MARKUS 10
10
Daha' Farisi pesek Tuhan Yesus marung adet puli
Mat 19:1-12; Lk 16:18
1 #
Mat 19:1-9
Leka' nah #Mk 9:23 Yesus men Kapernaum tei ateng ha' daléh Yudea tei ha' dipah atih Yordan. Kahum kelunan pepeng ngelua' pala Iha', pelalau Iha' pekatuk daha', awi barik Na' pa'en. 2Ateng nah kuri-kuri la'ung kelunan Farisi, seng pesek Iha', meteng Iha', “Seng deng ji la'ung puli dahin doh na'?” 3Nyu'ei nah Iha' daha' atih, “Ket nun aleng Musa bara men ikam dih?” 4#Kel d M 24:1-4; Mat 5:31-32 Ken daha', “Musa mun kah iha' kelunan na surat puli mebet hawan na'.” 5Ken Yesus men daha', “Avin kenan mahing kenep kam, iha' ha' na tebara nunan men ikam. 6#Ar Kel 1:27 Bi men aring Tuhan ngelengunan tana, ‘Allah na laké' dahin doh.’ 7#Ar Kel 2:24 ‘Avin ha' nutih kelunan seng melek hinan taman na' dahin peji dahin doh na', 8dawa' seng peji ji sin tua'.’ Avin ha' nunan, dawa' atih nusi' nah dawa' kelunan dua', bi ji sin tua nah dawa'. 9Avin ha' nunan, ket aleng hu'uh en Allah na ji tua meng ha' puli kenan kam aleng kelunan tua,” ken Na'.
10Tegu dalo' té' halem uma, meteng nah anak sekulah Na' ngelua' marung tuk atih. 11#Mat 5:22; Lk 16:18; 1 Kor 7:10-11 Ken Yesus men dalo', “Hi aleng puli dahin doh na', dahin ngehawa' ha' béh, iha' nah petuyang té' doh na' aleng una' atih. 12Iha' doh puli dahin laké' na', ngehawa' ha' béh, iha' pah petuyang lahuh.”
Tuhan Yesus sebayang men daha' nyam
Mat 19:13-15; Lk 18:15-17
13 #
Mat 19:13-15; Lk 18:15-17 En daha' geri nah daha' nyam pala Yesus, ja Iha' gem daha'. Bi dalo' anak sekulah Na' mano' daha' atih. 14Kitan Yesus nah tuk atih, pelalau em kaséh nah Iha' kelenghi na', pelalau kuma' nah Iha, “Bei nah daha' nyam nei ha' Akui, meng ma'eng daha', avin keligem Allah uh té' men kelunan aleng awi jam tuk daha' anih. 15#Mat 18:3 Dahuk lan men kelo', hi aleng em ala keligem Allah awi jam tuk ji nyam uk, nusi' peletu iha' tei halem na'.” 16#Mk 9:36 En Na' kelameng nah daha' nyam atih, en Na' tei nah usu Na' té' daha', dahin akei sayu nei té' daha'.
Marung ji nyemaké' aleng kaya'
Mat 19:16-30; Lk 18:18-30
17Alem Yesus leka' seng panau, té' ji laké' tepurung tei pala Iha', pelalau nyepukun ha' unan Na', meteng Iha', “Guru aleng sayu, ket nun aleng seng ek na, ja akui hipun urip aleng pa'en?” 18Yesus nyu'ei iha', “Na' nun ika' kuma' Akui sayu? Ji la'ung pah em té' aleng sayu, bi ji tua, iha' tih Allah. 19#Us 20:12-17; Kel d M 5:16-20; 24:14 Adang ika' jam tebara atih, iha' atih, Meng im lematei kelunan, Meng im nuyang, Meng im nakau, Meng im teksi' pamoh, Meng im peluvat kelunan, ji pah la'an, Ju nah tamam dahin hinam.” 20Ken na' men Iha', “Ketu lim-lim anih, Guru, uh ek ngioh lim-lim kah men akui da'uk.” 21#Mat 10:38; Mk 8:34 En Yesus nyineng nah nyemaké' atih, pelalau Iha' nyalam iha', ken Na' men Iha', “Ji tua la'an aleng ngavam em nuno' teneng. Tei nah im belé' daven nun-nun aleng té' té' ika', im uk nah men daha' aleng humé', iha' nah ika' hipun daven aleng ha' Surga, pelalau nei nah im ngioh Akui,” ken Na'. 22Pelalau bahat lelan nah kenep na' kelenghi daho' atih, leka' nah iha' tei dahin bahat kenep na', avin iha' hipun kahum daven.
23Yesus nyineng teliling Na', pelalau kuma' men dalo' anak sekulah Na', “Mahen lelan keluna aleng kaya' tei halem keligem Allah.” 24#NDI 62:10; 1 Tim 6:17 Ngeniheng tua nah dalo' anak sekulah Na' avin Iha' na daho' nutih. Ken Na' pah ngelua' men dalo', “U kelo' anak Kui, mahen lelan kelunan aleng nginah té' daven tei halem keligem Allah. 25Pulang deng ji hulung unta tei men alem luvang luh#10:25 Nyineng behida Mat 19:24. men'uh kelunan kaya' tei halem keligem Allah.” 26Kelalau ngeniheng pah dalo' atih, ken dalo' men Iha', “Iha' nutih, seng hi nah aleng deng ala urip?” 27#Ar Kel 18:24; Ay 42:2 Yesus nyineng dalo' atih, ken Na', “Men kelunan, nusi' ha' deng, bi nusi' ha' nunan men Allah, avin men Allah ket nun-nun pah adang deng.”
28Iha' Petrus kuma' men Iha', “Kalo' anih uh melek lim kelunan alo' dahin ngioh Ika'.” 29Ken Yesus, “Dahuk lan men kelo', hi-hi aleng uh melek awi uma na', awi harin-aké' na' kah, awi harin-doh na' kah, awi hinan na' kah, awi taman na' kah, awi anak na' kah, awi tana na' kah, avin tavit Akui, avin dengah sayu kah lahuh, 30daha' anan seng ala kalui na' ji atuh la'ung la'an jarun urip husun tana anih, iha' atih uma, dahin harin-aké', dahin harin-doh, dahin hinan, dahin anak, dahin tana, té' pah dahin katé' kenan kelunan lahuh, té' pah alem urip aleng baya iha' seng ala urip aleng pa'en. 31#Mat 20:16; Lk 13:30 Avin kahum kelunan aleng una' seng tei baya dahin kelunan aleng baya aleng seng tei una'.”
Ketlo' hangun Tuhan Yesus bara katé' Na'
Mat 20:17-19; Lk 18:31-34
32 #
Mat 20:17-19; Lk 18:31-34 #Mk 9:31; Yoh 11:16,55 Alem Yesus dahin dalo' anak sekulah Na' panau tei na Yerusalem, bi Iha' aleng panau una' men dalo' té' alan. Lim dalo' anak sekulah Na' pah nei ngihu henoh dalo', daha' aleng nei ngebaya dalo' atih pah takut lahuh. Iha' nah Yesus muvui dalo' pulu-dua' anak sekulah Na' pelalau matoh dahun Na' bara marung tuk katé' aleng nei té' Iha'. 33Ken Na', “Kerei inih telo' tei ha' Yerusalem. Anak-kelunan pah seng en daha' uk men daha' imam aya' dahin daha' aleng puboh surat Tuhan, daha' atih pah seng mukum Iha' matei, dahin ma'uk Iha' alem usu daha' aleng alem adet ha' béh. 34Daha' seng ngejau Iha', dahin lemura Iha', dahin jeliket Iha' dahin lematei Iha', bi té' dau aleng ketlo' Iha' seng nei peju murip la'an.”
Ket en Yakobus dawa' Yohanes akei
Mat 20:20-28
35 #
Mat 20:20-28
Nei nah Yakobus dawa' Yohanes anak Zebedeus pala Yesus, ken dawa' men Iha', “U Guru, kawa' kaséh Ika' seng na ket men kawa' ket aleng en awa' kahi.” 36Ken Na' men dawa', “Ket nun aleng kaséh kua' aleng seng Ek na men kua'?” 37Ken dawa' men Iha', “Im na nah kawa' melo' ji pedah ta'o ji pedah ulei alem aren Ka'.” 38#Mk 14:36; Lk 12:50; Rom 6:3 Bi ken Yesus men dawa', “Nusi' kua' jam ket aleng kua' kahi. Deng kah kua' du'i té' tebuk aleng Ngavak du'i anih iah? Deng kah kua' duh té' duh aleng duh Kui iah?” 39#HST 12:2; K Tula 1:9 Ken dawa', “Deng.” Ken Yesus men dawa', “Lan tebuk Ngavak seng du'i, kua' pah seng du'i té' iha' lahuh, té' pah duh aleng duh Kui anih, kua' pah seng duh té' iha' lahuh, 40bi marung melo' té' pedah ta'o Kui dahin pedah ulei Kui atih, nusi' nah Akui deng ma'uk na', bi atih uh en temei men kelunan aleng uh en Tamak petneng.”
41Tegu dalo' pulu la'ung atih kelenghi tuk atih, heléh nah kenep dalo' té' Yakobus dahin Yohanes. 42#Lk 22:25-27 Pelalau Yesus muvui dalo' ken Na', “Kitan kelo' kah daha' aleng pengulu' daha' aleng alem ha'ut bengsa', bau kah daha' hujung daha', daha' aleng dekaya' pah nyihu-nyihu panyin daha' lahuh. 43#Mat 23:11; Mk 9:35; Lk 22:26 Bi nusi' ha' nunan té' hang kelo', bi hi aleng seng ngenep nei dekaya' té' hang kelo', iha' nah aleng tekep jadi' panyin kelo', 44dahin aleng seng ngenep jadi' una té' hang kelo', iha' nah aleng tekep jadi' dipen kelo' lim. 45Avin Anak-kelunan pah, nusi' Ha' nei ja daha' masi Iha', té' pah ja Iha' masi, dahin ma'uk hengan Na' jadi' kalui men kelunan aleng kahum.”
Bartimeus aleng buta'
Mat 20:29-34; Lk 18:35-43
46 #
Mat 20:29-34; Lk 18:35-43 Ateng nah daha' ha' Yerikho. Alem Iha' musang men Yerikho dahin dalo' anak sekulah Na', dahin kelalau kahum pah kelunan dahin Na', té' nah anak Timeus aleng aran na' Bartimeus aleng buta', melo' nah iha' béh alan, akei asi. 47Kelenghen na' dengah Yesus, kelunan Nazaret atih, iha' nah iha' medéng-medéng, ken na', “U Yesus, anak Daud, masi nah akui ji'ek.” 48Kahum men daha' mano' iha', nyihu iha' tepaka', bi sa'-sa' pah iha' nya'ui, “U Anak Daud, Im masi kui tinih.” 49Nekring nah Yesus, pelalau kuma', “Uvui nah iha'.” Pelalau daha' duan kelunan buta' atih, ken daha', “Petneng nah kenep ka', biti nah. Iha' muvui ika' anan.” 50En na' bet nah kanan na', pelalau peju tei pala' Yesus. 51Ken Yesus men iha', “Ket nun aleng kenep ka' seng Ek na men ika'?” Ken laké' buta' atih men Iha', “U Guru, Im na nah akui ji'ek nyineng.” 52Ken Yesus men iha', “Tei nah im, kinah ka' uh petagéh ika'.” Pelalau iha' jam nyineng, pelalau iha' muyang anau Yesus.
Currently Selected:
MARKUS 10: TDK1990
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.
MARKUS 10
10
Daha' Farisi pesek Tuhan Yesus marung adet puli
Mat 19:1-12; Lk 16:18
1 #
Mat 19:1-9
Leka' nah #Mk 9:23 Yesus men Kapernaum tei ateng ha' daléh Yudea tei ha' dipah atih Yordan. Kahum kelunan pepeng ngelua' pala Iha', pelalau Iha' pekatuk daha', awi barik Na' pa'en. 2Ateng nah kuri-kuri la'ung kelunan Farisi, seng pesek Iha', meteng Iha', “Seng deng ji la'ung puli dahin doh na'?” 3Nyu'ei nah Iha' daha' atih, “Ket nun aleng Musa bara men ikam dih?” 4#Kel d M 24:1-4; Mat 5:31-32 Ken daha', “Musa mun kah iha' kelunan na surat puli mebet hawan na'.” 5Ken Yesus men daha', “Avin kenan mahing kenep kam, iha' ha' na tebara nunan men ikam. 6#Ar Kel 1:27 Bi men aring Tuhan ngelengunan tana, ‘Allah na laké' dahin doh.’ 7#Ar Kel 2:24 ‘Avin ha' nutih kelunan seng melek hinan taman na' dahin peji dahin doh na', 8dawa' seng peji ji sin tua'.’ Avin ha' nunan, dawa' atih nusi' nah dawa' kelunan dua', bi ji sin tua nah dawa'. 9Avin ha' nunan, ket aleng hu'uh en Allah na ji tua meng ha' puli kenan kam aleng kelunan tua,” ken Na'.
10Tegu dalo' té' halem uma, meteng nah anak sekulah Na' ngelua' marung tuk atih. 11#Mat 5:22; Lk 16:18; 1 Kor 7:10-11 Ken Yesus men dalo', “Hi aleng puli dahin doh na', dahin ngehawa' ha' béh, iha' nah petuyang té' doh na' aleng una' atih. 12Iha' doh puli dahin laké' na', ngehawa' ha' béh, iha' pah petuyang lahuh.”
Tuhan Yesus sebayang men daha' nyam
Mat 19:13-15; Lk 18:15-17
13 #
Mat 19:13-15; Lk 18:15-17 En daha' geri nah daha' nyam pala Yesus, ja Iha' gem daha'. Bi dalo' anak sekulah Na' mano' daha' atih. 14Kitan Yesus nah tuk atih, pelalau em kaséh nah Iha' kelenghi na', pelalau kuma' nah Iha, “Bei nah daha' nyam nei ha' Akui, meng ma'eng daha', avin keligem Allah uh té' men kelunan aleng awi jam tuk daha' anih. 15#Mat 18:3 Dahuk lan men kelo', hi aleng em ala keligem Allah awi jam tuk ji nyam uk, nusi' peletu iha' tei halem na'.” 16#Mk 9:36 En Na' kelameng nah daha' nyam atih, en Na' tei nah usu Na' té' daha', dahin akei sayu nei té' daha'.
Marung ji nyemaké' aleng kaya'
Mat 19:16-30; Lk 18:18-30
17Alem Yesus leka' seng panau, té' ji laké' tepurung tei pala Iha', pelalau nyepukun ha' unan Na', meteng Iha', “Guru aleng sayu, ket nun aleng seng ek na, ja akui hipun urip aleng pa'en?” 18Yesus nyu'ei iha', “Na' nun ika' kuma' Akui sayu? Ji la'ung pah em té' aleng sayu, bi ji tua, iha' tih Allah. 19#Us 20:12-17; Kel d M 5:16-20; 24:14 Adang ika' jam tebara atih, iha' atih, Meng im lematei kelunan, Meng im nuyang, Meng im nakau, Meng im teksi' pamoh, Meng im peluvat kelunan, ji pah la'an, Ju nah tamam dahin hinam.” 20Ken na' men Iha', “Ketu lim-lim anih, Guru, uh ek ngioh lim-lim kah men akui da'uk.” 21#Mat 10:38; Mk 8:34 En Yesus nyineng nah nyemaké' atih, pelalau Iha' nyalam iha', ken Na' men Iha', “Ji tua la'an aleng ngavam em nuno' teneng. Tei nah im belé' daven nun-nun aleng té' té' ika', im uk nah men daha' aleng humé', iha' nah ika' hipun daven aleng ha' Surga, pelalau nei nah im ngioh Akui,” ken Na'. 22Pelalau bahat lelan nah kenep na' kelenghi daho' atih, leka' nah iha' tei dahin bahat kenep na', avin iha' hipun kahum daven.
23Yesus nyineng teliling Na', pelalau kuma' men dalo' anak sekulah Na', “Mahen lelan keluna aleng kaya' tei halem keligem Allah.” 24#NDI 62:10; 1 Tim 6:17 Ngeniheng tua nah dalo' anak sekulah Na' avin Iha' na daho' nutih. Ken Na' pah ngelua' men dalo', “U kelo' anak Kui, mahen lelan kelunan aleng nginah té' daven tei halem keligem Allah. 25Pulang deng ji hulung unta tei men alem luvang luh#10:25 Nyineng behida Mat 19:24. men'uh kelunan kaya' tei halem keligem Allah.” 26Kelalau ngeniheng pah dalo' atih, ken dalo' men Iha', “Iha' nutih, seng hi nah aleng deng ala urip?” 27#Ar Kel 18:24; Ay 42:2 Yesus nyineng dalo' atih, ken Na', “Men kelunan, nusi' ha' deng, bi nusi' ha' nunan men Allah, avin men Allah ket nun-nun pah adang deng.”
28Iha' Petrus kuma' men Iha', “Kalo' anih uh melek lim kelunan alo' dahin ngioh Ika'.” 29Ken Yesus, “Dahuk lan men kelo', hi-hi aleng uh melek awi uma na', awi harin-aké' na' kah, awi harin-doh na' kah, awi hinan na' kah, awi taman na' kah, awi anak na' kah, awi tana na' kah, avin tavit Akui, avin dengah sayu kah lahuh, 30daha' anan seng ala kalui na' ji atuh la'ung la'an jarun urip husun tana anih, iha' atih uma, dahin harin-aké', dahin harin-doh, dahin hinan, dahin anak, dahin tana, té' pah dahin katé' kenan kelunan lahuh, té' pah alem urip aleng baya iha' seng ala urip aleng pa'en. 31#Mat 20:16; Lk 13:30 Avin kahum kelunan aleng una' seng tei baya dahin kelunan aleng baya aleng seng tei una'.”
Ketlo' hangun Tuhan Yesus bara katé' Na'
Mat 20:17-19; Lk 18:31-34
32 #
Mat 20:17-19; Lk 18:31-34 #Mk 9:31; Yoh 11:16,55 Alem Yesus dahin dalo' anak sekulah Na' panau tei na Yerusalem, bi Iha' aleng panau una' men dalo' té' alan. Lim dalo' anak sekulah Na' pah nei ngihu henoh dalo', daha' aleng nei ngebaya dalo' atih pah takut lahuh. Iha' nah Yesus muvui dalo' pulu-dua' anak sekulah Na' pelalau matoh dahun Na' bara marung tuk katé' aleng nei té' Iha'. 33Ken Na', “Kerei inih telo' tei ha' Yerusalem. Anak-kelunan pah seng en daha' uk men daha' imam aya' dahin daha' aleng puboh surat Tuhan, daha' atih pah seng mukum Iha' matei, dahin ma'uk Iha' alem usu daha' aleng alem adet ha' béh. 34Daha' seng ngejau Iha', dahin lemura Iha', dahin jeliket Iha' dahin lematei Iha', bi té' dau aleng ketlo' Iha' seng nei peju murip la'an.”
Ket en Yakobus dawa' Yohanes akei
Mat 20:20-28
35 #
Mat 20:20-28
Nei nah Yakobus dawa' Yohanes anak Zebedeus pala Yesus, ken dawa' men Iha', “U Guru, kawa' kaséh Ika' seng na ket men kawa' ket aleng en awa' kahi.” 36Ken Na' men dawa', “Ket nun aleng kaséh kua' aleng seng Ek na men kua'?” 37Ken dawa' men Iha', “Im na nah kawa' melo' ji pedah ta'o ji pedah ulei alem aren Ka'.” 38#Mk 14:36; Lk 12:50; Rom 6:3 Bi ken Yesus men dawa', “Nusi' kua' jam ket aleng kua' kahi. Deng kah kua' du'i té' tebuk aleng Ngavak du'i anih iah? Deng kah kua' duh té' duh aleng duh Kui iah?” 39#HST 12:2; K Tula 1:9 Ken dawa', “Deng.” Ken Yesus men dawa', “Lan tebuk Ngavak seng du'i, kua' pah seng du'i té' iha' lahuh, té' pah duh aleng duh Kui anih, kua' pah seng duh té' iha' lahuh, 40bi marung melo' té' pedah ta'o Kui dahin pedah ulei Kui atih, nusi' nah Akui deng ma'uk na', bi atih uh en temei men kelunan aleng uh en Tamak petneng.”
41Tegu dalo' pulu la'ung atih kelenghi tuk atih, heléh nah kenep dalo' té' Yakobus dahin Yohanes. 42#Lk 22:25-27 Pelalau Yesus muvui dalo' ken Na', “Kitan kelo' kah daha' aleng pengulu' daha' aleng alem ha'ut bengsa', bau kah daha' hujung daha', daha' aleng dekaya' pah nyihu-nyihu panyin daha' lahuh. 43#Mat 23:11; Mk 9:35; Lk 22:26 Bi nusi' ha' nunan té' hang kelo', bi hi aleng seng ngenep nei dekaya' té' hang kelo', iha' nah aleng tekep jadi' panyin kelo', 44dahin aleng seng ngenep jadi' una té' hang kelo', iha' nah aleng tekep jadi' dipen kelo' lim. 45Avin Anak-kelunan pah, nusi' Ha' nei ja daha' masi Iha', té' pah ja Iha' masi, dahin ma'uk hengan Na' jadi' kalui men kelunan aleng kahum.”
Bartimeus aleng buta'
Mat 20:29-34; Lk 18:35-43
46 #
Mat 20:29-34; Lk 18:35-43 Ateng nah daha' ha' Yerikho. Alem Iha' musang men Yerikho dahin dalo' anak sekulah Na', dahin kelalau kahum pah kelunan dahin Na', té' nah anak Timeus aleng aran na' Bartimeus aleng buta', melo' nah iha' béh alan, akei asi. 47Kelenghen na' dengah Yesus, kelunan Nazaret atih, iha' nah iha' medéng-medéng, ken na', “U Yesus, anak Daud, masi nah akui ji'ek.” 48Kahum men daha' mano' iha', nyihu iha' tepaka', bi sa'-sa' pah iha' nya'ui, “U Anak Daud, Im masi kui tinih.” 49Nekring nah Yesus, pelalau kuma', “Uvui nah iha'.” Pelalau daha' duan kelunan buta' atih, ken daha', “Petneng nah kenep ka', biti nah. Iha' muvui ika' anan.” 50En na' bet nah kanan na', pelalau peju tei pala' Yesus. 51Ken Yesus men iha', “Ket nun aleng kenep ka' seng Ek na men ika'?” Ken laké' buta' atih men Iha', “U Guru, Im na nah akui ji'ek nyineng.” 52Ken Yesus men iha', “Tei nah im, kinah ka' uh petagéh ika'.” Pelalau iha' jam nyineng, pelalau iha' muyang anau Yesus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.