Joha 21
21
UJesu uzibonakalisa kubafundi bakhe ngasolwandle lwase Tiberiyasi
1Emva kwalokhu uJesu wazibonakalisa kubafundi bakhe futhi ngasolwandle lwaseTiberiyasi; wazibonakalisa ngalindlela. 2Babendawonye oSimoni Petro, loTomasi othiwa liPhahla loNathanyeli weKana elaseGalili, amadodana kaZebediya, labanye abafundi ababili. 3USimoni Petro wathi kubo: Ngiyagola inhlanzi. Bathi kuye: Lathi sizahamba lawe. Basebephuma, bangena emkolweni; kodwa kababambanga lutho ngalobobusuku.#Luka 5:5
4Kwathi emadabukakusa, uJesu wema okhunjini. Kodwa abafundi babengazi ukuthi nguJesu. 5Ngakho uJesu wathi kubo: Bangane, lilakho nje ukudla na? Bamphendula bathi: Atshi. 6Wasesithi kubo: Phosani imbule ngakwesokunene somkolo, lizakuzuza. Basebephosa; ngenxa yobunengi benhlanzi abazibambayo bahluleka ukulidonsa.#Luka 5:6 7Khona lowomfundi owayethandwa nguJesu wathi kuPetro: YiNkosi. UPetro esezwile ukuthi yiNkosi, wagqoka izigqoko zakhe ngoba wayekhululele umsebenzi, weqela olwandle. 8Kodwa abanye abafundi beza ngomkolo, bedonsa imbule ligcwele inhlanzi, ngoba babengekhatshana lomhlabathi, kodwa kungaba zingalo ezilikhulu. 9Kwathi sebekhuphukele emhlabathini, babona umlilo wamalahle lapho, kulenhlanzi phezu kwawo, lesinkwa. 10UJesu wathi kubo: Lethani ezinye inhlanzi elisand’ukuzibamba. 11USimoni Petro wasengena emkolweni, wahudulela emhlabathini imbule, ligcwele inhlanzi ezinkulu, ikhulu lamatshumi amahlanu lantathu; loba zazinengi kangaka imbule kalidabukanga. 12UJesu wathi kubo: Wozani lidle. Kodwa kakho kubafundi owaba lesibindi sokumbuza ukuthi: Ungubani wena na? Ngoba bakwazi ukuthi yiyo iNkosi. 13UJesu weza, wathatha isinkwa, wabanika, lenhlanzi lazo njalo. 14Lokhu sekungokwesithathu uJesu ezibonakalisa kubafundi, esevukile kwabafileyo.
Ukukholwa kukaPetro
15Sebedlile, uJesu wathi kuSimoni Petro: Simoni, ndodana kaJohane, uyangithanda kulalaba na? Yena wathi: Yebo, Nkosi, uyazi ukuthi ngiyakuthanda. Wathi kuye: Phana amawundlu ami ukudla. 16Wathi kuye ngokwesibili: Simoni, ndodana kaJohane, uyangithanda na? Wathi kuye: Yebo, Nkosi, uyazi ukuthi ngiyakuthanda. Wasesithi kuye: Yalusa izimvu zami. 17Wathi kuye ngokwesithathu: Simoni, ndodana kaJohane, uyangithanda na? UPetro wadabuka ngoba wathi kuye ngokwesithathu: Uyangithanda na? Ngakho wathi kuye: Nkosi, uyakwazi konke, uyakwazi ukuthi ngiyakuthanda. UJesu wathi: Phana izimvu zami ukudla. 18Ngiqinisile, ngiqinisile ngithi kuwe: Usemutsha wawuzigqokisa uhambe lapho uthanda khona; kodwa nxa usumdala, uzakwelula izandla zakho, omunye akugqokise, akuse lapho ongathandi ukuya khona. 19Watsho lokhu etshengisa ukufa ayezakudumisa uNkulunkulu ngakho. Esetshilo lokhu wathi: Ngilandela.
20UPetro ephenduka wabona umfundi uJesu amthandayo elandela, yena futhi owayeyeme esifubeni sakhe ekudleni owathi: Nkosi, ngubani ozakukunikela na?#Joha 13:25 21Kwathi uPetro embona wathi kuJesu: Nkosi, loke? 22UJesu wathi kuye: Uba ngithanda ukuba ahlale ngize ngifike, kulani lokho lawe na? Ngilandela wena. 23Ngakhoke lelilizwi laphumela kubazalwane ukuthi lowomfundi kayikufa. Kanti uJesu katshongo ukuthi kayikufa, kodwa wathi: Uba ngithanda ukuba ahlale ngize ngifike, kulani lokho lawe na?
Isicino
24Nguye lowomfundi ofakaza ngalezizinto, lozilobileyo; siyazi ukuthi ubufakazi bakhe buliqiniso.
25Kodwake zikhona ezinye izinto ezinengi uJesu azenzayo; uba bezilotshiwe zonke ngazinye, ngithi umhlaba wonke ubungezanele incwadi ebezingalotshwa.
Currently Selected:
Joha 21: BE1978
Highlight
Share
Copy
Want to have your highlights saved across all your devices? Sign up or sign in
Bible Society of Zimbabwe 1978
Joha 21
21
UJesu uzibonakalisa kubafundi bakhe ngasolwandle lwase Tiberiyasi
1Emva kwalokhu uJesu wazibonakalisa kubafundi bakhe futhi ngasolwandle lwaseTiberiyasi; wazibonakalisa ngalindlela. 2Babendawonye oSimoni Petro, loTomasi othiwa liPhahla loNathanyeli weKana elaseGalili, amadodana kaZebediya, labanye abafundi ababili. 3USimoni Petro wathi kubo: Ngiyagola inhlanzi. Bathi kuye: Lathi sizahamba lawe. Basebephuma, bangena emkolweni; kodwa kababambanga lutho ngalobobusuku.#Luka 5:5
4Kwathi emadabukakusa, uJesu wema okhunjini. Kodwa abafundi babengazi ukuthi nguJesu. 5Ngakho uJesu wathi kubo: Bangane, lilakho nje ukudla na? Bamphendula bathi: Atshi. 6Wasesithi kubo: Phosani imbule ngakwesokunene somkolo, lizakuzuza. Basebephosa; ngenxa yobunengi benhlanzi abazibambayo bahluleka ukulidonsa.#Luka 5:6 7Khona lowomfundi owayethandwa nguJesu wathi kuPetro: YiNkosi. UPetro esezwile ukuthi yiNkosi, wagqoka izigqoko zakhe ngoba wayekhululele umsebenzi, weqela olwandle. 8Kodwa abanye abafundi beza ngomkolo, bedonsa imbule ligcwele inhlanzi, ngoba babengekhatshana lomhlabathi, kodwa kungaba zingalo ezilikhulu. 9Kwathi sebekhuphukele emhlabathini, babona umlilo wamalahle lapho, kulenhlanzi phezu kwawo, lesinkwa. 10UJesu wathi kubo: Lethani ezinye inhlanzi elisand’ukuzibamba. 11USimoni Petro wasengena emkolweni, wahudulela emhlabathini imbule, ligcwele inhlanzi ezinkulu, ikhulu lamatshumi amahlanu lantathu; loba zazinengi kangaka imbule kalidabukanga. 12UJesu wathi kubo: Wozani lidle. Kodwa kakho kubafundi owaba lesibindi sokumbuza ukuthi: Ungubani wena na? Ngoba bakwazi ukuthi yiyo iNkosi. 13UJesu weza, wathatha isinkwa, wabanika, lenhlanzi lazo njalo. 14Lokhu sekungokwesithathu uJesu ezibonakalisa kubafundi, esevukile kwabafileyo.
Ukukholwa kukaPetro
15Sebedlile, uJesu wathi kuSimoni Petro: Simoni, ndodana kaJohane, uyangithanda kulalaba na? Yena wathi: Yebo, Nkosi, uyazi ukuthi ngiyakuthanda. Wathi kuye: Phana amawundlu ami ukudla. 16Wathi kuye ngokwesibili: Simoni, ndodana kaJohane, uyangithanda na? Wathi kuye: Yebo, Nkosi, uyazi ukuthi ngiyakuthanda. Wasesithi kuye: Yalusa izimvu zami. 17Wathi kuye ngokwesithathu: Simoni, ndodana kaJohane, uyangithanda na? UPetro wadabuka ngoba wathi kuye ngokwesithathu: Uyangithanda na? Ngakho wathi kuye: Nkosi, uyakwazi konke, uyakwazi ukuthi ngiyakuthanda. UJesu wathi: Phana izimvu zami ukudla. 18Ngiqinisile, ngiqinisile ngithi kuwe: Usemutsha wawuzigqokisa uhambe lapho uthanda khona; kodwa nxa usumdala, uzakwelula izandla zakho, omunye akugqokise, akuse lapho ongathandi ukuya khona. 19Watsho lokhu etshengisa ukufa ayezakudumisa uNkulunkulu ngakho. Esetshilo lokhu wathi: Ngilandela.
20UPetro ephenduka wabona umfundi uJesu amthandayo elandela, yena futhi owayeyeme esifubeni sakhe ekudleni owathi: Nkosi, ngubani ozakukunikela na?#Joha 13:25 21Kwathi uPetro embona wathi kuJesu: Nkosi, loke? 22UJesu wathi kuye: Uba ngithanda ukuba ahlale ngize ngifike, kulani lokho lawe na? Ngilandela wena. 23Ngakhoke lelilizwi laphumela kubazalwane ukuthi lowomfundi kayikufa. Kanti uJesu katshongo ukuthi kayikufa, kodwa wathi: Uba ngithanda ukuba ahlale ngize ngifike, kulani lokho lawe na?
Isicino
24Nguye lowomfundi ofakaza ngalezizinto, lozilobileyo; siyazi ukuthi ubufakazi bakhe buliqiniso.
25Kodwake zikhona ezinye izinto ezinengi uJesu azenzayo; uba bezilotshiwe zonke ngazinye, ngithi umhlaba wonke ubungezanele incwadi ebezingalotshwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible Society of Zimbabwe 1978