LUKAS 8
8
Aran dalo' doh aleng tugung Tuhan Yesus
1 #
Lk 4:43
Ngebaya men'uh atih dih Yesus pah panau alem kuri-kuri daléh dahin uma, dahin katuk dahin pedengah dengah sayu marung tuk keligem Allah, dalo' pulu-dua' anak sekulah Na' pah pa'en peji dahin Na'. 2#Mk 15:40-41; 16:9 Té' pah dahin Na' kuri-kuri daha' doh aleng hu'uh en Na' petagéh aleng uh ngavan to' nilung dahin aleng uh té' kuri-kuri na'an perah, iha' tih Maria aleng aran na' lahuh Magdalena aleng té' tusu to' aleng uh musang men alem na', 3ji pah la'an Yohanes aleng doh Khuza, Khuza atih aleng geri daha' aleng nyadui alem amin Herodes, dahin Susana. Kahum pah doh aleng ha' béh lahuh aleng makan Yesus dahin anak sekulah Na' men nguyo' daha' dep.
Ivun marung laké' aleng murah beni
Mat 13:1-23; Mk 4:1-20
4Tegu daha' kahum atih nei pepeng, dahin daha' men ha'ut daléh pah lahuh nei ha' Iha', pelalau kuma' nah Iha' dahin ivun, ken Na', 5“Té' ji kelunan tei musang tei murah beni na'. Alem iha' murah na', té' balei aleng legak té' béh alan, pelalau en kelunan ngaja, dahin manuk hida kelekawah pah kuman na'. 6Nurei pah lahuh té' balei aleng legak té' ujung bato'; tegu iha' nei murip, pelalau kelubei nah urip na' avin iha' em basa. 7Té' pah balei lahuh aleng legak té' hang uket uleng, uleng atih pah murip dahin ngeliten té' urip na' atih. 8Té' pah balei lahuh aleng legak té' tana aleng sayu, pelalau murip dahin musang nah bua na' ji atuh beluha' na',” ken Na'. Alem Iha' kuma' nunan, medéng nah Iha', ken Na', “Hi-hi aleng té' iling aleng ngavan kelenghi, kelenghi nah.”
9En dalo' anak sekulah Na' teng nah Iha' té' ivun atih. 10#Yes 6:9-10 Lun ken Na', “Men kelo' uh tula nah ket aleng sihuk marung keligem Allah, bi men daha' aleng ha' béh atih, iha' alem ivun tua, ja tegu daha' nyineng, daha' em jam, dahin tegu daha' kelenghi, daha' em tei ateng halem na'.
11 #
1 Pet 1:23
“Anih nah ivun atih. Té' pah beni atih, iha' nah dahun Allah. 12#1 Kor 1:21 Aleng legak té' béh alan atih, iha' nah kelunan aleng uh kelenghi, uh anan pelalau nei nah Iblis ala daho' atih men alem kenep daha', ja daha' em nginah dahin murip. 13Aleng legak té' bato' atih, iha' tih tegu daha' uh kelenghi na', pelalau daha' ala daho' atih dahin melu. Té' pah kelunan atih em té' pakat, avin daha' nginah jaki tua; tegu daha' ga' pesek, pelalau manyun nah daha'. 14Aleng legak té' hang uleng atih, iha' tih kelunan aleng uh kelenghi, bi alem daha' panau, tusah dahin kaya' dahin sayu kenep té' usun tana ngelawin daho' atih, ateng bua na' em nei la'ung. 15#HST 16:14; Ib 10:36; K Tula 3:10 Aleng legak té' tana aleng sayu atih, iha' tih keluna aleng teneng dahin tutau alem kenep; tegu daha' uh kelenghi daho' atih, pelalau en daha' lo' nah té' alem kenep daha' dahin musang pah bua dahin aru kenep.”
Katah lirui hida gatang
Mk 4:21-25
16 #
Mat 5:15; Lk 11:33 Ji la'ung pah em té' aleng nyavet lirui dahin nabun na' té' ida ji gateng dahin melo' na' hida pagen. Bi iha' metei na' ujung kudek lirui, ja ketu kelunan aleng tei halem nyineng alah atih. 17#Mat 10:26; 12:2 Avin ji-ji pah em té' ket aleng sihuk, adang ha' seng tula loh baya, dahin ket aleng lingen aleng em kitan daha' seng tula medau-medau baya.
18 #
Mat 25:29; Lk 19:26 “Avin anan, ngetneng nah ikam té' ket aleng kam kelenghi. Avin hi aleng hipun, men iha' pah seng en uk ngelua', bi hi aleng em hipun, té' iha' pah seng en ala ket aleng en na' ngio' té' té' iha' lahuh.”
Hinan Tuhan Yesus dahin harin Na'
Mat 12:46-50; Mk 3:31-35
19Nei nah hinan Na' dahin harin Na' pala Iha', bi dalo' em deng tei jeleng Iha' avin kelunan peset. 20Daha' pah bara Iha', ken daha', “Hinam dahin Harim nekring hawang, ngenep seng jam Ika'.” 21Bi nyu'ei nah Iha' dahin kuma' men daha' atih, “Té' pah Hinak dahin Harik iha' nah daha' anih aleng kelenghi dahun Allah dahin na na'.”
Tuhan Yesus ngesayu bahui aya'
Mat 8:23-27; Mk 4:35-41
22Té' nah ji dau Yesus dahin dalo' anak sekulah Na' tei halem haruk, ken Na' men dalo', “Tei nah telo' ha' dipah atih bawang anih.” Pelalau leka' nah dalo'. 23Alem dalo' pelawat, tudu nah Iha'. Bi ateng nah bahui aya' té' bawang anan, haruk atih pah seng hangan ata', ateng dalo' seng awi tusah lelan. 24Pelalau tei nah dalo' megoh Iha', ken dalo', “Guru, Guru, patei tam nah anih!” Pelalau ma'un nah Iha', dahin mano' bahui dahin lupak atih. Bahui dahin lupak atih pah ngeta', pelalau ngeleneng nah. 25Ken Na' men dalo', “Hino' kah kinah kelo' dih?” Ngeniheng tua nah dalo' atih dahin takut, ken dalo' men ji la'ung dahin ji la'ung, “Hi kah kelunan anih pa? Tegu Iha' nyihu bahui dahin ata', daha' pah ngioh dahun Na,” ken dalo'.
Laké' ha' Gerasa aleng té' to' nei magéh
Mat 8:28-34; Mk 5:1-20
26Ateng nah dalo' ha' daléh daha' Gerasa, aleng pedipah dahin daléh Galilea. 27Tegu Iha' uh ma'un usun tana nei nah ji kelunan men alem daléh atih pepsuk dahin Na', aleng té' kuri-kuri to' nilung alem batung na'. Kuri-kuri dara kelunan atih em meté' kanan dahin em murip ha' uma, bi iha' murip ha' tana liang tua. 28Tegu iha' nyineng Yesus, pelalau medéng nah iha' dahin nyepukun ha' unan Na', dahin dekaya' dahun na' tengaran dahin Yesus, ken na', “U Yesus Anak Allah aleng Kelalau Lalé' Bau, nuno' tuk akui seng tei piah kenep Ka'? Akui akei asi lelan té' Ika', meng nah Im peluvat akui,” ken na'.
29Avin Yesus uh nyihu to' atih musang men kelunan atih. Avin kuri-kuri hangun to' atih uh tekjet nesun té' iha', daha' pah muleng iha' dahin ngaput iha' té' avit, dahin mesung iha'. Bi lim atih pah punang tua kenan na', pelalau to' atih geri iha' lap ha' ngavan aleng henung.
30En Yesus teng nah iha', dahin kuma', “Nun aran ka'?” Iha' ha' nyu'ei, “Leksa',” avin kahum to' uh tei halem la'ung na'. 31Daha' to' atih pah akei asi lelan té' Iha' ja Iha' em nyihu daha' tei alem luvang dalem aleng em té' bulan na'.
32Té' pah ji peng uting tinan, ilau kanen daha' té' ngalang atih. To' atih pah akei asi té' Iha' ja Iha' mekoh daha' tei halem uting atih, Iha' pah mekoh tua. 33Pelalau to' atih musang men laké' anan, tei halem uting atih. Uting atih pah pelalau tepurung ngiléh men behilak ngalang atih, tei nesau halem bawang anan pelalau matei lenyen.
34Tegu dalo' aleng makan uting atih jam tuk atih, daha' pah tepurung tei bara daha' alem daléh dahin aleng ha' luma'. 35Daha' atih pah musang tei nyineng nuno' tuk hadui atih. Nei nah daha' pala' Yesus, pelalau nyineng laké' aleng ngavan to' musang atih dih té' melo' té' béh kudek Yesus dahin meté' kanan, dahin teneng alem kenep na' lahuh. Lim daha' pah takut. 36Lim kelunan aleng jam hadui atih pah bara marung tuk kelunan aleng ngavan to' nilung atih dih uh nei magéh. 37Lim daha' aleng men daléh Gerasa atih pah akei Yesus tei lap men daléh daha', avin daha' takut lelan. Pelalau Yesus tei hujung haruk pelalau uli. 38Bi laké' aleng ngavan to' musang atih akei seng ngenep peji dahin Yesus, bi Yesus nyihu iha' uli, ken Na', 39“Uli nah im ha' uma ka', tei bara nuno' tuk ayan hadui aleng uh en Allah na men ika'.” Pelalau nah iha' tei pedengah men daha' lim daléh atih nuno' tuk ayan hadui aleng uh en Yesus na men iha'.
Marung anak Yairus, dahin doh aleng perah lingo'
Mat 9:18-26; Mk 5:21-43
40Alem Yesus uli, kahum kelunan tei japa' Iha', avin lim daha' penga Iha'. 41Nei nah ji laké' aya' aleng aran na' Yairus, iha' tih kelunan aleng pengulu' uma sebayang, nei ngelu'ep té' béh kudek Yesus, dahin akei Iha' tei ha' uma na'; 42#Lk 7:12 avin té' ji tua anak na' aleng doh atih, kio'-kio' pulu-dua' duman urip na', aleng jeleng seng matei. Tegu Yesus panau atih, bi kahum lan daha' mamen Iha'.
43Bi tegu atih pah té' ji doh aleng perah lingo' dara na' pulu-dua' duman uh, dahin lim-lim ketanun na' uh pah en na' uk daha' duktun tibah daha' naban iha', beka' nusi' loh ha' tei sayu. 44Lun tei nah doh atih men la'ung Yesus, pelalau gem balan basung Na'. Tegu anan, pelalau ngeta' nah daha aleng nei té' iha' atih. 45Ken Yesus, “Hi aleng gem Akui anih?” Ji la'ung pah em té' aleng meng'i, iha' Petrus dahin daha' aleng dahin na' atih kuma', “Guru, kahum kelunan aleng ngeleden mamen dahin nyikéh Ika'.” 46Bi ken Yesus, “Té' kah lahuh daha' aleng uh gem Akui, avin Akui jam henoh té' tingan uh musang men Akui,” ken Na'. 47Tegu doh atih uh jam batung na' seng em sihuk, nei nah iha' dahin ngetiwet dahin ngelu'ep ha' unan Na', pelalau bara lim tuk na' ha' unan daha' lim atih tavit iha' uh gem Iha', dahin nuno' tuk iha' nei magéh tegu atih. 48#Lk 7:50 Ken Yesus men iha', “U anak Kui, kinah ka' uh petagéh ika'. Tei nah im dahin dena' kenep ka'.”
49Alem Iha' kuma' nutih, nei nah ji la'ung men uma pengulu' uma sebayang atih, ken na', “Anak-doh ka' uh em té'. Meng peku'in Guru anih la'an.” 50Bi kitan Yesus pah daho' atih, pelalau Iha' kuma', “Meng takut. Nginah nah tua, adang iha' seng murip.” 51Tegu Iha' ateng ha' uma atih, ji la'ung pah Iha' em mun tei halem dahin Na', bi Petrus dahin Yohanes dahin Yakobus tua aleng tei, dahin taman anak atih dahin hinan na' lahuh. 52#Mk 7:36; Lk 5:14 Lim daha' atih pah nangih dahin nirau, bi ken Yesus, “Meng kelo' nangih, anak anih nusi' ha' matei, bi iha' tudu anih ni,” ken Na'. 53Daha' atih kesing nuten Iha' tua, avin daha' jam iha' uh matei. 54En Yesus gem nah usu anak atih, dahin muvui iha', ken Na', “U nyemdoh, ma'un nah im.” 55Lun nei nah beluan na' nekulah, pelalau ma'un nah iha' tegu atih, pelalau Yesus nyihu daha' makan iha'. 56Hinan doh atih dahin taman na' pah ngeniheng lelan, bi Yesus nangen dawa' em mun dawa' bara men ji-ji la'ung pah marung hadui atih.
Currently Selected:
LUKAS 8: TDK1990
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.
LUKAS 8
8
Aran dalo' doh aleng tugung Tuhan Yesus
1 #
Lk 4:43
Ngebaya men'uh atih dih Yesus pah panau alem kuri-kuri daléh dahin uma, dahin katuk dahin pedengah dengah sayu marung tuk keligem Allah, dalo' pulu-dua' anak sekulah Na' pah pa'en peji dahin Na'. 2#Mk 15:40-41; 16:9 Té' pah dahin Na' kuri-kuri daha' doh aleng hu'uh en Na' petagéh aleng uh ngavan to' nilung dahin aleng uh té' kuri-kuri na'an perah, iha' tih Maria aleng aran na' lahuh Magdalena aleng té' tusu to' aleng uh musang men alem na', 3ji pah la'an Yohanes aleng doh Khuza, Khuza atih aleng geri daha' aleng nyadui alem amin Herodes, dahin Susana. Kahum pah doh aleng ha' béh lahuh aleng makan Yesus dahin anak sekulah Na' men nguyo' daha' dep.
Ivun marung laké' aleng murah beni
Mat 13:1-23; Mk 4:1-20
4Tegu daha' kahum atih nei pepeng, dahin daha' men ha'ut daléh pah lahuh nei ha' Iha', pelalau kuma' nah Iha' dahin ivun, ken Na', 5“Té' ji kelunan tei musang tei murah beni na'. Alem iha' murah na', té' balei aleng legak té' béh alan, pelalau en kelunan ngaja, dahin manuk hida kelekawah pah kuman na'. 6Nurei pah lahuh té' balei aleng legak té' ujung bato'; tegu iha' nei murip, pelalau kelubei nah urip na' avin iha' em basa. 7Té' pah balei lahuh aleng legak té' hang uket uleng, uleng atih pah murip dahin ngeliten té' urip na' atih. 8Té' pah balei lahuh aleng legak té' tana aleng sayu, pelalau murip dahin musang nah bua na' ji atuh beluha' na',” ken Na'. Alem Iha' kuma' nunan, medéng nah Iha', ken Na', “Hi-hi aleng té' iling aleng ngavan kelenghi, kelenghi nah.”
9En dalo' anak sekulah Na' teng nah Iha' té' ivun atih. 10#Yes 6:9-10 Lun ken Na', “Men kelo' uh tula nah ket aleng sihuk marung keligem Allah, bi men daha' aleng ha' béh atih, iha' alem ivun tua, ja tegu daha' nyineng, daha' em jam, dahin tegu daha' kelenghi, daha' em tei ateng halem na'.
11 #
1 Pet 1:23
“Anih nah ivun atih. Té' pah beni atih, iha' nah dahun Allah. 12#1 Kor 1:21 Aleng legak té' béh alan atih, iha' nah kelunan aleng uh kelenghi, uh anan pelalau nei nah Iblis ala daho' atih men alem kenep daha', ja daha' em nginah dahin murip. 13Aleng legak té' bato' atih, iha' tih tegu daha' uh kelenghi na', pelalau daha' ala daho' atih dahin melu. Té' pah kelunan atih em té' pakat, avin daha' nginah jaki tua; tegu daha' ga' pesek, pelalau manyun nah daha'. 14Aleng legak té' hang uleng atih, iha' tih kelunan aleng uh kelenghi, bi alem daha' panau, tusah dahin kaya' dahin sayu kenep té' usun tana ngelawin daho' atih, ateng bua na' em nei la'ung. 15#HST 16:14; Ib 10:36; K Tula 3:10 Aleng legak té' tana aleng sayu atih, iha' tih keluna aleng teneng dahin tutau alem kenep; tegu daha' uh kelenghi daho' atih, pelalau en daha' lo' nah té' alem kenep daha' dahin musang pah bua dahin aru kenep.”
Katah lirui hida gatang
Mk 4:21-25
16 #
Mat 5:15; Lk 11:33 Ji la'ung pah em té' aleng nyavet lirui dahin nabun na' té' ida ji gateng dahin melo' na' hida pagen. Bi iha' metei na' ujung kudek lirui, ja ketu kelunan aleng tei halem nyineng alah atih. 17#Mat 10:26; 12:2 Avin ji-ji pah em té' ket aleng sihuk, adang ha' seng tula loh baya, dahin ket aleng lingen aleng em kitan daha' seng tula medau-medau baya.
18 #
Mat 25:29; Lk 19:26 “Avin anan, ngetneng nah ikam té' ket aleng kam kelenghi. Avin hi aleng hipun, men iha' pah seng en uk ngelua', bi hi aleng em hipun, té' iha' pah seng en ala ket aleng en na' ngio' té' té' iha' lahuh.”
Hinan Tuhan Yesus dahin harin Na'
Mat 12:46-50; Mk 3:31-35
19Nei nah hinan Na' dahin harin Na' pala Iha', bi dalo' em deng tei jeleng Iha' avin kelunan peset. 20Daha' pah bara Iha', ken daha', “Hinam dahin Harim nekring hawang, ngenep seng jam Ika'.” 21Bi nyu'ei nah Iha' dahin kuma' men daha' atih, “Té' pah Hinak dahin Harik iha' nah daha' anih aleng kelenghi dahun Allah dahin na na'.”
Tuhan Yesus ngesayu bahui aya'
Mat 8:23-27; Mk 4:35-41
22Té' nah ji dau Yesus dahin dalo' anak sekulah Na' tei halem haruk, ken Na' men dalo', “Tei nah telo' ha' dipah atih bawang anih.” Pelalau leka' nah dalo'. 23Alem dalo' pelawat, tudu nah Iha'. Bi ateng nah bahui aya' té' bawang anan, haruk atih pah seng hangan ata', ateng dalo' seng awi tusah lelan. 24Pelalau tei nah dalo' megoh Iha', ken dalo', “Guru, Guru, patei tam nah anih!” Pelalau ma'un nah Iha', dahin mano' bahui dahin lupak atih. Bahui dahin lupak atih pah ngeta', pelalau ngeleneng nah. 25Ken Na' men dalo', “Hino' kah kinah kelo' dih?” Ngeniheng tua nah dalo' atih dahin takut, ken dalo' men ji la'ung dahin ji la'ung, “Hi kah kelunan anih pa? Tegu Iha' nyihu bahui dahin ata', daha' pah ngioh dahun Na,” ken dalo'.
Laké' ha' Gerasa aleng té' to' nei magéh
Mat 8:28-34; Mk 5:1-20
26Ateng nah dalo' ha' daléh daha' Gerasa, aleng pedipah dahin daléh Galilea. 27Tegu Iha' uh ma'un usun tana nei nah ji kelunan men alem daléh atih pepsuk dahin Na', aleng té' kuri-kuri to' nilung alem batung na'. Kuri-kuri dara kelunan atih em meté' kanan dahin em murip ha' uma, bi iha' murip ha' tana liang tua. 28Tegu iha' nyineng Yesus, pelalau medéng nah iha' dahin nyepukun ha' unan Na', dahin dekaya' dahun na' tengaran dahin Yesus, ken na', “U Yesus Anak Allah aleng Kelalau Lalé' Bau, nuno' tuk akui seng tei piah kenep Ka'? Akui akei asi lelan té' Ika', meng nah Im peluvat akui,” ken na'.
29Avin Yesus uh nyihu to' atih musang men kelunan atih. Avin kuri-kuri hangun to' atih uh tekjet nesun té' iha', daha' pah muleng iha' dahin ngaput iha' té' avit, dahin mesung iha'. Bi lim atih pah punang tua kenan na', pelalau to' atih geri iha' lap ha' ngavan aleng henung.
30En Yesus teng nah iha', dahin kuma', “Nun aran ka'?” Iha' ha' nyu'ei, “Leksa',” avin kahum to' uh tei halem la'ung na'. 31Daha' to' atih pah akei asi lelan té' Iha' ja Iha' em nyihu daha' tei alem luvang dalem aleng em té' bulan na'.
32Té' pah ji peng uting tinan, ilau kanen daha' té' ngalang atih. To' atih pah akei asi té' Iha' ja Iha' mekoh daha' tei halem uting atih, Iha' pah mekoh tua. 33Pelalau to' atih musang men laké' anan, tei halem uting atih. Uting atih pah pelalau tepurung ngiléh men behilak ngalang atih, tei nesau halem bawang anan pelalau matei lenyen.
34Tegu dalo' aleng makan uting atih jam tuk atih, daha' pah tepurung tei bara daha' alem daléh dahin aleng ha' luma'. 35Daha' atih pah musang tei nyineng nuno' tuk hadui atih. Nei nah daha' pala' Yesus, pelalau nyineng laké' aleng ngavan to' musang atih dih té' melo' té' béh kudek Yesus dahin meté' kanan, dahin teneng alem kenep na' lahuh. Lim daha' pah takut. 36Lim kelunan aleng jam hadui atih pah bara marung tuk kelunan aleng ngavan to' nilung atih dih uh nei magéh. 37Lim daha' aleng men daléh Gerasa atih pah akei Yesus tei lap men daléh daha', avin daha' takut lelan. Pelalau Yesus tei hujung haruk pelalau uli. 38Bi laké' aleng ngavan to' musang atih akei seng ngenep peji dahin Yesus, bi Yesus nyihu iha' uli, ken Na', 39“Uli nah im ha' uma ka', tei bara nuno' tuk ayan hadui aleng uh en Allah na men ika'.” Pelalau nah iha' tei pedengah men daha' lim daléh atih nuno' tuk ayan hadui aleng uh en Yesus na men iha'.
Marung anak Yairus, dahin doh aleng perah lingo'
Mat 9:18-26; Mk 5:21-43
40Alem Yesus uli, kahum kelunan tei japa' Iha', avin lim daha' penga Iha'. 41Nei nah ji laké' aya' aleng aran na' Yairus, iha' tih kelunan aleng pengulu' uma sebayang, nei ngelu'ep té' béh kudek Yesus, dahin akei Iha' tei ha' uma na'; 42#Lk 7:12 avin té' ji tua anak na' aleng doh atih, kio'-kio' pulu-dua' duman urip na', aleng jeleng seng matei. Tegu Yesus panau atih, bi kahum lan daha' mamen Iha'.
43Bi tegu atih pah té' ji doh aleng perah lingo' dara na' pulu-dua' duman uh, dahin lim-lim ketanun na' uh pah en na' uk daha' duktun tibah daha' naban iha', beka' nusi' loh ha' tei sayu. 44Lun tei nah doh atih men la'ung Yesus, pelalau gem balan basung Na'. Tegu anan, pelalau ngeta' nah daha aleng nei té' iha' atih. 45Ken Yesus, “Hi aleng gem Akui anih?” Ji la'ung pah em té' aleng meng'i, iha' Petrus dahin daha' aleng dahin na' atih kuma', “Guru, kahum kelunan aleng ngeleden mamen dahin nyikéh Ika'.” 46Bi ken Yesus, “Té' kah lahuh daha' aleng uh gem Akui, avin Akui jam henoh té' tingan uh musang men Akui,” ken Na'. 47Tegu doh atih uh jam batung na' seng em sihuk, nei nah iha' dahin ngetiwet dahin ngelu'ep ha' unan Na', pelalau bara lim tuk na' ha' unan daha' lim atih tavit iha' uh gem Iha', dahin nuno' tuk iha' nei magéh tegu atih. 48#Lk 7:50 Ken Yesus men iha', “U anak Kui, kinah ka' uh petagéh ika'. Tei nah im dahin dena' kenep ka'.”
49Alem Iha' kuma' nutih, nei nah ji la'ung men uma pengulu' uma sebayang atih, ken na', “Anak-doh ka' uh em té'. Meng peku'in Guru anih la'an.” 50Bi kitan Yesus pah daho' atih, pelalau Iha' kuma', “Meng takut. Nginah nah tua, adang iha' seng murip.” 51Tegu Iha' ateng ha' uma atih, ji la'ung pah Iha' em mun tei halem dahin Na', bi Petrus dahin Yohanes dahin Yakobus tua aleng tei, dahin taman anak atih dahin hinan na' lahuh. 52#Mk 7:36; Lk 5:14 Lim daha' atih pah nangih dahin nirau, bi ken Yesus, “Meng kelo' nangih, anak anih nusi' ha' matei, bi iha' tudu anih ni,” ken Na'. 53Daha' atih kesing nuten Iha' tua, avin daha' jam iha' uh matei. 54En Yesus gem nah usu anak atih, dahin muvui iha', ken Na', “U nyemdoh, ma'un nah im.” 55Lun nei nah beluan na' nekulah, pelalau ma'un nah iha' tegu atih, pelalau Yesus nyihu daha' makan iha'. 56Hinan doh atih dahin taman na' pah ngeniheng lelan, bi Yesus nangen dawa' em mun dawa' bara men ji-ji la'ung pah marung hadui atih.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.