MARKUS 16
16
Tuhan Yesus nei peju murip nekulah
Mat 28:1-18; Lk 24:1-12; Yoh 20:1-10
1Dau Kelarah atih uh lalau, Maria Magdalena dahin Maria hinan Yakobus dahin Salome pah melé' tuk uro' bu sayu, ja dalo' tei musut na' té' Iha'. 2Tegu jihima pesun, dau aleng una' alem migu anan, nei nah dalo' ha' tanem aring matan dau musit. 3Ken dalo' pedeng dalo', “Seng hi aleng seng masi telo' muvin bato' ben tanem anih?” 4En dalo' nyineng bato' atih, beleka' uh luvin nah, avin bato' atih kelalau dekaya'. 5Tei nah dalo' atih alem halem tanem, en dalo' nyineng, beka' ji kelunan nyemaké' melo' pedah ta'o, aleng meté' basung puti. Ngeniheng nah dalo' doh atih. 6Ken na' men dalo' atih, “Meng nah kelo' ngeniheng. Kelo' ilau Yesus kelunan Nazaret aleng uh en daha' selepang atih. Uh peju nah Iha', nusi' té' Iha' tinih, nyineng nah ngavan daha' melo' Iha'. 7#Mat 26:32; Mk 14:28 Tei nah kelo', bara nah dalo' anak sekulah Na', dahin Petrus pah lahuh, Iha' seng tei una' té' kelo' tei ha' Galilea. Hinan nah kelo' seng jam Iha', awi kurin Na' men kelo' di.” 8Musang nah dalo' atih men tanem pelalau tepurung tei leka', avin dalo' ngetiwet takut dahin ngihau lahuh. Peletu em kaséh dalo' nira nun-nun men kelunan avin dalo' takut.#16:8 Balei surat menuna' mi'at daho' anih lahuh: Petimah nah dalo' atih tei bara dahun meliket atih men Petrus dahin men dalo' bakéh na'. Men'uh anan dih batung Yesus pah nyihu dalo' anak sekulah Na' tei pedengah Iha' men béh matan dau pa'un tei ateng ha' pedah matan dau uli tih, tei pedengah dengah aleng atek Ma'ang aleng em deng tasa', iha' tih dengah urip aleng pa'en-pa'en atih.
Tuhan Yesus tula té' Maria dahin té' dalo' anak sekulah Na'#16:9-20 Balei surat menuna' em té' joh-joh anih.
9 #
Lk 8:2
Tegu Yesus uh peju pesun-pesun té' dau aleng una' alem migu atih, tula nah Iha' una' té' Maria Magdalena. Men alem na' nah Tuhan Yesus uh mesau tusu to'. 10Tei nah doh atih bara dalo' aleng uh peji dahin Na', alem dalo' namu Iha' dahin nangih. 11Tegu dalo' atih kelenghi dengah Yesus uh murip, Iha' uh tula kitan doh anan lahuh, nusi' nah dalo' nginah.
12Baya men'uh anan, tula nah Iha' dahin dep jam Na' té' dawa' dua' la'ung men daha', alem dawa' ngeluveng alan tei ha' uma ha' béh. 13Dawa' anan pah uli dahin bara dengah anan men daha' ha' béh, nusi' pah daha' atih meté' dahun dawa'.
Yesus nyihu dalo' tei pedengah dengah sayu
Mat 28:16-20; Lk 24:36-49; Yoh 20:19-23; HST 1:6-8
14 #
1 Kor 15:5
Men'uh anan, alem dalo' melo' kuman, Yesus nei tula té' dalo' pulu-ji atih, en Na' mano' nah dalo' atih avin kurang kinah dalo', dahin mahing kenep dalo', avin dalo' em nginah dahun dalo' aleng uh jam Iha' men'uh Iha' nei peju. 15#HST 1:8 Té' pah Iha' kuma' men dalo', “Tei nah kelo' tutam ji ida langit anih, pedengah dengah sayu men daha' ha'ut-ha'ut la'ung. 16#HST 2:38 Té' pah kelunan aleng nginah dahin duh atih daha' seng ala urip, bi kelunan aleng em nginah, daha' seng ga' ukum. 17#HST 2:4,11; 10:46; 16:18 Anih nah tada' té' kelunan aleng nginah, alem aran Kui daha' seng mesau to', daha' seng duan té' daho' aleng maring, 18#Lk 10:19; HST 28:3-6; Yak 5:14-15 daha' pah seng gem nyipa', awi daha' du'i ket aleng na matei, nusi' ket anan ngeperah daha', daha' pah metei usu té' daha' aleng perah, pelalau daha' seng magéh,” ken Na'.
Tuhan Yesus peju tei ha' Surga
Lk 24:50-53; HST 1:9-11
19 #
2 Laj 2:11; HST 1:9-11; 7:55; 1 Tim 3:16 Tegu Tuhan Yesus uh kuma' nunan men dalo', leka' nah Iha' peju tei ha' Surga, pelalau melo' pedah ta'o Allah. 20#Ib 2:4 Dalo' lim atih pah tei leka', tei pedengah dengah sayu anan tei hino'-hino', Tuhan pah nyadui dahin dalo' dahin nageng daho' atih dahin na' kuri-kuri tada' aleng ngavan ngeniheng.
Currently Selected:
MARKUS 16: TDK1990
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.
MARKUS 16
16
Tuhan Yesus nei peju murip nekulah
Mat 28:1-18; Lk 24:1-12; Yoh 20:1-10
1Dau Kelarah atih uh lalau, Maria Magdalena dahin Maria hinan Yakobus dahin Salome pah melé' tuk uro' bu sayu, ja dalo' tei musut na' té' Iha'. 2Tegu jihima pesun, dau aleng una' alem migu anan, nei nah dalo' ha' tanem aring matan dau musit. 3Ken dalo' pedeng dalo', “Seng hi aleng seng masi telo' muvin bato' ben tanem anih?” 4En dalo' nyineng bato' atih, beleka' uh luvin nah, avin bato' atih kelalau dekaya'. 5Tei nah dalo' atih alem halem tanem, en dalo' nyineng, beka' ji kelunan nyemaké' melo' pedah ta'o, aleng meté' basung puti. Ngeniheng nah dalo' doh atih. 6Ken na' men dalo' atih, “Meng nah kelo' ngeniheng. Kelo' ilau Yesus kelunan Nazaret aleng uh en daha' selepang atih. Uh peju nah Iha', nusi' té' Iha' tinih, nyineng nah ngavan daha' melo' Iha'. 7#Mat 26:32; Mk 14:28 Tei nah kelo', bara nah dalo' anak sekulah Na', dahin Petrus pah lahuh, Iha' seng tei una' té' kelo' tei ha' Galilea. Hinan nah kelo' seng jam Iha', awi kurin Na' men kelo' di.” 8Musang nah dalo' atih men tanem pelalau tepurung tei leka', avin dalo' ngetiwet takut dahin ngihau lahuh. Peletu em kaséh dalo' nira nun-nun men kelunan avin dalo' takut.#16:8 Balei surat menuna' mi'at daho' anih lahuh: Petimah nah dalo' atih tei bara dahun meliket atih men Petrus dahin men dalo' bakéh na'. Men'uh anan dih batung Yesus pah nyihu dalo' anak sekulah Na' tei pedengah Iha' men béh matan dau pa'un tei ateng ha' pedah matan dau uli tih, tei pedengah dengah aleng atek Ma'ang aleng em deng tasa', iha' tih dengah urip aleng pa'en-pa'en atih.
Tuhan Yesus tula té' Maria dahin té' dalo' anak sekulah Na'#16:9-20 Balei surat menuna' em té' joh-joh anih.
9 #
Lk 8:2
Tegu Yesus uh peju pesun-pesun té' dau aleng una' alem migu atih, tula nah Iha' una' té' Maria Magdalena. Men alem na' nah Tuhan Yesus uh mesau tusu to'. 10Tei nah doh atih bara dalo' aleng uh peji dahin Na', alem dalo' namu Iha' dahin nangih. 11Tegu dalo' atih kelenghi dengah Yesus uh murip, Iha' uh tula kitan doh anan lahuh, nusi' nah dalo' nginah.
12Baya men'uh anan, tula nah Iha' dahin dep jam Na' té' dawa' dua' la'ung men daha', alem dawa' ngeluveng alan tei ha' uma ha' béh. 13Dawa' anan pah uli dahin bara dengah anan men daha' ha' béh, nusi' pah daha' atih meté' dahun dawa'.
Yesus nyihu dalo' tei pedengah dengah sayu
Mat 28:16-20; Lk 24:36-49; Yoh 20:19-23; HST 1:6-8
14 #
1 Kor 15:5
Men'uh anan, alem dalo' melo' kuman, Yesus nei tula té' dalo' pulu-ji atih, en Na' mano' nah dalo' atih avin kurang kinah dalo', dahin mahing kenep dalo', avin dalo' em nginah dahun dalo' aleng uh jam Iha' men'uh Iha' nei peju. 15#HST 1:8 Té' pah Iha' kuma' men dalo', “Tei nah kelo' tutam ji ida langit anih, pedengah dengah sayu men daha' ha'ut-ha'ut la'ung. 16#HST 2:38 Té' pah kelunan aleng nginah dahin duh atih daha' seng ala urip, bi kelunan aleng em nginah, daha' seng ga' ukum. 17#HST 2:4,11; 10:46; 16:18 Anih nah tada' té' kelunan aleng nginah, alem aran Kui daha' seng mesau to', daha' seng duan té' daho' aleng maring, 18#Lk 10:19; HST 28:3-6; Yak 5:14-15 daha' pah seng gem nyipa', awi daha' du'i ket aleng na matei, nusi' ket anan ngeperah daha', daha' pah metei usu té' daha' aleng perah, pelalau daha' seng magéh,” ken Na'.
Tuhan Yesus peju tei ha' Surga
Lk 24:50-53; HST 1:9-11
19 #
2 Laj 2:11; HST 1:9-11; 7:55; 1 Tim 3:16 Tegu Tuhan Yesus uh kuma' nunan men dalo', leka' nah Iha' peju tei ha' Surga, pelalau melo' pedah ta'o Allah. 20#Ib 2:4 Dalo' lim atih pah tei leka', tei pedengah dengah sayu anan tei hino'-hino', Tuhan pah nyadui dahin dalo' dahin nageng daho' atih dahin na' kuri-kuri tada' aleng ngavan ngeniheng.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.