenghi dahun harin na' Ribka, aleng kuma' nunih, “Nunan nah dahun kelunan anan uh bara men akui,” iha' nah Laban tei ala kelunan anan dih aleng té' loh nekring té' béh hulung unta na' jeleng lesung atih. 31Iha' nah iha' kuma', “Nei nah im huma keta', ika' aleng uh en Tuhan masi. Na' nun ka' nekring hawang nunih tua? Té' kah ngavam huma uh ek nemei, nurei pah té' ngavan hulung unta ka' lahuh.”
32Iha' nah kelunan anan dih tei huma, en daha' bet nah balun hamak aleng ngavan daha' melo' hujung hulung unta anan, dahin ma'uk jemé' aleng tegang men hulung unta na' atih. Pelalau iha' geri ata' ngavan mayau kudek kelunan anan dih, dahin kudek daha' aleng dahin na' atih lahuh. 33Dalo' matah kanen men iha', bi kuma' nah laké' anan dih, “Nusi' kui ngenep kuman em payan akui bara daho' aleng ek geri anih.” Nyu'ei nah Laban iha', “Sayu kah, bara nah dahum nan.”
34Pelalau nah iha' bara, “Akui nih panyin Abraham anih. 35Tuhan uh muak asi na' men Abraham, iha' kelalau kaya' kerei inih. Tuhan uh ma'uk men iha' hulung kading, duba, dahin sapi'-sapi', dahin met, pirek lahuh. Nyemaké' dahin nyemdoh dipen na' pah té' lahuh, hulung unta dahin keledei pah té' lahuh. 36Té' pah Sara hawan tamak Abraham uh muku, beka' iha' pah nei nganak ji anak aké' men Abraham. Men anak na' anan nah tamak Abraham uh ma'uk lim-lim daven na' aleng en na' sengayan. 37Tamak Abraham uh nyihu akui supah dahin na'. Iha' kuma', ‘Meng im peletu ala doh men anak kui Ishak men hang daha' doh pahu daha' Kanaan anih aleng ngavan tam melo' anih. 38Bi sayu im tei ha' uma tamak, ha' daha' pahu kui, ala doh men anak kui anih.’ 39Bi akui nyu'ei tamak Abraham, ‘Mina nusi' si' doh atih ngenep nei ngioh akui.’ 40Bi ken na' pah men akui, ‘Tuhan aleng ningan, ha' unan Na' pah akui pa'en té' murip, Iha' pah seng nyihu meliket Na' puboh ika', ja Iha' pela'ung anau ka', ateng ika' ala doh men anak kui té' daha' pahu kui ha' uma tamak. 41Nunan im na uréh nah ika' deng puéh men supah ka' té' akui anih, tegu ika' tei ateng ha' daha' pahu kui. Awi daha' em ma'uk doh atih men ika', uréh pah ika' deng pebet lahuh men supah ka' dahik,’ ken na'.
42“Bi dau anih akui nei ateng ha' lesung men'a dih, iha' nah akui kuma', U Tuhan Allah tamak Abraham, sayu nah im na anau kui anih la'ung, 43ja alem kui nekring té' béh lesung anih, im pela'ung nah awi aleng kenep kui anih, ja tegu ji nyemdoh nei ateng leva ata té' lesung anih na'a, iha' kui meteng nunih, ‘Im masi nah akui, uk kui ata' té' tajau ka' anan ek du'i,’ 44iha' pah nyu'ei, ‘Du'i nah ké, amei, lim hulung-hulung unta ka' pah seng ek uk ata' lahuh,’ ken na', anan nah doh aleng uh en Tuhan petneng men anak tamak Abraham. 45Nusi' payan ha' pah dahuk aleng ek pelemana' alem kenep kui anan dih, beka' nei nah Ribka nyi'un ji tajau, nei ngiléh leva té' lesung atih. Kuma' nah akui men iha', 46‘Im masi nah akui, uk kui ata' ek du'i,’ kek. Pelalau nah iha' mebet hi'un tajau na' men la'ip na', pelalau ha' kuma', ‘Du'i nah ké, lim hulung unta ka' pah seng ek uk ata' du'i lahuh.’ Akui pah pelalau du'i dahin unta kui pah en na' uk du'i lahuh. 47Men'uh anan iha' kui kuma' men iha', ‘Anak hi ka' anih du?’ Ken na' nyu'ei akui, ‘Tamak iha' nah aleng Betuel anak Nahor, anak na' té' Milka.’ Iha' nah akui pelalau metei iseng té' urung na', dahin metei leku té' usu na'. 48Men'uh anan pelalau kui nyepukun bara sayu kenep men Tuhan dahin meju lan aran Tuhan Allah tamak Abraham, aleng uh geri akui té' alan aleng teneng, ja nei ala anak doh té' kelo' harin tamak Abraham, ja hawan anak na'. 49Kerei inih sayu kelo' bara kenep kelo' seng tangen lan gem daho' anih men tamak Abraham, sayu kelo' bara men akui lalau kerei inih. Iha' kelo' em ngenep gem daho' anih, en kelo' bara kah men akui, ja akui ji'ek jam nepulet ha' pedah ta'o kah ha' pedah ulei kah.”
50Pelalau Laban dawa' taman na' nyu'ei, “Ket kenep Tuhan nah anih, nusi' kalo' ji'ek seng té' hura'-hura' alo' peletu. 51Nan kah Ribka ha' unan ka' nan pa, nyineng im iha' ké. Ju iha' im geri kah tua, ja iha' hawan anak tamam Abraham, awi aleng uh en Tuhan bara men ika' anan.” 52Tegu panyin Abraham atih kelenghi dahun dawa' nunan, nukem nah iha' tei ateng tana, bara sayu kenep men Tuhan. 53Men'uh anan en panyin Abraham anan usang nah ket aleng en na' geri atih, iha' tih met, pirek, dahin balun-balun aleng kajau, dahin ma'uk lim anan men Ribka, té' pah men harin na', té' pah men hinan na' lahuh, daven aleng sayu-sayu en na' jei men dalo'.
54Men'uh anan iha' nah dalo' kuman dahin du'i, lim dalo' aleng dahin na' anan lahuh, dalo' pah tudu tinan malem anan. Jihima uh dalo' ma'un tudu, kuma' nah laké' panyin sihu Abraham atih, “Akui tei nah anih uli pala tamak Abraham.”
55Bi harin Ribka dawa' hinan na' kuma', “Bei nah anak anih em melo' dahin alo' uk té' alem pulu dau bareng, men'uh anan iha' kelo' tei leka'.”
56Bi ken na' nyu'ei dalo', “Meng ma'eng akui avin Tuhan aleng uh petneng anau kui dahin uh pela'ung na', bei nah akui em tei uli pala tamak Abraham.”
57Ken dalo' nyu'ei iha', “Sayu kah, telo' uvui nah anak doh anan ké', meteng kenep na' tua kah ita' nih.” 58Iha' nah dalo' harin na' pelalau muvui Ribka meteng iha', “Ngenep kah ika' tei dahin daha' kelunan anih iah?” Nyu'ei nah iha', “Ngenep.” 59Iha' nah dalo' harin Ribka nyihu iha' tei, dahin nyihu doh aleng uh tinak iha' men iha' nyam atih tei puboh iha' lahuh, tei nah daha' aleng panyin Abraham anan dih uli. 60Iha' nah dalo' harin na' kahi asi té' Tuhan men iha', ken dalo' men iha', “U arin, sayu nah ika' nei katan jadi' kuri-kuri libu'-libu' leksa', ja pahu ka' tua aleng hipun daléh daha' aleng bunu-bunu daha' baya tih.” 61Uh anan iha' nah Ribka nemei, nurei pah daha' aleng panyin na' aleng doh, tei nah dalo' hujung hulung unta ngioh daha' kelunan anan. Nunan nah tuk na' Ribka en dalo' panyin anan geri tei uli tugung dalo'.
62Té' pah Ishak uh nei men lesung Lahai-Roi, dahin melo' ha' tana Negeb. 63Ishak pah musang panau-panau ha' lida tegu levi dau anan. Tegu ha' nei nyineng-nyineng, beka' té' hulung unta nei ateng. 64Nunan pah Ribka, tegu iha' nyineng Ishak, pelalau ha' ngiléh men ujung la'ung unta na', 65ken na' men daha' panyin anan, “Hi laké' aleng panau-panau ha' lida atih, aleng ha' unan tam anan?” Nyu'ei nah laké' panyin anan iha', “Anan nah kelunan aya' kui.” Pelalau Ribka ala tepulo' mahuk neng na'.
66Men'uh anan iha' nah panyin anan bara men Ishak lim-lim ket aleng uh en na' na atih. 67Pelalau Ishak geri Ribka alem uma Sara hinan na', pelalau ala iha' jadi' hawan na'. Ishak pah nyalam lelan té' iha'. Nunan nah lahuh aring Ishak tei halau men'uh hinan na' matei.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.