LUKAS 11
11
Tuhan Yesus katuk sebayang
Mat 6:9-15; 7:7-11
1 #
Lk 5:33
Alem Yesus sebayang ha' ji ngavan, tegu Iha' hu'uh ngeta', ji men dalo' anak sekulah kuma' men Iha', “U Tuhan, katuk nah kalo' sebayang, awi jam tuk Yohanes katuk anak sekulah na'.” 2Ken Na' men dalo' atih, “Tegu kelo' sebayang, kuma' nah nunih:
“U Amei, ma'ang lelan nah aran Ka'. Im nei nah keligem Ka'. Im na ket aleng kenep Ka' ha' usun tana awi aleng ha' Surga'. 3Uk nah men kamé' kanan amé' ha'ut dau. 4Masi nah kamé' marung lim sala amé', avin kamé' pah masi ha'ut la'ung aleng uh na sala té' kamé'. Dahin meng kelung kamé' tei ga' pesek, bi akau nah kamé' men iha' aleng ji'ek#11:4 “bi akau nah kamé' men iha' aleng ji'ek.” Balei surat em té' joh anih..”
5Ken Na' men dalo', “Awi jam tuk ji men kelo' té' ji bakéh, dahin tei pala iha' belua malem dahin kuma' men iha', ‘U bakéh, uk nah akui tuyu luti telo' li'ap, 6avin té' ji bakéh kui nyangei ha' uma kui, bi ji nun pah em té' té' akui aleng ek atah men iha'.’ 7#Mat 26:10 Bi hu'ei bakéh atih men alem amin kuma', ‘Meng petusah akui; ketamen hu'uh ek malen, dahin anak kui té' peji dahik té' alem avan alo' anih, nusi' kui deng nei peju ma'uk men ika'.’ 8#Lk 18:5 Akui kuma' men ikam, lan pah iha' em nei peju dahin ma'uk tavit ika' bakéh na', bi tavit ika' ngepden lelan akei, iha' nah iha' nei peju, pelalau ma'uk men ika' kuri-kuri kahum aleng kenep ka'. 9#Mat 7:1-11 Akui kuma' men kelo', akei nah, kelo' pah seng ala. Ilau nah, kelo' pah seng en Na' uk. Negek nah, ketamen atih pah seng nei neng'ap men kelo'. 10Avin ha'ut la'ung aleng akei, iha' pah seng ala, dahin iha' aleng ilau, iha' pah seng pesuk, dahin men aleng negek ketamen, ketamen pah seng nei neng'eng.
11“Hi men kelo' aleng taman daha' nyam, iha' anak na' akei luti, beka' iha' ma'uk bato' men iha'? Iha' pah kahi masik, iha' ma'uk nyipa' men iha' ngalui masik? 12Awi iha' kahi teloh, iha' ma'uk delipan ketip men iha' iah? 13Avin atih, iha' ikam aleng ji'ek jam ma'uk ket aleng sayu men anak kam, lalau lan pah Taman kam aleng ha' Surga ma'uk Belua' Ma'ang men daha' aleng akei té' Iha'.”
Tuhan Yesus en kelunan peji'ek
Mat 12:22-30; Mk 3:19-27
14Ji hangun Yesus mesau ji to' aleng mameng. Tegu to' atih hu'uh musang, kelunan mameng atih pah nei duan, pelalau ngeniheng nah kelunan kahum. 15#Mat 9:34; 10:25 Bi té' pah kuri-kuri kelunan té' hang daha' atih aleng kuma', “Avin kenan tingan Beelzebul aleng pengulu' to' atih, kelunan anih mesau to'.” 16#Mk 8:11 Té' pah daha' la'an aleng pesek Iha' dahin akei té' Iha' ji tada' men langit. 17Avin Yesus jam alem kenep daha' atih, iha' Ha' kuma' men daha' atih, “Ha'ut-ha'ut keligem aleng pano' pedeng daha' dep adang seng tasa', dahin ha'ut-ha'ut alem uma aleng pano' pedeng daha' dep adang ha' seng em tuman. 18Dahin awi Setan pano' dahin batung na' dep, nuno' nah tuk keligem na' ta'en? Avin ken kam, kenan tingan Beelzebul Akui mesau to'. 19Bi awi Akui mesau to' kenan tingan Beelzebul atih, té' tingan hi kah anak-anak kam mesau to' sika? Daha' aleng dahin kam anan kah aleng jam ikam uh sala. 20#Us 8:19 Bi iha' Akui té' jahangau Allah mesau to' atih, adang keligem Allah uh nei ateng ha' ikam.
21“Bi tegu kelunan aleng tu'a dahin kanan na' sukup jaga uma na', adang nusi' té' aleng deng ngelesé' ketanun na'. 22#Kol 2:15 Bi tegu kelunan aleng kelalau tu'a men'uh iha' nei nekjet iha' dahin pekalah iha', adang iha' nyilé' lim kanan na' aleng ngavan na' nginah atih, pelalau petulan ket aleng kelan na' atih.
23 #
Mk 9:40; Lk 9:50 “Hi aleng em masuk peng Kui, iha' nah aleng melawan Akui, hi aleng em ngavang peji dahik, iha' nah aleng ngeluréh-ngeluréh na'.
To' nei uli nekulah
Mat 12:43-45
24“Tegu to' hu'uh musang men alem ji kelunan, panau nah iha' té' tana aleng em té' ata', dahin ilau ngavan na' melo'. Tegu iha' em pesuk na', iha' kuma', ‘Akui seng uli ha' uma kui, aleng ngavak musang arei dih.’ 25Bi tegu iha' nei ateng ha' uma atih, uma atih hu'uh en daha' pah dahin uh en daha' nemei. 26#Yoh 5:14 Men'uh anan tei pah iha' api tusu to' aleng ha' béh la'an nei peji dahin na', iha' atih aleng kelalau ji'ek men'uh iha', pelalau tei nah dalo' halem melo' hitih. Ka'uh kelunan aleng ngavan na' tei atih jadi' kelalau ji'ek men'uh pa'un na'.”
27 #
Lk 1:28,42,48 Alem Yesus nengaran daho' atih, té' ji doh men hang kelunan kahum atih kuma' men Iha' dahin daho' aleng dekaya', “Sayu lan nah doh aleng mali Ika', dahin uso' aleng Ngavam mo'.” 28#Lk 8:15,21 Bi ken Yesus, “Aleng kelalau sayu, iha' nah kelunan aleng kelenghi dahun Allah dahin aleng ngioh na'.”
Tada' marung Yunus
Mat 12:38-42; Mk 8:12
29 #
Mk 16:4; 1 Kor 1:22 Tegu kelunan kahum atih ateng pepeng dahin Na', matoh nah Yesus na'lung men daha', “Té' pah bengsa' anih, iha' nah ji bengsa' aleng ji'ek, aleng ilau tada', bi nusi' nah seng té' tada' men daha', bi tada' marung Yunus tua kah. 30Awi jam tuk Yunus jadi' ji tada' men daha' Niniwé', nunan pah lahuh Anak-kelunan men bengsa' anih. 31#1 Laj 10:1-10 Tegu dau besara' baya, nei peju nah laja' doh men daléh aleng men bah ta'o matan dau pa'un tih petugung dahin daha' pahu anih, iha' pah seng pesala daha' pahu anih. Iha' nei men daléh na' aleng su ngenep kelenghi nyemugen Salomo, bi aleng lan na' uh té' kah ji aleng kelalau dekaya' men'uh Salomo atih hinih. 32#Yu 3:5 Tegu dau besara' tih peju nah daha' Niniwe lahuh pesala ikam, avin daha' uh ngelisah kenep ngioh katuk Yunus. Bi aleng lan na' uh té' kah ji aleng kelalau dekaya' men'uh nabi Yunus atih hinih.
Batung aleng malah
Mat 5:15; 6:22-23; Lk 8:16
33“Ji la'ung pah em té' aleng nyavet lirui dahin melo' na sihuk, dahin melo' na' hida gateng kah, bi iha' melo' na' ujung kudek lirui, ja daha' aleng nei halem nyineng alah atih. 34Té' pah matam atih iha' nah lirui batung ka'. Awi matam sayu, adang lim batung ka' pah malah, bi awi matam ji'ek, batung ka' lidem tua. 35Avin atih lahuh nyineng sayu-sayu ja alah aleng té' halem ka' atih meng ha' lidem. 36Awi lim batung ka' atih malah ateng iha' em té' nun lidem té' iha', adang malah nah lim na' awi jam tuk tegu lirui aleng malah lelan na malah men ika'.”
Tuhan Yesus petula barik daha' Farisi
Mat 23:1-36; Mk 12:38-40; Lk 20:45-47
37 #
Lk 7:36; 14:1 Alem Yesus tengaran, té' ji kelunan Farisi muvui Iha' pahlung. Tei nah Iha' hamin na', melo' kuman. 38#Mat 15:2 Bi ngeniheng nah kelunan Farisi atih tegu iha' nyineng Iha' em mayau usu Na' una' men em payan Iha' kuman. 39Ken Tuhan men iha', “Ikam Farisi nih mayau tebuk dahin uit men awang na' tua, bu halem kenep kam ikam penu dahin kenep aleng jemtuh nyilé' dahin kelalau ji'ek. 40U ikam aleng palui, Iha' aleng na aleng hawang nusi' kah Iha' na aleng halem lahuh iah? 41En uk tua nah ket aleng huang tebuk dahin uit kam anan men daha' aleng humé', uréh ha' seng ma'ang lan men ikam.
42 #
Lewi 27:30
“Asi-asi nah ikam, u kelunan Farisi, avin ikam ma'uk tulan pulu mekei dahin sebéh dahin ha'ut na'an uro', bi alem tuk atih ikam muau tua té' ket aleng teneng, dahin em hituk té' halam Allah lahuh. Anih nah tekep kam na, dahin aleng ha' béh atih lahuh meng kam melek na'.
43“Asi-asi nah ikam u kelunan Farisi, avin ikam kaséh melo' hujung ladung aleng sayu alem uma sebayang dahin kaséh daha' jamat ikam ha' pasen.
44“Asi-asi nah ikam, avin ikam awi jam tuk tanem aleng em té' tada' na, kelunan pah panau hujung na', bi nusi' nah daha' jam na'.”
45Nyu'ei nah ji men daha' aleng puboh surat Tuhan atih dahin kuma' men Iha', “U Guru, avin kenan Dahum nunan Ika' pesala' kamé' anih anan lahuh.” 46Ken Yesus, “Asi-asi nah ikam lahuh, u kelo' aleng puboh surat Tuhan, avin ikam metei hadui aleng bahat dahin katé' en daha' hi'un, bi peletu em kaséh kam metei ji jahangau kam té' hadui atih.
47“Asi-asi nah ikam, avin ikam nemei tanem daha' nabi-nabi, bi sepun kam aleng lematei daha'. 48Nunan nah ikam bara ikam piah kenep dahin hadui sepun kam atih, avin daha' atih aleng lematei daha', bi ikam nemei tanem daha'.
49“Avin atih lahuh kenep Allah aleng nyemugen kuma', ‘Akui seng metei men daha' atih kuri-kuri nabi dahin daha' sihu, balei pah seng en daha' lematei dahin pekaté',’ 50ja daha' alem urip anih seng ga' ukum tavit patei lim-lim daha' nabi aleng uh en daha' lematei men aring kelesing menuna' ateng kerei inih, 51iha' tih aring na' men daha' Habel, ateng daha Zakharia aleng matei té' hang avo' laluh dahin Uma Allah. Lan, Akui kuma' men ikam, men bengsa' anih seng nekulah lim-lim septik daha atih té' daha'.
52“Asi-asi nah ikam, u kelo' aleng puboh surat Tuhan, avin isah kusi' ngavan kelunan jam hu'uh kam api. Batung kam dep, beka' nusi' kam tei halem; té' kelunan aleng ha' béh aleng ngenep tei halem, bi nusi' kam mun.”
53Tegu Yesus uh musang men inan, daha' aleng puboh surat Tuhan dahin daha' Farisi atih pah nagéh Iha' té' alem kahum na'an teng-teng, dahin mavang dahun Na'. 54Nengayet lan daha' na Iha' nutih, ingan-ingan daha' ngenep pesala Iha' marung dahun Na.
Currently Selected:
LUKAS 11: TDK1990
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.
LUKAS 11
11
Tuhan Yesus katuk sebayang
Mat 6:9-15; 7:7-11
1 #
Lk 5:33
Alem Yesus sebayang ha' ji ngavan, tegu Iha' hu'uh ngeta', ji men dalo' anak sekulah kuma' men Iha', “U Tuhan, katuk nah kalo' sebayang, awi jam tuk Yohanes katuk anak sekulah na'.” 2Ken Na' men dalo' atih, “Tegu kelo' sebayang, kuma' nah nunih:
“U Amei, ma'ang lelan nah aran Ka'. Im nei nah keligem Ka'. Im na ket aleng kenep Ka' ha' usun tana awi aleng ha' Surga'. 3Uk nah men kamé' kanan amé' ha'ut dau. 4Masi nah kamé' marung lim sala amé', avin kamé' pah masi ha'ut la'ung aleng uh na sala té' kamé'. Dahin meng kelung kamé' tei ga' pesek, bi akau nah kamé' men iha' aleng ji'ek#11:4 “bi akau nah kamé' men iha' aleng ji'ek.” Balei surat em té' joh anih..”
5Ken Na' men dalo', “Awi jam tuk ji men kelo' té' ji bakéh, dahin tei pala iha' belua malem dahin kuma' men iha', ‘U bakéh, uk nah akui tuyu luti telo' li'ap, 6avin té' ji bakéh kui nyangei ha' uma kui, bi ji nun pah em té' té' akui aleng ek atah men iha'.’ 7#Mat 26:10 Bi hu'ei bakéh atih men alem amin kuma', ‘Meng petusah akui; ketamen hu'uh ek malen, dahin anak kui té' peji dahik té' alem avan alo' anih, nusi' kui deng nei peju ma'uk men ika'.’ 8#Lk 18:5 Akui kuma' men ikam, lan pah iha' em nei peju dahin ma'uk tavit ika' bakéh na', bi tavit ika' ngepden lelan akei, iha' nah iha' nei peju, pelalau ma'uk men ika' kuri-kuri kahum aleng kenep ka'. 9#Mat 7:1-11 Akui kuma' men kelo', akei nah, kelo' pah seng ala. Ilau nah, kelo' pah seng en Na' uk. Negek nah, ketamen atih pah seng nei neng'ap men kelo'. 10Avin ha'ut la'ung aleng akei, iha' pah seng ala, dahin iha' aleng ilau, iha' pah seng pesuk, dahin men aleng negek ketamen, ketamen pah seng nei neng'eng.
11“Hi men kelo' aleng taman daha' nyam, iha' anak na' akei luti, beka' iha' ma'uk bato' men iha'? Iha' pah kahi masik, iha' ma'uk nyipa' men iha' ngalui masik? 12Awi iha' kahi teloh, iha' ma'uk delipan ketip men iha' iah? 13Avin atih, iha' ikam aleng ji'ek jam ma'uk ket aleng sayu men anak kam, lalau lan pah Taman kam aleng ha' Surga ma'uk Belua' Ma'ang men daha' aleng akei té' Iha'.”
Tuhan Yesus en kelunan peji'ek
Mat 12:22-30; Mk 3:19-27
14Ji hangun Yesus mesau ji to' aleng mameng. Tegu to' atih hu'uh musang, kelunan mameng atih pah nei duan, pelalau ngeniheng nah kelunan kahum. 15#Mat 9:34; 10:25 Bi té' pah kuri-kuri kelunan té' hang daha' atih aleng kuma', “Avin kenan tingan Beelzebul aleng pengulu' to' atih, kelunan anih mesau to'.” 16#Mk 8:11 Té' pah daha' la'an aleng pesek Iha' dahin akei té' Iha' ji tada' men langit. 17Avin Yesus jam alem kenep daha' atih, iha' Ha' kuma' men daha' atih, “Ha'ut-ha'ut keligem aleng pano' pedeng daha' dep adang seng tasa', dahin ha'ut-ha'ut alem uma aleng pano' pedeng daha' dep adang ha' seng em tuman. 18Dahin awi Setan pano' dahin batung na' dep, nuno' nah tuk keligem na' ta'en? Avin ken kam, kenan tingan Beelzebul Akui mesau to'. 19Bi awi Akui mesau to' kenan tingan Beelzebul atih, té' tingan hi kah anak-anak kam mesau to' sika? Daha' aleng dahin kam anan kah aleng jam ikam uh sala. 20#Us 8:19 Bi iha' Akui té' jahangau Allah mesau to' atih, adang keligem Allah uh nei ateng ha' ikam.
21“Bi tegu kelunan aleng tu'a dahin kanan na' sukup jaga uma na', adang nusi' té' aleng deng ngelesé' ketanun na'. 22#Kol 2:15 Bi tegu kelunan aleng kelalau tu'a men'uh iha' nei nekjet iha' dahin pekalah iha', adang iha' nyilé' lim kanan na' aleng ngavan na' nginah atih, pelalau petulan ket aleng kelan na' atih.
23 #
Mk 9:40; Lk 9:50 “Hi aleng em masuk peng Kui, iha' nah aleng melawan Akui, hi aleng em ngavang peji dahik, iha' nah aleng ngeluréh-ngeluréh na'.
To' nei uli nekulah
Mat 12:43-45
24“Tegu to' hu'uh musang men alem ji kelunan, panau nah iha' té' tana aleng em té' ata', dahin ilau ngavan na' melo'. Tegu iha' em pesuk na', iha' kuma', ‘Akui seng uli ha' uma kui, aleng ngavak musang arei dih.’ 25Bi tegu iha' nei ateng ha' uma atih, uma atih hu'uh en daha' pah dahin uh en daha' nemei. 26#Yoh 5:14 Men'uh anan tei pah iha' api tusu to' aleng ha' béh la'an nei peji dahin na', iha' atih aleng kelalau ji'ek men'uh iha', pelalau tei nah dalo' halem melo' hitih. Ka'uh kelunan aleng ngavan na' tei atih jadi' kelalau ji'ek men'uh pa'un na'.”
27 #
Lk 1:28,42,48 Alem Yesus nengaran daho' atih, té' ji doh men hang kelunan kahum atih kuma' men Iha' dahin daho' aleng dekaya', “Sayu lan nah doh aleng mali Ika', dahin uso' aleng Ngavam mo'.” 28#Lk 8:15,21 Bi ken Yesus, “Aleng kelalau sayu, iha' nah kelunan aleng kelenghi dahun Allah dahin aleng ngioh na'.”
Tada' marung Yunus
Mat 12:38-42; Mk 8:12
29 #
Mk 16:4; 1 Kor 1:22 Tegu kelunan kahum atih ateng pepeng dahin Na', matoh nah Yesus na'lung men daha', “Té' pah bengsa' anih, iha' nah ji bengsa' aleng ji'ek, aleng ilau tada', bi nusi' nah seng té' tada' men daha', bi tada' marung Yunus tua kah. 30Awi jam tuk Yunus jadi' ji tada' men daha' Niniwé', nunan pah lahuh Anak-kelunan men bengsa' anih. 31#1 Laj 10:1-10 Tegu dau besara' baya, nei peju nah laja' doh men daléh aleng men bah ta'o matan dau pa'un tih petugung dahin daha' pahu anih, iha' pah seng pesala daha' pahu anih. Iha' nei men daléh na' aleng su ngenep kelenghi nyemugen Salomo, bi aleng lan na' uh té' kah ji aleng kelalau dekaya' men'uh Salomo atih hinih. 32#Yu 3:5 Tegu dau besara' tih peju nah daha' Niniwe lahuh pesala ikam, avin daha' uh ngelisah kenep ngioh katuk Yunus. Bi aleng lan na' uh té' kah ji aleng kelalau dekaya' men'uh nabi Yunus atih hinih.
Batung aleng malah
Mat 5:15; 6:22-23; Lk 8:16
33“Ji la'ung pah em té' aleng nyavet lirui dahin melo' na sihuk, dahin melo' na' hida gateng kah, bi iha' melo' na' ujung kudek lirui, ja daha' aleng nei halem nyineng alah atih. 34Té' pah matam atih iha' nah lirui batung ka'. Awi matam sayu, adang lim batung ka' pah malah, bi awi matam ji'ek, batung ka' lidem tua. 35Avin atih lahuh nyineng sayu-sayu ja alah aleng té' halem ka' atih meng ha' lidem. 36Awi lim batung ka' atih malah ateng iha' em té' nun lidem té' iha', adang malah nah lim na' awi jam tuk tegu lirui aleng malah lelan na malah men ika'.”
Tuhan Yesus petula barik daha' Farisi
Mat 23:1-36; Mk 12:38-40; Lk 20:45-47
37 #
Lk 7:36; 14:1 Alem Yesus tengaran, té' ji kelunan Farisi muvui Iha' pahlung. Tei nah Iha' hamin na', melo' kuman. 38#Mat 15:2 Bi ngeniheng nah kelunan Farisi atih tegu iha' nyineng Iha' em mayau usu Na' una' men em payan Iha' kuman. 39Ken Tuhan men iha', “Ikam Farisi nih mayau tebuk dahin uit men awang na' tua, bu halem kenep kam ikam penu dahin kenep aleng jemtuh nyilé' dahin kelalau ji'ek. 40U ikam aleng palui, Iha' aleng na aleng hawang nusi' kah Iha' na aleng halem lahuh iah? 41En uk tua nah ket aleng huang tebuk dahin uit kam anan men daha' aleng humé', uréh ha' seng ma'ang lan men ikam.
42 #
Lewi 27:30
“Asi-asi nah ikam, u kelunan Farisi, avin ikam ma'uk tulan pulu mekei dahin sebéh dahin ha'ut na'an uro', bi alem tuk atih ikam muau tua té' ket aleng teneng, dahin em hituk té' halam Allah lahuh. Anih nah tekep kam na, dahin aleng ha' béh atih lahuh meng kam melek na'.
43“Asi-asi nah ikam u kelunan Farisi, avin ikam kaséh melo' hujung ladung aleng sayu alem uma sebayang dahin kaséh daha' jamat ikam ha' pasen.
44“Asi-asi nah ikam, avin ikam awi jam tuk tanem aleng em té' tada' na, kelunan pah panau hujung na', bi nusi' nah daha' jam na'.”
45Nyu'ei nah ji men daha' aleng puboh surat Tuhan atih dahin kuma' men Iha', “U Guru, avin kenan Dahum nunan Ika' pesala' kamé' anih anan lahuh.” 46Ken Yesus, “Asi-asi nah ikam lahuh, u kelo' aleng puboh surat Tuhan, avin ikam metei hadui aleng bahat dahin katé' en daha' hi'un, bi peletu em kaséh kam metei ji jahangau kam té' hadui atih.
47“Asi-asi nah ikam, avin ikam nemei tanem daha' nabi-nabi, bi sepun kam aleng lematei daha'. 48Nunan nah ikam bara ikam piah kenep dahin hadui sepun kam atih, avin daha' atih aleng lematei daha', bi ikam nemei tanem daha'.
49“Avin atih lahuh kenep Allah aleng nyemugen kuma', ‘Akui seng metei men daha' atih kuri-kuri nabi dahin daha' sihu, balei pah seng en daha' lematei dahin pekaté',’ 50ja daha' alem urip anih seng ga' ukum tavit patei lim-lim daha' nabi aleng uh en daha' lematei men aring kelesing menuna' ateng kerei inih, 51iha' tih aring na' men daha' Habel, ateng daha Zakharia aleng matei té' hang avo' laluh dahin Uma Allah. Lan, Akui kuma' men ikam, men bengsa' anih seng nekulah lim-lim septik daha atih té' daha'.
52“Asi-asi nah ikam, u kelo' aleng puboh surat Tuhan, avin isah kusi' ngavan kelunan jam hu'uh kam api. Batung kam dep, beka' nusi' kam tei halem; té' kelunan aleng ha' béh aleng ngenep tei halem, bi nusi' kam mun.”
53Tegu Yesus uh musang men inan, daha' aleng puboh surat Tuhan dahin daha' Farisi atih pah nagéh Iha' té' alem kahum na'an teng-teng, dahin mavang dahun Na'. 54Nengayet lan daha' na Iha' nutih, ingan-ingan daha' ngenep pesala Iha' marung dahun Na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.