LUKAS 21
21
Sin ji doh debalo' uk
Mk 12:42-44
1En Yesus ting nah matan Na' pelalau nyineng daha' aleng kaya' alem daha' metei sin té' alem ngavan sin Tuhan. 2En Na' nyineng pah la'an ji doh debalo' aleng humé' metei dua' li'ap tua. 3#2 Kor 8:12 Ken Yesus, “Dahuk lan men kelo', debalo' aleng humé' anih hu'uh metei kahum men'uh lim daha', 4avin men huwin anun daha' tua lim kelunan atih hu'uh metei halem sin Tuhan, bi doh anih uh metei men humé' na' lim ket aleng té' té' iha', iha' tih lim urip na'.”
Marung tuk tasa' Yerusalem dahin tada' ka'uh urip usun tana anih
Mat 24:1-35; Mk 13:1-31
5Alem daha' balei tengaran marung tuk Uma Allah atih aleng kelalau temei dahin bato' aleng sayu dahin kuri-kuri ket aleng hu'uh en daha' uk men Tuhan, iha' nah Yesus kuma', 6#Lk 19:44 “Té' pah ket en kam nyineng anih, té' dau baya ji bato' pah em té' melo' petapen té' ujung ji bato' aleng ha' béh, adang lim na' seng burah tua.” 7En daha' atih teng nah Iha', ken daha', “U Guru, hiran kah daho' anih seng nei la'ung sika? Seng nun kah tada' na' lim atih seng jeleng ateng ré'?
8 #
Dan 7:22
Ken Na', “Mengan nah sayu-sayu, bahi kam lingo' kenan kelunan. Avin kahum kelunan seng nei ateng té' aran Kui, ken daha', ‘Akui anih nah Iha',’ ji pah la'an, ‘Tegu na' hu'uh jeleng.’ Meng nah kelo' ngioh daha' anan. 9#Dan 2:28 Bi tegu ikam kelenghi marung tuk perang dahin dengah ket aleng nei nasa', meng kelo' bisau, avin adang-adang lim tuk atih seng nei una', bi nusi' pah melei ka'uh na' atih.” 10#2 Tuk 15:6; Yes 19:2 Ken Na' men daha' la'an, “Ji bengsa' seng nei melawan ji bengsa', dahin ji keligem lawan ji keligem, 11dahin seng té' ketiwet dekaya' usun tana lahuh, dahin hiréh-hitih té' lien aya' dahin kuri-kuri na'an kelatang, dahin ket aleng geri takut jelit dahin tada' aleng dekaya' aleng nei men langit.
12 #
12:11-12
“Bi em payan lim ket anih, kelunan seng metei usu daha' té' ikam dahin pekaté' ikam, ateng kam en daha' harang tei ha' unan daha' alem uma sebayang dahin halem jin, dahin geri ikam ha' unan laja' dahin gabnur avin aran Kui. 13Anih nah ngavan na' ikam deng na ji teksi men Akui. 14#Mat 10:19 Avin atih, petneng nah alem kenep kam, meng nah ikam petmei hu'ei kam pekuna', 15#HST 6:10 avin Akui seng ma'uk jela' men ikam dahin nyemugen, aleng em deng lim daha' aleng heléh dahin kam nyakat dahin nyu'ei. 16Ikam pah en hinan kam, taman kam harang lahuh, dahin harin-harin kam dahin pahu kam dahin bakéh-bakéh kam, dahin kenan dalo' atih kuri-kuri men hang kam en daha' lematei. 17#Mat 10:21-22 Ikam seng ngavan lim-lim kelunan perah kenep avin aran Kui. 18#1 Sam 14:45; Lk 12:7 Bi ji irah buk ha' kahung ka' pah em tei tubit. 19#2 Tuk 15:7; Ib 10:36 Dahin aru kenep kam ikam seng ala urip men ikam.
20“Tegu ikam nyineng Yerusalem en peng seladu telikin, pelalau ikam jam tegu katé' na hu'uh jeleng. 21Tegu atih sayu nah kelunan ha' tana Yudea lap ha' ngalang, dahin kelunan aleng halem daléh atih sayu daha' musang, dahin kelunan aleng hawang daléh atih meng tei halem na', 22#Kel d M 32:35; Yer 5:29; Hos 9:7 avin atih nah dau hulei Na', ja lim aleng uh kalung atih nei la'ung. 23#1 Kor 7:26 Asi nah daha' doh aleng mali dahin aleng mo' anak na' men tegu atih, avin té' katé' aleng dekaya' té' usun tana anih dahin unget té' lim daha' anih. 24#Kel d M 28:64; NDI 79:1; Yes 63:18; Dan 8:10; Zak 12:3; Rom 11:25; K Tula 11:2 Daha' seng legak kenan ian malat dahin en daha' geri jadi' salut lim bengsa', dahin Yerusalem en daha' aleng alem adet ha' béh ngaja, ateng lebau ka'uh daha' aleng alem adet ha' béh atih gem.
25 #
Mat 24:29-30; Mk 13:24-26 #NDI 65:7; Yes 13:10; Yehez 32:7; Yoel 2:31; K Tula 6:12-13 “Dahin seng té' kuri-kuri tada' té' matan dau dahin bulan dahin kelawing-kelawing, dahin ha' usun tana té' katé' lim bengsa', daha' pah ngihau avin kenan tengut banget dahin lupak aya'. 26#NDI 34:4 Kelunan seng ngeram kenan akut daha' dahin pesuloh nah ket aleng nei meté' usun tana anih. Avin lim tingan ha' langit pah seng ngetiwet-ngetiwet. 27#Dan 7:13; Mat 26:64; K Tula 1:7Uh anan daha' seng nyineng Anak-kelunan nei alem avun dahin tingan dahin aren Na' aleng dekaya'. 28#Fil 4:4-5 Bi tegu lim daho' anih aring nei la'ung, biti nah ikam dahin neng'o, avin jaka' kam takau uh jeleng.”
29 #
Mat 24:32-35; Mk 13:28-31 En Na' tira pah ji ivun men daha' atih, “Nyineng nah pa'un ara dahin lim-lim pa'un aleng ha' béh. 30Tegu daha' aring ngubung, ikam nyineng na' dahin jam men alem kenep kam tegu na' seng nei lasu. 31Nunan pah lahuh tegu ikam jam lim-lim ket anih jadi' sayu ikam jam keligem Allah hu'uh jeleng.
32“Dahuk lan men ikam, tebin kelunan anih seng em tei padé' ateng lim daho' anih hu'uh nei la'ung. 33#Lk 16:17 Langit dahin usun tana seng padé', bi Dahuk nusi' ha' seng padé'.
34 #
Mat 24:49; Mk 4:19; Lk 17:27 “Mengan nah batung kam ja ikam em tei kelan ba meling, meng kam meté' pekavuk, nurei lahuh meng kam tei lekoh kenan kawah kenep kam té' urip anih, ja meng dau atih nei ha' ikam tekjet awi ji hatoh, 35#Yes 24:17; 1 Tes 5:3 avin adang ha' seng nei té' ujung lim kelunan aleng melo' ha' ji usun tana anih. 36#Mk 13:33; K Tula 6:17 Bi mengan-mengan nah kelo' pa'en, dahin sebayang ja ikam deng takau men lim-lim ket aleng seng nei atih, dahin nekring ha' unan Anak-kelunan.”
37 #
Lk 19:47; Yoh 8:1 Ha'ut dau Yesus katuk alem Uma Allah, bi tegu malem Iha' musang tei melo' ujung ngalang Zaitun. 38Ha'ut jihima sepangen daha' tei ha' Uma Allah kenep kelenghi dahun Na'.
Currently Selected:
LUKAS 21: TDK1990
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.
LUKAS 21
21
Sin ji doh debalo' uk
Mk 12:42-44
1En Yesus ting nah matan Na' pelalau nyineng daha' aleng kaya' alem daha' metei sin té' alem ngavan sin Tuhan. 2En Na' nyineng pah la'an ji doh debalo' aleng humé' metei dua' li'ap tua. 3#2 Kor 8:12 Ken Yesus, “Dahuk lan men kelo', debalo' aleng humé' anih hu'uh metei kahum men'uh lim daha', 4avin men huwin anun daha' tua lim kelunan atih hu'uh metei halem sin Tuhan, bi doh anih uh metei men humé' na' lim ket aleng té' té' iha', iha' tih lim urip na'.”
Marung tuk tasa' Yerusalem dahin tada' ka'uh urip usun tana anih
Mat 24:1-35; Mk 13:1-31
5Alem daha' balei tengaran marung tuk Uma Allah atih aleng kelalau temei dahin bato' aleng sayu dahin kuri-kuri ket aleng hu'uh en daha' uk men Tuhan, iha' nah Yesus kuma', 6#Lk 19:44 “Té' pah ket en kam nyineng anih, té' dau baya ji bato' pah em té' melo' petapen té' ujung ji bato' aleng ha' béh, adang lim na' seng burah tua.” 7En daha' atih teng nah Iha', ken daha', “U Guru, hiran kah daho' anih seng nei la'ung sika? Seng nun kah tada' na' lim atih seng jeleng ateng ré'?
8 #
Dan 7:22
Ken Na', “Mengan nah sayu-sayu, bahi kam lingo' kenan kelunan. Avin kahum kelunan seng nei ateng té' aran Kui, ken daha', ‘Akui anih nah Iha',’ ji pah la'an, ‘Tegu na' hu'uh jeleng.’ Meng nah kelo' ngioh daha' anan. 9#Dan 2:28 Bi tegu ikam kelenghi marung tuk perang dahin dengah ket aleng nei nasa', meng kelo' bisau, avin adang-adang lim tuk atih seng nei una', bi nusi' pah melei ka'uh na' atih.” 10#2 Tuk 15:6; Yes 19:2 Ken Na' men daha' la'an, “Ji bengsa' seng nei melawan ji bengsa', dahin ji keligem lawan ji keligem, 11dahin seng té' ketiwet dekaya' usun tana lahuh, dahin hiréh-hitih té' lien aya' dahin kuri-kuri na'an kelatang, dahin ket aleng geri takut jelit dahin tada' aleng dekaya' aleng nei men langit.
12 #
12:11-12
“Bi em payan lim ket anih, kelunan seng metei usu daha' té' ikam dahin pekaté' ikam, ateng kam en daha' harang tei ha' unan daha' alem uma sebayang dahin halem jin, dahin geri ikam ha' unan laja' dahin gabnur avin aran Kui. 13Anih nah ngavan na' ikam deng na ji teksi men Akui. 14#Mat 10:19 Avin atih, petneng nah alem kenep kam, meng nah ikam petmei hu'ei kam pekuna', 15#HST 6:10 avin Akui seng ma'uk jela' men ikam dahin nyemugen, aleng em deng lim daha' aleng heléh dahin kam nyakat dahin nyu'ei. 16Ikam pah en hinan kam, taman kam harang lahuh, dahin harin-harin kam dahin pahu kam dahin bakéh-bakéh kam, dahin kenan dalo' atih kuri-kuri men hang kam en daha' lematei. 17#Mat 10:21-22 Ikam seng ngavan lim-lim kelunan perah kenep avin aran Kui. 18#1 Sam 14:45; Lk 12:7 Bi ji irah buk ha' kahung ka' pah em tei tubit. 19#2 Tuk 15:7; Ib 10:36 Dahin aru kenep kam ikam seng ala urip men ikam.
20“Tegu ikam nyineng Yerusalem en peng seladu telikin, pelalau ikam jam tegu katé' na hu'uh jeleng. 21Tegu atih sayu nah kelunan ha' tana Yudea lap ha' ngalang, dahin kelunan aleng halem daléh atih sayu daha' musang, dahin kelunan aleng hawang daléh atih meng tei halem na', 22#Kel d M 32:35; Yer 5:29; Hos 9:7 avin atih nah dau hulei Na', ja lim aleng uh kalung atih nei la'ung. 23#1 Kor 7:26 Asi nah daha' doh aleng mali dahin aleng mo' anak na' men tegu atih, avin té' katé' aleng dekaya' té' usun tana anih dahin unget té' lim daha' anih. 24#Kel d M 28:64; NDI 79:1; Yes 63:18; Dan 8:10; Zak 12:3; Rom 11:25; K Tula 11:2 Daha' seng legak kenan ian malat dahin en daha' geri jadi' salut lim bengsa', dahin Yerusalem en daha' aleng alem adet ha' béh ngaja, ateng lebau ka'uh daha' aleng alem adet ha' béh atih gem.
25 #
Mat 24:29-30; Mk 13:24-26 #NDI 65:7; Yes 13:10; Yehez 32:7; Yoel 2:31; K Tula 6:12-13 “Dahin seng té' kuri-kuri tada' té' matan dau dahin bulan dahin kelawing-kelawing, dahin ha' usun tana té' katé' lim bengsa', daha' pah ngihau avin kenan tengut banget dahin lupak aya'. 26#NDI 34:4 Kelunan seng ngeram kenan akut daha' dahin pesuloh nah ket aleng nei meté' usun tana anih. Avin lim tingan ha' langit pah seng ngetiwet-ngetiwet. 27#Dan 7:13; Mat 26:64; K Tula 1:7Uh anan daha' seng nyineng Anak-kelunan nei alem avun dahin tingan dahin aren Na' aleng dekaya'. 28#Fil 4:4-5 Bi tegu lim daho' anih aring nei la'ung, biti nah ikam dahin neng'o, avin jaka' kam takau uh jeleng.”
29 #
Mat 24:32-35; Mk 13:28-31 En Na' tira pah ji ivun men daha' atih, “Nyineng nah pa'un ara dahin lim-lim pa'un aleng ha' béh. 30Tegu daha' aring ngubung, ikam nyineng na' dahin jam men alem kenep kam tegu na' seng nei lasu. 31Nunan pah lahuh tegu ikam jam lim-lim ket anih jadi' sayu ikam jam keligem Allah hu'uh jeleng.
32“Dahuk lan men ikam, tebin kelunan anih seng em tei padé' ateng lim daho' anih hu'uh nei la'ung. 33#Lk 16:17 Langit dahin usun tana seng padé', bi Dahuk nusi' ha' seng padé'.
34 #
Mat 24:49; Mk 4:19; Lk 17:27 “Mengan nah batung kam ja ikam em tei kelan ba meling, meng kam meté' pekavuk, nurei lahuh meng kam tei lekoh kenan kawah kenep kam té' urip anih, ja meng dau atih nei ha' ikam tekjet awi ji hatoh, 35#Yes 24:17; 1 Tes 5:3 avin adang ha' seng nei té' ujung lim kelunan aleng melo' ha' ji usun tana anih. 36#Mk 13:33; K Tula 6:17 Bi mengan-mengan nah kelo' pa'en, dahin sebayang ja ikam deng takau men lim-lim ket aleng seng nei atih, dahin nekring ha' unan Anak-kelunan.”
37 #
Lk 19:47; Yoh 8:1 Ha'ut dau Yesus katuk alem Uma Allah, bi tegu malem Iha' musang tei melo' ujung ngalang Zaitun. 38Ha'ut jihima sepangen daha' tei ha' Uma Allah kenep kelenghi dahun Na'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.