Seb 4
4
Ukubotshwa kukaPetro loJohane
1Kwathi besakhuluma ebantwini, abapristi lenduna yethempeli labaSadusi babafikela, 2benengekile ngoba babefundisa abantu betshumayela ukuvuka kwabafileyo ngoJesu, 3bababamba, babafaka entolongweni kwaze kwaba kusasa, ngoba kwasekuhlwile. 4Kodwa abanengi abalizwayo ilizwi bakholwa; ubunengi bamadoda babungaba zinkulungwane ezinhlanu.
5Kwathi kusasa kwabuthana eJerusalema ababusi labadala lababhali, 6kanye loAnasi umpristi omkhulu, loKayafasi, loJohane, loAleksandro, labo bonke abendlu yompristi omkhulu; 7sebebamise phakathi kwabo, bababuza bathi: Lokhu likwenze ngawaphi amandla ingabe ngaliphi ibizo na? 8Kwang’khona uPetro egcwele uMoya oNgcwele wathi kubo: Babusi babantu labadala, 9nxa sibuzwa lamuhla ngomsebenzi omuhle owenziweyo emuntwini oyisilima ukuba yena usiliswe ngani, 10yazini lonke kanye laso sonke isizwe sakoIsrayeli ukuthi ngebizo likaJesu Kristu waseNazaretha elambethelayo, amvusayo kwabafileyo uNkulunkulu, ngaye lumuntu umi phambi kwenu esesilile. 11UJesu lo uyilitshe elaliwa ngabakhi, kodwa eseliyinhloko yengonsi.#Hubo 118:22 12Kakukho ukusiliswa ngomunye, ngoba kalikho elinye ibizo ngaphansi kwezulu elinikiweyo ebantwini, esingasiliswa ngalo.
13Kwathi bebona isibindi sikaPetro loJohane, besazi ukuthi kabafundanga, bangabantu nje, bamangala; babazi ukuba babeloJesu; 14kodwa bebona umuntu osilisiweyo emi labo, babengelakuphika ulutho. 15Kodwa sebebalayile ukuba baphume emphakathini bakhulumisana bodwa, 16besithi: Sizakubenza njani lababantu na? Ngoba kusobala kubo bonke abahlezi eJerusalema ukuthi isibonakaliso esidumisekayo senziwa yibo, singekuphike. 17Kodwa ukuze kungabe kusanda phakathi kwabantu, asibaqonqosele ukuthi bangabe besakhuluma lamuntu ngalelibizo. 18Basebebabiza, babalaya ukuthi bangakhulumi, bangafundisi lakanye ngebizo likaJesu. 19Kodwa uPetro loJohane babaphendula bathi: Yahlukanisani lina ukuba kulungile yini phambi kukaNkulunkulu ukulalela lina kulokulalela uNkulunkulu, 20ngoba thina kasilakuyekela ukukhuluma ngalokho esikubonileyo lesikuzwileyo. 21Kwathi sebebaqonqosele futhi, babayekela; kabafumananga indlela yokubatshaya, ngoba bonke abantu basebedumisa uNkulunkulu ngalokho okwenzekileyo; 22ngoba umuntu esenziwa kuye lesisibonakaliso sokusilisa wayeleminyaka edlula amatshumi amane.
Ukukhuleka kwebandla
23Kwathi sebeyekelwe basuka baya kwabakibo, bababikela ngalokho abapristi abakhulu labadala abakutshiloyo kubo. 24Kwathi bona sebekuzwile baphakamisela ilizwi labo nganhliziyonye kuNkulunkulu, bathi: Nkosi, Somandla, wena owenza izulu lomhlaba lolwandle lakho konke okukukho,#Eks 20:11; Neh 9:6; Hubo 146:6 25owatsho ngoMoya oNgcwele ngomlomo kakhokho uDavida inceku yakho wathi:
Kungani ukuba abezizwe baxokozele,
labantu banakane okuyize na?#Hubo 2:1, 2
26Amakhosi omhlaba azihlela,
lababusi bahlangana ndawonye
ukuhlanganyela iNkosi loGcotshiweyo wayo.
27Ngoba impela kulumuzi uHerodi loPontiyusi Pilatu, kanye labezizwe labantu bakoIsrayeli, bahlangana ndawonye ukuhlanganyela iNceku yakho engcwele uJesu owamgcobayo,#Mat 27:1, 2; Mark 15:1; Luka 23:1, 7–11; Joha 18:28, 29 28ukwenza lokho okwamiswa phambili yisandla sakho lecebo lakho ukuba kwenzeke. 29Ngakhoke, Nkosi, khangela ukusonga kwabo, unike inceku zakho ukuba zikhulume ilizwi lakho ngesibindi sonke 30ngokwelula isandla sakho ukusilisa, kwenziwe izibonakaliso lezimangaliso ngebizo leNceku yakho engcwele uJesu. 31Kwathi sebekhulekile, kwazanyazanyiswa indawo ababebuthene kuyo, bagcwaliswa ngoMoya oNgcwele bonke, bakhuluma ilizwi likaNkulunkulu ngesibindi.
Ukuhlanganyela kwebandla izinto zonke
32Ixuku labakholwayo lalinhliziyonye lomoya munye; kungekho loyedwa owathi impahla zakhe zingezakhe, kodwa bahlanganyela izinto zonke.#Seb 2:44, 45 33Abaphostoli baveza ngamandla amakhulu ubufakazi babo ngokuvuka kweNkosi uJesu; lomusa omkhulu waba phezu kwabo bonke. 34Kwakungekho oswelayo phakathi kwabo; ngoba bonke ababelemihlaba ingabe izindlu bazithengisa, baletha imali yalokho okuthengisiweyo, 35bayibeka ngasenyaweni zabaphostoli; kwaba yilowo lalowo wabelwa njengokuswela kwakhe. 36Kwathi uJosefa owabizwa ngabaphostoli ngokuthi nguBarnabasi, okuyikuthi indodana yokududuza, umLevi waseKuprosi ngokuzalwa, 37elesiqinti, wasithengisa, waletha imali, wayibeka ngasenyaweni zabaphostoli.
Currently Selected:
Seb 4: BE1978
Highlight
Share
Copy
Want to have your highlights saved across all your devices? Sign up or sign in
Bible Society of Zimbabwe 1978
Seb 4
4
Ukubotshwa kukaPetro loJohane
1Kwathi besakhuluma ebantwini, abapristi lenduna yethempeli labaSadusi babafikela, 2benengekile ngoba babefundisa abantu betshumayela ukuvuka kwabafileyo ngoJesu, 3bababamba, babafaka entolongweni kwaze kwaba kusasa, ngoba kwasekuhlwile. 4Kodwa abanengi abalizwayo ilizwi bakholwa; ubunengi bamadoda babungaba zinkulungwane ezinhlanu.
5Kwathi kusasa kwabuthana eJerusalema ababusi labadala lababhali, 6kanye loAnasi umpristi omkhulu, loKayafasi, loJohane, loAleksandro, labo bonke abendlu yompristi omkhulu; 7sebebamise phakathi kwabo, bababuza bathi: Lokhu likwenze ngawaphi amandla ingabe ngaliphi ibizo na? 8Kwang’khona uPetro egcwele uMoya oNgcwele wathi kubo: Babusi babantu labadala, 9nxa sibuzwa lamuhla ngomsebenzi omuhle owenziweyo emuntwini oyisilima ukuba yena usiliswe ngani, 10yazini lonke kanye laso sonke isizwe sakoIsrayeli ukuthi ngebizo likaJesu Kristu waseNazaretha elambethelayo, amvusayo kwabafileyo uNkulunkulu, ngaye lumuntu umi phambi kwenu esesilile. 11UJesu lo uyilitshe elaliwa ngabakhi, kodwa eseliyinhloko yengonsi.#Hubo 118:22 12Kakukho ukusiliswa ngomunye, ngoba kalikho elinye ibizo ngaphansi kwezulu elinikiweyo ebantwini, esingasiliswa ngalo.
13Kwathi bebona isibindi sikaPetro loJohane, besazi ukuthi kabafundanga, bangabantu nje, bamangala; babazi ukuba babeloJesu; 14kodwa bebona umuntu osilisiweyo emi labo, babengelakuphika ulutho. 15Kodwa sebebalayile ukuba baphume emphakathini bakhulumisana bodwa, 16besithi: Sizakubenza njani lababantu na? Ngoba kusobala kubo bonke abahlezi eJerusalema ukuthi isibonakaliso esidumisekayo senziwa yibo, singekuphike. 17Kodwa ukuze kungabe kusanda phakathi kwabantu, asibaqonqosele ukuthi bangabe besakhuluma lamuntu ngalelibizo. 18Basebebabiza, babalaya ukuthi bangakhulumi, bangafundisi lakanye ngebizo likaJesu. 19Kodwa uPetro loJohane babaphendula bathi: Yahlukanisani lina ukuba kulungile yini phambi kukaNkulunkulu ukulalela lina kulokulalela uNkulunkulu, 20ngoba thina kasilakuyekela ukukhuluma ngalokho esikubonileyo lesikuzwileyo. 21Kwathi sebebaqonqosele futhi, babayekela; kabafumananga indlela yokubatshaya, ngoba bonke abantu basebedumisa uNkulunkulu ngalokho okwenzekileyo; 22ngoba umuntu esenziwa kuye lesisibonakaliso sokusilisa wayeleminyaka edlula amatshumi amane.
Ukukhuleka kwebandla
23Kwathi sebeyekelwe basuka baya kwabakibo, bababikela ngalokho abapristi abakhulu labadala abakutshiloyo kubo. 24Kwathi bona sebekuzwile baphakamisela ilizwi labo nganhliziyonye kuNkulunkulu, bathi: Nkosi, Somandla, wena owenza izulu lomhlaba lolwandle lakho konke okukukho,#Eks 20:11; Neh 9:6; Hubo 146:6 25owatsho ngoMoya oNgcwele ngomlomo kakhokho uDavida inceku yakho wathi:
Kungani ukuba abezizwe baxokozele,
labantu banakane okuyize na?#Hubo 2:1, 2
26Amakhosi omhlaba azihlela,
lababusi bahlangana ndawonye
ukuhlanganyela iNkosi loGcotshiweyo wayo.
27Ngoba impela kulumuzi uHerodi loPontiyusi Pilatu, kanye labezizwe labantu bakoIsrayeli, bahlangana ndawonye ukuhlanganyela iNceku yakho engcwele uJesu owamgcobayo,#Mat 27:1, 2; Mark 15:1; Luka 23:1, 7–11; Joha 18:28, 29 28ukwenza lokho okwamiswa phambili yisandla sakho lecebo lakho ukuba kwenzeke. 29Ngakhoke, Nkosi, khangela ukusonga kwabo, unike inceku zakho ukuba zikhulume ilizwi lakho ngesibindi sonke 30ngokwelula isandla sakho ukusilisa, kwenziwe izibonakaliso lezimangaliso ngebizo leNceku yakho engcwele uJesu. 31Kwathi sebekhulekile, kwazanyazanyiswa indawo ababebuthene kuyo, bagcwaliswa ngoMoya oNgcwele bonke, bakhuluma ilizwi likaNkulunkulu ngesibindi.
Ukuhlanganyela kwebandla izinto zonke
32Ixuku labakholwayo lalinhliziyonye lomoya munye; kungekho loyedwa owathi impahla zakhe zingezakhe, kodwa bahlanganyela izinto zonke.#Seb 2:44, 45 33Abaphostoli baveza ngamandla amakhulu ubufakazi babo ngokuvuka kweNkosi uJesu; lomusa omkhulu waba phezu kwabo bonke. 34Kwakungekho oswelayo phakathi kwabo; ngoba bonke ababelemihlaba ingabe izindlu bazithengisa, baletha imali yalokho okuthengisiweyo, 35bayibeka ngasenyaweni zabaphostoli; kwaba yilowo lalowo wabelwa njengokuswela kwakhe. 36Kwathi uJosefa owabizwa ngabaphostoli ngokuthi nguBarnabasi, okuyikuthi indodana yokududuza, umLevi waseKuprosi ngokuzalwa, 37elesiqinti, wasithengisa, waletha imali, wayibeka ngasenyaweni zabaphostoli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zimbabwe 1978