LUKAS 7
7
Tuhan Yesus petagéh nyam-amin ji kopral
Mat 8:5-13
1Tegu Iha' uh bara lim dahun Na' ha' unan daha' kahum, pelalau nah Iha' tei ha' Kapernaum. 2#Yoh 4:47 Lun té' nah ji laké' kopral aleng té' nyam-amin na' aleng ngavan na' halam, nyam atih pah perah seng matei. 3Tegu kopral atih kelenghi marung Yesus, en na' nyihu nah daha' aleng dekaya' men daha' Yahudi akei Yesus nei petagéh iha'. 4Tegu dalo' kelunan atih ateng ha' Yesus, pelalau dalo' akei asi lelan té' Iha', dahin kuma', “Iha' aleng tekep seng Im masi, 5avin iha' nyalam té' bengsa' tam, dahin uma sebayang tam pah iha' aleng meju na'.” 6Yesus pah tei tugung dalo' atih. Nusi' nuno' su la'an men uma atih, pelalau kopral atih nyihu dalo' bakéh na' tei ha' Iha' la'an dahin kuma', “U Tuhan, meng pekwat nei, avin nusi' tekep uma kui nih Ngavam nei lebau. 7Avin atih pah, akui kuma' akui em tekep nei pala Ika'. Sayu nah Im na ji daho' tua, adang anak kui seng magéh. 8Avin akui pah ji la'ung aleng té' ida perintah, té' pah kuri-kuri daha' seladu aleng té' ida kui. Tegu akui kuma' men ji, ‘Tei nah im,’ adang iha' pah tei tua, dahin men ji la'an, ‘Nei nah,’ adang iha' pah nei, dahin men nyam-amin kui pah, ‘Na nah atih,’ pelalau ha' na, ken kelo' si',” ken na'. 9Tegu Yesus kelenghi daho' atih, ngeniheng tua nah Iha', pelalau Ha' ngelisah ha' kelunan kahum aleng ha' la'ung Na', ken Na', “Akui kuma' men ikam, té' hang daha' Israel nusi' payan Kui jam kinah aleng nunih.” 10Kelunan aleng sihu na' atih pah uli ha' uma na' atih, pelalau dalo' jam nyam-amin atih uh magéh.
Tuhan Yesus pekurip ji' nyemaké' ha' Nain
11Nusi' payan dara la'an Yesus tei ha' ji daléh aleng aran na' Nain, dalo' anak sekulah Na' dahin daha' ha' béh pah kahum tei tugung Iha. 12Tegu Iha' seng ateng ketamen kelahen daléh atih, beka' té' ji kelunan amtei en daha' tang hawang, iha' tih anak ula' aleng ji tua anak hinan na', doh atih pah debalo', daha' daléh atih pah té' kahum dahin na'. 13Tegu Tuhan nyineng doh atih, pelalau perah henga' Na' masi iha', pelalau kuma' men iha', “Meng im nangih.” 14Pelalau Iha' tei jeleng, ivit tang patei atih. Daha' aleng pektang patei anan pah pelalau ngeta'. Ken Yesus, “U anak aké', Akui kuma' men ika', ma'un nah im.” 15Pelalau laké' aleng matei anan dih nei ngelungun dahin duan. En Yesus uk nah iha' men hinan na'. 16#Lk 1:68; 19:44 Lim daha' atih kelalau takut, dahin meju aran Allah, ken daha', “Ji nabi aleng dekaya' hu'uh peju té' hang tam.” Ken daha' pah la'an, “Allah uh nei nyakei té' pahu Na'.” 17Putat nah dengah marung Yesus tih tei ateng lim daléh Yudea dahin lim daléh aleng teliling na'.
Teng Yohanes aleng Meduh alem iha' alem jin
Mat 11:2-19
18Dalo' anak sekulah Yohanes pah bara men iha' lim tuk atih. 19#NDI 40:7; 118:26; Dan 9:26; Mal 3:1 Yohanes pah muvui dua' la'ung anak sekulah na' pelalau nyihu dawa' tei meteng té' Tuhan, “ ‘Ika' kah aleng seng nei ateng atih iah? Tekep kah kamé' pidah kelunan aleng ha' béh iah?’ ken kua',” ken na'. 20Tegu dawa' atih ateng ha' Yesus, kuma' nah dawa', “Yohanes aleng Meduh nyihu kawa' nei meteng Ika', ‘Ika' kah Iha' aleng seng nei atih iah, tekep kah kamé' pidah ji aleng ha' béh iah?’ ken na' nuréh di.” 21Tegu atih pah Yesus petagéh kahum kelunan aleng ga' perah dahin bengen dahin aleng té' to' nilung dahin meting matan daha' kahum aleng buta'. 22#Yes 35:5; 61:1 Nyu'ei nah Yesus men dawa', “Tei nah kua', bara men Yohanes ket aleng uh en kua' nyineng anih, dahin ket aleng uh en kua' kelenghi, iha' atih, kelunan aleng buta' nei nyebaneng matan daha', kelunan aleng kepé' nei teneng anau daha', dahin kelunan aleng ga' perah malin nei magéh, kelunan aleng madeng nei kelenghi, kelunan aleng matei nei murip, dahin kelunan aleng humé' jam dengah sayu. 23Sayu lan nah men kelunan aleng em kawah té' Akui.”
24Tegu dawa' aleng sihu Yohanes atih uh tei, matoh nah Yesus tengaran dahin daha' aleng kahum marung tuk Yohanes, “Tei nyineng nun kam tei ha' tana ngahit arei dih? Ji iung bulu megiung nuréh-nutih kenan bahui di iah? 25Tei nyineng nun kam di? Ji laké' aleng meté' kanan aleng sayu iah? Aleng lan na', kelunan aleng meté' kanan aleng kajau dahin aleng murip ngeliman, iha' aleng té' alem uma laja'. 26#Lk 1:76 Ket nun aleng en kam nyineng nan? Ji la'ung nabi iah? Lan, Akui kuma' men ikam, lalau lan nah iha' men'uh nabi lahuh. 27#Mal 3:1 Avin Yohanes nih nah aleng kurin surat Tuhan dih aleng kuma' nunih,
‘Nyineng, Akui nyihu sihu Kui tei una' té' Ika',
aleng seng petmei alan ha' unan Ka'.’
28 #
Lk 1:15
Akui kuma' men ikam, men hang lim daha' aleng kanak men doh, nusi' té' ji aleng lalau dekaya' men'uh Yohanes, bi iha' aleng da'uk alem keligem Allah iha' nah kelalau delaya' men'uh iha'.”
29 #
Mat 21:32; Lk 3:7,12 Ketu-ketu daha' aleng kelenghi dahun Na', ateng daha' aleng mepeng sukei lahuh, uh menglah té' Allah, avin daha' hu'uh en Yohanes duh. 30#HST 13:46 Bi daha' Farisi dahin daha' aleng puboh surat Tuhan nyarang kenep Allah, avin daha' atih em duh té' Yohanes.
31Ken Tuhan, “Nun kah katah aleng pega' seng Ek na marung kelunan urip anih? Daha' awi nun lo? 32Té' nah daha' awi jam tuk daha' nyam aleng melo' ha' pasen dahin medéng ji la'ung dahin ji la'ung, kuma',
‘Kamé' hu'uh dak selingut men ikam, bi nusi' kam nyivan,
kamé' uh peleken nirau, bi nusi' kam nangih.’
33 #
Lk 15:2
Avin Yohanes aleng Meduh uh nei dahin em kuman luti dahin em du'i ata' agun, beka' ikam kuma', ‘Té' to' nilung té' iha',’ ken kam. 34Men'uh anan nei pah Anak-kelunan, kuman dahin du'i, beka' ikam pah kuma', ‘Nyineng kelunan aleng meling ba dahin du'i agun, dahin ngebayen kelunan aleng mepeng sukei dahin kelunan aleng sala.’ 35Bi nyemugen atih adang iha' tula teneng lan kenan kelunan aleng ana na'.”
Tuhan Yesus en ji doh aleng barik ji'ek ngenyu
36 #
Lk 11:37
Té' nah ji kelunan Farisi muvui Yesus kuman dahin na'. Tei nah Yesus halem uma kelunan Farisi atih, pelalau melo' kuman. 37#Mat 26:7-13; Yoh 12:3-8 Té' nah ji doh aleng kelalau sala kitan daha' lim alem daléh atih, tegu iha' jam Yesus té' melo' té' alem uma kelunan Farisi atih, en na' geri nah ji gutun kenyu aleng bu sayu. 38Nekring nah doh atih ha' la'ung jeleng béh kudek Yesus, dahin nangih, pelalau basa nah kudek Yesus té' lunu matan na', en na' pin nah té' buk na', pelalau ha' marek kudek Na' atih dahin musut kenyu aleng bu sayu atih. 39Bi tegu kelunan Farisi aleng muvui Yesus tih nyineng marung tuk atih, kuma' nah iha' alem kenep na', ken na', “Kelunan anih awi Iha' ji kelunan nabi, adang Iha' jam doh anih dahin nuno' tuk doh anih aleng gem Iha', avin doh anih aleng kelalau sala.” 40Iha' Yesus kuma' men iha', “U Sinom, té' ji daho' aleng ngenep Ek bara men ika'.” Ken na', “Im bara nah Guru.” 41“Té' nah dua' la'ung aleng té' utang té' ji la'ung aleng ma'uk tuyu ligit. Ji la'ung ala tuyu lima' atuh ligit, dahin ji ala lima'-pulu. 42Avin dawa' atih em té' ngavan dawa' nuyu na', en na' masi nah dawa' atih muéh tuyu dawa' tih. Aleng ano' men dawa' atih aleng kelalau nyalam iha'?” 43Nyu'ei nah Simon, ken na', “Akui ngio', iha' aleng kelalau kahum tuyu na' atih aleng en na' bet.” Ken Yesus men iha', “Teneng lan kio' ka' atih.” 44Pelalau ngelisah nah Iha' pala doh atih dahin kuma' men Simon, “Nyineng im doh anih. Akui nei ha' uma ka', nusi' ka' ma'uk ata' ngavan mayau kudek Kui, bi iha' masa kudek Kui té' lunu na', dahin mepin na' té' buk na'. 45Nusi' ka' marek Akui, bi doh anih men aring Akui nei tinih, nusi' ha' ngeta' marek kudek Kui. 46Nusi' pah ika' ngenyu kahung Kui, bi doh anih ngenyu kudek Kui té' kenyu bu sayu. 47Avin ha' nutih, Akui kuma' men ika', sala na' aleng kahum atih uh pebet, avin dekaya' halam na', bi men kelunan aleng kanya tua sala pebet, halam na' kanya lahuh.” 48Pelalau ken Na' men doh atih, “Sala ka' uh pebet.” 49Daha' aleng melo' pahlung dahin Na' pelemana' alem kenep daha', “Hi kah kelunan anih aleng deng mebet sala pa?” 50Ken Yesus men doh atih, “Kinah ka' hu'uh pekurip ika'. Tei nah im dahin dena' kenep ka'.”
Currently Selected:
LUKAS 7: TDK1990
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.
LUKAS 7
7
Tuhan Yesus petagéh nyam-amin ji kopral
Mat 8:5-13
1Tegu Iha' uh bara lim dahun Na' ha' unan daha' kahum, pelalau nah Iha' tei ha' Kapernaum. 2#Yoh 4:47 Lun té' nah ji laké' kopral aleng té' nyam-amin na' aleng ngavan na' halam, nyam atih pah perah seng matei. 3Tegu kopral atih kelenghi marung Yesus, en na' nyihu nah daha' aleng dekaya' men daha' Yahudi akei Yesus nei petagéh iha'. 4Tegu dalo' kelunan atih ateng ha' Yesus, pelalau dalo' akei asi lelan té' Iha', dahin kuma', “Iha' aleng tekep seng Im masi, 5avin iha' nyalam té' bengsa' tam, dahin uma sebayang tam pah iha' aleng meju na'.” 6Yesus pah tei tugung dalo' atih. Nusi' nuno' su la'an men uma atih, pelalau kopral atih nyihu dalo' bakéh na' tei ha' Iha' la'an dahin kuma', “U Tuhan, meng pekwat nei, avin nusi' tekep uma kui nih Ngavam nei lebau. 7Avin atih pah, akui kuma' akui em tekep nei pala Ika'. Sayu nah Im na ji daho' tua, adang anak kui seng magéh. 8Avin akui pah ji la'ung aleng té' ida perintah, té' pah kuri-kuri daha' seladu aleng té' ida kui. Tegu akui kuma' men ji, ‘Tei nah im,’ adang iha' pah tei tua, dahin men ji la'an, ‘Nei nah,’ adang iha' pah nei, dahin men nyam-amin kui pah, ‘Na nah atih,’ pelalau ha' na, ken kelo' si',” ken na'. 9Tegu Yesus kelenghi daho' atih, ngeniheng tua nah Iha', pelalau Ha' ngelisah ha' kelunan kahum aleng ha' la'ung Na', ken Na', “Akui kuma' men ikam, té' hang daha' Israel nusi' payan Kui jam kinah aleng nunih.” 10Kelunan aleng sihu na' atih pah uli ha' uma na' atih, pelalau dalo' jam nyam-amin atih uh magéh.
Tuhan Yesus pekurip ji' nyemaké' ha' Nain
11Nusi' payan dara la'an Yesus tei ha' ji daléh aleng aran na' Nain, dalo' anak sekulah Na' dahin daha' ha' béh pah kahum tei tugung Iha. 12Tegu Iha' seng ateng ketamen kelahen daléh atih, beka' té' ji kelunan amtei en daha' tang hawang, iha' tih anak ula' aleng ji tua anak hinan na', doh atih pah debalo', daha' daléh atih pah té' kahum dahin na'. 13Tegu Tuhan nyineng doh atih, pelalau perah henga' Na' masi iha', pelalau kuma' men iha', “Meng im nangih.” 14Pelalau Iha' tei jeleng, ivit tang patei atih. Daha' aleng pektang patei anan pah pelalau ngeta'. Ken Yesus, “U anak aké', Akui kuma' men ika', ma'un nah im.” 15Pelalau laké' aleng matei anan dih nei ngelungun dahin duan. En Yesus uk nah iha' men hinan na'. 16#Lk 1:68; 19:44 Lim daha' atih kelalau takut, dahin meju aran Allah, ken daha', “Ji nabi aleng dekaya' hu'uh peju té' hang tam.” Ken daha' pah la'an, “Allah uh nei nyakei té' pahu Na'.” 17Putat nah dengah marung Yesus tih tei ateng lim daléh Yudea dahin lim daléh aleng teliling na'.
Teng Yohanes aleng Meduh alem iha' alem jin
Mat 11:2-19
18Dalo' anak sekulah Yohanes pah bara men iha' lim tuk atih. 19#NDI 40:7; 118:26; Dan 9:26; Mal 3:1 Yohanes pah muvui dua' la'ung anak sekulah na' pelalau nyihu dawa' tei meteng té' Tuhan, “ ‘Ika' kah aleng seng nei ateng atih iah? Tekep kah kamé' pidah kelunan aleng ha' béh iah?’ ken kua',” ken na'. 20Tegu dawa' atih ateng ha' Yesus, kuma' nah dawa', “Yohanes aleng Meduh nyihu kawa' nei meteng Ika', ‘Ika' kah Iha' aleng seng nei atih iah, tekep kah kamé' pidah ji aleng ha' béh iah?’ ken na' nuréh di.” 21Tegu atih pah Yesus petagéh kahum kelunan aleng ga' perah dahin bengen dahin aleng té' to' nilung dahin meting matan daha' kahum aleng buta'. 22#Yes 35:5; 61:1 Nyu'ei nah Yesus men dawa', “Tei nah kua', bara men Yohanes ket aleng uh en kua' nyineng anih, dahin ket aleng uh en kua' kelenghi, iha' atih, kelunan aleng buta' nei nyebaneng matan daha', kelunan aleng kepé' nei teneng anau daha', dahin kelunan aleng ga' perah malin nei magéh, kelunan aleng madeng nei kelenghi, kelunan aleng matei nei murip, dahin kelunan aleng humé' jam dengah sayu. 23Sayu lan nah men kelunan aleng em kawah té' Akui.”
24Tegu dawa' aleng sihu Yohanes atih uh tei, matoh nah Yesus tengaran dahin daha' aleng kahum marung tuk Yohanes, “Tei nyineng nun kam tei ha' tana ngahit arei dih? Ji iung bulu megiung nuréh-nutih kenan bahui di iah? 25Tei nyineng nun kam di? Ji laké' aleng meté' kanan aleng sayu iah? Aleng lan na', kelunan aleng meté' kanan aleng kajau dahin aleng murip ngeliman, iha' aleng té' alem uma laja'. 26#Lk 1:76 Ket nun aleng en kam nyineng nan? Ji la'ung nabi iah? Lan, Akui kuma' men ikam, lalau lan nah iha' men'uh nabi lahuh. 27#Mal 3:1 Avin Yohanes nih nah aleng kurin surat Tuhan dih aleng kuma' nunih,
‘Nyineng, Akui nyihu sihu Kui tei una' té' Ika',
aleng seng petmei alan ha' unan Ka'.’
28 #
Lk 1:15
Akui kuma' men ikam, men hang lim daha' aleng kanak men doh, nusi' té' ji aleng lalau dekaya' men'uh Yohanes, bi iha' aleng da'uk alem keligem Allah iha' nah kelalau delaya' men'uh iha'.”
29 #
Mat 21:32; Lk 3:7,12 Ketu-ketu daha' aleng kelenghi dahun Na', ateng daha' aleng mepeng sukei lahuh, uh menglah té' Allah, avin daha' hu'uh en Yohanes duh. 30#HST 13:46 Bi daha' Farisi dahin daha' aleng puboh surat Tuhan nyarang kenep Allah, avin daha' atih em duh té' Yohanes.
31Ken Tuhan, “Nun kah katah aleng pega' seng Ek na marung kelunan urip anih? Daha' awi nun lo? 32Té' nah daha' awi jam tuk daha' nyam aleng melo' ha' pasen dahin medéng ji la'ung dahin ji la'ung, kuma',
‘Kamé' hu'uh dak selingut men ikam, bi nusi' kam nyivan,
kamé' uh peleken nirau, bi nusi' kam nangih.’
33 #
Lk 15:2
Avin Yohanes aleng Meduh uh nei dahin em kuman luti dahin em du'i ata' agun, beka' ikam kuma', ‘Té' to' nilung té' iha',’ ken kam. 34Men'uh anan nei pah Anak-kelunan, kuman dahin du'i, beka' ikam pah kuma', ‘Nyineng kelunan aleng meling ba dahin du'i agun, dahin ngebayen kelunan aleng mepeng sukei dahin kelunan aleng sala.’ 35Bi nyemugen atih adang iha' tula teneng lan kenan kelunan aleng ana na'.”
Tuhan Yesus en ji doh aleng barik ji'ek ngenyu
36 #
Lk 11:37
Té' nah ji kelunan Farisi muvui Yesus kuman dahin na'. Tei nah Yesus halem uma kelunan Farisi atih, pelalau melo' kuman. 37#Mat 26:7-13; Yoh 12:3-8 Té' nah ji doh aleng kelalau sala kitan daha' lim alem daléh atih, tegu iha' jam Yesus té' melo' té' alem uma kelunan Farisi atih, en na' geri nah ji gutun kenyu aleng bu sayu. 38Nekring nah doh atih ha' la'ung jeleng béh kudek Yesus, dahin nangih, pelalau basa nah kudek Yesus té' lunu matan na', en na' pin nah té' buk na', pelalau ha' marek kudek Na' atih dahin musut kenyu aleng bu sayu atih. 39Bi tegu kelunan Farisi aleng muvui Yesus tih nyineng marung tuk atih, kuma' nah iha' alem kenep na', ken na', “Kelunan anih awi Iha' ji kelunan nabi, adang Iha' jam doh anih dahin nuno' tuk doh anih aleng gem Iha', avin doh anih aleng kelalau sala.” 40Iha' Yesus kuma' men iha', “U Sinom, té' ji daho' aleng ngenep Ek bara men ika'.” Ken na', “Im bara nah Guru.” 41“Té' nah dua' la'ung aleng té' utang té' ji la'ung aleng ma'uk tuyu ligit. Ji la'ung ala tuyu lima' atuh ligit, dahin ji ala lima'-pulu. 42Avin dawa' atih em té' ngavan dawa' nuyu na', en na' masi nah dawa' atih muéh tuyu dawa' tih. Aleng ano' men dawa' atih aleng kelalau nyalam iha'?” 43Nyu'ei nah Simon, ken na', “Akui ngio', iha' aleng kelalau kahum tuyu na' atih aleng en na' bet.” Ken Yesus men iha', “Teneng lan kio' ka' atih.” 44Pelalau ngelisah nah Iha' pala doh atih dahin kuma' men Simon, “Nyineng im doh anih. Akui nei ha' uma ka', nusi' ka' ma'uk ata' ngavan mayau kudek Kui, bi iha' masa kudek Kui té' lunu na', dahin mepin na' té' buk na'. 45Nusi' ka' marek Akui, bi doh anih men aring Akui nei tinih, nusi' ha' ngeta' marek kudek Kui. 46Nusi' pah ika' ngenyu kahung Kui, bi doh anih ngenyu kudek Kui té' kenyu bu sayu. 47Avin ha' nutih, Akui kuma' men ika', sala na' aleng kahum atih uh pebet, avin dekaya' halam na', bi men kelunan aleng kanya tua sala pebet, halam na' kanya lahuh.” 48Pelalau ken Na' men doh atih, “Sala ka' uh pebet.” 49Daha' aleng melo' pahlung dahin Na' pelemana' alem kenep daha', “Hi kah kelunan anih aleng deng mebet sala pa?” 50Ken Yesus men doh atih, “Kinah ka' hu'uh pekurip ika'. Tei nah im dahin dena' kenep ka'.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.