Gen 29
29
Ukubonana kukaJakobe lezihlobo zakhe
1UJakobe wasehamba, wafika elizweni labantu basempumalanga. 2Wakhangela, wabona umthombo emmangweni lemihlambi emithathu yezimvu ilele khona, ngoba imihlambi yayinathiswa kulowomthombo; kwakukhona emlonyeni womthombo ilitshe elikhulu. 3Yonke imihlambi yabuthelwa khona, sebelisusile ilitshe emlonyeni womthombo banathisa izimvu, basebebuyisela ilitshe emlonyeni womthombo endaweni yalo.
4UJakobe wasesithi kibo: Bazalwane, lingaba ngaphi na? Bathi: Singabe eHarana. 5Wathi kibo: Liyamazi uLabani indodana kaNahori na? Bathi: Siyamazi. 6Wathi kibo: Uyaphila na? Bathi: Uyaphila; khangela, nangu uRaheli indodakazi yakhe, uyeza lezimvu. 7Wasesithi: Khangelani, kusesemini, kasiso isikhathi sokubuthanisa izinkomo; nathisani izimvu, lizise emadlelweni. 8Bathi: Singekwenze lokhu ingakabuthani imihlambi yonke, lelitshe lisuswe emlonyeni womthombo; khona sizakunathisa izimvu.
9Esakhuluma labo, uRaheli wafika lezimvu zikayise, ngoba wayezalusa. 10Kwathi uJakobe ebona uRaheli indodakazi kaLabani umalumakhe lezimvu zikaLabani, wasondela, wasusa ilitshe emlonyeni womthombo, wawunathisa umhlambi kaLabani umalumakhe. 11UJakobe wamanga uRaheli, wakhala ngokuthokoza. 12UJakobe wasemtshela uRaheli ukuthi uyisihlobo sikayise lokuthi uyindodana kaRebeka. Yena wagijima, watshela uyise.
13Kwathi uLabani esezwile indaba kaJakobe indodana kadadewabo, wagijima ukuyamhlangabeza, wamgona, wamanga, wamngenisa endlini yakhe. UJakobe wasemtshela uLabani konke. 14ULabani wathi kuye: Impela ungowegazi lami. Wahlala laye inyanga yonke.
UJakobe uthatha uLeya loRaheli
15ULabani wasesithi kuJakobe: Njengoba uyisihlobo sami, uzangisebenzela kodwa na? Ngitshela ukuthi umvuzo wakho uzakuba yini? 16ULabani wayelamadodakazi amabili, ibizo lenkulu linguLeya lebizo lencinyane linguRaheli. 17Amehlo kaLeya ayebuthakathaka, kodwa uRaheli wayeloluthi oluhle ebukeka. 18UJakobe wamthanda uRaheli. Wathi: Ngizakukusebenzela iminyaka eyisikhombisa ngoRaheli indodakazi yakho encane. 19ULabani wathi: Kungcono ukuba ngimnike wena kulokuba ngimnike enye indoda; hlala lami. 20UJakobe wasemsebenzela iminyaka eyisikhombisa uRaheli; kuye yaba kungathi zinsuku ezilutshwana nje ngenxa yokumthanda kwakhe.
21UJakobe wasesithi kuLabani: Ngipha umkami ngingene kuye ngoba seziphelile insuku zami. 22ULabani wabuthanisa wonke amadoda aleyondawo, wenza idili. 23Kwathi kusihlwa wasethatha uLeya indodakazi yakhe wamusa kuJakobe owangena laye engutsheni. 24ULabani wanika indodakazi yakhe uLeya incekukazi yakhe uZilipa ukuba abe yincekukazi yakhe. 25Kwathi ekuseni uJakobe wabona ukuthi ubenikwe uLeya; ngakho wathi kuLabani: Wenzeni kimi na? Kangimsebenzelanga uRaheli kuwe na? Pho, ungikhohliseleni na? 26ULabani wathi: Endaweni yakithi kakwendiswa omncinyane ngaphambi komdala. 27Qeda ukuthatha lowo andubana sikunike lomunye ngomsebenzi osezakungenzela wona eminye iminyaka eyisikhombisa. 28UJakobe wenza njalo; eseqedile ukumthatha, uLabani wamnika uRaheli indodakazi yakhe waba ngumkakhe. 29ULabani wamnika uRaheli indodakazi yakhe uBiliha incekukazi yakhe, abe yincekukazi yakhe. 30UJakobe waselala loRaheli; wamthanda uRaheli kakhulu kuloLeya, wasemsebenzela uLabani eminye iminyaka eyisikhombisa.
Abantwana abazalelwa uJakobe
31INkosi yasibona ukuthi uLeya wayezondwa, yavula isizalo sakhe, kodwa uRaheli wayeyinyumba. 32ULeya wathatha isisu, wazala indodana, wayitha ibizo wathi nguRubeni, ngoba wathi: INkosi ibonile inhlupheko yami; khathesi indoda yami izakungithanda. 33Wabuya wathatha isisu, wazala indodana, wathi: Njengoba iNkosi izwile ukuthi ngiyazondwa, inginike lalindodana; wayitha ibizo wathi nguSimeyoni. 34Wabuya wakhulelwa, wazala indodana; wathi: Ngalesisikhathi indoda yami izanamathela kimi, ngoba ngiyizalele amadodana amathathu; ngalokhu yabizwa ngokuthi nguLevi. 35Waphinda wakhulelwa, wazala indodana; wathi: Ngalesisikhathi sengizakuyidumisa iNkosi; ngakho wayitha ibizo wathi nguJuda; wasesima ukuzala.
Currently Selected:
Gen 29: BE1978
Highlight
Share
Copy
Want to have your highlights saved across all your devices? Sign up or sign in
Bible Society of Zimbabwe 1978
Gen 29
29
Ukubonana kukaJakobe lezihlobo zakhe
1UJakobe wasehamba, wafika elizweni labantu basempumalanga. 2Wakhangela, wabona umthombo emmangweni lemihlambi emithathu yezimvu ilele khona, ngoba imihlambi yayinathiswa kulowomthombo; kwakukhona emlonyeni womthombo ilitshe elikhulu. 3Yonke imihlambi yabuthelwa khona, sebelisusile ilitshe emlonyeni womthombo banathisa izimvu, basebebuyisela ilitshe emlonyeni womthombo endaweni yalo.
4UJakobe wasesithi kibo: Bazalwane, lingaba ngaphi na? Bathi: Singabe eHarana. 5Wathi kibo: Liyamazi uLabani indodana kaNahori na? Bathi: Siyamazi. 6Wathi kibo: Uyaphila na? Bathi: Uyaphila; khangela, nangu uRaheli indodakazi yakhe, uyeza lezimvu. 7Wasesithi: Khangelani, kusesemini, kasiso isikhathi sokubuthanisa izinkomo; nathisani izimvu, lizise emadlelweni. 8Bathi: Singekwenze lokhu ingakabuthani imihlambi yonke, lelitshe lisuswe emlonyeni womthombo; khona sizakunathisa izimvu.
9Esakhuluma labo, uRaheli wafika lezimvu zikayise, ngoba wayezalusa. 10Kwathi uJakobe ebona uRaheli indodakazi kaLabani umalumakhe lezimvu zikaLabani, wasondela, wasusa ilitshe emlonyeni womthombo, wawunathisa umhlambi kaLabani umalumakhe. 11UJakobe wamanga uRaheli, wakhala ngokuthokoza. 12UJakobe wasemtshela uRaheli ukuthi uyisihlobo sikayise lokuthi uyindodana kaRebeka. Yena wagijima, watshela uyise.
13Kwathi uLabani esezwile indaba kaJakobe indodana kadadewabo, wagijima ukuyamhlangabeza, wamgona, wamanga, wamngenisa endlini yakhe. UJakobe wasemtshela uLabani konke. 14ULabani wathi kuye: Impela ungowegazi lami. Wahlala laye inyanga yonke.
UJakobe uthatha uLeya loRaheli
15ULabani wasesithi kuJakobe: Njengoba uyisihlobo sami, uzangisebenzela kodwa na? Ngitshela ukuthi umvuzo wakho uzakuba yini? 16ULabani wayelamadodakazi amabili, ibizo lenkulu linguLeya lebizo lencinyane linguRaheli. 17Amehlo kaLeya ayebuthakathaka, kodwa uRaheli wayeloluthi oluhle ebukeka. 18UJakobe wamthanda uRaheli. Wathi: Ngizakukusebenzela iminyaka eyisikhombisa ngoRaheli indodakazi yakho encane. 19ULabani wathi: Kungcono ukuba ngimnike wena kulokuba ngimnike enye indoda; hlala lami. 20UJakobe wasemsebenzela iminyaka eyisikhombisa uRaheli; kuye yaba kungathi zinsuku ezilutshwana nje ngenxa yokumthanda kwakhe.
21UJakobe wasesithi kuLabani: Ngipha umkami ngingene kuye ngoba seziphelile insuku zami. 22ULabani wabuthanisa wonke amadoda aleyondawo, wenza idili. 23Kwathi kusihlwa wasethatha uLeya indodakazi yakhe wamusa kuJakobe owangena laye engutsheni. 24ULabani wanika indodakazi yakhe uLeya incekukazi yakhe uZilipa ukuba abe yincekukazi yakhe. 25Kwathi ekuseni uJakobe wabona ukuthi ubenikwe uLeya; ngakho wathi kuLabani: Wenzeni kimi na? Kangimsebenzelanga uRaheli kuwe na? Pho, ungikhohliseleni na? 26ULabani wathi: Endaweni yakithi kakwendiswa omncinyane ngaphambi komdala. 27Qeda ukuthatha lowo andubana sikunike lomunye ngomsebenzi osezakungenzela wona eminye iminyaka eyisikhombisa. 28UJakobe wenza njalo; eseqedile ukumthatha, uLabani wamnika uRaheli indodakazi yakhe waba ngumkakhe. 29ULabani wamnika uRaheli indodakazi yakhe uBiliha incekukazi yakhe, abe yincekukazi yakhe. 30UJakobe waselala loRaheli; wamthanda uRaheli kakhulu kuloLeya, wasemsebenzela uLabani eminye iminyaka eyisikhombisa.
Abantwana abazalelwa uJakobe
31INkosi yasibona ukuthi uLeya wayezondwa, yavula isizalo sakhe, kodwa uRaheli wayeyinyumba. 32ULeya wathatha isisu, wazala indodana, wayitha ibizo wathi nguRubeni, ngoba wathi: INkosi ibonile inhlupheko yami; khathesi indoda yami izakungithanda. 33Wabuya wathatha isisu, wazala indodana, wathi: Njengoba iNkosi izwile ukuthi ngiyazondwa, inginike lalindodana; wayitha ibizo wathi nguSimeyoni. 34Wabuya wakhulelwa, wazala indodana; wathi: Ngalesisikhathi indoda yami izanamathela kimi, ngoba ngiyizalele amadodana amathathu; ngalokhu yabizwa ngokuthi nguLevi. 35Waphinda wakhulelwa, wazala indodana; wathi: Ngalesisikhathi sengizakuyidumisa iNkosi; ngakho wayitha ibizo wathi nguJuda; wasesima ukuzala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zimbabwe 1978