MARKUS 3
3
Tuhan Yesus petagéh ji laké' aleng matei uhat usu na'
Mat 12:9-14; Lk 6:6-11
1Men'uh anan tei nah Yesus ngelua' alem uma sebayang, té' pah tinan ji laké' aleng matei uhat usu na' bah ji. 2Daha' pah kelung nyineng Iha' bahi Iha' petagéh iha' té' Dau Kelarah, ja daha' deng pesala Iha'. 3Ken Yesus men laké' aleng matei uhat usu na' atih, “Nekring nah im té' hang daha'.” 4Ken Na' men daha' atih, “Tekep kah na aleng sayu tegu Dau Kelarah iah, na aleng ji'ek iah? Tekep pekurip hengan kelunan iah? Lematei na' iah?” Tepaka' tua daha' atih. 5#Yoh 11:33 Yesus nyineng teliling daha' atih dahin bunget, dahin ji'ek kenep Na' lahuh avin mahing kenep daha' atih, uh anan Iha' kuma' men laké' atih, “Jei nah usu ka'.” En na' jei nah usu na', pelalau sayu nah usu na'. 6#Mat 22:16; Lk 6:17-19 Kelunan Farisi atih musang, pelalau tengaran nah daha' dahin daha' aleng ngioh Herodes marung Yesus, nuno' kah tuk daha' deng lematei Iha'.
Yesus mebet to' dahin petagéh kelunan aleng perah
Mat 12:15-16; Lk 6:17-19
7 #
Lk 6:17-19
Leka' nah Yesus dahin dalo' anak sekulah Na' tei pala bawang atih, kelalau kahum kelunan men Galilea ngioh Iha' lahuh. Té' pah men Yudea, 8#Mat 4:25 men Yerusalem pah lahuh, dahin men Idumea, té' pah daha' nei men dipah Yordan, dahin daha' men uma-uma daha' aleng ha' Tirus dahin Sidon, kelalau kahum kelunan tei pala Iha' avin daha' jam dengah marung lim-lim hadui aleng dekaya' atih. 9#Mk 4:1; Lk 5:1-3 En Na' nyihu nah dalo' anak sekulah Na' nemei ji haruk uk patem men Iha' bahi daha' mamen Iha', 10avin kahum kelunan aleng uh en Na' petagéh, ateng kuri-kuri kelunan aleng uh ga' kelapit pah tei nagéh Iha', seng ngenep gem Iha'. 11#Lk 4:41 Tegu to' nyineng Yesus, pelalau nga'um nah daha' ha' unan Na', pelalau medéng, ken daha', “Ika' nah Anak Allah.” 12#Mk 1:34 En Yesus nangen nah daha' lelan em mun daha' pedengah Iha'.
Tuhan Yesus mili pulu-dua' anak sekulah
Mat 10:1-4; Lk 6:12-16
13Yesus tei ma'un ji ngalang, pelalau muvui dalo' aleng kenep Na', dalo' pah tei pala Iha'. 14En Na' petneng nah pulu-dua' la'ung kelunan ja dalo' atih pa'en dahin Na', ja dalo' tei pekatuk hu'en Na' lahuh, 15en Na' uk pah tingan mesau to'. 16#Yoh 1:42 En Na' petneng nah Simon, en Na' na aran na' Petrus, 17#Lk 9:54 dahin Yakobus dawa' Yohanes aleng peharin aleng anak Zebedeus, dawa' atih en Na' na aran dawa' Boanerges, aran na' atih, anak belaré'. 18Andreas ji, Filipus ji, Bartolomeus pah ji, dahin Matius, dahin Tomas, dahin Yakobus anak Alfeus, dahin Tadeus, dahin Simon kelunan Zelot, 19dahin Yudas Iskariot pah lahuh, iha' tih aleng nebau ma'uk Yesus.
Daha' Farisi peji'ek Belua' Ma'ang
Lk 11:14-23; 12:10
20Tei nah Yesus alem ji uma, daha' aleng kahum atih pah tei pepeng ngelua', ateng dalo' em havah kuman. 21#Yoh 7:20; 8:48-52; 10:20 Tula nah té' dalo' harin Yesus dengah anan di, musang nah dalo' atih seng ala Iha', avin ken dalo', “Iha' buling.”
22 #
Mat 9:34; 10:25 Nurei pah lim daha' aleng puboh surat Tuhan aleng hu'uh nei men Yerusalem, kuma', “Iha' melo' Beelzebul,” té' pah, “Kenan asi pengulu' to' Iha' mesau to',” ken daha'. 23Iha' Yesus muvui daha' pala Iha' dahin kuma' men daha' alem ivun, ken Na', “Seng nuno' tuk Setan seng deng mesau Setan? 24Awi té' ji keligem pano'-pano' pedeng na' dep, nusi' keligem anan deng ta'en. 25Awi ji uma pano'-pano' pedeng daha' dep, nusi' nah huang uma atih deng ta'en. 26Awi Setan nei peju pano'-pano' pedeng na' dep, dahin tei ken'an, nusi' pah iha' deng ta'en, bi atih nah ka'uh na'.
27“Ji la'ung pah em deng tei alem uma kelunan aleng tu'a, dahin nyilé' ketanun na'. Em iha' ngaput kelunan aleng tu'a atih una', nuréh iha' deng nyilé' uma na' atih.
28“Dahuk lan men ikam, lim-lim sala seng pebet men anak kelunan, nunan pah lim sala peji'ek aleng ngavan daha' peji'ek, 29#Lk 12:10 bi hi-hi aleng peji'ek Belua' Ma'ang, nusi' peletu sala na' anan pebet, bi pa'en tua sala na' atih.” 30#Mk 3:22 Nunan dahun Yesus, avin ken daha' atih, “Iha' té' to' nilung halem Na'.”
Hi kah hinan Tuhan Yesus dahin harin Na'?
Mat 12:46-50; Lk 8:19-21
31Nei nah hinan Yesus dahin dalo' harin Na', nekring hawang, dahin nyihu daha' duan Iha'. 32Kelunan kahum pah melo' teliling Iha'. Lun kuma' nah daha' men Iha', “Nyineng, Hinam dahin Harim nekring hawang, ilau Ika'.” 33Nyu'ei nah Iha' daha', ken Na', “Hi aleng Hinak dahin Harik?” 34Pelalau Iha' nyili dahin nyineng daha' aleng melo' teliling Iha', dahin kuma', “Nyineng, anih nah Hinak dahin Harik-harik. 35Hi-hi aleng ngioh kenep Allah, iha' nah aleng harin-aké' Kui dahin harin-doh Kui, dahin Hinak lahuh.”
Currently Selected:
MARKUS 3: TDK1990
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.
MARKUS 3
3
Tuhan Yesus petagéh ji laké' aleng matei uhat usu na'
Mat 12:9-14; Lk 6:6-11
1Men'uh anan tei nah Yesus ngelua' alem uma sebayang, té' pah tinan ji laké' aleng matei uhat usu na' bah ji. 2Daha' pah kelung nyineng Iha' bahi Iha' petagéh iha' té' Dau Kelarah, ja daha' deng pesala Iha'. 3Ken Yesus men laké' aleng matei uhat usu na' atih, “Nekring nah im té' hang daha'.” 4Ken Na' men daha' atih, “Tekep kah na aleng sayu tegu Dau Kelarah iah, na aleng ji'ek iah? Tekep pekurip hengan kelunan iah? Lematei na' iah?” Tepaka' tua daha' atih. 5#Yoh 11:33 Yesus nyineng teliling daha' atih dahin bunget, dahin ji'ek kenep Na' lahuh avin mahing kenep daha' atih, uh anan Iha' kuma' men laké' atih, “Jei nah usu ka'.” En na' jei nah usu na', pelalau sayu nah usu na'. 6#Mat 22:16; Lk 6:17-19 Kelunan Farisi atih musang, pelalau tengaran nah daha' dahin daha' aleng ngioh Herodes marung Yesus, nuno' kah tuk daha' deng lematei Iha'.
Yesus mebet to' dahin petagéh kelunan aleng perah
Mat 12:15-16; Lk 6:17-19
7 #
Lk 6:17-19
Leka' nah Yesus dahin dalo' anak sekulah Na' tei pala bawang atih, kelalau kahum kelunan men Galilea ngioh Iha' lahuh. Té' pah men Yudea, 8#Mat 4:25 men Yerusalem pah lahuh, dahin men Idumea, té' pah daha' nei men dipah Yordan, dahin daha' men uma-uma daha' aleng ha' Tirus dahin Sidon, kelalau kahum kelunan tei pala Iha' avin daha' jam dengah marung lim-lim hadui aleng dekaya' atih. 9#Mk 4:1; Lk 5:1-3 En Na' nyihu nah dalo' anak sekulah Na' nemei ji haruk uk patem men Iha' bahi daha' mamen Iha', 10avin kahum kelunan aleng uh en Na' petagéh, ateng kuri-kuri kelunan aleng uh ga' kelapit pah tei nagéh Iha', seng ngenep gem Iha'. 11#Lk 4:41 Tegu to' nyineng Yesus, pelalau nga'um nah daha' ha' unan Na', pelalau medéng, ken daha', “Ika' nah Anak Allah.” 12#Mk 1:34 En Yesus nangen nah daha' lelan em mun daha' pedengah Iha'.
Tuhan Yesus mili pulu-dua' anak sekulah
Mat 10:1-4; Lk 6:12-16
13Yesus tei ma'un ji ngalang, pelalau muvui dalo' aleng kenep Na', dalo' pah tei pala Iha'. 14En Na' petneng nah pulu-dua' la'ung kelunan ja dalo' atih pa'en dahin Na', ja dalo' tei pekatuk hu'en Na' lahuh, 15en Na' uk pah tingan mesau to'. 16#Yoh 1:42 En Na' petneng nah Simon, en Na' na aran na' Petrus, 17#Lk 9:54 dahin Yakobus dawa' Yohanes aleng peharin aleng anak Zebedeus, dawa' atih en Na' na aran dawa' Boanerges, aran na' atih, anak belaré'. 18Andreas ji, Filipus ji, Bartolomeus pah ji, dahin Matius, dahin Tomas, dahin Yakobus anak Alfeus, dahin Tadeus, dahin Simon kelunan Zelot, 19dahin Yudas Iskariot pah lahuh, iha' tih aleng nebau ma'uk Yesus.
Daha' Farisi peji'ek Belua' Ma'ang
Lk 11:14-23; 12:10
20Tei nah Yesus alem ji uma, daha' aleng kahum atih pah tei pepeng ngelua', ateng dalo' em havah kuman. 21#Yoh 7:20; 8:48-52; 10:20 Tula nah té' dalo' harin Yesus dengah anan di, musang nah dalo' atih seng ala Iha', avin ken dalo', “Iha' buling.”
22 #
Mat 9:34; 10:25 Nurei pah lim daha' aleng puboh surat Tuhan aleng hu'uh nei men Yerusalem, kuma', “Iha' melo' Beelzebul,” té' pah, “Kenan asi pengulu' to' Iha' mesau to',” ken daha'. 23Iha' Yesus muvui daha' pala Iha' dahin kuma' men daha' alem ivun, ken Na', “Seng nuno' tuk Setan seng deng mesau Setan? 24Awi té' ji keligem pano'-pano' pedeng na' dep, nusi' keligem anan deng ta'en. 25Awi ji uma pano'-pano' pedeng daha' dep, nusi' nah huang uma atih deng ta'en. 26Awi Setan nei peju pano'-pano' pedeng na' dep, dahin tei ken'an, nusi' pah iha' deng ta'en, bi atih nah ka'uh na'.
27“Ji la'ung pah em deng tei alem uma kelunan aleng tu'a, dahin nyilé' ketanun na'. Em iha' ngaput kelunan aleng tu'a atih una', nuréh iha' deng nyilé' uma na' atih.
28“Dahuk lan men ikam, lim-lim sala seng pebet men anak kelunan, nunan pah lim sala peji'ek aleng ngavan daha' peji'ek, 29#Lk 12:10 bi hi-hi aleng peji'ek Belua' Ma'ang, nusi' peletu sala na' anan pebet, bi pa'en tua sala na' atih.” 30#Mk 3:22 Nunan dahun Yesus, avin ken daha' atih, “Iha' té' to' nilung halem Na'.”
Hi kah hinan Tuhan Yesus dahin harin Na'?
Mat 12:46-50; Lk 8:19-21
31Nei nah hinan Yesus dahin dalo' harin Na', nekring hawang, dahin nyihu daha' duan Iha'. 32Kelunan kahum pah melo' teliling Iha'. Lun kuma' nah daha' men Iha', “Nyineng, Hinam dahin Harim nekring hawang, ilau Ika'.” 33Nyu'ei nah Iha' daha', ken Na', “Hi aleng Hinak dahin Harik?” 34Pelalau Iha' nyili dahin nyineng daha' aleng melo' teliling Iha', dahin kuma', “Nyineng, anih nah Hinak dahin Harik-harik. 35Hi-hi aleng ngioh kenep Allah, iha' nah aleng harin-aké' Kui dahin harin-doh Kui, dahin Hinak lahuh.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Today's Dahun Kayan Version © Bible Society of Malaysia, 1990.