YOHANES 13
13
Tuhan Yesus mayau kudek anak sekulah Na'
1 #
Yoh 7:30; 8:20; 15:13; Gal 2:20; 1 Yoh 3:16 Men em payan dau aya' Paskah atih, kitan Yesus jaka' Na' uh ateng tegu Iha' seng musang men usun tana anih tei ha' Taman Na'. Iha' pah nyalam kelunan Na' té' usun tana anih, en Na' nyalam loh kah daha' ateng ka'uh na'.
2 #
Lk 22:3
Iblis hu'uh megoh kenep Yudas Iskariot anak simon atih ja iha' nebau Yesus. Alem dalo' kuman pahlung malem, 3#Yoh 3:35; 16:28; 17:2 Yesus pah jam marung Taman Na' uh ma'ih lim-lim ket nun-nun halem usu Na', Iha' pah nei men Allah dahin uli ha' Allah nekulah lahuh, 4#Mat 11:29; 20:28; Lk 12:37 lun peju nah Iha' men ngavan Na' kuman dahin mebet basung Na', pelalau ala ji besehen nejet na' té' iung-u'ing Na'. 5Uh anan en Na' soh nah ata' halem ji bisin, pelalau mayau kudek anak sekulah Na', dahin mepin na' té' besehen aleng en Na' jet té' iung-u'ing Na' anan dih.
6 #
1 Pet 5:3
Ateng nah Iha' ha' Simon Petrus. Lun kuma' nah Petrus men Iha', “U Tuhan, seng Im mayau kudek kui du Tuhan?” ken na'. 7Iha' nah Yesus nyu'ei dahin kuma' men iha', “Ket aleng Ek na anih, nusi' payan ka' jam na' kerei inih, bi uh anih na'a, iha' ika' seng jam,” ken Na'. 8#Yoh 13:12 Petrus kuma' men Iha', “Meng Im peletu mayau kudek kui nih,” ken na'. “Iha' Akui em mayau ika', nusi' ka' deng peji tulan Dahik,” ken Yesus nyu'ei iha'. 9Lun kuma' nah Simon Petrus men Iha', “U Tuhan, meng mayau kudek kui ji'ek tua, sayu mayau usu dahin kahung kui lim,” ken na'.
10 #
Yoh 15:3
Yesus kuma' men iha', “Hi-hi aleng uh duh, nusi' pekwat iha' mayau la'an, bi kudek na' kah tua en mayau, avin iha' uh ma'ang lim. Kelo' anih pah ma'ang, bi nusi' kelo' lim ma'ang,” ken Na'. 11#Yoh 6:64,70-71 Avin Iha' jam kelunan aleng seng nebau Iha', iha' avan Na' kuma', “Nusi' kelo' lim ma'ang.”
12Tegu Yesus uh mayau kudek dalo', dahin meté' basung Na' la'an dahin melo' la'an, Iha' kuma' men dalo' “Jam kah kelo' ket aleng Ek na men kelo' anih iah? 13#Mat 23:8,10 Kelo' duan Akui ké', Guru, dahin Tuhan, ken kelo'. Lan kah dahun kelo' anan, avin Akui anih nah Iha'. 14#Lk 22:27; 1 Tim 5:10 Iha' Akui aleng Tuhan dahin Guru anih uh mayau kudek kelo, tekep kah kelo' mayau kudek kelo' pedeng kelo' lahuh. 15#Fil 2:5; Kol 3:13; 1 Pet 2:21 Avin Akui uh na ji katah men kelo', ja kelo' pah lahuh na piah awi aleng Ek na men kelo' anih. 16#Mat 10:24 Dahuk lan men kelo', kelunan kuli nusi' ha' dekaya' men'uh kelunan aleng hipun hadui, dahin kelunan sihu pah lahuh nusi' iha' dekaya' men'uh iha' aleng nyihu iha' atih. 17#Mat 7:24; Yak 1:25 Iha' kelo' jam lim-lim tuk anih, sayu lan nah men kelo' iha' kelo' na na'.
18 #
NDI 41:10
“Dahuk men kelo' atih, nusi' ha' marung kelo' lim, avin Kitak kah daha' aleng uh Ek mili, bi ja surat Tuhan nei la'ung aleng kuma', ‘Harik aleng uh pahlung Dahik, iha' atih uh meju usu na' melawan Akui.’ 19#Yoh 14:29 Kerei inih Akui bara pekuna' men kelo', ja tegu ha' nei la'ung na'a kelo' nginah Akui anih nah Iha'. 20#Mat 10:40 Dahuk lan men kelo', hi aleng ala daha' aleng Ek nyihu, iha' anan nah ala Akui lahuh, dahin hi aleng ala Akui, iha' ala Iha' aleng nyihu Akui anih pah anan lahuh.”
Tuhan Yesus bara kelunan aleng seng nebau Iha'
Mat 26:20-25; Mk 14:17-21; Lk 22:21-23
21 #
Yoh 12:27
Tegu Yesus uh kuma' nunan, bahat lelan nah kenep Na' alem beluan Na', dahin bara marung Iha', kuma', “Dahuk lan men kelo', té' ji la'ung men kelo' anih aleng seng nebau ma'ih Akui,” ken Na'. 22Dalo' anak sekulah Na' atih pehineng-pehineng pedeng dalo', em teneng nah kenep dalo' seng hi aleng kurin Na' atih. 23#Yoh 19:26; 20:2; 21:7,20 Té' ji la'ung anak sekulah Yesus aleng ngavan Na' halam, anan nyenéh té' usuk Na' alem dalo' kuman. 24Lun en Simon Petrus ngamet nyihu anak sekulah atih meteng, pelalau kuma' men iha', “En teng ké' hi si' kurin Na' anan,” ken na'. 25Avin anan, alem iha' nyenéh ha' usuk Yesus, iha' kuma' men Iha', “U Tuhan, hi iha' lo?” ken na'. 26Nyu'ei nah Yesus, “Akui seng medet ji luti té' ata', seng ma'uk na' men ji la'ung men kelo'. Anan nah iha',” ken Na'. Pelalau en Na' det nah ji luti té' ata', pelalau ma'uk na' men Yudas, anak Simon Iskariot anan. 27#Yoh 13:2 Men'uh Yudas ala luti atih, tei nah Setan halem na'. Pelalau Yesus kuma' men iha', “Ket aleng im na, na nah ajen,” ken Na'. 28Bi ji la'ung pah men dalo' aleng peji kuman atih em jam dahun Na' atih. 29#Yoh 12:6 Bi avin Yudas puboh sut ligit dalo', iha' nah balei men dalo' ngio' Yesus kuma', “Melé' nah nguyo' na kuman aya',” mina Iha' nyihu Iha' ma'ih men kelunan humé' kah hedéh nutih aleng kio' dalo'. 30Hu'uh Yudas api luti atih dih, pelalau iha' musang tegu atih, dau pah uh lidem nah.
Ji tebara aleng maring
31Men'uh Yudas tei musang, iha' nah Yesus kuma', “Kerei inih Anak-kelunan tula maren. Tuhan Allah pah maren halem Na'. 32#Yoh 12:23; 17:1-5 Iha' Allah seng maren halem Na', Allah pah seng na Iha' maren halem Na' lahuh, kerei inih pah pelalau Iha' seng na Iha' maren. 33#Yoh 7:33-34; 8:21 I'i nah kelo' anak Kui, jaki-yo' kah Akui peji dahin kelo' la'an. Kelo' pah seng ilau Akui, awi Dahuk men daha' Yahudi dih, ha' Ngavak seng tei atih, nusi' kelo' deng ateng, nunan kah Dahuk men kelo' kerei inih lahuh. 34#Yoh 15:12-13,17; 1 Yoh 2:8,10 Ji tebara aleng maring Ek ih men kelo', iha' tih sayu nah kelo' pehalam pedeng kelo'. Piah awi Akui uh nyalam kelo', ja kelo' pehalam pedeng kelo' lahuh. 35Té' hadui anih nah lim kelunan seng jam marung kelo' anak sekulah Kui, iha' kelo' pehalam pedeng kelo'.”
Marung amoh Petrus
Mat 26:31-35; Mk 14:27-31; Lk 22:31-34
36 #
Yoh 7:34; 21:18-19 Lun ken Simon Petrus men Iha', “U Tuhan, hino' Ka' seng tei lo?” Yesus nyu'ei iha', kuma', “Ha' Ngavak seng tei anan, nusi' ka' deng nei ngioh Akui kerei inih, bi uh anih na'a adang ika' seng ngioh Akui.” 37Iha' nah Petrus kuma', “U Tuhan avin nun kui em deng ngioh Ika' men kerei inih? Ngenep matei tugung Ika' tua nah akui anih,” ken na'. 38Iha' nah Yesus nyu'ei iha', “Ika' ma'uk hengam avin Akui iah? Dahuk lan men ika', em payan hiap ngeturut na'a, ika' uh pamoh Akui telo' hangun,” ken Na'.
Currently Selected:
YOHANES 13: TDK1990
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.
YOHANES 13
13
Tuhan Yesus mayau kudek anak sekulah Na'
1 #
Yoh 7:30; 8:20; 15:13; Gal 2:20; 1 Yoh 3:16 Men em payan dau aya' Paskah atih, kitan Yesus jaka' Na' uh ateng tegu Iha' seng musang men usun tana anih tei ha' Taman Na'. Iha' pah nyalam kelunan Na' té' usun tana anih, en Na' nyalam loh kah daha' ateng ka'uh na'.
2 #
Lk 22:3
Iblis hu'uh megoh kenep Yudas Iskariot anak simon atih ja iha' nebau Yesus. Alem dalo' kuman pahlung malem, 3#Yoh 3:35; 16:28; 17:2 Yesus pah jam marung Taman Na' uh ma'ih lim-lim ket nun-nun halem usu Na', Iha' pah nei men Allah dahin uli ha' Allah nekulah lahuh, 4#Mat 11:29; 20:28; Lk 12:37 lun peju nah Iha' men ngavan Na' kuman dahin mebet basung Na', pelalau ala ji besehen nejet na' té' iung-u'ing Na'. 5Uh anan en Na' soh nah ata' halem ji bisin, pelalau mayau kudek anak sekulah Na', dahin mepin na' té' besehen aleng en Na' jet té' iung-u'ing Na' anan dih.
6 #
1 Pet 5:3
Ateng nah Iha' ha' Simon Petrus. Lun kuma' nah Petrus men Iha', “U Tuhan, seng Im mayau kudek kui du Tuhan?” ken na'. 7Iha' nah Yesus nyu'ei dahin kuma' men iha', “Ket aleng Ek na anih, nusi' payan ka' jam na' kerei inih, bi uh anih na'a, iha' ika' seng jam,” ken Na'. 8#Yoh 13:12 Petrus kuma' men Iha', “Meng Im peletu mayau kudek kui nih,” ken na'. “Iha' Akui em mayau ika', nusi' ka' deng peji tulan Dahik,” ken Yesus nyu'ei iha'. 9Lun kuma' nah Simon Petrus men Iha', “U Tuhan, meng mayau kudek kui ji'ek tua, sayu mayau usu dahin kahung kui lim,” ken na'.
10 #
Yoh 15:3
Yesus kuma' men iha', “Hi-hi aleng uh duh, nusi' pekwat iha' mayau la'an, bi kudek na' kah tua en mayau, avin iha' uh ma'ang lim. Kelo' anih pah ma'ang, bi nusi' kelo' lim ma'ang,” ken Na'. 11#Yoh 6:64,70-71 Avin Iha' jam kelunan aleng seng nebau Iha', iha' avan Na' kuma', “Nusi' kelo' lim ma'ang.”
12Tegu Yesus uh mayau kudek dalo', dahin meté' basung Na' la'an dahin melo' la'an, Iha' kuma' men dalo' “Jam kah kelo' ket aleng Ek na men kelo' anih iah? 13#Mat 23:8,10 Kelo' duan Akui ké', Guru, dahin Tuhan, ken kelo'. Lan kah dahun kelo' anan, avin Akui anih nah Iha'. 14#Lk 22:27; 1 Tim 5:10 Iha' Akui aleng Tuhan dahin Guru anih uh mayau kudek kelo, tekep kah kelo' mayau kudek kelo' pedeng kelo' lahuh. 15#Fil 2:5; Kol 3:13; 1 Pet 2:21 Avin Akui uh na ji katah men kelo', ja kelo' pah lahuh na piah awi aleng Ek na men kelo' anih. 16#Mat 10:24 Dahuk lan men kelo', kelunan kuli nusi' ha' dekaya' men'uh kelunan aleng hipun hadui, dahin kelunan sihu pah lahuh nusi' iha' dekaya' men'uh iha' aleng nyihu iha' atih. 17#Mat 7:24; Yak 1:25 Iha' kelo' jam lim-lim tuk anih, sayu lan nah men kelo' iha' kelo' na na'.
18 #
NDI 41:10
“Dahuk men kelo' atih, nusi' ha' marung kelo' lim, avin Kitak kah daha' aleng uh Ek mili, bi ja surat Tuhan nei la'ung aleng kuma', ‘Harik aleng uh pahlung Dahik, iha' atih uh meju usu na' melawan Akui.’ 19#Yoh 14:29 Kerei inih Akui bara pekuna' men kelo', ja tegu ha' nei la'ung na'a kelo' nginah Akui anih nah Iha'. 20#Mat 10:40 Dahuk lan men kelo', hi aleng ala daha' aleng Ek nyihu, iha' anan nah ala Akui lahuh, dahin hi aleng ala Akui, iha' ala Iha' aleng nyihu Akui anih pah anan lahuh.”
Tuhan Yesus bara kelunan aleng seng nebau Iha'
Mat 26:20-25; Mk 14:17-21; Lk 22:21-23
21 #
Yoh 12:27
Tegu Yesus uh kuma' nunan, bahat lelan nah kenep Na' alem beluan Na', dahin bara marung Iha', kuma', “Dahuk lan men kelo', té' ji la'ung men kelo' anih aleng seng nebau ma'ih Akui,” ken Na'. 22Dalo' anak sekulah Na' atih pehineng-pehineng pedeng dalo', em teneng nah kenep dalo' seng hi aleng kurin Na' atih. 23#Yoh 19:26; 20:2; 21:7,20 Té' ji la'ung anak sekulah Yesus aleng ngavan Na' halam, anan nyenéh té' usuk Na' alem dalo' kuman. 24Lun en Simon Petrus ngamet nyihu anak sekulah atih meteng, pelalau kuma' men iha', “En teng ké' hi si' kurin Na' anan,” ken na'. 25Avin anan, alem iha' nyenéh ha' usuk Yesus, iha' kuma' men Iha', “U Tuhan, hi iha' lo?” ken na'. 26Nyu'ei nah Yesus, “Akui seng medet ji luti té' ata', seng ma'uk na' men ji la'ung men kelo'. Anan nah iha',” ken Na'. Pelalau en Na' det nah ji luti té' ata', pelalau ma'uk na' men Yudas, anak Simon Iskariot anan. 27#Yoh 13:2 Men'uh Yudas ala luti atih, tei nah Setan halem na'. Pelalau Yesus kuma' men iha', “Ket aleng im na, na nah ajen,” ken Na'. 28Bi ji la'ung pah men dalo' aleng peji kuman atih em jam dahun Na' atih. 29#Yoh 12:6 Bi avin Yudas puboh sut ligit dalo', iha' nah balei men dalo' ngio' Yesus kuma', “Melé' nah nguyo' na kuman aya',” mina Iha' nyihu Iha' ma'ih men kelunan humé' kah hedéh nutih aleng kio' dalo'. 30Hu'uh Yudas api luti atih dih, pelalau iha' musang tegu atih, dau pah uh lidem nah.
Ji tebara aleng maring
31Men'uh Yudas tei musang, iha' nah Yesus kuma', “Kerei inih Anak-kelunan tula maren. Tuhan Allah pah maren halem Na'. 32#Yoh 12:23; 17:1-5 Iha' Allah seng maren halem Na', Allah pah seng na Iha' maren halem Na' lahuh, kerei inih pah pelalau Iha' seng na Iha' maren. 33#Yoh 7:33-34; 8:21 I'i nah kelo' anak Kui, jaki-yo' kah Akui peji dahin kelo' la'an. Kelo' pah seng ilau Akui, awi Dahuk men daha' Yahudi dih, ha' Ngavak seng tei atih, nusi' kelo' deng ateng, nunan kah Dahuk men kelo' kerei inih lahuh. 34#Yoh 15:12-13,17; 1 Yoh 2:8,10 Ji tebara aleng maring Ek ih men kelo', iha' tih sayu nah kelo' pehalam pedeng kelo'. Piah awi Akui uh nyalam kelo', ja kelo' pehalam pedeng kelo' lahuh. 35Té' hadui anih nah lim kelunan seng jam marung kelo' anak sekulah Kui, iha' kelo' pehalam pedeng kelo'.”
Marung amoh Petrus
Mat 26:31-35; Mk 14:27-31; Lk 22:31-34
36 #
Yoh 7:34; 21:18-19 Lun ken Simon Petrus men Iha', “U Tuhan, hino' Ka' seng tei lo?” Yesus nyu'ei iha', kuma', “Ha' Ngavak seng tei anan, nusi' ka' deng nei ngioh Akui kerei inih, bi uh anih na'a adang ika' seng ngioh Akui.” 37Iha' nah Petrus kuma', “U Tuhan avin nun kui em deng ngioh Ika' men kerei inih? Ngenep matei tugung Ika' tua nah akui anih,” ken na'. 38Iha' nah Yesus nyu'ei iha', “Ika' ma'uk hengam avin Akui iah? Dahuk lan men ika', em payan hiap ngeturut na'a, ika' uh pamoh Akui telo' hangun,” ken Na'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.