LUKAS 24
24
Marung tuk tanem aleng halah
Mat 28:1-10; Mk 16:1-8; Yoh 20:1-10
1Bi men dau aleng una' alem migu' atih, iha' tih tegu dau pebekat, tei nah dalo' doh atih ha' tanem geri tuk uro' bu sayu aleng uh en dalo' petmei atih. 2Bi dalo' nyineng bato' atih hu'uh pasan men tanem atih. 3Dalo' pah tei halem, bi nusi' nah dalo' pesuk patei Tuhan Yesus atih. 4Alem dalo' doh ngeniheng alem kenep dalo' avin ha' nunan, pelalau dua' la'ung nekring té' béh dalo', kanan dawa' pah ngetalah. 5Alem dalo' takut lelan dahin nukem tua ateng ha' tana, dawa' atih pah kuma' men dalo', “Na' nun kelo' ilau kelunan aleng murip té' hang kelunan aleng matei? 6#Mat 16:21; 17:22-23; 20:18-19; Mk 8:31; 10:33-34; Lk 9:22; 18:31-32 Nusi' té' Iha' hinih. Uh peju murip nah Iha'! Hituk nah nuno' tuk Iha' kuma' men kelo' alem Iha' té' ha' Galilea dih. 7Iha' kuma', ‘Anak-kelunan adang seng en daha' uk alem usu daha' aleng sala, daha' pah seng nyelepang Iha', Iha' pah seng nei peju murip nekulah té' dau aleng ketlo'.’ ” 8Pelalau hituk nah dalo' doh atih té' dahun Yesus, 9pelalau dalo' tei uli men tanem atih, pelalau bara lim dengah atih men dalo' pulu-ji dahin men lim daha' ha' béh lahuh.
10 #
Lk 8:2-3
Aran dalo' doh atih Maria Magdalena, dahin Yohana, dahin Maria hinan Yakobus lahuh, té' pah dalo' doh ha' béh aleng dahin dalo' pah bara tuk atih men dalo' aleng sihu Tuhan. 11Bi en dalo' lo' pamoh tua dahun dalo' doh atih, nusi' nah dalo' nginah té' dahun dalo' doh atih dih. 12Bi Petrus biti tei tepurung ha' tanem. Nudok nah iha' nyineng halem, dahin jam balun alut lanih atih uh halah. Pelalau uli nah iha', ngeniheng tua té' ket aleng uh jadi' atih.
Tuhan Yesus tula té' dua' anak sekulah alem dawa' tei ha' Emaus
Mk 16:12-13
13Té' dua' la'ung men hang dalo' atih aleng tei panau dau atih ha' ji daléh aran na' Emaus, iha' tih jeleng saya' batu su na' men Yerusalem. 14Pelalau tengaran nah dawa' pedeng dawa' marung ket lim-lim aleng uh jadi' atih. 15#Mat 18:20 Alem-alem dawa' tengaran pepteng pedeng dawa', Yesus pah nei jeleng té' dawa', pelalau panau tei peji dahin dawa', 16bi en Na' menyirem nah matan dawa' ja dawa' em jam nelana' Iha. 17Ken Na' men dawa', “Daho' nuno' aleng en kua' pepteng alem kua' panau anih du?” Pelalau ngeta' nah dawa' dahin bahat lan jam kenep dawa'. 18Ji la'ung men dawa' aleng aran na' Kleopas kuma' men Iha', “Kelunan nyakei ha' Yerusalem ka' di du, ja ika' em jam lim dengah aleng uh jadi' hinan jarun inih sika?” 19#Mat 21:11 Ken Na' men dawa', “Dengah nun aleng anan?” Ken dawa' men Iha', “Marung Yesus, kelunan Nazaret, Iha' atih ji kelunan aleng nabi aleng ningan hadui Na' dahin dahun Na' ha' unan Allah dahin ha' unan lim-lim kelunan lahuh, 20dahin nuno' tuk daha' imam aya' dahin daha' kelunan aya' hu'uh ma'uk Iha', en daha' ukum matei dahin nyelepang Iha'. 21#Lk 1:68; 2:38; 19:11; HST 1:6 Bi kamé' uh nginah lan Iha' seng makau itam bengsa' Israel. Anih nah ketlo' dau dengah anih uh jadi'. 22#Lk 24:1-11 Bi té' pah kuri-kuri dalo' doh aleng dahin amé' uh na kamé' ngeniheng. Jihima dih sepangen dalo' té' ha' tanem, 23bi nusi' té' dalo' pesuk patei Na' la'an, pelalau dalo' nei bara, avin dalo' uh jam ji ket tula, iha' tih meliket aleng bara Iha' uh murip. 24#Lk 24:12; Yoh 20:3-10 Pelalau tei nah kuri-kuri la'ung men kalo' ha' tanem atih, dahin jam ket aleng kurin dalo' atih lan, bi batung Na' nusi' dalo' jam Iha',” ken dawa'.
25Lun ken Yesus men dawa', “U kelunan aleng palui dahin aleng mahen kenep nginah té' lim ket aleng en daha' nabi bara. 26Nusi' kua' jam adang Kristus seng ga' katé' nunan iah, dahin tei halem aren Na'?” ken Na'. 27#Kel d M 18:15; NDI 22:1-21; Yes 53:1-12 Pelalau en Na' petira nah men dawa' atih ket aleng uh kalung marung tuk Iha' aleng uh té' alem surat Tuhan, matoh men surat Musa, dahin men lim-lim surat daha' nabi, dahin petula men dawa' men alem lim-lim surat Tuhan lim-lim tuk marung batung Na'.
28Uh jeleng nah dalo' té' uma aleng ngavan dalo' seng tei anan, jam Na' pah awi Iha' ngenep lalau tinan la'an. 29Pelalau en dawa' eng nah Iha' lelan, dahin kuma', “Melo' nah Im dahin awa', avin seng levi nah dau anih dahin seng lidem lahuh.” Pelalau Yesus ma'un melo' dahin dawa'. 30#Lk 22:19 Tegu Iha' uh melo' dahin dawa' seng kuman, en Na' ala nah luti, dahin bara sayu kenep, pelalau Iha' mi'ang-mi'ang na', dahin ma'uk na' men dawa'. 31Pelalau peting nah matan dawa', pelalau dawa' nelana' Iha', Iha' pah pelalau pata em kitan dawa' la'an. 32Ken dawa' pedeng dawa', “Nusi' nah beloh panah kenep tu' tegu Iha' té' tengaran dahin tu' alem telo' panau men'adih, dahin alem Iha' bara marung tuk alem surat Tuhan men itu',” ken dawa'.
33Pelalau leka' nah dawa' dua' atih tegu jam atih, tei uli la'an ha' Yerusalem, pelalau pepsuk dalo' pulu-ji alem dalo' uh pepeng, dahin daha' ha' béh aleng dahin dalo'. 34#1 Kor 15:4-5 Dawa' kuma', “Lan kah Tuhan uh peju murip, dahin uh tula té' Simon.” 35Pelalau dawa' nengaran marung lim tuk-tuk aleng uh jadi' té' alan atih, dahin nuno' tuk Iha' tula té' dawa' alem Iha' mi'ang luti atih.
Tuhan Yesus tula té' dalo' anak sekulah Na'
Mat 28:16-20; Mk 16:14-18; Yoh 20:19-23; HST 1:6-8
36 #
1 Kor 15:5
Alem dawa' nira tuk atih, beka' Yesus té' nekring té' hang daha', dahin kuma' men daha', “Dena' sayu nah kenep kelo'.” 37#Mat 14:26 Bi tekjet nah daha' dahin takut lelan daha' lahuh, avin daha' ngio' Iha' to' aleng kitan daha' atih. 38Lun kuma' nah Iha' men daha', “Na' nun kam tekjet, dahin na' nun kenep kam nei kawah? 39Ineng nah usu Kui dahin kudek Kui, Akui nah anih. Ivit nah Akui dahin nyineng, avin to' nusi' té' sin dahin tulang awi ikam nyineng Akui.” 40Tegu Iha' kuma' nunan, en Na' bara nah usu Na' dahin kudek Na' men daha'. 41#Yoh 21:5,10 Alem daha' em payan nginah avin daha' sayu lelan kenep, dahin ngeniheng, ken Na' men daha', “Té' ket en kam kani hinih iah?” 42Pelalau daha' uk men Iha' ji keret masik hagah, dahin nyihun hinget lahuh, 43en Na' ala nah, pelalau kuman na' ha' unan daha'.
44 #
Lk 9:22,45; 18:31-33 Ken Na' men daha', “Anih nah Dahuk men ikam tegu Akui té' dahin kam di, marung lim-lim tuk adang seng la'ung, aleng uh kalung marung Akui alem surat tebara Musa dahin alem surat daha' nabi dahin surat Nyanyi Daha' Israel.” 45Pelalau Iha' mawang kenep daha', ja daha' ateng té' alem surat Tuhan, 46#1 Tim 3:16 dahin kuma' men daha', “Nunih nah aleng uh kalung, iha' tih Kristus adang ga' katé', dahin peju la'an men hang kelunan matei té' dau aleng ketlo', 47ji lahuh daho' aleng uh kalung, dengah marung ngelisah kenep dahin sala pebet atih seng en daha' pedengah alem aran Na' men ha'ut-ha'ut bengsa', aring na' men Yerusalem. 48Ikam anih nah aleng teksi' lim-lim daho' anih. 49#Yoh 15:26; 16:7; HST 1:4 Té' pah Akui menei lahuh ket aleng uh Tamak jaji men ikam, bi sayu ikam melo' alem daléh anih ateng ikam uh en Na' nganan té' tingan aleng men ujung.”
Tuhan Yesus peju tei ha' Surga
Mk 16:19-20; HST 1:9-11
50En Na' geri nah dalo' atih musang men daléh tei ateng jeleng Betania, pelalau en Na' ju nah usu Na', sebayang ma'uk sayu men daha'. 51Té' pah alem Iha' sebayang men daha' atih, lun musang nah Iha' men hang daha', pelalau peju tei ha' Surga. 52Pelalau daha' nga'um sebayang té' Iha', uh anan uli nah daha' tei ha' Yerusalem dahin sayu lelan kenep daha'. 53Pa'en daha' atih té' alem Uma Allah, dahin meju aran Allah.
Currently Selected:
LUKAS 24: TDK1990
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.
LUKAS 24
24
Marung tuk tanem aleng halah
Mat 28:1-10; Mk 16:1-8; Yoh 20:1-10
1Bi men dau aleng una' alem migu' atih, iha' tih tegu dau pebekat, tei nah dalo' doh atih ha' tanem geri tuk uro' bu sayu aleng uh en dalo' petmei atih. 2Bi dalo' nyineng bato' atih hu'uh pasan men tanem atih. 3Dalo' pah tei halem, bi nusi' nah dalo' pesuk patei Tuhan Yesus atih. 4Alem dalo' doh ngeniheng alem kenep dalo' avin ha' nunan, pelalau dua' la'ung nekring té' béh dalo', kanan dawa' pah ngetalah. 5Alem dalo' takut lelan dahin nukem tua ateng ha' tana, dawa' atih pah kuma' men dalo', “Na' nun kelo' ilau kelunan aleng murip té' hang kelunan aleng matei? 6#Mat 16:21; 17:22-23; 20:18-19; Mk 8:31; 10:33-34; Lk 9:22; 18:31-32 Nusi' té' Iha' hinih. Uh peju murip nah Iha'! Hituk nah nuno' tuk Iha' kuma' men kelo' alem Iha' té' ha' Galilea dih. 7Iha' kuma', ‘Anak-kelunan adang seng en daha' uk alem usu daha' aleng sala, daha' pah seng nyelepang Iha', Iha' pah seng nei peju murip nekulah té' dau aleng ketlo'.’ ” 8Pelalau hituk nah dalo' doh atih té' dahun Yesus, 9pelalau dalo' tei uli men tanem atih, pelalau bara lim dengah atih men dalo' pulu-ji dahin men lim daha' ha' béh lahuh.
10 #
Lk 8:2-3
Aran dalo' doh atih Maria Magdalena, dahin Yohana, dahin Maria hinan Yakobus lahuh, té' pah dalo' doh ha' béh aleng dahin dalo' pah bara tuk atih men dalo' aleng sihu Tuhan. 11Bi en dalo' lo' pamoh tua dahun dalo' doh atih, nusi' nah dalo' nginah té' dahun dalo' doh atih dih. 12Bi Petrus biti tei tepurung ha' tanem. Nudok nah iha' nyineng halem, dahin jam balun alut lanih atih uh halah. Pelalau uli nah iha', ngeniheng tua té' ket aleng uh jadi' atih.
Tuhan Yesus tula té' dua' anak sekulah alem dawa' tei ha' Emaus
Mk 16:12-13
13Té' dua' la'ung men hang dalo' atih aleng tei panau dau atih ha' ji daléh aran na' Emaus, iha' tih jeleng saya' batu su na' men Yerusalem. 14Pelalau tengaran nah dawa' pedeng dawa' marung ket lim-lim aleng uh jadi' atih. 15#Mat 18:20 Alem-alem dawa' tengaran pepteng pedeng dawa', Yesus pah nei jeleng té' dawa', pelalau panau tei peji dahin dawa', 16bi en Na' menyirem nah matan dawa' ja dawa' em jam nelana' Iha. 17Ken Na' men dawa', “Daho' nuno' aleng en kua' pepteng alem kua' panau anih du?” Pelalau ngeta' nah dawa' dahin bahat lan jam kenep dawa'. 18Ji la'ung men dawa' aleng aran na' Kleopas kuma' men Iha', “Kelunan nyakei ha' Yerusalem ka' di du, ja ika' em jam lim dengah aleng uh jadi' hinan jarun inih sika?” 19#Mat 21:11 Ken Na' men dawa', “Dengah nun aleng anan?” Ken dawa' men Iha', “Marung Yesus, kelunan Nazaret, Iha' atih ji kelunan aleng nabi aleng ningan hadui Na' dahin dahun Na' ha' unan Allah dahin ha' unan lim-lim kelunan lahuh, 20dahin nuno' tuk daha' imam aya' dahin daha' kelunan aya' hu'uh ma'uk Iha', en daha' ukum matei dahin nyelepang Iha'. 21#Lk 1:68; 2:38; 19:11; HST 1:6 Bi kamé' uh nginah lan Iha' seng makau itam bengsa' Israel. Anih nah ketlo' dau dengah anih uh jadi'. 22#Lk 24:1-11 Bi té' pah kuri-kuri dalo' doh aleng dahin amé' uh na kamé' ngeniheng. Jihima dih sepangen dalo' té' ha' tanem, 23bi nusi' té' dalo' pesuk patei Na' la'an, pelalau dalo' nei bara, avin dalo' uh jam ji ket tula, iha' tih meliket aleng bara Iha' uh murip. 24#Lk 24:12; Yoh 20:3-10 Pelalau tei nah kuri-kuri la'ung men kalo' ha' tanem atih, dahin jam ket aleng kurin dalo' atih lan, bi batung Na' nusi' dalo' jam Iha',” ken dawa'.
25Lun ken Yesus men dawa', “U kelunan aleng palui dahin aleng mahen kenep nginah té' lim ket aleng en daha' nabi bara. 26Nusi' kua' jam adang Kristus seng ga' katé' nunan iah, dahin tei halem aren Na'?” ken Na'. 27#Kel d M 18:15; NDI 22:1-21; Yes 53:1-12 Pelalau en Na' petira nah men dawa' atih ket aleng uh kalung marung tuk Iha' aleng uh té' alem surat Tuhan, matoh men surat Musa, dahin men lim-lim surat daha' nabi, dahin petula men dawa' men alem lim-lim surat Tuhan lim-lim tuk marung batung Na'.
28Uh jeleng nah dalo' té' uma aleng ngavan dalo' seng tei anan, jam Na' pah awi Iha' ngenep lalau tinan la'an. 29Pelalau en dawa' eng nah Iha' lelan, dahin kuma', “Melo' nah Im dahin awa', avin seng levi nah dau anih dahin seng lidem lahuh.” Pelalau Yesus ma'un melo' dahin dawa'. 30#Lk 22:19 Tegu Iha' uh melo' dahin dawa' seng kuman, en Na' ala nah luti, dahin bara sayu kenep, pelalau Iha' mi'ang-mi'ang na', dahin ma'uk na' men dawa'. 31Pelalau peting nah matan dawa', pelalau dawa' nelana' Iha', Iha' pah pelalau pata em kitan dawa' la'an. 32Ken dawa' pedeng dawa', “Nusi' nah beloh panah kenep tu' tegu Iha' té' tengaran dahin tu' alem telo' panau men'adih, dahin alem Iha' bara marung tuk alem surat Tuhan men itu',” ken dawa'.
33Pelalau leka' nah dawa' dua' atih tegu jam atih, tei uli la'an ha' Yerusalem, pelalau pepsuk dalo' pulu-ji alem dalo' uh pepeng, dahin daha' ha' béh aleng dahin dalo'. 34#1 Kor 15:4-5 Dawa' kuma', “Lan kah Tuhan uh peju murip, dahin uh tula té' Simon.” 35Pelalau dawa' nengaran marung lim tuk-tuk aleng uh jadi' té' alan atih, dahin nuno' tuk Iha' tula té' dawa' alem Iha' mi'ang luti atih.
Tuhan Yesus tula té' dalo' anak sekulah Na'
Mat 28:16-20; Mk 16:14-18; Yoh 20:19-23; HST 1:6-8
36 #
1 Kor 15:5
Alem dawa' nira tuk atih, beka' Yesus té' nekring té' hang daha', dahin kuma' men daha', “Dena' sayu nah kenep kelo'.” 37#Mat 14:26 Bi tekjet nah daha' dahin takut lelan daha' lahuh, avin daha' ngio' Iha' to' aleng kitan daha' atih. 38Lun kuma' nah Iha' men daha', “Na' nun kam tekjet, dahin na' nun kenep kam nei kawah? 39Ineng nah usu Kui dahin kudek Kui, Akui nah anih. Ivit nah Akui dahin nyineng, avin to' nusi' té' sin dahin tulang awi ikam nyineng Akui.” 40Tegu Iha' kuma' nunan, en Na' bara nah usu Na' dahin kudek Na' men daha'. 41#Yoh 21:5,10 Alem daha' em payan nginah avin daha' sayu lelan kenep, dahin ngeniheng, ken Na' men daha', “Té' ket en kam kani hinih iah?” 42Pelalau daha' uk men Iha' ji keret masik hagah, dahin nyihun hinget lahuh, 43en Na' ala nah, pelalau kuman na' ha' unan daha'.
44 #
Lk 9:22,45; 18:31-33 Ken Na' men daha', “Anih nah Dahuk men ikam tegu Akui té' dahin kam di, marung lim-lim tuk adang seng la'ung, aleng uh kalung marung Akui alem surat tebara Musa dahin alem surat daha' nabi dahin surat Nyanyi Daha' Israel.” 45Pelalau Iha' mawang kenep daha', ja daha' ateng té' alem surat Tuhan, 46#1 Tim 3:16 dahin kuma' men daha', “Nunih nah aleng uh kalung, iha' tih Kristus adang ga' katé', dahin peju la'an men hang kelunan matei té' dau aleng ketlo', 47ji lahuh daho' aleng uh kalung, dengah marung ngelisah kenep dahin sala pebet atih seng en daha' pedengah alem aran Na' men ha'ut-ha'ut bengsa', aring na' men Yerusalem. 48Ikam anih nah aleng teksi' lim-lim daho' anih. 49#Yoh 15:26; 16:7; HST 1:4 Té' pah Akui menei lahuh ket aleng uh Tamak jaji men ikam, bi sayu ikam melo' alem daléh anih ateng ikam uh en Na' nganan té' tingan aleng men ujung.”
Tuhan Yesus peju tei ha' Surga
Mk 16:19-20; HST 1:9-11
50En Na' geri nah dalo' atih musang men daléh tei ateng jeleng Betania, pelalau en Na' ju nah usu Na', sebayang ma'uk sayu men daha'. 51Té' pah alem Iha' sebayang men daha' atih, lun musang nah Iha' men hang daha', pelalau peju tei ha' Surga. 52Pelalau daha' nga'um sebayang té' Iha', uh anan uli nah daha' tei ha' Yerusalem dahin sayu lelan kenep daha'. 53Pa'en daha' atih té' alem Uma Allah, dahin meju aran Allah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.